هل ستنهي وحدة معالجة الموتر الجديدة من جوجل عصر وحدات معالجة الرسومات بهدوء

احنا بقالنا سنين مخدوعين وفاكرين ان منافسه الذكاء الصناعي هي مجرد برامج وشات بوتس بس الحقيقه ان الاجهزه والرقاقات اللي بتشغل البرامج دي هي خلاص جابت اخرها ومش قادره تستحمل الضغط وهنا جوجل صدمت السوق كونه الاسبوع ده جوجل اعلنت عن الجيل الثامن من معالجات الذكاء الاصطناعي بتاعتها تي بي يو وعملت حركه غير متوقعه تماما بدل ما تنزل شريحه واحده قويه زي ما كل الشركات بتعمل نزلت شريحتين توام من نفس الجيل ونفس نفس التصميم بس واحده مخصصه للتدريب وواحده مخصصه لتشغيل الذكاء الاصطناعي للمستخدمين جوجل بالخطوه دي بتبعت رساله واضحه ومباشره للمنافس الاكبر ليها انفيديا وبتقول للصناعه كلها زمن الشريحه الواحده اللي بتعمل كل حاجه انتهى والذكاء الاصطناعي كبر لدرجه اننا لازم نفصل المهام والا هنخسر الكفاءه والسرعه الحركه دي هزت البورصه وخضت المهندسين طب ليه شركه بمليارات الدولارات تقسم شريحه واحده لحتتين وتصرف مصاريف الضعف عشان نفهم السر ده محتاجين ننسى كل اللي نعرفه عن التكنولوجيا ونرجع خطوتين لورا لزمن الابيض والاسود لزمن الشريحه الام اللي في جهازك دلوقتي للمعالج المركزي او السي بي يو المعالج ده هو المسيطر الكبير بتاع الكمبيوتر بقىه اكث من 50 سنه وهو عباره عن مجموعه انويه النواه دي تقدر تقول عليها مهندس عبقري لابس بدله ونظاره وقاعد في مكتبه لوحده بيجي له الامر او الكوت يقراه ويفك شفرته وينفذه ويرجع النتيجه كل ده بيعمله بشكل مستقل تماما من غير ما يستنى حد يعني لما تسمع ان اللاب توب بتاعك فيه ثمان انويه ده معناه ان عندك ثمان مهندسين عباقره قاعدين على نفس حته السيليكون واحد مشغل متصفح والثاني مشغل برنامج المونتاج والثالث مشغل مكالمه فيديو وماحدش فيهم معطل الثاني المعالجات الحديثه دي يا صديقي بقت ذكيه لدرجه مرعبه لدرجه ان المهندس ده هو بقى بيخمن انت هتدوس على ايه قبل ما تدوس اصلا وبيغير ترتيب الاوامر وهو شغال عشان يخلص اسرع وعنده ذاكره مؤقته عملاقه من الاخر السي بي يو يقدر يشغل اي برنامج في الدنيا نظام تشغيل العاب قواعد بيانات اي حاجه تخطر على بالك بس الذكاء والوجاهه دي ليها ثمن غالي جدا المهندس العبقري ده بياخد مساحه كبيره على الشريحه وتكلفته غاليه جدا عشان كده اخرك تلاقي في الكمبيوترات العاديه 16 نواه بس وفي السيرفرات الضخمه ممكن توصل ل 100 نواه وده كان السقف اللي العالم كله عايش فيه ومبسوط لغايه ما ظهر البعبع اللي اسمه الذكاء الاصطناعي وهنا السقف ده اتدمر تماما ليه بقى؟ لان الذكاء الاصناعي يا صديقي هو شغال بطريقه ثانيه خالص تدريب شبكه عصبيه زي جيمي او شادجي بي تي مش محتاج مهندس عبقري يحل معادلات معقده هو محتاج حد يعمل عمليه حسابيه تافهه جدا وبسيطه جدا بس يكررها مليارات المرات في نفس اللحظه الموضوع كله عباره عن ضرب مصفوفات يعني بتاخد جدول مليان ارقام تضربه في جدول ثاني وتجمع عليهم رقم ثالث فتطلع لك النتيجه عمليه تافهه ضرب وجمع بس حجم الجداول دي بيبقى ترليونات الارقام في المره الواحده السي بي يو العبقري بتاعنا يقدر يعمل كده طبعا بس هو عنده 16 نواه بس يعني هيعمل 16 عمليه ضرب في المره الواحده عشان يخلص الترليونات دي هيقعد بتاع كام سنه كده والناس مستنياه احنا هنا مش محتاجين 16 مهندس عبقري احنا محتاجين جيش من 16000 عامل بسيط يا دوب بيعرفوا يجمعوا ويضربوا بس بيعمل عملوا ده كله مع بعض في نفس الفمتوثانيا الجيش ده كان موجود فعلا في السوق بس ما كانش معمول للذكاء الاصطناعي كان معمول لحاجه ثانيه خالص وهي العاب الفيديو الشريحه دي هي كارت الشاشه او الجي بي يو لما تلعب لعبه بدقه 4 كي الشاشه بيبقى فيها اكث من 8 مليون بيكسل وكل بيكسل محتاج يحسب لونه وسرعته بشكل مستقل تماما عن البيكسل اللي جنبه عشان كده شركات زي انفيديا واي ام دي فكروا بطريقه ثانيه خالص بدل ما يحطوا انويه ذك كيه وكبيره حطوا الاف الانويه الصغيره كارت الشاشه الحديث زي اتش 100 بتاع انفيديا في اكث من 16000 نواه النواه الواحده ما تقدرش تفتح متصفح ولا تشغل لعبه لوحدها ما عندهاش القدره دي بس ميزتها انها متقسمه مجموعات المجموعه كلها بتاخد امر واحد وتنفذه على الاف الارقام بالتوازي في نفس اللحظه لو اول مره تشوفنا خليني اقول لك ان قناتنا مهتمه بازمات الدول واقتصادياتها وكل ما يخص الجوانب التكنولوجيه والمعرفيه واخر ما توصل اليه الذكاء الاصطناعي وكل ما يخص الاقتصاد العالمي انا محمد رمضان واهلا وسهلا بيك في حلقه جديده من ورق مكشوف قبل ما نبدا خليني اجاوب على سؤال مهم جدا بيسال كتير ناس كتير بتكتب لي ازاي بتطلع جوده صوت قويه وعاليه من مايك ماكملش 200 جنيه هتسمع دلوقتي الصوت قبل وبعد ده قبل من غير ما اعمل اي حاجه على المايك طبعا سامع صوت المروحه سامع صوت ممكن دوشه عاليه ده بعد ما حطيته على موقع اي بيور فويس كانك مصور في استوديو معزول بالكامل وبمايكات احترافيه دخلت على موقع اسمه اي بيور فويس واحد من احسن واقوى مواقع تحسين الصوت بالذكاء الاصطناعي عملي اعتمادي وما بيتفازلكش بيجيب لك الناحيه بيعزل الدوشه بينقي الصوت بيطلع جوده عاليه جدا زي اللي انت سامعها دلوقتي اي بيور فويس خلي صوت صوتك يتسامع صح هسيب لك الرابط بتاعه في صندوق الوصف وفي الكومنتات وانا واثق انه هيفيدك جدا سنه 2012 حصلت الصدفه اللي غيرت تاريخ البشريه باحثين اكتشفوا ان الرياضيات اللي بتشغل العاب الفيديو والجرافيكس هي اللي بالملي نفس الرياضيات اللي بتشغل الذكال الصناعي كميات مرعبه من الارقام تتضرب وتتجمع بالتوازي وبسبب الصدفه دي شركه انفيديا تحولت من شركه بتعمل كروت شاشه للعيال بتوع الالعاب لاكبر واهم شركه رقائق الكترونيه في العالم كله وبقت كل نماذج الذغال الصناعي بتدرب على كروتها بس خد بالك من كلمه صدفه كارت الشاشه في الاول والاخر هو شريحه معموله لاغراض عامه يعني بيشغل جرافيكس يحسب فيزياء الالعاب يعمل تعدين كريبتو جنبهم بيشغل ذكاء اصطناعي هو شاطر في كله بس مش مخصص لواحد فيهم هنا بقى جوجل قررت تدخل وتقلب الترابيزه خالص في 2015 جوجل قالت بقول لكم ايه يا جماعه انا هصنع شريحه بتاعتي انا بس وظيفتها الوحيده انها تضرب رب مصفوفات باعلى كفاءه ممكنه في الكوكب سميتها التي بي يو الساعه كلها بقى في التصميم اللي جوجل عملته اللي بيسموه المصفوفات الانقباضيه تخيل كده شبكه ضخمه من وحدات الاجهزه الصغيره كل واحده بتاخد رقمين من اليمين ومن فوق تضربهم في بعض وتجمعهم على اللي معاها وتمرر النتيجه للي جنبها وللي تحتها والبيانات بتتحرك في الشريحه زي الموجه المستمره ما بتقفش كارت الشاشه العادي عشان يعمل العمليه دي بيضطر كل شويه يروح للذاكره يجيب امر ويرجع ويروح للذاكره يشيل نتيجه ويرجع وده بيضيع وقت كبير وطاقه مرعبه انما التي بي يو بتاع جوجل البيانات بتدخل تقعد تلف جواه وتطلع مخلصه كل حاجه في مشوار واحد بس ما فيش تضييع وقت ما فيش استهلاك طاقه عالي في الفاضي كل دقيقه هي مستغله بالكامل الشريحه دي هي اللي كانت بتشغل محرك بحث جوجل ويوتيوب والترجمه وانت مش حاسس طب طالما الشريحه دي يا جماعه عبقريه كده وبقىها سنين بتختم ليه جوجل الاسبوع ده نزلت شريحتين مش شريحه واحده السبب هو الصدمه اللي الصناعه كلها بدات تفهمها وتصطدم بها دلوقتي دلوقتي تدريب نموذج الذكاء الصناعي وتشغيله دول مشكلتين عكس بعض تماما وعاملين زي الميه والنقر في النظري شكلهم واحد بس في العملي هم بيعصروا الاجهزه في اتجاهين متضاربين مرحله التدريب دي هي عامله زي واحد بيذاكر لمنهج الثانويه العامه كله في ليله واحده بتعدي عليه ترليونات الامثله والجمل محتاج عضلات وقدره حسابيه خام ومرعبه ومحتاج الشرائح دي تكون متوصله ببعض بخطوط سريعه جدا عشان تنقل بيانات بينها وبين بعض وهي بتتعلم لكن مرحله الاستدلال او الانفرنس اللي هي لما انت تدخل تكتب سؤال الذكاء الاصطناعي وهو يجاوبك دي قصه ثانيه خالص دي عامله زي الامتحان النموذج هنا مش بيذاكر هو بيقرا سؤالك ويقعد يفتكر الكلمات كلمه فالعمليه هنا هي مش محتاجه عضلات حسابيه هي محتاجه السرعه في الذاكره واسترجاع المعلومات تخيل لو الشريحه سريعه جدا بس الذاكره بطيئه شريحه هتفضل قاعده حاطه ايدها على خدها مستنيه الذاكره تبعت لها الكلمه اللي عليها الدور ده غير ان الذكاء الاصطناعي الجديد هو سريع جدا مش بس بيرد على سؤالك ده بياخد السؤال ويلف بيه في 100 حته ويفتح ادوات ويقرا نتائج ويرجع يخطط للخطوه اللي جايه فلو الذاكره بطيئه ولو جزء من الثانيه التاخير ده هيتضرب في الاف المرات والخدمه هتبقى بطيئه جدا وتزهقك في عيشتك عشان كده جوجل قالت مستحيل شريحه واحده تكون توب في الحاجتين وتعمل نفس الموضوع بسرعه وقسمت الجيل الثامن لشريحتين الاولى اسمها تي بي يو 18 ودي شريحه التدريب والعضلات اللي بتتعلم جوجل بتقدر تربط 9600 شريحه منها مع بعض عشان يدوا قوه حسابيه خرافيه تخلي تدريب النموذج هو ياخد اسابيع بس بدل شهور والشريحه الثانيه اسمها تي بي يو اي 8 ودي شريحه الامتحان والاستدلال اللي بترجع بيها المعلومات دي حطوا جواها ذاكره فائقه السرعه اسمها اس ار اي ام بمساحه ثلاث اضعاف الجيل اللي فات وحطوا الذاكره دي لازقه في المعالج بالظبط فبقى الذكاء الصناعي بيفتكر الاجابه ويرد عليك في لمح البصر ومن غير ما يستنى الذاكره الخارجيه مش بس كده تقول شغلوا الشريحتين دول على معالج مركزي جديد هم اللي عاملينه برده اسمه اكسيون وبكده جوجل بقت تملك المنظومه كلها من الابره للصاروخ لاول مره في تاريخها وبيقولوا ان الاداء لكل وات بقى اضعاف السنه اللي فاتت الحركه دي بقى صدمت السوق وخ خلت الخناقه بين جوجل وانفيديا تولع انفيديا بقىها 10 سنين بتقول للعالم انا عندي شريحه واحده بتعمل كل حاجه تدريب واستدلال وابحاث خدوها والبرنامج هيتصرف جوجل بقى بتراهن سرا ضد الكلام ده وبتقول للصناعه كلها زمن الشريحه الواحده انتهى التدريب والاستدلال بعدوا عن بعض لدرجه انك لو ما تخصصتش في شريحه لكل واحد هتخسر الكفاءه والسرعه سامي انفيديا اتهز شويه يوم الاعلان بس رجع طلع بقوه والسوق هو لسه براقب الصدمه بس الاشاره المعماريه بقت واضحه وضوح الشمس جوجل مش بتلعب في المضمون جوجل بتقول للعالم كله ده المكان اللي الكمبيوتر رايح له في المستقبل فجهزوا نفسكم انا هنا وصلت لنهايه الحلقه خلونا نصلي على النبي وما تنسوش تعملوا اشتراك في القناه عشان يوصلكم كل جديد اول باول انا محمد رمضان اشوفكم في حلقه جديده من ورق مكشوف شوف