الدرس 2 علوم الصف الرابع الترم التاني مفهوم تفتت الصخور وتحركها الوحده الرابعه اسطح متحركه نشاط 4 7

بسم الله الرحمن الرحيم السلام عليكم ورحمه الله وبركاته اهلا بكم سنه رابعه يا رب تكون اموركم بخير هنكمل مع بعض كده الوحده 12 في الدرس التاني في العلوم نزلنا لك الحصه الاولانيه وادخل بعد كده على قائمه التشغيل من وقت للتاني علشان هنزل لك فيها دروس لسه ما اتنشرتش بس هي ممكن تلاقيها جوه قائمه التشغيل عشان بس ما جاش لسه ميعاد النشر بتاعها عايزين منك لايك على الفيديو اذا سمحت عشان يوصل لزمايلك ويلا بينا حبيبي نفهم الدرس التاني اي نعم هنبدا من حيث انتهينا بس هنجيب اللي احنا انتهينا به تاني عشان نفكرك به يلا بينا يلا بينا بيقول لك يا سيدي في نشاط اربعه اللي احنا اخدناه الحصه اللي فاتت كان عندنا ثلاث تعريفات مهمه جدا التلات تعريفات قدامك يلا نقراهم مع بعض وفكرني ده تعريف ايه اول حاجه كده بيقول لك تكسير وتفتيت الصخور ده اسمه ايه ده اسمه التجويه انا عايز كله يحفظ معي النهارده كده التجويه والنهارده هنتكلم عن التجويه دي بشكل مفصل بقى وهنعرف انواعها كمان وهنمشي ونتتبع كل واحده بتحصل ازاي طيب بعد ما يتم تكسير وتفتيت الصخور بنعمل لها عمليه نقل نقل فتات الصخور او التربه ده اسمه ايه يا اولاد ده اسمه التعريه بقى حد فاكر التعريه اللي اخدناها للشواطئ ما هي كانت انتقال حبيبات الرمل انتقال حبيبات الرمل ده اسمه تعريه طبيعيه للشاطئ فنقل لفتات الصخور او التربه اسمه تعريه طيب الفتات ده هننقله عايزين بقى نعمل له تجمع او ارساء لهذه الفتات او لهذا الفتات الصغير او للتربه الصغيره عايزين نعمل عمليه ارساء يعني من الاخر كده نجمعهم في مكان للرواسب دي الرواسب اللي هي الفتات الصغيره في الاسفل ده اسمه عمليه الترسيب فكان عندنا ثلاث عمليات مهمه جدا بتؤدي الى تغيير في مظاهر السطح التجويه والتعريه والترصيب تكسير وتفتيت الصخور يا اولاد كنيس وتجويه وهنعرف ان عندنا نوعان من التجويه النهارده ميكانيكيه وكيميائيه والتعريه هي نقل هذا الفتات الصغير او التربه من مكان لاخر ثم بعد كده ارساء وتجميع هذه الراسب في الاسفل فبنعمل لها عمليه الحقيقه ان نشاط رقم خمسه ملغي من عليك بس هو كلمه ونص ما هي المشكله ما نعرفهم يعني مش هنخسر حاجه بالعكس ده هيقوي معلوماتنا عن التجويه بيقول لك تفسير معنى التجويه احنا النهارده في الحصه دي هنقرا المكتوب ونفسره خلاص انا حاولت على قدر الامكان ان انا يعني اختصر لك في الكلام عشان سنك برضو طيب بصراحه المفهوم ده بالنسبه لك يعني كبير عليك سنه بس مش مشكله احنا قدها طبعا صح احنا قدها والله يلا بيقول لك عندما تتكسر الصخور الكبيره عندنا صخره كبيره كده يا اولاد بتتكسر بفعل بعض الاشياء هنتكلم عنها كمان شويه بس اصبر علي المهم ان الصخر الكبير ده بدا يتكسر اه الصخر الكبير ده يا اولاد زي الصخر اللي بيكون الجبل يعني احنا اولاد مثلا عندنا جبل كبير قوي كده الجبل الكبير ده بدا يتكسر طيب بدا يتكسر ليه بفعل مثلا جريان الميه او بفعل بعض الحاجات اللي هناخدها كمان شويه فبدات الصخور الكبيره دي تتكسر ده ممكن يستمر تكسير هذه الصخور الى صخور اصغر والصخور الصغيره تفضل تتكسر ليه صخور اصغر لحد في الاخر خالص ما تديني رمل عارف حبيبات الرمل ما اقدرش اكسر اكتر من كده اذا تم تكسير الصخور الكبيره الى صخور اصغر في اصغر في اصغر في اصغر ده بيسمى اولاد تجويه خلاص يبقى انا باخد صخره كبيره زي ما قدامك في الصوره كده ده الصخر المكون لمين بيكون الجبال بعدين نعمل له تفتيت فيبدا الحواف بتاعته تتكسر الحواف اللي بره بتاعته بيتكسر فالحواف اللي بعد كده تتكون وبعد كده تتكسر بفعل بعض الحاجات اللي هناخدها كمان شويه ثم بعد كده الفتات الصغير ده او الصخور دي تتكسر صخور اصغر والصخور الصغيره دي تفضل تتكسر تتكسر تتكسر لحد في الاخر خالص ما تبقى حبيبات صغيره جدا اللي احنا بنقول عليها الرمل ده بقى يعني النشاط اللي كان المفروض بيقول لك ملغي من عليك يعني كلمتين ونص ما لهمش اي لازمه خالص تمام تعال بقى ننطلق الانطلاقه الفعليه في حصه النهارده وهي الجزء المهم والاهم النهارده طيب هناخد انواع التجويه التجويه يا اولاد فكروني بها اصل انا بنساها هي عمليه تكسير وتفتيت الصخور يبقى نرجع لورا كده ونفهم لما احنا جايين نتكلم عن التجويه يعني احنا جايين نعرف الصخور بتتكسر ازاي بالبلدي اهو احنا بنحب نتكلم بالبلدي عشان نفهم بعض بصوا يا اولاد اي طالب في سنه رابعه احنا دلوقتي هناخد في نشاط رقم سته انواع التجويه بالبلدي كده احنا هنعرف مع بعض دلوقتي هي الصخور بتتكسر ازاي من الاخر خلاص طيب انا بحب دايما اسالك بعض الاسئله وانا شغال عشان اعرف مين اللي مذاكر الحصه اللي فاتت بقول لك هو صح ولا غلط التجويه من العمليات من العمليات ولا من العوامل التي تغير من سطح الارض صح ولا غلط طبعا صح العمليه التجويه واحده من العمليات اللي بتؤدي الى تغيير في مظاهر السطح وكمان معها التعريه والترسيب كلام جميل جدا انواع التجويه ممكن السؤال يجي لك في الامتحان يقول لك انواع التجويه نقط ونقط تقول له اسمع بقى كويس معي تجويه كيميائيه عندنا تجويه ايه يا اولاد كيميائيه وعندنا تجويه ميكانيكيه لا استنى شويه عشان ما تتلخبطش استنى علي كده النوع الاول يا مستر اسمه تجويه ايه تجويه كيميائيه كيميائيه وعندنا نوع تاني يا اولاد اسمه تجويه ميكانيكيه فاحنا بنقول عليها فيزيائيه لو قابلت الكلمه يعني التجويه ميكانيكيه يعني تجويه فيزيائيه قال يعني يا مستر انا فهمت يعني ايه ميكانيكيه فاهم يعني ايه فيزيائيه حضرتك انت ما فهمتش يعني ايه كيميائيه اصلا عشان تيجي تسالني هنا حبيبي يا باشمهندس اللي في سنه رابعه احلى دكتوره في سنه رابعه بص يا حبيبي الحاجه لما يحصل لها تغير كيميائي اذا بيحصل تغيير في طبيعه الحاجه اللي بتكونها انا عارف ان الكلام كبير عليك فعشان كده هنمشي سنه سنه بالراحه لحد ما نوصلها لك هنبدا نتكلم عن تعريف كل واحده بيقول لك يعني ايه تجويه كيميائيه يا باشمهندس بيقول لك مش احنا جايين نعرف الصخور بتتكسر ازاي اهو بيقول لك تتفتت فيها الصخور بس في ملاحظه ايه هي مع تغيير تركيبها الصخور دي يا ولاد بتتكون من معادن من معادن امال ما بشوفهاش ليه طب ما انت جسمك بيتكون من معادن ما بتشوفهاش الصخور جواها معادن المعادن هي اللي بتكون الصخر لما بيحصل تجويه كيميائيه بيحصل تغيير في تركيب المعادن اللي جواها طب نتيجه ايه استنى بس على رزقك شويه هقول لك بس نفهم التعريف الاول طيب تتفتت الصخور مع العكس اذا تم تفتيت الصخور بس ما غيرتش من الطبيعه بتاعه الماده اللي بتكونها يبقى ده اسمه تجويه ميكانيكيه يبقى انا عندي تجويع ميكانيكيه اللي هي تفتت الصخور ولكن دون تغيير في تركيبها لا تغير من طبيعه الماده المكونه للصخر اذا مين هي التجويه اللي بتغير من طبيعه الماده المكونه للصخر للتجويه الكيميائيه بس خلي بالك اصل الكلمتين زي بعض تجويه كيميائيه طب التجويه التي لا تغير من طبيعه الماده المكونه للصخر اسمها طبيعه تجويعي ميكانيكيه كلام جميل طيب عايزين يا مستر نفهم الموضوع بشكل مفصل اكتر طب عيني لك تعالى ناخد التجويه دي نتكلم عنها يلا الناس اللي ما حطتش لايك يا اولاد اللايك ده بيساعدنا نوصل لكل زمايلك العيله بتاعتنا لما هتكبر صدقني في مصلحتنا كلنا طيب واحنا بنتعب قوي على ما نوصل فيديوهات لزمايلك فدي حاجه بسيطه ممكن تساعدنا فيها ان احنا نوصل فيديوهات لزمالك اولاد طيب هناخد دلوقتي اسباب حدوث التجويه الكيميائيه طيب التجويه الكيميائيه دي فكرنا اصل انا بنسى التجويه الكيميائيه دي بتغير من طبيعه الماده المكونه للصخر ولا ما بيتغيرش لا يا مستر بتغير يبقى احنا دلوقتي يا ولاد هنعرف الصخور بتتكسر ازاي واحنا بنعرف ازاي هنعرف ازاي بيتغير تركيبها يلا بينا ما هي اول حاجه كده بتؤدي الى حدوث تجويه كيميائيه الميه الميه اه الميه جريان الميه او دخول الميه في الشقوق اللي موجوده ما بين الصخور مستر انا ما بشوفش الشقوق اللي موجوده في الصخور دي هي شقوق صغيره جدا اصلا انت ممكن ما تشوفهاش طبعا الميه تقدر تدخل لاي مكان بصوا يا اولاد اول حاجه كده جريان الماء على الصخور الميه دايما لما بتجري على اي حاجه بتنحت فيها بمعنى اصح بيؤدي ذلك الى اذابه المعادن المكونه للصخور مش انت قلت لي من شويه او مش انا قلت لك من شويه ان الصخور دي بتتكون من معادن اه الميه وهي ماشيه على الصخر بتؤدي الى اذابه المعادن المكونه لها طيب الميه يا مستر عدت على الصخر ودوبت المعادن اللي فيها طيب اول ما تدوب المعادن اللي فيها الصخر بقى يقدر يتهشم عادي يعني ايه يتهشم يتفكك يؤدي ذلك اللي هو ايه يعني اللي هو اذابه المعادن بعد ما المعادن تدوب يؤدي ذلك لتفكك التربه وتفتتها ليه اصل المعادن اللي كانت ماسكاها دابت في الميه طب وبعدين بقى تبدا المعادن دي تتحد مره اخرى وتعمل لك اشكال حلوه زي الاشكال ده دي الاشكال ده اهي يا اولاد جت بسبب المعادن الموجوده في الحجر الجيري الموجود بالكهوف طيب تاني تاني خلي بالك اصل احنا لسه مكملين هل هو سبب واحد اللي بيعمل تقويه ميكانيك تجويه كيميائيه لا ده ده اول واحد بصوا هم كم واحد تلاته انا عامل لك عليهم باللون الاحمر احنا بنتكلم في كل نقطه في الاول بالراحه احنا دلوقتي يا اولاد بنتكلم عن التجويه الكيميائيه التجويه اللي بتغير من طبيعه الماده اللي بتكون الصخور طب يا مستر التجويه دي بتحصل ازاي اول حاجه سبب من اسباب حدوثها هو الميه طب الميه يا مستر ازاي بتعمل تقويه كيميائيه جريان الميه يا ولاد على الصخر بيؤدي الى اذابه المعادن المكونه لها طب المعادن اللي كانت ماسكه الصخر دابت في الميه يقوم الصخر يبدا يتفتت ثم بعد كده المعادن ديت اللي كانت دايبه في الميه تبدا بعد كده تتحد مره اخرى وتكون لنا مواد جديده زي المواد اللي احنا هنشوفها في الصور دلوقتي اه زي الصوره اللي قدامك دي الصوره اللي قدامك دي بتتكون من المعادن اللي كانت موجوده في حجر يا ولاد اسمه الحجر الجيري اللي بيبقى موجود في الكهوف طيب يبقى اول سبب من اسباب حدوث التجويه الكيميائيه عرفوني مين الميه طيب تاني سبب الهواء وخاصه الاكسجين الاكسجين الاكسجين اللي احنا بنتنفسه بيعمل تجويه كيميائيه اه يا عم انت مستغرب ليه طب ازاي يا مستر اقول لك عندنا يا ولاد حاجه اسمها صدى الحديد ازاي لو جبت حته حديده صغيره وحطيتها عندكم على السطوح وسبتها وجيت كل شويه رميت عليها شويه ميه وسبتها على السطوح اسبوع هتيجي بعد اسبوع تلاحظ ان حته الحديده دي اتكون عليها من فوق طبقه بنيه كده انت بتقول الحديد صده صح عارف صده ليه نتيجه التفاعل بتاعه مع الحديد في جو رطب مع الاكسجين في جو رطب لو وجد الحديد في جو رطب يعني في ميه يعني عليه مع الاكسجين يعمل حاجه عليه اسمها صدا الصدا دي يا اولاد طبقه ضعيفه من الاخر تضعف الحديد يعني مين اللي يضعف الحديد الصدا عارف يا اولاد لما يكون في واحد عنده جسمه قوي اه ودخل فيه سقم او مرض حتى لو هو قوي المرض يقدر يتمكن منه للاسف وهو ده بالظبط لا اقصده في الحديد الحديد قوي جدا ما حدش يقرف يعمل معه حاجه لكن لو دخل الصدا بتاع الحديد الى الحديد يضعفه هو ده اللي بيحصل هنا من ضمن المعادن اللي بتكون الصخور يا ولاد في معدن الحديد يقوم الحديد ده يتفاعل مع الاكسجين ويصدي فيبدا يضعف من قوه الصخر فيتفتت جميله لا حلوه الحته دي تاني سبب من اسباب التجويه الكيميائيه هو الهواء وخاصه الاكسجين اسمه الاكسجين مش الاكسجين اسمه الاكسجين طيب عند تعرض الصخور يا اولاد للهواء يحدث تفاعلات كيميائيه وما توقفش عند الكلمه دي لان انت عمرك ما هتعرف تفهمها دلوقتي بين مين ومين بين الاكسجين والحديد ويتكون الصدا اهو الصدا حصل هو الصدا ده يضعفك ولا يقويك حديد لا يضاعفني جدا او على فكره انت ممكن تمسك حته حديد مصديه تتنيها بايديك عادي لكن لو الحديد مش مصدي انت مستحيل تتنيها فيضعف تماسك الصخر والصخر لو ضعف اتفتت على اي حد يا ابني في الدنيا دي يضعف يتفتت على طول اوعى تضعف في يوم من الايام لو حصل ايه اوعى طيب يبقى تاني سبب الاكسجين اللي موجود في الهوا اللي بيتفاعل مع الحديد اللي بيكون الصخر او ضمن معادن ضمن المعادن اللي بيتكون الصخر وعلى طول يضعف بسبب تكوين الصدا اخر حاجه الاحماض هي مستر الاحماض دي لا صعب عليك تعرف يعني احماض عارف يعني ايه كده زي عارف الليمونه لما تحطها على لسانك بتتلزع كده صح اهي الليمونه دي حمض من ضمن الاحماض المهم يا اولاد هناك بعض الاحماض التي تنتجها بعض الكائنات الحيه زي الاشنيات ودي كائنات حيه دقيقه عامله زي النباتات كده بصوا اهي شكلها اهي المهم ان الاحماض دي يا اولاد بتنمو بتدخل للصخر من جوه وبتتفاعل مع الحاجات اللي جوه وتضعف الصخر بيقول لك تتغلغل الاحماض وتدخل الصخور وتسبب تاكلها وعندنا كمان يا ولاد احماض بتبقى في المطر المطر يا ولاده هو نازل بيكون نازل حاجه محترمه جدا تقدر تلمه في اي طبق او كوب وتشربه اه زمان قبل حدوث الثوره الصناعيه اللي احنا عايشين فيها دلوقتي وسيارات ماشيه يمين وسيارات ماشيه شمال وعوادم بتطلع لك ابخره وحشه زمان ما كانش فيه الكلام ده كان المطر بيتلم ويتشرب عادي المطر ميه عازبه دلوقتي ما تعرفش تشرب المطر طب ليه لانه عاد فيه في الهوا غازات سامه والمطر وهو نازل بيلمها ويعمل لك مطر اسمه مطر حامضي مطر مضر جدا بيسبب تاكل الصخور تعرف ان الامتار الحامضيه ديت عملت على تاكل يا اولاد التماثيل اللي الفراعنه سابوها ليه بقى لانها مطر حامدي دخل للمعادن اللي بيكون الصخر ففتته فايقوم التمثال واقع يبقى برضو من ضمن الحاجات يا اولاد اللي بتؤدي الى تاكل الصخور وتغيير طبيعتها عشان تعمل لي تجويه كيميائيه الاحماض الاحماض بتيجي من حتتين بتيجي من بعض الكائنات الحيه وبتيجي من المطر الحامضي من الامطار الحامضيه ودي ودي احماض بتتغلغل يا ولاد للصخر ولو تغلغلت للصخر يعني انت غلغللت بها مشترك الكلام ده كبير علي انا ما اعرفوش يعني انت يقول لك الواد ده تغلغل تغلغل بالراحه وهرب يعني ايه تغلغل يعني اتسحب دخل من الشقوق هناك شقوق في الصخور انت ما بتشوفهاش بعينيك خلاص طيب يبقى التلات حاجات يا اولاد اللي بيؤدوا الى حدوث التكويه الكيميائيه الميه والهواء اكسجين وبعدين الاحماض طب انا عايز اسال سؤال عشان اعرف مين فيكم اللي هيبقى دكتور ومين في كل هيبقى مهندس ومين اللي مش هيكمل طيب اوعى تحسب ان انا لو انت ما جاوبتش فانت لا اقصد عايز اعرف مين بقى اللي هيجاوبني طيب الميه نزلت على الصخر وكمان المعادن اتفعلت مع الاكسجين والاحماض دخلت هل كل ده بيحصل بسرعه قوي يعني هل التجويه الكيميائيه بتحصل في خلال ساعه ولا اتنين مثلا ولا بتاخد وقت مين يجاوبني طبعا بتاخد وقت يا راجل ده انا من شويه بقول لك حط حته حديد وسيبها على السطوح اسبوع ده كلمه اسبوع دي بس حاجه مبدئيه اسبوع ايه ده بتاخد اوقات كبيره جدا طبعا التجويه الكيميائيه يا مستر بتاخد وقت كبير طب سؤال كمان انت شفت تفتت الصخور بعينيك يعني انت شفت الميه وهي داخله وهي خارجه والمعادن وهي بتتفكك والكلام ده كله لا طبعا التجويه انت ما بتشوفهاش بعينيك امال عرفنا ان حصل تجويه منين من اثار التجويه لما الصخر اتفتت شفناه متفتت لكن احنا ما شفناهوش وهو بيتفتت بسبب اللي حصل له انت عايز تقول لي ايه يا مستر من الاخر اصل انا فهم على قدي وانا راجل في سنه رابعه ولسه برضو عظمتي ما كبرتش عايز اقول لك يا حبيبي ان التجويه الجميله بتاعتنا بتاخد وقت بتاخد وقت ما بتحصلش بسرعه يعني ما هياش حاجه بتحصل في ساعه ولا اتنين ولا ولا ولا ده بتاخد وقت وكمان انا مش بشوفها بعيني انا بشوف الاثار بتاعها واحد يقول لي فهمني اكتر يا مستر اقول له ماشي انت بتشوف الهوا يا باشمهندس يقول لي لا اقول له طب انت عرفت منين ان الهوا موجود يقول لي ما انا بحس تاثيره على الحاجات حواليا يعني مثلا لو في فرع من الشجره بيتحرك فانا عارف ان في هواه بيحركه حلو قوي خلينا هنا انت عرفت ان الهوا موجود من تاثيره انه حرك شجره انه لو الهواء شديد انت بتحس به على الوش بتاعك وعلى جسمك وقت صح فبنحس او بنعرف ان الهوا موجود من تاثيره كذلك برضو احنا بنعرف ان حصل تجويه من تاثيرها من ان الصخر شفناه متفتت لكن احنا منعرفش تفتت ازاي لا ما شفناهوش وهو بيتفتت بفعل اللي حصل له لكن احنا عرفنا بعدين هو اتفتت ازاي خلاص فاحنا بنعرف التجويه من الاثار بتاعتها على الحاجه لكن احنا ما بنشوفهاش حلو الكلام حلو الكلام ده كان تجويه كيميائيه التجويه اللي بتغير من طبيعه الصخر عارف ليه بتغير من طبيعه الصخر لانها بتدوب المعادن اللي جواها المعادن اللي بتكون الصخور لو دابت شكرا الصخر ده خلاص اتغيرت الطبيعه بتاعته عندنا بقى يا اولاد تجويع حنينه شويه يعني احنا هنا ده يا مستر انت مالك حدد صوتك ليه كده اصل التجويه دي بتفتت الصخر بس الصخر بس يعني بتسيبه زي ما هو بتسيب الصخر بنفسه طبيعته بس بدل ما كان حته كبيره تخليه حتت صغيره من الاخر طيب قبل ما ندخل على التجويه الميكانيكيه يا اولاد عايز اسالك سؤال حلو قوي هو انت لو جيت وحطيت ازازه ازازه مليانه على اخرها ميه في الفريزر وسبتها ونسيتها خالص جيت تاني يوم تبص على الازازه اللي هتلاقيه هتلاقي الازازه مفرقعه مكسوره والميه متلجه وخارجه منها ايه ده هو حد يروح يعمل التجربه ما تعملهاش بس اكيد ماما او بابا او اي حد شاف الملحوظه دي ليه لما بنحط ازازه مليانه ميه في الفريزر الازازه بتلج قوي وتنكسر الازازه فعلا ممكن تنفجر والغطاء كمان ممكن يتشال ويقع وكل ده بيحصل لو حطيتها في الفريزر لان الميه لما بتتجمد حجمها بيزيد الميه يا اولاد لما بتتجمد حجمها بيزيد علشان كده لما بيعملوا ازازه حاجه ساقعه احنا بنقول عليها ازازه كوكاكولا يقول لك الناس دي بخله ولا ايه ده سايبين شويه من الازازه فاضيين من فوق هم مش سايبينهم بخل منهم سايبينهم لتكون انت واخد الازازه وحاطتها في الفريزر فالشويه اللي فاضلين دول يا باشمهندس هم شويه اللي الميه هتزيدهم لو اتحطوا في الفريزر فعشان الازازه مات تنفجرش فعشان عاملين حسابهم لتكون انت حاططها في الفريزر على حاجه ونسيتها فالزازه تنفجر وهتنفجر بقوه فعشان كده سايبيني شويه دول ده مش بخلي منهم ولا حاجه ده خايفين عليك المهم يا مستر ايه معنى او ايه علاقه اللي انت بتقوله ده بكلامنا النهارده احنا بنتكلم في صخر وانت بتتكلم معنا دلوقتي في ازازه ميه في الفريزر وبتاع وكلام من ده لا ده الكلام ده مهم في النهارده في الصخور ما هو اللي حصل للميه في الفريزر هيحصل دلوقتي في الصخر اول حاجه من اسباب حدوث التجويه الحنينه اللي هي التجويه الميكانيكيه ان الميه دخلت للشقوق وبعدين الجو برد فالميه ده اهي اتلجت فالميه لما بتتلج او بيحصل لها عمليه تسليك بالثهم طلع لسانك بره عايزه حجمها يزيد طب هي دخلت جوه الصخر مش عارفه تزيد فتقوم مهشمه الصخره عشان تزيد هي زي ما حصل قدامها ايه ده يا مستر الميه تهشم الصخر لو عايزه تهشم اي حاجه الميه لما حجمها بيزيد تهشم اي حاجه مكتفاها يبقى بص بص بص اول حاجه كده الحراره والبروده سبب من اسباب حدوث التجويه الميكانيكيه يعني ايه بقى الحراره والبروده يعني لو الميه دخلت من خلال الشقوق الموجوده بالصخور اللي انت مش هتشوفها بعينيك وبعدين الجو برد فالميه اللي جوه دي هتلج صح اول ما تتلك حجمها عاوز يزيد طب هي موجوده جوه الصخر مش عارفه تطلع الصخر مكتفها فتقوم مخلياه الصخر يتهشم عشان تزيد هي يبقى اول حاجه الحراره والبروده ده حاجه بتعمل لي تجويه ميكانيكيه تتسلل المياه تعال نقرا يلا مع بعض تتسلل المياه وتتجمع داخل الشقوق الدقيقه يعني الصغيره اللي جوه الصخر ثم بعد ذلك تتجمد المياه عند انخفاض درجه الحراره فيزداد حجمها فتسبب اتساع الشقوق اللي دخلت منها ليه لانها عاوزه تزيد حجمها هيزيد فهتبدا تهشم بقى ينصهر السلج وتملا المياه الشقوق جديده يعني مثلا التلج ده اولاد خلاص الحراره عليت فيبدا يدوب يدينا ميه دخلت ميه جديده في الشقوق الكبيره اللي حصلت والجو برد فتقوم عايزه تخرج فتقوم موسعه اللي دخلت منه اكتر فوق وهكذا تقعد الميه تدخل تتلج توسع الشرخ اكتر تقعد الميه اكتر توسع الشرخ اكتر في اكتر في اكتر لحد ما الصخر ده ينكسر وده برضو بعد كده ينكسر وده بعد كده ينكسر ويستمر التكسير التكسير التكسير لحد ما يحصل تقويه ميكانيكيه خلي بالك ان الصخر اللي اتكسر هو نفسه طبيعه الصخر الاولاني هو بس اتكسر نتيجه زياده حجم الميه عند تبريدها لما الجو برد فدي ما غيرتليش من طبيعه الصخر المعادن اللي موجوده في الصخر هي هي فلذلك اسمها تجويه ميكانيكيه ولو انت عاوز يعني تبقى ولد شطور قوي على صحابك قل لهم دي تجويه فيزيائيه يقول لك يعني ايه تجوا فيزيائيه اقول لهم هو المستر قال كده بس وجه هنا وقف اه خلاص خلاص نكمل يا اولاد ايه هو بقى يا مستر تاني سبب من اسباب حدوث التجويه الميكانيكيه الرمال والرياح عارف لو انت جبت عارف انت بيبقى عندنا كده ولاد حاجه اسمها بلاور بالبلور ده لو وصلته بالكهرباء بيطلع لك طيار هوا التيار الهواء ده بقى لو كان طيار رمل واصدرته على صخر لمده ساعه هيفتت الصخر اللي على فكره اللي قدامك ده هيفتت الحواف بتاعته الرياح لما بتيجي شديده اوعى تحسب الريحه اللي في الصحراء زي الريحه اللي عندنا رياح عاديه قوي بتلف شايله الحصى والرمل معها فلما هتصطدم بصخره هتبدا تكسر الحواف بتاعتها من بره تنحتها بيقول لك عند هبوب الرياح تندفع الرمال بقوه على على اسطح الصخور ما هي الرياح بتدور بسرعه شايله شايل الرمال معها الرمال وهي بتدور مع الرياح تخبط في صخره تبدا تكسر الحواف بتاعته وتتفتت لقطع صغيره وخلي بالك ان حركه الرياح دي باستمرار مش مش مجرد خبطه ولا اتنين يبقى ما هو اول سبب من اسباب حدوث التجويه الميكانيكيه ما تقول لي يا ابني انا بنسى قول معي الحراضه الحراره والبروده وهذا التفسير بتاعها عرفنا الميه بتخش للشكوك وتتجمد وتتلج وبعدين حجمها يزداد والكلام ده كله الرياح والرمال الرياح بتشيل الرمال وتلف بسرعه فتخبط في الصخور فتفتتها المياه المندفعه اهو زي ما موجود قدامك بيقول لك عندما تندفع المياه على الصخر الميه مش جايه لوحدها الميه شخله شايله عفوا شايله صخور تانيه زي الحصى والرمل المنجرف فتتوافق فتتفتت الحواف الخشن للصخور المدببه ما في صخر عمال ينزل عليها في حصى ورمل عمالين ينزلوا عليها والميه شغاله فتبدا الحواف بتاعه الصخور دي تتفتت الحواف المدببه وبسبب سرعه جيران الماء يا اولاد بتتراكم الصخور دي واحده فوق الاخرى فتبدا تتكسر قطع الصخور الكبيره لقطع صخور صغيره ده معنى التجويه الكيميائيه والتجويه الكيميائيه الميكانيكيه واسباب الحدوث فاضل سبب كمان هم مش تلاته هم اربعه الحراره والبروده الرياح والرمال تالت حاجه المياه المندفعه رابح حاجه الاشجار اذا يا مستر الاشجار بتكسر صخور هو الاشجار دي كائن حي اولا هي كائن حي صح انت تقصد يعني الكائن حي زي الانسان يعني ممكن يمشي ويكسر صخر انت فاهم غلط الصخر مش هيمسك او الشجر مش هيمسك صخره ويقعد يخبط فيها لحد ما يكسرها لا بس الاشجار يا ولاد عندها جذور عندها جذور الجذور بتاعتها عند النمو بتاعها بتقعد تتسحب كده وتدحلب كده في الارض عاوز اهو الصخور اللي تحت الجذور تقعد تمشي تمشي تمشي طب هي الجذور دي بتمشي رايحه فين بتدور على مكان فيه ميه الجذور بتاعه الشجره كل اما بتكبر كل ما بتفتت التربه والصخور كمان على فكره الاشجار ما بتنموش في التربه بس في اشجار او في نباتات بتنمو في الصخور الجبليه والجذور بتاعتها وهي ماشيه بتمشي في الشقوق اللي موجوده يا ولادنا بين التربه فتبدا تفتت الصخور دي وهي ماشيه اثناء نمو وزياده طول جذور الاشجار والنباتات الاخرى في شقوق الصخور تتفتت الصخور لقطع صغيره اديتك ملحوظه من شويه قلت لك خد بالك ان التجويه ايا كان نوعها ميكانيكيه او كيميائيه بتاخد وقت واحنا ما بنشوفهاش ولكن بنلاحظ تاثيرها على الحاجات من حوالينا زي ايه زي ان احنا كنا شايفين النهارده انا اهو صخره قويه جينا بعد شهر بعد سنه بنبص لقينا ان الصخر دي اتفتت الا اللي حصل اللي حصل ان حصل لها تجويه ايا كان نوعها كيميائيه ولا ميكانيكيه طب انت عرفت منين ان حصل لها تجويه اصلها اتكسرت وطالما اتكسرت وبقت فتات صغير يبقى حصل لها تكوين يبقى انا ما شفتش التقويه وهي بتحصل بس شفت تاثيرها على الاجسام خلاص لو فهمت لحد كده النهارده انت كده خلاص انا مش عايز منك اكتر من كده بالنسبه لنشاط رقم سبعه هو عباره عن نشاط واحده بنت ووالدها راحوا رحله تعال كده نقراه مع بعض عشان نفنش الحصه الجميله بتاعتنا وخد بالك معايا لان انت اللي هتجاوبني دلوقتي بيقول لك القوه التي تشكل سطح الارض حتى انا قايل لك ان النشاط عباره عن تمارين اهو ركز معي بيقول لك ذهبت جنى ذات يوم في رحله الى شرم الشيخ يا ريتني انا كمان معك يا جنى مع والديها وزاره جبل سانت كاترين والراجل هنا عايز يقول لك ان جبل سانت كاترين موجود فين يا اولاد في شرم الشيخ فوجدت صخورا مفتته متفتته في الجبل بص كده على الجبل فعلا في صخور حوالين الجبل كتير مفتته ما شاء الله عليها ونبغه وجميله البنوته قالت بابا هو ايه السبب ان احنا في صخور كده متكسره يعني ليه الصخور ديت متكسره كده والدها شرح لها طبعا التجويه والتعريه والترصيب وبعدين سالها عده اسئله لتاكد من فهمها يعني هو شرح لها ان شاء الله عليه قال لها بصي يا بنتي يا حبيبتي النهارده في حاجه اسمها تجويه وفي حاجه اسمها تعريه وفي حاجه اسمها ترسيب في حاجه اسمها تكسير وتفتيت وفي حاجه اسمها نقل الفتات وفي حاجه اسمها ارساء الفتات ده في الاخر خالص عشان نعمله ترسيب المهم طلع راجل جميل يا اولاد وشرح لها عقبال كده ما تروح شرم الشيخ وبابا يشرح لك ان شاء الله المهم قال لك ايه بقى قال لك انا البنت شكلها كده ايه فهمت ما نسالها كذا سؤال كده نشوفها فهمت ولا لا فسالها الثلاث اسئله اللي تحت دول يا باشمهندس قال لها في الاخر بقى خالص انت يا بنتي يا حبيبتي هل سقوط الامطار على الجبل كان سبب في تكسير جزء من الصخور الموجوده انا عايزك انت ترد عليا دلوقتي طبعا طبعا طب ازاي فسر لي كده جريان الميه اصلا ممكن يخش من الشقوق يتفاعل بالضبط كده مع المعادن اللي جوه ويدوبها كمان اصلا الميه اللي نازله مع المطر ممكن تكون مطر حامضي يتغلغل للمعادن اللي جوه فيدوبها فيتغير طبيعه الصخر ويتفتت هل سيحدث لصخور الجبل شيء اخر بعد مرور 20 سنه طبعا ليه لانه يستمر تكسير الصخور الى صخور اصغر منها لان عمليه التجويه عمليه مستمره طالما في مطر بينزل وطالما في ميه بتتحرك على الصخر يعني بعد عشرين سنه هنيجي نلاقي فوتات اكتر على الجبل بعيد جدا نلاقي حصل للجبل تكسير كبير جدا اه هو التجويه يا اولاد بتحصل مره في العمر ولا ايه التجويه شغاله على طول طالما هناك سبب من اسباب اللي يخلي التجويات تحصل طب هو المطر هيجي في يوم ويقف ابدا المطر الى ان يرث الله الارض ومن عليها شغال اخر سؤال بيقول لك تكسرت الصخور الموجوده على هذا الجبل بفعل عمليه قول يا باشمهندس قول يا دكتور التجويه طبعا طب يا مستر اقول له تجويه كيميائيه ولا ميكانيكيه لا انت تقول له بسبب عمليه التجويه فقط طب تعال كده اختر المصطلح المناسب عمليه سطحيه ميكانيكيه او كيميائيه تؤدي الى تفتيت الصخور الى قطع صغيره يلا نجاوب مع بعض اسمها ايه التجويه ارساء الرواسب في الاسفل اضطرسيب تحريك فتات الصخور ده انت اللي هتقول لي بقى تحريك فتات الصخور يعني نقل الفتات يعني المهم خلاص ما فضلش غيرها التعريف هنا بيسالك بهالد نعم هل سيحدث نعم وطبعا التفسير حضرتك شفتني وانا بفسر دلوقتي دي كانت حصتنا النهارده فهمت اهم حاجه بس تكون فهمت انا عارف ان انت لو فهمت هتعرف تتكلم وهتعرف تذاكر الحصه اولياء الامور بالنسبه للورق البسيط اللي احنا بنعمله ده اللي احنا بنسهل به على الولاد بينزل على جروب التليجرام اللي موجود في الوصف عندك تحت كمان لو ما عندكش تليجرام تقدر بس تنزل في الوصف تحت هتلاقي لينك الورق لو ضغطت عليها هياخدك للفيسبوك لمكان الورق طب يا مستر بندخل اوقات ما بنلاقيش لينك الورق محطوط ده عشان انا لسه ما نزلتش الورق اول ما بنزله بسحب اللينك وبحطه لك دلوقتي بعدين المهم بتلاقي اللينك في يوم من الايام محطوط وغالبا ما بيكون بعد نزول الحصه بساعتين او بتلاته او تاني يوم على طول بشكركم جزيلا كل سنه وانتم طيبين كل سنه وكل ام بخير كل عيد ام وكل ام طيبه وبخير وكل ولد بيسمعني يبوس ايد ماما ويقول لها كل سنه وانت طيبه يا امي كل سنه وانت طيبه يا احسن حد في الدنيا لان محدش هيحبك قد مامتك اسمع مني ولا حتى بابا بابا بيحبك حب مش هيبينهولك بابا ممكن يحبك اكتر من ماما بس مش هيبين لك بس مبين لك بتبين لك بتقعد بقى تحضنك وتبوسك وبالغير كده كمان بقى تعمل ايه تعمل لك الاكل والشرب وتقول لك تعال انت اكلت ولا ما اكلتش تعال انت هدومك عامله كده والضرب اللي ماما بتضربه لك ده حب على فكره بكره تعرف ماما وتعرف كمان قد ايه ماما دي كانت بطل من الابطال اللي خلوك اكتر واحد في الدنيا ناجح اوعى ماما في يوم من الايام تزعل اه انت بتزعلها بس اوعى تنيمها زعلانه بقى خلاص بقى ابوس راسها كده مامتي حبيبتي مش عارف ايه عشان حتى كمان الاثنين تلاته جنيه اللي بتاخدهم دول دلوقتي اكيد زمنهم بخمسه بقى دلوقتي تتاخد بحب كده بنهزر طبعا ماما على راسنا كلنا كل سنه وكنت طيبه اي وليد امر معانا كل سنه وحضرتك طيبه ويا رب دايما تشوفي اللي بتعمليه في ولادك شيء عظيم جدا اشوفكم على خير سلام عليكم