الإقلاب وبداخله الإخفاء الشفوى من أحكام النون الساكنة والتنوين

هنكمل الدرس او الحكم الثالث من درس النون الساكنه والتنوين في الفيديو الثاني انا قلت الحكم الثالث هيبقى الاخفاء انا كنت مستعجله من كتر ما انتم مستعجلين غلط طبعا هناخد الدرس او الحكم الثالث هو الاقلاب ليه هو يعني الترتيب يفرق ما يفرقش الا في تقديم المعلومه منهجيه تقديم المعلومه لازم واحنا بنقدم المعلومه عشان تكون اسلس واسهل في الاستيعاب ان انا اقدم الاصل قبل الفرع والاصغر قبل الاكبر والاقل تفاصيلا قبل الاكثر تفاصيلا فبما انه الاقلاب اسهل من الاخفاء واثل واقصر وتفاصيله قليله فاحنا هنقدم عن الاخفاء طيب الاقلاب باين من عنوانه باين من المصطلح من الاسم ده من اسم الحكم ان انا هعمل اقلاب وعلى فكره ظاهره الاقلاب ظاهره لغويه في اللغه العربيه يبقى احنا هندرس او هنشوف ايه المتميز اللي هنعمله في القران اما فيما يخص اللغه العربيه فعادي جدا العرب ممكن تقلب من حرف لحرف لاسباب معينه تعالوا اديكوا المثال اللي موجود في فيديوهات مشهوره ونستخدم نفس المثال علشان نوصل للحقيقه اللي احنا عايزين نوصل لها الا وهو عنبر عنبر عنبر دي كلمه في اللغه العربيه من غير ما نحتاج ان احنا نتعلم قران ولا نعرف حاجه اسمها اقلاب عادي جدا كل الناس هتقولها عمبر عمبر عمبر ليه اسهل في اللهجه عادي جدا اسهل في النطق فال اللهجات هتخلع الظاهره دي الا وهي اقلاب النون لميم طب ليه قلبنا النون لميم علشان قريبه من الباء الباء مخرجها الشفتين اما النون مخرجها اللسان ورا الشفتين فبدل ما اطلع لساني وبعدين احرك شفايفي لا اخلي لساني مرتاح واحرك شفايفي عم با عم با شفتوا اسهل ازاي انا اخويا الكبير اسمه مدحت مدحت دال مدحت احنا بنعمل ايه في لهجاتنا بنقول مدحت متحت متحت يبقى انا قلبت الدال لتاء لسهوله ذلك في النطق يبقى كلغه عربيه لا ده احنا عندنا حاجات كتيره قوي ممكن تتعمل لكن في القران احنا بنلتزم مش بس بنلتزم وبنزيد على اللغه العربيه امور مش موجوده في اللغه العربيه تعالوا ندرسها مع بعض في الاقلاب ولنفترض نجيب بقى كلمه من القران مش عنبر بتاعه اللغه العربيه نجيب كلمه موجوده في القران يعني اقصد اقول ان عنبر لم ترد في القران نقول انبئهم انبئهم انبئهم هتتقال ازاي انبئهم انبئهم ميم ساكنه عاديه زي اللغه العربيه لا مش هتتقال ميم ساكنه عاديه زي اللغه العربيه هيبقى في تميز زياده هيبقى في حاجه لازم نلتزم بيه ايه هي تعالوا شوفوا صاحب تحفه الاطفال قال ايه على الحكم الثالث للنون الساكنه والتنوين قال والثالث الاقلاب عند الباء يعني اقلاب النون والتنوين عند الباء ميما يعني هيقل بها ميم بغنه مع الاخفاء اخفاء هنعمل اخفاء ايوه هنعمل اخفاء مش هنخليها ميم مظهره ومش هنخليها ميم بغنه ذاتيه زي اللغه العربيه مش هنقول عنبر بس كده مش هنقول انبئهم بس كده على فكره يعني ما علينا ده في الميم الساكنه هب اقوله لكم ان شاء الله لما لو عملت فيديو عن اسباب الخلاف ما بين علماء المسلمين في الحكم ده اللي هو الاخفاء الشفوي طيب يبقى هنعمل ايه نرجع لمرجوعنا هنعمل ايه هنعمل غنه هنعمل اخفاء والاخفاء مش اظهار الاخفاء مش اظهار لازم يكون عندنا عقل لازم نفكر وما نقلش مش ممكن يكون الاخفاء هو الاظهار مش ممكن الاخفاء لغه يعني ستر لابد ان هو يكون في ستر للميم دي اللي احنا قلبناها بعد ما كانت نون قلبناها مم فلا بد ان احنا نخفي الميم فلو حصل ان حد قالها ام تماما تماما واطبق الشفتين تماما تماما وطلع الغنه وما غلطنا في الغنه بس غلط في الاخفاء بمعنى ان هو جاب صوت هو صوت الاظهار ام المقطع ده هو نفس المقطع بتاع ثم هو نفس المقطع الاداء ده مش مظبوط ومش معنى ان ربنا كتب على علماء المسلمين ان هم يختلفوا ان دي تكون فتنه ونشتم بعض ونح نحارب بعض مش هو ده الصح الصح للمسلمين ان هم يتوحدوا وان هم يحاولوا ان هم يزيلوا اسباب الخلاف فيما بينهم بالموده اما ده نوجهه عند ناس ثانيه مش على انفسنا طيب نرجع لمرجوعنا يبقى انا بقلب النون عند الباء بقلبها ميم وده عادي في اللغه العربيه انما في القران انا هزود حاجتين غنه زائده وكمان هعمل اخفاء لو اطبقت شفتي تماما ما يبقاش اخفاء يبقى اظهار بغنه زائده نفس الصوت اللي طلع في ثم اللي هي الميم المشدده الميم الساكنه بالغنه الزائده جوه الميم المشدده وعلى هذا الاساس وعلى راي الجمهور ونعتذر للقله القليله ونعتذر للمشهورين ونعتذر للمقلدين ما ينفعش نطبق شفتنا تماما طب لو اطبقت هروح النار لا طب لو اطبقت هتكره ونا لا طب لو اطبقت مفروض نتخانق مع بعض لا مفروض بكل حب نبين اسباب الخلاف ونحاول نكون متبعين مش مقلدين يعني نشوف ده بيقول ايه وده بيقول ايه وده بيقول ايه وده بيقول ايه والحمد لله ان ربنا بيرد العلماء بالعلماء جميل يبقى هعمل ايه التطبيق بتاعي ايه لازم اسيب فرجه بسيطه صغيره كمان اداء المصريين بعض المصريين لما بيفتحوا شفايفهم تماما مش مظبوط يبقى شوفوا الاداء المظبوط ام حد اخد باله ان في فرجه صغيره في شفايفي ايوه اصحاب الودان الحلوه هياخدوا بالهم هعمل لكم تجربه عشان تتاكدوا ان في فرجه بسيطه في شفايفي ان الصوت خارج منين من الفرجه الخفيفه اللي في شفايفي العلماء قالت على ست الميم الساكنه عند الباء ستر جزئي جزئي حاجه بسيطه كده فلو انا قلت ا وفتحت كتير كده غلط طبعا فين الميم خلي النون تبقى ميم وبعدين اخفي الميم عند الباء بغنه زائده والغنه دي هي علامه الاخفاء فتتحقق بفرجه بسيطه جدا الموضوع بسيط ان شاء الله كل الحكايه بس ان عضله شفايفنا ندرب انها تضبط الفرجه مقاس الفرجه البسيط ده عشان تبان الميم بس مختفيه اختفاء جزئي وطبعا الغنه حركتين ده تميز في القران وده دليل على وجود اما كمال او نقص وهنا احنا عندنا نقص اللي هو الاخفاء هل الاقلاب موجود في كلمه واحده في القران ولا ممكن يكون موجود في كلمتين لا ممكن يكون موجود في كلمتين طيب وعلامه الاقلاب ايه هنقول مع بعض كل حاجه لو تفتكروا الاظهار موجود في كلمه موجود في كلمتين عادي ده الحق الاصيل والطبيعي لاي حرف والادغام موجود في كلمه لكن مش موجود في كلمه اسفه الادغام موجود في كلمتين كلمتين لكن ما بيوجد في كلمه واحده في بناء كلمه واحده نرجع لمرجوعنا ده كان حاجه خاصه بالادغام الاقلاب موجود في كلمه واحده وموجود في كلمتين هديكوا حاجه جميله قوي اللي هي لو لو وصلنا انفال بالتوبه احنا عارفين ان التوبه ما فيهاش بسم الله الرحمن الرحيم فلو وصلنا اخر الانفال بالتوبه يبقى احنا هنوصل التنوين ب اللي هي النون الساكنه يعني بكلمه براءه ان الله بكل شيء عليم براءه طبعا انا طولت الغنه جدا جدا جدا لا لشيء الا للتعليم والانتباه وعشان تاخدوا بالكم من الصوت شكله ايه هتلاقوا بقى علامه العلامه دي هي ايه خلينا نرجع من الاول الاظهار كان التنوين بتاعي ماله فوق بعضه الواو والفتحه الضمه والفتحه والكسره والنون الساكنه عليها راس الخاء الصغيره ارجعوا لضبط القران او ضبط المصحف البلاي ليست بتاع ضبط المصحف دي علامه الاظهار علامه الادغام انه الحرف يتعر واللي بعده يبقى مشدد او مش مشدد في الادغام الناقص والتنوين بتاعي يبقى بيجري ورا بعضه فتحتين كسرتين او ضمتين بيجروا ورا بعض طب علامه الاقلاب ايه النون الساكنه هتلاقوا عليها ميم حلوه كده بالرجلين بتاعتها ميم حلوه كده برجلها اللي نازله منها والتنوين هتلاقوا فتحه م ضمه م كسره م هي دي علامه الاقلاب يبقى سريعا سريعا الموضوع ان شاء الله يكون بسيط الاقلاب للنون الساكنه والتنوين عند الباء فقط هنقلبها ميم هخف اخفاء جزئي هنطلع غنه حركتين الاقلاب بيكون موجود في كلمه وكلمتين الاقلاب علامته وجود حرف الميم الكامله مش حرف الميم الناقصه حرف الميم الناقصه دي من علامات الوقف في القران ارجعوا برده لضبط المصحف علشان لو عايزين مزيد من التفاصيل اخر حاجه ان شاء الله هيكون الاخفاء واعتقد ان احنا هنقوله مش في فيديو واحد لان هو هيكون طويل شويه