تاريخ تانية ثانوي الترم الاول 2026 شرح درس فتوحات الدولة الاسلامية في عهد الدولة العباسية

السلام عليكم ورحمه الله وبركاته طلاب الصف الثاني الثانوي حبايب قلبي عاملين ايه؟ يا رب تكونوا بخير وصحه وعافيه وسلام وحشتوني جدا يا تاميه ثانوي ان شاء الله يا شباب النهارده احنا جايين بالختام باخر درس عندك في المنهج هو الفتوحات الاسلاميه في عهد الدوله العباسيه هو درس صغير خالص وسهل خالص ما فيهوش اي مشكله نهائيه شويه كلام بس هندردش فيه مع بعض كده عشان خاطر ان شاء الله الدرس ده هيكون هو البدايه بتاعه الترم الثاني او مفتاح الترم الثاني لان الترم الثاني بيتكلم عن الدوله العباسيه والدول المستقله بس قبل ما نبدا كده ما تنساش تعمل لايك للفيديو واشتراك في القناه وكمان تتابعنا عشان خاطر تعرف تفاصيل الاونلاين وكمان المراجعات النهائيه والبرنامج المكثف اللي هينزل لك ان شاء الله في فيديو لوحده كمان كام يوم كده هينزل لك فيديو مستقل خالص كل حاجه عن البرنامج المكثف والمراجعات النهائيه انت عايز تعرفها هتكون موجوده في الفيديو ده وللعلم ان شاء الله احنا هنشتغل هنشتغل برنامج مكثف قوي جدا ومراجعات نهائيه قويه جدا مش هيخرج بره الامتحان بس دي عشان خاطر حاجه كده زي ما يقولوا كده الغالي ثمنه فيه حاجه كده سبيشيال فهتكون موجوده منصه مش هتكون موجوده يوتيوب و وخد بالك هيبقى في ملازم وكمان سعرها رمز جدا وما فيهوش اي حاجه يعني من الاخر متاح لكل الناس وانا مراعي ده جدا في الناس يعني فان شاء الله ما تقلقش ان شاء الله انا هكون معاك ومش هسيبك لحد ما بتدخل الامتحان كمان وكل تفاصيل البرنامج المكثف والمنصه والمراجعات والملازم وكل حاجه هتنزل لك في فيديو مستقل ما تنساش بقى تسمي الله ويلا بينا نبدا ونقول بسم الله الدوله العباسيه بص يا معلم تعالى كده اكلمك كده زي قصه صغيره كده احكيها لك مين هي الدوله العباسيه او مين هم اللي عملوا الدوله العباسيه صلي على النبي انا عارف ان المسلمين لما سواء خلفاء راشدين او دوله امويه زي ما اتكلمنا الدرس اللي فات كانوا بيعتمدوا على العرب كانوا بيعتمدوا على العرب يعني ايه يا مستر يعني معاويه بن ابي سفيان اصله من العرب اصله من شبه الجزيره عبد الملك بن مروان نفس الكلام الوليد بن عبد الملك نفس الكلام الخلفاء الراشدين برده من مكه او من شبه الجزيره يعني كل الناس اللي كانت بتيجي وتمسك الدوره الاسلاميه كانوا من العرب حتى لما كانوا بيولوا ناس على ولايات او دول او اماكن كانوا برده بيبقوا من العرب طيب ايه اللي حصل؟ اللي حصل يا باشا ان الدوله العباسيه او قصدي اسف المسلمين في الدوره الامويه كانوا بيعتمدوا بشكل كبير جدا على العرب بالرغم من ان الدوله كان بيدخلها ناس مسلمين غير عرب موالي يعني يعني ايه يا مستر يعني فرس اتراك ا كل الناس دي كانت بتخش الايه؟ الاسلام الفرس بيخشوا الاسلام ان الروم في منهم بيقسموا يخشوا الاسلام البربر بيخشوا الاسلام زي ما اتكلمنا عنهم كده ا مثلا عندك الاتراك بيخشوا الاسلام وبيبتدوا يبقوا في الدوله الاسلاميه بس ما لهمش دور كبير او دور مؤثر او دور ظاهر زي العرب لان العرب هم كانوا بيعتمدوا على انفسهم في الدوله الاسلاميه اما الموالي اللي هم غير عرب ما كانوش بيمسكوا مناصب او ما كانش بيتولوا بشكل كبير او دورهم ما بيبقاش ظاهر في الدوله الاسلاميه بشكل كبير وده كان مضايقهم جدا فعملوا ايه؟ قال لك بداوا يقرروا ان هم يتجمعوا كلهم مع بعض ويشكلوا جيش ويحاربوا الدوله الامويه مين دول يا مستر؟ الغير عرب المسلمين الغير عرب اللي هم الموالي يعني الفرس على البربر على الاتراك وهكذا لما كلهم بداوا يتجمعوا بداوا يكونوا جيش عشان يحاربوا الدوله الامويه وسموها الدوله العباسيه نسبه لابو العباس عم الرسول صلى الله عليه وسلم مش هو اللي عملها لكن نسبه نسبه ليه يعني طيب وبعدين يا مستر بداوا فعلا يدخلوا في معارك مع الدوله الامويه لحد ما انتصروا عليها واسقطوا الدوله الامويه طبعا لما اسكطوا الدوله الامويه هياخدوا الورث بتاعها اللي هو ايه يا مستر حدودها من الصين شرقا حتى بلاد الاندلس في الغرب بس اللي هيحصل ان الاندلس هتفضل تابعه للدوله الامويه اما بالنسبه شرقا حتى بلاد المغرب في الغرب كل ده هياخدوا الدوله الايه العباسيه وهيبقى مطلوب منها انها تحافظ على الممتلكات اللي هي خدتها من الدوله الايه الامويه بس مش تبقى قادره انها تسيطر على كل دوت فهتتبع اسلوب جديد او نظام جديد اسمه الدول المستقله يعني ايه يا مستر الدول المستقله يعني انا هجيب دوله هديها استقلال يعني مش هتدخل في امور حكمها يعمل اللي هو عايزه في الدوله بس بشرط يفضل تابع للخلافه العباسيه وكل مهمته ان هو يقف قدام قع اعدائي ويقوم بدور الفتوحات بدلا مني باسم الدوله العباسيه ودي اسمها الدول الايه؟ المستقله وهعرف دلوقتي ان في دول مستقله هيبقى ولائها للدوله العباسيه وفي دول مستقله هتعلن عدائها للدوله العباسيه كمان الناس دي بعد كده هتضعف الدوله العباسيه فالدول المستقله هتبتدي تشوف نفسها على الدوله العباسيه وتعلن استقلالها التام وكمان تبقى عكس الدوله العباسيه او ما تسمعش كلامها او في الاخر كده هتمشي عكس الدوله الايه؟ العباسيه طبعا كل ده هنعرفه في الدرس بتاع النهارده يلا بينا نبدا ونقول بسم الله تعالى بقى صلي على النبي بص يا باشا الدوله العباسيه بيقول لي ايه؟ بيقول لي بسكوت الدوله الامويه ورثت الدوله ميراثا ضخما ففكر خلفائها في تاسيس بعض الدول المستقله ومنحوهم الحكم الذاتي مع الولاء التام للدوله العباسيه لمواجهه اعدائها الذين تنام دورهم انذاك يعني في الوقت دوت زي الادارسه في المغرب والزيديه فين؟ في المشرق يعني ايه يا مستر الكلام ده؟ يعني الدوله العباسيه ما كانتش قادره انها تسيطر على كل الورث اللي خدته من الدوله الايه؟ الامويه فبدات تخترع نظام جديد اسمه دول مستقله انا هجيب دوله هديها استقلال تعال يا عم الحاج انت بتحكم مصر هخليك تحكم مصر انت وعيالك تاخدها بالوراثه وما حدش يتدخل في الحكم بتاعك خالص بس بشرط تقف قدام اعدائي تقف قدام اعدائي يعني من الاخر كده هيشكلوا حاجه اسمها حائط صد عن الاعداء يبقى مين اللي هيقوم بدور الحائط الصد عن الدوله العباسيه هي الدول الايه المستقله بس بشرط الدول المستقله دي ولاهم للخلافه الايه؟ العباسيه اما الادارسه موجودين في منطقه المغرب وعندي او الغرب وعندي الزيديه موجودين في منطقه الشرق ودول اعلنوا عدائهم للدوله الايه؟ العباسيه يبقى انا عندي دلوقتي دول مستقله ولائها للخلافه العباسيه وعندي دول مستقله عدائها للدوله الايه العباسيه او اعلنت عدائها للدوله العباسيه زي الادارسه ودي موجوده في الغرب وعندي الزاديه ودي موجوده فين؟ في الشرق طيب بص بقى العصر العباسي يا باشا مر بفترتين هو استمر قد ايه يا مستر؟ استمر ما يقرب من من 525 سنه اول 100 سنه كانت فتره قوه وازدهار اما ال 400 التانيين كانوا في فتره ضعف وانهيار بص بقى لما اتبعوا اسلوب الدول المستقله ده دي حاجه وحشه بس هم لما اتبعوه كانوا اقوياء فكانوا قادرين يسيطروا عليهم ما فكروش ان هم هيجوا يوم ويضعفوا وبالتالي الدول المستقله دي تعلن عدائها لمين؟ للدول للخلافه العباسيه فبيقول لي في العصر العباسي الاول كان الخلفاء العباسيون لديهم القدره على فرض ادارتهم على ايه تلك الدول المستقله كانوا اقوياء كانت فتره قوه وازدهار طيب في مرحله حاله الفتره الثانيه بقى ايه اللي حصل؟ قال لك ضعفت الايه؟ الدوله العباسيه ونتيجه لضعف الخلفاء قامت عده دول مستقله كان لها دورها في الفتوحات الاسلاميه باسم الخلافه العباسيه بدات هي اللي تعمل الفتوحات باسم الخلافه الايه؟ العباسيه لان الخلافه العباسيه بقت ضعيفه ومش قادره تعمل فتوحات ولا قادره تحافظ على الدول او ممتلكاتها فالدول المستقله دي هي اللي هتقوم بالدور ده زي الدوله الطولونيه في مصر والدوله الاخشيديه وكل ده هناخده في الترم الثاني طيب تعالى بص لي بقى كده على الخريطه والخريطه مهمه جدا صلي بنا على النبي لو بصيت على الخريطه دلوقتي هتلاقي فيها كذا لون تعال اوضحهم لك اللون البرتقاني دوت دي فتوحات المسلمين في شبه الجزيره العربيه ودي كانت ايام الرسول صلى الله عليه وسلم طيب اللون البنفسجي دوت ولا لون اللي هو الموف ده اللون ده يا باشا الفتوحات ايام الخلفاء الراشدين ايام الخلفاء الراشدين طب الاخضر ده يا مستر ده ايام الدوله الامويه طيب لما هتيجي بقى الدوله العباسيه هتعمل ايه هي كده كده واخده الورث ده كله فهتكمل من بعديه فهتتجه ناحيه الشرق في قاره اسيا تمام وهتوصل لحد بلاد البنغال لو كمان بلاد الايه الاتراك طيب ده فين يا مستر ده في الشرق كل الاصفر ده في الشرق وصلوا لحد شمال الهند طب بالنسبه يا مستر للغرب لا ما كانش ليهم م دور كبير او دورهم كان قليل جدا هو بس هتلاقي ابرس وسقليه جزيرتين في البحر المتوسط ده فين يا مستر ده في منطقه الغرب يعني اول سؤال عندك في الامتحان اهو يا باشا خده واكتبه عندك لو جه في الامتحان وقال لك تركزت فتحو الدوله العباسيه في اني منطقه في الشرق ولا الغرب هتقوللي يا مستر اكتر منطقه الدوله العباسيه عملت فيها فتوحات كانت في الشرق يبقى تاني اهو هكتب كده تركزت فتوحات الدوله العباسيه فين يا مستر؟ في الشرق اهو انا عندي منطقه الشرق هي اللي كان فيها فتوحات ايام العباسيين اكت بكتير من الغرب الغرب هم بس جزيرتين ابرس وثقليه طيب تعالى بقى اكلمك كده عن الفتوحات العباسيه في بلاد الشرق اللي حصل قال لك اعتمد العباسيون في اقامه دولتهم وفتوحاتهم على الفرس على الفرس اه ليه يا مستر صلي على النبي بص يا باشا انا مش لسه قايل لك الدوله العباسيه دي اتكونت من الموالي اللي هم المسلمين الغير عرب اكت دور بقى كان قايم في الدوله العباسيه دي او اكت حد كان ظاهر وهو اللي كان ليه الفضل في سيطره الدوله العباسيه على العالم الاسلامي وكمان تثبيت الدوله العباسيه الفرس المسلمين الفرس المسلمين اللي دخلوا الاسلام وبالتحديد واحد اسمه ابو مسلم الخرساني ابو مسلم الايه الخرساني كان لهم دور كبير جدا في اقامه الدوله العباسيه وكمان ثبت وجودها فبالتالي الناس دي عايزه تكرم مين الفرس فكانوا بيدوهم المناصب كانوا هم اللي بيتحكموا في كل حاجه لان تقديرا ليهم يعني طيب قال لك ان ابوسر الخرصاني قدر ان هو يثبت اقدام الدوله العباسيه في المشرق الاسلامي وقد تتابعت عده دول مستقله على اقليمي خرا خرسان وبلاد ما وراء النهر بعد الاماكن دي يا باشا الاماكن دي اللي وقفت عندها الدوله الامويه هم بقى جم من بعدها في جت دول مستقله بداوا هم يعملوا ايه الفتوحات في المناطق دي المناطق ديت زي مين يا مستر زي الدوله الطاهريه والدوله الصفاريه والدوله الثمنيه مين يا مستر الدول دي يا مستر الدول دي موجوده في الشرق الدول دي ولاهم للخلافه لافه العباسيه الخلافه الايه؟ العباسيه طيب مستر هو عاصمه الدوله العباسيه موجوده فين؟ العاصمه يا باشا موجوده في بغداد فين يا مستر بغداد دي في العراق يبقى انا عندي ايام الخلفاء الراشدين كانت مقر الخلافه او العاصمه المدينه اما الدوله الامويه كانت دمشق في بلاد الشام اما الدوله العباسيه اتنقل مكان الخلافه او العاصمه من دمشق الى بغداد في العراق فالدول دي يا باشا موجوده في الشرق الدول ديت علامه ولائها للخلافه الايه العباسيه الثلاث دول دول بيقوموا بدور حائط الصد عن الخلافه العباسيه وكمان الفتوحات الاسلاميه فين في الشرق طيب مستر ايه اللي يفرق دول عن الزيديه وعن الادارسه الزيديه والادارسه دول اعداء الدوله العباسيه اما الطهاريه والصفاريه والسامنيه دي ولائهم او انتمائهم للخلافه الايه؟ العباسيه تمام كده تمام طيب صلي بقى على النبي انا مش لسه قايل لك دلوقتي انا عندي اثنين اعلنوا عدائهم للدوله العباسيه اللي هم الزيديه والادارسه انا عندي الادارسه دي موجوده في المغرب في منطقه الغرب تمام طيب بالنسبه بقى للزيديه في الشرق فدول هم اللي هيحاربوا الزايديه او هم اللي يبقوا يقفوا قدام الزيديه عشان يحموا الخلافه الايه؟ العباسيه تمام طب بلاد الهند بقى يا مستر والسند ايه اللي حصل؟ قال لواء الفتح الاسلامي في بلاد الهند والسند في اواخر القرن الرابع دولتان وهما مين يا باشا؟ الدوله الغزناويه والدوله الغوريه ودي برده دولتين مستقلتين تابعين للخلافه العباسيه موجودين في منطقه الشرق يبقى انا كده عندي الطهاريه والصفاريه والسامنيه والغزناويه والغوريه طبعا في دوله برده كمان عندي اسمهم الحمدانيون كل دول برده كانوا دول مستقله واقفين مع الخلافه ايه العباسيه ودول عكس الادارسه والزاديه واوعى تنساهم طيب الفتوحات العباسيه في اسيا الصغرى ايه اللي حصل بقى؟ قال لك كان على الداره العباسيه ان تحافظ على مكتسباتها في نطاق الجبهه الشماليه حيث كانت علاقات الجوار بينهما وبين الدوله البيزنطيه تتسم بروح العداء وقد استطاع خلفاء العصر العباسي الحفاظ على الوجود الاسلامي في تلك المناطق ازاي يا مستر انا مش قلت لك ايام الدوله الامويه كان مدرك ان معاويه بن ابي سفيان كان مدرك جدا ان الخطر الاكبر يكمن في الدوله البيزنطيه وان هم الخطر الاقرب وهم العدو اللادود اللي هم الروم اللي هي الدوله البيزنطيه فعمل ايه ساعتها؟ قال لك امن حدوده اقليم الصغور والعواصم لما عمل نظام الصوائف والشواتي وجاه عند البحر رمم المواني وعمل كلاه عشان يحافظ على الحدود بتاعته مع الدوله البيزنطيه لان هم اكث ناس بتشكل خطر على المسلمين او على الدوله الاسلاميه الخلافه العباسيه كانت مدركه برده ان الخطر الاكبر برده يكمن في الدوله الايه البيزنطيه فهيعملوا ايه يا باشا قال لك هيعملوا شويه اجراءات عشان يحافظوا على حدودهم مع الدوله البيزنطيه ايه اللي حصل قال لك ابقوا على تقويه اقليم الصغور والعواصم نفس الكلام اللي الدوله الامويه كانت عاملاه هم هيعملوه ده كده تشابه مع مين يا مستر؟ مع الامويين طيب رقم اثنين قال لك الحرص على استمرار نظام الصوائف والشواتي النظام اللي اختريعته الدوله الامويه اللي هو الاستطلاع الحربي هيعملوه برض الخلفاء الايه؟ الدوله العباسيه يبقى انا عندي برض ده تشابه مع العباسيه مع الدوله الامويه رقم لاثه بقى وده يختلف عن الدوله الامويه قال لك كان يخرج الخلفاء العباسيين بانفسهم لحرب الروم كانوا بيخرجوا بنفسهم ويحاربوا الدوله البيزنطيه على راس الجيش تلاقي الخليفه هو اول واحد في المقدمه ده ما كانش بيعمله الدوله الايه الامويه كان الخلفاء بيفضلوا قاعدين واللي بيطلعوا قاده الايه الجيش وده يدل على خطوره الحروب مع الدوله البيزنطيه ان هم خطر جدا وكمان خطوره الحدود بينا وبينهم او بين المسلمين وبين الايه الدوله البيزنطيه رقم اربعه قال لك تبادل الاسرى بين المسلمين والبيزنطينيين كانوا بيتبادلوا الايه الاسرى مع بعض انت اثرت من عندي كذا عدد وانا برده اثرت عندك ايه عدد ودوت يدل على قوه المسلمين وان هم اصبحوا ندا لند مع الدوله الايه البيزنطيه على سبيل سبيل المثال خطيبه بنت خطيبه قصدي اسف خطيبه ابن ملك الدوله دوله الروم او الدوله البيزنطيه اثرناها المسلمين اثروها وساعتها عملنا تبادل معاهم يعني وبدلناها بعدد كبير جدا من المسلمين كان تم اسرهم يبقى الحاجتين دول عكس الدوله الامويه اما اول اثنين تشابه مع الدوله الامويه بعد كده بقى عندي الفتوحات العباسيه في جزر البحر المتوسط وجنوب اوروبا وصلنا لجنوب اوروبا وفتحنا جزيرتين فقال لك مثلما ورث العباسيون عن الامويين هذا الميراث المترامي الاطراف في البر شرقا وغربا كذلك كان لهم ميراثهم البحري ا زي ايه بقى يا باشا؟ قال لك زي عندي مثلا فاكر انت جزر البليار وسردينيا والدول الجزر دي اللي كان فتحها الامويين نفس الكلام هيحافظوا عليها الدار العباسيه وهيفتحوا كمان جزر ثانيه زيليه وكمان ابرس ايه اللي هيحصل؟ قال لك فكان منذ خلافه هارون الرشيد يسعون الى استعاده سياده البحريه الاسلاميه في البحر المتوسط هارون الرشيد ده يا جماعه خليفه في الدور العباسيه كان قوي جدا ويتقال عنه اساطير يعني كان عايز يعمل ايه بقى كان عايز يرجع للدوله الاسلاميه هبتها وسيطرتها على البحر الايه المتوسط طيب هيعمل ايه؟ لازم يضم ابرس وثقليه. طيب هيضم اوبرس ازاي؟ قال لك ارسل هارون الرشيد قائد على راس اسطول الى ابرس ففتح بعضها وبرم مع اهلها صلحا. يعني من الاخر فتح ابرس عن طريق الايه؟ الصلح وده يتفق مع او يتشابه مع الصين تمام وكمان عندي بيت الايه المقدس اتفتحت بالايه بالصلح وكمان بلاد النوبه الثلاثه دول اتفتحوا ايه صلحا برض اوبرس اتفتحت ايه عن طريق الصلح ولكن سرعان ما نقد اهل ابرس العهد او الصلح فارسل هارون الرشيد اليهم مره ثانيه واخضعهم واثر منهم عدد كبير واسكنهم مع المسلمين عده اشهر واحده بقى عشان تفهم بص يا باشا هارون الرشيد بعت قائد الجيش بتاعه مع الاسطول وراح رايح عشان يفتح ابرس وفعلا فتحها وعمل صلح مع اهلها ان هم هيدفعوا جزيه ولكن بعد ما الاسطول بتاع حرون الرشيد مشي اهل ابرس طلعوا لسانهم للمسلمين وقالوا لهم مش دافعين حاجه وضحكنا عليكم معنى كده ان هم نقدوا الايه؟ الصلح راح هارون الرشيد رايح لهم مره ثانيه واثر عدد كبير جدا خد عدد كبير جدا من عندهم عشان يقعدوا مع المسلمين ويعيشوا مع المسلمين فيتاثروا باخلاق المسلمين ويتعلموا حاجه اسمها الوفاء بالعهد الوفاء بالايه؟ بالعهد ولما يتعلموا ويشوفوا المسلمين واخلاقهم فهيتاثروا جدا بيهم فكمان لما نيجي بعد كده نعمل معاهم وفاء بالعهد او نتفق نتفق اتفاق او نعمل صلح معاهم يعني ما يرجعوش فيه مره ثانيه تمام كده طيب وفعلا قال لك قعدوا مع المسلمين عده شهور وبعد كده اعدهم هارون الرشيد الى بلادهم واخذ عليهم عهدا بالنصيحه للمسلمين وانذارهم حين هجوم الروم ولا يقفوا في صف الروم قال لهم يا جماعه انا هرجعكم ثاني بس بعد كده لو حسيتوا ان الروم بتاع تعمل اي حاجه عشان تهجم على المسلمين او بتشكل خطر علينا يا ريت تبلغونا يعني هيستخدمهم كاستطلاع حربي يقولوا له ايه اللي بيحصل في الروم طيب صلي بقى على النبي هقول لك على حاجه عمرك ما تسمعها في اي حته ايه هي تعالى وقول لي تشابه موقف اهل ابرس مع مين في المنهج حاجه انت اخدتها في حد في المنهج اتكلمنا عليه عمل حاجه نفس اللي عملها اهلبرس مستر مش فاهم حاجه تعالى وانا اقول لك هقول لك تشابه موقف اهل ابرس هكتبها لك هنا اهو مع المشركين في صلح الحديبيه ايه ده يا مستر يعني ايه صل على النبي فاكر صلح الحديبيه ايه؟ اللي حصل المشركين عملوا صلح مع المسلمين ولكن سرعان ما نقضوا الايه؟ الصلح لما حردوا قبيله بكر تعتدي على قبيله خزاعه فبالتالي تم نقض ايه؟ صلح الحديبيه وساعتها حصل فتح مكه اهو نفس الكلام هنا اهلبرس بعد ما عملوا صلح مع هارون الرشيد نقدوا الايه؟ الصلح سرعان ما نقضوا الايه؟ الصلح قالهم عشان ندفع حاجه بعدها هارون الرشيد اضطر ان هو يروح لهم ثاني وياخد منهم عدد ويسرهم ويعمل اللي حكيت لك عليه دلوقتي فانا عندي موقف اهلبرس نفس الكلام عمله المشركين يبقى تشابه موقف اهلبرس مع المشركين اوعى تنساها طيب بالنسبه يا مستر لثقليه بقى قال لك اللي هيقوم بدور فتح الثقليه دوله مستقله اسمها دوله الاغالبه ودي موجوده في الغرب ودي اللي كانت قايمه بدور الفتوحات في الغرب وكان ليها دور بارس جدا في فتح ثقليه على ايد القائد اسد ابن الفرات طيب دوله الاغالبه دي تتسم تنسب الى مين؟ ابراهيم بن الاغلب نشاتها قامت في الشمال الايه؟ افريقيا مستر معنى ان المسلمين بيعملوا فتوحات في جزر البحر المتوسط زي ثقليه وابرس ده يدل على يدل على قوه الاسطول الحربي للمسلمين ان المسلمين عندهم اسطول حرب قوي ايه دليل على كده ان هم فتحوا ابرس وثقليه وهكذا استطاع الخلفاء العباسيين الحفاظ على قوه الدوله الاسلاميه وهبتها في اعين المعتدي عليها من البيزنطينيين طيله فتره العصر العباسي الاول غير ان سياسه الخلفاء العباسيين تغيرت نسبيا في العصر العباسي الثاني حيث قامت الدول الايه المستقله وده نتيجه لضعف الخلافه العباسيه وهنا واجه الطلونيون والاخشديون والحندنيون الدوله البيزنطيه في مناطق الصغور والعواصم واقليم اسيا الصغرى واستطاعوا فرض وجودهم امام الدوله البيزنطيه في تلك المناطق بالمواجهه العسكريه المسلحه طاره و وبالمعاهدات والصلح طاره اخرى مره كده ومره كده وبالنسبه للطرونيين والارشديين والحمدانيين كل دول هنتكلم عليهم في الايه في الترم الثاني بس دول كانوا بيامنوا الدوله العباسيه او الخلافه العباسيه من جهه الشمال تمام وبكده ده يكون خلص معاك يا باشا الدرس الاخير بجد كانت كان ترم طويل وكان ترم لذيذ بيكم وكفايه ان اتعرفت عليكم وانتم اعرفتوا عليا بجد انا بحبكم جدا وربنا يوفقكم يا رب ان شاء الله وتكون نهايه سعيده كده باذن الله والناس كلها تقفل باذنك يا رب يعني في الامتحان ونتقابل ان شاء الله في البرنامج المكثف سلام