تشافي الطفل الداخلي بالتفصيل خطوة بخطوة

ست علامات بتدل على انه عندك جرح بالطفل الداخلي العلامه الاولى انك تكوني بتعصبي بسرعه في بعض الاوقات لما حدا بحكي لي كلمه او بتصرف معك بطريقه معينه او يمكن اوقات حدا بسالك سؤال فدغري بتلاقي حالك عصبتي ما عندك هاي المساحه او ما بتعطي حالك وقت انك توقفي تفكري بعدين تستجيبي دغري بتعملي رد فعل وبكتير اوقات ممكن تندمي عليه وغالبا اذا كانت عندك هاي المشكله فهذا بيعكس انه الطفل بداخلك افتقد للتقدير الذاتي او الاحساس بالقيمه في طفولتك العلامه الثانيه مشاكل التعلق بالعلاقات فيا بتلاقي حالك بتتعلقي بالناس بسرعه وبتخاف الناس يتركوك او يزعلوا منك اوقات ممكن بتيجي على حالك وبتهمي لنفسك مشان ترضي الناس وما يزعلوا منك وهذا بيعكس تعلق غير صحي عندك بالعلاقات او ممكن العكس بتلاقي صعوبه بتشكيل العلاقات مع الناس وبتخافي من العلاقات وتتجنبي اساسا انك تشكلي علاقات مع الناس واغلب الوقت بكون تركيزك على حالك وحياتك وشغلك بالحالتين هذا بيعكس جروح بالطفل الداخلي عندك وانه بطفولتك تعرضتي للاهمال العاطفي من اهلك وما قدروا وما ساعدهم وعيهم يمكن انهم يعطوك هاي الاحتياجات النفسيه والعاطفيه وهذا بسبب لك انه انت بتجذبي لحياتك اشخاص ما بيعطوك الاهتمام او الحب اللي انت بدك اياه او علاقات سامه بتتعرضي فيها للاستغلال العلامه الثالثه الادمان واللي بخليك انك تكوني بدك تسكني مشاعرك وما تحسي فيها وتنفصلي عن الالم اللي تعرضتي له بطفولتك او يمكن بتعيشيه لليوم بحياتك فممكن يكون عندك ادمان على العمل او ادمان على الاكل او اللي بنسميه الاكل العاطفي او الادمان على مواد معينه بتخدر احساسك وبهالطريقه انت بتكوني عم بتحاولي تتجنبي انك تحسي او تواجه الالم اللي بداخلك العلامه الرابعه نسيانك لطفولتك اذا كنت بتحسي انه معظم الذكريات اللي بتخص طفولتك مش متذكرتيها وكانها مش موجوده فهذا بيعكس حجم الالم او الاهمال والاذى العاطفي اللي تعرضتي له بطفولتك فعدم قدرتك على انك تتذكري طفولتك هاي بتكون طريقه من دماغك بكون عم بحميكي فيها من الالم لانه مرحله طفولتك موجود فيها كتير الم فدماغك لانه مهمته انه يحميك من هذا الالم فبتلاقي حالك مش قادره تتذكري اشي لكن كل الذكريات بتكون موجوده بعقلك اللاواعي ومخزنه هناك بمجرد ما تقرري انك جاهزه تواجهي هذا الالم مشان تبداي بتغيير حياتك كل هاي الذكريات راح تبدا تطلع السطح العلامه الخامسه انك بتاذي نفسك جسديا هذا الشيء ممكن يصير عندك بطرق مختلفه زي احيانا في بعض الاشخاص ممكن مثلا يجرحوا حالهم عن عمد وغيرها من السلوكيات اما العلامه السادسه والاخيره مشاكل واضطرابات في الاكل واللي بتعكس صدمات تعرضتي لها بطفولتك فممكن تكوني بتاكلي بزياده عن حاجتك وبتعاني من زياده الوزن او الوزن المفرط او احيانا ممكن بالعكس قله الاكل وبكون وزنك قليل كثير لدرجه مش صحيه احيانا ممكن تكوني بتعملي رياضه بطريقه مبالغ فيها كمان كلها هاي بتعكس جروح للطفل الداخلي هلا كيف ممكن تعملي كشافه للطفل الداخلي لو عندك هاي الجروح الحل بيكون بخطوتين بتعمليهم مع بعض الخطوه الاولى بترجعي للماضي وبتبداي تفهمي الاحتياجات اللي افتقدتيها بطفولتك وبتعطيها لنفسك يعني لو حسيتي بطفولتك انه ما حدا كان عم يسمع لك او يهتم في الاشي اللي انت بدك تحكيه او يهتم برايك ابدئي انت اسمعي لحالك اسمعي صوتك افهمي مشاعرك شوفي شو انت محتاجه واعملي لحالك اعمل الاشي اللي بيسعدك عبري عن رايك واحترميه حتى لو كان مختلف عن الناس تاني خطوه ابداي اليوم خذي افعال مختلفه اتصرفي بطريقه مختلفه اذا في بعلاقاتك استغلال ووقفي هذا الاستغلال وقولي لا اذا في ناس ما عم بتقدرك او ما عم تحترمك ابداي تعلمي كيف توصلي لهم مشارك واحتياجاتك واطلبي منهم يحترموها بعد ما انت تحترميها واذا رفضوا او ما استجابوا فاعطيهم الحريه يغادروا حياتك واذا كانوا ناس مقربين منك فابداي اعملي حدود معهم بطريقه تحميكي اذا انت حاليا بهاي اللحظه ما بتتذكر اشي عن طفولتك فابدئي اعملي تامل لمده عشر دقايق باليوم حاولي انك انت تقعدي مع حالك وما تفكري ابدا باي اشي بهالطريقه شويه شوي راح تبدا الذكريات ترجع لك ووقتها ابدئي اكتبي الذكريات اللي عم ترجع لك وركزي على انك تفهمي مشاعرك والالم اللي حسيتيه من هاي المواقف واكتبي هاي المشاعر السلبيه بعدين احرقيها اوزع الورقه والاهم افهمي هاي المواقف شو الاحتياج اللي افتقدتيه فيها هل افتقدتي الشعور بالحب بالامان بالاهميه بالقيمه بالتقدير وابداي اسالي حالك انا كيف ممكن اشعر باهميتي او اشعر بالامان او اشعر بقيمتي اسالي حالك كيف انت ممكن تعطي لحالك هاي المشاعر وهون اجابه كل حدا راح تكون مختلفه وابدئي اعطي حالك هاي الاحتياجات اكتشاف الطفل الداخلي واحده من الامور اللي راح تبدا تساعدك على تجاوز الماضي وتغيير شخصيتك باتجاه الافضل لتقدري تشكلي علاقات افضل بحياتك وتسترجعي شعورك بقيمتك وتقديرك لنفسك وهاي وحده من اهم الامور اللي انت محتاجتيها مشان توازني ونوسك هيك بنكون وصلنا لنهايه الفيديو اليوم تابعيني على الانستغرام عشان تحصلي عن نصائح اليوميه بخصوص الانوثه والعلاقات العاطفيه وشاركيني بالتعليقات من وين عم تحضريني