شرح درس الموارد المائية جغرافيا 2 ثانوي دفعة 2026

السلام عليكم رجالتنا وحبايبنا رجاله ثانيه ثانوي يا رب تكونوا بخير وبع دايما يا ابطال انتم اولياء اموركم جميعا باذن الله تعالى النهارده ان شاء الله احنا بنشتغل في الدرس الثاني في الوحده الثانيه اللي بعنوان الموارد المائيه واساليب ادارتها هقول لك كلمتين ببساطه ونبدا نتوكل على الله بصوا يا رجاله الدرس ده سهل ولكن احنا هنقسمه نصين النص الاول اللي احنا بنشتغل فيه دلوقتي الجزء ده بسيط جدا وهندردش فيه شويه كده مع بعضنا والكام حاجه اللي هقول لك ركز عليها ركز عليها وهنبدا ان احنا نحلل ونربط ونستنتج زي ما احنا متعودين وفي اخر الفيديو هتلاقيني عامل لك امتحان وقف الفيديو امتحنه وهتلاقيني كمان بحله معاك علشان نخلص كل افكار الجزء ده وما تحتاجش تذاكره الجزء الثاني بقى اللي هيبقى ينزل لحضرتك لا حضرتك هحتاجك فيه تركز معايا قوي لان ساعتها بقى هنبدا نتكلم على شويه خرايط تخص الوطن العربي وحوض النيل وسدود وانهار وقصه كبيره شويه كده ولكن بوعدك ان برده هطلعك من المحاضره باذن الله فاهم كل جزئيه وكمان مش هيقدامك فيها سؤال ان شاءلى عز وجل ولكن خلينا النهارده في الجزء السهل البسيط اللي مدته هتكون قليله اخد شفطه ونتوكل على الله حد اسمع يا سيدي الراجل بيكلمك عن الموارد المائيه واساليب ادارتها في مقدمه كده لذيذه الراجل حطها لك في الاول بيكلمك عن الميه يعني اهميه الميه في حياتك جماعه ما فيش واحد في الدنيا يقدر يقول ان الميه مش مهمه في حياتنا يا باشا ده ربنا سبحانه وتعالى قال وجعلنا من الماء كل شيء حي يعني يا صديقي الميه دي هي اصل الحياه من غير ميه ما فيش حياه خلاص الموضوع خلصان من غير ميه ما فيش حياه فلو حضرتك ركزت او ركزتي هتلاقي ان الميه ديت هي داخله في كل جوانب حياتنا لو حضرتك بصيتي على الجوانب الاجتماعيه هتلاقي الميه لها علاقه بالجانب الاجتماعي طب يعني ايه يا عم جمعه الميه لها علاقه بالجوانب الاجتماعيه حضرتك انت شخصيا اكلك اللي انت بتاكله ده بتستخدم فيه ميه في طهي الطعام والشرب اللي انت بتشربه واستخداماتك الشخصيه ايا كان بقى هي ايه استحمام او غيره او غيره دي اسمها الجوانب الاجتماعيه طيب بالنسبه كمان للجوانب الاقتصاديه لو حضرتك ركزت هتلاقي ان احنا اقتصاديا معتمدين على المياه خاصه المياه العازبه الراجل الغلبان اللي بيزرع بيزرع بميه عازبه المصانع محتاجه ميه عزبه ده حطه يا راجل في التجاره اوقات بنعتمد على المياه في الملاحه ان احنا بنمشي مراكب وسفن عشان خاطر تنقل بضاعه اذا يا باشا كمان بتاثر في الجانب الاقتصادي اللي حوالينا طب خد اللي جايه بقى وكمان الميه بتفرق في الجوانب الثقافيه هتقول لي ازاي يعني هقول لك والله بص كده هتلاقي ان اعظم الحضارات بدات اصلا تنشا بمجرد معرفه الانسان للزراعه واستقراره جنب وادي النيل لان هو لما لقى ان في ميه عزبه وبدا يستقر جنبها وبدا ان هو يتعلم الزراعه من هنا قامت الحضارات في المجتمعات وبقى كل حضاره بتنهض ثقافيا وفكريا ولها من التاريخ ما يشهد له حصل حصل ملخص الاولى يا ابو الصحاب ان الميه مهم طيب مستر السؤال الاهم المقدمه دي هيجي لي فيها سؤال في الامتحان تقريبا كده يا لا طب لا ليه؟ لان استنى ده الدرس في حاجات ثانيه اهم بكتير قوي انا بس بدردش معاك يوم الراجل يقول لك ايه بقى لاحظنا يا جماعه ان مع بدايه الالفيه الثالثه ممكن لو سمحت اعلم لي على الكلمه دي اهي اللي هي كلمه بدايه الالفيه الثالثه او بدايه القرن ال 21 الكلمه دي يا رجاله اهي بدايه القرن ال 21 او اكتب فوقيه كده بدايه ال الفيه الثالثه بص يا صاحبي بدايه القرن ال 21 او الالفيه الثالثه اللي هو فيما معناها يعني من سنه 2000 وانت طالع يعني ده من سنه 2000 وانت طالع ده اسمه القرن ال 21 او بدايه الالفيه الثالثه اهي ايه اللي حصل بقى قال لك والله يا باشا الميه دي مشاكلها زادت وبعد ما كان كل تاثيرنا بها في الجوانب الاجتماعيه والاقتصاديه والثقافيه بدانا نلاقي ان الميه كمان ليها علاقه بالامور السياسيه قلت له السياسيه الميه لها علاقه بسياسه الدوله قال اه وممكن كمان الميه العازبه الموضوع يوصل بيها انها تخلي دولتين يدخلوا في حرب ضد بعض ازرق عشان الميه اه فمن هنا يا جماعه اصبحت كده الميه بتاثر في كل جوانب الحياه اللي موجوده حوالينا ده ولكن التاثير السياسي بدا يظهر ويلمع هقول له مع بدايه القرن ال 21 او مع بدايات ها الالفيه الثالثه هنعرف ان في دول ممكن تدخل في حرب ضد بعض عشان خاطر الميه العزبه او منابع الانهار اللي هي منابع المياه العازبه وده اللي احنا هنعرفه مع بعض على مدار الدرس كله ان شاء الله دي مقدمه في مشكله لا ما فيش مشكله ندخل بقى في الموضوع ندخل في الكلام الموزون اللي بيجي فيه اسئله في الامتحان يلا يلا بص يا باشا تعالى كده ننزل تحت هتلاقيني ان انا هقسم لك كلامي دلوقتي عن الميه لثلاث اقسام ركز كويس هقسم كلامي لثلاث اقسام ايه الاقسام رقم واحد انا هكلمكم على تصنيف الموارد المائيه حسب جريان المياه ركز كده بالله عليك حسب جريان المياه ده القسم الاولاني والقسم الثاني هنتكلم عن حاجه اسمها حسب درجه الملوحه طيب والقسم الثالث والقسم الثالث بقى صديقي هنتكلم ان احنا هنواجه ازمه في الميه العزبه فتعال نمسك قسم قسم بالراحه نمسك القسم الاولاني اللي هو تعال نتكلم على الميه من حيث تصنيف الجريان بص يا سيدي الراجل بيقول بمنتهى البساطه يا جماعه احنا عندنا ثلاث حاجات احنا هنتكلم على الامطار وهنتكلم نتكلم على موارد المياه السطحيه وهنتكلم على موارد المياه الجوفيه فممكن كده نعلم بس على الثلاث كلمات دول وتعال لي تاني اهم نجيب بس لون اهو نجيب اللون الازرق ده يلا يا سيدي حضرتك علم لي على كلمه امتر اهي وعلم لي على كلمه نوارد مياه سطحيه ومياه جوفيه ايه الفرق بين الثلاثه قال لك بص وتعال واحده واحده نتكلم مع حضرتك عندك علم ان المطر اللي بينزل من السماء ده هو المصدر الرئيسي لاي ميه عازبه موجوده حواليك؟ وادع يقول لي يعني ايه؟ هقول لك يعني الميه العازبه اللي موجوده حواليك سواء مثلا موجوده في النهر موجوده في بحيره موجوده في كتل جليبيه اي ميه عازبه موجوده حواليك المصدر الرئيسي بتاعها هي ميه المطره يعني لو مافيش مطر بينزل مش هيبقى فيه ميه عازبه قشطه قشطه يبقى اي صوره هوريها لك للميه العزبه كمان شويه هي معتمده في الاساس على على مياه الامطار جدع فتعال بقى صديقي نعلم على الملحوظه دي يبقى الامطار هي المصدر الرئيسي للمياه العازبه سواء بقى الميه العازبه دي هتبقى ميه سطحيه وهكلمك عنها دلوقتي او ميه جوفيه وهكلمك عنها دلوقتي فايا كان هي موجوده في ان المصدر الرئيسي بتاعها المطر اتفقنا اركن على جنب تعال بقى ناخد الفرق بين المياه السطحيه والمياه الجوفيه طب ما انت راجل بتفهم هو يعني ايه يالا ميه سطحيه يعني ميه موجوده على سطح الارض كلمه سطح يعني تقدر حضرتك تشوفها بعينك لو بصيت كده شوفها موجوده قدامك لانها موجوده على السطح انما ميه جوفيه من اسمها في جوف الارض اي في باطن الارض فاللي حضرتك تقدر ترصده وتشوفه قدامك بعينك اهو هي المياه السطحيه طب واللي هيلوصك شويه عبال ما توصل له المياه الجوفيه جدع بقى نمشي واحده واحده كده بص الراجل بدا يكلمك عن المياه السطحيه بصفه عامه اي ميه سطحيه انت هتشوفها قدامك الراجل بيقول يا جماعه احنا ممكن نلاقي ان الميه السطحيه دي ممثله في البحار تشوفه قدامك اقول له صح ممثله في الخلجان الخليج اه بتشوفه قدامك ممثله في المحيط قلت له صح قال دي كلها مياه سطحيه ولكن بمياه سطحيه ملحه خد بالك من الكلمه دي مياه سطحيه مالحه يعني بيزداد بها نسبه الملوحه جدا فيلا كده نعلم مع بعض ان البحار والمحيطات والخلجان اهي هي مياه سطحيه سطحيه يعني اشوفها بعينيا ولكنها ملحه طب دي نسبتها قد ايه يا باشا من نسبه الميه اللي حوالينا قال لك دي نسبتها عاليه جدا دي 96% ونص من نسبه الميه اللي موجوده في العالم يا نهار ابيض 96% ونص اه عشان كده يا جماعه انا عندي سؤال نا فاكرين المحاضره اللي فاتت لما كنا بنصنف الموارد ان في يا جماعه موارد بيتقال عليها واسعه الانتشار ومتوسطه الانتشار ومحدوده الانتشار ومحدوده الانتشار جدا تمام انا دلوقتي اقدر يا جماعه اصنف ان الميه المالحه هي من ضمن الموارد متوسطه الانتشار اه متوسطه الانتشار هي مش محدوده ومش محدوده جدا ومش واسعه هي متوسطه فركز في الكلام ده لان لو حاب يدخلها لك في جمله مفيده مع الدرس اللي فات ماشي قلت له يا استاذنا لما الميه المالحه 96.5% نص% انا كده متبقى لي قد ايه من ال 100% قال لي يا حبيبي انت كده متبقى لك 3 ونص قلت له يعني انت قصدك ان كده الميه العزبه اللي موجوده في العالم 3.5% في فقط من نسبه المياه قال لي اه قلت له طب يا نهار ابيض دي نسبه قليله جدا قال لي فاكر لما قلت لك في الدرس اللي فات ان موارد المياه العزبه سواء انهار او بحيرات او مستنقعات ده يعتبر من الموارد المحدوده مش احنا اخدناها من ضمن الموارد المحدوده قلت له صح قالك النهارده بقى عرفت ليه من الموارد المحدوده احنا بس بنربط الدنيا ببعضها عشان لو هيجيب لك تركه ولا حاجه طيب قلت له خلاص يا سيدي 3لاه ونص 3 ونص اللاه ونص دول بقى هم اللي هنشرب منهم قال لي لا استنى انت فاهم غلط مش الثلاه ونص ولا حاجه اللي احنا هنشرب منهم ده الثلاثه ونص دول احنا هنتقسمهم لثلاث فئات اني هنقسمهم لثلاث فئات هنقسمهم لغطاء جليدي جماعه كلمه غطاء جليدي اللي هو الكتل الجليديه اللي هو الاماكن اللي بيبقى فيها السلوك ثابته اللي هي بتفضل طول السنه ثلج قلت له تمام قال له هنقسمها لمياه جوفيه قلت له تمام قال لي وهنقسمها بقى لشويه انهار على شويه بحيرات على شويه مستنقعات كده الميه العزبه قلت له حلو قال لي بالنسبه للكتل الجليديه فدي نسبتها حوالي 1.7% 07% وغالبا غالبا حضرتك اصلا مش بتشرب ولا بتستخدم الكتل الجليديه دي قلت له صح قال لي تعال نتكلم على المياه الجوفيه والمياه الجوفيه اللي موجوده عندنا في منها ميه عازبه وفي منها ميه مالحه خليك بس معايا واحده واحده ودي كمان نسبتها 1.7% 7% قلت له ده احنا كده خلاص قربنا نخلص اللاه ونص قال لك استنى بقى تقدر تقول ان الانهار والمستنقعات والبحيرات اللي هي يعني غالبا معظم استخدامنا بتكون منها حوالي 1% يا نهار ابيض يا نهار ابيض بجد ده كده يا جماعه نسبه الموارد المائيه العزبه محدوده عشان كده لازم نحافظ عليه ايوه هو ده اللي احنا داخلين عليه كمان شويه بس امشي معايا واحده واحده طيب وهنا يا صديقي بيقول غطاء جليدي اللي هي كتلجليديه وسلوك تصل نسبتها لوا.7 من جمله موارد المياه وانهار وجداول وبحيرات وبرق ومستنقعات. حلو حلو طيب تعالى بقى تعال نتكلم على المياه الجوفيه الراجل بيقول ان المياه الجوفيه اللي موجوده عندنا هي في منها مياه جوفيه متجدده وفي منها مياه جوفيه غير متجدده مبدئيا يا جماعه المياه الجوفيه اللي بتبقى متجدده هي الميه اللي بتبقى تحت الارض بس بتبقى موجوده في مناطق غالبا بيزداد بها كميه المط زي كده السواحل الشماليه المصريه اغلبيه اغلبيه المياه الجوفيه والابار اللي موجوده فيها متجدده ليه؟ لان حتى لما بناخد منها الميه فالمطر لما بينزل في الاطراف الشماليه من مصر بيتملي تاني لان ميه المطر دي بتنزل بتتصرف في بطن الارض فبتملى الخزان احنا بناخد منه خلص الجو يمطر يتملي وهكذا وغالبا بقى الابار اللي موجوده في المناطق الصحراويه اللي بيقل فيها الامطار هي دي اللي غالبا بتكون مياه جوفيه غير متجدده قلت له طيب فالراجل بيقول توجد في باطن القشره الارضيه وتصل نسبتها ل 1.7 من وهي ناتجه عن تسرب مياه الامطار برض و والمياه السطحيه في طبقات قشره الارض وتنقسم لخزانات جوفيه غير متجدده تمام ودي موجوده منذ ملايين السنين ومياه جوفيه متجدده بفضل تسرب مياه الامطار طيب عند تريكايه عايز اكتبها معاك هنا قول يا عم جمعه بص يا سيدي احنا ممكن نكتب جنب كلمه المياه الجوفيه اللي بتتجدد بتقترب من السواحل الشماليه يعني بتقترب من اقليم مناخي حوض البحر المتوسط او اقليم مناخي اللي بيحد سواحل الوطن العربي من جهه الشماله طبعا الكلام ده مش موجود عندك بس انا بقوللك كتحليل حلو وخزانات الجوفيه الغير متجدده فهي غالبا بتبتعد عن مناطق الامطار اللي هي في الاقليم الصحراوي فاغلبها بيكون في المناطق دي اتفقنا اتفقنا طيب تعالى بقى هنا بيقول لك تعال نتكلم على تصنيف الموارد المائيه حسب درجه الملوحه يا جماعه حسب درجه الملوحه التصنيف حاجه من الاثنين يا ميه عازبه يا ميه مالحه قلت له طب وايه اللي يفرق قال لي بص الميه العازبه والمايه المالحه الاثنين فيها نسبه ملوحه ولكن يا جماعه في مقدار معين من نسبه الملوحه لو وقل عن المقدار ده فهي ميه عزله لما تدوقها هتحسها ميه عاديه صالحه للشرب عادي انما لو المقدار ده زاد عن الرقم اللي هقول لك عليه دلوقتي فساعتها بتتصنف ان هي ميه مالحه افهم بقى قلت له يعني ايه قال لي بص المقدار اهو هو 0 جزء في ال 1000 جزء في ال 1000 مستر احفظ الرقم ده لا ما فيش ارقام عندك في تانيه سنه وتتحفظ ولكن هي ارقام استدلاليه المستر وهو بيشرح بس بيستدل بيها ان النسبه دي كبيره ولا قليله بس ان ما مش هقول لك في الامتحان هي كابت بس تعال افهمك بص يا حبيبي دي درجه ملوحك جزء في الال000 معناها يا جماعه احنا بنتكلم على جرامات فعارف انت ازازه الحاجه الساقعه اللي انت بتجيبها البلاستيك دي بتكون حوالي 2 لتر والازازه الكبيره بتكون 3 لتر تمام دي ده لتر يعني لتر ميه فلتر الميه ده بيكون 1000 جرام فالراجل بيقول لك احنا نتخيل ان احنا معانا لتر واللتر ده بيكون نسبه الملوحه فيه 6 اه يعني نسبه قليله حلو فطول ما نسبه الملوحه 0 جزء في ال000 0.2 0.2 لحد ما توصل لكام؟ ل دي عادي اقدر اصنفها انها ميه عازبه لو النسبه كسرت الرقم ده ساعتها بيقولوا على الميه دي انها ميه ملحه عشان كده بص يا حبيبي حضرتك لما تيجي تدوق مثلا الميه بتاعه البحر فتحس بلسعه كده تحس انها مره طب هي ليه مره؟ لان نسبه الملوحه فيها كسرت الرقم ده بكتير فساعتها بتحس كده ان انت مش قادر تشربها طيب اسمع الحتهجه دي اشرب الميه من الحنفيه هتلاقيها عاديه طب اشرب الميه بتاعه الفلتر هتحسها دلعه السنه طب هي ليه دلعه سنه لان الفلتر قلل فيها نسبه الملوحه ولكن ده ما يمنعش ان في نسبه ملوحه معينه كده لازم تبقى موجوده في الميه عشان وانت بتشرب تتمزج حتى تلاقي مننا ناس يا اد ما بتحبش تشرب ميه الفلتر مع انها صحيه تقول لك احسها دلع كده مش ده اللي احنا بنلاحظه طيب يبقى كده فهمنا ميه مالحه ماشي الميه المالحه دي بقى ممثله في ايه قال لك بص يا حبيبي بحار محيطات خلجان بحار محيطات خلجان لو انت نزلت البحر ودقته ميته مالحه خليج ميته ملح محيط ميته ملح ودي اللي بتزيد فيها نسبه الملوحه اما بقى لو النسبه دي قلت عن الرقم ده فساعتها الميه بتتصنف انها ميه عزبه وايه صور الميه العازبه رقم واحد انهار رقم اين بحيرات عازبه لان في بحيرات مالحه خد بالك رقم لاثه المياه الجوفيه بس برده المياه الجوفيه العازبه والكتل الجليديه اللي انا لسه قايل لك عليها وده غالبا برده مش هيجي لك منها نقطه في الامتحان لان الموضوع بسيط تعال بقى معلم نصنف الرسمه اللي قدامك دي ونستنتج منها معلومات احنا مش هنحفظها احنا بنستنتج منها معلومات. بص الراجل جايب لك رسمه بيانيه اهو ومحطوط فيها الوان وبيقول لك اللون الاخضر ده الكتير ده نسبته 96.5% نص% لان هو النسبه الاكبر قدام حضرتك اهو تمام وده يعتبر مياه البحار والمحيطات والخلجان اللي انا لسه ق لك عليها اللي هي المياه العزب ماشي طيب بص بقى كده هتلاقي في نسبه صغيره جدا باللون الاحمر ونسبه صغيره باللون الموف ونسبه صغيره باللون اللبني هتلاقي في نسبه صغيره جدا باللون الاحمر ونسبه صغيره باللون اللبني ونسبه صغيره باللون الاصفر ايه دول بقى؟ قال لك والله بص يا باشا النسبه الصغيره اللي لونها احمر دي 1.7% ودي المياه الجليديه اللي موجوده عندنا اللي هي كتل الجليد ماشي يا معلم وال 1.7 من اللي جنبهم ده يعتبر مياه جوفيه قلت له ماشي يا معلم طيب قال لك وما يقرب من واحد من% اخرى قلت له لو سمحت هي ايه الاخرى دي قال لي الاخرى ديت بقى يا سيدي اللي هي تقدر تقول عليها الانهار قلتله تمام قال لي والمستنقعات قلت لله تمام قاللي والبرك والبحيره غه اللي ممكن يبقى موجود فيها ميه عازبه قلت له نعم يعني انت عايز تفهمني ان الانهار والمستنقعات والبحيرات اللي احنا اصلا استخدامنا الاساسي عليها حوالي واح من% الله يا نهار ابيض يا جماعه يبقى من هنا انا هطلع باستنتاج عظيم جدا هقول ان الانهار والمستنقعات والبحيرات تعتبر هي اقل نسب المياه العزبه اللي موجوده عندنا في العالم يبقى اقل نسب للمياه العازبه اللي موجوده عندنا في العالم توجد في صوره انهار ومستنقعات وبحيرات دي مهمه جدا خد بالك منها وتاليها المياه الجوافيه انما اكبر نسب للمياه العزبه الكتل الجليديه متفقين متفقين فاهو الراجل بقى بيكلمك وبيحط لك التصنيف اللي انا لسه متكلم عليه معاك دلوقتي طيب تعالى بقى يا صاحبي ندخل في العنصر الثاني اللي هو بيكلمك عن ايه صل على النبي عليه الصلاه والسلام احنا كده وصلنا مع بعض ان الميه مهمه ولا مش مهمه مهمه طب انهي ميه اهم المالحه ولا العزبه العزبه طب الميه العزبه الاهم دي انت شايف ان نسبتها كبيره ولا قليله قليله طب قليله بس لا قليله قوي يبقى ده وارد ينتج عنه مشكله لان احنا استخدامنا زياده لهذا المورد وهذا المورد موجود بنسبه قليله فبالتالي وارد يحصل مشكله قال لا لا مش وارد مش وارد هو حصل مشكله وخاصه في الوطن العربي ركز بقى في كلامي بالله عليه خاصه ايه في الوطن العربي فاحنا يا جماعه هنعمل تركيز دلوقتي على المشكله بتاعه الميه بس في وطنا العربي اسمع بقى يا سيدي العنصر ده انا طالب منك فيه ايه صلي على النبي اول حاجه اكتب بالله عليك عندك كده في اي حته فاضيه ان انا طالب منك ثلاث حاجات رقم واحد طالب منك تعرف ايه السبب المشكله بتاعه الميه اللي موجوده عندنا في الوطن العربي يبقى اول حاجه هتركز عليها السبب ماشي اثنين الراجل هيديك شويه مؤشرات كلمه مؤشر اي دليل بيديك دلائل ان في مشكله ماشي رقم لاه بعد ما الراجل عرفك السبب واداك الدليل مش هيسيبك بقى كده سايح هيقول لك تعالى لا مش احنا منهجنا اسمه التنميه تعالى اعرفك على الاساليب اللي نقدر بيها ندير هذا المورد وننمي هذا المورد يبقى انت هتركز معايا على ثلاث عناوين اللهم بلغ اهو يا رب يا رب الطالب لازم يركز على ثلاث عناوين علم عليهم معايا يلا بص يا سيتي تعال هنا كده على الخانه دي واكتب فوقيها ايه الاسباب اهي الاسباب يبقى بسم الله الرحمن الرحيم اول حاجه عايز حضراتكم تخلوا بالكم منها الاسباب الاسباب ماشي انزل تحت هتلاقيه بيقول لك مؤشرات يبقى رقم اثنين هي دي اللي اسمها المؤشرات. المؤشرات يعني شويه دلائل. لما تيجي بقى في الصفحه اللي بعدها اهو هتلاقيه بيقوللك ازاي ندير اهو اداره الموارد المائيه ازاي ندير فهتلاقي في اسلوب لاداره الميه المالحه واسلوب لاداره الميه العزبه فدي هنسميها بقى يا جماعه الاساليب اللي هي اساليب الاداره حلو يلا انا ليه قلت لك ركز في العناوين علشان حضرتك هيجي لك سؤال ويقول قول لك طلع لي حاجه من الاسباب طلع لي حاجه من المؤشرات طلع لي اسلوب اداره انت عارف هتختار من ايه ما تعكش يلا بينا نرجع للاول خالصاني واحنا بنتكلم على الاسباب ايه يا عم الاسباب اللي خلت وطنا العربي يحصل فيه ازمه ميه عازبه قال بص احنا عندنا شويه اسباب منها اسباب طبيعيه يعني احنا ما لناش دخل فيها هو ربنا سبحانه وتعالى ومنها اسباب بشريه البني ادمين اللي في الوطن العربي هم السبب قلت له طب نبدا بالاسباب الطبيعيه قال واحد اول سبب هو الموقع الفلكي بتاع وطنا العربي قلت له ايه الموقع الفلكي ده علم بس كده معايا على الكلمه دي اهو واكتب هنا كده الموقع الفلكي تعال افهم حضراتكم يعني ايه بص حبايبي اول حاجه لو احنا دخلنا على الخريطه اهي فالوطن العربي بتاعنا بيمتد بين دوائر عرض وخطوط طول مش انت عارف حاجه زي كده طيب انا ماليش علاقه بخطوط الطول عشان دي بتاعه الزمن ليه علاقه بقى بدوائر العرض فالراجل بيقول يا جماعه الوطن العربي بيبدا من دائهره العرض رقم اثنين جنوبا وبنفضل طالعين بقى فوق كده لحد دايره العرض من 37 ل 38 ايه شمالا فوق كده ماشي كنا بنقول لك وانت صغير ان من اول دايرره العرض صفر اللي هي الاستواك لحد دايرره العرض 10 شمالا و10 جنوبا ده كان اسمه المناخ الاستوائي الحار تمام ومن اول دائره العرض 10 لحد دائره العرض 18 فكان اسمه المناخ المداري الحار او اللي هو شبه استوائي ومن اول بقى دائره عرض 18 لحد دايره عرض رقم 30 فده مناخ صحراوي بص اهو مناخ صحراوي صحراوي حار وبعد بقى ال 30 انت بتطلع في اقليم مناخ بحر متوسط اللي هو معتدل السؤال هنا يعني ده استوائي حار وده مداري حار وده صحراوي حار فتحس كده يا صاحبي ان معظم كلمه معظم خد بالك من الكلمه دي لو سمحت اهي كلمه معظم اهي معظم الامت التداد الفلكي بتاع وطنا العربي في المناخ الحار والمعظم في الصحراوي فانت متخيل اصلا ان معظم صحراوي فصحراوي دوت يا باشا هو بيقل فيه سقوط امطار بيقل فيه سقوط امطار وكمان نسبه الانهار اللي هناك قليله جدا فده كان سبب قلل من نسبه الميه العزبه اللي موجوده عندنا في وطنا العربي فبالتالي ده كان سبب من ضمن الازمه فده كان سبب في الازمه. طب هو انا وانت اللي خلينا وطنا العربي يمتد في النطاق الفلكي ده ولا دي حاجه طبيعيه؟ حاجه طبيعيه موقعه صح فتعال معايا هنا كده صنيكي وسجل المعلومه دي يلا انت كتبت موقع الفلكي بيقوللك ولان معظم الوطن العربي يقع في النطاق الجاف كلمه معظم يعني النسبه الاكبر في النطاق الصحراوي حلو الكلام فاكتب كده جنبها سبب طبيعي اثنين اثنين زياده اعداد سكان وطنا العربي يا جماعه احنا عندنا سكان بالظف يا جماعه احنا عندنا بيحصل في بعض المحافظات قصه اهلنا في الصعيد لهم مني كامل الاحترام او بعض المناطق تحس كده ان هم عاملين تحدي بينهم وبين بعضهم مين اللي هيسجل سكور في عدد الاطفال اكت من الثاني فتحس كده ان الاثنين اخوات او الاثنين ولد عم بيتحدوا بعض انا خلفت سبعه لا انا هخلف 10 مين اللي يسجل سكور اعلى فاحنا عندنا نسبه زياده سكانيه عاليه جدا وده انت اخدته وانت صغير بسبب زياده نسبه الاميه وقله التعليم بس مش موضوعنا دلوقتي فاقدر اقول ان السكان كان سبب وعايز اقول لك حاجه بقى عايز اقول لك حاجه ان اقدر انا كجمعه اقول ان زياده عدد السكان ده سبب رئيسي طب ليه ده سبب رئيسي لان والله حتى لو ك لو كان معظم نطاقنا بيقع في المنطقه الحاره ونسبه الميه عندنا قليله بس عدل السك سكان مناسب كانت هتمشي انما احنا عندنا مشكله وعدد السكان زياده فالحوار كبير عشان كده احنا ممكن نكتب جنب كلمه زياده عدد السكان ان ده العامل الرئيسي طب اسال اخواتي سكان ده سبب طبيعي ولا بشري؟ بشري يالا جدع بشري وكلمه بشري هتعرف في ثالثه ثانوي اختك لو قاعده جنبك قول لها بشري يعني ايه هتقول لك يعني ديموغرافي عشان دي لو جت لك في الامتحان. ماشي عندي سؤال بقى هو كده يا جماعه كل ما هيزيد اعداد السكان الازمه هتقل ولا هتزيد؟ هتزيد يبقى كده في علاقه بين زياده عدد السكان وازمه الميه علاقه طرديه يبقى سجل يا صاحبي هناك علاقه طرديه ما بين الزياده السكانيه و وازمه المياه العازبه علاقه طرديه ما بين الزياده السكانيه تمام و وازمه المياه العازبه اتفقنا اتفقنا بيقول لك تعدد الاستخدامات وثبات كميه الميه اللي موجوده عندنا في وطنا العربي ده يا معلم شويه اسباب طبعا الاسباب دي نتج عنها وترتب عليها ان الازمه زادت عشان كده كل ده العلاقه بينه وبين الازمه هي علاقه طرديه العلاقه بينه وبين نقص المياه علاقه طرديه العلاقه بينه بينه وبين زياده الطلب على الميه علاقه طرديه لان كل ما ده بيزيد كل ما احنا بنزود الطلب اكتر على المياه اتفقنا اتفقنا احنا كده يا اد عرفنا اول حاجه وخلصناها اللي هي الايه الاسباب اشوفك بتفهم ولا لا وقوع معظم الوطن العربي في النطاق الجاف ده من ضمن المؤشرات ولا من ضمن الاسباب جدع طب الزياده السكانيه ده من ضمن المؤشرات ولا الاسباب؟ جدع الاسباب. طب تعدد الاستخدام او سوء الاستخدام او ثبات كميه المياه كل دي لو جت لك قول له دي من الاسباب اقسم بالله ان غلطتي لاجي جيبك من شعرك. ماشي النقطه التانيه ركز بقى يا قلبي الراجل بيقول تعال اديك بقى شويه مؤشرات وشويه ادله يفهموك ان احنا عندنا ازمه. قلت له قول قال لي بص مؤشره بتدل ان فيه ازمه وهم اللي حضرتك شايفهم دول طيب احنا هنقراهم بالراحه واقول لك كل واحده السؤال فيها بيجي عامل ازاي صل على النبي اول مؤشر الراجل بيقول نسبه مساحه اراضي الوطن العربي الوطن العربي بتاعنا ده نسبه الارض بتاعته حوالي 9.6% 0% من نسبه مساحه العالم قلت له حلو 9.6 6 في% من نسبه مساحه العالم نسبه مش وحشه نسبه كبيره قال لك اهي النسبه الكبيره بقى اللي انت شايفها قدامنا دلوقتي دي بيوصل لها 5% ميه عزبه اهي ممكن اسالك سؤال هي الارقام بتتحفظ جدع لا بس هي محطوطه عشان المدرس يقول لك هي دي نسبه كبيره ولا قليله صح انا المدرس انا بقول لك اهو اراضيه الوطن العربي لما تمثل تسعه وسته من 10 من مساحه العالم فدي نسبه كبيره يا جماعه انما لما اقول لك ان الميه العزبه اللي عندنا ما بتتعداش ال0% لا دي نسبه قليله يا جماعه فبالتالي بصوا كده تحسوا يا جدعان ان في حاجه غلط المساحه كبيره بس النسبه بتاعه الميه العزبه اللي عندك قليله فبالتالي التضارب اللي حصل ده خلى الازمه تزيد ده مؤشر اهو بديك بديك دليل اهو ان انت مساحتك كبيره وان نسبه الميه بتاعتك قليله فده مؤشر اهو مؤشر بيقول ان في ازمه ماشي المؤشر التاني بيقول لك يا باشا المفروض ان لما جم يسجلوا مقدار ا الميه اللي الفرد العادي بيستهلكها على مدار السنه لقوها 1000 متر مكعب ميه يعني المفروض يا جماعه البني ادم العادي نسبه استهلاكه تقدر سنويا ب 1000 متر مكعب ميه ودي النسبه اللي بيقولوا عليها نسبه خط الفقر المائي يعني ممكن تزيد انها ما ينفعش تقل الا ان في وطنا العربي لقينا ان الفرد اللي عايش في الدوله العربيه نسبه الميه اللي بتوصل له سنويا حوالي 727 متر مكعب ميه فواد يقول لي ايه ده يعني احنا اصلا ما وصلناش لخط الفقر المائي هقول لك لا فتخيل كده انا بقول لك مثلا ايه بقول لك الفقير الفقير ياخد 1000 جنيه وانت نصيبك 727 جنيه يعني انت حتى ما قربتش من الفقير انت افقر فيا جماعه لما يجي يجيب لك في الامتحان الصوره دي ركز بس بالله عليك ويجيب لك المؤشر ده ويقول لك المفروض ان خط الفقر المائي ان يوصل لك 1000 متر مكعب ميه الا ان الفرد في وطنا العربي وصل له 72 ده يعتبر من ضمن اسباب زياده ازمه الماء العزبه ولا مؤشر جدع اللي قلت مؤشر اختك بقى اللي قالت اسباب دي دي ربنا يتولاها دوري على مدرس غيرنا دوري على مدرس غير امين امين وصغير كده انا بيقول ايه ماشي فده مؤشر طب رقم لاثه الراجل بيقول يا معلم بص اولا تقدر نسبه الاستخدام عالمي بتاعه الميه العزبه. بص اا بيقول لك تقدر نسبه الاستخدام العالمي للمياه اقل بكتير جدا من استخدامات الوطن العربي مما يمثل ضغط على المياه العازبه. يا جماعه النسبه اللي هم اصلا مقدرينها للاستخدام بتاع المياه العازبه هي نسبه قليله جدا بالنسبه للي بيحصل في وطنا العربي. ليه بقى؟ كمل بقى الحته اللي جاي. بص لان احنا في وطنا العربي اولى اهتماماتنا الاغراض والاستخدامات الزراعيه احنا عندنا كده يا جماعه مشهورين في وطنا العربي بالزراعه لا وايه سبحان الله سبحان الله لما بنيجي نزرع كمان يعني ما كفيناش ان الزراعه دي كاسلوب بتستهلك ميه لما جينا نزرع كمان فبدانا نزرع المحاصيل اللي بتحتاج ميه عازبه اكتر تحسنا ماشيين غلط طب وفي البلدان المتقدمه دايما بتلاقيهم بيميلوا لنشاط الصناعه والصناعه ما بتستهلكش ميه زي الزراعه فلما يجي يقول لك ايه بص وجود الاستخدامات الزراعيه في اولويات سكان وطنا العربي ده يعتبر من اسباب زياده الازمه ولا مؤشر ها جدع اللي قلت مؤشر الغبيه اللي قالت اسباب على مدارس غيرنا ماشي بيقول لك يا باشا بص موارد الميه في الوطن العربي تعرضت للتلوث حيث يتم القاء المخ مخلفات فيها احنا بقى بنبدا بقى نلوث ميه النهر ونرمي فيها المخلفات بتاعه المصانع ونفضي ال اللي هو المخلفات بتاعه المراكب والحاجات دي كلها لا ولا عادي ولا بيفرق معانا طب خد بالك بقى من الحته اللي جايه دي عشان مهمه جدا جدا صل على النبي بيقول لك 60% من منابع الانهار اللي موجوده في الوطن العربي بتيجي من خارج اراضيه اصلا قلت له يعني ايه؟ قال لي اي نهر بيكون له منبع المنبع ده اللي هو المكان العالي اللي بيسقط عليه امطار فبيبدا ان هو ايه يخلي الميه توصل لك اصلا ده اسمه المنبع فيا جماعه الدول اللي بيبقى عندها المنبع ده هي اللي بتتحكم في النهر ليه لان ممكن تيجي بعد المنبع ده بشويه تقوم عامله لك سد فهي اللي عندها المنبع فكده الميه مش هتوصل لك لانها حاطت سد فالراجل بيقول لك بقى انت متخيل ان المنابع دي اصلا 60% منها موجود خارج اراضي الوطن العربي اممديك مثال بص يا حبيبي لو انت بصيت هنا مشيب بس تعالى لو انت بصيت هنا احنا مثلا عندنا في في وطنا العربي في الجناح الافريقي اكيد انت عارف حاجه زي كده في حاجه اسمها نهر النيل احب اقول لحضراتكم ان نهر النيل ده بينبع بينبع من بحيره اسمها بحيره فيكتوريا وبحيره فيكتوريا ديت يا جماعه اهي بحيره فيكتوريا دي هي بحيره موجوده عند دوله كينيا واوغندا وتنزانيا وكينيا واوغندا وتنزانيا هي دول اصلا مش عربيه فبالتالي انت ملاحظ معايا ان منبع نهر النيل هو اصلا مش جاي من دوله عربيه وجاي من خارج نطاق الوطن العربي طب تعالى تسمع انت عن نهرين في العراق نر نهر دجله ونهر الفرات احب اقول لك ان نهر دجله ونهر الفرات اللي في العراق المنبع بتاعهم يعني المكان اللي بيسقط فيه الامطار اللي بيجي منه الانهار دول مش موجود في العراق موجود في تركيا عند جبال تروس عند بحيره هناك اسمها بحيره هزار فالمنعه في تركيا فقعد يقول لي مش تركيا دي عربيه لا تركيا مش عربيه تركيا دوله مش عربيه فانتوا انتوا فاهمين يا جماعه بيقول ايه منابع الانهار جايه من اراضي خارج وطنا العربي اصلا فبالتالي ده اللي هيخلي يحصل تحكم منهم فينا طب استنى بقى هو ان المنبع يبقى خارج الوطن العربي ده بسبب موقع فلكي ولا بسبب موقع جغرافي لا استنى انا بتكلم على اماكن المنابع اه لا يا باشا اماكن المنابع دي دي تعتبر يا باشا موقع جغرافي يبقى الموقع الجغرافي بتاع المنابع اثر بالسلب على وطنا العربي وده يعتبر مؤشر ان في ازمه لانه خارج اراضيه فبالتالي الدول اللي بتبقى عندها المنابع دي هي اللي بتستغل الكلام ده كنقطه ضعف لينا كورقه ضغط بتضغط بيها على الدول لما تحب تطلب منها حاجه هتسمعي كلامي ولا ابني سد وصلت وصلت بس طيب هنا بيقول لك ايه؟ هو احنا ليه لازم ناخد خطوه في حل مشكله الميه؟ قال لك والله لان ضروري جدا اي دوله تحقق امن مائي قلت له طب هو يعني ايه امن مائي؟ بص هي مش علينا حفظها بس هنفهم لو انت ازهر هيحفظها امن مائي ان حضرتك تلبي كافه احتياجاتك من المياه ان حضرتك تلبي كافه احتياجاتك من المياه يعني الدوله يا جماعه اللي لبت كل احتياجاتها من الميه جابت كل حاجتها الميه مكفيه زراعتها مكفيه استخدامها الشخصي مكفيه مصانعها مكفيه سكانها وفي زياده كده الدوله دي حققت مفهوم الامن المالي طب لحظه بقى لحظه ماشي ما هو مفهوم الامن المائي ده احنا بنحققه لو احنا عايزين نحقق مفهوم تنميه اسمه التنميه الايه المستدامه يبقى بص بقى معلم لما اجي اكلمك على مجموعه من الاساليب المفروض ان الاساليب دي احنا هنتبعها عشان خاطر نبدا ان احنا نحسن الازمه المائيه دي احنا بنتبع اسلوب تنموي اسمه التنميه الايه؟ المستدامه تعالى بقى يا سيدي نخش على الاساليب يلا بينا ايه الاساليب بتاعه اداره المياه اوال اخواتي السؤال احنا عندنا كام نوع ميه؟ اثنين ميه مالحه وميه عزبه تعالى اقول لك على شويه اساليب ننفع ان احنا نستخدمها لو عايزين ندير الميه المالحه وا يقول لك ايه وانا استخدم اساليب للمايه المالحه ليه ما هي كده كده اصلا الميه المالحه ديت نسبتها كبيره هقول لك الله ينور عليك اديت نسبتها ايه قول قول نسبتها ايه نسبتها كبيره طب ما بما ان بقى نسبتها كبيره هو احنا ليه سايبينها وعمالين ناخد في اللي نسبته صغيره ما تيجي اعلمك ازاي تستخدم ميه البحار والمحيطات اللي هي المفروض مالحه بانك تلبي بيها احتياجاتك كنت اصلا بتلبيها بالمايه العزبه واحد يقول لي ازاي ده اقول لك تعالى بص يا سيدي خد بالك عشان لو شفت فيهم اي واحده في الامتحان يبقى دي بتاعه الميه الملحه مش العزبه واحد قال لك الدول تسن قوانين وتحط قوانين وتشريعات تمنع بيها ناقلات البترول اللي هي السفن اللي بيتحمل نفط وبترول انها تلقي بمخلفاتها في البحار والمحيطات لان ده اولا بيلوث الميه ثانيا بيضر السرق السمكيه اللي موجوده عندنا بتدمر للدنيا وبتموت الشعب المرجانيه وبتقلل السياحه والحاجات دي كلها فاحنا هنسن قوانين وتشريعات للحفاظ عليها فلما يجي يقول لك ايه سن قوانين وتشريعات علشان خاطر نمنع التلوث اللي ناتج عن ناقلات البترول او يجيب لك صوره سفينه في ميه والميه ديت كده فيها بقعه من الزيت او بقعه من البترول ويقول لك لو احنا حطينا القوانين ان احنا نمنع الجريمه دي احنا كده بندير ميه عصبه ولا ميه مالحه؟ اللي مركز هيقول ميه مالحه الغبي هيقول اي ميه وخلاص فهمتوا ايهاني اللي لو شفتوا اقول دي ميه ملح اثنين قال لك تيجي نعمل معالجه خد بالك واحده دي يعني ايه تعالوا نعمل معالجه وتحليه لميه البحر جماعه معالجه وتحليه في دول بتروح عند ميه البحر وتعمل لها تحليه يعني يا جماعه بتاخد الميه دي وتبدا ان هي تستخدم تكنولوجيا حديثه وتبدا تعيد في تقليل الميه تعيد في تحليل الميه تعيد في تكرير الميه لحد ما نسبه الملوحه فيها تقل جدا جدا يعني تقل عن ال6 جزء في الال000 اللي قلت لك عليها فتقدر ان هي تستخدمها في عده عده اغراض حتى يا عم ولو ما كانتش شرب في اغراض ثانيه على الاقل مثلا تسقي بيها ارض ا تسقي بيها حدائق ا تستصلح بها منطقه في الصحراء طب ما كان ده هيحصل اصلا بميه عازبه يبقى لو قال لك في الامتحان استثمار مياه البحر اول ما تسمع كلمه استثمار مياه البحر عن طريق التحليه داره ميه مالحه مش عازبه عايز اعلم على الكلمه دي كدول الخليج حبيبي مين اكت منطقه بتدير ميه مالحه؟ بنت تقول لي دول الخليج العربي اقول لك دول الخليج العربي دي ياما هج لك في الامتحان كده دايما هيقول لك حاجه من الاثنين يا موقعها يا دوله منهم دول الخليج العربي دي ينفع اقول عليها منطقه شرق الوطن العربي او ينفع اقول عليها الجناح العربي الاسيوي الجناح العربي الاسيوي او المنطقه منطقه جنوب غرب اسيا او اجيب دوله منهم طب ما تقول لي يا عم جمعه مين الدوله اللي منهم تعالى احفظهم لك بسرعه كده بص يا قلبي قولهم كده معايا بسرعه قول معايا سعوديه عمان امارات لا انت ما قلتش قول معايا سعوديه عمان امارات قطر بحرين كيويت يلا بينا ها قطر بحرين كيويت يلا تاني ها سعوديه عم امارات سعوديه عمرات قاتر بحرين كيويت قاترب بحرين كيويت ودي اكتر الدول اللي بتعتمد على تحليه مياه البحر طب تعالى نكمل الراجل بيقول احنا كمان بنستخدمها في حاجه اسمها الاستذراع السمكي هنزرع سمك او ري الحدائق او النباتات طب يعني ايه يا عم جمعه استزراع سمكي هيجيبوا وسمك ويزرعوه لا في حاجه يا جماعه اسمها اسمها مزرعه سمك مزرعه السمك ديت بنعمل حوض كبير كده ونحط فيه ميه ونربي فيه سمك بس بدل ما نحط فيه ميه عازبه ما تعالى يا عم نجيب ميه بحر نحطها في الحوض دي يبقى كده السمك بيعيش هنا طب ما هيعيش هنا او في انتاج النباتات الرعويه خد بالك النباتات الرعويه يا جماعه اللي هو النباتات اللي بياكلها لمؤفظه الحيوانات اللي هو البرسيم والحشائش والحاجات دي كلها بتاع الحيوان لو كان النبات مروي بميه فيها نسبه ملوحه مش هيطلع يقول لي ملحه يعني هياكل انتوا فاهمين هم بيعملوا ايه بيحاولوا اللي ينفع يتعمل بالميه المالحه يعملوه عشان اوفر ميه عزبه اي واحده هتشوفوها من الثلاثه دول قولوا عليها اداره ميه ملح الله ما بلغت ماشي تعالى بقى نتكلم على اساليب اداره الميه العزبه بص اسمع مني بقى عشان محتاجه شويه تركيز شويه بص قال لك والله اول اسلوب رفع كفاءه اسلوب الري عايز تحافظ على مال العزبه ارفع الكفاءه بتاعه اسلوب الري اللي الناس بتستخدمها قلت له ايه كفاءه اسلوب الري دي قال لي افهمك بص يا حبيبك في ري تقليدي قديم عقيم متخلف بيخلينا نهدر ميه كتيره جدا اسمه الري بالغمر اللي هو تلاقي الفلاح غمر الارض يعني ملى الارض بالميه فتبص تلاقي كده الارض كلها متغرقه ميه طب حضرتك انت عملت كده ليه؟ يقول لك عشان اريح دماغي بقى وما افضلش كل شويه ايه فهو يقوم الفجر يروح يروي الارض ويسيبها غرقانه ميه ويروح طبعا يا جماعه ده بيهدى بنسبه ميه كتيره جدا لان الميه الزياده بتتصرف في المصارف اللي بتكون حوالين الارض فاحنا كده اهدرنا فقوم رايح للفلاح ده اقول له طب ما بقول لك ايه حضرتك في اسلوب جديد للري اسمه الري بالرش او بالتنقيط الرش يا جماعه زي كده ان المنطقه الزراعيه ديت يكون فيها رشاشات بتطلع كده رزاز من الميه وسيط يرش الزرعه دي فبيفضل شغال الرشاش حتى والله وان سبته فتره طويله هو كده كده بيطلع كميه ميه قليله او بالتنقيط اللي هم بيحطوا خراطين ميه كده مثبته في الارض ما بين كل سطر زرق او سطر زرق والخراطين دي بتبقى فيها ا فيها خرام بمجرد ما يشغل الميه المصدر الاساسي الاخرام دي تطلع ميه فده بيحافظ على نسبه الميه من الهدر حلو فركز بقى بيقول لك توجد علاقه بين اسلوب الري وحجم الميه المطلوبه طبعا فكلما زادت الكفاءه بتاعه الري قلت كميه الميه اللي مطلوبه لزراعه محصول معين فاحنا هنتحول من ريه تقليدي دي ا اللي هو الري بالغمر لري حديث عايز اقول حاجه بقى هو ايه العلاقه بين كفاءه اساليب الري و والازمه المائيه عايز اقول حاجه يا جماعه كلما ارتفعت كفاءه اساليب الري كلما قلت ازمه الميه كلما قل الهدر صح يبقى العلاقه عكسيه بين ارتفاع كفاءه اساليب الري و وهدر المياه ان كل ما الكفاءه زادت كل ما هدر المياه قل يبقى يا جماعه العلاقه هنا هتبقى علاقه عكسيه اقف لحظه بقى ماشي هو انا لما اروح للفلاح واقول له لو سمحت استخدم اسلوب التنقيط او اسلوب الرشاش بدلا من الاسلوب التقليدي اللي اسمه الري بالغمر هو انا كده عملت الفلاح ايه؟ عملت له تنميه بشريه بلس ان انا خليته يحافظ على البيئه يبقى بلس تنميه موارد بيئيه يبقى اللي بيحصل قدامنا دلوقتي ده انفع اقول عليه ان كده انا طبقت مفهوم التنميه البشريه انا دربت الفلاح و وطبقت مفهوم التنميه الايه البيئيه اللي بعده في اسلوب تاني لاداره المياه العزبه اسمه تغيير المركب المحصولي ببساطه يعني ايه يا جماعه تغيير المركب المحصولي؟ بص صل على النبي انا كرئيس دوله شايف دولتي رئيس دوله ده اللي هو الحكومه يعني شايف دولتي بتزرع محاصيل بتستهلك كميه ميه عاليه جدا على سبيل المثال مثلا محصول الرز او محصول القصب اللي هي المحاصيل الصيفيه فجت الحكومه خدت قرار يبقى انا كده بقول الحكومه خدت قرار يبقى دي سياسه حكوميه اهي سياسه حكوميه الحكومه هي اللي هتاخد قرار وقالت يا جماعه ما تيجي نغير المحاصيل اللي بتاخد كميه ميه كتيره دي احنا عايد علينا بيها بايه اما مبدلها بنفس المحاصيل بس ببذور ذات كفاءه عاليه تاخد نسبه ميه اقل او نستنبط يعني نجيب بذور جديده اصلا ومحاصيل جديده اصلا ركز في الحته اللي جايه دي يبقى يا جماعه لما هم يجوا يغيروا البذور بتاعه محصول الرز او قصب السكر بنفس بذور رز وقصب سكر بس بتاخد كميه اقل من الميه ده بيحصل بس علشان تحصل هي محتاجه تعليم وتكنولوجيا او محتاجه هندسه زراعيه خد بالك من الكلام ده تعليم والتكنولوجيا والهندسه الزراعيه لو متوفره عندك كدوله هي اكت حاجه ممكن تساعدك انك تتبع الاسلوب الثاني اللي اسمه تغيير المركب المحصول عشان كده دايما نلاقي ده بيحصل عند المناطق المتقدمه مش الدول النعميه ماشي طيب بيقول لك ان احنا نقلل مساحات المحاصيل اللي بتحتاج لكميات كبيره من الميه زي الرز وقصب السكر اقف لحظه بقى كده يا جماعه اكتب عندك التركيه دي تغيير المركب المحصولي هيؤدي الى يلا اسالك وانت ترد عليا لو اتبعنا الاسلوب ده الرز وقصب السكر هيزيد ولا هيقل؟ هيقل يبقى ده ادى الى قله المحاصيل الصيفيه صح؟ قله المحاصيل الصيفيه ماشي طيب يبقى مين المحصول اللي ممكن يساعدك كدوله في انك تحافظ على مواردك المائيه المحاصيل الصيفيه ولا الشتويه؟ الشتويه قمح بقى وغيره ماشي الاهتمام بالزراعات الاقل حاجه لميه الري عشان ارشد استهلاك والعمل على استنباط اهو استنباط سلالات من الرز وقصب تستهلك كميه اقل وقلت لك لو ده حصل احنا محتاجين تعليم وتكنولوجيا وهندسه وراثيه زراعيه الكلام ده مهم يا جماعه ماشي طيب بص علشان الدوله تقدر تعرف هو المحصول ده بيستهلك كميه كبيره ولا قليله من الميه لازم الدوله دي اصلا تكون بتهتم بحاجه اسمها الدوره الزراعيه ايه الدوره الزراعيه دي ان انا اصلا كدوله باجي خلال السنه اقلب الارض بتاعتي وازرعها مره واثنين وابدا ان انا اقلب التربه اقوم ايدي في الارض فاعرف هو المحصول ده بيشرب ميه كتير ولا بيشرب ميه قريب فالدول اصلا اللي بتهتم تم بانها تعمل دوره زراعيه هي الدول اللي تقدر تتبع هذا الاسلوب اللي اسمه تغيير المركب المحصولي طيب في اسلوب ثالث بقى ايه الاسلوب الثالث ده صعر يا باشا التسعيره نخلي الميه العزبه بفلوس ودي اكت حاجه هتخلي الشعب يحافظ عليها وعلى فكره ده حصل حضراتكم دلوقتي كان زمان البيوت فيها عدادات للميه بس عداد كهرباء يعني ايه؟ يعني نتركب عداد كده والعداد ده بيفضل شغال على حسب استهلاكك وعلى فكره ما زالت في بيوت الى الان في بعض المناطق فيها العدادات دي طيب ا الشعب بقى بقى بدا يشغل دماغه يعني بدا كده يجيب ناس تيجي تفك العداد تعمل فيه حاجه يخلي ايه العداد يسحب بنسبه قليله وكانت ناس بقى يا جماعه كل اللي عايز يعمل حاجه بالميه بيعملها انت فاضي تخش تستحمى ابوك فاضي يطلع الخرطوم ويغسل عربيه ا قبل الفطار في رمضان تلاقي الشارع كله بيرش ال الشارع ميه ف ميه ميه بالزوفه ميه بالزفه قاموا قالوا طب استنى ايه رايك لو خلينا لهم الميه بفلوس يعني ايه يعني نحول العدادات دي لعدادات بكارت بكارت شحن اللي هو بيحصل دلوقتي فحضرتك دلوقتي بقيت مضطر انت هتشحن بكام هشحن ب 100 جنيه يلا يا باشا ال 100 جنيه معاك اهو عايز بقى ترش الشارع ميه ترش رش نفسك ميه اعمل اللي انت عايزه والله يا حبيبي بمجرد ما ال 100 جنيه هتخلص الميه هتخلص عايز ترش تاني روح اشحن تاني وصلت وصلت وعلى فكره ده جاب اسلوب ايجابي مهم جدا خد بالك منها فمن هنا بقى بداوا يا جماعه ان هم يعملوا تسعيره وعلى فكره في دول محترمه بدات تصعر الاستخدام يعني ايه يعني بدات بدات تعمل لك الميه دي كشرائح يعني مثلا تقول لك انت عايز تشترك في انهي شريحه؟ هل انت مثلا فلاح ف فهتشترك في الشريحه اللي انت محتاج ميه تروي بيها ارض زراعيه فدي اكيد بتبقى تكلفتها اقل من انك تاخدها تشربها طب انت محتاج الميه ان انت مثلا تشرب طب انت محتاج الميه ان انت تعمل بيها كذا فقسموا الميه كشرائح على حسب الاستخدام فممكن يجي في الامتحان ويبلغ ف ويقول لك ده احد الوسائل اللي استخدموها لاداره الميه العصبه اقول له ايوه دي اسمها التسعيره في حاجه بقى اسمها نشر الوعي المائي ايه نشر الوعي المائي ده يا صديقي يا جماعه نشر الوعي المائي ان الدوله تكلف خاطرها وتكلف مدربين ينزلوا يعملوا دورات تدريبيه ينزل للعمال يعمل لهم دورات تدريبيه دورات تدريبيه يعني يا صاحبي ادربك ازاي تدير الميه العزبه او نخلي برامج التلفزيون ووسائل الاعلام اللي هي التقنيات الحديثه تبدا تبدا تجيب البرامج كان من فتره كده مش عارف البرنامج ده لسه ديجا ولا لا بس غالبا لا كنت انا صغير في مدرسه كان في برنامج كده بيجي على التلفزيون اسمه صباحك مصري كان بيجي الساعه 7:00 الصبح 7:00 الصبح كنت افتح عيني كده من النوم اسمع صوته اعرف ان البرنامج شغال كان دايما كل يوم كده كان بيعمل حركه حلوه قوي كان مثلا بيجيب لك ا حد فاهم في الزراعه فنازل للناس الفلاحين وبيفهمهم وبيعرضوا للناس حد فاهم في اداره مصانع فبيقرضوا للناس اللي فاهم في تسميد التربه في تربيه المواشي ويعرضوا للناس لان يا جماعه في ناس كتيره جدا بسيطه مش فاهمه الحاجات دي فده اسمه نشر وعي مائي عايز اقول لك حاجه بقى في حاله ان الوعي المائي زاد انا عايز اقول لك ان الناس هتبدا تعمل تغيير للمركب المحصولي اللي بيستهلك كميه اكتر وفي حاله ان الوعي المائي زاد الناس من نفسها هتغير الاسلوب من ريغ غمر لري بالرش والتنقيط اذا مين الاسلوب اللي هياثر في الاساليب الاخرى الاسلوب ده اللي اسمه نشر الوعي المائي نشر الوعي المائي لو زاد ده اللي هيخلي الناس تتبع بقيه الاساليب وصلت انا عايز اقول لك حاجه والله العظيم وانت هتلاحظها كنت دايما بقول للطلاب كده لما كنا شغالين وبندي ثانيه ثانوي اا من كتر ما الطالب انت شخصيا دلوقتي كده من كتر ما بتسمعني هتحس ان انت اتاثرت ولو بقدر بسيط يعني انت مثلا ممكن تكون داخل البيت ولا حاجه فشايف ان النور بتاع المطبخ شغال وانت مش في المطبخ فهتلاقي نفسك تلقائيا جغرافيا التنميه سماعت في ودانك تقوم جاي طافي النور وتقوم ايه وتقوم ماشي فتحس كده ان انت من نفسك بقى عندك شويه ذوقيات بس برده مهما كان المنهج ده عمره ما هيبقى احلى منج ثالثه ثانوي اللي فيه المتعه والجمال كله احنا طبعا يعني بنشرحه كده تقضيه واجب مع حضرتك بنفهمك الدنيا بتحكي في انما جغرافيا الثالثه ثانوي لا دي في كوكب رابع ده شغل ثاني ثاني ثاني متعه لما نيجي ان شاء الله ربنا يكتب لنا ويكتب لكم طوله العمر باذن الله يلا بينا يلا بينا اقف لحظه بقى نشر الوعي المائي عايز اقول لك حاجه بيقول لك نشر الوعي المائي ده ممكن يساعد حضرتك في كذا حاجه ممكن انت طبعا نشر وعي مائي انت كده بتعمل تنميه بشريه دي هتفيد التنميه البيئيه وعلى فكره وهتفيد التنميه من الاقتصاديه لان انا لما انشر لك وعي انت هتبدا ان انت تطبق الاساليب اللي تزود بها انتاجك وانت بتحافظ على البيئه ثم صديقي في اسلوب اخر اسمه ايه؟ اسمه مشروعات ضبط الميه امتى حضراتكم تختاروا الاسلوب ده اللي هو مشروعات ضبط الميه؟ بص في حاله ان انت لقيت سؤال جايب لك ان احنا عملنا مشروع بيضبط ميه طب علم معايا على شويه المشاريع دي بص بقى يا سيدي جاب لك سير سيره قناطر جاب لك سيره سدود جاب لك سيره خزانات احنا كده اتجهنا لاسلوب اسمه ضبط اسمه مشاريع ضبط المياه يعني مثلا محمد علي لما انشا القناطر الخيريه عشان خاطر يغير طريقه الري في مصر كده محمد علي تتبع اسلوب لاداره موارد الميه العزبه التسعيره ولا تغيير المركب المحصولي ولا مشاريع ضبط الميه مشاريع ضبط المياه وصلت جمال عبد الناصر لما قرر ان هو يبني حاجه اسمها السد العالي يا جماعه خد بالك من الكلام ده لان الكلام ده هو اللي عليه مشاريع ضبط المياه في اي سد او قناطر او خزانات تبع الاسلوب ده وصلت وصلت خد بالك بقى من الاخيره ودي جامده قوي قال لك يا باشا دي الطرق التقليديه تعرف بقى ان في طرق طرق ثانيه غير تقليديه لاداره الميه قلت له ايه الطرق الغير تقليديه؟ بصوا يا جماعه علموا بس على كلمه غير تقليديه كلمه غير تقليديه يعني انت شخصيا دلوقتي لما تسمعني وانا بكلمك عنها هتقول ايه ده ازاي؟ انت هتقول ايه ده وازاي انت هتقول ايه ده وازاي لان انت مش متعود اصلا ان ده يحصل فبالتالي هتقول ايه ده وازاي اول طريقه غير تقليديه يا جماعه حاجه اسمها تحليه مياه الصرف الصحي انا اسف انا اسف بس انا لازم اشرحها بالطريقه دي انا اسف عارف الصرف الصحي عارف الصرف اللي هي اللي هي اللي هي الميه لما بتبقى فيها مخلفات انا اسف انا اسف بس مش عارف اقول لها ازاي احنا بقى هنعمل ايه احنا هنشيل المخلفات من الميه دي نركنها على جنب ماشي ونعمل لها اعاده تحليه قشطه قشطه تطلع طبعا ما تخلفت تقول ايه ونشربها اقول لك تشربي ايه يا مقرفه يا مقرفه تشربي ايه تشربي ايه احنا عزلنا منها المخلفات وعملنا لها تحليه مش عشان نشربها عشان نستخدمها في اغراض ينفع تستخدم فيها زي ايه لا طب ما احنا ممكن نستخدمها في ري الحدائق مش فيها يا جماعه كده في القاهره والاماكن اللي هي النضيفه ديت وعندكم في المحافظات برده بيكون في اماكن كده حدائق وفيها زرع وبتاع انا ليه اسقيها بميه شوربه عازبه ونقيه طب ما نسقيها بالميه دي واد يقول لي ايه ومش هتموت لا مش هتموت عادي مش هتموت لان انت كده كده اصلا هي مش مش محاصيل نباتيه ثماريه بتروح تاكل الثمار بتاعها هي زينه وصلت يبقى بنستخدمها في ري الحدائق او استصلاح مساحات واسعه من الاراضي احنا لسه في مرحله الاستصلاح فتعال نحط الميه ميه ونبدا ان احنا نستصلح الارض دي وصلت مين اللي بيعمل كده؟ اللي بيعمل كده دول الخليج العربي برده وانا قلت لك يعني ايه دول الخليج العربي طيب مش جايه معاك تحليه ميه الصرف الصحي وبتتقرف ايه رايك لو خلينا الجو يمطر غصب عنه فبنت تقول لي استغفر الله العظيم يا رب استغفر ملحد الحق ملحد لا اهدي بس اهدي خلينا الجو يمطر غصب عنه دي بنسميها عمليه الاستمرار اهو الاستمتار كلمه الاستمتار يعني يعني بخلي الجو يمطر غصب عنه اسمه استمتار صناعي طب وده ازاي يا مستر؟ اقول لك يا قلبي بص المفروض يا جماعه ان عشان الجو يمطر الشمس ضربت في الميه فحصل تبخر حصل حصل التبخر ده بيبدا يتكاثف ويروح للسحب بيبقى في صوره سحب المفروض يا جماعه ان في درجه كثافه معينه بتوصل ليها السحبه فلما ما تقدرش تشيل كميه الميه دي كلها تقوم سايباها كلها فالجو يمط ففي سحاب بيبدا يسحب ميه يسحب ميه يسحب ميه بس ما بيوصلش للكثافه اللي تخليه يمطر تقوم الدول عامله ايه بقى تقوم مطلعه طياره تخلي الطيارات دي ترش السحاب برزاز من المياه هي عماله ترش ميه في السحاب هي بتتقل الكثافه بتاعه الميه جوه السحابه تمام وبيكون الميه ديت مخلوطه ببعض المواد زي ثاني اكسيد الكربون وحاجه اسمها ايويد الفضه الكلام ده مش عليك دي معلومه اسرائيل ولكن ده بيزود ثقل السحابه تقوم السحابه ما تقدرش تشيل الميه تقوم سايباها كلها انا اكبرت السحابه تمطر وبرده اللي بيعمل كده منطقه الخليج العربي انت مركز معايا طب حد لاحظ ان انا ذكرت منطقه الخليج العربي كتير اقول لك ليه لان هم اكتر المناطق اللي بتعاني من ندره وجود انهار وهنعرف الكلام ده وانا بكلمكم عن الميه بقى بالتفصيل فهمتوا بس يا رجاله هتيجي حضرتك بقى هنا يا صاحبي هتلاقي في شويه نواتج مهمه خد بالك منها ان السبب الرئيسي في حدوث ازمه ميه في الوطن العربي هي ان في منطقه جافه وان في زياده سكانيه توجد علاقه طرديه بين الزياده الطبيعيه كلمه الزياده الطبيعيه ديت يا جماعه اللي هو زياده اعداد السكان لان الفرق بين المواليد والوفيات اسمها زياده طبيعيه فزياده اعداد داد السكان دي اسمها الزياده طبيعيه ففي علاقه طرديه ما بينها وبين ازمه الميه كل ما ده زاد دي زادت معظم الميه العازبه توجد في صوره جليد ايوه المعظم يعني النسبه الاكبر في صوره جليد 70% جليد من العوامل الطبيعيه لحدوث ازمه ميه هو بيقول لي عامل طبيعي ها عامل طبيعي ان معظم اراضي الوطن العربي موجوده في النطاق الجف تتاثر منابع الوطن العربي بالايه قول له تاثر بالموقع الجغرافي لان المنبع بيبقى خارج نطاق الوطن العربي يرتبط حرص بعض الدول على اقامه علاقات خارجيه مع دول اخرى عشان تحقق امن مائي طب ليه بيحصل علاقات خارجيه؟ لان 60% من الميه بتيجي من خارج المنابع اهو من اهم المؤشر اه بيسال على مؤشر مؤشر بتدل على وجود ازمه ميه ممكن اقول انتشار الزراعه سن القوانين والتشريعات ركز دي تعتبر ضمن تنميه الموارد البيئيه ما انا بحافظ على مورد بيئي تعتمد الثروه الرعويه بيعتمد الرعي في اقصى شرق الوطن العربي هقول له يا باشا على تحليه المياه المالحه ل حل الميه المالحه مش تحليه مياه الصرف الصحي تحليه الميه المالحه ركز في دي اكت مناطق في الجناح العربي الاسيوي بتستخدم التحليه هي المناطق الشرقيه للوطن العربي اللي انا لسه ققول لك عليها يرتبط مفهوم الامن المائي بمبدا اسمه مبدا الاستدامه توجد علاقه طرديه بين الري بالغمر خد بالك الري بالغمر ده لما كانوا بيملوا الارض ميه فكده في علاقه طرديه بين الري بالغمر والازمه لان كل ما الريا بالغمر هيزيد الازمه هتزيد انما في علاقه عكسيه بين الري بالرش والازمه تغير المركب المحصولي بيتناسب طرديا مع ترشيد الاستهلاك يرتبط اداره تغير التركيب المحصولي بيرتبط بالتكنولوجيا بيرتبط بالهندسه الزراعيه يرتبط تغير المركب المحصولي بالسياسات الحكوميه يعني دور الحكومه دور الدوله تعاني مصر في السنوات الاخيره من نقص انتاج المحاصيل ايه قول له المحاصيل الصيفيه طب لماذا المحاصيل الصيفيه لانها اتبعت تغيير المركب المحصولي يمكن التحكم في تغيير المركب المحصولي من خلال الدورات الزراعيه لما نضع تسعير على الميه ده بيرتبط بايه؟ ده بيرتبط بالزياده السكانيه عشان نحد من الاستهلاك احنا بس يا جماعه بنوريكم الاسئله بتيجي عامله ازاي اهي اهي تدريب المزارعين على استخدام الطرق الحديثه ده مجال تنميه بشريه واقتصاديه وبيئيه تنميه مهارات العاملين بالدوله بشريه تغيير المركب المحصولي ده بيرتبط بنشر الوعي المائي الهدف الرئيسي من مساهمه مصر في مشروعات ضبط المياه ليه مصر بتعمل مشروعات ضبط مياه؟ علشان يا جماعه تزود الايراد المائي وتحقق الامن المائي بيتهيا لي الكلام سهل وبسيط فخد بالك منه وباذن ربنا تبقى عارف تتعامل مع اي سؤال اسال الله عز وجل ان انت تكون فهمت كويس وما تنسناش ما تنساش والدي بالدعاء ان ربنا يرحمه ويغفر ويجعل ماواه الجنه ان شاء الله فبالله بالله ما تنسى ولو انت شفت الفيديو ده فاخد من وقتك دقيقه وابقى اقرا له الفتحه كده على روحه وان ربنا يرحمه ويغفر له اشوفكم على خير ان شاء الله المحاضره اللي جايه السلام عليكم ورحمه الله وبركاته