عربي تانيه اعدادي 2026 نص شعري لا تلمني في هواها مستر عبدالله يسري

السلام عليكم ورحمه الله وبركاته طلابنا حبايبنا في كل مكان يا رب تكونوا بخير وصحه وسلامه معاكم البليغ في اللغه العربيه استاذ عبد الله يسري جايين النهارده يا شباب ناخده الدرس او الحصه الخامسه هناخذوا مع بعض فقره النصوص ومعانا نص اسمه لا تلمني في هواها لا تلومني في هواها هو بيتكلم على اللغه العربيه قد ايه هو بيحب اللغه العربيه وقد ايه ان هي حب اللغه العربيه بيسري في دماؤه والراجل يعني بيعشق اللغه العربيه بالمناسبه اللي كتب معانا هذا النص واحد اسمه حليم دموس وده راجل لبناني بيتك نتكلم عن اللغه العربيه فيلا بينا يا شباب نخش في تفاصيل الدرس ونبدا نمسك الايه النص كده مفص المعاني مواطن الجمال والمفاهيم الادبيه وكل حاجه عشان ما يكونش في حاجه ناقصاك حبيبي اخويا الغالي فيلا بينا نخش في تفاصيل الدرس ولكن قبل ما نخش في التفاصيل عايزك ما تنساش الشعار بتاعنا الا وهو البليغ والخطه مع مذاكرتك النحو العربي هيكونوا لعبتك يلا بينا يا صديقي يلا بينا عندي طبعا الكاتب اللي احنا اتكلمنا عنه اللي اسمه حليم دموز ده اتولد سنه 1888 في مدينه زحله ودي مدينه في لبنان بنشر اعماله اسس نخبه مع الادباء رابطه اسمها الرابطه الادبيه وعمل ديوان اسمه ديوان حليم ومشواره المهني عمل في الصحافه بعد كده التعليم وكان ناشط في الحركه الادبيه واتوفى سنه 1957 في مدينه بيروت في لبنان الراجل بيتكلم ان هو بيحب اللغه العربيه وان حب اللغه العربيه يسري دي يسري يعني يجري مش يسري اللي هو ابويا قال لك يسري في عروق ابنائها وبياكد ان الحفاظ على اللغه هو صمام الامان عشان تفضل الامه امه عربيه قويه وهو ده اللي دفع لنضتها العلميه والادبيه عشان كده بيدعونا او بيدعو ابنائها للعمل في سبيل استعاده مجد الوطن النص بيقول يلا بينا يا جماعه نقرا النص مع بعض كده نمسك جزئيه جزئيه نفصصها فيلا بينا بيقول لك لا تلمني في هواها انا لا اهوى سواها بيتكلم عن اللغه العربيه اوعى تلمني ان انا بحبها يا اخي بقى انا بعشق اللغه العربيه وحق انا ما بحبش غيرها انا لا اهوى سواها لست وحدي افتديها مش انا بس اللي بضحي عشانها كلنا اليوم فداها كلنا النهارده هنضحي من اجل اللغه العربيه نزلت في كل نفس وتمشت في دماها فبها الام تغنت وبها الوالد فاه وبها الفن تجلى وبها العلم تباها لغه الاجداد هذه رفع الله لواها فاعيدوا يا بنيها نهر نهضه تحيي رجاها لم يمت شعب تفانى في هواها واصطفاها الله يا مستر الله مش فاهمين اي حاجه اقول لك طبيعي يا ابني ما تفهمش حاجه يلا بينا نخش نشوف المعاني ويلا بينا نجيب مواطن الجمال والمفاهيم الادبيه في شوال يلا بينا النص عندي بيتكون من فقرتين الفقره الاولى بيقول لك حب خالص وفداء صادق الفقره الاولى بيقول لك لا تلمني في هواها انا لا اهوى سواها يلا بينا يا شباب بيقول بيقول لك يعني ايه كلمه تلومني؟ تلمني معناها تعاتبني وتوبخني ومضادها تعذرني وتمدحني يبقى لا تعاتبني ما تعاتبنيش ان انا بحب مصر ا بحب مصر ايه؟ برده احنا بنحب مصر بس بحب اللغه العربيه ما تعاتبنيش ان انا بحبها انا غصب عني يا اخي مش بمزاجي انا بحبها تمام كده عكسها تعذرني اعذرني لا تلمني يعني ايه ا اعذرني تمام ا لا تلمني قصدي يعني لا تعاتبني وعكسها لا تعذرني او اعذرني هواها يعني حبها وعشقها ومضادها بغضها وكرهها وجمعها اهواء يبقى الهوا اللي هو الحب والعشق تمام كده طيب بيقول لك ايه بقى لا تلمني في هواه انا لا اهوى سواها انا ما بحبش سواها سواها يعني غيرها لا احب سواها يعني لا احب غيرها ما بحبش غيرها لست وحدي افتديها وافتديها معناها اضحي من اجلها يبقى هنا ممكن نقول القيمه اللي بنتعلمها هي قيمه حب اللغه العربيه والاعتزاز باللغه العربيه والانتماء للغه العربيه والتضحيه من اجل اللغه العربيه تمام كده طيب لست وحدي افتديها كلنا اليوم فداها وفداها يعني ايه يعني بنضحي من اجلها نزلت في كل نفس وتمشت في دماها تمام كده نزلت يعني حلت قك ايه انت نزلت في المنطقه دي يعني حللت بيها يعني نزلت بيها تمام واقامت والمراد سكنت يعني هي اللغه العربيه تسكن في كل نفس موجوده جوانا جوه كل نفس وتمشت في دماها النفس جمعها نفوس وانفس طيب يعني ايه كلمه دماء تمشت يعني تحركت في دماها ل دمها يبقى اللغه العربيه موجوده في نفس كل بني ادم وبتمشي جوه كل دم حد فينا تمام كده طيب فبيها الام تغنت الام بتغنت باللغه العربيه الام اول ما تولد عن صغير تقعد تغني له بتغني له باللغه العربيه وبيها الوالد فاه تمام يعني ايه بقى كلمه فاه فاه يعني نطق وتكلم والماضي والمضاد صمط وسكت يبقى الام اتغنت باللغه العربيه لاولادها والاب اتكلم باللغه العربيه لابنه وبها الفن تجلى تجلى يعني ظهر وبها العلم تباه والعلم اتباه باللغه العربيه زي ما احنا اتكلمنا في الدرس اللي قبل كده بتاع اللغه العربيه ان العلوم كانت باللغه العربيه يبقى تجلى يعني ظهر واتضح والمضاد خفيه وتباه يعني تفاخر العلم تباه يعني تفاخر باللغه العربيه كده احنا اخدنا المعاني بتاعتنا يبقى يلا بينا تلمني يعني تعاتبني ومضادها تعذرني هواها يعني حبها وعشقها ومضادها كرهها سواها يعني غيرها افتديها يعني ضحي من اجلها نزلت يعني حللت واقامت والمقصود سكنت ونفس يعني نفوس جمع نفوس وانفس تمشت يعني تحركت فاها يعني تكلم تجلى يعني ظهرت وعكسها خفى تباهى يعني تفاخر الشرح الشاعر بيفتتح القصيده بتوجيه خطاب للشخص اللي بيلومه ان هو بيحب مصر وشديد التعلق باللغه العربيه بيوضح ان هو ما بيحبش غيرها وبياكد ان الحب والولاء عام يشترك فيه كل ابناء الامه مش انا بس اللي بحبها ده الناس كلها بتحبها تمام وان هم كلهم جميعا مستعدون ان هم يضحوا من اجلها فهي تسكن في نفوس اهلها حتى اصبحت جزءا من كيانهم لا تنفصل عنهم والشاعر بيوضح رسوغ حب اللغه العربيه في الاسره فالام بتغني لطفلها باللغه العربيه والاب يغرس فيه الانتماء اليها فهي حاضره في الوجدان منذ الطفوله كما بين الشاعر جوانب الابداع في اللغه العربيه فهي ليست مجرد وسيله للتخاطب بل هي وعاء للعلم لما قال لك ايه العلم بها تباه والفن استجل بها الجمال الفني وافتخر بها اهل العلم في تدوين افكارهم وابداعهم الحضاري مواطن الجمال طبعا مواطن الجمال الجمال يا جماعه هي اسهل حاجه لان انت معايا ان شاء الله ما بتحفظش مواطن الجمال انت بتفهم معط الجمال بيقول لك ايه لا تلمني ده اسلوب ايه لو قلت نهي هزعل منك اسمه اسلوب انشائي نوعه نهي اهو لا تلمني اسلوب انشائي نوعه نهي غرض الالتماس والالتماس معناها الطلب الالتماس معناها الايه الطلب يعني بطلب منك بطلب منك غرض الالتماس يعني الطلب انا بطلب منك ان انت حتى اسمها ايه في الكوره في الماتش ايه رميه تماس يعني ايه رميه التماس يعني رميه طلب بطلب الكوره منك هات الكوره تقوم محذف لي الكوره تمام كده يبقى الالتماس يعني الطلب لا اهوى سواها خلي بالك ده اسلوب مؤكد بالنفي لا والاستثناء سوى وسوى ده من ادوات الاستثناء زي الا كده لا اهوى الا تمام كده يبقى اسلوب مؤكد بالنفي لا والاستثناء سوى وده كان من اساليب التوكيد كنت واخدها قبل كده استخدام الضمير المتكلم انا يوحي بالفخر والاعتزاز قال لك انا لا اهوى سواها انا انا يبقى الاستخدام الضمير انا يوحي بالفخر والاعتزاز بالنفس هواها وسواها ده اسمه تصريع يعني ايه تصريع يعني تشابه في النهايات زي القافيه كده تشابه في النهايات في البيت الاول ده بيعطي جرس موسيقي تطرب له الاذن او تطرب له الاذن يبقى اسمه التصريع يعني تشابه في النهايات في البيت الاول وده اسمه تصريع بيعطي جرس موسيقي لست وحدي افتديها ده استدراك لما قبلها يعني ايه استدراك يعني اوعى تفهمني غلط مش انا بس اللي بحبها مش انا بس بوضح لك ده اسمه استدراك كلنا اليوم فداها طيب هل احنا ينفع ان احنا نفتدي اللغه العربيه هل اللغه العربيه ده شخص احنا بندافع عنه لا يبقى ده تصوير للغه العربيه بشخص نفتديه يبقى صور اللغه العربيه بشخص ايه نفتديه وده اسلوب قصر وسيله تقديم شبه الجمله اليوم على اللي هو خبر اللي هو ا بقدم شبه الجمله اللي هو كلمه اليوم على ا كلمه فداها اللي هو اصل الجمله ايه؟ بصوا يا شباب انا عندي من اساليب القصر يعني اسلوب القصر ده بيفيد التوكيد ومن اساليب القصر هو حاجه اسمها التقديم والتاخير هو دايما شبه الجمله سواء كان ظرف او جر ومجرور المفروض ان هو بيجي فين؟ المفروض ان هو بيجي في الاخر كان اصل الجمله قلك ايه كلنا فداها اليوم ولكن انا قدمت شبه الجمله اللي هو ده عشان هو ظرف فالظرف والجار ومجرور شبه الجمله فانا قدمت الظرف اللي هو كلمه اليوم قدمتها عشان اعمل اسلوب قصر فيد التوكيد كلنا توحي بالتضامن والوحده بالتضامن والوحده طيب يبقى توحي بالايه بالتضامن والوحده وحدي وكلنا ده تضاد لان وحدي يعني انا لوحدي وكلنا يعني كلنا مع بعض يبقى ده بينهما تضاد يوضح المعنى ويؤكده تمام طيب نزلت في كل نفس تعبير يدل على ارتباط الناس بها ان الناس كلها مرتبطه باللغه العربيه بدليل انها نزلت في كل نفس يعني بقت موجوده في كل نفس استخدام الفعل الماضي في كلمه نزلت وكلمه تمشت يفيد الثبوت والتحقق ودي حاجه عايزك تحفظها بعد كده الفعل الماضي دايما يفيد حاجه اسمها الثبوت يعني حصل خلاص والتحقق يعني خلاص اتحقق خلاص اتحقق انما فعل مضارع يفيد التجدد والاستمرار لان حاجه لسه بتحصل ولسه مستمره يبقى اي فعل ماضي عندي يفيد عندي حاجه اسمها ايه ثبوت وتحقق يبقى ماضي يبقى ثبوت وتحقق تمشت في دماها طيب ان اللغه العربيه ماشيه في دمنا ده تعبير يوحي بالحب الشديد للغه العربيه ما هي ماشيه في دمي يبقى انا بحبها يبقى ماشيه في دمي يبقى تعبير يدل على ايه بقى؟ تعبير يدل على الحب الشديد للغه العربيه الام والوالد الجمع بينهما يوحي بالمسؤوليه المشتركه بينهم في التربيه ان انا ما قلتلكش ما قلتلكش ان الام بس ولا الوالد بس الام بتغني لابنها والوالد بيكلم ابنه عن اللغه العربيه يبقى الاثنين دول ان التحم المسؤوليه مشتركه بينهما في التربيه تمام طيب استخدام تغنت مع الام وفاه مع الوالد لان الام اكثر اظهارا للحنان الام هي اللي بتغني هي اللي بتدلع اما الاب اكثر توجيها ونطق يبقى الفاهه احنا قلنا اللي هو التحدث اللي انا بكلمه يبقى هو استخدم ان مع الام تغنت لان الام ايه يا جماعه الام عباره عن شخص ان هو بيعمل ايه يعني عايزه افهمها لك الام اللي هو شخص بيدلع بيغني بيطبطب انما الاب بيوجه اكت فبيتكلم يبقى استخدامنا الفعل تغنت مع الام ده يحي بالايه يوحي ان الام اكثر اظهارا للحنان والاب اكثر توجيها ونصحا بين شط شطري البيت السادس اللي هو البيت اللي هو الموجود قصدي البيت ده تجانس لفظي يعطي جرسا موسيقيا ليه فبيها الام تغنت وبها الوالد وفاها يبقى بص هتلاقي هنا في تقطيع موسيقي بصها وبها الام والوالد تغنت وفاها يبقى اسمه ايه اسمه تجانس لفظي يعطي جرسا موسيقيا تطرب له الاذن طيب وبها العلم تباهى وبها الفن تجلت وبها العلم تباهى طب هل العلم بيتباهى هل العلم بيفتخر لا يبقى طما لي تصوير العلم بشخص يتفاخر والغرض اظهار اثر اللغه في العلم اننا عايزين نبين اثر اللغه في العلم والبيت كله اسلوب توكيد وصيلته تقديم شبه الجمله بها على الحاجه اللي بعد منها زي ما قلت لك هو بدا الجمله بايه البا حرف جر والهاء اسم مجرور يبقى جر ومجرور يبقى ده برض شبه ايه جمله زي ظرف الزمان المفروض يقول لك ايه الفن ت المفروض يقول لك ايه الفن تجلى بها والعلم تباهى بها المفروض ان شبه جمله او الجر والمجرور بيجي فين؟ في الاخر فلما اجيبه في الاول ده اسمه اسلوب توكيد او اسلوب قصر يفيد التوكيد وسيلته تقديم شبه الجمله اا تقديم شبه الايه؟ الجمله بين شطري البيت برض يوجد تجانس لفظ اللي هو ايقاع الموسيقي بها الفن تجلى بها العلم تباه يبقى ده اسمه ايقاع موسيقي يطرب الاذن الفقره اللي بعد كده بيقول لك ايه لغه الاجداد هذه رفع الله لواها طيب اللوا يعني ايه اللواها الرايه اقول لك ايه اللواء اللواء يعني العلم العلم اللو اللو اللي هو العلم الرايه والعلم والمراد شانها وقدرها يبقى رفع الله لواها يعني رفع الله علمها يعني المقصود رفع الله شانها ورفع الله مكانتها اعيدوا معناها ارجعوا رجعوا يلا اعيدوا معناها ايه رجعوا نهضه يبقى لغه الاجداد هذه رفع الله لواها يعني رفع الله ايه رفع الله مكانتها فاعيدوا يعني ارجعوا يا بنيها يعني يا ابنائها نهضه تحيي في رجاها طب اعيده يعني ارجعه نهضه يعني رفعه وتقدم نهضه يعني رفعه وتقدم والمضاد تخلف وتاخر تمام طيب نهضه تحيي رجاها تحيي يعني تبعث اللي هو شخص كان ميت وبعد كده حيا يعني بعث من جديد ومضادها تميت تمام رجاها يعني املها اللي هو الرجاء الامل والامنيه والمضاد الياس يبقى الرجاء يعني الامل انا عندي رجاء في حاجه يعني عندي امل في حاجه وعندي امنيه في حاجه مضادها ياس يعني انا خلاص بقى ياسان عندي ياس من الحاجه دي يعني انا خلاص عندي ياس مش عايزها مناني تمام يبقى اعيد يا بنيها نهضه تحيي رجاها يعني تحيي املها من ثاني لم يمت شعب تفانى في هواها واصطفاها ما فيش شعب مات وهو بيتفانى يعني وهو بيجتهد عشان الحفاظ على اللغه العربيه يبقى بص تفان يعني اخلص واجتهد اصطفاها يعني اختارها يقول لك انا اصطفيت الحاجه الفلانيه ان الله اصطفاك يعني اختارك وفض ضرك وانتقاها ده معنى كلمه اصطفاه الشاعر بياكد على عراقه اللغه العربيه وان هي قديمه ومقدسه فهي لغه الاجداد والله تعالى هو من اعلى شانها وهو اللي اعلى مكانتها ثم يتحول الى نداء ابناء الامه بعد كده بيتكلم ابناء الام بيدعوهم ان هم يعيدوا نهضه اللغه ويحيوا املها ان هي ترجع ليها مكانه عاليه وليها وتبقى صاحبه الرياده بعد ان اصابها شيء من الاهمال وبيختتم الابيات بتاعته ان الشعب اللي بيخلص في حب اللغه لا يمكن ان يموت او يندثر ان الشعب اللي اللي بيحب لغته عمره ما هينتهي عمره ما ما هيموت بل يكون له البقاء والرفع مواطن الجمال رفع الله لواها ده اسلوب خبري مش اسلوب انشائي ولكن غرض التعظيم واظهار مكانه اللغه العربيه وقدتها رفع الله لواها ان ربنا سبحانه وتعالى هو اللي رفع مكانتها ده بيبين على عظمه غرض التعظيم واظهار مكانه اللغه العربيه وقدستها لواها تصوير للغه العربيه بقائد له رايه ترفع بيقول لك ايه؟ ان اللغه العربيه ربنا هيرفع اللوا بتاعها يعني العالم بتاعها هل اللغه العربيه ليها علم لا امال مين اللي بيبقى ليه عالم؟ القائد يبقى صورنا اللغه العربيه بقائد وله رايه ترفع لغه الاجداد احنا ضفنا هو احنا قلنا لغه مين؟ لغه الاجداد يبقى احنا ضفنا كلمه الاجداد للغه يبقى الاضافه توحي بالعراقه والقدم احنا لما قلنا اللغه ما قلناش لغه اي حد احنا قلنا لغه الاجداد يبقى ضفنا كلمه الاجداد لكلمه اللغه ودي توحي بالعراقه والقدم عايزين نقول ان اللغه دي مش بتاعه الناس الجديده ده لغه الناس القديمه دي من زمان قوي يبقى توحي بالعراقه والقدم اعيد نهضه ده اسلوب انشائي نوعه امر غرض الحث والنصح بينصحنا رجعوا يا جماعه رجعوا مجدها يبقى ده اسلوب انشائي نوعه امر يا بنيها اسلوب انشائي نوعه نداء وغرض التنبيه بينبيه انت يا ابني اصحى يا ابني فوق معايا فوق معايا نهضه نهضه دي جت نكره يعني ما فيهاش الف ولام بص نكره ما فيهاش الف ولام والنكره يا يا اما تعظيم يا اما تحقير يا اما عموم وشمول هنا ايه يا جماعه تعظيم لانه بيتكلم عن النهضه دي حاجه كويسه يبقى كده تفيد التعظيم تحيي ده فعل مضارع وانا قلت لك الفعل الماضي كان بيفيد عندي حاجه اسمها الثبوت والتحقق انما الفعل المضارع يفيد عندي حاجه اسمها التجدد والاستمرار واستحضار الصوره تجدد واستمرار واستحضار الايه الصوره لم يمت شعب تفانى ده اسلوب خبري غرض التقرير احنا قلنا اي اسلوب خبري قبل كده غرض التقرير ده مش اسلوب انشائي تمام كده اقعد هتقول لي اسلوب نهي ده نفي فده اسلوب غبري التقرير شعب هنا شعب جاءت نكره للعموم والشمول زي ما قلت لك نكره يا اما تعظيم يا اما تحقير يا اما عموم وشمول هنا عموم شمول لم يمت شعب اي شعب بقى سواء بقى شعب ده عربي غير عربي يبقى شعب هنا جت نكره عموم الشمول والبيت كله بيدل على اثر الاعتزاز باللغه العربيه يعني نتيجه ان احنا نعتز باللغه العربيه ايه النتيجه بقى ان احنا عمرنا ما هنموت اتفقت الابيات في القافيه الناتجه عن الهاء المفتوحه يعني ايه هتلاقي ان الابيات كلها فيها قافيه واحده مستار يعني ايه قافيه حبيب قلبي تعال اقول لك القاف يا حبيب قلبي ان تلاقي الابيات كلها منتهيه بنفس بنفس الحرف الابيات كلها منتهيه بنفس الحرف بص كده الابيات كلها منتهيه بالهء المفتوحه دي بص اهي سواها فداها دماها فاها تباها لواها رجاها اصطفاها فالابيات كلها واخده قافيه واحده يعني ايه واخده قافيه قافيه واحده يعني واخده حرف واحد يبقى لما اجي اقول لك قافيه يعني نهايه الابيات كلها بنفس الحرف الابيات كلها منتهيه بنفس الحرف طب القافيه دي بتعمل ايه يا مستر؟ بتعمل ايقاع موسيقي بتدي كده ايه؟ ايقاع موسيقي للابيات تمام كده يبقى احنا عرفنا النهارده ان في حاجه اسمها ايقاع موسيقي ناتج عن القافيه يبقى القافيه دي نوع من انواع الموسيقى في الشعر فبيقول لك ان الابيات كلها انتهت بنفس الايه؟ بنفس القافيه عشان اللي هي الهاء المفتوحه طيب يا اد هندخل دلوقتي مع بعض في القيم بتاعتنا تمام القيمه اللي احنا بنتعلمها اول قيمه زي ما قلت لك من شويه حب اللغه والاعتزاز بها ده لما قال لك انا لا اهوى سواها عندي بعد كده القيمه الثانيه الفداء والتضحيه والترابط ان احنا لازم نبقى عندنا فداء وتضحيه وده طبعا باين جدا لما جينا قلنا ايه لما جينا قلنا كلنا اليوم فداها عندك التفاني والاخلاص احنا عندنا تفاني والاخلاص في العمل ل ملك لم يمت شعب تفان يبقى التفاني والاخلاص طيب مفاهيم التذوق الجمالي عندنا النهارده اول حاجه من مفاهيم التذوق الجمالي هو الايقاع المص موسيقي وتعريفه هو تقسيم البيت او بعضه الى مقاطع متساويه في الطول والايقاع بحيث يحس القارئ او السامع بجمال الايقاع وعزوبه النغم فيسمع الكلام كانه انغام متناسقه زي لما قال لك ايه ثقال اذا لاقوا خفاف اذا دعوا كثير اذا شدوا قليل اذا عدوا تمام كده تعالى بس واحده واحده كده ايه بيقول لك ايه ثقال اذا لاقوا يعني ايه هم ناس ثقيله لو حد لو لو قبلوا الناس لو قابلوا اعدائهم خفاف اذا دعوا تمام كده هم ناس خفيفه لو حد دعاهم يبقى ركز بقى معايا يبقى ثقال على نفس وزن كلمه ايه خفاف واذا ايه نفس الوزن ولا على وزن ضع يبقى هتلاقي ان الثلاث كلمات دول بيساويهم بالضبط في الطول وفي النطق وفي الحروف الكلمات دي يبقى ده اسمه ايه بيدي حاجه اسمها ايقاع موسيقي او تقطيع موسيقي تمام كده طيب حاجه اسمها حسن التقسيم البيت متقسم تقسيم كويس بص كثير اذا شدوا قليل اذا عدوا يبقى بص كثير على نفس وزن قليل واذا على وزن وزن اذا وشدوا على وزن كلمه عدوا يبقى هنا برض نقول عليها ايه عندي حسن التقسيم او الايقاع الموسيقي تمام طيب تعال نشوف حسن التقسيم او التوازن الموسيقي في الابيات اللي عندنا في النص حدد مواضع التوازن الموسيقي التوازن الموسيقي موجود في النص فين بص اهو فبيها الام وتغنت وبيها الوالد وفاها هتلاقي ان عندك كلمه بها عندك كلمه بها وعندك كلمه بها عندك كلمه الام عندك كلمه الوالد عندك كلمه تغنت عندك كلمه فئه دول متقطعين على نفس التقطيع فده اسمه توازن الموسيقي وبها الفن تجلى وبها العلم تباه اهو بها وبها الفن العلم تجلى تباه ده اسمه توازن الموسيقي يبقى لما نلاقي يا جماعه ان عدد الكلمات هنا نفس عدد الكلمات هنا وان نفس الوزن هنا هو نفس الوزن هنا فده اسمه توازن موسيقي او حسن تقسيم وده بيعطي ايقاع موسيقي او يعطي جرس موسيقي يطرب له الاذن تمام طيب وكده يا اد نكون خلصنا مع بعض شرح درس او النصوص بتاعتنا اللي هو لا تلمني في هواها اللي هو بيتكلم على اللغه العربيه هنبدا دلوقتي ننتقل مع بعض لفيديو اهم الافكار وبعديه على طول ندخل في فيديو الواجب اشوفكم في فيديو اهم الافكار سلام