المفرد والمثنى والجمع للصف الرابع نحو رابعة ابتدائي المنهج الجديد عربي رابعه ابتدائي الترم الاول

السلام عليكم ورحمه الله وبركاته يا حبايبنا طلابنا على منصه الخطه معاكم استاذ نور عصام استاذ اللغه العربيه الصف الرابع الاتلاقي النهارده احنا لسه بنستكمل كلامنا في النحو هذا العلم الجميل جدا العلم اللي انقذ العرب وانقذ اللغه بتاعتنا من ان الناس تضيعها من ان الاجانب يتكلموا بيها فيغيروا لنا الطريقه بتاعه نطقنا للحاجات فنفهم غلط زي لما انا وريتكم في الفيديو بتاع الشرح اللي فات ان ممكن حاجه بدل ما تحط فيها تنوين بالضمه تحط تنوين بالفتحه تغير المعنى خالص وتخلي ناس تمسك واحد ضرب على اساس انه اتضرب وواحد اتضرب على اساس انه ضرب والدنيا تبوظ خالص وعرفنا ان ان ابو الاسود الدؤلي ده الشخص اللي راح للامام علي وقال له بقى عايزين نعمل موضوع النحو معانا النهارده كمان درس في النحو اسمه المفرد والمثنى والجمع المفرد والمثنى والجمع هو ايه الدرس ده؟ ده درس نحو انا هقول لكم على سر بس السر ده بيني وبينكم الدرس ده هو يعتبر قواعد بس هو مش نحو هو حاجه مش هتعرفوها ابدا وهيفضلوا مخبيينها عنكم لحد ما تكبروا حاجه اسمها صرف يعني ايه الصرف وايه الفرق ما بينه وما بين النحو والله الحاج ابو الاسود الدؤلي والامام علي كانوا ساعتها مهتمين بموضوع النحو يعني ايه يعني مهتمين بالعلم اللي بيشك شكل لي اواخر الكلمه فالنحو ده هو اي حاجه مهتمه بالتشكيل بان انا اشكل مش التشكيل ده لا التشكيل بتاع الضمه والفتحه والكسره والسكون اللي بيجي في اخر الكلمه اما الصرف فهو مهتم بالتحول اللي بيحصل في الكلمه يعني ايه يعني لو انا مثلا قلت لك كلمه زي كلمه صديق لو انا جيت ان انا اجيب الجمع بتاعها جمع صديق ايه اصدقاء في بعض العلماء لبسوا نظاراتهم ومسكوا الامهم وقال لك ايه ده الكلمه دي اتحولت يعني ايه يا عم يعني الكلمه دي اتغيرت ايوه ما هي اتجمعت لا هو قصده الحروف في حاجات زادت وفي حاجات نقصت يعني ايه يا جدعان قال لك يعني الكلمه دي كانت صديق فزاد فيها الف وزاد فيها الف وهمزه على السطر في الاخر وبعدين ده كان فيها حرف الياء ده راح هنا فين الكلمه دي فيها حاجات اتغيرت فيها حروف اتغيرت العلم اللي بيهتم بشكل الكلمه لما بتتغير ده اسمه علم الصرف بس دي معلومه احنا مخبيينها على كل الناس ومش قايلينها لحد ان الدرس ده المفروض ان هو يكون قواعد صرفيه او هو عباره عن قاعده صرف بس احنا بنقول عليه نحو عشان انتوا لسه صغننين شويه فلما تكبروا هنفرق لكم ما بين النحو والصرف بس الاثنين علمين بيتكاملوا مع بعض والاثنين علمين مهمين جدا جدا جدا علشان نقدر نقرا لغه عربيه صح ونكتب صح درسنا هو المفرد والمثنى والجمع واحد من اسهل الدروس على الاطلاق بس خليني قبل ما نبدا في المفرد والمثنى والجمع افرق ما بين حاجتين حاجه اسمها المثنى وحاجه اسمها المؤنث المثنى دي جايه من كلمه ايه عشان بس الناس انا ما بحبش ان احنا نحفظ بالذات في النعوه وبحب ان احنا نفهم المثنى جايه من كلمه اثنين يعني فلما اقول لك الحاجه دي مثنى يعني الحاجه دي اتنين مش حاجه واحده مش احنا عارفين المفرد والجمع المثنى يعني جايه من كلمه اثنين طب في كلمه اثنين الثاء اللي بتيجي الاول ولا النون؟ طبعا الثاء ادي اثنين الثاء الاول بعد كده النون وفي المثنى الثاء الاول بعدها النون هو انت ليه يا مستر بتاكد على حته المثنى والثاء الاول والنون وناجا من اثنين فطالما الثاء الاول يبقى المثنى اللي معناها اثنين هقول لك عشان في كلمه فجاه هتظهر دلوقتي اسمها مؤنث ودي ليها علاقه بالبنويت يعني ايه مؤنث دي جايه من كلمه اسمها انثى طب يعني ايه يا مستر كلمه انثى انثى يعني بنوته يعني بنت او ست فلما اقول مثلا فتاه فتاه دي كلمه مؤنثه جايه من كلمه انثى طب في كلمه انثى يعني بنوته النون جايه الاول ولا الثاء؟ النون وبعديها الثاء فمؤنث اللي فيها النون جاي بعديها الثاء مؤنث معناها بنوته او حاجه مؤنثه يعني حاجه ايه بتاعه بنات يعني انما مثنى جايه من اثنين خد بالك بقى من العاب العقل دي اللي مش اي حد هيقول لك عليها ركز واعرف ان مثنى يعني اثنين ومؤنث جايه من انثى اللي هي البنوته حاجه مؤنثه يعني حاجه مثلا اخرها تاء مربوطه زي ا مدرسه زي فتاه زي حديقه يلا بينا نبدا بالمفرد ونعرف يعني ايه مفرد بس انا عارف ان انتم عارفين بس تعالوا بقى نشوف العلماء وهم بيتكتكوا كده اهو في علم ال النحو بيقولوا ايه هنا بيقولوا ان المفرد هو عباره عن اسم يدل على شيء واحد يبقى اي كلمه او اي اسم اشوفه بيدل على حاجه واحده يبقى الاسم ده مفرد سواء كان مذكر او مؤنث ايه يعني ايه كلمه بتدل على شيء واحد سواء مذكر او اثنين اقول لك يا جدع اصحى اقول لك او مؤنث يعني بنوته مذكر يعني راجل ومؤنث يعني بناتي جايه من كلمه انثى قلت لك التانيه اللي انت قصدك عليها دي مثنى اللي هو اتنين لا دي حاجه تانيه يبقى المفرد هو اسم بيدل على حاجه واحده بس على شيء واحد سواء كان مذكر ر او سواء كان مؤنث بنوته كده طيب زي ايه؟ زي قلم بيدل على ايه؟ على مفرد حاجه واحده مفرد مذكر زي مكتبه مكتبه واحده بس مش مكتبات مكتبه ده مفرد مؤنث خد بالك مؤنث مكتبه اخرها تاء مربوطه زي رجل بتدل على ايه؟ مفرد طب هي مفرد دي جايه من كلمه ايه يا مستر؟ انا متعود ان انت بتفهمني معنى كل حاجه مفرد يعني جايه من كلمه فرد واحد يعني امراه بتدل على شيء واحد مؤنث اسد بتدل على شيء واحد مذكر ضفضعه بتدل على شيء واحد مؤنث هذا ايه ده هي دي اسم اه انت فاكر اسماء الاشاره ما هي اسمها اسماء اسم اشاره بيدل على مفرد يبقى هذا هو هي هو دي اسم ايوه ده ضمير ده ضمير غائب مش موجود بتكلم عنه يبقى ده ضمير غائب هو هي الكلام ده طب هما لا هما دي مثنى سيبك منها دلوقتي احنا بنتكلم على هو نتكلم على مفرد واحد طيب هي اه برده اسم بيدل على مفرد ولكن مؤنث بنوته يعني انا مفرد انت مفرد يبقى المفرد هو اي اسم بيدل على شيء واحد انت طالب مجتهد اهو انت اللي هو انت لوحدك بكلم واحد مفرد طالب مجتهد هذه طفله ذكيه كل ده مفرد كل كلمه من دول بتدل على المفرد امال ايه هو يا مستر نور موضوع المثنى قلت لك ان المثنى جايه من كلمه اثنين او اثنان براحتك بس هي جايه من كلمه اثنين يعني اثنان الثاء قبل النون طالما طلعت لسانك وقلت الثاء يبقى احنا بنتكلم عن الاثنين خد بالك الثاء قبل النون يبقى المثنى ده معناها حاجتين هتلاقي ان هو بيقوللك ان المثنى هو اسم يدل على اثنين او اثنتين بينتهي بايه؟ بينتهي بالف نون او ياء نون سواء كان مذكر او مؤنث يعني ممكن يكون مذكر بيدل على اثنين ممكن يكون مؤنث يعني حاجه بنوته كده بتدل على بنتين او حاجتين مؤنثين يلا نبص معلم معلم ده مفرد على واحد طب لما اقول لك معلما اهو معلمين مثنى مهندس مفرد مهندسان مثنى مهندسين مثنى اسد مفرد اسدان مثنى واخره الف ونون اهو اسدين مثنى اخره ياء ونون ممرضه مفرد بس مؤنث بنوته يعني مفرد ممرضه ممرضتان مثنى ممرضتين ع مثنى خليني اقول لك هنا لاحظ حاجه انت لاحظت ان انت لو عايز تخلي الحاجه مثنى يعني اثنين هتحط يا اما ا ونون يا اما ياء ونون لاحظت حاجه لما احنا اتكلمنا عن المؤنث اللي هي ممرضه هو انا عرفت ان ان ممرضه دي مؤنث اصلا يا مستر عشان اخرها تاء مربوطه قال لك لما تيجي تجيب اثنين او لما تيجي تجيب المثنى من المؤنث او اي حاجه مثنى عايز تجيب مثنى من حاجه اخرها تاء مربوطه يا مؤاخذه يعني التاء المربوطه دي بتيجي في اخر الكلام طالما هنزود حاجه فلازم نفتح دماغنا فاي حاجه اخرها تبقى مربوطه لو هخليها تبقى مثنى مش هحط الف ونون على طول لا الاول لازم افتح التاء اخليها تاء مفتوحه وبعد كده احط الالف والنون بتاعتي فهتلاقي ان ممرضه بقت ممرضتان وفتحنا التاء المربوطه ممرضتين شجره شجرتان حطينا الف ونون اه بس فتحنا التاء المربوطه اللي في الاخر دي ما احنا هنسني بقى ما احنا هنزود حاجه عليها فهنفتحها شجرتين صديقه صديقه تان صديقتين حلو المثنى اه والله افتكر حاجه ان احنا قلنا ان المثنى اسم يدل على اثنين جاي من كلمه اثنين بيبقى اخره ا ونون او ياء ونون بس خد بالك في خدعه مش اي حاجه اخرها ا ونون وياء ونون زي المدب تكتبي او تكتب ان دي مثنى لان مثنى دي حاجه بتدل على اثنين بذمتكم لو انا قلت عثمان عثمان ده اثنين ولا واحد لا ده واحد اسمه عثمان فدي مش مثنى ما حدش يشوف يا جماعه الالف والنون او الياء والنون وهجري يقول ايوه انا قفشت مثنى لا ده مفرد طب تعالوا جيران جيران حد هيقول اه اخرها الف ونون او ياء ونون يبقى مثنى اقول لك استنى يا ذكي جيران ده جمع يبقى المثنى لازم يكون فيه الحاجتين يبقى اخره الف ونون او ياء ونون بس في نفس الوقت يكون بيدل على اثنين حتى اسمه مثنى افتكروا ده كويس ثالث حاجه معانا في الدرس بتاعنا وهي الاخيره هو الجمع يعني ايه جمع يعني اكت من اثنين احنا كنا بندرس لما بنيجي نشوف كده اي درس قراءه او اي حاجه بنلاقي الكلمه المفرد وبنجيب جمعها او بنلاقي الجمع وبعدها المفرد ايه المثنى المثنى ده يعني حاجتين يبقى انا بس ما طلعش عندي مفرد وجمع لو طلع عندي مثنى فازاي افرق ما بين المثنى والجمع المثنى حاجه بتدل على اثنين الجمع اكتر من اثنين يعني لو 3 4 5 6 سم حاجات تسع حاجات 10 حاجات الى ما لا نهايه لحد بقى مليون براحتك كل الحاجات دي جمع يبقى لازم عشان اقول على ده ان هو جمع لازم يكون اكت من اثنين او اثنتين يبقى هو اسم يدل على اكثر من اثنين او اثنتين اثنتين دي اللي هي ايه يعني اللي هو حاجتين بس مؤنثين بنويتي يعني ولو له ثلاث انواع له ثلاث انواع الجمع بتاعنا ليه ثلاث انواع مش نوع واحد اول جمع معانا هو الجمع المذكر السالم يعني ايه يا مستر جمع مذكر سالم اقول لك خد نفس عميق عشان افهمكم واحده واحده الكلمه دي اول نوع من انواع الجمع جمع مذكر سالم قلنا جمع يعني اكت من اثنين اكثر من اثنين او اثنتين طب مذكر ما احنا عارفين من قبل كده ان المذكر ده يعني حاجه كده ايه رجالي حاجه ولد مذكر ما فيهوش تاء مربوطه ما فيهوش اي علامه من علامات التانيث طب سالم سالم دي هتعرفها بعدين هقولها لك انا بعدين دي حاجه كده للايه للناس اللي هتكمل معايا الفيديو وهم مصحصحين بس دي مش عليهم ببقى اقول لكم طب ايه هو الجمع المذكر السالم ده قال لك والله هو جمع المفرد المذكر العاقل يعني انا مش بجمع اي حاجه مذكر سالم ما فيش حاجه اقدر اقول عليها جمع مذكر سالم الا اما يكون رجالي حاجه مذكر مذكره ويكون عاقله يعني حاجه بتقدر تفكر وحاجه بتقدر تفهم رجالي يعني راجل او ولد صغير ازاي طب اعرفه منين قال لك بينتهي بواو ونون او ياء ونون لا مش فاهمين بالراحه كلمه معلم دي مفرد لو عايز اجمعها جمع مذكر سالم هقول معلمون طالما كلمه جمع اخرها واو ونون يبقى دي جمع مذكر سالم معلمون المعلمون مجتهدون طيب ممكن اجمع بايه تاني؟ ممكن احط ياء ونون في الاخر فتبقى معلمين برض دي جمع سلمت على معلمين طب ايه تاني مهندس مفرد لو عايز اجمعها جمع مذكر سالم يا اما احط واو ونون يا اما ياء ونون ها يلا نجرب بالواو ونون مهندسون اهي او مهندسين سمعت عن مهندسين اه هي دي مصريه جمعوها ايه مصريون اخرها واو ونون يبقى لما اعوز اجمع حاجه مفرد يعني حاجه واحده مذكر رجالي عاقل بيفكر يبقى احط واو ونون او ياء ونون ويبقى ده اسمه الجمع المذكر السالم اول حاجه في الجمع مصريه مصريون او مصريين طب احنا في حاجه برده عايزين في سؤال كده بدا يلعب معايا ايه هو السؤال يا مستر مش انت لسه واحنا في المثنى ورا قلت لنا ان المثنى ده حاجه بتدل على اثنين او اثنتين اخرها ا ونون او ياء ونون اه ودلوقتي بتقول لي ان جمع المذكر السالم ان هو جمع بيبقى اخره واو ونون او ياء ونون اه طب انا لو لقيت كلمه اخدها ياء ونون اعرف منين يابا الحج ان دي مثنى ولا دي جمع مذكر سالم احب انا الناس اللي بتسال اسئله ذكيه واقول لهم معلومه اضافيه اقول لهم انت بتعرف من السياق يعني ايه؟ يعني انت لما بتقرا كده لما انا مثلا اقول لك ذهبت الى مدرستي وسلمت على المعلمين اكيد انا مش هروح المدرسه عشان اسلم على معلمين يبقى اول حاجه انت بتعرف من السياق الكلمه اللي اخرها ي ونون دي هي مثنى ولا جمع مذكر سالم لان الجمع المذكر السالب يبقى اخره واو ونون او ياء ونون والمثنى اخره الف ونون او ياء ونون برض تاني حاجه غير السياق ودي ليك انت بس لو قريتها معلمين تعرف ان دي مثنى اثنين مثنى لو قريتها معلمين تعرف ان دي جمع مذكر سالم يعني ايه يا مستر حته فائقين يعني دلوقتي انا بشوف الياء والنون دي اللي قبلها لو عليه فتحه معلمين زي اثنين يبقى ده مثنى لو قد الياء والنون حاجه مكسوره مين يبقى ده جمع جربها كده في دماغك مهندس سين مهندسين شفت ازاي تفرق الموضوع سهله والحكايه مش مستاهله وكده كده تعرفوها من سياق الجمله ما تخافوش بس دي حاجه ايه علشان الحبايب طيب يلا بينا نشوف ايه هواني نوع من انواع الجمع خلاص خلصنا جمع المذكر السالم ان هو جمع كده رجالي للحاجات المذكر وبيكون اخره واو ونون او ياء ونون ولازم يكون عاقل ثاني جمع معانا هو جمع المؤنث السالم النص الثاني من الحياه النص الثاني الجميل الهادي الكيوت اللي لما بنيجي ندخل الفصول بتاعهم بنلاقيها مدرسه حلوه وفصول هاديه نيجي نخش عند المذكر نلاقيها مدرسه عاشور طيب هنعمل ايه دلوقتي الجمع المؤنث السالم هو جمع بس مش للمذكر للبنت للمؤنث المفرده المؤنثه طب المذكر اخره واو ونون وياء ونون جمع المؤنث بيكون اخره الف تاء ازاي طالبه جمعوها ايه طالبات ده جمع مؤنث سالم تعرف منين عشان اخره الف تاء ومفرده اخره تاء مربوطه او مفرده مؤنثه طبيبه جمعها ايه طبيبات طالما اخرها الف تاء يبقى ده جمع مؤنث سالم مكتبه مكتبه ات مستشفى مستشفيات يبقى ايه الفرق جمع المؤنث السالم هو اه بيجمع برض بس للمؤنث للحاجات البناتي الاخرها تاء مربوطه الحاجات اللي بتدل على حاجات مؤنثه وبيكون اخره الف تاء مش واو ونون وياء ونون زي مذكر طيب يجيلك هنا سؤال يتلاعب بعقلك جدا جدا يلاقي واحد يقول لك طب ما هي كلمه اصوات اوقات تبقى دي جمع مؤنث قلنا السالم عشان اخرها الف وتاء صح يا مستر اقول له لا انت غلطت نفس الغلطه بتاعه ايه لو افتكرتوا تبقوا جدعان جدا جدا جدا انت غلطت نفس الغلطه ان انت لما شفت في المثنى حاجه اخرها الف ونون وقلت دي مثنى زي عثمان قلت لك يا حبيبي استنى عثمان ده مفرد مش مثنى لازم يكون اه عشان مثنى يكون اخره الف ونون او ياء ونون بس يكون بيدل على اثنين انما هنا اصوات هل مفردها بنت او حاجه مؤنثه لا مفرضها صوت الصوت مذكر اوقات مفرضها وقت يبقى الوقت ده حاجه مؤنثه لا الجمع المؤنث السالم لازم يكون جمع الحاجه مؤنثه زي طالبه طبيبه مكتبه مستشفى لازم تكون الحاجه مؤنثه علشان اجمعها جمع مؤنث سالم اخرها الف تاء انما لو حاجه اخرها ا تاء بس مفردها مش مؤنث يبقى ده مش جمع مؤنث سالم ثالث نوع معانا والاخير هو جمع التكسير شايف الشعر بعلم جمع التكسير هو الاخير ايه بقى جمع التكسير جمع التكسير ده حد كده لو بيلعب كونفو مثلا او كيك بوكسنج يسمع عن تكسير عظام اه جمع التكسير ده بيكسر عظم الكلمه ويغيرها خالص بيشلفطها يا لهوي يعني ايه فاكرين لما احنا بدانا خالص وقلنا ان احنا عندنا كلمه صديق لما بنيجي نجمعها فبنقول نقول اصدقاء هو مش صديق ده مفرد مذكر عاقل اه بس هو هنا ما جمعهاش جمع مذكر سالم اخرها ونون او ياء ونون ده جمعها اصدقاء فده مش جمع مذكر سالم عشان مش اخره ولا هو ونون ولاء ونون ولا هو عمل ايه ده جمع تكسير يعني ايه يعني كسر عضم الكلمه هو مسك اصدقاء كسر الحروف دي وحط من عنده حرف تاني وحط من عنده الف وهنزه وشال الياء لخبط خالص في شكل الكلمه بوظها مستر هو عشان كده احنا قلنا كلمه سالم في الجمع المذكر السالم والجمع المؤنث السالم انت يا بنت شكلك عبقريه ولا لو انت فكرت فيها يبقى انت اصلا المفروض ما تبقاش قاعد معايا انت المفروض ده تدرس لي سالم ده يعني زي ما هو هو زي ما هو حطيت له واو ونون او ياء ونون او حطيت له ا تاء يعني ما كسرتش في الكلمه ما غيرتش في شكلها معلم بقت معلم ون ما لعبتش في كلمه معلم بقت معلمين ما لعبتش فيها سلمت من التكسير هنا طالبه بقت طالبات ما لعبتش فيها حطيت الف تاء في الاخر مكتبه بقت مكتبات انما لما اقول لك صديق بقت اصدقاء ده انا غيرت شكل صديق خالص وشلت حروف وحطيت حروف لما تلاقي نفسك شلت وحطيت في حروف جوه الكلمه تعرف ان ده جمع تكسير وتعرفه ثاني لما يكون ولا اخره واو ونون وياء ونون ولا اخره الف وتاء بتلاقيه ان هو مش اخره اي حاجه من الحاجات دي كلها ولا ونون ولا ياء ونون ولا الف تاء تعرف ان ده جمع تكسير اللي اتغيرت فيه شكل الكلمه صديق يا عيني اتغيرت بقت اصدقاء طب طبيب لو قلت طبيبون يبقى ده جمع مذكر سالم اللي اخره واو ونون انما دي بقت اطباء غيرت في شكلها ده انت شلت الياء وحطيت الف وحطيت الف وهمزه في الاخر ده انت عملت ده انت كسرت فيها مسكين مساكين واحد هيقوللي ايوه اخرها ياء ونون اقول لك لا يا حبيبي الياء والنون دي بتتضاف يعني لو انت شلت الياء والنون بتاعه مساكين في حاجه اسمها مساك لا ده هي كلمه مسكين بس غيرناها بقت مساكين مساكين نضحك من البلوه حديقه حديقه دي المفروض ان هي مؤنثه يبقى الجمع بتاعها حديقات ايوه بس ليها جمع تاني تكسير يعني ايه جمع تكسير يعني ما حطيتلوش حاجه في الاخر ده انا غيرت في شكل الكلمه خليتها حضار ئق يبقى ده جمع تكسير اللي هو لا اخره ولا واو ونون ولا هاء ونون ولا الف وتاء قصه اخرها تاء مربوطه ما حطتلهاش الف وتاء ده انا خليتها قصص كسرت غيرت في شكل الكلمه هو ده جمع التكسير اسم بيدل على الجمع سواء على فكره مذكر او مؤنث ما هي قصص دي مؤنثه من قصه حدائق دي مؤنثه من حديقه اطباء دي مذكر من طبيب فخد بالك ان جمع التكسير ده شايل ده وشايل ده يعني يشيل مذكر ومؤنث بس جمع التكسير اللي بيميزوا عنهم ان هو ما فيهوش ولا واو ونون وياء ونون زي المذكر السالم ولا الف تاء زي الجمع المؤنث السالم يبقى معلومه اضافيه معلومه للفائقين يعني ايه جمع مذكر سالم او مؤنث سالم خلاص احنا عارفين يعني ايه جمع ومذكر وجمع ومؤنث السالم يعني سلم بقى عنده سلامه كده ان ما حدش كسره ولا غير في شكل الكلمه زي جمع التكسير متشلفط يا عيني خالص سؤال ذكاء نختتم بيه واللي يعرفه يبقى حد خلاص خلاصه وم كلمه ابيات كلمه ايه ابيات جمع مذكر سالم هي طبعا ابيات معروفه جمع مذكر سالم ولا مؤنث سالم ولا جمع تكسير يا ترى هي جمع مذكر سالم ولا مؤنث سالم والله انا حاسس ان هي تنفع كله اشمعنى اصل ابيات دي مفردها بيت فبيت ده مذكر فطالما مذكر يبقى ده جمع مذكر اقول لك استنى جمع المذكر السالب لازم يكون اخره واو ونون او يا ونون يبقى ده مش جمع مذكر سالم ايوه يبقى هو جمع المؤنث السالم اللي يبقى اخره الف وتاء انا حسيتها من الاول اقول لك استنى جمع المؤنث السالم لازم لما اجيب المفرد يبقى مؤنث بسمتك بيت دي مؤنثه لا دي مش تفاحه دي مش حديقه لا لا بيت دي مذكره امال ده يا ترى ايه يا ترى ايه يكونش الجمع اللي بيكسر في الكلمه وبيقعد يغير في شكلها خالص كلمه بيت دي ويقعد يضيف في حاجات ويحط في حاجات ويشيل في حاجات وتبقى ابيات اه ابيات دي جمع تكسير مش جمع مؤنث سالم انت كنت اقول عليها مؤنث سالم لو كان المفرد بتاعها مؤنث انما البيت ده مذكر