الدرس الاول علوم المفهوم الثاني الصف السادس الابتدائى مفهوم الحرارة وتغيرات الطقس مستر محمد ابراهيم

سلام عليكم ازيك يا بطل سنه وازيك يا دكتوره سنه كل سنه وانتم طيبين ورمضان كريم عليكم اهلا وسهلا باولياء الامور النهارده الدرس الاول في المفهوم الثاني اللي بعنوان الحراره وتغيرات الطقس هنشتغل المفهوم بكامل تفاصيله ان شاء الله كالعاده كل حصه بواجب هنحله في بدايه الحصه اللي بعدها استعد يا بطل وصلي على سيدنا محمد عليه الصلاه والسلام من فضلك حط لنا لايك بسيط على الفيديو ده عشان نكمل معاك المحتوى بنفس الكفاءه كده ان شاء الله باذن الله يلا بينا بسم الله نبدا بص يا بطل وبص يا دكتورنا الجميله بكل بساطه كده لو احنا عندنا منطقه واحنا في المنطقه دي بندرس حاله الجو حلو فلو انت بتدرس حاله الجو فانت لازم تقول لي انت بتدرسها خلال فتره زمنيه قصيره ولا فتره زمنيه طويله طب ودي تفرق اه طبعا تفرق لو انت بتدرس حاله الجو في منطقه خلال فتره زمنيه قصيره فانت بتدرس الطقس بتاع المنطقه يبقى يبقى انت كده شغال على الطقس لو انت بتدرس حاله الجو في منطقه معينه بس خلال فتره زمنيه قصيره يبقى انت كده شغال على الطقس بتاع المنطقه انما لو حضرتك رحت للمنطقه دي ودرست حاله الجو خلال فتره زمنيه طويله شويتين ثلاثه اربع شويات كده يبقى انت كده شغال على المناخ بتاع المنطقه حلو جدا فيبقى عندنا فرق في بدايه الحصه ما بين حاجه اسمها الطقس والمناخ الطقس هو حاله الجو خلال فتره زمنيه قصيره اما المناخ حاله الجو في منطقه معينه خلال فتره زمنيه طويله شويه طب اقول لك انا حاجه ويا ريت تاخد وتدي معايا في الكلام خلينا نتكلم عن الطقس هل الطقس ده ثابت ام متغير عمرك شفت طقس ثابت عمرك شفت حاله جو ثابته طول الوقت لا طبعا ده الطقس ده يا جماعه متغير لا وبيتغير باستمرار طب ممكن يكون لدوره الماء دور في كده ده بكل تاكيد دوره الماء قد تلعب دور مهم جدا في تغير الطقس ممكن تلاقي الجو النهارده مشمس فجاه كده الجو قلب مره واحده بقى الجو غايم غيم شويه كده وبقت الايه الجو ما عادش مشمس الجو بقى معتدل شويه ممكن تلاقي الجو بدا يبقى فيه سنه بروده كده ففي تقلبات بتحصل في الطقس طب ما هو يا جماعه احنا لازم ناخد بالنا من التقلبات دي لازم ناخد بالنا من التغيرات السريعه اللي بتحصل في الطقس عشان نكون مستعدين ليها يبقى احنا لازم نتنبا او يكون عندنا طريقه نتنبا بها بالتغير اللي بيحصل في الطقس حلو لذلك عندنا علم اه علم طالما قلنا علم يا باشمهندس اسمعني طالما قلنا علم يبقى قائم على اسس طالما سمينا اللي جاي دههو سميناه علم يبقى هو قائم على اسس البحث والتجريب و و طالما سميناه علم اسمه علم الارصاد الجويه طيب لو جيت سالتك تعرف ايه او يعني من الكلام بتاعه كده يعني ايه علم الارصاد الجويه علم بيهتم بدراسه الطقس وبيعرفنا يعني الى حد ما زين نتنبا بالتغيرات اللي ممكن تحصل في الطقس بالفعل علم الارصاد الجويه يا اد هو علم دراسه الطقس علم دراسه الطقس طيب معلش احنا بندرس الطقس ليه حلو قوي الكلام ده حلو جدا احنا عايزين ندرس الطقس عشان نقدر نتنبا بالتغيرات اللي بتحصل فيه فنقدر نستعد ليها حلو الكلام حلو الكلام يبقى علم دراسه الطقس وكيفيه وكيفيه ما تكتبش حاجه ما تكتبش حاجه كل حاجه مكتوبه في الورق اللي تحت وكيفيه التنبؤ به طب وانت بتتنبا به ليه؟ عشان نستعدله بقى عشان نقدر نستعد للتغير ده جميل جميل جدا ناكد على الكلام طيب صح قبل ما ناكد على الكلام مش ده علم اه طب مين اللي هيساعدنا ان احنا ندرس الطقس ونتنبا بيه انا انت لا طبعا لازم يكون في حد مختص ايوه ايوه اكتبها لك اهو حد مختص يعني ايه حد مختص يعني مثلا احنا لو عندنا شغل هندسه المهندس اللي بيقوم بيه عندنا شغل في الطب الدكتور اللي بيقوم بيه طب عندنا شغل في علم الارصاد الجويه مين اللي يقوم بيه؟ مهندس دكتور محامي لا طبعا حد اسمه خبير الارصاد الجويه خبير الارصاد الجويه هو ده يا باشا الراجل اللي هيساعدنا ان احنا نتنبا بالطقس وندرسه عن طريق ايه؟ الراجل ده بيستخدم مجموعه من الادوات مجموعه من الادوات بتساعده في انه يتنبا بالطقس عشان نقدر ان احنا نتنبا بالطقس زي ما احنا قلنا ونستعد له فخبير الارصاد الجويه يا اد هو عالم بيستخدم مجموعه من الادوات ليه طيب لدراسه الطقس وكيفيه التنبؤ به هو ده اللي احنا عايزين نقوله نصلي على النبي كده عليه الصلاه والسلام وناكد على المعلومتين اللي احنا قلناهم الفرق ما بين الطقس والمناخ حاجه سهله جدا الطقس بيبقى خلال فتره زمنيه قصيره اما المناخ بيبقى خلال فتره زمنيه طويله جميل قلنا ان الطقس مش ثابت ده بيتغير باستمرار وممكن يكون لدوره الماء دور عادي جدا في تغير الطقس لان دوره الماء طبعا بتاثر في درجه الحراره وبتاثر في الرطوبه وكل ده التاثير او التغيير في درجه الحراره والرطوبه يغير في الطقس اكيد طبعا فقلنا طبعا الجو بتاعنا ممكن يكون في بعض الاوقات مشمس فجاه تلاقيه بقى غائم ففي تقلبات بتحصل في الطقس لذلك لازم يكون عندنا طريقه نتنبا بها بالتغيرات اللي بتحصل عشان نستعد ليها. قال لك طيب طالما انت عايز تبني بقى توقعات فابنيها على اسس وطالما هتبنيها على اسس وبحث وتجريب يبقى نعمل علم يساعدنا في كده. علم الارصاد الجويه ما المقصود بعلم الارصاد الجويه؟ ذاك العلم الذي يهتم بدراسه الطقس وكيفيه التنبؤ به. ما المقصود بخبير الارصاد الجويه؟ ده الراجل اللي هيشتغل هنا. ده الراجل اللي شغال في مجال الارصاد الجويه. راجل بيستخدم مجموعه من الادوات علشان تساعده انه يدرس الطقس وازاي انه يتنبا بيه على اسس علميه عشان التنبؤ بتاعه يكون قريب من الواقع قريب الى حد ما ويعني طالما الموضوع قائم على البحث والتجريب فبيبقى في بعض يعني في معظم الاوقات بيبقى التوقع صحيح ما المقصود بخبير الارصاد الجويه عالم بيستخدم مجموعه متنوعه من الادوات لدراسه الطقس وكيفيه التنبؤ بها في مره يا اد اخدت نفسي كده وقعدت مع خبير للارصاد الجويه راجل كان كله ذوق جدا قلت له بعد اذنك انا عايز اسالك سؤال هو انت بتعمل ايه وايه هي الخطوات اللي انت بتمشي عليها علشان تتنبا بالتغيرات اللي بتحصل في الطقس او تتنبا بالطقس قال لي بص يا سيدي الموضوع بسيط جدا احنا بنعدي بثلاث خطوات عشان نقدر نتنبا بالطقس المرحله الاولى هي مرحله جمع البيانات البيانات الراجل ده بيقعد يجمع بيانات واكيد مش بيجمعها بايديه بيعتمد على مجموعه من الادوات حلو بيقعد بقى يلم بيانات في فترات زمنيه مختلفه وعلى ارتفاعات مختلفه كمان بعد ما يجمع البيانات يقعد كده هو واثنين ثلاثه زمايله يقعدوا يحللوها تحليل البيانات حلو ما تكتبش حاجه بقول لك وبعد ما نقعد نحلل لازم بقى نربط الحاجات دي ببعض فبنعدي بالمرحله الاخيره وهي مرحله الربط بين الاشياء بين الاشياء اشياء قلت له ده شيء جميل جدا يعني انت بتعدي بمراحل علشان تبدا تتنبا بالتغيرات اللي بتحصل في الطقس قال لي اه طبعا وبنقعد بقى نجمع ونعمل تحليل ونعمل كمان ربط ما بين الاشياء قلت له صدق فعلا الناس دول كان عندهم حق انهم يسموكم علم الارصاد الجويه قال لي ليه بتقول كده قلت له اصل ما فيش علم من غير جمع وتحليل وربط ما بين الاشياء وطالما انتم بتجمعوا بيانات وتحللوها وتربطوا ما بين الاشياء يبقى ده لازم يكون علم ويبقى له كتب كمان فيا جماعه علم الارصاد الجويه الكلمه دي صحيحه بنسبه مليون في ليه طيب لان ما فيش علم من غير بحث وتجريب وتحليل وربط ما بين الاشياء خبير الارصاد الجويه علشان يبدا يتنبا بالطقس بيعدي بثلاث مراحل بيبدا يجمع البيانات وعلى فكره ده هيكون اصلا مجال الدراسه في الدرس الثاني الدرس الثاني اللي هيجي لكن احنا عندنا سؤال فكنت لازم ادي لك الحته دي اهو السؤال اهو كيف يتنبا خبير الارصاد الجويه باحوال الطقس انت بتعمل ايه يا سيدي؟ قال لك يعني كاجابه سريعه قال لك خبير الارصاد الجويه ده بيعتمد على ادوات لجمع البيانات ودي اول مرحله وكمان دراسه التغيرات يبدا بقى يحلل وكمان لما بيجمع البيانات يا ولاد بيجمعها على فترات زمنيه مختلفه ما بتبقاش فترات زمنيه متساويه او بيجمعها في نفس الفترات لا بيبدا بقى يجمع بيانات خلال فترات زمنيه متفرقه كده خلاص وبعدين يبدا يحللها وبعد ما يحللها كده خلاص يقدر يربط ما بين الاشياء خلاص عشان يستفيد من هذه المعلومات بالتنبؤ في احوال الطقس يبقى سؤال مقالي بسيط كيف يتنبا خبير الارصاد الجويه باحوال الطقس اول حاجه بيعتمد خبير الارصاد على ادوات لجمع البيانات ويدرس التغيرات اللي بتحصل في الطقس على مدارت زمنيه على فترات زمنيه مختلفه علشان يبدا يربط بقى ما بين الاشياء فيبدا يتنبا ليستفيد من هذه المعلومات في التنبؤ باحوال الطقس طيب بصوا يا اد رحت لاسيد حد عارف اسيد طبعا ده طالب متفوق من الحصه اللي فاتت قلت له يا اسيد بعد اذنك حضر لي الشنطه بتاعتك انا وانت هنبدا نروح لرحله بسيطه ممكن نطول فيها شويه بس هنقوم في الرحله دي بتجربه جميله جدا ونطلع منها باستفاده قال لي هنروح فين قلت له هنروح على الصحراء ليه يا مستر محمد قلت له يا باشا النمو السكاني بقى كبير جدا الناس عماله تزيد كل يوم وعمالين يعني نتكدس فوق بعضه فايه ايه رايك نروح للسحر ننزح للسحر ونعيش هناك شويه كده عايزين نشوف ايه الصعوبات اللي ممكن تقابلنا هناك وازاي نحاول ان احنا نتغلب عليها لان لو احنا قدرنا فعلا نتغلب على المشاكل اللي موجوده في الصحرا يا ولاد هيبقى حل كويس جدا لان احنا نتغلب على مشكله النمو السكاني قال لي انا معاك قلت له يلا بينا نطلع على الصحراء اول ما وصلنا للصحراء لقينا فعلا يا جماعه مناخ قاسي جدا مناخ قاسي جدا وطبعا مناخ الصحراء ماله مناخ حار شديد الحراره الاول يعني ايه صحرا يا اد حد عارف يعني ايه سصحرا بص اي مكان اي مكان ينظر فيه المطر ينظر فيه سقوط المطر بنسميه صحراء فممكن تكون الصحرا زي الصحراء اللي في مخيلتك دلوقتي اللي هي رمال وجو حر والكلام ده كله ممكن تكون الصحرا عادي جدا تكون برد زي الصحره التندرا مثلا المهم المكان ده بيتميز بندره هتول المطر اي مكان بيتميز بندره هتول المطر بنسميه سحر لما وصلنا الصحرا فعلا لقينا مناخ قاسي جدا يا جماعه لقينا نقص شديد في الامطار نقص الامطار دي اول حاجه قابلتنا هناك ونقص الامطار في الصحرا دي مشكله كبيره جدا ما فيش ميه نشرب ما فيش ميه نزرع فبالتالي ما احنا طالما عايزين نعيش في الصحرا يا اد يبقى احنا لازم ناكل ونشرب طب هناكل ازاي ونشرب ازاي واحنا ما عندناش ميه نزرع بيها عشان ناكل وميه نشرب منها حلو جدا ولقينا كمان بقى المشكله الاعظم بقى ان الحراره شديده جدا الحراره الشديده وكمان اللي بتعمل لي الجفاف دي كده المشكلات اللي قابلتنا فعلا هناك في نقص في الامطار كميه الامطار اللي بتسقط في الصحرا صغيره جدا ما تكفيش خالص لان احنا نزرع بقى زراعه ونعيش هناك على الدوام ونشرب منها ونربي حيوانات وكمان الحراره الشديده ده الحراره الشديده دي بقى بص لو انت عندك شويه ميه الحراره الشديده دي بتبخرها بتعمل لها تبخر فالتبخر ده وايه خلي بالك الحراره شديده فبتعمل تبخر جدا فتعمل لك جفاف يبقى احنا لما رحنا هناك للصحراء لقينا مشكلات كبيره جدا بسبب المناخ القاسي بتاع الصحرا ايه هي المشكلات اللي قابلتنا يا جماعه هناك نقص الامطار ولازم تعرف برده معلومه مهمه جدا ان بيهطل حوالي يا اد 250 ملم من الامتار سنويا ال 250 ملم دول يا اد اللي بيسقطوا اقل من المعتاد في اي منطقه احيائيه اخرى زي ما هنشوف دلوقتي العادي بيبقى من 300 ل 350 انما هنا في الصحراء بيسقط ما يساوي تقريبا 250 ملي من الامتار سنويا ودي كميه صغيره ما تنفعش ده حتى كمان لو سقط يعني لو ربنا سبحانه وتعالى زاد في الخير بتاعه وسقط المطر بكميه كبيره هتيجي الحراره الشديده تبخره جميل طيب تعالوا نتكلم في الجزء ده وبعدين نكمل قصتنا مع اسيد. الصحراء ما هي الصحراء؟ هي منطقه جافه يعني ايه جافه؟ يعني بتتميز بنقدره هتول المطر منطقه جافه تتميز بنضره هتول المطر حيث يقل كميه الامطار عن 250 ملي احفظ بس كده انها منطقه جافه تتميز بنضره وطول الامطار دلوقتي خلاص النمو السكاني زي ما قلت لك هو اللي دفعني انا والواد قيد الجميل ان احنا ننتقل للاراضي الصحراويه ونعيش فيها ونستقر فيها وبما ان احنا هنستقر فيها يبقى احنا اكيد عايزين نزرعها عشان ناخد منها وناكل ولكن للاسف قابلتنا بعض الصعوبات بسبب المناخ القاسي بتاعها فيجي الراجل في الامتحان يقول لك ايه؟ اذكر الصعوبات التي تواجهنا عند الاستقرار في الصحراء وزراعتها ايه هي ايه المشاكل اللي قابلتك احنا قلنا نقص الامطار والحراره والجفاف نقص الامطار يا اد لو احنا في الصحرا هنلاقي ان بيهضل حوالي 250 ملي من الامتار سنويا والكميه دي بتبقى اقل اقل من اي منطقه احيائيه اخرى اللي بيبقى المعدل تقريبا يعني ما بين 300 ل 350 ملي متر خلاص الارقام دي مش عليك ده اللي عليك بس بس انا برده لازم اقول لك هي اقل بنسبه قد ايه يعني خلاص يبقى اول مشكله هتقابلنا عند الاستقرار في الصحراء هي مشكله نقص الامتار حيث يهطل حوالي حوالي 250 ملم من الامتار سنويا عارفين دي معناها ايه يا اد معناه ان احنا لو جمعنا الميه اللي سقطت مش هيتجاوز الارتفاع ارتفاع بتاعها 25 سم هو 250 ملي ده يعني 25 سم لو جمعنا كميه الامتار اللي نزلت مش هنلاقي الارتفاع بتاعها عد 25 سم ودي كميه قليله جدا خلاص طيب كمان الحراره والجفاف ده احنا حتى لو قدرنا نوفر شويه ميه وكان المطر الى حد ما بالصدفه كتير هتيجي الحراره تبخره طبعا الحراره بتؤدي الى تبخر كميه كبيره جدا من الماء من سطح الارض لذلك في الصحرا يا اد ملحوظه بقى والحته دي بتيجي اكمل في الصحرا المناخ بتاعها قاسي شديد الحراره بيكون مقدار ما يتبخر اكبر من مقدار ما يهل يعني دلوقتي حضرتك في سقط مطر اهو سقوط مطر بقى عندك مطر الحراره الشديده هتخلي ايه؟ هتخلي اللي سقط عندك كله يتبخر فبالتالي تعمل لك جفاف في الصحراء بيكون مقدار اللي بيتبخر اكبر بكتير من مقدار ما يهطل من الامطار لذلك انت ما بتقدرش تحافظ على الميه اللي عندك اصلا ما بتقدرش تخليها موجوده فتشرب منها وتزرع وتربي حيوانات وتقدر تعيش وتستقر يبقى دول كده المشاكل اللي بتقابلنا لو احنا حبينا ان احنا نستقر في السحر طب هل احنا نقدر نتغلب على المشاكل دي يا اد بصوا يا اد المزارعون جم قعدوا كده المزارعون جم قعدوا كده وقال لك بص احنا عايزين نعيش في الصحرا عندنا مشاكل ايه هي المشاكل وبداوا ان هم يمسكوا الاقلام بتاعتهم كده ويخططوا ويعملوا قال لك عندنا مشكله الماء ايه هي مشكله الميه؟ يا جماعه الطقس حار شديد الحراره فالميه اصلا مش موجوده وكميه المطر قليل فالميه اللي موجوده عندهم لازم يستخدموها احسن استخدام ثاني حاجه عندهم مشكله التربه يا جماعه احنا في صحراء التربه هناك مش خصبه فبالتالي لازم نعمل على تحسين جوده التربه شويه نبدا نضيف للتربه دي شويه حاجات فنحسن الجوده بتاعتها عشان تساعدنا انها تطلع لنا زرع بسرعه كمان لازم نختار محاصيل معينه دلوقتي احنا في جو حر جو شديد الحراره ما ينفعش ازرع هنا الا المحاصيل اللي بتتحمل الحراره علشان اقدر اخد انتاج منها وعشان اقدر ان الزرعه بتاعتي تنجح فانا دلوقتي ما اجيش اجيب نبات ما بيقدرش يتكيف مع الحراش ده وازرعه هنا ما هيموت ومش هاخد منه انتاج فبالتالي لازم يكون عندنا دقه في اختيار المحاصيل اللي نزرعها فين في الصحرا لازم تكون المحاصيل اللي احنا هنزرعها قادره على التكيف يا سيدي وقدره الله عز وجل لوحده قادره على التكيف مع المناخ القاسي كمان الطاقه حضرتك دلوقتي احنا هنزرع فبالتالي في معدات هنشغلها وتساعدنا معانا في الزراعه فلازال لازم حاجه توفر لنا طاقه تساعدنا على تشغيل الالات طب نقدر نستخدم ايه طب ما انت عندك حراره شديده ما تستخدم لها الواح شمسيه حلو طيب يبقى هم قالوا الاول المشاكل كل اللي بتقابلنا ايه وازاي نقدر نتغلب عليها دي المشاكل اللي بتقابل المزارعين في الصحرا نقص الميه نقص جوده التربه كمان مشكله المحاصيل ان مش اي محصول اقدر ازرعه هناك لان الجو شديد الحراره وكمان مشكله الطاقه محتاجين كهربا نشغل بيها المعدات بتاعتنا قال لك طيب نقدر نتغلب على مشكله الميه ازاي قال لك بص احنا نقدر نستخدم الماء ثاني نعيد استخدام اعاده اعاده استخدام الماء لما بشرح في الورق الابيض ده ما تمسكليش قلم في ايديك يا باشمهندس وتقعد مركز معايا يا دكتوره انا مش عايز قلم في ايديك وقت ما اشرح هنا لو انت معاك الورق ده وانا بنزله لك على جروب التليجرام فعلا خده اطبعه وتعالى وحطه قدامك وقت الحصه بس المشرح هنا ما تمسكليش قلم في ايديك ركز لما قعد وقال لك عندنا مشكله نقص الميه الميه مش كتير اصلا فبالتالي لازم نتبع طرق حديثه في الراستخدم الرا بالتنقيط ننقط كده بس ما نرميش ميه وخلاص وكمان لو نقدر نعيد استخدام الميه يبقى كتر خير الدنيا كده ليه؟ لان ما عندناش ميه كتير اصلا في ريت نعيد استخدام الميه ثاني يبقى اتغلبوا على مشكله نقص الميه ازاي؟ عن طريق اتباع طرق حديثه للري زي اعاده استخدام الميه او الري بالتنقيط طب اتغلبوا على مشكله التربه ازاي؟ المشكله يعني ايه مشكله التربه التربه هنا الجوده بتاعتها مش عاليه لانها تربه صحراويه اتغلبوا عليها ازاي يعني بداوا ان هم يضيفوا لها بعض الحاجات عشان يخلوها خصبه فبالتالي تدينا انتاج كويس وكمان بداوا ان هم يختاروا محاصيل تقدر تتكاف مع درجه الحراره الشديده وكمان بداوا يعتمدوا على الالواح الشمسيه في توفير الطاقه اللي تساعدهم في تشغيل المعدات اللي هتساعدهم في الزراعه فبالتالي احنا فعلا قدرنا ولو بشيء بسيط نتغلب على بعض المشكلات اللي موجوده في الصحراء بص يا سيدي يسعى المزارعون للتكيف مع المناخ الصحراوي يعني المناخ ده قاسي شديد الحراره من خلال ايه من خلال تطوير اساليب الزراعه ويخلوها اساليب بعاليه الكفاءه ازاي؟ راحوا للميه الاول يا باشمهندس قال لك احنا عايزين نحقق اكبر استفاده من الميه طب نعمل ايه؟ قال لك ابتكر طرق جديده للري وتقدر كمان حضرتك تعمل على اعاده استخدام الميه بما ان ما فيش عندك ميه كتير فعيد استخدام الميه ثاني استخدم الري بالتنقيط يا سيدي حط بس نقط على النبات كده وادي له حاجته فقط ما ترميش ميه وخلاص وبعدين تبقى تصرف الزياده في ناس كانت بتزرع ولسه مازال لحد دلوقتي يقوم فاتح القطع بتاع الارض مدخل الميه كتير يدي للنبات حاجته ويروح في نهايه الارض كده يفتح القطع يقوم مسرب الميه الزياده والحته اللي ورا دي اسمها المصرف اللي هي الميه الزياده عن حاجه الارض بتروح فين؟ بتمشي بقى بعيد وما بنستفادش منها ولكن بتروح بقى تترمها في المصبات والكلام ده كله لا احنا ما نعملش كده في الصحرا لان ما عندناش اصلا ميه كتير نعمل كده احنا لازم نطور اساليب ري جديده زي اعاده استخدام الميه راحوا برده يا باشمهندس للتربه قال لك التربه بتاعتنا مش خص خصبه احنا التربه بتاعتنا في صحرا فبالتالي لازم نزود من خصوبه التربه دي عملوا على تحسين جوده التربه الصحراويه الجافه وجعلها خصبه ومثمره اكيد بداوا يضيفوا لها بعض الحاجات راحوا للمحاصيل قال لك بص احنا مش هينفع نزرع محاصيل هنا وخلاص لازم ندور على المحاصيل اللي تتحمل المناخ القاسي بتاع الصحرا عملوا على زراعه محاصيل تتحمل حراره الطقس والتربه منخفضه الخصوبه كمان اخيرا موضوع الطاقه اشتغلوا على انهم يولدوا الكهرباء من استخدام الالواح الشمسيه وكمان بداوا يستخدموا تربينات الرياح ولكن بشيء مبسط شويه الالواح اكت جميل يبقى دي كده الحاجات اللي عملوها المزارعون عشان يطوروا من اساليب الزراعه بتاعتهم والتغلب على المشكلات اللي بتقابلهم في الصحرا في سؤال هنا كده يا اد يواجه المزارعون تحديا في زراعه الصحراء علل ليه ليه بيواجهوا تحدي في زراعه الصحراء لان الصحراء عندها مناخ قاسي المناخ القاسي ده بيتمثل في ايه في حاجتين نقص الامتار والجفاف والحراره سبب نقص الامتار والحراره الشديده والجفاف طيب بصوا يا اد لو عندنا مثلا منطقه فكل منطقه بيبقى لها طقس في عندنا هنا حاجه اسمها احوال الطقس بتاعه المنطقه احوال الطقس يا اد هي اللي بتصف بص كده اسمعوا الكلام كويس واما تيجوا تذاكروا ذاكروا برسومات اي منطقه عندنا بيبقى لها طقس واحنا قلنا طبعا ان الطقس هو دراسه حاله الجو خلال فتره فتره زمنيه صغيره فالمنطقه دي عندها طقس معين احوال الطقس في المنطقه دي يا اد بتصف حاله الغلاف الجوي بتاع المنطقه يعني لو عايزين نوصف حاله الغلاف الجوي بتاع المنطقه نبص كده على احوال الطقس طيب نبص على ايه يعني احوال الطقس دي بتتحدد ازاي بص بقى كده تتحدد تتحدد احوال الطقس في المنطقه 1 2 3 يبقى لو عايز تحدد احوال الطقس في المنطقه اللي هتعرف لك وتصف لك حاله الغلاف الجوي بتاعها لازم تحدده من خلال ثلاث حاجات اول حاجه درجه الحراره ثاني حاجه الضغط الجوي ثالث حاجه الرطوبه يبقى من خلال درجه الحراره وعندنا يا سيدي الرطوبه مش لازم بالترتيب على فكره درجه الحراره والرطوبه والضغط الجوي ضغط الجوي جو اني كده الحته دي بالراحه كده كل منطقه بيبقى لها طقس معين احوال الطقس في المنطقه هي اللي بتصف حاله الغلاف الجوي بتاعها الغلاف الجوي ده عامل ايه وعشان نوصف حاله الغلاف الجوي اللي هي يعني نحدد احوال الطقس في المنطقه فاحنا بنحددها من خلال ثلاث حاجات درجه الحراره والرطوبه والضغط الجوي فبنحدد درجه حراره المنطقه والرطوبه والضغط الجوي في المنطقه فبالتالي بنقدر نتعرف على احوال الطقس بتاعه المنطقه وبالتالي بنقدر نصف حاله الجو في المنطقه دي حلو حلو جدا تعالى كده معايا تتحدد خلي بالك ده مهم جدا مهم سؤال مهم سؤال اكمل تتحدد احوال الطقس في منطقه معينه بمقدار نقط بمقدار درجه الحراره وبمقدار الضغط الجوي وبمقدار كمان الرطوبه طب درجه الحراره عارفينها امال ايه الضغط الجوي ده وايه الرطوبه دي طبعا انت سمعت عن الرطوبه قبل كده ما تجيش دلوقتي تقول لي مش فاكر كميه بخار الماء الموجوده في الهواء كميه بخار الماء الموجوده في الهواء هو ده يا سيدي تعريف الرطوبه اهو الرطوبه ما انت بتقول لي عشان تحدد احوال الطقس فانت لازم تحدده من خلال مقدار ثلاث حاجات من خلال مقدار درجه الحراره ودي سهله مالهاش تعريف دي درجه الحراره على حسب بقى كميه الاشاع الشمسي اللي بتتلقاها المنطقه وكميه الرطوبه والضغط الجوي طب يعني ايه رطوبه يعني كميه البخار اللي موجوده في الهواء. طب يعني ايه الضغط الجوي بقى؟ اسمعني بقى كويس كده سيبك من الضغط الجوي وتعال انت اهو انت اهو افهم بقى علوم بقى افهم علوم بقى نور نفسك كده يا حبيب قلبي ما تحفظش وخلاص خليك جدع كده انت اهو انت لو وقفت على الميزان الزنبركي الزنبركي اهو هيطلع ايه؟ هيطلع وزنك وزنك ده قوه حلو وزنك هو قوه بتاثر راسيا لاسفل اسفل خلاص طيب يبقى الوزن ده ايه قوه يعني ايه الضغط الجوي بقى بص يا سيدي وزن عمود الهواء فوق منطقه معينه يعني مثلا المنطقه دههي دي منطقه اسمع كويس دي منطقه المنطقه دههي لو عايزين نجيب الضغط الجوي فيها نعمل ايه بناخد عمود من الهواء ايوه ايوه اه بناخد عمود من الهواء وبعدين ناخد الهواء اللي جواه وزن الهواء اللي جوه العمود ده هو ده الضغط الجوي في المنطقه طب العمود ده لحد فين؟ لحد الغلاف الجوي فوق الغلاف الجوي بناخد عمود من الهواء يا اد بيبقى بادئ من اول المنطقه لحد الغلاف الجوي فوق بنبدا ناخد الهواء اللي جوه دههو نجيب وزنه فوزن الهواء دههو وزن عمود الهواء فوق منطقه معينه هو ده الضغط الجوي او القوه اللي بيضغط بها الهواء على الحاجات له تعريفين مقدار القوه التي يؤثر بها الهواء على البيئه المحيطه ده تعريف الضغط الجوي او وزن عمود من الهواء فوق المنطقه يعني ايه وزن عمود من الهواء هو احنا بنوزن الهواء ايوه طبعا نوزنه ليه لان الهواء ماده وطالما ماده يبقى له كتله وبما ان له كتله يبقى نقدر نوزنه يا باشا عادي اي نعم وزنه صغير بس نقدر نوزنه ما تستغربش اه ينفع ما هو تعريف الضغط الجوي هتلاقي له تعريفين عندك في الكتاب مقدار القوه اللي بيضغط بيها الهواء على البيئه المحيطه ده اسمه الضغط الجوي او وزن عمود من الهواء فوق المنطقه وانا بقول لك ان العمود ده بيكون ممتد من المنطقه لحد الغلاف الجوي فوق على ارتفاع تقريبا 1000 م من سطح الارض بناخد وزن عمود الهواء دهناخد الهواء ده كله كده نكبسه ونجيب وزنه اهو الوزن ده يا باشمهندس هو دي كده القوه اللي بيضغط بيها الهواء على البيئه المحيطه ما هو ما هو يا جماعه وزن الهواء يعني ايه اهو اهو وزن الهواء يعني القوه بتاعته اللي بيضغط بيها على الحاجات يا جماعه فلما تلاقي عندك تعريفين لازم يكونوا التعريفين نفس الحاجه التعريف الاولاني عندك هيقول لك ايه؟ بص كده معايا هيقول لك ان تعريف الضغط الجوي هو مقدار القوه التي يؤثر بها الهواء على البيئه المحيطه عارف يعني ايه قوه؟ يعني الوزن بتاعه ما هو الوزن هو قوه امال انا كنت بديك الحته دي ليه؟ يبقى الضغط الجوي هو مقدار القوه التي يؤثر بها الهواء على البيئه المحيطه القوه دي بتيجي منين؟ القوه دي بتيجي من وزن الهواء اللي بيبقى موجود في عمود هواء ممتد من اول المنطقه منطقه لحد فوق خالص خلاص انا حاولت بس افهمك يعني ايه ضغط جوي بس انت كده كده هتحفظ التعريف وخلاص فانا يعني كل بحان صوتي دههو عشان افهمك يعني ايه ضغط جوي فلما الراجل يجي في الامتحان يقول لك تتحدد احوال الطقس في منطقه بمقدار نقط ونقط ونقط بمقدار درجه الحراره والضغط الجوي والرطوبه ولما يقول لك عرف يعني ايه الرطوبه هو عباره عن مقدار كميه بخار الماء اللي موجود في الهواء ولما يقول لك عرف الضغط الجوي فتعرف ان له تعريفين هو مقدار القوه التي يؤثر بها الهواء على البيئه المحيطه او وزن عمود الهواء اللي بيبقى ممتد من المنطقه دي لحد الغلاف الجوي وزن عمود الهواء اللي هنا كده يا باشمهندس ووزن عمود الهواء ما هو قوته وزن عمود الهواء هي دي قوته اللي بيضغط بيها على الاشياء لان الوزن هو قوه تعريفين وزن عمود الهواء فوق منطقه معينه ولازم تبقى فاهم ان وزن عمود الهواء ده هو ده قوته اللي بيضغط بيها على الاشياء فلذلك الراجل صاغ تعريف ثاني للضغط الجوي هو مقدار القوه التي يؤثر بها الهواء على البيئه المحيطه خلاص يا باشمهندس طيب احوال الطقس كلها يا باشمهندس بتحصل في اقرب طبقه من الغلاف الجوي للارض الغلاف الجوي بتاعنا يا ولاد بيتكون من طبقات تروبوسفير وستراتوسفير ومايزوسفير وثيرموسفير هتدرسهم لما تكبر احنا عايزين الطبقه الاولى بس اللي هي طبقه التروبو التروبوسفير كلمه سفير اصلا باليوناني يعني طبقه فهي اسمها الطبقه تقريبا المضطربه لان بيحصل فيها كافه ظواهر الطقس خلاص تحدث احوال الطقس وظواهره في طبقه الغلاف الجوي الاولى والاقرب لسطح الارض وهي طبقه التروبوسفير خلاص الغلاف الجوي بتاعنا يا اد بيتكون من اربع طبقات الطبقه الاولى القريبه لينا دي طبقه التروبوسفير ودي دي الطبقه اللي بيحصل فيها كافه الظواهر بتاعه الطقس مطر رياح درجه حراره كل ده بيحصل في الطبقه الاولى الطبقه الثانيه طبقه الستراتوسفير ودي الطبقه اللي بنطير بيها في الطائرات الطائرات لما بنسافر من مكان لثاني بنطير في الطبقه الثانيه طبقه خاليه من الغيوم والكلام ده كله عندنا طبقه ثالثه اسمها المايزوسفير دي ابرد الطبقات وعندنا بقى بعد كده طبقه الوسفير وهي اسخن الطبقات انت مش عليك الكلام ده بس يعني بما انك قاعد بتسمع يعني الملحوظه المطلوبه منك اهي تحدث احوال الطقس وظواهره فين؟ في اقرب طبقه من الغلاف الجوي للارض اسمها ايه؟ اسمها التروبوسفير شوف يا باشمهندس صلي على النبي كده عليه الصلاه والسلام لو احنا هنا على سطح الارض يا حبيبي سطح الارض وجينا نشوف درجه الحراره هنا حلو والرطوبه هنا وكمان نشوف الضغط هنا حلو وبدانا ان احنا نطلع في رحله او بلاش رحله بدانا ان احنا نتسلق جبل فالجبل ده ارتفاع بقى ووصلنا هنا كده احنا كنا واقفين هنا انا وانت اهو اسمع بقى كده وركز احنا كنا واقفين هنا على سطح الارض فشفنا درجه الحراره والرطوبه والضغط يعني شفنا ايه يا محمد؟ يعني شفنا احوال الطقس هنا يعني دي ما هي درجه الحراره والرطوبه والضغط هي دي احوال الطقس في المكان ده طب تعالى نطلع فوق يا باشمهندس انا وانت اهو طلعنا ازاي؟ طلعنا يا عم وخلاص ما ندورش في الحاجات التافهه وجينا نبص على درجه درجه الحراره هنا والضغط وكمان الرطوبه قو لي بالله عليك هل درجه الحراره هنا هتبقى زي هنا فوق الجبل؟ لا انا بقول لك اهو طب هل الضغط هنا هيكون زي الضغط هنا؟ لا ليه؟ لان من هنا لفوق هيبقى في وزن عمود من الهواء ومن هنا لفوق هيبقى في وزن عمود من الهواء اقصر فالضغط هنا هيختلف عن الضغط هنا والرطوبه اكيد هنا غير الرطوبه هنا وكثافه الهواء هنا برده غير كثافه الهواء هنا ده كثافه الهواء كمان يا اد كثافه الهواء هنا هتبقى مختلفه عن كثافه الهواء هنا يعني احوال الطقس هنا غير احوال الطقس هنا طبعا احوال الطقس بتختلف بالارتفاع لاعلى عارف ليه لان كل ما نطلع لفوق درجه الحراره بتقل الضغط الجوي بيقل كثافه الهواء بتقل قل كل ده بيقل لما بطلع لفوق كل اما تطلع لفوق درجه الحراره تقل ويمكن كمان تلاحظ كده ان بيبقى فينا اهو ثلج ليه؟ لان درجه الحراره بتقل كل ما بنطلع لفوق فلما نطلع فوق جبل عالي درجه الحراره بتقل جدا فنلاقي هنا تلج اتكون لان درجه الحراره قلت قوي ده دليل اهو دليل ان كلامنا صح فبالتالي يا باشمهندس احنا كده فهمنا ان احنا لما بنطلع لفوق درجه الحراره بتقل الضغط الجوي بيقل قل الكثافه بتاعه الهواء بتقل اذا يا باشمهندس نقدر نقول ان احوال الطقس بتتغير بالارتفاع لاعلى طب علل ليه احوال الطقس بتتغير بالارتفاع لاعلى لان كثافه الهواء ودرجه الحراره والضغط الجوي بيقل كل ما اتجهنا لاعلى بص كده معايا لاحظ احوال الطقس تتغير بسبب حاجتين احنا اتكلمنا عن اول حاجه الارتفاع عن سطح الارض وبعدين هنتكلم شويه عن تاثير التضاري طب ازاي احوال الطقس بتتغير بسبب الارتفاع عن سطح الارض؟ بص يا سيدي كلما ارتفعنا لاعلى عبر الغلاف الجوي تقل درجه الحراره يقل الضغط الجوي تقل كثافه الهواء وبالتالي كده على فكره خلاص احوال الطقس تختلف ليه؟ لان درجه الحراره والضغط والكثافه بتاعه الهواء اختلفوا فبالتالي ده يؤدي الى اختلاف احوال الطقس ده طقس تاني يبقى انا دلوقتي اقدر اجي في الامتحان اقول لك علل تختلف خصائص الغلاف الجوي جوي عند قمه الجبل هي فين الرسمه اهي خصائص الغلاف الجوي هنا تختلف عن خصائص الغلاف الجوي هنا دي كده اسمه قاع الجبل قاع الجبل اسمه سفح الجبل برده وده اسمه ايه قمه الجبل فهو الراجل بيقول لك سؤال اهو علل تختلف خصائص الغلاف الجوي عند قيمه الجبل فوق عن خصائصه عند سفح الجبل سفح يعني ايه تحت قاع الجبل السفح يعني اللي تحت ليه ليه طيب تقول له والله لان كل ما بنطلع لفوق الثلاثه دول بيقلوا لانه كلما ارتفعنا لاعلى نحو قيمه الجبل تقل درجه الحراره والضغط الجوي وكمان كثافه الهواء هل هل الارتفاع لاعلى فقط هو اللي بيؤدي الى تغيير احوال الطقس لا عندنا حاجه كمان بتؤدي الى تغيير احوال الطقس يا اد اسمها تاثير التضاريس ولما نقول لك تاثير التضاريس يبقى بناخد حاجه اسمها ظاهره ظل المطر يبقى لازم تقف انتباه لانها حاجه مهمه جدا ومن الاساسيات اللي لازم تبقى موجوده في اي امتحان نشرحها ونخلص الحصه بصوا يا اد ركزوا معايا كده وافهموا انتوا ناس في سنه مهندسين ودكاتره دلوقتي احنا قلنا ان احنا عندنا حاجتين بياثروا في احوال الطقس ايه هما الاولى الارتفاع عن سطح الارض وقلنا ان الارتفاع عن سطح الارض بيؤثر في احوال الطقس فعلا لان الارتفاع عن سطح الارض بيعمل على تقليل درجه الحراره والضغط بتاع الهواء وكثافه الهواء جميل وخدنا عليها سؤال بسيط هل الارتفاع عن سطح الارض فقط هو اللي بيؤثر في احوال الطقس؟ قال لك لا في حاجه كمان اللي هي تاثير التضاريس التضاريس ليها تاثير بيؤثر في احوال الطقس ازاي تعال ندرسه تاثير التضاريس يا جماعه نقدر نسميه ظاهره ظل المطر الورقه البيضا دي انا جايبها بهدف ان الولد بعد ما يشوف الحصه ياخد الورقه البيضا دي ويعمل نفس الكلام بايديه وكده كده الكلام كله موجود هنا على الرسمه اهي خلاص لكن ده تدريب قوي جدا للولد عشان يفهم ظاهره ظل المطر. بصوا يا جماعه احنا عندنا نوعين من الهواء هواء دافئ ورطب وده اللي بيعمل على تكوين السحب اهو هواء دافئ رطب وهواء بارد وجاف او هواء جاف يعني ده اللي بيعمل ممكن يكون هواء دافئ على فكره ممكن يكون هواء دافئ برضو جف يعمل على تكوين مجموعه من الصحاري بس الهواء البارد الجفاف هو اللي بيكون مجموعه من الصحاري طيب تعال نقول ان في رياح جايه من هنا يا باشمهندس في هنا رياح اهو في هنا هواء دافئ رطب جاي من الناحيه دي ولو انت لاحظت انا جايب لك رسمه الهواء او الرياح الدافئ الرطب جاي من هنا والرسمه الاصليه في الكتاب الهواء او الرياح جاي من الناحيه دي فعشان برض لو الراجل ايه قلب الرسمه ولا حاجه يبقى احنا مستعدين طيب الهواء الدافئ الراتب يا جماعه لما بيجي من هنا بيبدا ان هو يصطدم بالجانب دههو ويبدا ان هو يطلع لفوق يرتفع يرتفع الهواء الدافئ لاعلى وخلي بالك انه دافئ ورطب حلو حلو جدا طب ما احنا قلنا قبل كده انه لما بيرتفع الهواء الدافئ ايه اللي بيحصل بيبرد صح فبعد كده يبرد يبرد الهواء ولما يبرد يبدا بخار الماء اللي جوه يتكثف واحد يقول لي طب هو بخار الماء ده جه منين؟ ما تنساش انه رطب راطب يعني جواه بخار ميه فلما بيطلع لفوق يا باشمهندس بيبرد يعني بيفقد الطاقه بتاعته يبرد الهواء ويتكسر بخار الماء الموجود به طب لما يتكسب بخار الماء ايه اللي يحصل يا جماعه يتكون السحب بعد ما تتكون قطرات الميه يبقى احنا في عندنا هواء بارد الهواء البارد ده يا باشمهندس بيبدا يفقد بخار الماء اللي جواه لانه بيتكثف بيحصل عمليه التكثف فتتكون السحب حلو فالسحب دلوقتي اتكونت في احد جانبين من الجبل خلي بالك في عندنا جانب اهو الجانب ده يا جماعه هو الجانب اهو الجانب المواجه للرياح الرياح جايه من هنا وده الجنب اللي بيواجهها الجنب ده يا جماعه هيسقط عليه المطر ليه هيسقط عليه المطر عشان السحب اتكونت فوقه فالسحب بتتكون فوق الجانب المواجه للرياح الجانب ده يا جماعه بنسميه الجانب الرطب الجانب الرطب ليه رطب عشان بيسقط عليه مطر اهو فهتلاقي في بقى زراعات كتير جدا ونباتات ما شاء الله خضره كتير تحس ان في حديقه هنا فالجانب ده تحس ان في حياه بيسقط فيه المطر ليه؟ لانه كان في عندنا هواء دافئ راطب بيجي يخبط في الجبل يرتفع ولما يرتفع الهواء الدافئ لاعلى بيبدا انه يبرد ولما يبرد فبيفقد بخار الماء اللي جواه ويتكثف في صوره قطرات من الميه تعمل لي السحب السحب تعمل لي هطول فبالتالي تلاقي هنا زراعات ما شاء الله اهي لان في مطر بيعدي الهواء يا اد خلاص هو برد يبدا يعدي من الناحيه الثانيه ويصبح دافئ وجاف هواء دافئ جاف ايه جف كلمه جف ديت يعني ما عادش معاه خلاص بخار ميه ليه طب ما هو اصلا فقد بخار الميه هنا كان معاه بخار ميه فقدها هنا وكون بيها سحب فلما يعدي الناحيه الثانيه ما يعديش راطب بقى ليه ما يعديش راطب لان بخار الماء اللي كان معاه هو خلاص فقده فيعدي من غير بخار الميه يعدي جاف بيبقى هواء دافئ الى حد ما وجف الهواء الجف ده يا جماعه يعدي من هنا كده يخلي المنطقه دي شبه صحراء شبه صحرا ويوم ما تلاقي فيها نباتات لازم تلاقي هنا نباتات متكيفه مع نقص الميه لان ما فيش هنا مطر فعلا لو انت بصيت على الصوره هتلاقي الراجل دقيق في الرسم بتاعه حاطط لك شويه نباتات اللي هم بيتزرعوا في الصحرا اللي هم متكيفين اصلا مع نقص الميه فبيبقى عندنا جانب هنا يا جماعه الجانب ده بنسميه الجانب الجف الجانب الجف يعني الجانب اللي ما بيسقطش فيه مطر وده الجانب اللي بيبقى اللي هو الناحيه الثانيه من الجانب اللي جاي منه الرياح الجانب ده يا جماعه الحته دي كده بنسميها منطقه ظل المطر الحته دي كده بنسميها منطقه ظل المطر فمنطقه ظل المطر بتبقى فين؟ بص بالبلدي بالبلدي شوف حضرتك الهواء الدافئ الرطب جاي منين النح الناحيه الثانيه هي منطقه ظل المطر طب لو الهواء الدافئ الراطب جاي من هنا يبقى منطقه ظل المطر هتكون الناحيه الثانيه هنا زي ما هتشوف في الرسمه اللي موجوده عندك في الكتاب هي دي القصه يا باشا هو ده تاثير التضاريس على تغير احوال الطقس بيبقى عندنا جانب راطب بيسقط فيه مطر وجانباني جاف ما بيسقطش فيه مطر في مطر وما فيش مطر يبقى في هنا اختلاف في احوال الطقس اللي انت شفته قدامك ده شرح اللي هو تعالى اما افهمك ما بقولكش احفظ واحد انين 3لاه انت لو عايز تحفظ احفظ واح ان تلا هوريك دلوقتي تحفظ ايه الكلام ده انت تعمله بايديك عشان تفهم ظاهره ظل المطر ولما اسالك فين منطقه ظل المطر تقول لي شوف الهواء الدافئ الرطب جاي منين الناحيه الثانيه هي منطقه ظل المطر والظاهره اللي قدامك دي اسمها ظاهره ظل المطر بيبقى عندنا جانب مواجه للرياح هو جانب رطب وجانب ثاني غير مواجه للرياح جانب جاف عندك جانب رطب وجانب جاف الاثنين كده مع بعض يعمل لك حاجه اسمها ظاهره ظل المطر تعالى نفهم الكلام ده على الورق اللي تحت ونخلص الحصه تعالى ناكد على المعلومات اللي احنا قلناها كده يا باشمهندس كل الكلام اللي قدامك ده احنا لسه شارحينه دلوقتي فاحنا بس بناكده معاك على الورق لان انت بتذاكر من الورق فتفهم انت بتذاكر ايه دي معلومات مفروض اديها لك ولكن انا بحب اديها لك في صوره اسئله عندنا هواء بيساعد في سقوط الامطار انت عارف طبعا انه الهواء الرطب وعندنا هواء بيساعد في تكوين الصحاري ده الهواء الايه الجاف احنا عندنا السلاسل يا اد بتاعه الجبال بتبقى مواجهه للرياح من احد جانبيها لو ده الجانب المواجه للرياح فده كده اسمه جانب رطب طب والجانب التاني ده اسمه ايه؟ جانب جاف لان مش هيسقط عليه مطر فتمتلك سلاسل الجبال جانبين جانب موجه للرياح اسمه جانب رطب والجانب الثاني اللي بيكون بعيد عن الرياح اسمه جانب جاف يا دكتور لما بيكون عندك جانب رطب وجانب جاف الاثنين دول كده مع بعض يعملوا حاجه اسمها ظاهره ظل المطر يعني ايه ظاهره ظل المطر في ناس لحد دلوقتي مش فاهمه ظاهره ظل المطر ظاهره ظل المطر هو ان يكون عندي سلاسل من الجبال جانب منها في زرع واخضر وفي نباتات نتيجه سقوط الامطار والجانب الثاني جانب جاف نتيجه ان الهواء اللي بيعدي عليه هواء جاف جانب رطب وجانب جاف دي اسمها ظاهره ظل المطر وتسمى هذه الظاهره باسم ظل المطر يجي في الامتحان يقول لك وضح الخطوات هي نفس الكلام اللي كنا بنرسمه اللي كنا بنكتبه على الرسمه بيبقى عندنا هواء دافئ بيبدا انه يواجه سلاسل الجبال بعدين يخبط في الجبل يطلع لفوق يرتفع الهواء عندما يخبط يصطدم بالجبل حلوه يخبط دي وبعد ما يطلع لفوق يبرد يكثف بخار الماء اللي جواه يكون السحب اهو يبرد الهواء ويتكثف بخار الماء في الاعلى طبعا ويكون السحب بعدين تسقط الامطار فين يا جماعه في الجانب المواجه للرياح اللي هي تسقط الامطار في الجانب الرطب ما هو سمي جانب رطب ليه عشان بتسقط عليه الامطار يحدث الهطول للامطار او السلوج على الجانب المواجه للرياح وبعدين يعدي الهواء من الناحيه الثانيه بعد ما يتجاوز قمه الجبل ويصبح الى حد ما دافئ وجاف اهم حاجه جاف ده يعني بيسبب جفاف الارض جفاف الارض ده يا جماعه اللي هي منطقه ظل المطر اللي هي بتبقى على الجانب الاخر المواجه للرياح على الجانب الاخر الجانب المواجه للرياح بقى جانب رطب الجانب التاني هو دي كده منطقه ظل المطر ولو انت برض بصيت على الرسمه اللي موجوده عندك في الكتاب هتلاقي الراجل بقى جايب لك الهواء الدافئ الرطب من هنا ويبقى احنا كده اشتغلنا على ان الهواء جاي من هنا مره وجاي من هنا مره برض نفس الكلام اهو يواجه الهواء الدافئ الرطب هذا الجانب من الجبل يرتفع الهواء عندما يصطدم بالجبل يبدا ثالث حاجه كده يبرد ولما يبرد يتكثف بخار الماء اللي جواه لان البخار بيتكثف بالتبريد بفقد طاقه ويكون السحف في الاعلى بعدين يحصل الهطول فينا؟ على الجانب الموجه للرياح اللي هو ده الجانب الرطب عشان كده بص تلاقي في سرعات هنا اهي ده الجانب الرطب اما الهواء بقى بيعدي من هنا بعد ما يتجاوز قمه الجبل ويصبح دافئ الى حد ما وجف كلمه جف دي اهم حاجه جف يبقى يخلي المنطقه دي ايه شبه سحره هي دي كده منطقه ظل المطر ظل المطر ممكن يجيب لك الرياح ويقول لك دي المنطقه واحد ودي المنطقه اثنين ممكن يجيب لك صوره ويجيب لك الرياح جايه منين ويقول لك دي المنطقه واحد ودي المنطقه 2ين انهي منهم تمثل منطقه ظل المطر؟ شوف الرياح جايه منين الناحيه التانيه هي دي منطقه ظل المطر يهبط الهواء على الجانب الاخر بعد تجاوز قمه الجبل ويصبح دافئ وجاف جاف اهم حاجه تركز لي على جف دي والهواء الجاف بيشكل صحاري يعني يخلي الارض دي شبه صحراء بسبب عدم سقوط الامطار بس هي دي يا عم تاثير التضاريس يعني ما اعتقدش انها صعبه ليه بتسترخموها طبعا الكلام هنا لكل طلاب سنه ه في السنوات اللي فاتت خد يا حبيبي الواجب بتاعك بس قبل ما تاخد الواجب لازم تكون قادر تتعامل مع السؤال دههو لما يجي لك بقى في الامتحان يجي الراجل يقول لك ماذا يحدث عندما يواجه هواء رطب مش لازم يكون دافئ هواء رطب سلسله جبال عاليه ايه اللي يحصل لما يجي من هنا يا جماعه هواء رطب هواء رطب ايه اللي يحصل تقول لي اولا كده في الامتحان تقول لي اولا الجانب الجانب المواجه للرياح تقوللي كده تقوللي اولا الجانب المواجه للرياح او في الجانب المواجه للرياح يرتفع الهواء ويبرد ويتكثف بخار الماء مكون سحب اما في الجانب الاخر اما في الجانب الاخر يمر هواء جاف مكونا منطقه شبه صحراء تسمى نقطتين كده اهو نقطتين كده اهو ظل المطر لو انا ما سمعتش منك منطقه ظل المطر في اجابه السؤال دههو اجابتك ناقصه يبقى هنقول له ماذا يحدث عندما يواجه هواء اراطب سلسله جبال عاليه ايه اللي بيحصل نقول له اولا اولا في الجانب الموجه للرياح لازم نتكلم هنا ونتكلم هنا نقول له اولا في الجانب الموجه للرياح يرتفع الهواء ويبرد ويتكثب بخار الماء مكونا السحب عاليا طبعا بيكون السحب فوق خلاص ويحدث الهطول اما في الجانب الاخر الغير مواجه للرياح يمر هواء جاف مكونا منطقه شبه صحراء تسمى منطقه ظل المطر الاجابه بتاعه السؤال ده موجوده هنا يا باشمهندس ماذا يحدث عندما يحدث اصطدام لهواء هواء راطب محمل ببخار الماء بسلسله جبال عاليه لازم تكلمني الاول عن الجانب المواجه للرياح يرتفع الهواء الرطب يبرد يتكثف بخار الماء ويسقط المطر اما في الجانب الاخر او الجانب البعيد عن الرياح اللي احنا بنسميه الجانب الجف بيهبط الهواء من الناحيه الثانيه بعد تجاوز قمه الجبل ويكون جاف وتتكون منطقه شبه صحراء تسمى منطقه ظل المطر السؤال ده كويس نركز على الاسئله المقالي بقى عشان امتحاننا انت عارف ان المال خالي كتير قبل برده ما تاخد الواجب بتاعك خلاص الواجب اهو انا عندنا بس سؤال هو ليه الهواء بيرجع ينزل تاني يا اد لانه بعد ما يبرد بص بعد ما يبرد ويكون السحب كثافته كبرت فبينزل بقى علل يعود الهواء الى الارض مره اخرى بعد تجاوز قمه الجبل مش هو برد واللي بيبرد ده كثافته عاليه هو برد فبيبقى يعني خلاص كثافته زادت فبالتالي تقل فلازم ينزل يعود الهواء الى الارض مره اخرى بعد تجاوز قمه الجبل لانه برد ويفقد الرطوبه بتاعته فبالتالي تزداد كثافته برد يعني تزداد كثافته فينزل تاني تحت سؤال بسيط كده كان في النهايه تعالى خد الواجب بتاعك يا بطل