دورة في مفتاح السعادة الزوجية سماحة السيد موسى العلي

الله اكبر الله اكبر بسم الله الرحمن الرحيم الحمد لله رب العالمين وصلى الله على محمد واله الطيبين الطاهرين واللعن الدائم على اعدائهم الى قيام يوم الدين قال تعالى في كتابه الكريم بسم الله الرحمن الرحيم ومن اياته ان خلق لكم من انفسكم ازواجا لتسكنوا اليها وجعل بينكم موده ورحمه ان في ذلك لايات لقوم يتفكرون بغض النظر عن تفصيل الايه وشنو حقيقه الزواج اللي يلفت ذهن الانسان ان الله سبحانه وتعالى ذكر ان هذه العلاقه العلاقه الزوجيه تحتاج الى تفكر والله سبحانه وتعالى وصفها بانها ايه من ايات ان في ذلك الله قاعد ياكد ان في ذلك لايات لقوم يتفكرون علاقه الفكر في العلاقه الزوجيه امر اساسي بل اعتقد بان الجزء الاكبر في اسعاد وافشال العلاقه الزوجيه هي مساله التفكير الصحيح هذه المساله مساله العلاقه الزوجيه وشلون تكون علاقه زوجيه ناجحه واحد يقدر يتداولها من يعني زوايا متعدده انا ما راح اقدر اركز على جميع الزوايا بحاول اختصر الى حد كبير بركز على نقاط في تقديري الشخصي وايد مهمه وايد لها اثر في اسعاد وحل المشاكل الزوجيه العلاقه الزوجيه هي مشروع لكل انسان يتزوج هذا المشروع في غالب الاحيان مو دائما انت وانت اللي تقدرون تخلون هذا المشروع ناجح ما راح اتكلم عن العلاقه الزوجيه في البدايه يعني لو واحد الحين يبي يتزوج شنو بيسوي ابي ادخل بشكل عملي لان هذا المحور يمكن نطرق له بعدين او وانا متكلم عليه سابقا كثيرا لكن بركز على نقطه وهي تفيد حتى اللي مقبل على الزواج تفيده اكيد بشكل كبير جدا بس بركز على ان شلون واحد يقدر يحول علاقته الزوجيه الى حد جيد جدا علاقه زوجيه جيده وزينه ومقبوله الزواج طرفين زوج وزوجه هذا المشروع حتى يكون ناجح لازم كلا الطرفين يتعاونون اذا تم التعامل من طرف واحد ما اقول ما ينجح لكن وايد يكون صعب انجاحه ي لطرف وايد يضحي وهذا في الغالب لحد ولزمن معين بعدين يبلش الانسان يتراجع فاذا اذا ن ب نفكر في انجاح علاقه العلاقه الزوجين نحتاج طرفين انت الحين كرجل اما متزوج او تبي تقبل على الزواج انت حتى تخلي زوجتك تحبك وتخليها راضيه عنك وتبك وتقدرك انت تحتاج تقدم لها امرين وايد مهمين تحتاج تقدم لها امان هذا العنصر وايد وايد مهم ان الزوجه تشعر بالامان والاستقرار في علاقتها الزوجيه هذا بيدك انت كرجل تعطيها الزوجه وايد مهم وايد مهم ان الزوج يخلي الزوجه تشعر بامان شلون شلون الزوجه تشعر بامان تشعر بامان لمن تحس ان انت كرجل سند زين شلون ما تشعر بالامان لمن انت تمارس دور الطفوله في العلاقه الزوجيه انت مر علي مشاكل يعطي تقرير يرفع تقرير يومي حق امه وابوه شنو سوى مع زوجته كلينا بالمطعم الفلاني وسوينا كذي وفعلنا كذي واشترينا كذي وبنسا كذي لحين ما صار السفر اصلا يعني لحين ما تم الحج بس والله يمه ودي نروح كذي يبا ودي نروح كذ انا مابي اقول بان كل هذه المعلومات غلط لكن الى حد كبير جدا غلط ان الرجل يشارك تفاصيل حياته بطريقه مبتذله لان المراه تشعر ان هذا ما عنده قرار شخصي فما في امان ما تشعر بان هذا الرجل سند يعتمد عليه متى ما قدر الزوج يشعر الزوجه ان هو وطن وان هو رجل تقدر تعتمد عليه في الظروف الصعبه هذا يجعل المراه تحبه بشكل مو طبيعي شوفوا في العلم الحديث يقولون بان الرجل كائن او يعني يصنف بانه نظري يحب يشوف والمراه سمعي تحب تسمع فوايد تعتمد المراه على الحاله القلبيه اللي من خلال جهه السمع اكثر من البصر لذلك قد رجل يكون ترى ما في ملامح تلك الملامح انسان عادي يمكن جمال اقل من عادي بس زوجته وايد تحبه ليش لان المراه تحب الرجل بطريقه تختلف عن طريقه حب الرجل للمراه متى ما كان الرجل يشعر المراه بامان وطن سند يحلها المشاكل ظهر هذا يخلي المراه تحب الرجل بالشكل كبر كبير جدا جدا ولكن ليهم يسولف عن الزواج الثاني وزواج المتعه وبتزوج عليك وكذا ويكرر حتى لو كان ضحك ها حتى لو كان ضحك الحين في مقدار معقول وبسيط ويصير من فتره طويله لفتره طويله من باب الغشم الى حد ما مقبول لكن دائما يكرر عليها هالكلمه هي كمراهق هذا اقدر ابني معه مستقبل بغض النظر عن طريقه تفكيرها صح مو صح حلال مو حلال ما بيتكلم عن ه الجزئيه احنا الحين نبي نحل مشكله احنا الحين نبي نعرف هذه العلاقه الزوجيه شلون تصير علاقه منضبطه بغض النظر عن الزمان والمكان اللي احنا عايشين فيه لما يكون الرجل دائما يكرر عليها هذا الشيء هي ما تشعر بالامان اذا ما شعرت بالامان هذا ينعكس على نفسيتها اذا انعكس على نفسيتها ينعكس على سلوكها فلازم من الحين اذا انت مو متزوج مقبل على الزواج او انت متزوج لازم من الحين تفكر شنو هي الاطر والطرق والاليات في ان تخل الم تخلي المراه تعيش بامان معاك هذا العنصر وايد مهم مرات قد الواحد يعني يستصغر بعض الامور لكن في تقدير الشخصي هذه تاثر على العلاقه الزوجيه ليه من المراه تقوم بكل وظائف اللي خارج البيت من توصيل ورد العيال ومشاركه في المصروف مابي اقول ان هذا دائما غلط لان هذه في نقطه وايد حساسه ان العلاقه الزوجيه صعب اط قانون يمشي على كل الازواج في ناس ظروفها تختلف انا قاعد اتكلم على المجمل العام لمن انت تقوم بهذه الوظائف انت قاعد تسد فراغ كبير في حياه المراه المراه تشعر بان في رجل في حياتها ولكن لمن هي تراجع الوزارات وتروح الجمعيه وتوصل العيال وتصلح سيارتها وتصب بنزين وتسوي كذا قاعد تسوي كل وظيفه قاعد تسوي كل شيء اذا انت كرجل شنو بس قاعد تصرف عليها بس هذه هي العلاقه الزوجيه تروح وتسوي اغلب شغلها بروحها شلون هي تشعر بان في رجل وسند في حياتها فوايد مهم ان الرجل يشعر الزوج الزوجه بالامان هذا العنصر ينعكس بشكل كبير جدا على نفسيه المراه والمراه ترى النفسيه تؤثر عليها بشكل كبير وعظيم جدا فمتى ما وفر الزوج هذا العنصر اثر بشكل مهم جدا في العلاقه الزوجيه هذا بالنسبه للامر الاول بالنسبه للامر الثاني مساله الحنان احنا يمكن شويه الحين يمكن المساله قاعد تتطور بشكل جيد جدا بس البعض فاهم بان التعبير عن الحب والغرام والعشق مع زوجته هذا امر يعني يخالف يخالف الرجوله ويخالف كذا ابدا عمر المؤمن ما يكون جاف المفترض في المؤمن ان لسانه يكون وايد حلو مو عيب ولا غلط اصلا العيب والغلط ان الانسان ما يكون عنده مشاعر هذا خلاف الفطره المراه تحتاج اشباع كبير جدا لعاطفتها وايد مهم وشوف خلي اعطيك شغله المتزوج يعرفها المراه تصفر العداد كل يوم يعني شنو امس قلت لها احبك وانت ما شاء الله حلوه وجميله وكذا اليوم ما سمعت هالكلام ترى اللي امس ما له ربط في اليوم كل يوم يوم جديد تبي تسمع هذه الكلمات حتى لو كل يوم تقولها ما راح تمل من هالشيء طبيعتها كذ وهذه المساله في غايه الاهميه احد اكبر المشاكل الزوجيه انه ما احد فاهم طبيعه الثاني هو شنو يفهمها يقول حنانه هي مو حنانه هذا طبعها لو تزوجت 10000 مره غيرها كلهم نفس الطريقه مثل ما لو هي تزوجت 10000 رجل راح ناتي في صفات مشتركه منين الرجال فعنصر الحنان والاهتمام ترى عنصر عظيم ومهم جدا ومطلوب من الانسان المؤمن فالمؤمن لازم يكون حنون لازم يتعلم شلون يعبر عن مشاعره وهني في مشكله مشكله نفسيه نعاني منها لمن ينشا الانسان في بيئه فيها كبت وضرب واهانه وتعدي هذا الانسان شويه يصير عنده جفاف ما يعرف يعبر عن مشاعره هذه مسؤوليه الاب والام شوف هذا الكلام كان قاعد اتكلم الحين عن علاقه زوجيه بس ما راح نقدر نفصلها عن العلاقه الابويه لم الاب يعرف الم عياله ويحضنهم ويقبلهم ويعبر عن مشاعره ويقوله يب حبيبي وعزيزي وكذا هذه الكلمات ترى وايد مهمه عيب اصلا الانسان اللي ما يقولها اللي ما يقول ه الكلمات هذا العيب هذا في خلل لان هذا قاسي حتى لو في قلبه حنان بس ما يعرف يعبر عن مشاعره الانسان لازم يتعلم كل شي ما اعرف اسويه ما اسويه ما تمشي الحياه اذا ما تعرف تسويه تعلمه ومو عيب ولا غلط ان الانسان يعرف ويتعلم شلون يعبر عن مشاعره المراه تحتاج الى اهتمام والحين ترى قاعد نعيش في زمن خطير جدا جدا انا ما كنت ابي اتطرق الى ه الجزئيه لكن بتطرق لها بالعنوان العام الان ترى المحاكم غاصه بالخيانات اقصد الخيانات المحرمه غاصه غاصه ممتل على اخرها على المستوى اللي عايشين الدوله عايشين فيها وبقيه الدول مساله مو خاصه في مجتمع د المجتمع الخيانات الزوجيه شيء يعني غريب وكبير وعظيم حرام غلط ما نبرر بس احنا بي نعالج مشكله احنا ما نبي نوصل الوقايه خير من علاج احنا نبي نجعل هذه الوقايه نبي نحفظ مجتمعنا من هذه الكوارث اللي قاعده تصير فوايد مهم ان الرجل يعبر عن مشاعره وعن احاسيسه هني في نقطه وايد مهمه غالبيه النساء يحتاجون الى تعبير لساني يعني حلو الانسان انسانه يكون حلو مع زوجته ولو ممكن تستصغر الحين الكلام هذا موجه للشباب يعني الشباب كم عمرهم هني 50 وتحت ابو حمد ولا زيد شويه اي ولو انه يسمي اسمها بالتليفون ليش مثلا يقول والله مثلا ام احمد ام عبد الله ام كذا ليش ما يسميها بالتلفون روحي حياتي عمري قلبي مو غلط ابدا مو غلط شو الغلط اللي فيه هذا نوع من انواع ابداء الاهتمام لها المراه تقرا ما بين السطور شوف سبحان الله مخ الرجل ذكي بشغلات مابي اقول عكس الذكي لكن بسيط في شغلات ومخ المره بسيط في شغلات لكن عبقري شغلات المراه في هذه الامور الحب تقراها بطريقه انت اصلا ما يخط بالك فوايد مهم ان التعبير يكون له طرق واليات شنو المشكله اذا انت مثلا مسافر او طالع او رايح ديوانيه تكون كاتب رساله كاتبها مثلا تعبير عن حب انا احبك وانت كذا وكذا وكذا حاط الرساله سكرها وحطها تحت المخده وصلت الديوانيه طرش لها قله شوفي انا مويل لك هديه تحت المخده تروح تبطل تشوف الرساله هذه كلفت فلوس ما كلفت فلوس صفر لكن تدري شنو اثرها على نفسيتها المساله مو معقده وايد سهله بس تحتاج الى ساني بادر وقس عليها عشرات المواقف من هالقبيل فاذا ابي الخص حتى نكون في الجو انا يحتاج اعطي المراه امان تشعر انا رجل وسند وظهر لها ويحتاج اني يعطيها عاطفه عاطفه كبيره اغذي هذا الشيء اللي موجود فيها يحتاج الى تغذيه اذا ما تم تغذيته يصير في خلل وحتى لو ما صار في خلل راح تتعب نفسيا افرض هي امراه مؤمنه وطاهره صح ما راح تخون الرجل ولكن راح ياثر على نفسيتها على سلوكها على تفكيرها والمراه تحتاج هالكلمات فاذا اقدر اعبر عنها من خلال الكلمات ومن خلال التصرف هم هذا وايد مهم ج جدا مهم من خلال الهديه من خلال السلوك من خلال الاهتمام انجاز مواعيدها بشكل الحين هذا انا معكم كلنا نشترك في نفس الجريمه وايد نعطل شغل حريمنا ولو كان شيء بسيط الليت خربان تكرم قطل الزباله سو كذا سو كذا هذا تعطيل هال المساله الحين طبعا النساء يفترقون من شكل لشكل بس انا ابي اطرح لك المساله من جميع جوانبها حتى تفهم انه ترى في بعض الشغلات البسيطه ترى وايد لها تاثير في تغذيه العاطفه عند المراه لازم لسانك يكون مها حلو مثلا المراه تشتري لبس جديد تلبسه في البيت كذا المراه يوم تلبس هذا اللبس ت شنو تبي تقوللك علق على اللبس احنا اصلا ولا في البال اصلا مو ملاحظين ان اللبس تغير وهذا ترى غلط يعني هي مثلا لبست شيء هي ناطره هي شوف وهذا جزء من شخصيتها فهال المساله قد يكون طبيعي لكن في مساله ثانيه هذا غلط راح نعلق عليه وهي شنو المراه تحتاج انك تبادر هي هي تبي كذ عندها صعوبه عكس الرجل تماما الرجل شنو المشكله ابي يحط النقاط على الحروف المراه ما تفكر بهالطريقه المراه تبيك انت تفكر ومن نفسك تقول ان اللبس حلو من نفسك تقول انا احب مثلا احبك او كذا ما تبي ما تبي تغشش ولا تعلمك تبيك انت من نفسك تكتشف هذا الشيء فاذا مهم جدا ان هذه الاحداث البسيطه يلتفت لها الرجل احنا الان الى الان في الاطر العامه فالمراه مره ثانيه تحتاج الى امان وتحتاج الى اهتمام وايد مهم هذا الشي الحين شرحنا جزء بسيط عن جانب المراه خل حق الرجل الحين رساله للمراه طبعا هذا الشي يحتاج تغذيه في عيالك تر المساله مو مقتصره فقط على اللي بيتزوج انت عيالك عندك وظيفه تعلم من الحين هذه المسؤوليه وهذه الضوابط وهذه الاخلاق حتى باكر يعرف شلون يتعامل مع الطرف المقابل ترى اكبر المشاكل الزوجيه اللي نعاني منها الحين هو سوء التربيه بين الاب والام ما تعلموا على هذا في البيت ولا يفهمون العلاقه الزوجيه وهذا عنصر وايد غلط لازم هذه المعارف يتم تاسيسها في البيت انزين الرجل يحتاج الى احترام وايد مهم وايد مهم ايتها المراه ان تخلين الزوج يشعر بانك تحترمين ما تكسرين كلمته المساله مو تحدي ولو ان انا قلت كلمه وما اكسرها مو بهالطريقه شخصيه الرجل عنده شيء في قلبه مثل ما انت عندك شيء في قلبك وهو ان جزء العاطفه وايد كبير وايد يحتاج الى تغذيه وهذا عنصر الاحترام مرتبط بالجانب الرجولي فيه فدائما يحتاج ان المراه تحترم قراراتها هذا مو معناته ما يصير نقاش هذا مو معناته ما يصير اخذ وعطا راح نشير ال النقطه ولكن عنصر وايد اساسي ان المراه تغذي عنصر الاحترام في البيت على مستواها الشخصي وعلى مستوى ابنائها ومن اخطر الامور ومن اصعبها واللي قاعد يسبب حواجز كبيره بين الزوج والزوجه الزوج والزوجه يتهاوشون قدام عيالهم انت بهالطريقه قاعد تهدمي عنصر الاحترام في نظر ابنائك وهذا الشيء وايد ياثر عليه فهذه النقطه لازم ما تعبر المراه شلون تبين الاحترام قراراتها تحترمها ما اقول بان الرجل يصير فرعون وكل شيء يبيه يصير في البيت هذا مو منطق ولكن بنفس الوقت الاطر العامه والقواعد الصحيحه خصوصا اذا كانت شرعيه اذا يتم تجاوزها بشكل متكرر انت قاعد تؤثرين على زوجك والزوج انا اعطيك اياها من الاخر سيبحث عن علاقه اذا كان مؤمن عن علاقه شرعيه اخرى هذا مو مبرر له بس ترى جزء منه انت سبب صح انا اتفق بان في رجال هكذا طبعهم وفي نساءهم هكذا طبعا ترى المساله مو م خاصه في الرجال موجو هني وهني مشاكل الاسريه والزوجيه موجوده هني وموجوده هني نعم قد تكون هني اكثر من هني بس ما تلغى فعنصر ان تحترمين قرارات العامه تشعرين بانه رجل صاحب كلمه لكن كل مره يتم تاخير وكل مره يتم تعطيل وكل مره يتم التجاوز هذا الشيء راح يكسره فعنصر احترام الزوجه للزوج يكون واضح هذ هذا الامر في في غايه الاهميه زين الامر الثاني اللي يحتاجه الزوج عنصر الاهتمام ان الزوج يحتاج يشعر ان المراه مهتمه فيه قبل فتره واحد كان يقول مضمون كلامي يقول انا حل مثل حياتي او انا هذا فاقد هالشي ان زوجتي ما تعشى معاي كلها طالعه كلها رايحه كله كذا شلون تقنعيني بانه راح يحبك ذاك الحب اصلا مو منطق مو منطق يعني على مسير زواجه عدد المرات اللي تتعشى معي عدد المرات قليله جدا ش الحياه هذه الرجل يبي يحس بان زوجته مهتمه في قد ما يكون واجب احنا تطرقنا له في السلسله الاولى بس قلنا الحياه ما تقم على الواجب لما الزوجه تهتم بزوجها طبعا في اهتمام وفي تملك هذا التملك الثاني خطر في شيء اللي تبي تعرف كل التفاصيل على نحو التملك مو على نحو الاهتمام هذا عنصر خطا لازم المساله ما توصل الى هالدرجه تبي تتملك كل شيء يعني اشبه بالتحقيق وين رايح وين جاي من باب الحب من باب الشك من باب الريبا هذا ما يوس ل العلاقه سوج لمن الزوجه بيطلع تقوم الزوجه توصله ل باب البيت ويطلع هذا وايد له اثر لمن تدري هو ياي توقف عند الباب اول ما تشوفه تروح له قبله مثلا على راسه كذا تلمه الى اخره هذه الامور وايد مهمه اشباعها الامور في غايه الاهميه الرجل يشعر ان في احد في حياته يشعر ان في احد مهتم فيه اذا فقد هذا العنصر يعني في ناس تشوف حياتهم ترى ه الكلام بلا مبالغه هذا الشيء واقع واقع قصص واقعيه وكثيره مو تقوللي قليله يعني في ناس متزوجين 20 15 سنه معدل الطلعه بالاسبوع اربع خمس ايام المراه انا شفت هذا حتى ما ابي اقول شويه بكثره اقول هذا الزوج هذا هذا شلون شلون شلون ما يتزوج عليها بالسر مستحيل اصلا ل نزوج عليه هو في خلل من يغذي هذا الجانب هذا يبي يبي يقعد معها ما يحصلها كل يوم كل يوم كل يومين تطلع كل يوم كل يومين تطلع كل يوم كل يومين تطلع هذا وين الاستقرار وين الاهتمام فالزوج يحتاج يشعر ان في احد تحت سلطته مو تحت سلطته يعني اتعنه واتحكم لا لا الله سبحانه وتعالى خلق الحياه بهذا النظام الرجال شنو قوامون على النساء مو قوامون على النساء يعني انا اتحكم فيها بلا سبب واضرب واهين ابدا احترمها واقدرها واشعرها بانها مراه وبانها كذا وبانها كذا ولكن مسؤوليه العامه تحت تصرف الرجل المؤمن الحدق اللي يعرف شلون يتعامل هذه المساله اللي قلتها مقدمه بسيطه كاط لاله عامه تساعد الحين نبي ندخل في بعض المسائل المهمه مهم جدا مهم جدا انه يعرف كل طرف مفتاح الطرف الاخر اصلا هذا خلاصه الكلام كله شنو اقصد من ه الكلام العلاقه الزوجيه بعد ما حفظنا على الامر الاول النقاط العامه نحتاج ندخل شويه في العميق الزوج له لغه والزوجه لها لغه الحين لو افرض انا زوجتي ما تعرف انجليزي ابدا كتبت قصيده كامله اخذت مني سنه وانا احضر كلماتها وكتبت قصيده من 50 بيت لها ومسكت الورقه وبعد تسوي جو في البيت حطيت شموع وتقول لها بلسان حزين وقم تقرا له القصه وتبكي بعد اساس انه يعني انت وايد متاثر بالحب وقم تقرا له القصيده تقول هذا ايش قاعد يق اذاننا صار له عشر دقائق ما فهمت ولا كلمه قالها هو بد الجهد ولا لا بذ الجهد له قيمه ما لهذاك القيمه ليش لانك قاعد تتكلم بلغه زوجه ما تفهمها هذه هذه الفكره الاساسيه والعكس بالعكس فكل واحد فينا نختلف من رجل الى رجل ومن امراه الى مراه لكن اللغات منحصر يعني ما في لغات كثيره ما تتجاوز اربع او خمس لغات تفهمها تعرف تتعامل مع الطرف المقابل خلي نذكر بعض هذه اللغات التي اشاروا لها المساله الاولى التشجيع التشجيع شنو اقصد من التشجيع يعني الثناء الاطراء تشوف شيء منها اعلق عليه تشوف شيء منها بسيط تمدحه ما شاء الله حي طبخك مو طبيعي وايد اكلك حلو ولو انت قاعد تاكل وتبكي من داخلك و مو عاجبك بس امدح الحين ممكن تحط ملاحظات اكل وايد حلو بس كنا شويه يبي ملح بس اكيد ل طبيعي بس بس وايد حلو يعني ما شاء الله شلون كذ المدح تقييم الافعال وايد مهم احيانا وغالبا المراه تحتاج تسمع ما تحتاج تسمع تسمع تبي هذه الاذن يتم الهمس فيها هذا وايد مهم تلبس لبس تمدح لبسها تسوي تصرف تمدح تصرفها تثني على شكلها على جسمها على كذا تحتاج هذا هذا طبيعتها فوايد مهم انك تعرف الزوجه اللي متزوجها او انت الرجل اللي متزوجته من اي نوع اذا كان هذا الشي ياثر فيه وايد مهم ان تسمع الطرف المقابل الاهتمام بان ترى انا موجود ترى هذا الشيء اللي سويتيه مقدر انت شوف جرب قص سلطه جرب شوف ايش كث ياخذ وقت سلطه سلطه في البيت روح تغسل وتقص وترش ليمون وملح وهذا بعد اذا سويت فيها بصل شوف العمليه ايش كثر متعبه جرب انت جرب على يوم مو خسران حتى تعرف جرب قول لها اليوم العشا انا بغسل ص مو غلط شوف اي كث اخذ منك وقت شوف ايدك تشد ولا ما تشد يعني شغلات بسيطه فعلا تخيل بشهر رمضان توقف على ريلها وهي صايمه وانت لو واحد يكلمك كلمتين ما تتحمل وهي صايمه ثلاث اربع ساعات هذا الشيء قصص واقعيه اربع خمس ساعات وهو على السفره يعصب ويسب هذا طبعا هذا يحتاج الى طب نفسي يراجع فعلا هذا يحتاج الى طبيب يعالج لانه مو صاحي كل هتعب وكل هال الوقفه ولا واجب عليها تع تعبت ثلاث اربع ساعات ت جابل من المطبخ قاعد بال المطبخ ثلاث اربع ساعات شنو هال الطاقه اللي عند المراه شلون واحد يقدر يوفي حق المراه اللي واقفه كذ وهو بارده مرده يبيها تطبخ حق ربعه وحق اهله وحق اهل اهله وحق اصدقائه ويعصب و كنا مو عاجبه ان انت ليش ما قاعد تسوين كذ او شنو هذا وين الاكل وليش كذي ويعلق شنو هالانسان هذا شنو هالانسان هذا حرام يسمونه هذا انسان فعلا انا مو ابالغ بس فعلا هذا حرام يصنف ان معان هذا لازم تشوفوا له تصنيف اخر ما في تقدير ولا في احترام شلون تبي العلاقه الزوجيه تكون علاقه زوجيه ناجحه اذا الرجل بهذه التصرفات قدر خلي تطلع منك الكلمه الطيبه الروايات الروايات تقول ان القول الحسن مؤثر على الاهل مؤثر مؤثر روايات تبين هالشيء بان الكلام الطيب وايد يؤثر على العلاقه الزوجيه وشوف العكس بالعكس اغلب المشاكل الزوجيه ادعي ه الدعوه اغلب المشاكل الزوجيه تحل باللسان بس الناس ما عندها لسان ما يعرف شلون يسولف ما يعرف شلون يصنف العلم الحديث ما عنده ذكاء اجتماعي ما يعرف شلون يتعامل مع الطرف المقابل والعكس مره واحد يقول قاعد اشوف صاحب حمله اللي راح الحج يعرف معاناه اصحاب الحمله في ايام الذبح وال كذا يصير تاخير وكذا قد ما يكون بايده فالكل مشتكي الكل معصب فيقول اشوف الحجاج معص معصبين يعني جايين مبين معصب يروح يتكلم يتكلم بعد شوي يهدا ويمشي الاول الثاني الثالث الرابع الخامس ق شنو هذا صاحب الحمله شنو ه القدره الهائله اللي عنده رحت له قلت له ايو تقول لهم انتشي يضخون التصرف سهل وبسيط هو معصب لو تبي تدافع راح تزيد المشكله اهو شي بس انا مو بايدي مو بيده بس قلت له انا ايش اسوي حجي مو بيدي يعني انا الحين انا بيدي كلم مثلا الجهه فلانيه في كذا انا ما ابي انا ايش اسوي احنا هم راض يدخلونا نذبح انت كلنا منك كلمه منه كلمه منك كلمه منه صارت هوشه ما علينا المشكله تسمعه تقوله والله صح انا هذه الملاحظه راح اسجلها واخذها بعين الاعتبار من اساس نطور حملتنا كل اللي قاعد يقوله صح وانا اعتذر منك وسامحني بس يعني انت ما يتني الا اذا انت مهتم تبي الحمله تتطور وتبي المؤمنين ما يتعبون انا ما اشك في نيتك جزاك الله الف خير وكان زي كل لناس اللي يصارحون بنفسك حتى نحل المشاكل شو بيسوي طرف المقابل بيرد يعصب طخ فال المساله تحل باللسان طبعا مو واحد بعد كلمات ل زوجته يبيع عليها حكي يبيع عليها حكي 20 سنه لا مو صح يعني بس احنا كلامنا ان في حاله الانفعال ترى وايد تقدر تقلل من المشكله هذا كله يندرج تحته الكلمات تشجيع ثناء اطراء تقدير مو معقوله انسان متى اخر مره ق حق زوجته انا احبك ولا اعيش من دونك وانا لو متي ما ادري ايش راح اسوي في الدنيا متى اخر مره قالله الكلام من سنه من شهرين من خمسه من سنتين مره تسمع تبي تسمع وقلتلك راح تصفر العداد كل يوم يعني لو 1500 يوم قلت لها الكلام 1500 واحد ما قلت لها انت انسان مو زين لازم تقول لها طول العمر هذا من باب الطرفه فاذا وا مهم ان افهم لغه طرف المقابل شنو وهذه المساله تشمل الرجل والمراه والمراه والرجل اعرف هو شلون يفكر اذا عرفت هو شلون يفكر راح تقدر تتجاوز مشكله كبيره اذا المساله الاولى لازم الانسان المؤمن يشجع الطرف المقابل يثني عليه زين الامر الثاني اللي هو يصلح كثير من مشاكل الزوجيه اغلب اغلب المشاكل الزوجيه هذا حلها اللي هو شنو كرس من وقتك للطرف المقابل ايش كثر قاعد تعطي زوجتك من وقتك ش كثر قاعد تعطين زوجك من وقتك هذا وايد مهم الناس غافلين عنه هو عباله اذا طلع عياله طلعه اسريه معناته ان هو شنو خلاص اسقط التكليف هو عباله اذا قاعد على الغداء او على العشاء وقاعد ياكل معهم ما هو كرس من وقته هو عباله بانه لو قاعد يطالع التلفزيون وهي يمه فهو قاعد يكرس من وقته ابدا تكريس وقت يحتاج تخصص جزء من وقتك لها حقها بروحها وايد مهم وايد مهم متى اخر مره قاعد مع زوجتي بروحنا نقعد نسولف مو نقعد نتهاوش وانا وجهه نظري كذي انتت وجهه نظرك شذي وانت غلطان وانت غلطانه هذا يله وقت ثاني يحتاج ان الانسان يحسس الطرف المقابل ان انت لك قيمه خمس عشر دقائق ربع ساعه ترى وايد مهمه ولو كانت بسيطه لمن اقول تقعد معاها مو معناتها ماسك التلفون قاعد سولف معاها وماسك الواتساب ويك مسج بعدين طالع اليوتيوب وطالعها اي صح كذا وماسك التليفون مو قاعد معاها هذا مو قاعد معاها لازم تنصت لها كل حواسك اذا انت عندك ادماان في التلفون سكره حطه سايلنت او صك التليفون خلي على الجب وقعد بروحك معاها وقعد سولف سولف مثلا عن الامور الايجابيه مو تسولف عن المشاكل وعن الشغلات اللي سويتها وانت قبل والشغلات الغلط وما ادري شنو وهي كذا لا سولفوا عن الشغلات اللي من شانها تخلي في محبه سولف عن المستقبل هذه وايد مهمه اذا ما تسولف عن المستقبل مع المراه تشعر بان انت ما تبني علاقه معها يرجع الى النقطه الاولى اللي قلناها اي نقطه الاولى قلناها امان لم تبلش تتكلم عن مشاريع المستقبل مع زوجتك هي تشعر بان انت مهتم فيها وتشعر ان انت امان لها ليش لان انعكس على لسانك كان انت قاعد تخطط قدام معناتها بطريقه غير مباشره ترى انت موجود في هذا المشروع سولف تكلم كرس من وقتك شوف هي شنو تحب سوى شوفي هو شنو يحب سويه لكن هذا الوقت الخاص مو مع الابناء الزوج والزوجه بروحهم الاحاسيس ما في شيء يشغل عن الشيء التواصل البصري وايد مهم يعني لما تكلم زوجتك طالعها بعينها طالع عينها هي طال عينها تمسك ايدها بحيث تعبر عن ان ترى انت انا مهتم فيك ترى انا احبك مو غلط ولا عيب اصلا اللي يفقد هذا هذا اللي فييه خلل في خلل في رجولته نف نفس عنوان الرجوله فيها خلل لان انت لو رجل المفروض عندك مشاعر وتعرف شلون تترس الطرف الاخر مشاعر هاي الرجوله شنو غير تعريف الرجوله هذا اللي نعرفه هذا رجل و قوي قوي شنو يعني يعرف شلون يتعامل مع الانثى مع المراه يعرف شلون تحبه احنا كه الرجال بيننا ما يدر هالكلام مو الرجل اللي يعرف شلون يسيطر على قلب زوجته هذا الرجل هذا اللي نسولف عنه في جلساتنا الخاصه ونتكلم عن امور اخرى هذا كله يندرج تحت هال المساله عارف شلون يتعامل مع المراه شلون يتعامل معاها شلون يخليها تحبه يخليها ما تفكر بغيره وهو بايده يسوي كذ هذا كله اتكلم بالعنوان العام والروايات ركزت واشارت لا اقل ان الرجل يجلس مع زوجته مع اولاده هذه المساله يعني لها اثر كبير جدا فالامر الثالث وقتي لازم اعطيها من وقتي لازم هي تعطيني من وقتها وطبعا مع وجود وسائل التواصل هذا ادمان فعلا فعلا ادمان صارت الناس 24 ساعه وقتها بالتلفون 24 ساعه يصورون انت الحين انت على بالك هذه الصور اللي قاعد تشوفه حق الناس اللي مصورين ويضحكون مسافرين وقاعدين بمطعم انت عبك هذا انت كامل قواك اذا تعتقد هذا صج هذا ثلاث ارباعه كذب كذب كذب المساله واضحه والقصص اللي شفناها واللي عشناها واللي وصلت والناس تتناقل هاي الشغلات اصلا اتعس حياه زوجيه قاعد نشوفها عند الناس بس بالتصوير يضحكون ويصورون وقاعدين مطعم ولا اصلا بس بس يسكرون تصويرك واحد ماسك تلفونه شوف عدد الكلمات اللي صدرت منهم وهم في المط كم كلمه فاذا مهم جدا مو اطلع بس معاها مو بس اقعد معاها شلون اقعد معاها شلون اطلع معاها شلون احسسها بان انت كل حياتي هذا وايد مهم الناس على بالها بان الدين يعني شيء جاف ابدا الدين يخلي الانسان حنون يخلي الانسان رؤوف شنو معناه الرافه بالمؤمنين رؤوف منو رحيم على النبي صلى الله عليه واله هذا بالمؤمن بازواج شلون اللي هما اع خير شلون الروايه خيركم خيركم لاهله احسن الناس احسن الناس حق ازواجهم وعيالهم فاذا هذه المساله مساله مهمه الثالثه لازم الحياه الزوجيه يكون فيها هديه لازم يكون فيها هداء من فتره ل فتره لا تفكر بالقيمه واحد يقول انا شو اسوي ونيب لها ذهب ونيب لها الماص يختلف الحين واحد الذهب ولا شيء بالنسبه له والالماس ولا شيء بالنسبه له واحد ما يقدر رو احنا حدثنا الماديه متفاوته لكن شغلات بسيطه وايد بسيطه لها اثر تكتب برساله تكتب بورقه وقلم غش الحين موجود جوجل موجود اكتب اشعار حط تطلع لك الاشعار اخذها واكتبها وطرشه مو عيب ولا غلط مو عيب ولا غلط ان الانسان يستفيد من هذه التكنولوجيا في انه شلون يخلي علاقه الزوجيه علاقه جميله سمعها الكلمات انت اكتب لها انت حاول انت كذا انت نفس الشيء لازم يصير في تبادل لهذه الهدايا مو المهم القيمه المهم الكيفيه ممكن انت بمبلغ مادي بسيط شنو تكلف الورده الحين كم سعرها 750 دينار ونص شو تكلف هذه لو تحط ورقه وتكتب فيها رساله بدون اي سبب مو الا لازم تنظر عيد ميلادها ولازم تنظر عيد الزواج مو لازم تنطر هذا العلاقه الزوجيه الكامله وهذه نادره في الحياه كل يوم حفله كل يوم احتفال كل يوم وهذا عبال البعض يمكن يسمع مر عليه ه الانتقاد عباله قاعد ابالغ فيها النقطه ابدا كل يوم انا اعرف حاله كل يوم ما فرق اصلا ماله قيمه يوم الزواج يعني مو يوم الزواج يحتفلون فيه لانه ما في فرق فعلا مو غشم فعلا اصلا يوم الزواج يوم عادي يوم العيد ميلاد يوم عادي لان كل يوم يوم زواج ليش هذا السر الاهم الله سبحانه وتعالى يكون حاضر عند الاثنين الله حاضر اذا الله سبحانه وتعالى كان حاضر في العلاقه الزوجيه عند الاثنين مو عند واحد الانسان يشعر بنشوه وبقيمه وبجمال فمس اله التبادل مساله وايد مهمه لازم الرجل يكون كريم المؤمن ايده مفتوحه زين الامر الرابع ان الانسان ينجز ما طلب منه هذا وايد مهم خصوصا المراه الرجل في في في في شغله معينه اول شيء الرجل مستقيم في علاقته بمعنى انه يبي شيء يكون مباشر واضح المراه مو جذ المراه طلبت مره واحده ودها ما تطلب مره ثانيه لان من المره الاولى وصلت الرساله فبعد خلاص هذا وان كان انا في تقدير الشخص يرد يطلب مننا مرتين وثلاث واربع عادي لان الرجل قد يكون مشغول البال قد يكون كذا هم طريقه التفكير تختلف فخلي المساله تمشي عادي طلبي من مرتين وثلاثه شو المشكله ولكن انجاز هال المسائل له اثر كبير لم انت تهتم بتفاصيل الحين ما ادري ايش كثر الرجال يسوونه بس انا في تقدير الشخصي هذا وايد مهم ان المفترض ان زوجتك ما تصب بنزين انت تصب لها بنزين انت كرجل شلون تخليها توقف وتكلم هذا تقول له دينارين ولا ثلاثه انا عن نفسي صراحه ما اتقبلها يعني كلش ما تقبلها وصعبه بالنسبه لحين من واحد لواحد تختلف المساله بس تدري لو انت تسوي لها التصرف يعني شلون يهتم فيني شلون يخليني ما اتعامل مع الطرف المقابل هذا كمثال قس عليها بقيه الامثله تنجز المساله اول باول وقلت لك احنا هذه مشكلتنا واحنا بعدها من طاقات نختلف من واحد ل واحد لكن اخذ بعين الاعتبار ان المراه تحتاج منك انك الطلبات التي تطلب يتم تنفيذها بشكل سريع والعكس بالعكس ان الرجل ل يطلب من زوجته شيء مره مرتين ثلاثه من الانسان طبعه ملول يمل والرجل هم مشكلته كبيره البعض خصوصا عنده شخصيه انه يسكت وهذه بفتح عليها قوسين لان هذه محور في محاضرتنا يا اخوان اعظم اعظم الامور حلا في انجاح العلاقه الزوجيه وحل المشاكل الزوجيه يعني تقوللي لا اختصر لي اطني اهم علاج لعلاج المشاكل الزوجيه شيء مو طبيعي وهو المصارحه لا الزوج ولا الزوجه يسوونه للاسف لو يتم تطبيق هذا العنصر اغلب المشاكل الزوجيه يتم حلها او يتم تقليلها بعض المشاكل ما تنحل احنا لا نكون مثاليين خ بعد شويه نشير الفرق الى بين الحل وبين من صح التعبير اما احل المشكله اما اقلل من المشكله تقليل المشكله يعتبر حل فه هذا عنصر المصارحه هذا اكبر اسباب المشاكل الزوجيه ومرت علي اش كثر قضايا صلت والعياذ بالله بعضها الى المخالفات الشرعيه والسبه هي تشي في قلبها وهو يشيل في قلبه شفت مشكله من البدايه قبل لا تتحول المشكله الى عاده اخذ الطرف المقابل واختار جو مناسب وجو هادئ وباسلوب لطيف اوصل رسالتك بكل ادب رافه وحنان لا تنطر الطرف المقابل وهو يلتفت حتى يعالج المشكله احتمال ما يلتفت من البدايه بدايه اول بروز المشكله لها ترى كن هذا الشي مو مناسب انا شويه ياذيني هذا الشي صراحه صعب اتحمله انا يعني ادري ما تقصدين وادري كذا بس هذا الشي انا بالنسبه لي خط احمر وانت انسانه مؤمنه وتعرفين وكذا باسلوب مؤدب باسلوب في حنان وكذلك الزوجه خصوصا الزوجه قد يعني الزوج للاسف هذا بين قوسين واحد يسولف عند ربعه وكله يبي يتزوج ويبي يعدد وهو الزوجه الاولى المسكينه ما اشبه رغباتها وبدو انيه يسوي نفسهه الرجل الذي لا مثيل له وهو وحده مسكينه مو قادر مو قادر يخليها يشعرها بالامور اللي الله سبحانه وتعالى كتبها الامور الخاصه اقصد هذه ترى مساله وايد مهمه بعض النساء تسكت زين هذا السكوت ترى قد يوم من الايام يوصلك في ارتكاب بعض المحرمات الحين هذه المحرمات قد تكون محرمات الى ال درجه وقد توصل والعياذ بالله الى الزنا وكذا من البدايه المصارحه شنو المشكله في كذ في كذا ادري كذا بس انا مثلا شويه صعبه احتاج كذا عادي عادي اللي تحتاجين يقولي واللي تحتاج اقوله هذا عنصر المصارحه ثق بالله اكثر وانجح علاج في اصلاح كثير من المشاكل الزوجيه بس كل واحد شايل بقلبه وساكت وينطر المساله بعدين شو يصير يعصب انا من زمان وانا ترك هذا ليش وصلت المساله الى هال الحده من الصوت وانك شايل في قلبك وقاعد تعذب نفسك وانت قاعد تعذبين نفسك اول ما تصير في البدايه تعال حبيبي ترى المساله كذ كذي في اسلوب لطيف على طول صارح المصارحه وايد مهمه انا اقصد طبعا يمكن ما اشرت له بشكل مفصل انا اقصد المشاكل اللي تتكرر بشكل منتظم اما لو واحد صارت مشكله خلال السنين وقعت مره بعدها مو توقف عليها ولا بتحل هذه مره صارت وخلاص عدت انا كلامي عن شغلات متجذر في الانسان هو هذا طبع فيه من البدايه حط النقاط على الحروف اول ما يصير تعال اخذ طرف المقابل واشرح له وقول له هذا عنصر المصارحه يا اخوان ترى وايد يعالج المشاكل الزوجيه و ولو بلسان تخلي لكم جلسه شهريه توجهون توجهون ملاحظات حق بعض علاقه الزوجيه مشروع مشروع مشروع شخصي مثل التجاره انت مسؤول وهي مسؤوله اثنا تكم مدرى في هذه الشركه لازم تخلون هذه الشركه ناجحه فلازم يكون عندكم فتره لفتره يوم تراجعون فيه الاخطاء اللي وقعت وتطورها مو غلط ولا عيب انا كامل انت كامل لا هي كامله لا احنا فينا نقص وفينا كمان فالفكر من العلاقه الزوجيه انا شلون اقدر اخلي هذه العلاقه الزوجيه علاقه ناجحه من خلال المصارحه نحط النقاط بس باسلوب مؤدب بحنان بفه وهذا الشيء قراءه الكتب الاستماع للدورات الخاصه قراءه روايات الائمه عليهم السلام لازم الرجل والمراه يعرفون شلون يتكلمون هذه مشكله ترى نقع فيها انه ما في اسلوب ما في اسلوب هو الكلام صح بس باسلوب 100% غلط انت وكذا وانت ول متى كل مره اقوللك اخر مره م له داعي هذا قد الفكره تكون صح هو غلط انا معاك وقد يكون في مكان ثاني هي غلط انا معاك بس مو بهالطريقه وصل الكلام باسلوب لطيف هذا اللسان يغير اغلب المشاكل ويحل اكثر المشاكل عجيب هذا اللسان بس الناس ما تعرف تستفيد منه تستفيد منه في الحرام الله سبحانه وتعالى جعله حتى تحل في مثل هذه المشاكل فالامر الرابع اللي تكلمنا عن ان واحد يقدم خدمات للطرف المقابل ما يمن عليه هذا المن ترى مشكله هذا المن مشكله انا سويت وانا اعطيت لا تجيب هذه المفرده شيلها لان هذه المفردات تستفز الطرف المقابل هم الشيطان شاطر وهم الانسان ما يحب احد يمن عليه فانت سويت شي صح والله يقول في القران الكريم ما في بعض الايات الله يقول لا تبطل صدقاتك شنو لا تبطل صدق صدق شنو بالمن والاذ ليش بالمن انت بالمن قاعد تبطل الصدقه سويت صدقه ادري بس بطلتها م قيمه الفعل شنو سويت ابدا قيمه الفعل شلون تحافظ عليه لذلك الحين حفظ القران الكريم اصعب ولا المحافظه على حفظ القران اسالي حافظ القران الكريم الاصعب مو حفظ القران الاصعب شلون احافظ على الايات روح الى مثال واضح انتم الحين كلنا الحين في مدرسه شم سغره حفظنا ايش كثر باقي الحين موجوده في ذهنا فمو القيمه بالفعل القيمه شلون احافظ على الفعل زين هذا الامر الرابع الامر الخامس والاخير ان لازم يكون في اتصال بين الزوج والزوجه هذه الامور الخاصه الروايات الشريفه تكلمت عنها النبي صلى الله عليه واله يا اخوان هذه النقطه لازم نقف عليها النبي صلى الله عليه واله اشد الناس حياء لا يوجد في الكون كله شخص فيه حياه كرسول الله صلى الله عليه واله هذا النبي العظيم صلى الله عليه واله اللي في قمه الحياه كان يتكلم عن الامور الزوجيه الخاصه ليش لازم يعرفون لازم انت كرجل لازم تعرف شلون تتعامل وتسعد المراه وانت كمرا لازم تتعلمين شلون تسعدين الرجل في الامور الخاصه امور لها ارتباط كبير جدا على نفسيه الانسان يمكن اصلا اكبر عامل يجعل الانسان مرتاح نفسيا هو هذا هذا حسب احصائيات ودراسات علميه موجوده وحتى لو ما في دراسات علميه هذا شاهد الحياه اللي قاعد نشوفه اشباع هذا الجانب امر في غايه الاهميه خصوصا من رجل لرجل تختلف المساله ومن مراه الى مراه تختلف المساله لكن هذا الجو اشارت له الايات الكريمه واشارت له الروايات الشريفه هذه العلاقه الخاصه الله سبحانه وتعالى ذكرها وذكرها بطريقه بين انه لازم يكون عنصر الاحترام والموده والمحبه فيه ويكون بطريقه صحيحه فاذا هذا الاتصال الخاص لازم الرجل يتفقه ويتعلم مو غلط ابدا بس اصلا العكس الرجل اللي صار له سنين ولا يعرف يتعامل مع المساله هذا اللي عنده مشكله لازم يروح يعالجها قد تكون المساله تحتاج الى تدخل طبي قد المساله ما تحتاج تدخل طبي وهذا في غالبها هذا في غالبها المعرفه والتعلم يخلي الانسان يعرف شلون يتعامل واشباع هذه المساله ثق بالله يعالج مشاكل كبيره ويجعل خصوصا عندما يراعي الانسان الطرف الاخر ويسعده ويسعده بالطريقه الصحيحه راح تجد تع تق هائل بين الطرفين هذا الاتصال مهم جدا الله سبحانه وتعالى خلقنا ما خلقنا خلقنا مدنيين نتعامل مع بعضنا هكذا طبع الانسان يتواصل مع الاخرين فما بالك اذا كانت شريكه حياته الانسان لازم يهتم يهتم في نفسه خصوصا الرجل قد المراه تكون بشكل عام نعم المراه يعني ارتب من الرجل في هذه المساله لكن النظافه الشخصيه للرجل ترى وايد مهمه الاهتمام الشخصي بلبسك ليش لما تطلع برا تلبس غتره وعقال ودشد وفي البيت البس مكسره فنيله ليش فعلا ليش تسوج هذه المراه مو لازم تطالع الرجل بابهى صوره والعكس بالعكس ليش تتزينين برا تزيني في البيت سوي اللي بتسوينه في البيت لبسي احسن اللباس وحطي احلى مكياج حق الزوج شو المشكله اذا هذا يعجب الزوج اذا هذه المساله لازم يكون عندنا ثقافه ثقافه فيها المسائل والحين اليوتيوب اغنى الناس ال دكاتره يطلعون يشرحون اطلع تعلم شوف اكتسب المهارات موجوده مو صعبه فهذه امور خمسه وايد لها متخليه في علاج مشاكل كثيره الى هنا تكلمنا عن محورين لعله ان شاء الله الاسبوع القادم اللي بعده نطرح المساله بمشاكل عمليه شلون واحد يحلها لكن انا ادعي بان كثير من المشاكل يمكن التعامل معاها ليش قلت يمكن التعامل معاها لان شو المشكله قد تحل وقد لا تحل اقصد من الحل يتم حلها 100% وهذا يصير بس واقعنا الاجتماعي مو دائما واحنا عندنا مشكله فكريه واكثر مشاكلنا والمنا النفسي بسبب تفكيرنا الغلط ترى السلوك خله غير تفكيرك تنحل المساله خلي اذكر لك مثال واقعي وعلى اثرها تفهم شنو قاعد اقول واحد اشتكى عند احد العلماء قال زوجتي تبدل وايد وهذا يحتاج توسل بالائمه صلوات الله عليهم ان الله سبحانه وتعالى يرزقك زوجه تبدل بسرعه هذا من النوات بسبب طبيعتها انزين فيقول هيطول في يعني قد تاخذ نص ساعه 40 دقيقه تطول وتعرف الرجل م طبعه اذا مثلا بخصب يروح بيت اهله ولا شي وبعد يكون اذا هلهم عشرين وين زوجتك وليش تاخرت وما يتفهمون هالامور الخاصه فيعيش بين صراعيه هذه المشكله مشكله اجتماعيه نعيش احنا في بلداننا انزين كلمها مره 100 ماكو فايده هذا ما راح يتغير هذا ما راح يتغير هذا طبعه خلاص ما راح يتغير طبع زين شلون اعالج سيدنا المشكله واحد واثنين غلطان اذا على بالك ان كل مشكله لها حل فالخلل فيك انت ليش رفعت من مسقف التوقع وهذا غلط لا تتوقع وايد في الحياه ايش كثر الروايات اشارت الى هذا لا تتوقع وايد في الحياه لان اذا توقعت وايد في الحياه ستصاب بخيبه امل ما يتحقق اللي تبيه فتتعب ابدا من البدايه خل توقعاتك معقوله ودون المعقوله بحيث لو صارت المعقوله الحمد لله فاسهل نفسيا اثنينه انت اعرف شلون تستفيد من هذه الحاله بطريقه ايجابيه فما تعصب لان في الغالب هي ما راح تتغير المشكله قاعد تصير انك تتنرفز هذا شنو قال له قال له قاعد احفظ قران احفظ قران يعني امسك القران حاول تحفظ لك سطر سطرين كل ما تبي تطلعون طبعا راحت لعله لسنين الايام والاشهر والسنين رجع له بعد فتره قال له سيدنا شيخنا يعطيك العافيه قال انا بسببك حفظت القران الكريم بسبب شنو تاخر زوجته في اللباس طبعا مو معناته بانه هو القصه هو يوم بلش يحفظ مره مرتين شهر اسبوع شهرين ثلاثه صار هو عنده شنو حب للقران الريم هذا بركه الله سبحانه وتعالى فتح عليه فشوف المشكله موجوده بس انا غيرت من طريقه تفكيري مثال ثاني هذا موجود احيانا بسبب ظروف ما الزوجه ما تتقبل اهل الزوج ما تتقبل شو تسوي يعني كلمتها مره مرتين حاولت انا مع الاصلاح والمحاوله كل هذا تمام والكلمه الطيبه وصلت ل مساله ما قدرت خلاص انت حاولت وايد بس انت من البدايه شايل هم المساله لا يحبون بعض علي ف بكل بساطه سيدنا طب موكل بساطه بكل بساطه واقل من البساطه شنو يعني الله راح يسال امي ليش ما حبيتي فلانه والله راح يسال ليش ما حبيتي امي في القبر في البرزخ في القيامه ايش علي فيه هذه الامي ارحامي وهذه زوجتي اعيش مع هذل ازور هذيله واعيش مع هذه فرض المساله حاولت اصلحته ما قدرت مو كلامي عن انه واحد يصلح ويحبب كله زين واوجه رساله حق المراه حاولي تحترمين اهل زوجك ترى هذا شي يقدر الزوج ويخليه يشعر بالاحترام اكثر الحين كل هذا ما صار ليش مكبر المساله ليش مكبر المساله واذا ما راحت حق ابوك وامك شو بيصير في الكون يعني قانون النيوتن الثالث بيتغير منو حافظه كلكم ادبي ولا في علمي بس مستحين اه انزين فما راح يتغير ما راح يتغير هو مثل ما هو راح يشتغل مثل ما هو ما راح يتغير الكون الشمس راح تطلع من المغرب ما راح تطلع من المغرب اذا يكون مثل ما هو ليش مكبر السالفه استصغار المسائل وايد يريح الانسان طبيعي فمرات المشكله ما تحل بس انت تغير طريقه تفكيرك تعرف انه تعال ايش قاعد اسوي ليش قاعد ابالغ ايش صار بعد ايش صار يعني شو اللي صار يعني افرض اليوم مثلا الاكل احتراق كذا شو اللي يصير يعني ايش قاعد يصير فجزء من حل المشاكل هو ان الانسان يغير من طريقه تفكيره في بعد النقاط لعله نخليها في الاسبوع القادم كحلقه مستقله اتوقع هذا التصور البسيط العام ان شاء الله يكون فيد والحمد لله رب العالمين وصلى الله على محمد وال محمد اللهم صل على اذا حد عنده سؤال او شيء يعني مجال كم دقيقه نفتح المجال للاسئله الله يحفظكم ان شاء الله ما احد يعني زوجتك ما راح تسمع ف لا تخافون عادي اي واحد عن سؤال تفضل تفضل طبعا الروايات مثلا ذكرت مصاديق ذكرت مثلا ان النبي صلى الله عليه واله كان يجتمع بنساء او يستشيرهم في الحرب ثم يخالف ذلك لعله الاشاره الروايه تبي تشير بان كل ذاك الوقت تخصص النساء كان له مال وتخصص الرجال كان له مجال فمو من المنطقي ان احد مو مختص في شيء معين تروح تستشيره مااله معنى اي لكن الان في هذا الزمن يعني مع وجود تخصص لشنو كان رجل ولا مراه مساله يرجع له فيها في الروايه تشير الى قضيه خارجيه الاقرب في ذلك يعني نعم شوفوا مهم جدا ان الانسان يحاول جاء في روايه عن الامام الرضا عليه السلام وهي معتبره سندا على ما في ذاكرته موجوده في الكافي يقول كنا جالسين عند الامام الرضا عليه السلام فتذاكرنا العقل والادب يعني قاعد نسولف عن الاخلاق وقاعد نسولف عن العقل عقب ما خلصنا كلامه هو دخل الامام عليه السلام وعلق على كلامنا علق على كلامهم بسطر قال العقل حباء من الله والادب كلفه فمن تكلف الادب قدر عليه فال المساله شنو تحتاج تحتاج الى اراده ومحاوله في شغلات خصوصا في صفات الانسان صار لها سنين هو عصبي هذا لا تتوقع ان هو عصبي سمع روايه اليوم الثاني مو عصبي مو منطقي هذا لكن كثره المحاوله والالتفات بوجود ه الخصله فيه ومع الاراده والمحاوله والمحاوله والتفكير وقراءه مثلا خطوره هذه الصفه من جهه العذاب في الاخره من جهه العذاب في الدنيا العصبي يحرق نفسه حرق ثر على جلده على شعره على جسمه على وجهه اعذب نفسي على شنو وهم قاعدين صارت قضيه مره ا واحد اصل علي قال لي ابوي كان يعني متضايق قال لي ابوي تعبان في مرض ظاهر بس ما يرضى يروح مستشفى واذا ر ما يروح المستشفى راح يموت زين ومعاند ما يبي روح مستشفى يصير اخصبها اوديه قلت له ما يصير قال زين يموت قلت له خليه يموت ليش انت يعني مكبر السالفه يمكن واحد على باله انا قاعد استصغر مو قاعد استصغر هوهو الحين انا اؤمن بهالشيء في قضيه ثانيه رجل كبير في العمر كبير رايح السوق وهو كبير في العمر يعني عياله يدارون لا تروح ويبي يطلع راح السوق وكرفس وطاح سمعت القضيه ما تاثرت قلت هو يبي كذ لان هو محتمل هالشي وهو يوم طلع السوق مستانس ولا مو مستانس وهو مستانس انا ضايق ليش فتحتاج تفكير هذا مو معناته اني اجرد نفسي من المشاعر ما اجرد نفسي مشاعر بس هوه مره واحد مسكين صارت تصرف طبعا مو استان سفرح ان طاح وتعور لا بس انا ما ابالغ في رده فعلي كيف هو هو عاقل وفاهم وبالغ بكذ كيفه وهو صاحب قرار وهو يسوي الفعل وهو مستانس انا متكدر هو مو منطق فاذا التفكير والمحاوله والتامل يعالج مثل هال القضايا فا فكر انا مؤمنين لهم حق علي هذه الحمله حملتي ليش اخليها حمله فاشله وهدا المؤمنين ولهم قدر عند الله سبحانه وتعالى والله سبحانه وتعالى امرنا بالصبر هال الخليط هذا يخلي الانسان يطور من قدراته نعم نعم مرات اي زين ماينفع ما في اليه الا بعد ما تعرض المشكله لان الامور الزوجيه امور شخصيه في امور مثلا الدين قال هذا خط احمر في امور مو خط احمر لا تصير بس مو خط احمر صارت الحين انت تقدر تحلها حلها تقدر تقللها قللها الانجاز ما تقدر تعايش معها وظفها اذا تقدر توظفها بطريقه معينه مثل الحين هذا لا قدر يحلها ولا ققدر يقلها لكن هو تعايش مع المشكله هو قام يحفظ قران مثلا فهمتني فمرات انت الخصه الموجوده في الطرف المقابل تقدر تتعايش معها مرات الزمن وهو يعني بالنسبه لا باس فيها مرات الزمن هو يعالج المشكله نفس الزمن ومرات لا هذا ولا هذا ولا هذا وهذه المساله لازم تكون حاضره عندك في الحياه وفي العلاقه الزوجيه الو سلام عليكم وايد تصير بشكل متكرر سيدنا كذ كذ كذ صار شنو الحل اول جواب اجاوبه انت ليش فارض بان كل مشكله لها حل لو كل مشكله له حل في مشكله لا اذا طخ شويه اهد مو كل مشكله في الحياه تب لها حل جزء من شنو معناه الصبر اللي اللي ترس القران الكريم الصبر يعني شنو صبر يعني يوجد مشكله ولا ولا ح لها اذا حلت بعد تصير مشكله ما تصير مشكله فما فيها حل فاذا شوف انت فكرك لازم تغيره انت لما تفكر بطريقه صح راح تعرف تتعاطى مع المشكله صح فمرات جزء من الحل انك تعرف ان المساله لا حل لها فتتعامل طر الشرعيه لكن اذا خرجت عن الاطر الشرعيه قد يكون لها تصرف اخر تفضل بالنسبه للمساله الاخيره التقليل من من المشكله نعم النظر لها بطريقه ثانيه نعم هذه صح تحل مشكلتي انا نعم لكن المثال الليي تفضلت فيه مساله ان مثلا ما في بيت حبي نعم ا اذا نظرت لها بهذه النظره صح تقل المشكله عندي نعم لكن هذه لها اثار سيئه صحيح على العيال مثلا اذا اذا كانت الام اسلوبها او انها محايده تجاه اهلي او منفتحه عليه صحيح هذه هي دورها الحين صارت المشكله بينك وبين عيالك مو معهم اهم مو مع الزوجه فلا بد من ان الرجل وهو يسيطر على على عياله ويفهم الزوجه بان انا تفهمت وجهه نظرك بان انت عندك نظر بس انا ما اسمح ان تنقلين هذا الشيء حق العيال لان هذ لها مشكله شرعيه فبم والمحاوره مع الطرف المقابل بشكل واضح عادي لا تحبين اهلي الحب شي قلبي مثل قد ما انت قد ما تحب ابوها وارد هذا ما تحب امها هذا وارد مو يعني مو بس الزوجه حتى الزوج وايد من الازواج ما يحبه زوجته وان كان في الغالب حتى لو ما يحبهم يهم على راسه صح ولا لا لان الرجل اضعف من المراه والمراه اقوى من الرجل عموما فلازم يصير في مصارحه ان انا اتفهم وجه نظرك لكن هذه وجه نظر مو مسموح يتم نقلها الى الابناء فمن البدايه يتم تربيه الابناء بطريقه واححد يقدر يفصل بين الاثنين وهي مو صعبه انت صاحب القرار من هو صغار تاخذ بايدهم توديهم كذا تحببهم بالام والابو تخلي الام والابو يهتمون فيهم على اساس يعني ل مرات هم الاب والام لما يشوفون للاسف العيال الام كذ يقومون يحطون الحره بالعيال لازم هذا المصارحه شوف اكيد هذا شيء شفتوه في المجتمع لمن واحد يعني يصير عنده ابتلاء بان زوجته ما تحب اهله كل يوم كل ما يروح يطلعهم عذر صح ولا لا اي والله ايش فيها والله تعبانه مسكينه يمه وراح هذا وراح تسالك لامك وراح يسالونك لمده الى ان الله ياخذ امانتهم بعد عمر طويل ان شاء الله ما راح يكلون ولا يملون فاذا اذا كذ في تقديري الشخصي هذا مو مو علاج طبعا الحين احيانا الام تكون قويه بحيث اذا صارت لها بطريقه مؤدبه قد تصير مشكله كبيره خل هذ لكن في في الظرف الطبيعي تبين لها بشكل واضح ولو مو منهم اهم يكون مثلا احد موجود والله هي ما اض تصرح لي بالاسم لكن يوجد انسان يعني في احد في القعده ما ترتاح وكذا ويعني خلاص هي عندها وجهه نظر في المساله هذا الشي ت راح يستمر هاي طريقتها وهم عندهم طريقه في التربيه لان في ناس هم تربوا في طريقه يعتقدون كل العالم نفسهم وهذا غلط مثلا كمثال مثلا انا الحين عشت في بيئه مثلا زوجتي يعني تتعامل مع امي وابوي كنا بنتهم مو كل الناس كذ في بنات يستحون في بنات في بنيه ما تحب تقول حق غير ابوها يبه في بنات يستحون مثلا يلمون او يقبلون العم هو مو فاهم هوه قاعد يشوف بس انا عندي ك هذه مرت ولدي الثاني تلمني وتبوس راسي وايدي هي تسوي شي بس مو كلهم هي طالعه من ثقافه عندها الحياه بطريقه ما قنا هذك ما عندها حياء بس هي هاي طريقتها كله جائز ندري بس هي طريقتها تستحي في واحده تستحي تاكل قدام خالتها هي طبيعتها كذ انا انا مر علي شخصيا ه المسائل هذه هي تستحي تبطل الحجه قدام الناس فما تروح حتى مطاعم او تقعد بكبينه او تستحي تاكل قدام حتى النساء طبيعتها كذ هو مو معقوله ما يتم تقدير هذا الشيء ها طبيعتها مثل ما انت عندكم طبيعه هي طبيعه ف يمكن الواحد بذكائه يعرف شلون يطرح المساله بطريقه حتى يقطع المساله بس بطريقه مؤدبه وصلى الله على محمد واله الطيبين الطاهرين الله اكبر الله اكبر اكر