تعلم الألوان والأشكال والحواس للأطفال أغاني تعليمية ممتعة بالعربي

اهلا بكم يا اصدقائي الحلوين عاملين ايه؟ انا بجد مبسوطه قوي قوي اني معاكم النهارده احنا مش بس هنلعب لا احنا كمان هنستكشف ونشوف حاجات جميله جدا في العالم الحلو بتاعنا رحلتنا النهارده كلها الوان تخطف العين وحاجات طعمها لذيذ ومفاجات هتعجبكم جدا انا متحمسه قوي نبدا الوقت الجميل ده مع بعض كله ضحك ولعب وكمان هنتعلم حاجات جديده بس قبل ما نبدا بقى عندي سؤال مهم جدا ليكم يا ترى انتم مستعدين نلعب ونتعلم مع بعض يا اصدقائي؟ ها انا سامعه حد بيقول ايوه شاطرين جدا حماسكم ده بيفرحني قوي يلا بينا بسرعه نبدا رحلتنا السحريه دي محطتنا الاولى عالم الالوان والفواكه اللذيذه يلا بينا ندخل العالم ده ونشوف الالوان اللي بتخلي دنيتنا مبهجه وجميله بصوا كده معايا على اللون المنور ده اللون الاصفر لون جميل عامل زي الشمس اللي بتدفي فينا طب تفتكروا ايه الاكل اللي لونه اصفر؟ فكروا كده عندنا الليمون طعمه بيكون حامض شويه بس مفيد جدا لينا وعندنا كمان الذره اللذيذه واهم حاجه بقى الموز الموز ده هو الاكله المفضله لصاحبنا القرد الشقي سعدون ايه رايكم نعد مع بعض حبات الموز اللي سعدون هياكلها يلا نعد بصوت عالي 1 2 3 4 5 برافو عليكم شاطرين قوي عارفين اننا ممكن نلعب بالموزه دي لعبه تضحك جدا ممكن نتخيل انها تليفون الو يا اصحاب لعبه مسليه ومضحكه جدا صح ودلوقتي بقى تعالوا نشوف الوان ثانيه بتخطف العين البرتقاني والاحمر البرتقاني ده زي الجزر والجزر ده بنعمل بيه انف رجل الثلج لما بنلعب في الشتاء اما اللون الاحمر فده لون الفراوله اللذيذه اللي كلنا بنحبها ولون الطماطم اللي بنحطها في السلطه عشان نبقى اقوياء وكمان لون التفاح واح الاحمر المقرمش الجميل لسه مكملين في عالم الالوان الحلو بتاعنا ودلوقتي جه دور اللون الاخضر واللون البنفسجي الاخضر ده لون الخضار المفيد زي السبانخ مليانه حديد وبتخلينا اقويه جدا وزي كمان الخيار اللذيذ اما بقى اللون البنفسجي فده لون العنب المسكر والتوت الجميل كل الالوان دي بتخلي الاكل شكله حلو قوي ويفتح النفس ودلوقتي جه وقت اللعب هنلعب مع بعض لعبه سريعه ونشغل مخنا الحلو ده. خضار ولا فاكهه؟ الخيار. ايوه صح خضار. طيب البرتقال مظبوط فاكهه. طيب البصل البصل ده اللي بيخلينا ندمع ونعيط واحنا بنقطعه تفتكروا ايه؟ برافو البصل من الخضروات انتوا بجد اذكياء جدا. ودلوقتي وصلنا للمحطه الثانيه اشكال ممتعه ارقام وحيوانات. يلا بينا نروح جنينه الالعاب ونتعرف على اصحابنا ونتعلم اشكال جديده ومسليه بصوا كده حواليكم في الجنينه هتلاقوا اشكال كتير قوي شايفين الشكل ده مربع اضلاعه كلها قد بعض بالظبط وده بقى مثلث عنده ثلاث سنون ودي دايره مدوره وجميله زي الكوره ودي بقى نجمه بتلمع في السماء الاشكال دي موجوده في كل حاجه حوالينا لو ركزنا شويه بصوا كده تحت الشجره الكبيره دي في تفاح وقع على ارض بس خدوا بالكم التفاح ده مش كله مقاس واحد في تفاح كبير وتفاح صغير يلا بينا شاوروا معايا على التفاح الكبير ايوه هو ده ودلوقتي شاوروا على التفاح الصغير ممتازين جدا جدا واحنا بنلعب في الجنينه مين هناك ده دي بقره لطيفه بتقول مومو وبصوا كده على الورده الحمراء الجميله دي في نحلات بتطير حواليها يلا نعدهم مع بعض 1 2 3 اربعه خمسه خمس نحلات طب ايه رايكم نفردنا ونعمل نفسنا بنطيس زي الفراشه الملونه الجميله دي يلا نسير كلنا مع بعض يا خبر شوفوا مين هنا محتاج مساعدتنا ده استاذ بطاطا يلا نجهزه ونخليه مبسوط اول حاجه هنحط له عيون عشان يشوفنا بيها وبعدين انف احمر عشان يشم الورد الجميل وفم عشان يضحك ويتكلم معانا واذنين عشان يسمعنا وكمان هندي له ايدين ونلبسه طاقيه خضراء شيك جدا وحذاء ازرق بصوا عليه دلوقتي بقى في منتهى السعاده بعد اللعب والتنطيط ده كله تعالوا نهدى شويه مع محطتنا الثالثه حواسنا الخمسه والتفاحه المسكره تعالوا نقعد مع بعض ونركز كده عشان نستكشف التفاحه اللذيذه دي مع بعض حواسنا الخمسه دي يا اصحابي هي اللي بتخلينا نحس بكل حاجه حوالينا اول حاجه حاسه الشم بنشم بيها ريحه التفاحه المنعشه ثاني حاجه اللمس بنلمس قشره التفاحه ونحس انها ناعمه ثالث حاجه الرؤيه بنشوف لونها الاحمر الجميل بعينينا رابع حاجه السمع لما بناكلها بنسمع شوط القرمشه اللذيذ بتاعها واخر حاجه التذوق بندوق طعمها المسكر بلسنا شفتوا بقى حواسنا بتساعدنا ازاي ورجعنا للحماس ثاني مع المحطه الرابعه دبدوب مستخبي فين لعبه الاستخمايه صاحبنا دبدوب قرر يلعب معانا استخمايه واستخبى مننا يا ترى هو فين يلا بينا ندور عليه مع بعد تعالوا نغني وندور في البيوت الملونه دي يا دبدوبي يا دبدوبي اين انت؟ هل في البيت الاحمر؟ لا هل في البيت الازرق برده لا طيب في البيت الاصفر برده لا طب الاخضر لا برده امم هل في البيت البني؟ ايوه لقيناه في البيت البني برافو عليكم شاطرين جدا انكم ساعدتوني نلاقيه واخيرا وصلنا للمحطه الخامسه يلا نرسم دبدوب جميل وبما اننا لقيناه وفرحانين بيه قوي يلا نحضر الورقه والقلم ونبدا السحر في ركن الفنون والالوان. الرسم سهل قوي وممتع جدا. اول خطوه هنرسم دواير صغيره ودواير كبيره عشان نعمل بيها جسم الدبدوب. وبعدين هنرسم انصاف دواير. وعشان نعمل شكل الوش الحلو بتاعه هنرسم شكل سفينه ليها شراع ونكتب رقم سته بالانجليزي وبعدين نكتب رقم ثمانيه بالعربي وبكده نكون عملنا وش دبدوب بيضحك ولطيف جدا. بصوا بقى على الدباديب القمر دي بعد ما خلصناها دي الدبدوبه الجميله فله حطينا لها ورده حمراء حلوه قوي على شعرها وده الدبدوب الشيك كريم حطينا له زراير زرقاء عشان يبقى شكله مميز ومختلف الاثنين بجد شكلهم يجنن ودلوقتي جه دوركم انتم يا ترى كل واحد فيكم هيسمي الدبدوب الجميل اللي هيرسمه ايه انا واثقه انكم هتختاروا اسماء حلوه قوي الوقت معاكم بيعدي بسرعه جدا وكنت مبسوطه قوي قوي واحنا بنلعب وبنستكشف الالوان والاشكال والحواس مع بعض خليكم دايما بترسموا وتلعبوا وتتعلموا حاجات جديده اشوفكم على خير يا اصدقائي الحلوين باي باي