فكره جديده لمنظم مكتب بإعاده تدوير الكرتون وبدون ورق تغليف بس بالورق الأبيض Diy desk organizer

السلام عليكم في الفيديو النهارده هعمل معاكم منظم جديد للمكتب باعاده تدوير الكرتون واهم حاجه فيه ان قدرت استغنى بيه عن ورقه التغليف تابعوني للاخر ويا ريت لو عجبكم الفيديو تدعموني باللايك والشير اول حاجه هستخدم الورق الابيض العادي وهبتدي ارسم عليه قلوب صغيره باللون الاحمر دي هتكون زيقوش بسيطه كده هنعملها فيه كباديل ورق التغليف وبصراحه بجد طلع شكله رائع في النهايه هنرسم القلوب دي بشكل عشوائي كده يعني مش هنمشي على نمط معين هنوزعها في الورقه كده في جميع الجهات عملت اكث من ورقه بنفس الطريقه دي على حسب الكرتون اللي هغلفه وبعد كده هبتدي بقى اغلف الكرتون هوريكم الطريقه اللي بغلف بيها في الاول هحط على الكرتون لاصق انا هنا استخدمت سيليكون ليكويد وده بيكون ممتاز جدا في التغليف وفي تثبيت الاجزاء مع بعضها لو مش متوفر عندكم تقدروا تستخدموا مثلا اليوهو بيكون حلو جدا في التغليف بس هتستخدموا معاه في تثبيت الاجزاء الشمع الشمع بيكون قوي شويه وهيمسك الكرتون في بعضه كويس بعدين بقى ببتدي اقص الزوايا اللي في الاطراف كده بتاعه الورقه علشان اقدر اتني الاطراف دي على الكرتونه وبعدين هحط اللاصق الاول شوفوا انا بحط اللاصق هنا على الحافه بتاعه الكرتون وعلى الورق نفسه ا وبعدين ده بيطلع الفينش حلو يعني لما بنعمل بالطريقه دي بيطلع الفينش بتاع التغليف جميل قوي وبيبين الشكل المستقيم بتاع الكرتون من الجنب لما نيجي بقى نتني الاطراف هنضغط على الجزء ده كده كويس علشان يبان الشكل المستقيم للكرتون من الجوانب كده تمام كده وبعدين بقى هنغطي طبعا الجزء اللي لسه باين من الكرتون ده انا مجهزه ورقه بنفس المقاس بس اقل نص سم من ال في الطول وفي العرض وثبتها عليها وعملت كل الكرتون بنفس الطريقه دي هنا دي القاعده هبتدي اثبت معاها القطعه اللي هتكون في الخلف بس هحط الوسط بس في الاول كده وبعدين هثبت الجوانب معاها وكده يبقى تمام جمعنا الهيكل الاساسي للمنظم هنبتدي بقى نعمل له الادراج انا هنا استخدمت نفس الورق وغلبت بيه الدرج عادي ممكن تستخدموا الورق الابيض بدون ما تزينوه كده وتبقوا تزينوا بس القطعه اللي هتكون في مقدمه الدرج انا تقريبا سرحته وقعدت زينت الورق كله بس والله شكله طلع لطيف وحلو قوي بعدين هنبتدي نعمل له مقبض استخدمت صلصال الفوم وعملت ا قسمت اجزاء متساويه على شكل كور كده وابتديت اجمعهم مع بعض هعمله مقبط على شكل ورده وهبتدي اضغط على الكور كده بالاداه بتاعه الصلصال عشان نزين الورده بيها واحط كمان كوره في النص ا الميزه في صلصال الفوم ان تقدروا تعملوا الشكل اللي انتم عايزينه وكمان كل ما بينشف كل ما بيبقى قوي يعني كمقبض بيبقى ممتاز قوي وبعدين هبتدي بقى ادخل الدرج مع الهيكل كده وهثبت فوقيه ده الرف بتاعه بس طبعا في الاول هحط لاصق وفي نقطه مهمه حابه اوضحها ودايما بقولها في الفيديوهات ان انا هنا استخدمت كرتون سمكه نص سم فالمقاسات دي مناسبه للكرتون السميك لكن لو كرتون لو كرتون رفيع المقاس هيختلف سمك الكرتون بيفرق جدا في المقاس بعدين بقى ابتديت اثبت باقي الاجزاء بالشكل ده انا هنا عملت جزء هيكون للنوتس وجزء هيكون مقلمه بجد تحفه وسهل قوي وبسيط وجميل وعملت له كمان قطعه ديكور كده بسيطه بالصلصال الفوم تحفه يا ريت لو اول مره تشوفوا قناتي تشتركوا فيها وتدعموني باللايك والشير لو عجبكم الفيديو.