شرح الدرس الثاني نشاط 4 5 علم الأرصاد الجوية علوم سنة ستة ابتدائى الترم الثاني 2026

هنشرح مع بعض الدرس الثاني نشاط رقم اربعه وخمسه بعنوان علم الارصاد الجويه شرح احترافي ومبسط يخليك تفهم الفكره من اولها مش هتحفظها بس هنتكلم مع بعض عن يعني ايه علم الارصاد الجويه ازاي خبراء الارصاد بيتنبوا بحاله الطقس وايه دور الاجهزه زي الترمومتر والبارومتر وكمان هنفهم من خلال البحث العملي ازاي التسخين غير متساوي على سطح الارض بياثر على تغيرات الطقس وقبل ما ابدا احب اوجه الشكر والتقدير لابطال الفيديو اللي فات اللي جاوبوا اجابات صحيحه على اسئله الواجب وهم فارس وائل من الاسكندريه مالك من الجيزه مريم من السويس نجلاء احمد سعد عمر محمد من الاسماعيليه برافو عليكم يا ابطال وربنا يوفقكم دايما ما تنساش في نهايه الفيديو النهارده هيكون عندنا اسئله واجب مهمه جدا واوعدكم اول 10 طلاب هيحلوا صح ويكتبوا الاجابات في التعليقات هذكر اسمائهم في الفيديو الجاي ان شاء الله. يلا جهز كشكولك وقلمك وركز معايا ويلا بينا نبدا على بركه الله. تعالى هندرس نشاط رقم اربعه. علم الارصاد الجويه علم التنبؤ بالطقس. خلي بالك معايا اول ما هنبدا هنقول ايه؟ مراحل دراسه الطقس. بص يا بطل عشان نفهم حاله الطقس ونتنبا بيها صح لازم نمشي بخطوات منظمه. واقول لك ان دراسه الطقس دي مش عشوائيه. لا طبعا دي عمليه علميه دقيقه جدا بيقوم بها خبراء الارصاد الجويه ليه؟ عشان يعرفوا تغيرات الطقس مش كده وبس ويتوقع الاحوال الجويه وانا عندي ثلاث مراحل لدراسه الطقس كم مرحله؟ اقول لك ثلاث مراحل رقم واحد جمع البيانات رقم اين تحليل البيانات رقم لاثه الربط بين الاشياء تعالوا هنبدا مع بعض برقم واحد جمع البيانات واقول لك اول خطوه واهم خطوه هي جمع البيانات يعني ايه؟ يعني خبير الارصاد الجويه لازم يجمع معلومات كتير خالص عن الطقس من اماكن مختلفه وعلى ارتفاعات مختلفه ومن فترات زمنيه مختلفه طيب بيعمل ايه الاول؟ اول حاجه بيجمع بيانات من اماكن واسعه على سطح الارض كمان ارتفاعات بتبدا من سطح الارض لحد اعلى الغلاف الجوي وحاجه ثاني فترات زمنيه قصيره وفي نفس الوقت ايه؟ وطويله وبيقيس عوامل الطقس زي درجه الحراره زي الضغط الجوي زي الرطوبه زي سرعه الرياح كل ما البيانات تكون اكتر وادق التنبؤ بالطقس بيكون اقرب للصحه طيب ايه هي الاجهزه والادوات اللي بيعتمد عليها خبراء الارصاد الجويه اقول لك طبعا خبير الارصاد الجويه مش بيشتغل بعينه كده لا طبعا ده بيستخدم ادوات قياس الطقس مخصوص ليه عشان يقيس كل عامل بدقه وانا عندي خمس ادوات كم اداه؟ اقول لك خمسه رقم واحد الترمومتر رقم اين البارومتر رقم 3لاه الانيمومتر رقم اربعه مقياس المطر رقم خمسه رادار الطقس رقم واحد الترمومتر طب تعالوا نشوف مع بعض بالنسبه للترمومتر بيستخدموه في ايه؟ اقوللك في قياس درجه الحراره طب البارومتر اقوللك بيستخدموه في قياس الضغط الجوي طب الانيمومتر اقول لك بيستخدموه في قياس سرعه الرياح الحاجات دي لازم احفظها يعني ببساطه كده الاجهزه دي هي اللي بتديهم الارقام الدقيقه من خلالها يقدروا يحللوا البيانات ويتوقعوا كمان تغيرات الطقس ويقولوا لنا الجو هيبقى عامل ازاي بكره طيب بالنسبه لمقياس المطر اقول لك احنا بنقيس بيه كميه المطر يا ترى كتيره ولا قليله طيب بالنسبه لرقم خمسه اللي هو رادار الطقس اقول لك احنا بنحدد حجم حجم وسرعه هطول المطر مش كده وبس ده احنا بنحدد ب تتبع العواصف الرعديه يعني العواصف دي رايحه فين وجايه منين واقول لك كمان الاعاصير رقم اثنين اجهزه حمل ادوات القياس واقول لك دي اجهزه اتصممت اساسا عشان تتحرك في الغلاف الجوي وتقيس الاحوال الجويه من ارتفاعات مختلفه زي مين؟ زي بلونات الطقس دي بتطلع لفوق طب وايه تاني؟ اقول لك الطائرات اللي بتنقل ادوات القياس وكمان عندنا الاقمار الصناعيه اللي من الفضاء بتقدر تصور الارض مش كده وبس ترصد الطقس وحتى تتبع مسار الاعاصير يعني لو في اعصار تقدر تعرف هو جاي منين ورايح فين طيب في ملحوظه مهمه جدا الاقمار الصناعيه مهمه جدا ليه لانها بتدي العلماء صوره كامله للارض من الفضاء وبتخليهم يتابعوا الاعاصير رايحه فين وجايه منين فبالتالي العلماء بيحذروا الناس قبل ما الاعاصير توصل رقم ثلاثه اجهزه نقل للبيانات واقول لك دي اجهزه وظيفتها ايه؟ ان هي تبعت المعلومات اللي اتجمعت من محطات الارصاد او المعلومات اللي اتجمعت من الاقمار الصناعيه لمين؟ للعلماء وبسرعه بيتم نقل كل البيانات عشان العلماء يقدروا يحللوا الاحوال الجويه ويعملوا التوقعات بتاعتهم. رقم 2 تحليل البيانات واقول لك بعد ما نجمع البيانات بنستخدم الخرائط دي اللي قدامنا عشان نوضح كل حاجه الخرائط دي بتساعدنا ان احنا نعرض بيانات الطقس زي الحراره زي الضغط الجوي زي الرطوبه وكمان نوصل المعلومات دي للناس بطريقه سهله وواضحه واقول لك ان الخريطه دي بتساعدنا في حاجتين اول حاجه تمثيل البيانات الحاجه الثانيه توصيل المعلومات طب يعني ايه تمثيل البيانات اقول لك ان الخريطه بتوضح البيانات اللي اتجمعت في نفس الوقت بتبين ين كل التغيرات في الطقس بطريقه مرئيه. طب بالنسبه لتوصيل المعلومات ازاي؟ اقول لك عن طريق خريطه الطقس نقدر نوصل المعلومات للجمهور زي درجات الحراره او امطار او رياح عشان كل الناس تكون عارفه الجو هيكون عامل ازاي. ضغطه لايك او مشاركه مش هتخسرك حاجه بالعكس هتفيد اصحابك وزمايلك. خلينا ننشر الفايده مع بعض. رقم ثلاثه الربط بين الاشياء. بص يا بطل جمع البيانات عن الغلاف الجوي لوحده مش كفايه عشان نعمل تنبؤ بالطقس مظبوط لازم خبير الارصاد الجويه يربط بين كل العوامل مع بعضيها زي تاثير التضاريس المياه الرياح درجه الحراره يعني يشوف ازاي كل عامل بياثر في الثاني وكمان يستخدم نماذج حاسوبيه معقده عشان يتوقع تفاعل العوامل دي وتاثيرها على احوال الطقس في الايام الجايه طب تعالوا نشوف مع بعض حدود التنبؤ بالطقس واقول لك رغم ان احنا عندنا بيانات وخرائط ونماذج حاسوبيه الا ان التنبؤ بالطقس لفتره طويله اللي هو يعني ايام او اسابيع مش بيكون مؤكد بنسبه 100% وده بسبب عوامل معينه رقم واحد التغيرات الصغيره غير المتوقعه يعني ايه يعني احيانا بيحصل تغير بسيط جدا في درجه الحراره او الرياح او الرطوبه ممكن يعمل فرق كبير في حاله الطقس يعني حاجه صغيره تحصل النهارده ممكن تاثر على طقس الاسبوع الجاي كله وده بيخلي التوقعات مش دايما دقيقه. رقم 2 سرعه حدوث التغير بمعنى الطقس ممكن يتغير بسرعه جدا وبشكل مفاجئ يعني الجو ممكن يكون مستقر وفجاه يحصل تغير سريع وده بيصعب مهمه خبراء الارصاد الجويه في التنبؤ الدقيق عشان كده يا ابطال خبراء الارصاد بيعملوا ايه بيعرضوا التوقعات في صوره نسب احتماليه في صوره ايه اقول لك نسب احتماليه زي لما يقولوا مثلا ايه احتمال سقوط الامطار بيقولوا ايه؟ اقول لك احتمال سقوط الامطار 40% يعني في فرصه ان هي تمطر وفي فرصه لا حسب تطور الظروف لسه حبايب قلبي في نقاط مهمه جدا ما تقفلش الفيديو دلوقتي كمل معايا للنهايه عشان تستفيد اقصى استفاده ما تنساش اللايك الجميل والاشتراك في القناه نشاط رقم خمسه البحث العملي التسخين غير المتساوي على سطح الارض بص يا بطل النشاط ده بيورينا ازاي الطاقه الحراريه الشمس بتاثر على اليابسه وعلى الميه بس خلي بالك بشكل مختلف يعني لما الشمس تسخن الرمل وتسخن الميه مش الاثنين بيستجيبوا بنفس السرعه وده طبعا بياثر على درجه حراره الهواء واحوال الطقس في مناطق مختلفه وده تفسير مهم جدا لتغيرات الطقس اللي احنا بنتكلم عنها دايما طبعا في بحث عملي يبقى اذا في تساؤل وتوقع السؤال هنا بيقول لك ايه يا ترى درجه حراره الرمل هتتغير غير ازاي؟ لما نيجي نقارنها بدرجه حراره الماء عند التسخين وعند التبريد. انا بقول لك كمعلم توقع ان الرمل هيعمل ايه؟ هيسخن اسرع من الميه وكمان هيبرد اسرع من الميه وده بسبب اختلاف طبيعه كل ماده في امتصاص الطاقه الحراريه وفي فقد الطاقه الحراريه. طيب اي تجربه لازم يكون عندنا ادوات اقوللك عندنا مصباح كهربي متوهج ليه؟ عشان ده بيمثل الشمس ده مكان الشمس وعندي وعائين كم وعاء؟ اقول لك اثنين واحد فيهم رمل والتاني فيه ميه وعندي انين ترمومتر ليه؟ عشان نقيس درجه الحراره وكمان عندي سعه ايقاف عشان نحسب الزمن واكيد طبعا لازم يبقى عندي مسطره ليه؟ عشان نثبت ارتفاع المصباح الادوات دي بتعمل ايه؟ بتساعدنا ان احنا نجمع بيانات دقيقه جدا زي ما خبراء الارصاد الجويه بيعملوا بالضبط لما يجوا يدرسوا احوال الطقس طب تعالوا نشوف مع بعض بالنسبه للخطوات اول حاجه هنعمل ايه هنحط الرمل في وعاء والميه في وعاء تاني ونقيس درجه حراره الاثنين يعني هنقيس درجه حراره الرمل وهنقيس درجه حراره ايه الميه وبنسميهم الحراره الابتدائيه بعد كده بنعمل ايه نشغل المصباح على ارتفاع ثابت ونسجل درجه حراره كل دقيقه لمده قد ايه؟ لمده 10 دقاق يعني هنسجل درجه حراره الميه كل دقيقه وهنسجل درجه حراره حراره الرمل كل دقيقه بعد كده هنطفي ايه المصباح ونبتدي نسجل التغير في درجه الحراره اثناء التبريد وفي الاخر هنرسم النتائج بيانيا ليه عشان نحلل البيانات دي ونفهم تاثير التسخين غير المتساوي طيب تعالوا نشوف مع بعض الملاحظات والنتائج احنا هنلاحظ ايه؟ اقول لك هنلاحظ ان الرمل سخن اسرع من الميه في خلال 10 دقائق درجه حرارته عملت ايه؟ زادت زياده كبيره ده مين؟ ده الرمل لكن الميه ارتفعت درجه حرارته ببطء ده معناه ايه؟ معناه ان اليابسه بتسخن وبتبرد اسرع من الميه وده سبب رئيسي في حدوث تغيرات الطقس زي حركه الرياح بين اليابسه والبحر يبقى النشاط ده بيفسر لنا علميا ليه في فرق بين طقس المناطق الساحليه والمناطق الصحراويه. طيب هنلاحظ ايه تاني؟ بص يا بطل بعد ما طفينا المصباح وطبعا احنا لما طفينا المصباح احنا كده بنقول ايه؟ ان احنا كاننا في فتره الليل لقينا ان الرمال ابتدت تعمل ايه؟ تفقد الحراره بسرعه درجه حرارتها نزلت خلال 10 دقاق حوالي 12 درجه مئويه لكن الماء نزلت درجه حرارته حوالي درجه ونص بس طبعا ده بيوضح ان الرمال بتبرد اسرع من الماء زي ما كانت بتسخن برض اسرع منه فين؟ في النهار وده يفسر لينا ليه في فرق كبير بين درجه الحراره في المناطق الصحراويه والمناطق الساحليه طيب بالنسبه للتحليل والاستنتاج اقول لك هنا احنا بنفهم ان توزيع اليابسه والماء على سطح الارض ده عامل اساسي في تشكيل الطقس والمناخ والرمال اللي هي بتمثل اليابسه بتكتسب طاقه حراريه بسرعه وفي نفس الوقت بتفقد الطاقه الحراريه بسرعه لكن الميه بيسخن ببطء وفي نفس الوقت بيبرد ببطء كمان يبقى الاختلاف ده بيؤدي الى ايه؟ الى تسخين غير متساوي لسطح الارض وده سبب مهم جدا في تغيرات الطقس وحركه الرياح واختلاف درجات الحراره بين الصحراء والمناطق القريبه من البحار ممكن يجي لك سؤال يقول لك ايه علل نلاحظ ان رمال الشاطئ اسخن من الماء نهارا وابرد من الماء ليلا الاجابه اقول لك نهارا الرمال ال بتمتص الطاقه الحراريه من الشمس وكمان بتمتص بسرعه اكبر من الميه فبالتالي ايه اللي بيحصل؟ ترتفع درجه حرارتها وبتبقى اسخن طب ليلا اقول لك ان الرمال بتفقد الحراره اللي اكتسبتها وبتفقدها بايه؟ بسرعه فبالتالي الرمال بتبرد اسرع من الميه يعني الموضوع كله مرتبط بسرعه اكتساب وفقدان ايه؟ الحراره ممكن يجي لك سؤال يقول لك ايه؟ علل المسطحات المائيه الكبيره مثل المحيطات يكون لها تاثير معتدل في المناخ المحلي. اقوللك صيفا احنا هنقسم صيفا وشتاء صيفا الماء بيسخن ببطء فبالتالي بيقلل من ارتفاع درجه الحراره وبيخلي الجو الطف طب في الشتاء الماء برض بيبرد ببطء فايه اللي بيحصل بيحتفظ بالحراره مده اطول فبيقلل من شده البروده عشان كده بنقول ان المناطق السحليه مناخها ماله معتدل لو احنا جينا نقارنها بالمناطق الصحراويه بنلاحظ ان المناطق الصحراويه في الصيف حر جدا في الشتاء برد جدا لكن المناطق الساحليه مناخه في الشتاء او في الصيف مالها معتدل تعالوا ناخد مع بعض الواجب واللي هيحل لي الواجب صح هكر اسمه في التعليقات رقم واحد يستخدم نقط لتحديد المسار المحتمل للاعصير يا ترى البارومتر ولا الانيمومتر ولا الترمومتر ولا الامر الصناعي السؤال رقم اين كلما زادت الرطوبه نقط كميه بخار الماء الذي يمكن ان يتكثف يا ترى لما تزيد الرطوبه كميه بخار الماء هتقل ولا تنعدم ولا زادت ولا لا تتاثر؟ عايزك تكتب لي اجابه السؤال ده في التعليقات. السؤال رقم 3 المرحله التي يعتمد فيها خبراء الارصاد على ادوات القياس لدراسه الاحوال الجويه هي نقط الربط بين الاشياء تحليل البيانات تمثيل البيانات جمع البيانات عايزك كمان تحل لي السؤال ده في التعليقات وتكتب لي اسمك واسم المحافظه اللي انت ساكن فيها وانا زي ما وعدتك اول 10 تعليقات هيحلوا صح هذم كلهم في الفيديو اللي جاي باذن الله تحياتي لكم كان معكم مستر ‏Well,