شرح و حل درس السمكة الذهبية الصف الخامس 5 أستاذة روضة

السلام عليكم ورحمه الله وبركاته اصدقائي طلاب الصف الخامس اهلا وسهلا بكم في اكاديميه نور الهدى التعليميه ساكون معكم ان شاء الله في رحله شيقه ممتعه في تعلم اللغه العربيه من خلال كتابنا كتاب العربيه لغتي شو محتوى كتابنا حيكون بيحوي على ثلاث وحدات بكل وحده حناخذ دروس معينه نحن هلا حنبلش بالوحده الاولى ان شاء الله دروسنا بهي الوحده حتكون ثلاث دروس فقط لكن حتكون تحت عنوان المواطنه والانتماء يعني كلها بتدور عناوينها تحت هذا العنوان رح ناخذ فيها نص كل مره هن عباره الوحده الاولى عن ثلاث دروس اصلا بس كل درس بعده حيكون في تمارين من خلال هي التمارين رح نصير نعرف نحدد عناصر الصور رح نصير نعرف قواعد نحويه رح نصير نعرف نصنف الجمل نعطي افكار رئيسيه للنص كثير من الامور رح نعرفها من خلال كل نص جديد رح ناخذه باذن الله تعالى عم يقولوا لنا هون ساكون بعد دراسه هذه الوحده قادرا على كل هي البنود ان شاء الله تعالى اذا التزمنا وتعلمنا وكنا هيك مستمتعين بالتعليم كل هي البنود ان شاء الله حنحققها درسنا الاول درس ملفت من عنوانه السمكه الذهبيه تحت مباشره تحت عنواننا كاتبين احلامي الكبيره كيف احققها حاطين لنا هيك سؤال تشويقي لحتى نعرف يا ترى وين بدنا نلاقي جوابه هذا السؤال رح نلاقي بنص السمكه الذهبيه كاتب لنا اصف ما اشاهده في كل من الصورتين السابقتين موجود بحر موجود صيادين موجود سمك موجود خشب موجود شاطئ هيك هيك بدنا نصنف ونكتب كل شيء عيننا عم تشوفه. السؤال الثاني اخبر زملائي بما اراه مشتركا فيما تعبر عنه الصورتان. هذا السؤال بيختلف عن اللي قبله ليش؟ لانه بدهم الشيء المشترك فقط انتبهوا في بكل سؤال كلمه مميزه هي الكلمه هي المميزه معنا طيب عم يقولوا لنا شو هو المشترك بين الصورتين شو الشيء المتشابه بين الصورتين واضح اكيد معكم البحر البحر مشترك هون في صيادين وهون في عمال نجاره مثلا هون في خشب وهون في خشب في كثير شغلات مشتركه بين الصورتين عم يقولوا لنا استمع الى النص متجنبا المشتتات ثم انفذ النشاط عم يقولوا لنا اول شيء اسمع النص بعد حل الاسئله بلش بنص السمكه الذهبيه على الشاطئ يعيش صياد فقير يذهب كل يوم الى البحر ويصطاد بضع سمكات ثم يبيعها بليرات قليله ولكنه مازال يحلم باصطياد سمكه ذهبيه ليشتري بثمنها زورقا للصيد. كان الصياد يقف امام البحر ويخاطبه قائلا: يا صديقي امنحني ولو مره واحده سمكه ذهبيه فعندي خمسه اولاد وزوجه يحتاجون الى طعام كثير وثياب جديده. ساشتري بثمن السمكه الذهبيه زورقا للصيد. لقد مللت الوقوف كل يوم اريد ان اسافر على امواجك بعيدا لاحصل على سمك وفير ذات يوم رد البحر على الصياد ليس في مياه سمك ذهبي لاعطيك واحده الصياد كيف ايها البحر جدتي روت لي حين كنت صغيرا انك اعطيت احد الصيادين سمكه ذهبيه كبيره البحر ضاحكا وهل صدقت انها حكايه يرويها الناس ليتسلوا بها ويستفيدوا من مغزاها. حزن الصياد وفقد الامل وقال يائسا: اذا سابقى صيادا فقيرا البحر لا تحزن وبدلا من ان تحلم بالسمكه الذهبيه والزورق تعاون انت وزملاؤك على صنع مركب للصيد لعل اموركم تتغير. ذهب الصياد الى زملائه وقال قد عرفت طريقه يستطيع بها كل صياد ان يحصل على سمكه ذهبيه الصيادون وكيف ذلك الصياد نتعاون جميعا ونبني مركبا للصيد يكون مركبا للجميع الصيادون يا لها من فكره لكننا فقراء لا نملك شيئا نبني به المركب صمت الجميع وفجاه نهض صياد شاب وقال عندي فكره يصطاد كل واحد منا سمكه اضافيه كل يوم نجمع ثمنها ونبدا بصنع المركب وافق الجميع وبداوا العمل بفكرته ولم يتكاسل احد في اصطياد السمكه الاضافيه وبعد فتره توفر المال معهم وتعاونوا على صنع المركب ثم جهزوه بالشباك القويه والمتينه وانزلوه الى واطلقوا عليه اسم مركب السمكه الذهبيه وقف الصياد مخاطبا البحر انظر ايها البحر لقد صار لكل صياد منا سمكته الذهبيه خفق البحر بموجه وراح يستمع الى اغاني الصيادين الجميله هيك بكون خلص النص معنا ومثل ما انكم شايفين حاولت اقرا النص باسلوب التلوين الصوتي شوفوا انتبهوا وبسؤالنا الثالث كاتبين لنا اقرا النص قراءه جهريه سليمه مراعيا التلوين الصوتي المناسب للمعنى يعني بكل جمله بدنا نحط فيها روحنا بدنا نحط مشاعرنا بدنا ندخل انا واياكم لداخل القصه ونقعد هيك كانه نحن قاعدين معهم عم نتخيل كيف عم يحسوا وكيف عم يشعروا هيك بنعطي لكل جمله حقها فانتم هلا كل نص لازم يطلع معكم لازم تفرحوا كثير انه الحمد لله رح نقدر نتدرب على مهارات القراءه ونلون هيك بصوتنا من اجمل وامتع الامور باللغه العربيه هي القراءه القراءه باسلوب هيك التلوين الصوتي رائعه جدا بتعطينا سعاده وبتعطينا ثقه بالنفس حتى بتقوي هيك مخارج وحروفنا وبتقوي حبالنا الصوتيه استمتعوا انتم عم تقراوا النص كثير وعيشوا مع الاحداث ورح تدعوا لي كثير رح نرجع للانشطه اللي قبل عم يو لنا بالاسئله السابقه استمع الى النص متجنبا المشتتات ثم انفذ النشاط سمعنا للنص وقرانا وفهمناه بعدين اذكر الشخصيه الرئيسه في القصه شو هي الشخصيه الرئيسيه بالقصه يا طلاب يا ترى هل هي البحر ام الصياد ام السمكه الذهبيه برافو عليكم هي الصياد الصياد طيب عم يقولوا لنا قال المكان الذي تدور فيه احداث احداث القصه وين المكان اللي عم تدور في احداث القصه؟ باول النص مكتوب باول النص كاتبين لنا على الشاطئ اذا المكان على الشاطئ السؤال الثاني اخبر زملائي بالامنيه التي سعى الصياد الى تحقيقها شو كانت الامنيه؟ كانت امنيته انه يحصل على السمكه الذهبيه اذا الامنيه هي السمكه الذهبيه السؤال الثالث هذا سؤال اختياري اوكي اذا اجاكم هيك سؤال وطالبتوا فيه انكم تحلوه هذا هذا النص بتقراه وبتفهموا بعد ما تفهموا بتكتبوا جمل انتم هيك بين اختراعكم بتحطوا جمل بتعبر عن النص رح يطلع معكم 10 جمل اول مره بجوز يطلع معكم 15 جمله ما في مشكله بترجعوا مره ثانيه هدول الجمل بتختصروهم بترجعوا مره ثالثه بتختصروهم هيك ليطلع معنا اقل عدد ممكن من الجمل طيب خلينا نروح للاسئله نهايه النص قال اقرا المقطع الاول مراعيا اسلوبي النداء والاستفهام وين يا طلاب موجود النداء والاستفهام بالمقطع الاول عم يقولوا لنا هذا هون المقطع الاول عم يقولوا لنا في استفهام وفي نداء وينه يا حذركم تماما ايها هو اسلوب النداء ايها عم ينادي البحر طيب وين الاستفهام برافو عليكم هي اشاره الاستفهام هيك بنكون انتبهنا على اسلوبي النداء والاستفهام هلا اقرا المقطع الثاني مراعيا اسلوب التعجب ومشاعر الفرح فكروا معي يا ترى وين كان بالمقطع الثاني في تعجب مع فرح اول شيء شو هي اشاره التعجب هي اشاره التعجب وين نحن شفناها هي اشاره تعجب مثلا طيب في مشاعر فرح وين مشاعر الفرح يا الله وقت قال وقت قالوا الصيادين يا لها من فكره هون كانوا كثير فرحانين وقت خطرت له خطرت له الفكره للصياد قالوا يا لها من فكره فكان في تعجب من انه طلعت معه فكره وبنفس الوقت كان في فرح تمام هيك بنكون خلصنا عم يقولوا لنا اقرا النص قراءه جهريه سليمه مراعيا التلوين الصوتي مثل ما هلا قراناها انتم المفروض تقراوها وهذا التلوين الصوتي طلاب ما بيطلع معكم الا اذا قراتوا النص اقل شيء خمس مرات اتقنتوا القراءه اتقنتوا التشكيل انتبهتوا على التشكيل على الفتحه على الضمه لحتى يطلع معنا قراءه جهريه سليمه جميله خلينا هلا نحل التمارين يلي بعد النص قال اقرا النص قراءه صامته ثم انفذ النشاط ن بدهم ايانا نقرا النص ب بشكل صامت لحتى نفهم المعاني بعدها بنقدر نجاوب على هي الاسئله املا الفراغات الاتيه مستعينا بالنص معناها الاجوبه بهذا السؤال موجوده فوق بالنص قال جمع الشبكه الشبكه هي مفرد يعني واحد اذا جمعناهم صاروا كثير مجموعه شو بينقال بينقال شبكه لا شو بينقال من النص شباك وانتم فيكم ترجعوا للنص وتطلعوا الجواب قال معنى قصت ما معنى قصت يعني وقت واحد بيحكي لك حكايه كانه شو بنقول له قص الحكايه قص القصه فقصت معناها روت اجت بالنص بمعنى روت ضد فرح شو ضد الفرح واضح الجواب حزن كمان اجا معنا بالنص كلمه حزن ابين معنى الكلمه الملونه وفق سياقها شلون يعني وفق سياقها يعني هي الجم هي الكلمه الكلمه الملونه ممكن تجي باكثر من معنى وبكل جمله بيكون لها معنى غير الثاني هلا هون حطوا لنا اياها وقالوا لنا خفق البحر بموجه ما معنى خفق البحر بموجهه انتم شو تخيلتوا وقت انتم سمعتوا هي الجمله خفق البحر بموجو شو تخيلتوا خفق يعني بتحسوا هيك الامواج عم تتحرك معناها خفق اجت بمعنى تحرك بمعنى كمان اضطربه اضطربه يعني هي الكلمه اجت هون بهي الجمله بالذات هيك معناتها وممكن بجمله ثانيه يجي لها معنى اخر مثل مثلا خفق قلبي من الفرح او خفق قلبي من الخوف ما معنى خفق هنا يعني ارتجف عرفتوا هلا انها حكايه يرويها الناس ما معنى كلمه يرويها هنا اي يقصها ليكو اجانا الجواب يقصها غير هيك ممكن كمان معنى ثاني يحكيها بتيجي فينا نحط هذول المعنيين حاطيننا هرم جميل وقايلين اكمل احداث القصه شوفوا انتبهوا هلا هون السؤال اللي اللي مرق معنا قبل شوي انه حطوا لنا جمل باقل عدد ممكن عن القصه هي فينا ناخذ منها هذا الجواب اختصروا لنا القصه كلها بهدول كل الست او الخمس مربعات اذا بنبلش معناتها من وين؟ من هون لجوء الصياد الى البحر للحصول على سمكه ذهبيه اول شيء بقصتنا انه الصياد راح على البحر وطلب منه سمكه ذهبيه بعدها شو صار؟ وقت طلب منه اقترح البحر على الصياد بناء ما زورق او مركب اقترح البحر على الصياد صنع مركب للجميع بعد اتفق الصياد مع زملائه على صيد سمكه اضافيه بعد ما هيك عجبته الفكره اتفق على انه يصيد هو وزملائه كل يوم سمكه اضافيه بعدها شو صار اصطياد الصيادين السمك الاضافي فعلا الكل اجتمع وصار يصطاد سمك اضافي في نهايه القصه شو صار يا حذركم توفر المال لديهم وصنعوا مركبا للجميع واصبح لكل صياد سمكته الذهبيه هيك بنكون حققنا حكينا عن القصه كلها باختصار كثير طيب خلينا نكمل اسئلتنا السؤال الرابع معنا املا الجدول الاتي بما يناسبه حاطي لنا السبب النتيجه الجمله التي تدل عليه يعني السبب اللي كان هو توفر المال مع الصيادين عندما توفر المال مع الصيادين يا ترى شو كانت النتيجه؟ كانت النتيجه اذا بناء ماء مركب طيب وين بالنص موجوده هي الكلمه اللي بتدل على هذا الشيء اذا رجعنا للنص لفوق بعد فتره توفر المال معهم شو كانت النتيجه تعاونوا على صنع المركب اذا بنرجع بنكتب الجمله الداله على هذا الشيء هون بهذا ال بهذا المكان تعاونوا على اكملوا باقي الجمله هون مو حاطين لنا سبب بس حاطين لنا النتيجه اللي هي سرور البحر وطربه يا ترى شو اللي وصل البحر للسرور شو صار لحتى البحر صار مسرور وصار يخفق بموجه برافو عليكم كمان بناء المركب بناءه المركب هو اللي وصل لسرور لنتيجه سرور البحر وطربه طيب وين موجود بالنص هي الجمله اللي بتعبر عن سرور البحر خفق البحر بموجه ممتاز خفق البحر بموجه بكمل الجمله طبعا السؤال الخامس اختار الاجابه الصحيحه ترمز السمكه الذهبيه في القصه الى شو بترمز السمكه الذهبيه القصه يعني القصه كلها المقصد منها والمغزى منها شو شو كان شو وصلنا لشو بيرمز هل بيرمز انه سمكه تخرج من البحر ام العمل والتعاون ام سمكه من الذهب برافو عليكم العمل والتعاون دلنا هذا النص انه بالعمل والتعاون وصل للسمكه الذهبيه الصياد اللي كان بيحلم فيها ادبارتين التين اعطى فيهما الكاتب الاشياء صفات انسانيه شو هن بهذول الجمل الثلاثه هيك كلمات او عبارات فيها صفات انسانيه البحر ضاحك يا ترى في صفات انسانيه البحر لا يضحك من الذي يضحك؟ الانسان اذا كلمه ضاحك هنا صفه انسانيه في المياه سمك في يا ترى هون صفات انسانيه لا جمله طبيعيه طيب استمع البحر الى اغاني الصيادين هل هنا صفه انسانيه طبعا استمع من الذي يستمع الانسان اما البحر لا يستمع هون معنى مجال ممتازي بنقول له اذا ما هي الصفات كاتبيننا بنكتب الاستماع والضحك نيجي للسؤال اللي بعده السؤال السابع كاتبين لنا اقترح نهايه اخرى للنص من مخيلتي وقت بدنا نحط ختام يا طلاب او نهايه لازم تكون الجمله بتعبر عن ختام مو اي جمله بتنحط بالختام لازم تكون معبره عن شيء ختامي يعني هم ختموا لنا قصتنا فوق بانه خفق البحر بموجه يعني انتهت القصه بفرح البحر نحن حننهيها بشكل ثاني مثلا وعاد وعاد الصياد الى منزله فرحا مسرورا بعد ان اصطاد سمكا وفيرا مثلا ممكن تكون هيك النهايه او اي نهايه ممكن تحطوها بتكون مناسبه لختام هي القصه شو ما كانت المهم تكون جمله تعبر عن ختام والافضل يكون ختام سعيد السؤال الثامن لو كنت مكان الصياد ماذا سافعل لاحصل على سمكه ذهبيه لو انتم كنتوا مكان هذا الصياد شو كنتوا عملتوا كنا عملنا نفس الشيء كنا اصطدنا كنت عملت نفس الشيء اصطياد سمكه اضافيه كل يوم لحتى احصل على سمكتي الذهبيه طبعا طلاب السمكه الذهبيه هون بتعني احلامنا الكبيره يعني كان حلمه الكبير للصياد هو الصياد السمكه الذهبيه ونحن كمان عننا احلام كثير كبيره يا ترى كيف بحقق احلامنا الكبيره مثل ما ورد معنا السؤال في بدايه في بدايه النص بالعمل هذا هي المعلومه هيك من عندي لحتى نحقق احلامنا بالعمل بالمثابره يعني بشكل يومي كان الصياد عم يثابر بشكل يومي على اصطياد سمكه لولا هي المثابره ما رح يصل لحلمه فاذا بالعمل الجاد بالمثابره والدعاء بهدول الثلاث امور فينا نحقق نحن احلامنا مهما كانت كبيره لهون بكون خلص درسنا لليوم الله يعطيكم العافيه والسلام عليكم ورحمه الله وبركاته.