Chemistry Exam Nights 2026 Steps to a Perfect 60 60 Score and a Summary to Master the Entire Cu

السلام عليكم ورحمه الله وبركاته ازيكم عاملين ايه معلش ان انا اتاخرت عليكم في الفيديو ده بس انا قلت اكيد بقى انتوا رجعتوا من الاممتحان العربي عايزين تناموا ومش قادرين فسبتكم تناموا براحتكم وتقوموا وان شاء الله تكونوا دلوقتي بداتوا تشتغلوا في حاجه من الكيمياء نسيتوا العربي خالص لانه ما فيش اي داعي ولا انكم تراجعوا ولا انكم تفتكروا الامتحان وعملتوا ايه وتحسوا بان انتم قلقانين طب انا حليت حلو طب انا كده ممكن انقص قد ايه ده ولا هيفرق في اي حاجه لان بجد انا عايزه اقول لكم ان اخويا مثلا اهو اكبر مثال السنه اللي فاتت ناقص في العربي 14 درجه انتم متخيلين 14 درجه رغم كده هو الحمد لله جاب 89.5% نص% وكان مجموع كويس قوي والمواد اللي بقيه حل فيها كويس الحمد لله وفي الاخر التوتال بقى كويس فماتفكرش انه مثلا اه لا العربي انا حليت فيه مش قوي فخلاص كده حلمي راح ولا ما فيش امل والحامل ايه في المواد اللي جايه لا انا عايزه اجل الافكار دي كلها شيلها من دماغك خالص واستعيذ بالله من الشيطان الرجيم علشان الشيطان اللي بيقعد يوسس لك بالافكار دي علشان توقف وما تكملش عشان هو عايز لك الشر فكز في اللي جاي طب بالنسبه للكيميا بقى الحمد لله كنت جايبه 57 60 في الكيميا اا بصراحه كنت بحب الكيميا جدا كانت ممتعه بالنسبه لي انا كنت بتابع مع مستر اسلام عطيه ا ومع مستر محمد شحاته ده اللي كنت باخد معاه اصلا اثناء السنه وبروح سنتر واللي كنت بتابع معاه اون لاين في الاخر في المراجعه وتحديدا كان مستر اسلام عطيه اتفرجت على مراجعته كلها كان نازل مراجعات على اليوتيوب قعدت اتفرج عليها على مدار ليل الامتحان يعني هم كانوا حوالي اربع فيديوهات اتفرجت على الاربع فيديوهات دول لان هم كانوا بيور اسئله بس فده كان مناسب بالنسبه لي لان انا ما كنتش مكثفه قوي الحل في لي الامتحانات قد ما انا كنت عايزه ان انا اراجع وماسيبش اي حته في المنهج لما ابقى عديت عليها مره ثانيه وده كان مهم قوي بالنسبه لي طيب احنا نعمل ايه دلوقتي بصوا ا احنا عندنا النهارده بقيتوا ان شاء الله تكونوا بداتوا في اي حاجه ولو لسه ما بداتوش ما فيش مشكله الباب الاول اصلا مش كبير فانا عايزاك تبدا بالباب الاول مش كبير ومش صعب هتلاقي نفسك اخدته من اول السنه وذاكرته كويس او الناس حتى اللي اخدوه في الاخر وكانوا بادئين بالعضويه فهيبقوا لسه فاكرينه يعني مش هياخد منكم وقت خالص وهو بسيط واسئلته ما بتبقاش كتير قوي فده تبدا اول حاجه مراجعته ا هتراجع عليه كله طب هتراجع عليه منين من المصدر الاساسي اللي انت كنت بتذاكر منه اثناء السنه وكاتب فيه الملاحظات بتاعتك والحاجات كلها طيب بعدين تعمل ايه؟ بعدين تجيب النماذج النماذج الاسترشاديه المجمعه على الباب ده وتحلها ولو كنت حللها بالفعل شوف الاخطاء بتاعتك فيها طيب بكره نعمل ايه باذن الله ثاني يوم ده يوم كامل نخصه للعضويه العضويه بس عشان باب العضويه طبعا كبير اهم باب اكتر باب عليه درجات فلازم نهتم بيه كويس جدا برده رجعت كنت من المذاكره الاساسيه اللي انا مذاكره منها كل حاجه بالتفصيل براجعها بعدي عليها كده والحاجات اللي انا كنت ناسياها شويه بكررها كده مره واثنين في حاجات هتقول ايه ده ده انا ازاي ناسي كده ده انا الامتحان الكيمياء بعد يومين خلاص عادي عادي جدا ويا ريت لو تعود نفسك انك تفتح كتاب المفاهيم وتبص منه اثناء وانت بتحل في الايام دي انا مش عايزه منك اكت من كده لان في سؤال انا حليته بجد المعادله لقيت بالضبط المعادله دي في ورقه كانوا مديها لنا مع كتاب المفاهيم والله كانت مكتوبه بالظبط هو كان عايز حاجه من النواتج فطلعتها من من الورقه بتاع كتاب المفاهيم دي اللي هو مديها يها لنا زياده وكتبتها هي حلتها فالسؤال ده كان بصراحه يعني يعتبر كانه هديه طيب يبقى كده النهارده ان شاء الله هنحاول ان احنا نخلص الباب الاول خلاص بالطريقه اللي انا قلتها لكم وبكره ان شاء الله نحاول نخلص العضويه كلها ا وبصراحه يا جماعه حابه اقول لكم برده ان كان في ملخص كان كتاب مندليف عامله بتاع السنه بتاعتنا 22 من بعدها ما بقاش ينزل ملخصات للاسف بالطريقه دي بس بجد هو كان احلى حاجه انا لقيتها في الكيمياء في حياتي حرفيا الملخص كان فيه كل التفاصيل وكمان انا كنت بقعد اضيف عليه حبه حاجات بس كان فيه كل حاجه كان مثلا تلاقي الالكانات كلها موجوده في ورقه واحده كده بمعادلتها بكل حاجه بشكل تحفه يخليها لما تشوفها كده تثبت في دماغك فانا كنت ساعات كتير قوي لما باجي احل بقى احط جنبي الملخص ده بحيث ان انا احل مثلا السؤال ده وخلاص حليته اشوف المعادلات بتاعته واشوف تفاصيل الجزئيه دي في الملخص عشان تثبت صورتها في دماغي اكت مش اللي هو احل بالملخص لا بعد ما اخلص السؤال اروح بص على الملخص عشان خاطر اثبت ثبت الاجزاء دي في دماغي وابقى كاني براجع اثناء وانا بحل مره ثانيه دي من الحاجات اللي فرقت معايا قوي بصراحه الملخص ده هنزله لكم على جروب التليجرام انا نزلته لكم السنين اللي فاتت هنزله لكم مره ثانيه وهحط لكم اللينك في اول كومنت هنا في الفيديو ده طيب برده بالنسبه للحل ا بص انا مش عايزاكم تحلوا شوامل كتير يعني ممكن نكتفي بشامل كل يوم او شاملين في اليوم قدرتوا ما قدرتوش ما فيش مشكله مش مش بضغط عليكموا او بقول لكم لا لازم انا ما كنتش بلاقي وقت شوامل كتير كان هو الاسئله بس بعمل يا مستر اسلام اللي بسمع ا محاضرات المراجعه بتاعته اللي فيها اسئله بس وبحل النماذج الاستشهاديه اللي انتم عندكم استشهاديه دلوقتي احنا انا بالنسبه لي كنت بحل بتاعه السنه اللي فاتت دور اول ودور ثاني طبعا دول برده انتوا حلوهم مهمين جدا فلو انتوا بس اكتفيتوا بالنماذج الاسترشاديه مع الاخطاء بتاعتكم اللي فيها اللي انتوا اكيد حليتوها اولي ما حليتوش منها تحلوه ودور اول وثاني بقى بتاع السنه اللي فاتت واللي قبلها واللي قبلها وهكذا ده بالنسبه لي كفايه قوي مش عايزه منكم اكتر من كده مش عايزه منكم تشوفوا شوامل من بره ولا اي حاجه شوفوا المستر بتاعكم نازل ايه من حيث الاسئله وتابعوا معايا طب هل انا شفت فيديوهات مراجعه فيديوهات مستر يعني بيشرح مراجعه وكده بيراجع لا بصراحه لا زي ما قلت لكم فيديوهات مراجعه مستر اسلام عطيه كانت اسئله بس مش شرح انا راجعت مع نفسي على المنهج وده شايفاه احسن بكتير من ان انا اقعد اسمع مستر بيشرح وممكن اسرح او ممكن ابقى ماخدش بالي من حاجه لا بنفسي اراجع حته حته في اجزاء انا عارفه ان انا خلاص دي انا متمكنه منها فبعدي عليها بسرعه خالص واجزاء تانيه بتقل عليها فانت بتبقى عارف ايه اللي انت كويس فيه وايه اللي انت وايه اللي انت محتاج تركيز عليه اكت فمع نفسك احسن حاجه بصراحه طب يوم الثلاث هتعمل ايه؟ هتاخد فيه ما بين الثاني والثالث اا وتعمل تتعامل معاهم برده بنفس الطريقه ان الاسئله بتاعتهم النماذج الاسترشاديه تحلها وتراجع عليهم بنفسك وفي اخر يوم بقى الباب الرابع وتبدا ان انت تشوف اسئله اكث بقى لو المستر بتاعك منزل اسئله مراجعه ا برده لو في اي مراجعات هنزلها لكم باذن الله ا او حاجات تفيدكم يعني تبدا الملخص الشخص اللي انا قلت لك عليه ده تبدا ترجع تبص فيه على العضويه او على الحاجات اللي انت عارف ان انت مش حلو فيها قوي بجد ده بيفرق قوي بقى في اخر يوم لان اخر يوم ما فيش وقت ان انت بت تفتح لسه وتبص على المذكرات الاساسيه لا طبعا وعايزين في نفس الوقت ان احنا نفتكر كده او نبص سريعا على حاجات كثير من المنهج فده فايده بقى الملخصات الملخص اللي انا قلت لكم عليه ده في اخر يوم اللي هو يوم الاربعا قبل الامتحان بيوم ده لازم تعدوا عليه ا مش هقول لكم كله بس يعني معظمه تبقوا عدتوا عليه مره ثانيه صدقوني بيفرق جدا جدا الملخص مش كبير قوي بس تحفه هتلاقي نفسك وانت في الامتحان بتفتكر شكل الحاجات وعباره عن خرايط ذهنيه كده ورسومات فهتلاقي نفسك الرسومات بتيجي في دماغك وانت قاعد بتحل علشان دي بتثبت اكث في المخ من الكلام المرصوص ورا بعضه برده حاول لو انت حليت مثلا من امتحانات السنين اللي فاتت تعمل تايمر لنفسك وتخلي في وقت محدد يعني ما يزيدش ابدا عن ساعتين انك تحل الامتحان اقصى حاجه ساعتين يا ريت ساعه ونص او مثلا نقول ساعتين بس ساعتين ده كفايه قوي عشان لما تيجي في الامتحان تقدر انك تحله في ساعه ونص او ساعتين يبقى معاك وقت ان انت تراجع وتظلل وكل حاجه وفي حاجه مهمه قوي بقى انا المستر قال لي عليها وبجد كنت يعني فعلا ممتنه ليه ان هو قال لي كده قال لنا السؤال اللي انتم متاكدين منه تماما علموا عليه في البابل شيت بالازرق في وقتها ما تستنوش في الاخر ما تعملوش بالرصاص وفي الاخر تعلموا بالازرق لا لو انتوا متاكدين منه تمام نعملوا كده انا لو ان انا عملت كده انا ما كنتش هلاقي وقت لان انا اتسحبت مني مني الورقه سحبت مني ورقه البابل شيت وانا كنت بظلل اخر سؤال كان معمول بالرصاص بظلله بالازرق انتم متخيلين سحبت خلاص الورقه وانا كنت بقولها ثانيه واحده عشان اظل لاخر سؤال ده فهو انا اتزنقت شويه في التصدييل رغم ان انا كنت الاسئله اللي متاكده منها بعملها بالازرق على طول في وقتها واللي مش متاكده منها بعملها بالرصاص الخفيف عشان اعمل عليه ورغم كده برده اتاخرت يعتبر شويه لان الامتحان بيبقى دسم شويه بياخد وقت فعشان الوقت ما يسرقكوش اعملوا الطريقه دي بجد هتفيدكم جدا المهم تبقوا متاكدين تماما من السؤال مش متاكدين من الرصاص الخفيف عشان تعملوا عليه مش تمسحوه وتعملوه ما فيش وقت للمسح كل يوم زي ما احنا متعودين ومتفقين تصلوا ركعتين ا من بعد العشاء ا ركعتين قضاء الحاجه بنيه ان ربنا يوفقك ويكبر بخاطرك وتحل كويس جدا وربنا يفتح عليك انا كنت بدعي دعاء بحبه قوي اللهم افتح لي فتوح العارفين اللهم افتح لي فتوح العارفين اللهم انر بصيرتي للاجابه الصحيحه الادعيه دي حلوه جدا يا جماعه قولوا قولوا الحاجات دي في كل الاوقات اي وقت كده انت قاعد فيه تفتكر انك تدعي ادعيه الالحاح في الدعاء اهم من الدعاء نفسه الالحاح في الدعاء ده هو اللي بيحقق كل حاجه ما بنقولش الدعاء بنقول يا رب انا نفسي اعمل كذا مره واحده وخلاص لا ده كده مش دعاء الدعاء انك تقول تدعي بالحاجه مره واثنين وثلاثه وعره ما تملش من كتر ما بتدعي بيها انا عارفه ان الفتره دي صعبه قوي وثقيله على القلب وخلاص بقى دي النهايه بس خلاص يعني هانت صبر نفسك بانها هانت جدا وخلاص الامتحانات هتخلص وتبقى خلصت من الثانويه العامه دي نهائي ودي في حزتها حاجه مبهجه ف فيعني تفائلوا ان شاء الله خير ان شاء الله ربنا يكبر بخاطركم ويوفقكم