التفاعلات الكيميائية ج 1 الكيمياء الصف العاشر أ محمد كلوب

بسم الله والصلاه والسلام على رسول الله لا علم لنا الا ما علمتنا انك انت السميع العليم والصلاه والسلام على معلم الناس الخير محمد طلاب وطالبات الصف العاشر في المملكه الاردنيه الهاشميه الحبيبه اسعد الله جميع اوقاتكم معكم الاستاذ محمد كلوب معلم ماده الكيمياء في منصه دراستك التعليميه اليوم ان شاء الله تعالى جيت حتى نعلن عن بدايتنا وانطلاقتنا الفخمه والسفاحه في ماده الكيمياء للفصل الثاني للصف العاشر من فضل رب العالمين علينا ماده الفصل الاول تمكنا وهذا الكلام بناء على ارائكم وبناء على تعليقاتكم وعلى المسجات اللي كانت توصلنا وعلى تعليقات الطلاب تمكنا بفضل رب العالمين بان نوصل لكم الماده ونشرح لكم اياها بافضل صوره وافضل شكل وافضل طريقه ممكنه والحمد لله رب العالمين عدد كبير جدا من طلابنا تمكنوا من تحقيق العلامات الكامله او العلامات شبه الكامله في مختلف محافظات المملكه ومختلف المدارس فعشان هيك نحن واياكم ان شاء الله تعالى اعتبارا من اليوم رح نبدا بماده الكيمياء للفصل الدراسي الثاني وان شاء الله تعالى في حصه اليوم رح ندردش نحن واياكم ورح نحكي في مقدمه عن ماده الكيمياء ورح ندخل بالدرس الاول من الماده ونفهمكم ونعرفكم على الخطه اللي رح نشتغل عليها ان شاء الله تعالى خلال الفصل الثاني كاملا فنقول يا رب وبسم الله الرحمن الرحيم بسم الله نبدا يا بالبدايه بدي اياكم تعرفوا بانه احنا مادتنا للفصل الدراسي الثاني عباره عن وحدتين فقط لا غير ممتاز جدا هذول الوحدتين مكوناتهم كل وحده من بيناتهم بتتكون من ثلاث دروس يعني خلاصه الكلام مادتنا للفصل الثاني عباره عن ايش؟ عباره عن ست دروس ممتاز عننا وحدتين اول وحده بالوحدتين هذول اللي هي وحده التفاعلات والحسابات الكيميائيه هي وحده هامه جدا وعباره عن مقدمه لعلم بنسميه علم الحسابات الكيميائيه وهو احد اهم فروع الكيمياء نحن بنعرف بانه ماده الكيمياء ماده قائمه على التحليل والاستنتاج والحسابات بالاضافه الى ايش؟ الى تثبيت المعلومات فبالتالي نحن واياكم بالفصل الاول درسنا عن الماده بشكل عام العناصر والمركبات وعرفنا خصائصها وعرفنا توزيعها الالكتروني وقدرنا نحدد مواقعها في الجدول الدوري وايش نوع الروابط اللي بتكون لنا اياها هسا ماده الفصل الثاني مايله لجهه الحسابات بشكل اكبر فاوعك تفكر طبعا بانه حسابات يعني حسابات صعبه لا والله الامور ان شاء الله تعالى رح تشوفوا بينها بمنتهى السهوله والسلاسه والبساطه عباره عن ماده فيها مجموعه حسابات نعم صحيح ولكن حسابات سهله ومعي انا الاستاذ محمد كلوب زي ما عودتكم باذن الله تعالى راح نب بسط الماده عليكم بافضل صوره ممكن ان شاء الله زي ما حكينا الوحده الاولى عننا عباره عن ثلاث دروس الدرس الاول بعنوان التفاعلات الكيميائيه رح ندرس من خلاله ايش يعني تغير كيميائي شو معنى تفاعل كيميائي ايش يعني تفاعل كيميائي بدنا نعرف طيب بعد ما بعد ما نعرف شو يعني تفاعل كيميائي ونعرف الفرق ما بين التغير الكيميائي والتغير الفيزيائي رح نتعلم التفاعلات ها كيف احنا نعبر عنها كيف نكتب تفاعل كيميائي؟ طيب هي المعادله الكيميائيه لازم تكون موزونه. طب كيف يعني موزونه؟ هذا الكلام كلياته اللي رح نعرفه ان شاء الله تعالى بالدرس الاول. الدرس الثاني اللي هو بدايه المقدمه الفعليه للحسابات اللي هو بعنوان المول والكتله الموليه. طيب شو يعني مول؟ شو يعني كتله موليه؟ هاي كلياتها تفاصيل رح نعرفها من خلال هذا الدرس ومن هون فعليا راح نبلش وناخذ مع بعضنا عناوين وقوانين ها القوانين رح احكي لكم عنها لما اشرحها هي القوانين راح تظلها معك طول ما انت بتاخذ قيمه بحياتك يعني سواء الصف العاشر الفصل الثاني او ان شاء الله تعالى السنه الجايه اللي هو توجيهي سنه اولى كماده نجاح مدرسي او حتى السنه اللي بعدها كطلابنا الدكاتره او حتى المهندسين والمهندسات والعلماء والعالمات اللي رح يدخلوا حقل صحي حقل هندسي علوم وتكنولوجيا وياخذوا ماده الكيمياء برضه هي القوانين رح تمر معهم وحتى في الجامعات لاي طالب بيدرس تخصص في هذا التخصص في ماده الكيمياء فبالتالي برضه هي القوانين رح تكون هامه جدا وراح ترجع تمر معه باذن الله تعالى درسنا الثالث برضه درس مهم جدا رح نحكي فيه عن الحسابات الكيميائيه رح ناخذ الحسابات الكيميائيه اللي بتعتمد على المعادله الكيميائيه الموزونه ورح نتعلم كثير تفاصيل كثير حلوه ماده قمه بالمتعه والله العظيم وسهله جدا ولكن المطلوب منكم فقط لا غير بدنا متابعه اول باول بدنا دراسه اول باول بدنا همه عاليه من بدايه الفصل استحلفكم بالله العلي العظيم وانا دائما بحكيها للطلاب يا جماعه الخير ما يجيني طالب بليله الامتحان بنكون مثلا داخل معكم بامتحان مثلا خلينا نفترض امتحان شهري داخلين له مثلا درسين ولا ثلاث دروس من الماده بتكون هي الثلاث دروس ولا الدرسين نحن منزلين لها 10 12 حصه ليش؟ لانه لازم يكون شرحنا تفصيلي لازم نحل اسئله خارجيه لازم اخليك تتمكن من الماده بافضل صوره ممكنه لا تيجي تحضرهم ليله الامتحان وثاني يوم تحكي لي استاذ ما جبت علامه طبعا اخوي ما راح تجيب علامه طبيعي جدا ليش لانه بكل بساطه انت خزنت كم هائل من المعلومات في وقت قصير جدا وبنفس الوقت ما لحقت لا انك تراجع هي المعلومات ولا تثبتها ولا تحل عليها فبالتالي شو المطلوب منا؟ ندرس مع بعضنا اول باول فقط لا غير هذا المطلوب منكم كل اللي رح ينزل لكم على ماده ال لماده الكيمياء سواء على بطاقات منصه دراستك او حتى على قناتي على اليوتيوب رح ينزل لكم حصتين لثلاث حصص اسبوعيا فقط لا غير فبالتالي هي الحصتين لثلاث حصص المطلوب منك بانك تدرسهم اول باول وتتابعهم باول باول واي سؤال او اي استفسار مباشره بتبعث لي على الواتساب على الرقم اللي هساه راح احكي لكم عنه ومباشره ان شاء الله تعالى بتم الرد عليكم والاجابه على اسئلتكم واستفساراتكم بهي الطريقه انت طالب او انت طالبه بتحصلوا العلامه العاليه في ماده الكيمياء اما ليله الامتحان يا جماعه الخير صعب جدا وقالوها جدودنا مثل ومعروف جدا عننا بالاردن واللي بيعرفه روحوا اسالوا اهاليكم عنه قالوا العليق وقت الغاره شو ماله بينفع يعني ما بيزبط يزبط باختصار فعشان هيك لازم تكون دراستنا اول باول طيب نرجع نحن واياكم لمحتوى الماده اللي عننا الوحده الخامسه اللي هي الوحده الثانيه لهذا الفصل برضه عباره عن ثلاث دروس هي الوحده برضه فيها جزئيه حسابات ولكن حسابات من نوع اخر كيف يعني نحن رح ندرس نحن واياكم الطاقه الكيميائيه شو يعني الطاقه الكيميائيه نحن لما بندرس بالوحده المضت اللي هي الوحده الرابعه اللي هي التفاعلات الكي كيميائيه هي التفاعلات يا جماعه الخير بعض هي التفاعلات يصاحبها تغير في الطاقه يعني يا اما تفاعلات تؤدي الى انتاج طاقه بنسميها تفاعلات طارده وهذا الكلام رح تعرفوه او تفاعلات عشان تصير تحتاج طاقه فبنسميها تفاعلات ماصه للطاقه فبالتالي هي الوحده اللي رح ندرس عنها طبعا رح ناخذ بعض الاشياء المعتمده عليها عننا الدرس الاول تغيرات الطاقه في التفاعلات الكيميائيه زي ما حكينا لكم تفاعلات طارده تفاعلات ماست الطاقه الدرس الثاني رح نحكي عن شيء يسمى الطاقه الممتصه والطاقه المنبعثه من الماده في هذا الدرس رح نتعرف على شغلات جدا مهمه زي مثلا الحراره النوعيه زي مصطلح السعه الحراريه رح ناخذ بعض الحسابات بالنسبه للدرس الثالث والاخير اللي هو رح نتعلم فيه كيف نحسب الطاقه في التفاعلات الكيميائيه في عننا اكثر من شغله من ضمنها مثلا عننا قانون هيس وفي عننا اكثر من شيء رح ندرسه ان شاء الله تعالى وزي ما حكينا لكم بالتفصيل باذن المولى عز وجل هسه في نهايه كل وحده ان شاء الله تعالى رح ينزل لكم حصه طبعا في ملف بي دي اف رح ينبعث على الجروبات ايش هذا الملف بكل بساطه هذا الملف بيكون بيحتوي على امتحان مقترح على كل وحده يعني نحن بمجرد ما انهينا الدرس الاول اللي هو التفاعلات الكيميائيه والمول الكتله الموليه والحسابات الكيميائيه رح ينزل لك على الجروبات ملف بي دي اف هذا الملف بيحتوي على امتحان للفصل الاول كاملا وبعد هيك هذا الملف رح ينزل حله مع شرح تفصيلي كاملا وين على بطاقه منصه دراستك التعليميه او حتى ممكن يعني نشوف ننزل لكم اياه على قناتي على اليوتيوب اللي هسه حاليا جزء منكم قاعد بيحضرني عليها وكذلك الامر بالنسبه لمين للوحده الثانيه تمام التمام هسه بالنسبه لاليه شرحنا وطريقه شرحنا زي ما طلابي متعودين علي من سنين انا بشرح الماده على دوسيه هي الدوسيه اللي هي جزء من سلسله العبقريه في الكيمياء الدوسيات اللي انا بشتغل عليها وبشرح من خلالها الماده الدوسيه هي يا جماعه الخير فيها جميع محتويات الكتاب ولكن شو الفكره بالموضوع بس فقط لا غير بان هي عباره عن اعاده ترتيب شرح تفصيلي اكثر شوي لبعض الاشياء بعض الاسئله الخارجيه طبعا جميع اسئله الكتاب وافكر واتحقق واسئله الدروس واسئله مراجعه الوحد كلياتها موجوده بالدوسيه ولكن في بعض اسئله مثلا ممكن تكون اسئله خارجيه بنحط لكم اياها فيها بالاضافه الى زي ما حكينا لكم شرح تفصيلي وامور مفصله وبسيطه جدا ان شاء الله تعالى طبعا بالنسبه لهي الدوسيه كيف بقدر نحصل عليها قدامك طريقتين الطريقه الاولى هي الدوسيه كنسخه ورقيه يا جماعه الخير هديه مني لكل طلاب المملكه الصف العاشر بمجرد طلبك اللي بطاقه الفصل الثاني يعني بطاقه الفصل الثاني اللي هي على منصه دراستك طبعا هي البطاقه اي السنه هي منصه دراستك يا جماعه الخير يعني حارقت لكم الدنيا بالعروض شو عامله عامله لكم بتطلب مثلا بطاقه الكيمياء بتفعل لك عليها مباشره بطاقه العربي للفصل الثاني كامل للدكتور محمد محروس الغني عن التعريف بالاضافه لبطاقه الرياضيات اللي هو السنه الجاي صار عندكم ماده وزاريه فبالتالي بالاضافه لبطاقه الرياضيات لاي معلم الرياضيات من من اختيارك على منصه دراستك التعليميه وع ومش بس هيك انا جيت فوقيهم حطيت لك الدوسيه كامله كهديه فوق كل هذا الباكج وكل هذا الكلام بسعر بطاقه منصه دراستك اللي هو عباره عن 10 دنانير فقط لا غير فوالله العظيم عرض رائع جدا يعني للامانه سعره لا يضاهي 1% من التعب اللي بتقدم لكم سواء مني او من زملائي ولكن يعني بالنهايه اي ما ننسى بانه زكاه العلم نشره طيب هي بالنسبه لخطتنا كيف بدنا ننضم على جروبات الواتساب يا استاذ بكل بساطه ما عليك الا انك تبعث لي مسج على الرقم 079 اثلاث 67 ا بالوصف او الكابشن تبع الفيديو للي قاعدين بيحضروني على اليوتيوب رح بس تدخل عليه تضغط رح تلاقي في عندك رابط للانضمام للجروبات بس ما عليك الا انك تدخل عليه وان شاء الله تعالى رح يوديك على الجروبات مباشره باذن الله تعالى كملنا مقدمتنا نبلش بدرسنا وبمادتنا بشكل رسمي وبسم الله نبدا الوحده الرابعه اللي هي بعنوان التفاعلات والحسابات الكيميائيه درسنا الاول عنوانه التفاعلات الكيميائيه شوفوا خلينا نكون متفقين على شغله يلا بسم الله التفاعلات الكيميائيه يا جماعه الخير عشان نقدر نفهمها بالبدايه لازم نميز ما بين شغلتين الشغله الاولى شيء بنسميه تغير فيزيائي وشيء يسمى الشغله الثانيه اللي هي ايش التغير الكيميائي شو الفرق ما بين التغير الفيزيائي للماده والتغير الكيميائي اضرب لك مثال بسيط جدا مثلا على التغير الفيزيائي لو جينا جبنا كاسه مي جينا مسكنا كاسه مي او مطره مي موجوده في الحاله السائله ممتاز جينا مسكناها وحطيناها بالفريزر مثلا تحولت هي المء من من ماء من حاله سائله من ماء سائل الى ثلج الى الحاله الصلبه طيب اذا تغيرت حالتها صح رح تحكي لي صحيح طيب سؤال هل تغير تركيبها الكيميائي يعني الميه وهي سائله عباره عن H2O ليكويد طيب لما تصير H2O سوليد هل تغير تركيبها الكيميائي؟ لا بعدها مي واكبر دليل على هيك لو جيت ذوبت ها المي وشربتها هل بطلت صالحه للشرب؟ لا طبعا لساتها صالحه للشرب كذلك الامر لو مسكت كاسه المي وجيت حطيتها على النار وخليتها تتبخر هي الماء اللي تحول من الحاله السائله للحاله الغازيه هل تغيرت حالته ح هل صار عفوا تغير كيميائي عليه لا ليش لانه ظله تركيبه الكيميائي زي ما هو ظل ميه فبالتالي هذا يسمى تغير فيزيائي فاذا التغير الفيزيائي يا جماعه الخير هو التغير الذي يشمل حدوث تغير في ايش؟ في الحاله الفيزيائيه للماده يتحول من صلب لسائل لغاز الى اخره بالاضافه لتغير مثلا في شكل الماده في حجم الماده كلياتها هي عباره عن ايش؟ عباره عن تغير فيزيائي مثلا لو جينا جبنا قطعه خشب هلقد جبنا لوح خشب طب ممتاز وجينا والله جبنا منشار وبلشنا نقص هذا لوح الخشب سويناه قطع صغيره هل هذا يا جماعه الخير تغير كيميائي؟ لا شو اللي صار عليه فقط لا غير انا غيرت من حجمه غيرت من شكله فان هذا اسمه تغير فيزيائي لانه ظله محتفظ بتركيبه الكيميائي الداخلي بينما التغير الكيميائي ايش هو التغير الكيميائي؟ بكل بساطه تغير يحدث على تركيب الماده نفسها يعني التركيبه الكيميائيه للماده نفسها بصير فيها تغير اذا صار عندي تغير في التركيب الكيميائي معناته هذا ايش؟ اسمه؟ تغير كيميائي. طيب استاذ اعطينا مثال انا بدي اعطيك مثال مثلا لوح الخشب هذا نفسه لو جينا احنا والله جبنا مصدر للحراره مثلا قداحه نار وجينا ولعنا بلوح الخشب هذا مش رح يصير له عمليه احتراق رح ينحرق صح ولا لا؟ صحيح وراح يظله ينحرق ينحرق لغايه لما يصير عباره عن ايش؟ عباره عن السكن صح رح تحكي لي صح انا هساه قاعد بحكي معك بالبلدي هسه سؤالي لك هل بعد ما حركته بقدر ارجع الخشب لحالته الاصليه رح بتحكي لي طبعا لا يا استاذ فاذا تركيبته الكيميائيه صار لها تغير فلذلك يسمى هذا التغير تغير كيميائي وليس تغير ايش؟ فيزيائي فاذا هذا الفرق ما بين التغير كيميائي والتغير الفيزيائي خلينا نشوف هذا الكلام بالتفاصيل يلا بسم الله فبيحكي لنا هون تقسم التغيرات لتر على الماده الى قسمين القسم الاول تغيرات فيزيائيه شو تعريفها هي التغيرات التي تؤثر في الخصائص الفيزيائيه للماده بتاثر في ايش؟ في الخصائص الفيزيائيه مثل حاله الماده سواء كانت صلبه او سائله او غازيه او شكلها او حجمها ولكن الخلاصه واهمها بالموضوع وين هو هذا الكلام بانه ولا ينتج ها لا ينتج عنها تغير في تركيب الماده نفسها يعني بتظلها محتفظه في تركيبها الكيميائي القسم الثاني اللي هو التغيرات الكيميائيه وهي التغيرات التي ينتج عنها مواد جديده تختلف في خصائصها عن المواد الاصليه طبعا بتلاقي هي الماده الجديده بتختلف في خصائصها سواء كانت خصائص كيميائيه او في بعض الاحيان ترى ممكن تكون فيزيائيه للماده كيف يعني ممكن احيانا لما اعمل تفاعل كيميائي ويصير عندي تغير كيميائي يصير تغيرين فيزيائي وكيميائي مع بعض وممكن كيميائي لحاله ولكن طالما بانه صار تغير كيميائي فخلص هو عباره عن تغير كيميائي على الماده طيب ممتاز لو جينا اخذنا نحن واياكم امثله على هي التغيرات الكيميائيه يلا بسم الله اول تغير كيميائي طبعا هي امثله يا جماعه الخير من كتابك يعني كتابك هو ذاكر لك هي الامثله فاحن بدنا نمشي معه اوك يلا اول تغير بيحكي لنا اللي هو احتراق عنصر المغنيسيوم يا جماعه الخير لو جينا جبنا عنصر المغنيسيوم اللي هو عباره عن ايش؟ عباره عن الام جي طيب هذا عباره عن عنصر المغنيسيوم بوجود الاكسجين الاكسجين صيغته الكيميائيه عباره عن ايش؟ O2 تمام لانتاج اكسيد المغنيسيوم اللي هو امg باختصار لو جينا نحن جبنا عنصر المغنيسيوم بيجي على شكل اشرطه شريط فلزي تمام عباره عن ايش؟ عنصر المغنيسيوم صلب وجينا جبنا قداحه او مصدر للحراره وبمكان في اكسجين وجينا ولعنا فيه رح تلاقي بانه عنصر المغنيسيوم هذا بلش يطلع منه وميض بلش يضوي تمام تمام مع استمرار عمليه احتراقه هي والوميض تبعه رح تلاقيه تحول الى رماد ابيض هذا الرماد الابيض عباره عن ايش عباره عن اكسيد المغنيسيوم اللي هو ايش الام جيo فبالتالي هل انا بعد ما عملت هي العمليه ظل عندي مغنيسيوم لحال واكسجين لحال ولا صار عندي اكسيد المغنيسيوم ماده جديده ماده جديده لذلك هذا يعتبر تغير كيميائي استاذ نحفظ لا والله لا تحفظ طبعا لا تحفظ اوكي فهي لو جينا نعبر عنها كمعادله كيميائيه كيف يعني معادله كيميائيه كيف بدنا نعبر عنها بدنا نكتبها بتلاقي عباره عن تفاعل ام جي زائد ال2 فلما اجي اعمل التفاعل هذا رح يتحول عندي الى ايش الى ام جي طيب هسه هذا الام جي في شغله رح تتعلموها درسنا في تفاصيل كثيره يا حبايب القلب فركزوا معي هسه هي المعادله عشان اقدر اوازنها لازم يكون عندي نوعه وعدد الذرات في المتفاعلات نفس نوع عدد الذرات في النواتج الدقق هسه كثير بعرف درسناكم اياها قبل هيك ولكن رح تتعلم الموازنه بالتفصيل خلال هذا الدرس ما تخاف ومجهز لك امثله تعد ولا تحصى تمام ما تخاف طيب فلو جينا عملنا هي العمليه رح ينتج عند الام جي طيب هس اتفقنا نحن واياكم عشان تكون المعادله موزونه لازم نوعه عدد الذرات بالمتفاعلات نفسه بالنواتج يعني هون كم ام جي عندي واحده هون برضه واحده طيب هون كم او عندي اثنتين طب بالنواتج واحده اه بصير لا والله ما بصير فشو الحل مش يجيني طالب كثير شاطر وعالم يجي يحط لي هون اثنين حبيبي انت خربت المركب كامل لما بدك توازن ممنوع تضيف ضيف ارقام ها بحكي ممنوع تضيف ارقام الا وين؟ الا على اليسار في البدايه يعني عشان تسوي الاو اثنتين بدك تحط هون اثنين طيب استاذ ما هيك خرب الام جي طبعا فباجي بضرب هون ضرب اثنين هيك صارت معادلتي شو مالها موزونه 100% وزي ما حكيت لكم رح نتعلم ان شاء الله تعالى الموازنه بالتفصيل باذن الله تعالى طيب المثال الثاني يا جماعه الخير وهو مثال طبعا يعني كل شيء يدل على عظمه رب العالمين وعظمه الخالق سبحانه وتعالى ولكن انا هذا المثال بحبه كثير بتعرفوا ليش؟ انا بدي احكي لكم ليش لانه المثال هذا بيحكي لنا عن تفاعل فلز الصوديوم اللي هو عباره عن ال ان اي مع الكلور اللي هو الc2 لانتاج كلوريد الصوديوم اللي هو عباره عن ايش؟ عباره عن ملح الطعام طيب اعطيكم معلومه هيك سريعه جدا بتعرفوا يا جماعه الخير بانه هذا فلز الصوديوم فلز نشط جدا كيميائيا نشاطه الكيميائي شو ماله؟ عالي جدا فبالتالي شو معنى نشاط الكيميائي عالي؟ يعني شديد التفاعل يعني بتعرف شغله لو جيت جبت قطعه صوديوم هيك صغيره وجبت كاسه مي وحطيت جواتها فلز الصوديوم مباشره خلال لحظات رح تلاقي بانه فلز الصوديوم هذا ولع وانفجر جوات الكاسه فبالتالي هو نشاطه الكيميائي عالي جدا طيب ممتاز خلي لي اياه عج جنب لو جينا جبنا الكلور الكلور يا جماعه الخير عباره عن غاز سام عالي السميه هذا الغاز بيكون لونه اخضر باهت او جاي اخضر مصفر خلينا نحكي المهم انه لونه اخضر وهو غاز سامع انه نستنشقه فبالتالي تخيل معي مادتين يعني عننا بعلم الكيمياء مسجلات خطر الصوديوم شديد التفاعل والكلور غاز سام تخيل معي لو جيت خلطتهم مع بعض وعملت لهم تفاعل كيميائي بعطوك شيء ما بنستغني عنه بحياتنا اليوميه ومستحيل هذا الكلام كلياتنا اي شيء بيدخل جسمك بتاكله مباشره هذا شو بيكون بيحتوي على ملح كلوريد الصوديوم اللي هو ايش ال ان اي س ال فكان تتخيل كميه التغير اللي صارت فيه يعني من ماده شديده التفاعل الكيميائي وماده ثانيه عاليه السميه بشكل كثير كبير لما جيت فاعلتهم مع بعض اعطوني شيء بيلزمني اصلا لجسمي يعني انت جسمك لازم دائما وابدا يكون في ايش في عندك توازن في كميه الاملاح اللي فيه ف وبالاضافه الى انه هو بعطيني طعم مستساغ للاكل فبالتالي تخيل معي كميه التغير اللي صارت فتفرج شو حاكي لك يمتاز فلز الصوديوم بانه فلز يتفاعل او يحترق بشده مع الماء اوكي اما الكلور فهو غاز سام لونه اصفر مخضر او اخضر اخضر مصف احمر محمر اللي بدك اياه فتفرج معي هي فلز الصوديوم بيجي عباره عن قطع طبعا فلز الصوديوم نن بحفظه داخل الكاز بتعرفوا ليش؟ عشان ابعده عن ال الاكسجين والماء لانه لو لمس اكسجين زي ما حكينا بيحترق عفوا ماء بيحترق مباشره وبينفجر وحتى مع الاكسجين برضه بيتفاعل يعني حطه بالهواء الجوي العادي راح تلاقيه تفاعل فعشان نحفظه بنحطه داخل وعاء داخل الكاز وهذا عندك غاز الكلور تفرج كيف حاطينه جوات علبه محكمه الاغلاق هيه لونه جاي اصفر مخضر وحاطين سداده للعلبه عشان ما يتسرب منها هذا الغاز لو جيت فاعلتهم مع بعض اللي هو الN مع الس2 هذول الاثنين شو راح يعطوك كلوريد الصوديوم اللي هو ملح الطعام اللي ما بتستغني عنه بحياتك اليوميه فبالتالي هي الفكره اللي ضروري جدا وجدا ضروري ان نكون فاهمينها. طيب هذا مثال ثاني على ايش؟ على التغيرات الكيميائيه. يلا ناخذ كمان مثال ثالث. المثال الثالث بحكي لنا بانه يتفاعل غاز الهيدروجين اللي هو الاتش2 يعني جيب الغاز الهيدروجين بالحاله الغازيه مع غاز الكلور اللي هو الس2 برضه بالحاله الغازيه لانتاج غاز كلوريد الهيدروجين اللي هو مين؟ الCL يعني التفاعل اللي بصير عباره عن ايش؟ عباره عن H2 CL2 الناتج تبع التفاعل رح يكون عباره عن ايش؟ HCL والزوم الموازنه باجي بضرب باثنين لو جينا انا واياكم درسنا هذا الموضوع بالتفصيل بالله عليكم تركزوا بدي اغير لكم الوان تفرجوا معي بالله لو جينا مثلا الاتش2 عباره عن ايش ما هي اتش ملزقه بش او بالاحرى اتش مرتبطه بش طب ممتاز والcl ال2 عباره عن شو بدنا ناخذ لون يلا هاتوا لكم لون هي احمر يلا عباره عن cl ال مرتبطه بcl ال اوكي لما صار عندي تفاعل كيميائي بالله عليكم الكل يركز تفرج شو اللي صار لما صار عندي تفاعل كيميائي شو اللي صار لاحظ اللي صار هو الاتي انكسرت الرابطه اللي ما بين الاتش مع الاتش مش في كان رابطه بيناتهم كسرنا هي الرابطه والcl ال مع السl برضه كسرنا ها الرابطه اللي بيناتهم اذا لاحظ لما صار تفاعل كيميائي ما هو هذا ها الجهه اللي هون اسمها متفاعلات رياكتنت وهاي الجهه اسمها نواتج اللي هي برودكتس طيب شو اللي صار عندي كسرنا الرابطه اللي ما بين الشت2 يعني اتش مع اتش كسرنا الرابطه بيناتهم cl2 يعني cl مع س ال كسرنا الرابطه بيناتهم ولما صار التفاعل شو جينا عملنا كونا روابط جديده كيف اجت هي الاتش ارتبطت مع هي الس فاعط اعطتني س ال يا سلام طيب والاتش هي كمان ارتبطت مع الس هي فاعطتني كمان HCL ال ما هو شو معناه لما اقول لك 2 اتشcl ال يعني عندك اتشين مرتبطات بذا الشكل فاذا لاحظ معي مش اتفقنا بانه كل هذا شايف لي اياه هذا كلياته هذا اسمه تفاعل كيميائي ليش هيك بطلنا نعرف نكتب لزقناها بطلت مبين شو هي؟ هذا عباره عن ايش؟ تفاعل كيميائي طيب ممتاز بالله عليكم خليكم معي حبايبي حبايبي ركز ركز يابا يما حبايبي صحصحوا شوفوا زي ما عودكم محمد كلوب انه انسان ضد الحفظ وبس بحب تفهم بعدين تثبت بالحفظ دير بالك ماده الكيمياء طبعا فيها تثبيت اه ولكن بقول لك اياها افهم بعدين ثبت بالحفظ اما تحفظ على الفاضي انسى الموضوع في عندك تعريف مهم جدا اللي هو تعريف التفاعل الكيميائي. شو رايكم نستنتج مع بعضنا من خلال الكلام اللي انا عملت لكم اياه على اللوح؟ تعال خلينا نشوف تفرج معي التفاعل الكيميائي عباره عن عمليه يحدث فيها تكسير للروابط بين ذرات المواد المتفاعله طبعا هيه كسرنا روابط في المتفاعلات اوكي ممتاز جدا وتكوين روابط جديده وين الروابط الجديده اللي تكونت يا استاذ هيها وتكوين روابط جديده هي رابطه جديده وهي رابطه جديده في المواد الناتجه اذا كسرنا روابط في المتفاعلات وكوننا روابط جديده وين؟ في المواد الناتجه ممتاز مع اعاده ترتيب للذرات يعني ممكن انه الذرات اعمل لها اعاده ترتيب ولكن اللي بركز بيعرف بانه كان في عندي شرطين تحققوا شو هم الشرطين؟ دون المساس يعني بدون ما اقرب بدون ما اصيب بدون ما اغير بدون ما اخرب اللي بدك اياه دون المساس لا بنوع الذرات ولا بعدد الذرات طب كيف كم جاي شوف كم اتشاي عندك والله عندي ذرتين اتش طب ممتاز جدا وين بالمتفاعلات طيب تعال تفرج لي بالنواتج هي اتش وهي اتش هسا ماالكي دخل مع مين ارتبطوا ما هو لازم يرتبطوا مع شيء ثاني فاذا هي عندك اتشين بالمتفاعلات واتشتين بالنواتج فاذا والله احنا شو حافظنا على ذرات الهيدروجين طيب تعال تفرج كم سي اللي عندك اه والله هي ستين بالمتفاعلات طب بالنواتج هي ذره كلور وهي ذره كلور فبالتالي حافظنا على العدد طيب النوع طبعا هي اتش2 وهون ستين هون اتش2 وسين شو يعني النوع يعني بيزبط انه انا مثلا اجي افاعل هيدروجين وكلور يعطيني نيتروجين واكسجين مين طفى الضوء من وين اجن ما مستحيل فبالتالي شروط التفاعل الكيميائي كلياتها هون شو مالها تحققت 100% ممتاز تفرج يا سلام هيه زي ما شرحت لك هي الاتشين تكسرت الروابط تكسرت الروابط اجت ها ارتبطت مع هاي وهاي ارتبطت معها كونوا لي هذول فتفرج معي تعريف التفاعل الكيميائي هو عمليه يحدث فيها تكسير الروابط بين ذرات المواد المتفاعله ممتاز وتكوين روابط جديده اه وين بين ذرات المواد الناتجه يا سلام سلم وكذلك اعاده ترتيب للذرات نعمل اعاده ترتيب للذرات اتفقنا على الشروط هذا مهم يلا شو هو دون المساس بنوعها وعددها طبعا ممنوع اقرب لا على نوعها ولا عددها نهايه التعريف شوف شو بقول لك وتختلف الصفات الفيزيائيه والكيميائيه المواد الناتجه عن المواد المتفاعله الكيميائيه لازم تختلف يعني مستحيل تكون الص الخصائص الكيميائيه للماده المتفاعله نفس الناتجه لانه لو كانت الخصائص الكيميائيه نفسها بطل في تفاعل اصلا اما الفيزيائيه مش دائما كيف يعني مش دائما يعني فعليا انا ممكن افاعل شيء بالحاله الغازيه يظله حاله غازيه شيء سائل يظله سائل ولكن كخصائص كيميائيه لازم تتغير فبالتالي هذا التعريف اللي نحن شو مالنا استنتجناه مع بعضنا اوكي تفرج معي على التفاعل الاتي او سؤال افكر هذا سؤال من كتابك زي ما هو اي من الشكلين الاتيين معطيك شكلين يمثل تفاعل كيميائي فسر اجابتك تفرج معي لو جينا اياكم على الشكل الاول الكره الخضراء مرتبطه مع الزرقاء وين هي بالمتفاعلات والاثنتين البنيات مرتبطين مع بعض طيب روح لي على النواتج الخضراء مع الزرقاء والبنيات مع بعض تفرج هل صار عند تكسير روابط تك روابط جديده لا والله فاذا هذا لا يمثل تفاعل كيميائي بينما لو جينا على اللي بعده تفرج خضراء مرتبطه مع الزرقاء بالمتفاعلات وهون الاثنتين البنيات شو مالهم مرتبطين مع بعض طيب روح لي على النواتج يا غالي روح روح تفرج شو اللي صار انكسرت الرابطه اللي هون واجت واحده من بيناتهم لزقت بهي فتفرج انكسرت رابطه بالمتفاعلات وتكونت رابطه جديده وين بالنواتج فاذا هذا يمثل ايش؟ اي تفاعل كيميائي والشكل الاول لا يمثل اذا شو السبب بحكي له بان ها الجواب لان الشكل يتضمن ايوه حبيتها يتضمن عمليه تكسير للروابط في المواد بس لحظه السرعه هي الشاشه بتزبط ابدا لانه بطلع معنا اللغه سنسكريتيه تكسير للروابط في المواد المتفاعله ايوه وتكوين روابط جديده في المواد الناتجه ممتاز جدا فبالتالي ها هي كل قصه التفاعل الكيميائي هسه بعديها عننا رح نحكي عن موضوع اللي هو المعادله الكيميائيه الموزونه ولكن هذا الكلام رح نحكي عنه ورح نعرف عنه ان شاء الله تعالى خلال الحصه القادمه باذن الله تعالى حصتنا لليوم نتمنى ان رب العالمين يكون وفقنا ونقلنا لكم اياها بافضل شكل وافضل صوره ممكنه وكانت مقدمه خفيفه لطيفه حكينا لكم عن مادتنا شوي دردشنا فيها شوي عن الاليه اللي رح نشتغل فيها ان شاء الله تعالى والاليه اللي رح نتبعها ان شاء الله تعالى في الحصه القادمه رح نحكي عن المعادله الكيميائيه الموزونه شو يعني معادله كيميائيه موزونه وشو الشروط عشان تكون معادله موزونه نتع تعلم الاهم من هيك شو كيف نوازن باذن الله عز وجل طلابي وطالباتي الى ان نلقاكم في حصه جديده نستودعكم لله الذي لا تضيع ودائعه اه صح صح تعال قناتي على اليوتيوب اللي هسه حاليا جزء كبير منكم قاعد بيحضرني فيها قسما بالله العظيم انه لو انت جيت الان رحت عملت اي اشتراك تمام عملت لها يعني وعملت لايك على الفيديو كتبت لك كومنت هيك حلو زيك والله العظيم ما راح تخسر وحده دم صدقني ولا راح انا مش طالب منك دونم ارض بعبدون اخوي اختي والله العظيم بانه الدال على الخير كفاعله يعني انت قاعد بتقدم لك شرح هذا الشرح في مجهود الله اللي بيعلم فيه جميلتي يا حالي هي شغلتي انا معلم وانا اخترت اني اكون معلم ولكن كمان برضه مساهمتك في والله العظيم شيء رائع يعني يا جماعه الخير انا بتفرج على احصائيات القناه قسما بالله العظيم اكثر من 83% من اللي بيشاهدونا مش مشتركين طب مين طفى الضوء طب ليش كلكم تكتبوا كومنتات حلوه وتبعثوا مسجات مرتبه الله اكبر اعمل لك هال الكبسه والله يعطيكم الف عافيه والسلام عليكم ورحمه الله وبركاته ‏So