مظاهر سطح وطننا العربى الصف السادس الابتدائى الوحدة الثانية الدرس الأول

اهلا بيكم سته ابتدائي ومعانا النهارده اول درس في الوحده الثانيه بعنوان مظاهر سطح وطننا العربي طب يعني ايه مظاهر سطح وطنا العربي اقول لك يعني هنشوف انا وانت مع بعض الحاجات اللي موجوده على سطح الارض في ال 22 دوله اللي بيتكلموا عربي اللي احنا بنقول عليهم يعني الوطن العربي طب هي ايه الحاجات اللي انا وانت ممكن نشوفها على سطح الارض في ال 22 دوله دول اقول لك هنشوف ثلاث حاجات هنشوف جبال هنشوف هضاب هنشوف حاجه اسمها سهول الثلاث حاجات دول الجبال والهضاب والسهول دول اسمهم مظاهر السطح يبقى اول ما تشوف كلمه مظاهر السطح يبقى انت هتتكلم عن كام حاجه ثلاث حاجات الجبال والهضاب والسهول طب الجبال عارفين شكلها طب الهضاب دي ايه اقول لك الهضاب يعني حته ارض عاليه شويه مرتفعه بس لها سطح يعني ممكن الناس تعيش عليها عادي جدا يعني من الاخر اي حته مرتفعه وفي ناس عايشه عليها عادي دي اسمها هضاب طب السهول اقول لك دي الارض المستقيمه المستويه اللي معظم الناس اصلا بتعيش عليها انا وانت بنعيش في اماكن ما بنشوفش لا جبال ولا هضاب بنعيش في اماكن مستويه دي اسمها ايه سهول يبقى اول ما اشوف كلمه مظاهر السطح يبقى هتكلم عن كام حاجه ثلاث حاجات عن الجبال والهضاب والسهول عن ايه جبال وهضاب وسهول طب قبل ما نتكلم بقى عن الجبال والهضاب والسهول يعني مظاهر السطح والحاجات اللي ظاهره قدامنا في الوطن العربي تعرف تقول لي هي ايه اعلى حته عندك في الوطن العربي ان لو انا طلعت عليها ابقى اعلى واحد في الوطن العربي اقول لك ايوه اعلى نقطه في الوطن العربي جبل اسمه جبل توبقال اسمه جبل ايه توبقال ايوه فين ده اقول لك في المغرب الجبل ده لو طلعت فوقه يبقى انت اعلى واحد في الوطن العربي بيقول لك ان جبل توبقال ده ارتفاعه 4165 متر يبقى اعلى نقطه عندي في الوطن العربي يعني اعلى حته في الوطن العربي قمه جبل ايه اقول له توبقال جبل ايه توبقال جبل توبقال ده لو عايز اروح اروح فين اروح المغرب لانه موجود في المغرب طب انا كده عرفت اعلى حته لو رحت عليها طب اقل حته يعني ادنى نقطه ايه اكثر حته منخفضه عندي في الوطن العربي يعني ادنى نقطه ايه اقول له حته اسمها ال البحر الميت البحر الميت ده لو رحت وقفت عنده كده عند الشط بتاعه يبقى انت كده موجود في ادنى نقطه يعني اقل نقطه في الوطن العربي يعني منخفضه ايوه طب البحر الميت ده فين اقول لك في الاردن طب منخفض قد ايه قال لك 430 متر تحت ايوه يبقى تاني اعلى نقطه عندي في الوطن العربي جبال توبقال فين في المغرب الرقم مش شرط تحفظه قوي طيب ادنى نقطه نطه يعني اكتر حته منخفضه فين اقول له البحر الميت فين البحر الميت اقول له في الاردن يبقى احنا كده قبل ما نتكلم عن مظاهر السطح لازم نعرف اعلى نقطه وادنى نقطه طب يلا بقى كلمني عن مظاهر السطح يعني الحاجات اللي انا وانت بنشوفها ظاهره قدامنا على سطح الوطن العربي انت قلت لي ثلاث حاجات جبال وهضاب وسهول وانا عرفت اول ما الاقي كلمه مظاهر السطح يبقى هتكلم عن الثلاث حاجات دول طب نبدا باول حاجه عندي في مظاهر السطح وهي الجبال انت عندك كم جبل اصلا في الوطن العربي اقول لك ثمانيه كم جبل ثمانيه الثمانيه دول عباره عن ايه اقول لك هنقسم نصين اربعه مع بعض واربعه مع بعض اشمعنى اقول لك لان فيها اربعه بنقول عليهم الجبال الالتوائيه والاربعه الثانيين بنقول عليهم الجبال الانكساريه تاني كده الجبال عندك في الوطن العربي عددهم ثمانيه ايوه قسمتهم ثنين اربعه واربعه حصل طب انت ليه قسمتهم اقول له علشان عندي جبال بقول عليها جبال التوائيه والاربعه الثانيين بقول عليهم جبال انكساريه طب قبل ما تقول لي اسماء الجبال تعرف تقول لي انت ليه سميت الاربعه دول الجبال الالتوائيه وليه سميت الاربعه دول الجبال الانكساريه اقول لك ايوه الجبال الالتوائيه دي حصلت وتكونت لما حصل حركات في باطن الارض اسمها حركات التوائيه الصخور حصل لها التواء طلعت والتوت كده فبن ق عليها جبال التوائيه العلماء لما شافوا الارب جبال دول قال لك حصل في المناطق دي حركات في باطن الارض حركات التوائيه فعملت الجبال دي فهن على الاربع جبال دول جبال التوائيه يبقى لما حد يسالك ويقول لك بما تفسر تكون الجبال الالتوائيه كلها اقول له نتيجه الحركات الباطنيه الالتوائيه في الارض علشان حصل حركات باطنيه التوائيه في قلب الارض كونت لي اربع جبال طب تعرف تقول لي اسماء الاربع جبال اللي انت بتقول عليهم جبال التوائيه اقول لك ايوه عندي جبال اطلس جبال عمان جبال زاجروس كردستان نعم اطلس عمان زاجروس وكوردستان ايوه اسمهم ايه اطلس وعمان وزاجروس وكوردستان ايوه دول اربع جبال جبال التوائيه جوم ازاي جوم لما حصل في باطن الارض حركات التوائيه والصخور حصل لها التواء فكونت لي الاربع جبال دول لازم احفظهم ايوه ثاني الجبال الالتوائيه اللي نشات نتيجه الحركات الباطنيه الالتوائيه في الارض احفظ لي الجمله دي كويس علشان لما يقول لك بما تفسر تكون الجبال الالتوائيه اقول له نتيجه الحركات الباطنيه اللي في الارض طب ما تقول لي اسماء الجبال الالتوائيه اللي عندك اقول لك اطلس وعمان زاجروس وكوردستان اطلس وعمان زاجروس وكوردستان انا عايزك كل شويه تغنيهم علشان ما تنساهم ايه اطلس وعمان زاجروس وكوردستان طب ما تعرفني كده مكانهم على الخريطه اقول لك يلا بينا ادي الخريطه هنا كده جبال اطلس جبال اطلس ده انت علمت في كذا دوله ده انت علمت في المغرب والجزائر وتونس اقول لك ايوه جبال اطلس موجوده في الثلاث دول دول طيب فاكر هنا كده دي دوله ايه من الدرس الاول مش قلت لك بص على الخريطه اكت من مره وعرف لي مكان الدول ايوه لو رجعت بصيت على الخريطه هتلاقي دي دوله عمان يبقى هنا جبال عمان عندنا دي جبال زاجروس وديت جبال كردستان اللي موجودين في شرق الوطن العربي فاكر لما قلت لك في شرق الوطن العربي عندنا خليجين وجبل الخليجين الخليج العربي وخليج عمان والجبلين زاجروس وكردستان اده زاجروس الكبير ده زاجروس كردستان الصغير ده يبقى تاني هنا كده اطلس دي عمان زاجروس وكوردستان طب لو بصيت على الخريطه احنا اتفقنا قبل كده كده ان الوطن العربي موجود شويه في قاره ايه وشويه في قاره ايه شويه موجودين في قاره اسيا وشويه موجودين في قاره افريقيا واتفقنا ان الشويه اللي في اسيا هنقول عليهم الجناح الاسيوي وشويه الدول اللي في افريقيا هنقول عليهم الجناح الافريقي انا عايزك بقى تحدد لي الجبال ديت في انهي جناح من الاثنين اقول له تعالى جبال اطلس في الجناح الافريقي لوحدها يبقى الجبال الالتوائيه اللي موجوده في الجناح الافريقي اقول له جبال اطلس لان عمان وزاجروس و كردستان موجودين على ايدي اليمين يعني موجودين في اسيا يعني في الجناح الاسيوي يبقى الجبال الالتوائيه عندي اطلس وعمان وزاجروس وكوردستان اطلس دي في الجناح الافريقي الباقي في الجناح الاسيوي اطلس موجوده في ثلاث دول خلي بالك موجوده في الجزائر والمغرب وتونس موجوده في ثلاث ايه في ثلاث دول طب احنا كده اتكلمنا عن اول اربع جبال اللي انت بتقول عليهم جبال التوائيه وعرفت ليه انت قلت لي عليهم جبال التوائيه طب بالنسبه بقى للجبال الانكساريه انت ليه قلت على الاربعه الباقيين جبال انكساريه اقول لك نتيجه حدوث انكسار في القشره الارضيه العلماء لقوا في اربع جبال عندنا في الوطن العربي اكونوا لما صخور القشره الارضيه انكسرت فلما انكسرت الصخور طلعت لفوق بقت جبال وفي حتت نزلت لتحت يبقى لما يجي يقول لي بما تفسر تكون الجبال الانكساريه اقول له نتيجه حدوث انكسار في القشره الارضيه دي بنقول عليها الحركات الانكساريه يبقى انا كده عندي اربع جبال جم بسبب انكسار في القشره الارضيه الصخور انكسرت طب ايه هم اقول لك جبال البحر الاحمر جبال البحر الاحمر ايوه عندنا كمان جبال الحجاز وجبال عسير ومرتفعات اليمن تاني كده عندنا اربع جبال انكساريه جبال البحر الاحمر دي سهله الحجاز وعسير ومرتفعات اليمن دي صعبه شويه تاني جبال البحر الاحمر وجبال الحجاز وعسير ومرتفعات اليمن طب ما توريهم لي على الخريطه زي ما انت وريتني الجبال الالتوائيه اقول لك ادي الخريطه لو بصينا على الخريطه هنا كده جبال البحر الاحمر طب انت علمت فين بالظبط اقول له علمت جنب البحر الاحمر لا في دوله ايه اقول له علمت في مصر وفي السودان يبقى جبال البحر الاحمر موجوده فين وفين في مصر والسودان طيب فين جبال الحجاز وجبال عسير ومرتفعات اليمن اقول لك على الشط بس الناحيه الثانيه هنا كده و هنا كده وهنا كده دي جبال الحجاز دي عسير دي مرتفعات اليمن يبقى الجبال الانكساريه كلها موجوده حوالين البحر الاحمر هنا كده جبال البحر الاحمر في مصر والسودان في الناحيه الثانيه من البحر الاحمر عندنا كده فوق جبال الحجاز تحت شويه جبال عسير تحت خالص في اليمن مرتفعات اليمن طيب تعرف تقول لي ايه الجبال الانكساريه اللي موجوده في الجناح ده وفي الجناح ده اقول له سهله جدا في الجناح الافريقي ما فيش الا جبال البحر الاحمر يبقى جبال البحر الاحمر فين اقول له في الجناح الافريقي طب الثلاثه الباقيين طبعا في ناحيه اسيا يبقى في الجناح الاسيوي طيب جبال البحر الاحمر ده موجوده في دولتنا بس مصر اقول له لا مصر والسودان يبقى احنا كده اتكلمنا عن الجبال عرفنا ان احنا عندنا ثمان جبال بنقسم اربعه واربعه اربعه بقول عليهم جبال التوائيه واربعه بقول عليهم جبال انكساريه طب ليه انت قسمت التقسيمه ديت اقول له بالنسبه للجبال الالتوائيه لانها جتت نتيجه الحركات الباطنيه الالتوائيه في الارض زي ايه زي اطلس وعمان وزاجروس وكردستان طيب الجبال الانكساريه دي نتيجه حدوث انكسار في القشره الارضيه بين قوسين الحركات الانكساريه طب زي ايه اقول له جبال البحر الاحمر اللي موجوده عندنا في مصر والسودان ودي طبعا في الجناح الافريقي الباقي جبال الحجاز عسير مرتفعات اليمن ولازم اعرف الاماكن دي على الخريطه وخلي لي بالك من اسئله اسله بما تفسر على الجزء بتاع الجبال ده يعني لما يجي لك سؤال ويقول لك بما تفسر نشاه جبال اطلس ليه جبال اطلس اتكونت اقول له نتيجه الحركات الباطنيه الالتوائيه للارض نفس الاجابه لو سالك عن عمان او زجس او كوردستان اقول له دي جت بسبب الحركات الباطنيه الالتوائيه للارض طب لو قال لي بما تفسر نشاه جبال البحر الاحمر اقول له بسبب حدوث انكسار في القشره الارضيه بين قوسين الحركات الانكساريه ن نفس الاجابه برده لو قال لي بما تفسر نشاه جبال الحجاز او بما تفسر نشاه جبال عسير او بما تفسر نشاه مرتفعات اليمن اقول له برده بسبب حدوث انكسار في القشره الارضيه وخلي بالك في اسئله صح وغلط علشان ممكن يقول لي جبال عمان احد انواع الجبال الالتوائيه في الوطن العربي اقول له صح لان الجبال الالتوائيه عندي اطلس وعمان زاجروس وكوردستان دي جبال التوائيه طب بيجي يقول لي مثلا اكمل اعلى نقطه في وطنا العربي هي قمه نقط اقول له توبقال فين في المغرب طب ادنى نقطه في وطننا العربي هو نقط فين اقول له البحر الميت ده فين في الاردن ممكن يقول لي يوجد في وطننا العربي نوعان من الجبال جبال نقط وجبال نقط اقول له جبال التوائيه وجبال انكساريه ودي اول حاجه عندنا في مظاهر السطح وهي الجبال يعني اول حاجه ظاهره قدامي ممكن تلفت نظري انا وانت وممكن نشوفها على سطح الارض في الوطن العربي طب يلا بقى كل عن تاني حاجه في مظاهر السطح في وطننا العربي وهي الهضاب الهضاب يعني ارض عاليه ليها سطح الناس بتعيش عليها عادي مش زي الجبال لا انت ممكن تبقى عايش فوق هضبه وانت مش واخد بالك اصلا انت عايش فوق حته ارض مرتفعه ومساحتها كبيره ماشي طب انت عندك كم هضبه في الوطن العربي اقول لك مش احنا كان عندنا ثمان جبال اه احنا عندنا هنا في الهضاب نصهم اربع هضاب كم هضبه اربعه طب فين بالظبط اقول لك في الجناح الافريقي يعني في في الجزء بتاع افريقيا حته هضبه واحده في الجناح الاسيوي عندي ثلاث هضاب ثاني الهضاب كام اربعه في الجناح الافريقي هي هضبه واحده طب في الجناح الاسيوي اقول له لا دول ثلاثه طب ما تقول لي اسماء الهضاب دي اقول لك بالنسبه للهضبه اللي موجوده في الجناح الافريقي اسمها هضبه افريقيا الشماليه اسمها ايه هضبه افريقيا الشماليه احفظ لي اسم الهضبه دي كويس هضبه افريقيا الشماليه ايوه طب ما تقول لي مكانها كده على الخريطه اقول لك في الحته دي كلها هضبه افريقيا الشماليه كل دي احنا عايشين كده فوق هضبه ايوه هضبه افريقيا الشماليه دي كبيره جدا اقول لك فعلا ده اكبر الظاهرات التضاريسيه مساحه ده انت لو جيت تشوفها فعلا منين لفين هتعرف ان دي فعلا اكبر حاجه عندك في الظاهرات اللي ممكن تشوفها طب بتمتد منين لفين اقول لك بتبدا هنا من عند جبال البحر الاحمر شرقا لحد المحيط الاطلنطي هنا كده غربا ومن عند ساحل البحر المتوسط كده فوق شمالا لحد وسط افريقيا جنوبا وبكده تبقى هضبه افريقيا الشماليه اكبر الظاهرات مساحه يبقى اكبر حاجه في المساحه ممكن اشوفها هضبه ايه هضبه افريقيا الشماليه ليه لانها بتبدا من عند جبال البحر الاحمر شرقا لحد المحيط الاطلنطي غربا ومن عند ساحل البحر المتوسط او من عند البحر المتوسط من فوق يعني شمالا لحد وسط افريقيا جنوبا كل دي هضبه افريقيا الشماليه ايوه طيب كده احنا اتكلمنا عن اول هضبه وهي هضبه افريقيا الشماليه اللي موجوده لوحدها في الجناح الافريقي طب تعال بقى نتكلم عن الجناح الاسيوي انت فاضل كده كم هضبه من الاربعه لاثه قال لك انت عندك واحده هنا وواحده في النص وواحده تحت كم ثلاثه ايوه واحده فوق وواحده في النص وواحده تحت اللي فوق اسمها باديه الشام اسمها ايه باديه الشام اسمها كده اللي في النص اسمها نجد اسمها ايه نجد طب اللي تحت اسمها حضر م اسمها ايه حضر موت تاني انا عندي كم هضبه في الجناح الاسيوي ثلاثه واحده فوق في شبه الجزيره العربيه مش دي اسمها شب الجزيره العربيه اه واحده فوق يعني في الشمال واحده في النص يعني في الوسط واحده تحت يعني في الجنوب خلي بالك من مكانها اللي فوق دي اسمها باديه الشام اسمها ايه باديه الشام اللي في النص نجد اسمها ايه نجد اللي تحت اسمها حضر موت اسمها ايه حضره موت طيب احنا كده عرفنا اسماء الهضاب اه عرفنا ان احنا عندنا اربع هضاب في الجناح الافريقي حته هضبه واحده اسمها هضبه افريقيا الشماليه ودي اكبر ظاهره تضاريسيه او اكبر مظاهر السطح اللي ممكن تشوفها مساحه لانها بتمتد من جبال البحر الاحمر شرقا لحد المحيط الاطلنطي غربا ومن البحر المتوسط شمالا لحد وسط افريقيا جنوبا في الجناح الاسيوي عندي ثلاث اماكن فوق في النص تحت اللي فوق في الشمال شبه الجزيره العربيه اقول له باديه الشام في النص نجد في الجن نوب حضر موت طيب تعرف بقى ان الهضاب دي موجود عليها شويه حاجات يعني ايه قال لك بيوجد عليها ثلاث حاجات الهضاب اه بتلاقي على الهضاب واحات بتلاقي على الهضاب حاجه اسمها اوديه جافه بتلاقي على الهضاب حاجه اسمها تجمعات رمليه نعم فوق الهضاب الاربعه دول بلاقي حاجات زي واحات وزي اوديه جافه وزي تجمعات رمليه اقول لك ايوه يبقى يوجد فوق الهضاب حاجات زي ايه اقول له زي الواحات زي الاوديه الجافه زي التجمعات الرمليه طب هي الواحات دي عباره عن ايه اصلا اقول لك الواحات ديت يعني عباره عن حته ارض موجوده في نص الصحراء هتلاقي فيها اشجار زي النخل وهتلاقي فيها بئير فيه ميه جوفيه وهتلاقي في شويه ناس عايشين فيها يبقى المكان اللي موجود في الصحرا فييه شويه زراعه وفي شويه ناس عايشين وبيشربوا وبيرو الزراعه بتاعتهم من المياه الجوفيه دي اسمها واحه يبقى الواحات يوجد بها سكان ولا مش موجود فيها سكان يوجد بها سكان ليه اقول له بسبب قيام الزراعه بها اعتمادا على المياه الجوفيه يبقى انا عندي الواحات اللي موجوده فوق الهضاب دي فيها سكان السكان ده لو حد سالك وقال لك بما تفسر وجود سكان او يعيش بعض السكان في الواحات اقول له بسبب قيام الزراعه بها لان فيها زراعه طب الزراعه موجوده ليه اقول له اعتمادا على المياه الجوفيه الناس اللي عايشه في الواحات دول عندهم مياه جوفيه يعني بيحفروا في الارض ويلاقوا ميه بيشربوا من الميه ديت وبيزعقلي عايشين في الواحات يبقى احنا كده عرفنا ان الواحات يوجد بها سكان بسبب قيام الزراعه بها اعتمادا على المياه الجوفيه الاجابه بتاعه السؤال ده انا عايزك تحفظها علشان لما حد يسالك ويقول لك ليه في سكان عايشين في الواحات اصلا اقول له بسبب قيام الزراعه بها اعتمادا على المياه الجوفيه بسبب قيام الزراعه بها اعتمادا على المياه الجوفيه طب ما تقول لي كده اسماء شويه واحات موجودين عندك اقول لك عندنا في مصر واحه اسمها واحد سيوه عندنا في ليبيا واحه اسمها واحه القفره واحه ايه القفر فرح عندنا في الجزائر واحه اسمها عين صالح يبقى الامثله للواحات اقول له في مصر واحد سيوا في ليبيا عندنا واحد الكفره مش الكفره الكفره طب في الجزائر اقول له واحد عين صالح واحد مين عين صالح طب تعرف تقولهم لي على الخريطه اقول لك لو جالك هنا في مصر وقال لك دي واحد ايه ما انت لسه قايل لي واحد سيوه طب في ليبيا من غير ما تفكر يبقى واحد الكفره طب هنا في الجزائر اقول له على طول واحد عين صالح يبقى انا لازم احفظ الواحات علشان لو سالني في الامتحان يبقى تاني احنا كده عرفنا ان الواحات فيها سكان ولو سالني وقال لي بما تفسر يعيش بعض السكان في الواحات ليه فيه شويه ناس عايشين في الواحات دي اقول له بسبب قيام الزراعه بها اعتمادا على المياه الجوفيه طيب ما تقول لي امثله للواحات اقول له عندي في مصر واحد سيوا وطبعا احنا عندنا في مصر واحات ثانيه غيرها كتير بس احنا خدنا الوقتي واحد سيو في ليبيا اقول له واحده الكفره طب في الجزائر اقول له واحد عين صالح كده احنا اتكلمنا عن اول حاجه ممكن نلاقيها فوق الهضاب طب طباني حاجه ايه قال لك اوديه جافه يعني ايه اوديه جافه اقول لك عارف الدنيا لما تمطر اه الميه وهي ماشيه مش بتعمل طريق ليها اه طب الميه لما تمشي في الرمل كده كده الارضيه هتشرب الميه بس الميه عملت طريق الطريق ده بقى وادي اسمه وادي جاف لان ما عادش فيه ميه بيجي فيه ميه امتى لما الدنيا تنطر والميه تمشي فبتعمل الطريق ده اوديه جافه يعني كانها زي الترعه كده بس ما فيهاش ميه تقدر تمشي فيها في قلب الصحره يبقى وديه جافه تكونت بفعل ايه اقول له بفعل الامطار يعني الميه يبقى بفعل التعريه المائيه يبقى الاوديه الجافه تكونت بفعل التعريه المائيه طب هي مهمه يعني عشان نتكلم عنها يعني ايه اهميه الاوديه الجاف اقول لك مهمه بنستخدمها كطريق للمواصلات يعني لما اكون عايز اتحرك من مكان لمكان بدل ما امشي في الرمل امشي في الطريق اللي الميه كانت عاملاه ومظبط لي الطريق لان الميه لما مشت ظبطت الطريق وحفرت وعملت لي طريق منخفض شويه امشي فيه يبقى ا اول حاجه في اهميه الاوديه الجافه تستخدم كطرق للمواصلات طب لو عايز احفر واطلع مياه جوفيه احفر فين اروح على الاوديه الجافه دي مش كان فيها ميه ونشفت اه الميه دي نزلت في باطن الارض فلو حفرت هلاقي ميه يبقى تاني حاجه في الاهميه بتاعتها والحصول على المياه الجوفيه يبقى اهميه الاوديه الجافه ايه اقول له تستخدم كطرق للمواصلات والحصول على المياه الجوفيه طب ما تقول لي بقى وادي من الاوديه الجافه اللي عندك اقول لك عندنا في السعوديه وادي اسمه وادي الجرير مش الجرجير الجرير يبقى في السعوديه عندي وادي اسمه وادي ايه الجرير يبقى اني حاجه ممكن نشوفها فوق الهضاب اللي عندنا في الوطن العربي الاوديه الجافه والاوديه الجافه دي تكونت بفعل اقول له التعريه المائيه لان لما نزل امطار الميه اتجمعت وعملت طريق وهي ماشيه ولما عملت الطريق كده كده الارض شربت الميه بس هي عملت الطريق الطريق ده ما فيهوش ميه لوقتي فبن قدر نمشي فيه يعني بنستخدمه في المواصلات ولو عايزين ندور على مياه جوفيه هنحفر في المكان ده هنطلع ميه يبقى اهميه الاوديه الجافه تستخدم كطرق للمواصلات والحصول على المياه الجوفيه السؤال ده مهم اقول لك مهم جدا ايه اهميه الاوديه الجافه تستخدم كطرق للمواصلات والحصول على المياه الجوفيه طب ما تقول لي مثال للاوديه الجافه اقول لك عندنا في السعوديه وادي اسمه وادي الجرير وادي ايه الجرير طب بالنسبه لثالث حاجه ممكن نشوفها على الهضاب ايه اقول لك تجمعات رمليه ممكن تشوف تج جمعات كبيرهه جدا من الرمل الهواء بيجمع الرمل ويعمل اكوام كبيره جدا جدا من الرمل يبقى التجمعات الرمليه دي مين اللي يكونها الميه ولا الهواء الهواء يبقى تكونت بفعل التعريه الهوائيه عكس الاوديه الجافه الاوديه الجافه تكونت بفعل التعريه المائيه طب التجمعات الرمليه اقول له تكونت بفعل التعريه الهوائيه طب ما تقول لي زي ايه اقول لك عندنا بين مصر وليبيا منطقه كده اسمها بحر الرمال العظيم مساحه كبيره جدا من الرمل بنقول عليها بحر الرمال العظيم بين مين ومين بين مصر بلدنا وبين ليبيا وعندنا ثاني كسبان رمليه يعني قوام كبيره جدا جدا من الرمل بتختلف اشكالها من مكان لمكان يبقى انا عندي تجمعات الرمليه دي تكونت بفعل التعريه الهوائيه طب لو قال لي زي ايه اقول له زي بحر الرمال العظيم اللي بين مصر وبين ليبيا وعنده كذبان رمليه اشكالها مختلفه من مكان لمكان وكتيره جدا جدا جدا يبقى خلي بالك من الجزء بتاع الهضاب لانك لما بتيجي تتكلم عن الهضاب تتكلم عن اربع هضاب هضبه موجوده في الجناح الافريقي اللي هي هضبه افريقيا الشماليه ودي اكبر ظاهره ممكن تشوفها من حيث المساحه لانها بتمتد من جبال البحر الاحمر شرقا لحد المحيط الاطلنطي غربا ومن عند البحر المتوسط فوق شمالا لحد وسط افريقيا جنوبا خلصناها بعد كده في الجناح الاسيوي عندي ثلاث هضاب باديه الشام ونجد وحضر موت بيقول لك بقى الهضاب دي موجود عليها شويه حاجات زي الواحات والاوديه الجافه والتجمعات الرمليه والواحات ديت ده مكان فيه سكان لان المكان ده فيه زراعه اعتمادا على المياه الجوفيه ولازم تعرف اسماء الواحات اللي قالها لي واحد سوا عندك في مصر وواحه الكفر عندك في ليبيا وواحه عين صالح عندك في الجزائر بالنسبه للاوديه الجافه دي تكونت بفعل التعريه المائيه اهميتها بتستخدم كطرق للمواصلات والحصول على المياه الجوفيه والسؤال ده لازم تحفظه لي طب ما تقول لي مثال للاوديه الجافه اقول لك وادي الجرير في السعوديه التجمعات الرمليه دي بقى تكونت قلنا بفعل التعريه الهوائيه زي مثلا عندك بحر الرمال العظيم اللي بين مصر وبين ليبيا طيب احنا كده خلصنا ثاني حاجه عندي في مظاهر السطح وهي الهضاب اتكلمنا في الاول عن الجبال والوقتي اتكلمنا عن الهضاب والحاجات اللي موجوده فوق الهضاب كمان هنتكلم عن اخر حاجه ايه السهول السهول ايوه كلمه السهول يعني الارض المستويه اللي انا وانت ممكن نعيش عليها بسهوله واللي معظمنا على فكره عايشين في سهول هو انا وانت بنشوف لجبال ولا هضب لا معظمنا عايش في مناطق مستويه عايشين كده في مناطق سهليه مستقيمه الى لحد ما يبقى احنا عايشين في سهول بيقول لك بقى ان السهول دي نوعين يعني الارض المستويه دي نوعين لو السهول دي جنب النهر يعني ارض طينيه وجنب نهر فبن عليها السهول الفيضيه سهول ايه الفيضيه اما بقى لو الارض المستويه دي جنب البحر او جنب محيط يعني شواطئ يعني دي اسمها السهول الساحليه يبقى السهول يعني الارض المستويه اللي الناس بتعيش عليها بسهوله جدا عندي فيها نوعين ارض مستويه لو جنب النهر دي اسمها سهول فيضيه اما بقى لو جنب بحر او جنب محيط يعني شواطئ دي بنقول عليها سهول ساحليه يبقى احنا عندنا كم نوع من السهول اثنين السهول الفيضيه والسهول الساحليه طب تعال نتكلم عن اول نوع عندي وهو السهول الفيضيه السهول الفيضيه انت بتقول لي جنب الانهار يبقى مين اللي كونتها مين اللي كون السهول الفيضيه الانهار ليه قال لك الانهار دي كل سنه ايام زمان كان بيجيب فيضان الفيضان ده كان بيجي معاه طين الميه هي اللي شايلاه الميه دي لما كانت بتغرق كل الحاجات اللي جنب الانهار فالطين كان رصب سنه ورا سنه فعمل تربه فالتربية ها يعني ايه يعني هي رصبت وسابت الطين اللي الميه كانت جايباه في الفيضان وسابته جنب الانهار علشان كده السهول الفيضيه دي بتبقى سهول طينيه طين مين اللي جاب الطين ده في الاصل النهر جابه امتى لما كان بيجيب فيضان ويغرق الدنيا يبقى تاني السهول الفيضيه كونتها الانهار عن طريق ايه اقول له ترسيب ترسيب ايه المواد العالقه يعني اللي متعلقه في الميه اللي جايه بتاعتها يعني عن طريق ترسيب المواد العالقه بمياهها معلش هي صعبه شويه بس نحاول نحفظها يبقى كونتها الانهار عن طريق ترسيب المواد العالقه بمياهها دي وانت بتحفظ هتلاقيها صعبه شويه يبقى لما يجي لي سؤال ويقول لي بما تفسر تكون السهول الفيضيه اقول له كونتها الانهار عن طريق ترسيب المواد العالقه بمياهها طب ايه اهميه السهول الفيضيه ليه مهمه اقول له تربه خصبه صالحه للزراعه احسن حته تزرع فيها السهول الفيضيه تزرع تلاقي احسن زرع وعلشان كده بتلاقي فيها السكان بيعيشوا كتير جدا جدا جدا يبقى تربه خصبه صالحه للزراعه يتركز بها السكان ثاني اهميه السهول الفيضيه ايه تربه خصبه صالحه للزراعه يتركز بها السكان علشان دي احسن واخص انواع التربه يعني احسن انواع التربه للزراعه طب ما تقول لي ايه المكانين اللي الاقي فيهم سهول فيضيه يعني ارض طينيه جنب الانهار اقول لك عندنا نهر النيل يعني سهول نهر النيل فين في مصر والسودان لان نهر النيل بيع عندنا في مصر والسودان يبقى تاني سهول نهر النيل فين في مصر والسودان عندك ايه تاني اقول لك عندنا في العراق نهرين نهر اسمه دجله ونهر اسمه الفراط اسمه ايه دجله والفرات ايوه يبقى سهول دجله والفرات في العراق تاني سهول ايه دجله والفرات في العراق يبقى السهول الفيضيه يعني الارض الطينيه اللي ممكن ازرع فيها بسهوله جدا وتلاقي فيها عدد سكان كتير جدا سهول النيل في مصر والسودان وسهول نهرين في العراق دجله الفرات دجله والفرات فين في العراق يبقى السهول الفيضيه دي كونتها الانهار عن طريق ترسيب المواد العالقه بمياه هوها دي تحفظها لي اهميه السهول الفيضيه اقول له طربه خصبه صالحه للزراعه يتركز بها السكان بيعيش فيها سكان كتير طب ما تقول لي السهول الفيضيه زي ايه اقول له عندي سهول نهر النيل في مصر والسودان وعندي سهول دجله والفرات في العراق اسمهم ايه دجله والفرات ايوه طب بالنسبه بقى للسهول الساحليه يعني الارض المستويه اللي جنب البحر والمحيطات اللي هي الشواطئ يعني اقول لك عندنا سهول البحر المتوسط والمحيط الاطلنطي السواحل بتاعه البحر المتوسط والمحيط الاطلنطي دول شبه بعض فبن حطهم مع بعض اما سهول البحر الاحمر والخليج العربي دول مع بعض لانهم شبه بعض يبقى في السهول الساحليه بقسمهم حاجتين سهول البحر المتوسط والمحيط الاطلنطي دول مع بعض وسهول البحر الاحمر والخليج العربي دول مع بعض طب انت بتقول لي ان سهول البحر المتوسط والمحيط الاطلنطي شبه بعض وزي بعض في ايه اقول له الاثنين بينزل عليهم امطار شتويه بينزل عليهم مطر في الشتاء اه لو انت عايش عليهم سهل جدا تتنقل من مكان لمكان لا في جبال بقى كتيره ولا حاجه تزعلك ما فيهاش جبال كتير قوي يعني سهوله الانتقال طب ايه كمان فيها سكان كتير وقصره سكانها ثاني سهول البحر المتوسط والمحيط الاطلنطي بتتميز بثلاث حاجات بالامطار الشتويه سهوله الانتقال وكسره سكانها ايه امطار شتويه سهوله الانتقال وكسره سكانها ماشي طب انت انت بتقول لي سهول البحر الاحمر والخليج العربي شبه بعض اقول لك اه في ايه بقى قال لك لو عايز تدور على معادن ومصادر طاقه تروح تدور في المكانين دول على شواطئ البحر الاحمر والخليج العربي هتلاقيها غنيه بالثروات المعدنيه ومصادر الطاقه معادن بقى حديد وذهب ومعادن ومصادر طاقه بترول وغاز وفحم وكل حاجه يبقى ايه المكان اللي اروح فيه ادور على الثروات المعدنيه ومصادر الطاقه اقول له سهول البحر الاحمر والخليج العربي طب التربه بتاعتهم عامله ايه اقول له تربه رمليه فقيره ما تعرفش تزرع فيها اصلا او ملحيه مملحه كده كده مش نافعه تربه رمليه فقيره او ملحيه طب فيهم سكان كتير قال لك لا قليله السكان ما بيعيش عليهم سكان كتير زي سهول البحر المتوسط والمحيط الاطلنطي طب ايه كمان اللي بيميزه قال لك بالذات على البحر الاحمر شعاب مرجانيه طب ما دي حاجه حلوه اقول لك هي حلوه في السياحه اه بس مش حلوه في الموانئ موانئ ايه قال قال لك مش السفينه بتبقى عايزه يبقى لها مينا تقف فيه مكان تقف فيه علشان تنزل البضاعه بتاعتها وتحمل تاني وتمشي ايوه المشكله بقى عندنا في البحر الاحمر الشعاب المرجانيه دي حلوه للسياحه السياح بيجوا يتفرجوا عليها ولكن لما بتيجي تعمل مينا السفن وهي ماشيه بتخبط في الشعاب المرجانيه اللي موجوده في البحر فبتبقى مشكله كبيره جدا جدا جدا علشان كده صعب جدا نعمل موانئ طبيعيه على البحر الاحمر فهتلاقي اصلا لو بصيت على الخريطه مش هتلاقي مواني كتير على البحر الاحمر وك كلمه الموانئ يعني المكان اللي السفينه بتقف فيه علشان تحمل وتفضي الحاجات اللي معاها فاحنا بنيجي نعمل موانئ على البحر الاحمر ما بنعرفش قوي ليه بسبب وجود الشعاب المرجانيه يبقى الشعاب المرجانيه اللي موجوده على البحر الاحمر ادت الى ايه اقول له ادت الى صعوبه انشاء الموانئ على سواحل البحر الاحمر وخلي بالك لو جالك السؤال ده في الامتحان وقال لك بما تفسر صعوبه انشاء الموانئ على سواحل البحر الاحمر اقول له بسبب وجود الشعاب المرجانيه الشعاب المرجانيه دي بتضايق السفون وهي بتتحرك لان لانك لما بتيجي تقرب من الشاطئ الشعاب المرجانيه دي بتمسك في السفينه من تحت فبتبقى مشكله فعلشان كده صعب نعمل موانئ كتيره على ساحل البحر الاحمر يبقى اني احنا اتكلمنا عن السهول يعني الارض المستويه وقلنا عندنا نوعين يا اما فيضيه يعني ارض فيضيه طينيه دي جنب الانهار كونتها الانهار عن طريق ترسيب المواد العالقه بمياهها وقلت لك دي تحفظها لي ولو جال لي سؤال وقال لي ليه مهمه اقول له لانها تربه خصبه صالحه للزراعه يتركز بها السكان زي سهول النيل في مصر والسودان وسهول نهرين جداد اول مره ناخدهم دجله والفرات في العراق طب السهول الساحليه اقول له احنا بنقسم جزئين برده السهول بتاعه البحر المتوسط والمحيط الاطلنطي دول شبه بعض في المطر اللي بينزل في فصل الشتاء في سهوله الانتقال سهله تنقل من مكان لمكان قوي وفيهم سكان كتير بيعيشوا طب سهول البحر الاحمر والخليج العربي دول شبه بعض في انهم غنيه بالثروات المعدنيه ومصادر الطاقه فيها معادن ومصادر طاقه كتير التربه بتاعتهم رمليه فقيره او ملحيه مملحه ما بتصلح للزراعه اصلا السكان اللي بيعيشوا في المنطقتين دول قليلين فيها شعاب مرجانيه خاصه على البحر الاحمر ودي حاجه حلوه بالنسبه للسياحه ووحشه بالنسبه للموانئ ما بنعرفش نعمل مينه السفن تقف فيها ليه بسبب وجود الشعاب المرجانيه وقلنا لو جال لي سؤال وقال لي بما تفسر صعوبه انشاء الموانئ على البحر الاحمر اقول له بسبب وجود الشعاب المرجانيه طب كده احنا اتكلمنا عن كل مظاهر السطح عندنا زي الجبال والهضاب والسهول طب سؤال هنا مظاهر السطح اللي قدامك دي ها حاجه واحده ولا اكتر من حاجه يعني هي جبال بس ولا هضاب بس ولا سهول اقول له ثلاث حاجات جبال وهضاب وسهول يعني متنوعه ولا مش متنوعه اقول له لا ده اكتر من واحده يبقى متنوعه قال لك في سؤال بيقول لك ما النتائج المترتبه على تنوع مظاهر سطح وطننا العربي يعني ايه اللي حصل لما بقى عندك مظاهر سطح مختلفه في مناطق فيها جبال وفي مناطق فيها هضاب وفي مناطق فيها سهول ايه النتائج اللي ترتبت على كده اقول له ادى الى تنوع الانشطه الاقتصاديه الانشطه الاقتصاديه قال لك الانشطه الاقتصاديه يعني الشغلانات بقى عندك اكت من شغلانه بسبب تنوع مظاهر السطح طب معلش يعني ايه علاقه الشغلانات بالجبال والهضاب والسهول اقول لك استنى انت عندك مثلا السهول الفيضيه فيها ناس بتشتغل في ايه في الزراعه مش دي تربه خصبه فيها طين الناس بتزرع فيها وبتطلع زراعه كويسه ايوه يبقى كده مظاهر السطح اتحكمت في الشغلانات ولا ما اتحكمت اتحكمت السهول الفيضيه فيها زراعه زي اللي عندنا مثلا في مصر والعراق دول اكتر منطقتين فيهم سهول فيضيه وفيهم ناس كتير بتزرع طب عندك مثلا المناطق الصحراويه الصحرا فيها استخراج المعادن ومصادر الطاقه اللي هو شغلانه التعدين المهندسين اللي بيشتغلوا في البترول والحاجات دي بيشتغلوا اكتر فين في المناطق الصحراويه والمناطق الصحراويه من مظاهر السطح اللي عندنا كمان عندك المناطق الجبليه المناطق الجبليه في ناس هناك بتروح علشان تتفسح يعني سياحه ترفيهيه زي مثلا التسلق ان هم يطلعوا فوق الجبال والتسلق على جبال لبنان يعني ينزلوا على الثلج اللي موجود في جبال لبنان ويستمتعوا بالمناظر دي دي شغلانه ولا مش شغلانه طبعا شغلانه دي سياحه اسمها سياحه ترفيهيه عندك كمان البحيرات المالحه الطبيعه بتاعتها ساحره وساعات كمان بيستخدموها في العلاج بتعالج بعض الامراض الجلديه زي مثلا عارف البحيرات اللي عندك في واحد سوا واحد سوا فيها شويه بحيرات مالحه نسبه الملوحه فيها عاليه جدا جدا جدا في ناس بتروح مخصوص علشان تنزل في البحيرات المالحه دي علشان يتعالجوا ففي ناس شغاله هناك كده في البحيرات المالحه يبقى دي شغلانه ولا مش شغلانه شغلانه وكمان عندك بحيره عسل في جيبوتي بحيره عسل ايوه في بحيره في دوله جيبوتي وجيبوتي دي دوله عربيه هناك بحيره اسمها بحيره عسل دي من البحيرات المالحه برده اللي بيستخدموها في العلاج واللي الطبيعه بتاعتها جميله جدا يعني ذات طبيعه ساحره يبقى لما حد يسالني ويقول لي ما النتائج المترتبه على تنوع مظاهر سطح وطننا العربي يعني ايه اللي حصل لما بقى عندك جبال وهضاب وسهول ومظاهر سطح كتير متنوعه اقول له ادى الى تنوع الانشطه الاقتصاديه بقى عندي اكتر من شغلانه مرتبطه بمظاهر السطح يبقى ادى الى ايه تنوع الانشطه الاقتصاديه السؤال ده مهم جدا جدا وبكده نكون خلصنا درسنا النهارده ما تنساش تتفرج على فيديو الاسئله على الدرس ده تحياتي لكم مستر عطا ذكي شحطته