ازاي خرّجت نفسي من دايره فقدان الشغف و التبلد و عدم الإنجاز How to rebuild yourself slowly

ازيكم؟ بقىي فتره كده بعاني من حاجه اسمها الاحتراق النفسي وفي الفيديو ده عايزه اشارك معاكم ازاي انا توصلت ان انا اقول على نفسي انا عندي احتراق نفسي ايه هو الاحتراق النفسي ايه اسبابه وايه طرق علاجه هقسم الفيديو كمان لتشابترز علشان لو عايزين تروحوا لحته معينه تروحوا لها لان انا هتكلم عن علاجه في الاخر فلو انتم عايزين تسكيب كل الكلام ده وتوصلوا في الاخر بس للطريقه اللي عرفت اعالج بيها الاحتراق النفسي فتقدروا تعملوا كده يلا بينا نبدا في الفيديو على طول لان انا متحمسه جدا ان انا اكلمكم عن حاجه اكتشفت انها بيعاني منها تسعه من كل 10 افراد فاكيد انت اللي بتتفرجي على الفيديو يا اما عندك احتراق نفسي يا اما عند حد من دايرتك القريبه نسيت اقول لكم ان الفيديو ده هيكون عميق وبيلامس النفسيه كده جامد قوي فاعملوا حاجه حلوه انتم بتحبوها تشربوها او تاكلوها جنب الفيديو ويا ريت تحضروا جنبكم ورقه وقلم علشان ممكن تحتاجوا تكتبوا حاجه او انصحكم لو حسيتوا ان انتم في حته معينه عايزين تعيدوها في الفيديو عيدوها او ممكن تعيدوا الفيديو كله من الاول خالص علشان خاطر المعلومات اللي فيه فعلا توصل لكم وفعلا تستفيدوا منها لان هو بيعبر في الاول وفي الاخر عن تجربه شخصيه وانا عارفه ان في غيري كثير بيمر بيها ففعلا حابه ان انا افيدكم زي ما انا استفدت من كلام ناس ثانيه اول حاجه ايه هو الاحتراق النفسي الاحتراق النفسي بكل بساطه هو ان حصل خلل في نظام المجهود والمكافاه بتاعك يعني انت بتعملي مجهود وبتشوفي منه نتيجه بس شايفه النتيجه دي مالهاش اي لازمه ومش حاسه بالفخر او شعور الانجاز اللي بيجي لك بعد ما تعملي حاجه مهمه وكمان ما عندكيش حماسه انك تعملي اي حاجه اصلا وكل اللي عندك هو شعور بالغضب تجاه كل حاجه في حياتك في واحده كده زمان من كام سنه كده اسمها كريستن مسلخ او مسلتش عملت نظام لقياس الاحتراق النفسي فهو عمليا هو يمكن يمكن قياسه او في عوامل اذا توافرت في شخص بنقول عليه عنده احتراق نفسي بيقول ايه بقى المقياس ده بيقول ان الشخص اللي عنده احتراق نفسي عنده ثلاث محاور اول حاجه الاحتراق العاطفي اللي هو ما بقاش بيحس باي حاجه تجاه اي حاجه بقى خاوي من جواه وكل اللي عنده هو مشاعر الغضب فقط الحاجه الثانيه هي الديبرسوناليزيشن او التبلد وهو فقدان الشغف تجاه الاشخاص والاشياء الاشياء والشغل وكل حاجه في الدنيا اللي هو انت مالكيش نفس تعملي اي حاجه في الدنيا. الحاجه الاخيره وهي انخفاض الاحساس بالانجاز انه مهما بتعملي انت مش شايفه نتيجه من الحاجه اللي انت بتعمليها. والموضوع ده هو ده اللي كان عندي في الفتره الاخيره ان انا فعلا كنت شايفه انه ايه يعني اليوتيوب ايه يعني الفيديوهات اللي انا بعملها الكلام اللي انا بعمله ده بيفيد مين؟ انا ما بفيدش حد انا انا ما بعملش حاجه ايه القرف اللي انا بعمله ده واروح اشوف لي شغلانه ثانيه مفيده اعملها احسن الجزء بتاع انخفاض الاحساس بالانجاز ده هو ده اللي خلاني اقف واقول لنفسي اسراء انت فيك حاجه مش مظبوطه عايزه اعرفكم عن اللي بيحصل في كيميا الجسم وكيميا المخ للشخص اللي عنده احتراق نفسي اللي عنده احتراق نفسي ده هو طول وقت معيش نفسه تحت ضغط كان بالضبط وراك امتحان فيزياء ثانويه عامه بكره وانت مش مذاكره كمان فطول الوقت انت معيشه نفسك في ضغط شديد الا وهو اللي بنسميه السيرفايفال مود او وضعيه النجاه انت طول الوقت عايشه في وضعيه النجاه حتى لو ما فيش اي حاجه تدعو لان انت تكوني في وضعيه النجاه او وضعيه الخطر دي اللي هو الفايت اور فلايت ان انت طول الوقت حاسه ان انت متنشنه ومتوتره وطول الوقت ها هعمل ايه وانت ما فيش حاجه اصلا لو هتعملي ايه في ايه ماارفش بس هعمل ايه يعني انت طول الوقت عايشه كده واعتقد الناس المتوتره والاوفرينكرز والناس اللي هي طول الوقت دي على اعصابها هتبقى فاهمه انا بقول ايه كويس كثره بقى ان احنا عايشين في وضع النجاه ده طول الوقت مزوده او منشطه حاجه في جسمنا اسمها الستريس سيستم الستريس سيستم ده بيتكون من ثلاث محطات على مستوى الجسم اول منطقه اسمها منطقه تحت المهاد او الهايبوثالس ودي بتكون منطقه منطقه موجوده في المخ المنطقه دي بتنشط بدورها غده ثانيه اللي هي الغده النخاميه اللي برده موجوده في المخ وبتخليها تنشط بدورها غده ثانيه اللي هي الادرينال جلاند او الغده الكذريه ودي بتفرز ماده الادرينالين والكورتيزول الادرينالين والكورتيزول هرمونات مهمه جدا ومفيده لينا بتفرز في وقت الخطر والتوتر والقلق هرمون الكورتيزول بالذات ليه نظام معين كده بيتفرز بيه على مدار اليوم ان هو في اول اليوم الصبح بيبقى زياده وبيقعد يقل يقل يقل على مدار اليوم لغايه ما يبقى بالليل قليل خالص هو هرمون الكورتيزول في ناس مطلعه عليه اشاعات وحشه ان هو هرمون وحش هو كترته وحشه بس هو مهم جدا لينا لان هو ده اللي بيدفعنا ان احنا نقوم من السرير الصبح كل يوم ونعمل الحاجات اللي ورانا فهو مش وحش قوي بس هو وحش شويه لو زاد عن حده المهم احنا طول الوقت بقى بالنسبه للناس اللي هي متوتره وفي وضع النجاه دي هي طول الوقت عندها هرمون الادرينالين والكورتيزول ده في اعلى مستوياتهم 24 ساعه في اليوم سبعه ايام في الاسبوع فده في حد ذاته حاجه غلط ومش طبيعيه احنا مش المفروض طول الوقت نبقى في وضع فايت اور فلايت مش طول الوقت انا عندي امتحان بكره مش طول الوقت انا في حيوان مفترس هيجي ياكلني مش طول الوقت انا بهرب من حاجه مش طول الوقت انا ورايا حاجه مهمه لازم اسلمها او لازم اعملها احنا بنتوتر على الاقل حاجه اللي هو في غسيل عايزه اغسله ا اقوم متوتره نفس التوتر اللي هتوتره لو انا ورايا امتحان بكره مهم او لو ورايا مشروع مهم لازم يتسلم في الشغل او الكلام ده كله. الحاجه الثانيه اللي بتحصل في المخ ودي حاجه تزعل شويه وهي انه في منطقه في المخ بتنشط قوي واحنا مش حابين انها تنشط قوي ومنطقه في المخ مش بتنشط وبالعكس بتخمل مع الوقت واحنا حابين انها تنشط مع الوقت. ايه المنطقه اللي بتنشط قوي في المخ هي منطقه اللوزه الدماغيه او الامجديلان ودي اللي مسؤوله عن الفايت اور فلايت ريسبونس او ان احنا نتصرف وقت الخطر فبالتالي انا مش عايزه المنطقه دي تبقى هي اللي مسؤوله عن تصرفاتي في يومي العادي يعني انا يومي العادي مش بواجه فيه اي خطر الحمد لله يعني فمش محتاجه ان انا ابقى طول الوقت تحت استرس ان انا بواجه الخطر اللي مش موجود المنطقه الثانيه بقى ودي اللي بتزعل قوي اللي هي بتخمل وبتضمر مع الوقت هو هي البري فرونتال كورتكس القشره الدماغيه الاماميه ودي اللي مسؤوله عن التفكير المنطقي والتخطيط والتفكير بهداوه ووضع الخطط ووضع الاهداف والكلام ده كله بقى واللي هو عارفين الهدوء بقى التفكير اللي بنفكره في الوقت اللي احنا فعلا فيه مرتاحين نفسيا ومعنويا وفي المخ كده او في علم الاعصاب عموما بيقول لك يوزت نت تو لوزت يعني استخدم مخك علشان ما تخسروش لانه دايما الحتت اللي في المخ اللي مش بنستخدمها كتير بنختارها للاسف او بتبقى يعني الكونتربيوشن بتاعها او مساهمتها في تفكيرنا بتبقى قليله وبالتالي طبعا نتيجه ان انا بنشط اللوزه الدماغيه وبقلل نشاط القشره الاماميه المخيه ده بيخلي عندي ان انا طول الوقت الحاجه اللي مسؤوله عن تفكيري هي الحاجه اللي مسؤوله عن مواجهه الخطر فانا طول الوقت تفكيري لا منطقي لا واعي كل هدفه هو النجاه فقط وفي نفس الوقت انا عماله بقلل بقلل بقلل بقلل من التفكير المنطقي الواع واعي اللي غرض التخطيط والتفكير السليم المنطقي ودي حاجه بجد بجد تزعل يا جماعه لان هتلاحظوا مع الوقت ان انتم تفكيركم المنطقي ما بقاش منطقي اللي هو كلامكم اللي طالع من بقكم اللي هو ايه اللي انا بقوله ده ويعني ده هيخلي مع الوقت ان انت مش عارفه تتواصلي مع الناس لان كلامك مش مفهوم بالنسبه لهم لانه غير منطقي هو نابع من السيرفايفل فقط نابع من غريزه النجاه فقط خدوا بق قهوه كمان وتعالوا اقول لكم بقى ايه الاسباب اللي انا شايفه انها وقعتني في الاحتراق النفسي لعل وعسى يكون الجزء ده مفيد لكم لو انتم بتعملوا حاجه شبهي او ممكن الكلام اللي انا بقوله ينور لمبه في مخكم كده انه اه انا كمان بعمل كده او بعمل حاجه شبه كده فحان الوقت ان انا ابطلها او اشوف هتصرف معاها ازاي اول حاجه هي ان انا باخد كل الامور بنفس المستوى من الجديه شغل البيت زيه زي الرياضه والجيم، زيه زي الشغل العادي، الشغل اللي بياكلنا عيش، زيه زي اي حاجه في حياتي، وده مش صح، يعني المفروض ان احنا لكل مقام من مقال ندي لكل حاجه القدر الكافي من الجديه اللي هي تستاهله. مش بقول ان احنا نستدفه الامور خالص، بس بقول انه في حاجات لو ماتعملتش النهارده واتجلت لبكره او للاسبوع الجاي حتى حياتنا مش هتقف. وفي حاجات حياتنا هتقف لو فعلا اتاجلت يوم ثاني زياده او يومين زياده. فالحاجات اللي هي الارجنت دي فعلا تاخد قدر من جديه محترم بس الحاجات اللي ممكن تتاجل ومش هتاثر على حد مش لازم تاخد نفس القدر من الجديه والاهتمام والتوتر لو ما عملناهاش الحاجه الثانيه هي ان انا كنت فاقده الثقه تماما في اسراء المستقبليه شايفاها دايما غبيه ما بتعرفش تتصرف وانا لازم اخطط لها واتصرف بدلها واحطها في سيناريوهات مختلفه في دماغي ا سيناريوهات استحاله انها تحصل بس لمجرد ان انا ابقى مستعده علشان اسراء المستقبليه هي الغبيه دي اللي ما بتفكرش في اي حاجه انا اخطط لها من دلوقتي واقول لها ازاي تتصرف في اي موقف ما ممكن يحصل ايا كانت نسبه حدوثه لو نسبه حدوثه 90% زي نسبه حدوثه 1% المهم ان طول الوقت بفكر لمستقبلي وبخطط له وطبعا مش عايزه اقول لكم ان اغلب السيناريوهات دي او 99% منها مش بيتحقق وحتى لو حاجه وحشه حصلت لاسراء المستقبليه اسراء المستقبليه بتعرف تتصرف انا مش محتاجه افكر لها كل التفكير ده ثالث سبب هو ادمان كمان محتوى الانتاجيه الهادف وخدوا بالكم انا هنا بتكلم على المحتوى اللي فعلا هادف اللي غرضه الافاده مش اللي غرضه انه يبيع لي كورس او يبيع لي منتج او يبيع لي اي حاجه من دي بس حتى محتوى الانتاجيه الهادف اللي غرضه فعلا فعلا يفيدني وما فيش اي غرض ثاني من وراه كترته وحشه ليه؟ لانها حسستني دايما ان انا طول الوقت محتاجه انجز طول الوقت انا متاخره انا لسه ما عملتش ده ليه ولسه ما عملتش ده ليه ولسه ما عملتش ده ليه في حين ان انا ما فيش حاجه بتجري ورايا وفي حين ان انا بعمل حاجات فعلا محتاجه وقت وفعلا ما بيتشافلهاش نتيجه دلوقتي خالص عارفين مثلا لما تكونوا بتاخدوا كورس مهم جدا بس الكورس ده مدته ست شهور واثناء الست شهور دول انتوا صحيح بتختبروا معلوماتكم وبتختبروا انتوا اتعلمتوا ايه بس ما فيش نتيجه فعليه ملموسه من الكورس ده هتبان الا بعد ست شهور ويمكن كمان سنه لو انتوا بقى عمالين طول الوقت لا انت لازم تنجزي لازم تنجزي لازم تنجزي ما انا مش شايفه انجاز فممكن فعلا تحسوا اللي هو ايه ده انا متاخره انا بعمل حاجه غلط انا المفروض اكون انجزت في حاجات فعلا محتاجه تاخد وقت على ما تلاقي منها نتيجه فمحتوى الانتاجيه الهادف ساعات ممكن يحسسك انك لا انك طول الوقت بسرعه جدا لازم تنجزي لازم يعدي ما يعديش شهر او شهرين غير لما تكوني عامله انجاز كبير جدا في حياتك ما يعديش اسبوع غير لما تكوني متعلمه حاجه جديده ما يعديش يوم غير وانت عارفه معلومه جديده عادي حتى المعلومات الجديده ممكن تاخد اكث من يوم او يومين او ثلاثه علشان تبني معلومه جديده عندك وفعلا تطبقيها في حياتك وتستفيدي منها انا اقدر افتح ريلز مفيده من هنا للصبح اتعلم منها 90 معلومه جديده في اليوم بس هل معلومه واحده منهم عرفت اطبقها وفعلا اخد منها منفعه حقيقيه في حياتي الاجابه لا ففي بعض المعلومات وبعض الانجازات بتاخد وقت بتاخد من اول شهور لغايه سنين علشان نوصل لها فمحتوى الانتاجيه الهادف هو هادف فعلا وساعدني في حاجات كتير في حياتي بس كترته ممكن تبقى مضره. السبب الرابع اللي وصلني للاحتراق النفسي هو ان انا بكل بساطه ما بزهقش. انا طول الوقت مشغاله جنبي حاجه ظنا مني ان انا كده بستفيد. طول الوقت مش شغاله جنبي بودكاست او فيديو مفيد او اي حاجه مفيده. بتمشى مشغاله جنبي حاجه. بغسل المواعين مش شغاله جنبي حاجه. بجهز عشان خارجه مشغاله جنبي حاجه. طول الوقت في حاجه شغاله. جماعه احنا محتاجين نزهق. محتاجين نمل. ودي معلومه انا تقريبا عارفاها بقى لي كم شهر قليلين بس وهو ان الملل مهم جدا في حياتنا وكل ما هتعرفوا الملل مهم قد ايه كل ما هتقدروه اكت وكل ما هتلاقوا نفسك بتقولوا لا انا عايزه اقعد دلوقتي من غير ما امسك اي موبايل من غير ما امسك اي حاجه تسليني انا عايزه اقعد وازهق واسيب نفسي للزهق كان في مكوله كده سمعتها عن اجافا كريستي من كم سنه كتير كده بس دلوقتي الماكوله دي افتكرتها ولمست معايا اجا كريستي كاتبت روايات اللي هي الاثاره والج جريمه والحاجات دي فكانت بتقول انه افكار الروايات بتاعتها كانت بتجي لها وهي بتغسل المواعين لان ده عمل قد ايه ممل ف كان بيخلي عقلها يقعد يفكر ويشتغل عشان يسليها وهي بتغسل المواعين طبعا لو كان على ايامها في بودكاستس ويوتيوب فيديوز وريلز وشورتس والكلام ده كله ما كانتش هتكتب ولا حاجه من اللي هي كتبت احنا ما بقيناش نسيب عقلنا فاضي يفكر ويرفليكت ويبروسيس يعالج المعلومات والمدخلات اللي بتدخل له احنا طول الوقت في ذنبنا ووش جنبنا علشان يغطي على صوت عقلنا اللي احنا اصلا محتاجينه. احنا محتاجين عقلنا يستوعب المعلومات اللي عماله تدخل له. احنا كده في حياتنا حتى لو حد مش ماسك الموبايل خالص طول ما احنا بنتعرض لحاجات عقلنا محتاج يعالجها. ما بالكم بقى احنا طول الوقت عمالين ندخ له في حاجات زياده بسبب الموبايل وبسبب الريلز والشورتس والفيديوهات اللي انا بقول لك مهمه ومفيده. انا مش مش يعني لسه كمان ما دخلتش في حته الفيديوهات اللي مش مفيده. بس في الفيديو ده غالبا انا مش هجيب سيره الفيديوهات اللي مش مفيده بس انا بقول لك انت واحده دلوقتي طول الوقت بتتفرجي على فيديوهات مفيده ناس محترمه بتعمل فيديوهات محترمه غرضها افادتك وبتسمعي يا اما بودكاستس اي حاجه عماله طول الوقت طب عقلك امتى هيستوعب الكلام ده كله عقلك امتى هيقعد ويرفليكت كده ويستوعب ويعالج الحاجات دي كلها ويبص من الحاجات دي انا اتعلمت ايه ويبتدي يطبقه على حياتك امتى امتى هتناقشي افكارك مع نفسك امتى هتعملي الكلام ده كله طول الوقت في زن ذن ودوشه لدرجه ان الواحد ما بقاش ما بقاش عنده وقت لنفسه ما بقاش عنده وقت يقعد السلف كير الحقيقي يقعد يعمل الواجب تجاه نفسه الحقيقي مش السلف كير بقى ان انا اقعد احط ميك اب واحط سكين كير واخش اخد افري تن شاور والكلام ده لا اقعد اريفلكت على افكاري اشوف انا فين في حياتي انا عايزه اوصل لايه انا بعمل ايه في يومي انا بضيع وقتي في ايه كل الكلام ده كله كل ده ريفلكشن كل ده حاجات احنا كلنا لازم نعملها مش بس الناس اللي هي عايزه تنجح في حياتها وعايزه توصل لحاجه معينه لا انا كست بيت كربه بيت لازم ان انا اقعد اعمل الكلام ده كله لازم الواحد يبقى عارف انا واقفه فين في حياتي عايزه اعمل ايه بعد كده عايزه اروح فين في حياتي ما ينفعش ما ينفعش ان الواحد يبقى عايش بلا هدف وبلا قيمه وبلا اي اوت بوت بيديه للمجتمع او اي حاجه بيضيفها للمجتمع وحتى مش قصدي ان انت يعني تخترعي الذره انا قصدي انك تضيفي حاجه للاشخاص اللي حواليكي بس مش قصدي ان انت تبقي مفيده اللي هو يعني لازم بقى تبقي معروفه ومشهوره وناجحه وبتعملي فلوس كتير والكلام ده كله لا بس مجرد ان انت تبقي يعني شخص مصدر لحاجه مفيده للناس اللي حواليه سواء بقى دايرتك دي هي ا اصدقائك اهلك ولادك اي حاجه يعني تلاميذك لو انت مدرسه اي حاجه بس المهم تبقي بتدي حاجه للناس اللي حواليكي وبتفيديهم ومن هنا تاتي القيمه وياتي المعنى لحياه البني ادم وغير كده ما في ما اعتقدش ان في حد بيبقى سعيد في حياته لو شايف ان حياته مالهاش معنى دلوقتي بقى هكلمكم عن الحاجات اللي فعلا ساعدتني امسك نفسي من ايدي واشد نفسي بره الاحتراق النفسي وحاسه ان هي فعلا فعلا عشان فادتني اول حاجه هي ان انا اسيب الموبايل واسيب الموبايل دي اقصد بيها اسيب الفيديوهات المفيده اللي انا بتفرج عليها اسيب البودكاستس المفيده اسكت كل ده وبالتالي طبعا بما ان انا بقول لكم سيبوا الحاجات المفيده اللي بتشوفوها فبالتالي كمان سيبوا الحاجات اللي مش مفيده اللي بتشوفوها فيديوهات المشتريات فيديوهات الاكل ستوريز بقى المشاهير مين اتجوز مين اطلق مين خلف مين اتخانقت مع فلانه فلان الفلاني لما طلق فلانه الفلانيه عملوا ايه كل الحاجات دي ش اركنها على جنب واسيبها بمعنى اصح سيبي الموبايل حرفيا سيبي الموبايل من ايدك حطيه بعيد وشوفي حياتك واو او اسكتي ودي النقطه الثانيه اللي انا عملتها ان انا ابتديت اسكت اقعد كده ا ربع ساعه ابتدي ابتدي ب 10 دقاق 10 دقاق قاعده فيهم كده ما بتعمليش حاجه لا ماسكه الموبايل ولا بتفكري في حاجه ولا بتتفرجي على التلفزيون ولا حتى بتكتبي ولا بترسمي ولا بتعملي اي حاجه اقعدي كده اقعدي زهقان 10 دقاق اقعدي جربي تقعدي 10 دقاق من غير اي حاجه اللي هو تخيلي نفسك كده لو حد خد منك الموبايل وحبسك في اوضه 10 دقاق هتعملي ايه هتقعدي اقعدي اقعدي بجد اقعدي مع نفسك وتنحي كده بجد والله الموضوع ده على قد ما يبان ان هو ايه يعني ايوه ماشي لما تنحصل ايه لا هيفرق معاكي كتير الحاجه اللي بعد كده هي ان انا اكتشفت ان انا باجل حاجات انا فعلا بستمتع بعملها في سبيل ان انا اعمل حاجات ثانيه انا بستمتع عش بعملها فاجلي كل الحاجات اللي وراكي اللي ينفع تتاجل لان في حاجات يعني في مسؤوليات نتيجه ان الواحد كبير ومسؤول وبيشتغل او وراه بيت اولاد او اي حاجه في حاجات ما ينفعش تتاجل لانه غيرك هيتاذي لو اتاجلت بس اجلي الحاجات اللي هي هينفع تتاجل وغيرك مش هيتاذي لو اتاجلت وخصصي وقت تعملي فيه حاجه انت بتحبيها واتمنى ان الحاجه اللي انت بتحبيها دي ما تكونش شوبنج ولا قاعده على الموبايل حاولي تعملي هوايه مفيده انت بتحبيها وماقصدش هوايه مفيده انك لازم برده تفيدي منها الناس وكده انا بحب حاجتين بحب القرايه وبحب حاجه اسمها الارتنال او الجانك جورنال او الستيكر جورنال او اي حاجه الستيكر جورنال دي عباره بكل بساطه ان انا بجيب ستيكر والزقه على ورق فهي هوايه ما بتفتش حد بحاجه بس بتبسطني وبتريحني وكده برتاح برتاح وانا بعملها فانا اكتشفت ان انا ا طول الوقت ماجله الهوايه دي نظرا لان انا شايفه ان هي مش مهمه اصل اصل مين هيستفيد يعني لما لزق شويه ا ستيكرز على ورق فمش مهم مش مهم طب انا بتبسط انا برتاح انا نفسيتي بتهدى لما بعمل كده مش مهم مش مهم بعمل بس الحاجات اللي انا شايفاها مهمه ولازم تتعمل وايا كانت درجه اهميتها انا بب ببدي كل حاجه على الحاجه اللي انا بحبها هديكم مثال من حياتي برده ثاني علشان خاطر ا يعني تحاولوا تقيسوا بيه على حياتكم انا مثلا لو انتم عارفين عني انا قلت لكم قبل كده ان انا موسوسه بالنظافه فانا ممكن اقعد انظف في حاجه اا م كذا مره انظف حاجه يعني مثلا انظف البلكونه ثلاث اربع مرات في الاسبوع ليه؟ ليه وانا مش بقعد في البلكونه اساسا عايزه اقول لكم كده فاللي هو طب ما انا ممكن انظف البلكونه مره واحده بس في الاسبوع وفي بقيه الوقت ده اعمل الهوايه اللي انا بحبها ا فبس فانا ابتديت افكر كده ابتديت افكر انه انا في حاجات كتير بعملها وبلزم بيها نفسي وهي في الاصل لو اتشالت مش هتضر حد في حاجه فبس فحاولوا تقيسوا موضوع تنظيف البلكونه ده على اي حاجه في حياته انا مش بقول لكم ما تنظفوش البلكونه بتاعتكم انا بقول لكم يعني شوفوا انتوا بتعملوا ايه جابرينه على نفسكم وملزمين بيه نفسكم وهو في حقيقه الامر لو اتشال ما حدش هيضار في حاجه ما حدش هيحصل له حاجه بل بالعكس انت هترتاحي ومش عايزه اقول لكم انا بس عملت كده مره واحده حسيت ان انا يعني رجعت بنيت نفسي من اول وجديد انا فعلا كنت حاسه ان انا بتهد حته حته كده وانه ما فيش ما فيش فايده لاي حاجه وانا مش شايفه فايده في اي حاجه وجوايا طاقه غضب شديده انا بس قعدت عملت صفحه كامله من الارتنال ده او الستيكر جورنال انا حسيت ان انا يعني اتحسنت بنسبه 60 70% مجرد وان سيشن من حاجه انتم فعلا بتحبوها اقري انزلي تمشي يعني لو ما فيش حاجه لو انت ما فيش حاجه انا مش موهوبه في حاجه انا ما بحبش حاجه انا بس انا كل اللي انا بحب اعمله ان انا بقعد اتفرج على فيديوهات على الموبايل ا وان انا اعمل شوبنج اون لاين بقى او اوف لاين مش مشكله فانا بقول لك ما تعمليش كده فابسط حاجه اقل الايمان انزلي تمشي بجد انزلي تمشي وما تسمعيش حاجه وانت ماشيه انزلي تمشي وتاملي في في خلق الله اللي ماشيين في الشارع تاملي في الاسفلت تاملي في التراب وتاملي في الرمل تاملي في الشجرتين اللي هيقابلوكي في الشارع تاملي في اي حاجه بس انزلي اتشي من غير ما يكون وراكي حاجه اللي هو انا نازله اعمل حاجه او انا نازله اشتري حاجه او انا نازله وبسمع حاجه ما تسمعيش حاجه انزلي ا عومي كده وهيمي في ملكوت الله الحاجه اللي بعد كده اللي ساعدتني برده هي الكتابه اقعدي اكتبي واكتبي واكتبي واكتبي مش لازم افكارك تكون مترتبه وعادي انك تدخلي من موضوع تخشي في موضوع ثاني وترجعي للموضوع الاولاني انا حتى بقول لك يعني اكتبي وخلاص مش انت كده كده مش مش هترجعي تبصي يعني عايزه تبصي على الكلام اللي كتبتيه ده بعدين ابقي بصي بس كده كده انت بس بتخرجي كل اللي جواكي بتخرجي كل القرف اللي جواكي عايزه تخضبي على الورق اغضبي عايزه تتعصبي اتعصبي عايزه حتى تشتمي اشتمي بس اهم حاجه خرجي كل اللي جواكي ده وعبري عنه في الورق وطلعي كل الافكار اللي جواكي عايزاكي بعد ما تكتبي ا انا اتذكر يوم انا يعني الكتابه انا بكتب صفحه واحده في يوم يعني وده بالنسبه لي انجاز انا مش هعرف اكتب اكث من كده انا فاكره في يوم قعدت كتبت اربع صفحات تقريبا اربع صفحات ونص حاجه زي كده وصفحات كبيره و وكنت حاسه في الاخر انه انا بنهج من كتر الكتابه كنت حاسه ان انا يعني خلاص انا طلعت كل اللي عندي بس فعلا حسيت بعدها باحساس عارفين ريشه في الهواء بقى حسيت احساس كده والله العظيم ريشه كده بتطير في الهواء بجد حتى لو انت بتستفهي الكتابه او شايفه انها مش هتفيدك جربي جربي انت مش خسرانه حاجه انت كده كده واصله لمرحله من اللام مبالاه وال يعني ما فيش اسوا من اللي انت واصلا له دلوقتي فقدينا بنحاول واحده واحده مع بعض ان احنا نخرجك من الموضوع ده فجربي بجد الكتابه لانها هتطلع كل القرف اللي جواكي وانا بسميه السواد اللي جوايا طلعته كله على الورق وبالتالي يعني تخلصت من افكاري انا تخلصت منها هي دلوقتي بقت في اربع خمس ورقات انا ماسكاهم في ايدي فخلاص انا مش محتاجه اخزن الافكار دي في دماغي اني مور هي قدامي على ورقه اهي دلوقتي فخلاص انا هشيل الورقه دي بقى في الدرج بتاعي وخلاص كده انا انا اهو الافكار بتاعتي الوحشه السوداويه الرخمه الكتيره دي انا شايلاها في ورق في الدرج وخلاص فمخي بقى يبتدي يفضى ويركز بقى في حاجات ثانيه يركز ان هو يتبسط يركز ان هو يبدع يركز ان هو ينتج وهكذا الحاجه اللي بعد كده وهي ان انا اعمل انجاز واحد صغير ما بياخدش وقت يعني هشبهها لكم بحاجه كده من البيت علشان خاطر يعني تقيسوها انتوا بقى على بقيه حياتكم الا وهي ان انا مثلا لو انا عندي بيت مكركب او مطبخ مكركب مثلا وكله فوق بعضه وداخل في بعضه ومحتاج مليون حاجه تتعمل انا هبدا اروق درج واحد او انظف في درج واحد بس من المطبخ درج واحد صغير انظفه واخليه جميل كده واخليه مش محتاج اي حاجه وبس ده كده اسمه انجاز واحد صغير يحسسك بالانجاز يحسسك بالفخر انك عملتي حاجه وفي نفس الوقت ما ياخدش طاقه كبيره منك لان انت اصلا طاقتك محروقه ما فيش ما فيش عندك طاقه فانا عايزاكي تعملي كده في اي حاجه في حياتك روقي روقي تسريحتك روقي درج من تسريحتك ا مثلا قومي حطي غسيل في الغساله يعني فاهمين اللي هو اعملي انجاز واحد صغير ما بياخدش وقت اعملي اي حا قومي خدي شاور عارفين اللي هو قومي اعملي اي حاجه بس حاجه فعلا تحسسك بالانجاز ولما تحسي بالانجاز ده خديه دافع ليكي ان انت تعملي حاجه ثاني لو فيك طاقه لو ما فيكيش طاقه لا اقعدي ريحي وحاولي ثاني بكره بس اهم حاجه ان احنا نبدا بانجاز واحد صغير بس اللي هو قومي اعملي انجاز واحد صغير ما ياخدش خمس 10 دقاق بس تحسي بعديه فعلا بالرضا عن نفسك وانه انا كويسه اهو انا بعمل حاجه مفيده فبالتالي الشعور ده يدفعك ان هو تعملي حاجه ثاني. الحاجه بقى اللي بعد كده هي حاجه يعني اعتقد انها هتضحككم شويه بس خلونا نبدا فيها ا هي الفكره كلها عموما انك بطلي النيجتيف اللي عنك او يعني بطلي تقولي لنفسك افكار وانتقادات سلبيه وبطلي مقارنه نفسك بغيرك. كنت سمعت فيديو كان بيتكلم عن انك ازاي تعملي الموضوع ده او ازاي تتخلصي من الافكار السلبيه عموما هي انك تخيلي ان مش انت اللي بتقولي لنفسك الافكار السلبيه يعني احنا المفروض ان احنا بنكلم نفسنا من جوه في حد بيكلمني من جوه اللي هو انا من جوايا بقعد اقول لنفسي بقى ده فل انا احسن منك ده مش عارفه ايه ده مش عارفه ايه ده كده عارفين الافكار السلبيه دي كلها اللي هو شوفي مين عمل ايه وانت ما عملتيش ايه شوفي مين كده عارفين الحاجات دي انا بقى هتخيل ان دي حد ثاني واحده ثانيه خالص في فيديو كانت اللي بتتكلم قالت انك اديها اسم هو الفيديو كان بالانجليزي فالست قالت سميها كارن كارن دي شخصيه معروفه كده عند الاجانب ان هي واحده كده ما بيعجبهاش العجب ودايما بتنتقد في الناس ودايما بتجادج ودايما كده يعني اي حد بيعمل كده بيقولوا عليه كارن فهي الست ديك في الفيديو كانت بتقول انا بقوم فجاه كده اقول لها كارن اسكتي شات اب فبس فانا بصراحه انا تخيلت برده انه في شخصيه جوايا هي دي اللي بتقعد تطلع لي الافكار السلبيه وكل القرف وكل المقارنات وكل الحاجات اللي بتقرفني في حياتي بس انا ما عرفتش اسميها اسم تاني انا سميتها اسراء برده بصراحه بس انا عارفه من جوايا ان هي مش اسراء انا ده اسراء واحده ثانيه يعني هي واحده ثانيه بس اسمها اسراء برده فانا انصحكم انكم يعني يعني الشخصيه اللي جواكوا دي اللي هي بتقعد تقول لكم افكار سلبيه وبتقعد تقارنكم بالناس وفلانه احسن منك ومش عارفه مين وصل لايه وانت ما وصلتيش وكده عايزاكوا تسموها مثلا عنايات تفيده فتحيه فوزيه اي حاجه سموها كده وزعقوا لها قولوا لها اسكتي واتمنى ان انتم وانتم بتعملوا كده ما يكونش معاكم حد في البيت او حد في الاوضه اللي انتم بتعملوا فيها كده لانه هيبص عليكم ويقول ايه المجانين دول بس بصراحه يا جماعه الموضوع ده فعلا فعال انا مش بعمله كتير بس لما بعمله فعلا الافكار السلبيه اللي عارفين اللي بتتقر كده تمسكي فكره سلبيه انتم عارفين الناس اللي بتفكر افكار سلبيه واللي بتتوتر كتير واللي بتوفرنك كتير عارفين الموضوع ده انك فجاه بتمسكي فكره ومخك بقى يقعد يكر يكر يكر يكر يكر وي بمواقف محرجه حصلت وموقف مش عارفه ايه وايه وايه وايه فعارفين انتوا الموضوع ده انا اول بقى ما بلاقي نفسي لقطت فكره سربيه بقول اسراء اسكتي اسكتي مش عايزه اسمعك مش عايزه اسمعي انت بتقولي ايه مش عايزه اسمعك ف بجد جربوا الموضوع ده بس اهم حاجه ما يكونش في حد بيتفرج عليك وما يكونش في حد واقف معاكم لانه هيقول عليكم مجانين وهيطلب لكم ا مستشفى العباسيه بس بجد بجد جربوا الموضوع ده وهيفرق وبيفرق فنصيحه اعملوه جربوه انا عارفه ان هو حاجه بتضحك بس جربوها لانها فعلا بتفرق وبس كده يا حلوين ده كان الفيديو بتاع النهارده يا رب يكون عجبكم ويا رب تكونوا استفدتوا واتبسطتوا اتمنى تكتبوا لي في الكومنتس لو في حاجه جديده انتم استفدتوها في الفيديو ده وكمان اكتبوا لي لو في حاجه بتساعدكم على الخروج من الاحتراق النفسي او حتى الخروج من دايره الافكار السلبيه والدوامه الرهيبه بتاعتها ا فاكتبوا لي يعني لو في حاجه انا ما قلتهاش في الفيديو بس انتوا حاجه بتعملوها وفعلا بتفرق معاكم وبتفيدكم ا اكتبوا لي في الكومنتس عشان انا استفيد وغيري كمان يستفيد وبس بس اشوفكم على خير ان شاء الله في فيديو ثاني جديد قريب باي باي