علاج تشويش وضباب المخ عندما يقل التركيز والتفكير ويزيد النسيان brain fog

عمرك حسيت انك مش مركز الناس بتكلمك وانت حاسس انك مش معاهم الاسم على طرف لسانك ومش طالع افكارك بطيئه ودماغك تثقيله وكانك في ضباب كان مخك اوف وقف ده اللي بنسميه برينفوج او ضباب الدماغ ناس كتير بتيجي تقول لي انا حاسس ان مش طبيعي دماغي مش بتفكر زي الاول وفي الفيديو ده هقول لك يعني ايه برينفوج ايه اسبابه هل فعلا ده اكتئاب وازاي ازاي ممكن نعالجه وده طبيعي ولا نفسي ولا محتاج علاج دوائي؟ اول حاجه البرين فوج مش مرض ده عرض يعني علامه ان في حاجه مش ماشيه كويس دماغك مش مقفوله لكن مش في افضل حالتها طيب ايه اعراضه؟ اعراضه تركيز ضعيف نسيان للحاجات البسيطه بطء في التفكير احساس انك تايه او مش صاحي تمام يعني ببساطه دماغك بتحاول تشتغل لكن في تشويش عليها طيب ايه اللي ممكن يسبب الحاله دي؟ كتير جدا وهقول لك هنا اهمهم قله النوم او النوم المتقطع التوتر المزمن اكتئاب خفيف او قلق نفسي مقنع نقص فيتامينات زي فيتامين دي وفيتامين من بي 12 او الحديد مشاكل الغده الدرقيه وبعض الادويه وحتى العدوى زي مثلا ما بيحصل للناس قيام كورونا يعني بيحصل بعد العدوى زي عدوى كورونا يعني ممكن السبب يكون نفسي او عضوي او حتى نمط حياتك نفسه طيب تفرق ازاي بين البرينفوج وبين الاكتئاب او الزهايمر لو الاكتئاب هتلاقي معاه حزن وفقدان شغف ولوم للنفس وافكار سلبيه لو الزهايمر بيكون في نسيان شديد وتكرار للاسئله وتوهم في الوقت والمكان لكن مع البرين فوج انت فاكر وعارف وواعي لكن دماغك مش بتجيب المعلومه بسهوله كان في بطء في التحميل طيب العلاج ايه؟ العلاج دوائي وغير دوائي هبدا الاول بالعلاج غير الدوائي وهبدا بالحاجات البسيطه اول حاجه النوم الكويس من سبع لثمان ساعات ويا ريت يبقى نوم منتظم وفي نفس الميعاد كل يوم خفف التوتر ولو لو ب 10 دقائق تنفس عميق او ماشي واحنا عندنا فيديو هنا موجود في القناه بيتكلم على التعامل مع مشاكل التوتر ومشاكل القلق هتعمل تحاليل زي فيتامين دي وفيتامين بي 12 والغده الدرقيه والحديد وتنظم اكلك وتقلل السكريات وتزود الخضار واوميجا 3 وحرك جسمك يوميا حتى لو برياضه بسيطه لكن اوقات بيكون البرينفوج وراه سبب نفسي زي الاكتئاب او زي القلق وهنا مهم جدا نعالج جذر المشكله جذر المشكله هيكون الاكتئاب وجذر المشكله هيكون القلق واحنا باكد ثاني احنا مش بنعالج اعراض احنا بنعالج المرض ككل يعني خطه علاجيه متكامله والحاله بتاعه الاكتئاب والقلق هنحتاج تدخل دوائي وطبعا اللي بيكتب الدواء هو الدكتور مش انت اللي بتختار الدواء من قرايتك او من متابعتك للسوشيال ميديا ومن الادويه المهمه اللي بنستخدمها في حالات زي دي دوا مهم جدا اسم الماده الفعاله اللي فيه فيرتيوكسيتاين وده مضاد اكتئاب جديد بيساعد على تحسين المزاج وفي نفس الوقت بيركز ودي نقطه مهمه جدا على الوظائف الادراكيه زي التركيز والتفكير وسرعه البديهه بس خلي بالك الدواء جزء من خطه متكامله بتشمل نوم وتغذيه ونشاط وعلاج نفسي عند اللزوم باختصار البرينفوج ممكن يكون مزعج لكن اسبابه غالبا قابله للتعديل والعلاج ما تفضلش مستني قيم حالتك وشوف هل السبب نفسي ولا عضوي ولا نمط الحياه حاول تتحرك خطوه بسيطه ممكن تفوقك واكتب لي في التعليقات امتى بتحس اكت بضباب دماغ الصبح بعد الاكل وقت التوتر وما تنساش تشترك في قناتي قناه التوازن النفسي هتلاقي فيها فيديوهات في كل ما يخص الطب النفسي وممكن كمان تشترك في قناه في جروب الواتساب للتواصل المباشر معايا شكرا جزيلا سلام