شرح الدرس الثالث المفهوم 1 التكيف من أجل البقاء –علوم السادس الابتدائي–ترم ثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس الثالث من الوحده الرابعه التكيف مع التغيرات المفهوم الاول التكيف من اجل البقاء هنا عندنا نشاط سبعه بيتكلم عن حاجه اسمها توارث الصفات في الكائنات الحيه يعني ايه توارث الصفات يعني كل اب وام عندهم صفات معينه مختلفه عن غيرهم بيورثوها لاولادهم يعني قط وقطه المفروض اللي هيخلفوا قطه كمان وفي قط وقطه ثانيين هيخلفوا برده قطه ما اختلفناش عن نوع ما هو اكيد هيخلفوا قطط زيهم بس لو الاب والام الريش بتاعهم او الفراق بتاعهم كثيف هيطلعوا قطه برده الفرو بتاعها كتير لكن مثلا لو القط والقطه دول ما عندهمش فرو خالص هيطلعوا برده قط ما عندهوش الفرو خالص دي بنسميها توارث الصفات في الكائنات الحيه ده علامه صح او علامه خطا تتساوى اطوال نباتات الصحراء المختلفه بسبب تعرضها لنفس الظروف يعني عشان كلهم في الصحرا كلهم نفس الطول لا طبعا عندك النخل طويل جدا والصبار قصير جدا يبقى مالهاش علاقه بقى ان الاثنين في الصحرا الكائنات التي تتمكن مع من التكيف مع العوامل البيئيه بتنقل صفاتها للاجيال القادمه يعني الكائن اللي قدر يعيش ويتكيف على الرغم من تغير البيئه اللي حواليه هل كده هيقدر ينقل صفاته اه ما هو هيفضل عايش ف هيتجوز ويخلف ويجيب كائنات حيه شبهه بتحمل نفس الصفات يبقى العباره دي صحيحه تنوع صفات الكائنات الحيه كل الكائنات الحيه اللي على سطح الارض مختلفه عن بعض في الشكل وفي الصفات تعلمت ان العوامل البيئيه اللي هي المكان اللي احنا عايشين فيه سواء كان صحراء او بيئه ساحليه عند البحر او حتى بيئه زراعيه جنب نهر او جنب ميه كلها بتاثر في طريقه التكيف من اجل البقاء كل كائن بيتعود على البيئه اللي طالع فيها عشان يحافظ على حياته ويفضل عايش وبالرغم من ذلك تظل العوامل الوراثيه هي المحدد الرئيسي لخصائص الكائنات الحيه وبالرغم من ده كله فالصبار هيفضل صبار حتى لو اتزرع في بيئه غير الصحرا يعني لو طلع في بيئه مثلا فيها ميه كتير برده هيتحمل العطش والجفاف لانه وارث الصفات دي عن اباؤه واجداده يا ميس هو الصبار عنده اباء واجداد ايوه طبعا الصبار كائن حي زي اي كائن حي وهو بيجي عن طريق التكاثر زي اي كائن حي ما بيجي عن طريق التكاثر بس ازاي قال لي في كائنات بتتكاثر باكث من طريقه البذور بتاعتها في اللي بتطير وتتنقل لمكان اخر وتتزرع وفي اللي بيتنقل مع فراق الحيوانات زي ما اخدنا في سنه خامسه وفي كمان اللي بيتنقل عن طريق الرياح الهواء او الميه وغيره وبعدين بتتغرس في التربه وبتبدا انها تنبت وده وعشان كده هي اللي مسؤوله عن التنوع بين الانواع المختلفه يعني الصفات الوراثيه اللي بتتنقل من الوالدين الاب والام اللي بتنتقل للنسل اللي احنا بنقول عليه الاب ابناء الحاجات اللي بتتنقل من بابا وماما للولد ده بنسميها عوامل وراثيه يعني لو الاب مثلا عينه خضرا والام عينها مثلا زرقاء والطفل طلعت عينه زرقاء زي مامته يبقى دي اسمها عوامل وراثيه مالها انتقلت من الاباء الى الابناء دي اسمها عوامل وراثيه ودي اللي مسؤوله عن التنوع بين الانواع المختلفه يعني عشان كده احنا مش كلنا كبني ادمين شبه بعض في اللي عينه سودا واللي عينه بني واللي عينه خضراء واللي عينه زرقاء واللي عينه عسلي وفي اللي بشرته بيضا واللي بشرته سمراء واللي بشرته قمحي واللي بشرته خمري وفي الطويل والقصير والوسطاني والتخين والرفيع والمتوسط برده بتتميز الانواع المختلفه بصفات مختلفه يعني كل نوع مختلف عن الثاني عنده صفات مختلفه برده حتى لو تشاركوا في نفس العوامل البيئيه يعني مش عشان كلهم طلعوا في الصحرا يبقوا كلهم شبه بعض يعني عمر ما السحليه والثعلبه يبقوا شبه بعض عشان الاثنين بيعيشوا في الصحرا ده عنده صفات وده عنده صفات تانيه خالص مثال مثلا توجد في الصحراء شجيرات واشجار ونباتات مزهره يعني ايه نباتات مزهره يعني نباتات بتطلع ورده بتختلف في اشكالها وفي اطوالها واحجامها والوانها مش كلهم ولا شبه بعض في الشكل ولا في الطول ولا في الحجم ولا في اللون رغم نموها في نفس التربه وتعرضها لنفس مقدار الضوء الاثنين في الصحرا الاثنين تربتهم صحراويه رمليه يعني والاثنين بيتعرضوا لنفس كميه الشمس كل يوم يعني مثلا اللي قدامك ده نبات صحراوي وده كمان نبات صحراوي وده برده نبات صحراوي والصبار والتين الشوكي نبات صحراوي والنخل كمان نبات صحراوي بس ولا متشابهين مع بعض في الشكل ولا في اللون ولا حتى في ال في الحجم او الطول التفسير بيرجع ان هذا الاختلاف الى كل نوع بيمتلك صفات وراثيه بتميزه عن غيره ودي بتنتقل عبر الاجيال يعني كل واحد في النباتات دي طلع شبه ال النبات الام اللي هو الاصل الاب والام التنوع داخل النوع الواحد وبالرغم من ان ده صبار الا ان مش كل الصبار طالع بنفس الشكل في اختلافات برده وده كمان اللي بتاثر عليه العوامل الوراثيه يبقى اي تنوع داخل اي نوع سواء كانوا بني ادمين ناس يعني او حيوانات او نباتات بيرجع للعوامل الوراثيه فبتاثر العوامل الوراثيه دي على تنوع صفات الافراد داخل النوع الواحد مثال ينتمي قط برمان والقط الفرعوني الاصلع اللي هو اسمه سفينكس ده الى نفس القطط الاليفه يعني ده يعتبر قط وده كمان يعتبر قط والاثنين من الحيوانات الاليفه لكن الاثنين مختلفين في الصفات فمثلا القط الفرعوني ليس لديه شعر يعني اصلع ما فيش شعر خالص ولا حتى مغطى بشعر ناعم يعني هو بس مش مغطى بشعر كثيف هو مغطى بشعر ناعم خفيف جدا ما تقدرش ان انت تشوفه الا لما تقرب منه وتحط ايدك عليه يبقى هو ما عندوش شعر يعتبر اصلع وفي منه نوع بيكون متغطي بشعر ناعم خفيف مش هتقدر تشوفه الا لما تقرب منه عندك بقى القط برمان ده ذو شعر طويل حريري الملمس وعنده الوان مختلفه في الابيض والمشمشي والوان كتير التفسير بيرجع في اختلافهم على الرغم ان الاثنين قطط برده بيرجع تفاوت اطوال شعر سلاله القطط الى وراثه كل سلاله لصفات محدده من ابائها طالما القط ده طلع كده يبقى باباه كان كده ومامته كمان كانت كده وطالما القط ده طالع كده يبقى بابا كان كده ومامته كمان كده يبقى كل واحد فيهم قام بوراثه صفات محدده من ابائها لذلك لن تجد ابدا قط سفنكس بشعر طويل ولا قطه برمان من غير شعر خالص مستحيل بمعنى اصح كل واحد فيهم يغير صفاته ده هيفضل من غير شعر وده هيفضل بشعر طول ما المقصود بقى بالصفات الوراثيه بعد كل اللي حكيته لك ده؟ الصفات الوراثيه دي يعني صفات وخصائص يعني حاجات بتميزنا لاي كائن حي انسان حيوان نبات واللي بتنتقل من الاباء الى الابناء بالنسبه لينا احنا كبشر زي لون الشعر لون العين لون البشره الطول القصر وهكذا طب بقى ازاي بتتنقل الصفات الوراثيه من الاباء للابناء بتتكاثر الكائنات الحيه اي كائن حي لازم يخل خلف ليه لازم يخلف ليه بابا وماما كان لازم يجيبوك والا لما هم هيكبروا بعد عمر طويل هيموتوا وبكده هينتهي النوع خالص تخيل كده ان كل اب وام كبروا وعجزوا هم ما كانوش جابوا اولاد هيجي علينا وقت وهنخلص ومش هيبقى في ناس ثاني يبقى التكاثر عمليه مهمه بتتكاثر الكائنات الحيه وبتنتج افراد من نفس نوعها يعني بني ادمين هيخلفوا بني ادمين والقطط هتخلف قطط والكلاب هتخلف كلاب عند التكاثر بتنتقل بقى الصفات الوراثيه للنبات او الحيوان الجديد اللي هو البيبي من خلايا والديها عن طريق الجلد بتاع باباهم وجسم باباهم واعضاء باباهم كل ده ا بيكون بيبي جديد بتساعد نواه الخليه الخليه دي يا جماعه جواها نواه واحنا درسنا الخلايا قبل كده النواه دي هي اللي بيبقى فيها كل العوامل الوراثيه اللي قلنا عليها يبقى نواه الخليه بتساعد على حدوث التكاثر لانها تحتوي على الجينات اللي هي الصفات الوراثيه يبقى يعني ايه جينات هي الصفات الوراثيه اللي هي لون العين ولون البشره واللي بتحمل كل المعلومات الوراثيه يبقى انا عندي جوه جسمي خلايا اصغر حاجه بتكون جسمي اسمها خليه والخليه بتحتوي على نواه نواه الخليه جواها الجينات واللي هي الصفات الوراثيه يعني جواها لون العين الاخضر بتاع بابا ولون العين اللبني بتاع ماما بس انا ظهر عليا اللون العين اللبني مافيش مشكله الثاني موجود برده بس جوه الخلايا ما ظهرش يبقى فعلا نواه الخليه بتحتوي على جينات واللي عندها كل المعلومات الوراثيه بتاعتي كانها المكتبه اللي فيها كل صفاتي بالنسبه للجينات هي اللي بتحدد العوامل الوراثيه او صفات الكائنات الحيه زي لون العين شكل الانف في الانسان يعني في اللي مناخيله عريضه كده وفي اللي مناخيره طويله على حسب باباه ومامته او تيته او جده او عمه وخاله او خالته وعمته كل دول ممكن يورثوا لي حاجات من صفاتهم لان انا كمان من عيلتهم كمان شكل الاذن المدببه للقطط ساعات القطط بصوا عينيها ودانها بتبقى كده جايبه منين الودن دي وليه ودنها مش زينا كده هقول لان هي وارثه ده من باباها ومامتها هم كانوا قطط فعشان كده شكلهم كده انواع الاوراق اللي بتنمو على الشجر نوع الورقه هل هي صغيره ولا كبيره مفلطحه عريضه مثلا ا مشرشره من بره ولا عاديه كل ده بيتحدد عن طريق ايه الجينات اللي هي العوامل الوراثيه اللي جوه نواه الخلايا على الرغم ان الصفات بتنتقل من الاباء للابناء من بابا وماما لي انا او للطفل البيبي يعني قد لا تظهر بشكل متطابق يعني مش لازم اطلع نسخه من بابا لدرجه يشوفونا جنب بعض يقولوا هو مين الاب ومين الابن بقى طب هو انت محمد ولا علي لا مش للدرجه دي بيعرفوا يفرقونا شويه ا فمثلا قد يختلف الشعر مثلا او ملمس جلد صغار القطط عن ابائهم يعني ممكن ا هو يطلع واخد نفس الشعر شعر كثيف كتير قوي قوي بس لون الشعر اتغير بدل ما كان ابيض بقى مشي مثلا بالنسبه لي انا ممكن ابقى واخد لون عين بابا تمام بس لون بشره ماما فعادي جدا ده بيحصل ما المقصود بقى بالعوامل الوراثيه او الجينات ما هو احنا قلنا هو نفس الاسم هو اسمه عوامل وراثيه يه او جينات واللي هي الصفات اللي بتظهر علينا ونكون وارثينها من بابا وماما هي ما المقصود بها عشان لو جت في الامتحان هي المعلومات الوراثيه التي تحدد تركيب وخصائص الكائن الحي وبتنتقل من الاباء من بابا وماما الى الابناء اللي هو انا واخويا واختي طب الصفات الوراثيه والبقاء هل الصفات الوراثيه ان احنا بنورث حاجات معينه من ابائنا هل دي ممكن تساعدنا ان احنا نعيش او ما نعيشش اه طبعا هقول لكم على حاجه العلماء درسوا 32 نوع من النباتات في واحده من اكثر الصحاري القاحله يعني سحره صعب جدا فيها الحياه راحوا دارسين 32 نوع من النبات بيعيشوا في الصحرا دي فوجدوا ان هذه النباتات تكيفت مع الظروف القاسيه عبر الزمن يعني فضلوا عايشين وبالرغم من ان تزيد الحراره وينظر المطر يبقى صعب تنزل مطر لسنين طويله الا ان النبات النبات ده لسه عايش واجهه النباتات دي متنوعه الصفات ظروف قاسيه زي الشمس الحارقه شمس الصحرا ما اقولكش انا بقى ما حدش تحملها وندره الامطار يعني ممكن تقعد بالخمس سنين السحر الدنيا ما تشتيش هناك ما فيش مطر طيب نجحت بقى النباتات التي تحملت الجفاف في نجت يعني فضلت عايشه النباتات اللي قدرت تتحمل ان ما فيش ميه كل السنين دي فضلت موجوده وفي نباتات ثانيه ماتت ماتت النباتات التي لم تتحمل الجفاف طب ازاي والاثنين صبار ازاي والاثنين نباتات صحراويه هقول طبعا اللي قدرت تنجو اللي قدرت تفضل عايشه دي كانت باباها ومامتها او اللي كانوا سبب في وجودها كان عندهم جينات بتخليهم يتحملوا الجفاف اكتر الثانيه كانت وارثه جينات من باباها ومامتها ضعيفه ما قدرتش انها تعيش نقلت النباتات الناجيه الجينات الوراثيه اللي فضلت عايشه بقى دي هتتجوز ثاني وتجيب نبات ثاني جديد النبات الجديد ده هيتحمل زي باباه ومامتها الظروف وبالتالي هيفضل عايش هو كمان يبقى بتحمل صفات جيده لنسلها طالما هي فضلت عايشه في اول مره هتفضل تنقل الصفات بتاعه القوه اللي عندها دي لولادها اصبحت الاجيال اللاحقه اللي جت بعدها اقوى واكثر قدره على التكيف فضلت عايشه هي كمان زي باباه ومامته بنستنتج من ده ان البقاء على قيد الحياه انك تفضل عايش في ظل الظروف الصعبه اللي ممكن تمر بيها ده بيرجع للجينات الوراثيه اللي انت وارثها طالما انت قدرت تتحمل الظروف الصعبه يبقى باباك ومامتك كانوا هم كمان في جيناتهم قادرين يتحملوا الظروف الصعبه وطالما هم فضلوا عايشين وقدروا يتجوزوا وقدروا يجيبوك يبقى انت ان شاء الله هت عندك الجينات اللي تساعدك تفضل عايش وتتجوز وتخلف حيث تتكيف وتنقل الصفات الجيده الى الجيل الثاني طالما هي قويه من الاول هتقدر انها تخلف تاني وتجيب باجيال واخده منها الصفات دي فيصبح اقوى منها بعدين بقى نشاط 8انيه بيتكلم عن العوامل اللي بتاثر في نمو الانسان وتطور سلوكه حتى الانسان ليه شويه عوامل هتاثر في انه يكبر وان سلوكه ده يتطور يعني يبقى احسن ده علامه صح او علامه غلط اتباع نظام غذائي غني بالبطاطس المقليه بيجعلك بصحه جيده يعني لو طول عمرك بتاكل بطاطس مقليه صحتك هتبقى كويسه طبعا لا لانها اكل سريع بيدي طاقه سريعه فالجسم جسم ما بيعرفش يتعامل معاه يروح مخزنها كمان المشروبات الغازيه ضاره بالصحه ايوه فعلا المشروبات الغازيه اللي هي الحاجه الساقعه البيبسي والكولا والفانتا والحاجات دي فطبعا دي مضره جدا بالصحه يبقى صح كما درسنا ان العوامل البيئيه الوراثيه اللي هي العوامل بتاعه البيئه اللي حوالينا الارض اللي احنا عايشين فيها والجو والمكان وكل حاجه اا بتؤثر على الكائنات الحيه وكمان العوامل الوراثيه اللي بنورثها عن ابائنا كل ده بياثر علينا ولكن توجد عوامل اخرى بتؤثر على الانسان ونموه بتساعد على ان الانسان ده ينمو كويس او ينمو بشكل ضعيف او ممكن لا يستطيع النمو اصلا العوامر بقى اللي بتؤثر في نمو الانسان اولا اساليب المعيشه الطريقه اللي بيعيش بيها في واحد بينمو وهو بيكبر كده وبيبقى شخص ما شاء الله راجل كبير متعود يتمرن ويلعب رياضه ما بيشربش سجاير ابدا ما بياكلش بطاطس مقليه ووجبات سريعه ما بيشربش حاجه ساقعه ولا مياه غازيه خالص تمام ا بيلعب رياضه على طول ا بيتبع عادات صحيه على طول بياكل اكل اكل صحي على طول الشخص ده هيطلع ويكبر لحد ما يعجز يعني لحد ما يوصل لسن ال 70 وال 80 سنه هتشوفه تقول عليه راجل صغير شاب صغير وعنده عضلات وعنده صحه وعنده قوه بيعرف يدافع عن نفسه وبيعرف يخدم نفسه وبيعرف يعمل كل حاجه اما بقى الشخص اللي بيشرب سجاير وما بيتمرنش وبياكل وجبات سريعه وبي بيشرب مياه غازيه ده كده هيطلع على بال ما يوصل لل 70 80 سنه هيكون استهلك جسمه وفضاه من الطاقه خالص ومش هيبقى عنده ولا عضله ومش قادر يقف على رجله يبقى بيؤثر اسلوب الحياه اللي احنا بنتبعه على صحتنا فهناك عادات سيئه تؤثر سلبيا على الصحه وعلى النمو كمان مثل التدخين ما تنساش انك بتدخل دخان جوه صدرك لكن تخيل كده احنا لما بنشم دخان من بره بنقعد نكحه ما بالك انت قاصد تدخله جوه الرقه نبص كده على الرئه الطبيعيه بتاع الانسان اللي مش بيدخن خالص اللي مش بيشرب سجاير بصوا لونها وردي وازاي بدا بقى يشرب بصوا ايه اللي حصل بيتحولها فعلا للون ده ده حقيقي احنا مش بنعمل ده مثلا شكل يعني هو ربنا خلق الرئه بتاعتنا نظيفه وصافيه وجميله وجاهزه تستقبل الهواء النقي اللي هو الهواء المليان اكسجين عشان نعرف نعيش ونتنفس الشخص بقى المدخن بيدمر الرئه بتاعته تماما وبتتحول للون الاسود اللي شفناه قبل كده بتوجد كمان عادات اخرى غير التدخين ليها دور مهم في عمليه النمو وتطور الصحه والسلوك يعني مش بس التدخين لا ممكن انك تاكل بطاطس مقليه ويبقى اكلك كله وجبات سريعه عباره عن برجر وبيتزا والحاجات اللي ما فيهاش غذاء دي زي مثلا الطباع اتباع نظام غذائي صحي لو انت اكلت سلطه واكلت اكل مفيد وفاكهه وخضار ومارست الرياضه الحاجات دي برده ليها دور ايجابي في صحتك يؤثر نظامنا الغذائي في طريقه نمونا وتطورنا يعني الاكل اللي احنا بناكله بيساعدنا يا نكبر يا ما نكبرش لكنه لا يعتبر العامل الوحيد اللي بياثر على ده مش موضوع اكلك بس هو اللي بياثر عليك الاكل والرياضه وانك تعيش في بيئه صحيه والحاجات دي كلها وهي عوامل خارجيه بتؤثر برده على نمو الانسان وقد لا يستطيع التحكم فيها ممكن حاجات ما يقدرش هو بقى يغيرها بتاثر على نموه زي مثلا البيئه الصحيه ونظيفه بتؤدي لنمو سليم وجيد ده بينمو في بيئه ا كلها ما فيهاش دخان ما فيهاش مصانع بتطلع دخان ما فيهاش اي تلوث الميه اللي بيشربها نضيفه الاكل اللي بياكله ما فيهوش كيماويات لكن مثلا النمو في بيئه غير صحيه وملوثه بيؤدي لانتشار الامراض والنمو غير سليم البيئه غير الصحيه لو البيئه مش نظيفه هيكون غير امن يعني بيئه غير امنه مش مناسبه وبتتصف بعدم توافر الرعايه الصحيه ما بيبقاش فيها دكاتره ولا ادويه كتير يعني احنا لو عاوزنا دوا مش بنلاقيه بسهوله لو عايزين دكتور لا لازم ننتقل لمكان بعيد عشان نلاقي دكتور فدي بيئه غير امنه كمان صعوبه الحصول على الغذاء صحي يعني بناكل اكل مثلا مليان مبيدات حشريه وكيماويات و فدي برده حاجه مش كويسه كمان الماء غير الصالح للشرب يعني ميه ملوثه ميه مش نظيفه دي هتكون بيئه غير امنه عدم توافر خدمات الصرف الصحي اللي هي الخدمه اللي بتنقل التويلت بتاع الناس او الحمام بتاعهم بعيد عنهم عن طريق مواسير بحيث ان هم ما يبقوش عايشين وسط المكان وسط الحاجه اللي مش نضيفه اللي بتخرج منهم ثالث حاجه بقى العوامل الوراثيه درسنا قبل كده ان احنا بنورث صفات من بابانا ومن مامتنا اللي هم اسمهم الاثنين مع بعض اسمهم الاباء حيث تنتقل الجينات اللي هي هي الصفات الوراثيه منهم الينا فغالبا ما نجد افراد عائله واحده بيتشابهون في نوع الشعر او ملامح الوجه يعني انت واخواتك كلكم نفس اللون او كلكم نفس الشعر كمان بتحدد الجينات كثير من الصفات زي مثلا تدلي شحمه الاذن في اللي ودانه عباره عن شكل اليو من هنا وفي اللي ودانه عباره عن شكل خط كده لازقه فين؟ لازقه في الوش على طول ما فيش الانحناء نبص مثلا على الفيديو ده الاذن زي ما انتم شايفين بصوا متصله بالوش على طول يعني لو اخدتوا بالكوا هتلاقوا ان هي الاذن خلصت خلصت عند الوش خلاص دي كده اسمها شحمه اذن متصله على عكس ناس عندهم شحمه اذن منفصله عامله ايه انفصال كده يعني مش لازقه في الوش لا مفصوله عنه شايفين اهي منفصله اهي الودن لوحدها والوش لوحده كمان طول الاصابع في في ناس صوابعها كلها طول بعض في ناس لا الصوابع مختلفه في اللي اصباعه طويل في اللي صوابعه قصيره كمان طول القامه في اللي معاك في نفس الفصل وفي نفس السن وانتم الاثنين قد بعض بس هو طويل وانت قصير او العكس قد يؤثر سوء التغذيه انك ما بتاكلش كويس على بعض الصفات الجينيه يعني ابقى انت وارث حاجه من بابا بس ما تتحققش بسبب انك مش بتاكل كويس بنستنتج من كل اللي فات ان اساليب العيش الطريقه اللي بنعيش بيها بنحافظ على صحتنا ولا لا بناكل صحي ولا لا نمط حياتنا بنلعب رياضه ولا لا وكمان العوامل البيئيه اللي هي البيئه اللي احنا عايشين فيها والعوامل الوراثيه اللي ورثناها عن بابا وماما كلها بتاثر بشكل كبير على تكوين الانسان على ان الانسان يطلع بالشكل اللي انت شايفه قدامك ده سواء داخليا حاجات من جوه او خارجيا في الشكل الخارجي اللي من بره كده عرفنا ان العوامل الوراثيه او الجينات هي تعريفها المعلومات الوراثيه اللي بتحدد تركيب وخصائص يعني صفات الكائن الحي واللي بتنتقل من الاباء للابناء ا العوامل البيئيه تعريفها فهي الظروف الخارجيه بس يعني الهواء اللي حواليا الميه اللي حواليا البيئه اللي انا عايش فيها التربه الارض المكان ا كل دي اسمها العوامل البيئيه يبقى الظروف الخارجيه فقط التي يعيش فيها الكائن الحي اما تعريف اساليب المعيشه هي السلوكيات التصرفات اللي احنا بنعملها والتي يتبعها الفرد في حياته اليوميه الحاجهاني متعود يعملها كل يوم هل بياكل صحي ولا غير صحي بياكل فاكهه وخضار ولا بطاطس مقليه وبرجر وكده امثله طبعا على العوامل الوراثيه او الجينات زي لون الشعر شعر دي حاجه انت وارثها من بابا او ماما ملامح الوجه طول الاصابع كل دي عوامل وراثيه ربنا خلقها في جسمك بانتقال جيناتها بين باباك ومامتك ليك انت اما العوامل البيئيه زي نظافه البيئه اللي انت عايش فيها هي نضيفه ولا ملوثه زي جوده المياه ميه نضيفه ولا ملوثه زي الرعايه الصحيه ب عندك دكاتره حواليك ولا ما فيش اساليب المعيشه بقى زي النظام الغذائي اللي انت بتاكله في اللي بياكل خضار وفاكهه وفي اللي بياكل بطاطس مقليه وبرجر وبيتزا وكده هل الاثنين هيفضلوا بنفس الصحه العمر كله؟ لا لما الاثنين بيعجزوا كده بيتقابلوا مع بعض كل واحد فيهم بيعرف انه كان غلطان لو ما اهتمش بغذاؤه كويس كمان ممارسه الرياضه او التدخين في كمان التاثير تاثير العوامل الوراثيه بقى زي هي اللي بتحدد الصفات الجسميه الصفات اللي في جسمنا لون البشره لون الشعر لون العين طول الاصابع وبتاثر في القدره على التكيف بتساعدنا ان احنا نقدر نعيش كويس ولا لا اما بالنسبه للعوامل البيئيه تاثيرها ان البيئه الصحيه بتدعم النمو السليم يعني لو انت البيئه اللي انت عايش فيها بيئه ما فيهاش تلوث يبقى جسمك هيطلع بصحه اما اساليب المعيشه بقى تاثيرها يمكن ان تحسن الصحه زي الرياضه لو انت صحتك على قدها ولعبت رياضه تلاقي نفسك جسمك بقى قوي او ممكن عادات تضر بصحتك يبقى انت صحتك اصلا كويسه بس انت اذيت نفسك وجبت لنفسك المرض بالتدخين مثلا بالنسبه للعوامل الوراثيه او الجينات التحكم بقى قال لي دي لا يمكن التحكم بيها لانها موروثه احنا بنفتح عينينا على الدنيا نلاقينا ورثنا حاجات من بابا او حاجات من ماما ولا نقدر نغيرها ولا نرجع فيها اما بالنسبه للبيئه قد يكون من الصعب التحكم فيها برده العوامل البيئيه صعب ان انت تتحكم فيها احيانا يعني مثلا لو انت بتنمو في منطقه كلها تلوث هتعمل ايه هتلغي التلوث ده بالتدريج واحده واحده لكن صعب في يوم وليله ان احنا نلغي التلوث ده اما اساليب المعيشه يمكن التحكم فيها وتغييرها كمان اللي بيشرب سجائر يقدر يبطلها اللي بيلعب اللي مش بيلعب رضا يقدر يروح يلعب نشاط تسعه عباره عن ملخص لكل اللي خدناه في المفهوم انك تعرف بت تفرق بين تاثير العوامل البيئيه وتاثير العوامل الوراثيه على نمو الكائنات الحيه وتعلمنا ان بتاثر العوامل البيئيه زي درجه الحراره الضوء الميه الغذاء والعوامل الوراثيه اللي هي الجينات اللي بنورثها من بابا وماما الاثنين بيشتروا مع بعض في ان هم يحددوا صفات وخصائص الجسميه بتاعه الجسم الخارجي او السلوكيه بتاعه التصرفات اللي الكائن الحقيقي بيعملها مما ينعكس على نموه بيبين هيكبر بشكل صحي ولا هينمو ضعيف هزيل مش قادر يصلب طوله مش عارف يقف على رجله وكمان قدرته على البقاء هينمو اصلا ولا هيموت كمان عرفنا من المفهوم ان العوامل البيئيه هي اللي بتساهم او بتساعد في تكيف وبقاء الكائنات الحيه هتساعد ان هم يفضلوا عايشين حيث يحدد الضوء والحراره والماء والنمو النباتات وسلوك الحيوانات كمان مين فيهم هيعيش في جحر ومين فيهم هيعيش عادي في الهواء حسب البيئه اللي بيعيش فيها كمان العوامل الوراثيه اللي بيورثوها من ابائهم بتشكل خصائص يعني صفات الكائنات الحيه زي عدم وجود شعر عند القط الفرعوني وتاقلم النباتات الصحراويه مع الجفاف زي الصبار مثلا بيعرف يعيش على الرغم ان ما فيش ميه حواليه ابدا التفاعل ما بين العوامل البيئيه والوراثيه بيحصل بشكل كبير يعني كل الكائنات الحيه بتعرف تتفاع فاعل او تتعامل مع العوامل البيئيه اللي حواليها وكمان الوراثيه اللي وارساها من ابائها حيث يعزز التكيف الاثنين لما يشتركوا مع بعض يخلي الكائن الحي ده قادر يعيش ويتعامل ويتعود على البيئه اللي هو فيها زي قدره غزال دوركاس على تحمل ظروف الصحرا واللي هي ظروف قاسيه ما فيهاش ميه والحراره فيها عاليه الشمس موجوده معظم الوقت وهجره الطيور مثلا دي برده تعتبر تفاعل ما بين العوامل البيئيه وما بين الوراثيه البيئيه مثلا لما البيئه حررت قوي او بردت قوي فالطيور هتمشي وتهاجر وراثيه بقى اللي قوي فيهم وارث من باباه ومامته قوه الاجنحه هيقدر يوصل والباقي هيموت يبقى هجره الطيور تفاعل ما بين العوامل البيئه والوراثيه حيث استجابه استجابه لتغيرات المناخ الجو اتغير فالطائر قرر يهاجر بفضل قدرته الوراثيه على الطيران لمسافات بعيده ولو مش قادر او ما ورثش من باباه قدرته على الهجره هيموت العوامل البيئيه بتشكل تحديات وصعوبات يعني عامله زي المشاكل اللي بتتحط قدامنا واحده ورا الثانيه واللي بتواجه الكائنات الحيه زي تغير درجات الحراره احنا شخصيا حاليا بنلاقي درجات الحراره بقت اكثر من قبل كده واحنا مش متعودين عملنا ايه كبني ادمين اخترعنا تكييف ومراوح ومش عشان نعرف نتاقلم يبقى في صعوبات واجهتنا ايوه تغير درجات الحراره نقص الميه حوالينا فتدفعنا الى تكيف من اجل البقاء الحيوانات بتتكيف عن طريق انها تختب تختبئ في الجحور احنا عملنا تكييف ومراوح كل واحد بيحاول يشوف طريقه يحل بيها مشكلته اللي هي العوامل البيئيه وساعتها يبقى نجح في التكيف اما العوامل الوراثيه اللي وارثها من باباه ومامته بتحدد الجينات اللي هي جوه جوه نواه الخليه بتاعتها صفات الكائنات الحيه مثال على ذلك طبعا لون الفرو قوه الاجنحه بتاعه الطيور كل دي وهم وارثينها من ابائهم هم مش ا مش مثلا طلعوا لقوا نفسهم كده قوي من غير ما يكون باباه ومامته اقويه والتي ساعدتها على التكيف اما التفاعل بين العوامل البيئيه والوراثيه بيؤدي هذا التفاعل الى تحديد الكائنات الحيه ذات الصفات المناسبه للتحديات يعني الطائر اللي قادر يواجه التحدي يلا قدرت تقف قدام المشكله وتحلها يبقى انت قدرت تعمل تفاعل بين العوامل البيئيه وما بين الوراثيه يبقى انت وارث جينات من باباك ان انت طائر قوي واللي بالتالي هتبدا ايه تبقى نتجت من العوامل البيئيه وبالتالي تبقى وتتاثر بيئتها تبقى وتتكاثر في بيئتها طالما قدر يعيش يبقى يقدر يكمل حياته ويتجوز ويخلف ويجيب طائر قوي زيه وتنتقل تلك الصفات القويه بقى للاجيال الجديده يعني البيبي اللي قدامك ده هو جه الدنيا ليه علشان هو قوي ولا ضعيف لا هو اكيد قوي عرفتي منين يا ميس ده انا شايفه ضعيف خالص لا هو قوي بدليل وجود باباه ومامته وان هم قدروا يجيبوه ده معناه ان هو شخص قوي وهيطلع قوي زيهم هم كمان قدروا ايه يواجهوا تحديات بيئيه عشان يفضلوا عايشين نقلوا ليه هذه ايه الصفات عن طريق الجينات علشان بس وقت الفيديو حل الاسئله دي واجب بعد شويه شغل الفيديو ثاني يعني وقف لحد ما تحل هتلاقيني كتبت لك الاجابات علم وحط لنفسك درجه اجابات سؤال صواب او خطا سؤال اذكر السبب ليه بيعد البحر الاحمر ونهر النيل من محطات التوقف المهمه للطيور اللي بتهاجر لان مناخ مصر معروف عنه انه معتدل وخصوصا في فصل الشتاء والطيور ما بتحبش الساقعه بتحب بحب المكان اللي مش ساقع قوي او معتدل يعني دافي فمصر مناخى معتدل شتاء مما يجعله من عوامل جذب اسراب من الطيور اللي بتهاجر طيب تهاجر بقى الطيور موسميا ليه بتهاجر في كل موسم يعني تمشي في الشتاء وتيجي في الصيف هقول عشان تتكاثر لان البيض بتاعها عايز مكان دافي عشان يفقس والبحث عن مصادر الغذاء وموطن مناسب ممكن تمشي عشان تلاقي اكل مناسب ليها ليه بقى اشجار الصنطه عندها سيقام سميكه يعني الصاق بتاعتها تخينه عامله شبه القصب كده تخينه شويه عشان تخزن جواها ميه طب بتتشابه صغار قط برمان مع الاباء في صفه طول الشعر لانها صفه وراثيه بتنتقل من الاباء للابناء عن طريق الجينات طب ليه بيستطيع غزال دركاس التخفي في الصحراء ده بسبب اللون اللي عند الفراق بتاعه فروو اللون بتاعه نفس لون رمله الصحرا والذي يشبه لون البيئه اللي هو عايش فيها ثواب سؤال صواب ما تحته خط دي اجاباتها السؤال اللي بعده اذكر فائده واحده لكل من اا دي الفائده دلوقتي هندخل على سؤال ماذا يحدث عند انتقال البطريق الافريقي للعيش بالقطب الجنوبي لن يتمكن من البقاء مش هيعرف يعيش هناك هو متعود على مكان معين اذا واجهت الطيور المهاجره نقصا شديدا في مصادر الغذاء او الماء على طول المسار بتاع هجرتها يعني ما لقتش ولا ميه ولا اكل هتحصل لها ايه لم تتمكن من استكمال رحلتها وقد تموت طب عند انتقال جناء جينات من الاباء للابناء يعني صفات وراثيه من الاباء للابناء ستنتقل اليهم الصفات الوراثيه وتتشابه ساعتها مع ابائها هتطلع شبه باباها ومامته هنا عايزك تحدد نوع التكيف والله لو في حاجه ربنا خلقها كده يبقى ده تكيف تركيبي لو الحيوان نفسه هو اللي بيعرف يغير من شكله من طريقته من حج بمزاجه يبقى سلوكي عشان كده الحرشيف الملونه ده تركيبي وكمان اشواك التين الشوكي ربنا اللي خلقها له يبقى تركيبي اما بالنسبه لهجره النسور بيمشي بمزاكه وبيرجع بمزاجه يبقى ده تكيف سلوكي. طب غزال دوركاس بيتحمل العطش بمزاجه يبقى ده تكيف سلوكي. حل اسئله اكمل العبارات التاليه. لو لسه ما حلتهاش وقف الفيديو لحد ما تحلها بعدها تلاقيني كتبت لك الاجابات. دي اجاباتنا برده وقف لحد ما تحل اكمل مما بين القوسين دي الاجابات. السؤال اللي بعده اكتب المصطلح العلمي ايه هو العامل المسؤول عن نقل صفات اللون والطول في الكائنات الحيه؟ طبعا ليه اسمين العامل الوراثي او الجين السؤال اللي بعده انتقال الحيوانات من مكان لاخر موسميا بيسيبوا مكان ويروحوا مكان في موسم معين دي اسمها الهجره اما بالنسبه لمنطقه بيعيش فيها الكائنات الحيه وبتتفاعل مع بعضها سواء مع بعض او مع عناصر ثانيه بس غير حيه دي اسمها النظام البيئي طالما منطقه فيها كائنات حيه وحاجات غير حيه يبقى ده كله اسمه نظام بي وقف الفيديو لحد ما تحل اسئله اجب دي الاجابات بتاعتنا علم لنفسك ما تنساش ت تحفظ ملخص المفهوم في تلخيص كل الثلاث دروس اللي موجودين في المفهوم ده هم عباره عن صفحتين بس احفظهم كويس وبكده المفهوم خلص هستناكم في مفهوم التربه والتغير البيئي هتلاقوا الرابط بتاعه تحت في صندوق الوصف هو باقي دروس المنهج ان شاء الله اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته.