الدرس الخامس علوم مفهوم ‪الماء كأهم الموارد الطبيعية علي سطح الارض الصف الخامس الابتدائي 2026

سلام عليكم اهلا وسهلا كتاكيتسان خمسه اولياء الامور اخبار حضراتكم ايه؟ اتمنى لكم جميعا الصحه والعافيه والسلامه اللهم امين ربنا يتقبل منكم صالح الاعمال في شهر رمضان نخرج منه كده كلنا بفضل الله عز وجل مغفورين الذنب باذن ربنا سبحانه وتعالى الجزء الاخير من المفهوم الثاني مش هياخد مننا وقت طويل في الشرح لكن بيني وبينك انا شايف ان اهميه الحصه دي 90% منها في الاسئله المهمه اللي احنا هنحلها على الدرس الثالث والرابع والخامس لان كلها اسئله الامتحانات بتاعه السنه اللي فاتت وشويه كده من السنه اللي قبلها يلا صلي على النبي عليه الصلاه والسلام وحط لايك بسيط على الفيديو ده وتعال نشوف الجزء الوحيد المتبقي كده من المفهوم الثاني وبعدين نحل الاسئله مع بعض بصوا يا اد عارفين الانسان لو حاب يغسل ايديه بعد ما ياكل اكله كويسه كده ولا حاجه بيروح يفتح الحنفيه اللي احنا بنقول عليها سنبور ويسيب الحنفيه بتنزل ميه للاسف ويبدا يبدا يغسل ايده لو قلنا لو قلنا ان الانسان ده بيغسل ايده بياخد في المتوسط دقيقتين او ثلاثه لو هو هياخد دقيقتين او ثلاثه يعني دلوقتي السنبور ده هيفضل مفتوح لمده دقيقتين او ثلاثه لحد ما محمد خلينا نسميه محمد اللي هو انا يغسل ايده عارفين خلال الثلاث دقائق دول ثلاث دقائق ايه اللي بينزل من الحنفيه بينزل 6 لتر تقريبا قال لك يعني انت عشان تغسل ايدك محتاج 6 لتر ده انت لو حد صاب عليك شويه ميه كده هتغسل ايدك وتمام وت فل و14 ليه تسيب السنبور مفتوح وانت بتغسل ايدك ليه تسيبه مفتوح وتدر الميه طب استنى هقول لك على الكبيره بقى ده خلال مره واحده طب تخيل انت بتغسل ايدك في اليوم مثلا في المتوسط انا بقول على الانسان اللي هو العادي ست مرات في اليوم مثلا المره الواحده بتستهلك فيها 6 لتر طب لو انت بتغسل ايدك في اليوم ست مرات كل مره بسته يبقى 6× 6 يبقى انت محتاج 36 لتر ماء في اليوم الواحد عشان تغسل ايدك بس كفرد واحد طب بقى شوف عدد الناس قد ايه واضرب في عدد اللترات كميه استهلاك ميه رهيبه جدا طبعا الارقام دي انت مش هتحفظها احنا بس بنقول لك بدايه الدرس بتتكلم عن ايه بتتكلم عن الاستهلاك بتاع الميه اللي احنا مش واخدين بالنا منه فالافضل يا باشمهندس انك وانت بتغسل ايدك اقفل السنبورد دههو لحد ما حضرتك تحتاج ميه افتحه ثاني وانت بتستحم طبعا احنا بنقعد نستحمي بقى ايه الميه السخنه بقى ونفضل فاتحين بقى لحد ما الميه تخلص كل ده استهلاك للميه حضرتك ممكن تقلل وقت الاستحمام شويه علشان تبدا ترشد من استهلاك الميه احنا محتاجين نحافظ على الماء العزب لان انت عارف ان هي موجوده بكميه صغيره وبتعاني من مشكله الندره ونقص الجوده فبالتالي الراجل طبعا الكلام اللي انا حكيته ده كان عباره عن نشاط بسيط في الكتاب احنا مش عايزين النشاط احنا عايزين احنا خلاص قلنا النشاط عايزين السؤال المتعلق علق اللي الولد ممكن يتسال عليه في الامتحان ما العادات والسلوكيات التي يمكن تغييرها لتقليل وترشيد الكميه الاجماليه للماء المستهلكه اقل حاجه ده اقل حاجه غلق السنبور في حاله عدم استخدامه واحد يقول لي هو ده اللي يعني هيرشد الميه طبعا ده انا بقول لك انت بتنزل 6 لتر في المره الواحده لا احنا محتاجين نص لتر بس نقدر نغسل ايدينا على فكره ونبقى 100 فل و14 تقليل زمن الاستحمام تمام يبقى غلق الصنبور في حاله عدم استخدامه وتقليل زمن الاستحمام كل دي عادات ممكن نغيرها ونحافظ بها على الميه يجي سؤال بسيط كده في الامتحان يقول لك علل اهميه ترشيد استهلاك المياه ليه لازم نرشد استهلاك الميه عشان نحافظ عليها علشان لما نحتاجها نلاقيها عشان ما يحصلش جفاف سمعتوا يا اد قبل كده عن مرشح الميه المرشح ده اللي هو بينضف الميه من الملوثات اللي موجوده فيها لو احنا معانا ميه فيها اتربه او حاجه ممكن نعديها على فلتر مرشح يبدا ان هو يعدي الميه ويشيل لنا منها الشوائب دي. ايه فكره عمل المرشح؟ بص كده يا باشمهندس اللي قدامك ده كده هنعمل تجربه علشان نعمله مع بعض. انت مش بتحفظ تجربه يا باشمهندس ولا انت يا دكتوره بتحفظي تجربه ولا ادوات ولا اي حاجه. لا احنا بنعمل تجربه عشان نطلع بملاحظه واستنتاج هو ده اللي ممكن اسالك عليه في الامتحان. يعني وانا بعمل التجربه قدامك دلوقتي انت قاعد بس مركز ايه اللي بيحصل الكلام ده مش بتحفظ يا جماعه لا خطوات ولا ادوات ولا اي حاجه اللي انت مطلوب منك تحفظه انا هقوله لك تمام طب ليه بقول لك الانشطه لان مهم جدا تاخد النشاط وتعرف احنا بنحصل على ميه نضيفه ازاي لان الراجل برده ممكن يسالك على الكلام ده في الامتحان وهقول لك ازاي شوف يا سيدي تعالى انا وانت نصمم مرشح للميه ايه الادوات اللي احنا محتاجينها احنا محتاجين زجاجه ميه بلاستيك زجاجه عاديه جدا زي اللي احنا بنشرب فيها تمام وتكون بالغطاء بتاعها وعايزين وعاء بلاستيكي شفاف اي وعاء كده عشان نحط فيه ميه زي اللي تحت ده كده يا اد خلاص طيب وبعدين عندنا كوب من الماء عايزين شويه ميه وعايزين شويه فحم وشويه رمل ونجيب شويه قطن نعملهم على هيئه كرات كرات من القطن وهنجيب شويه تراب هقول لك ليه دلوقتي وعايزين مقص وعايزين ميه تمام دي الادوات اللي احنا محتاجينها عشان نبدا نصمم مرشح للميه طب هتبدا تعمل ايه؟ بص يا سيدي اللي مكتوب قدامك ده انا هحكيه لك اهو هنبدا اول حاجه كده يا باشمهندس نجيب الزجاجه البلاستيك زجاجه الميه اللي احنا بنشرب فيها بعد ما تفضل وبعدين نقوم قلبينها نخلي راسها تحت ونخلي جسمها كده فوق ونبدا ان احنا نقطعها اهو قص قاعده الزجاجه واثبتها راسا على العقب زي دي كده يا باشمهندس الزجاجه اهي احنا قطعنا الحته اللي فوق بس وسبناها عادي جدا ولكن قلبينها راس على عقب يعني راسها تحت وجسمها فوق خلاص طيب هنبدا نعمل ايه هيقول لك ضع في الزجاجه طبقه من قرات القطن اول حاجه كده الزجاجه اللي انت قطعتها دي هتيجي تحت تحط طبقه كرات القطن الاول حلو حلو وبعدين حضرتك تبدا تحط طبقه الفحم وتبدا حضرتك تحط الرمل فوق مش احنا جايبين فحم اهو ورمل وقطن هتبدا حضرتك بعد ما تقطع الازازه هتبدا تحط كرات القطن الاول وتحط الفحم فوقها وتحط الرمل الطبقات حتى ملونه وباينه قدامك اهي دي طبقه قطن ودي طبقه فحم ودي طبقه الرمل فوق ضعف الزجاجه طبقه من قرات القطن ثم كرات القطن ثم الفحم ثم الرمال جميل طيب وبعدين هنيجي نجيب الوعاء اللي احنا كنا جايبينه نحط فيه الماء ونحط عليها تراب ايه ده هنحط التراب على الميه اه عشان يبقى عندنا ماء ملوث عشان نبدا نختبر الفلتر اللي احنا عاملينه بيقول لك اهو اضف التراب الى كوب الماء حتى يصبح الماء غير نظيف. اذا احنا معانا دلوقتي ميه مش نضيفه ميه عليها تراب خلاص هنبدا نعمل ايه؟ هنبدا ان احنا نصب الميه دي يا اد على الطبقات اللي احنا عملناها الماء اللي احنا حاطين عليه تراب هنبدا نصبه هنا كده هيبدا ينزل الميه من على الرمل وبعدين الفحم وبعدين طبقه القطن بعد شويه عارف هتلاحظ ايه الماء اللي انت كنت بتصبه من هنا كان ملوث هتلاقيه بدا ينزل من هنا ماء نظيف ماء نظيف اه طب ليه طيب لان الطبقات دههي بدات تفلتر الميه وتشيل اي حاجه بتلوثها منها بس خد بالك ان الماء ده اهو ماء نظيف اه بس غير صالح للشرب غير صالح للشرب ليه يا مستر ما هو ماء نظيف حبيبي الطبقات دههي شالت اي حاجه موجوده في الميه زي الاتربه لكنها مش بتقدر تشيل الميكروبات اللي انت ما بتشوفهاش علشان كده احنا لازم نيجي بقى بعد كده نعالج الميه ثاني علشان تبقى صالحه للشرب كمان وعادي جدا ممكن نستخدمها في الزه بسرعه الماء اللي بيعدي من هنا ماء نضيف اه ما فيش فيه اي شوائب لكن مش خالي من الميكروبات احنا ما ينفعش نشرب الماء ده على طول لازم نبدا نعالجه من الميكروبات لان الفلتر ده مش بيشيل الميكروبات بس هي دي الفكره ودي فكره عمل مرشح اليه يا اد بيقول لك اهو اضف التراب الى كوب الماء حتى يصبح الماء غير نظيف حلو مرر الماء الملوث اللي انت عملته عبر الزجاجه المثبته بالطبقات اللي هو نموذج المرشح ايه اللي انت هتلاحظه بعد يا دكتور بعد يا دكتوره ما تبدا تصب الماء من هنا وتستنى شويه هتبص تلاقي الماء اللي نازل هنا ماء مش ملوث ولا حاجه ماء نظيف ماء ما فيش فيه اي ملوثات خالص ولا في اي تراب عادي جدا من اللي انت كنت حاطه علشان الطبقات اللي انت عاملها ده بدات تفلتر الميه وتشيل منها اي ملوثات كانت موجوده فيها لكن زي ما قلنا ان الماء اللي نازل هنا غير صالح للشرب وده لان الطبقات دي يا اد مش بتشيل الميكروبات هي بتشيل اي ملوثات زي الاتروباه كده لكن مش بتقدر انها تشيل الميكروبات علشان كده احنا لازم نتغلب على المشكله دي بعدين تعال نشوف الملاحظه كده كل الكلام اللي قدامك ده انت مش بتحفظه انت بتقراه بس مره واتنين وشكرا والحاجات المطلوبه منك هقول لك دلوقتي ايه المطلوب منك الملاحظات والاستنتاج بعد مرور الماء الملوث خلال نموذج المرشح نلاحظ ان الماء في الوعاء البلاستيكي تحتها يبدو نظيفا عارف الراجل قال يبدو نظيفا ليه ليه ما قالش كلمه نظيفا على طول برده لان لسه فيها ميكروبات المرشح بالطبقات بتاعته ما شالوهاش خلاص يبدو نظيفا مع عدم وجود اي شوائ هو الفلتر فعلا والطبقات شالت الاتربه واي حاجه موجوده في الميه لكن ما قدرتش تشيل الميكروبات الموجوده فيها تمام التحليل والاستنتاج طبقات القطن والفحم والرمال قامت باحتجاز التراب اللي كان موجود في الميه خلاص بص كده لكنها لم تقم بتنقيتها من الملوثات الاخرى ايه هي الملوثات الاخرى الميوبات الميكروبات دي هي مش بتقدر تشيلها لذلك هي تبدو نظيفه لكن هي في الحقه مش نظيفه لازم ان احنا نبدا نتغلب على مشكله الميكروبات اللي موجوده فيها تمام مما جعل الماء الناتج عن المرشح يبدو نظيفا بص كده ولكنه غير صالح للشرب ليه مش صالح للشرب لان لسه في ميكروبات لازم نعالجها تمام بنفس الطريقه كده يا اد احنا نقدر نستخدم نفس الطريقه كده علشان احنا ننقي قي ماء الشرب ننقيها الاول وبعدين نبقى نعالج مشكله الميكروبات بعدين احنا دلوقتي عندنا ماء عزب في ملوثات عايزين نشيل الملوثات دي نعدي الماء على مرشح فيبدا الماء يبدو نظيفا لحد ما حضرتك تعالج الميكروبات اللي موجوده فيه بنفس الطريقه كده يا اد احنا بنعمل مرشح بنفس الطريقه كده بالظبط لذلك لو حبينا نختصر التجربه اللي فاتت دي كلها فاحنا عندنا هنا جهاز الجهاز ده اسمه ايه مرشح ها الماء الجهاز ده يا باشمهندس بيخش له ماء ملوث يطلع منه ماء ايه؟ ماء نظيف او شبه نظيف لحد ما احنا نبدا نتخلص من الميكروبات اللي فيه دلوقتي اقدر اقول لك عرف لي مرشح الماء عباره عن جهاز بيحول الماء الملوث الى ماء نظيف وانت عرفت ازاي؟ عن طريق الطبقات اللي موجوده جواه وهو ده اللي انا عايزه منك يا دكتور ما المقصود بمرشح المياه؟ بكل بساطه جهاز بيحول المياه الملوثه الى مياه نظيفه وعايز اقول لك على حاجه كمان بص كده معايا دي اسئله الامتحانات اهي دي اسئله الامتحانات بص كده في سؤال اكتب المصطلح العلمي اول سؤال وج السنه اللي قبل اللي فاتت جهاز يزيل الشوائب من الماء هو ده تعريف يا باشمهندس مرشح المياه مرشح المياه هو جهاز بيشيل بيزيل الملوثات من الميه او جهاز يحول الماء الملوث الى ماء نظيف جميل اخر بقى جزئيه موجوده عندنا في المفهوم تعالوا نفهمها بحب يا اد دلوقتي احنا كل يوم بنبدا نستهلك الميه صح طبعا ده انا لسه حتى من شويه كنت بصلي واتوضيت الميه اللي انا اتوضيت بيها دي راحت فين بتمشي في قنوات كده محدده الميه دي يا اد بعد ما نستخدمها بيبقى اسمها ميه مستخدمه بس بيني وبينك ما بنسميهاش كده بنسميها مياه الصرف الصحي دلوقتي الانسان اهو بدا ان هو يستهلك الماء يستهلك الماء اللي بيستحم واللي بيغسل ايده واللي واللي واللي واللي واللي بينضف بالميه حاجه دلوقتي احنا استهلكنا ميه صح الميه بقى بعد احنا ما استهلكناها بتبقى ماء مش نظيف اهو ماء غير نظيف اهو ماء غير نظيف طب الماء الغير نظيف ده جاي منين؟ جاي نتيجه استهلاك الانسان للميه الميه اللي الانسان استخدمها في الانشطه اليوميه بتاعته او ممكن عادي جدا نستخدمها في الصناعه خلاص المهم يا باشمهندس الماده احنا بنسميها في الحياه العمليه بتاعتنا مياه صرف صحي لما تسمع حد كده يقول لك مياه صرف صحي دي كده الميه اللي احنا استخدمناها في الانشطه اليوميه بتاعتنا بس هي ماء مش نظيف طبعا طب الماء دي احنا بنعمل فيها ايه يا اد الانسان بياخد الماء بتاعه الصرف الصحي دي ويبدا ان هو يعديها على محطات المحطات دي بنسميها محطات معالجه مياه الصرف الصحي محطات معالجه مياه الصرف الصحي بيبدا ياخد الميه دههي يعديها على المحطات دههي عشان يبدا ان هو يعيد استخدامها مره اخرى والانسان فعلا لما بيعيد استخدام الميه مره اخرى فكده الانسان بيتغلب على مشكله نقص الميه خلاص طب ليه انت بتعيد استخدامها مره اخرى بص كده للتغلب على مشكله نقص الماء بس الله ينور عليك لو فهمت الكلمتين دول في عندنا ميه يا اد اسمعوني كويس في عندنا ميه الانسان بيستخدمها في الانشطه اليوميه بتاعته زي انك تغسل ايدك تستحم تستخدمها في الصناعه في مصنع الميه دي بعد ما تستخدمها بتبقى ماء مش نظيف بنسميها عندنا مياه الصرف الصحي دي الميه اللي الانسان استخدمها في الانشطه اليوميه بتاعته او كجزء من عمليه صناعيه انك استخدمتها في الصناعه يعني طب الميه دي بتروح فين يا مستر محمد؟ بناخدها يا حبيب قلبي نوديها على محطات بنعالجها بنعالجها في محطات معالجه مياه الصرف الصحي طب يا مستر بنعالجها ليه؟ حلو قوي السؤال علشان نعيد استخدامها مره ثانيه طب ليه طيب يا مستر؟ لان احنا عندنا كميه الميه مش كتيره فبالتالي احنا بنحافظ على الميه بتاعتنا ونعيد استخدامها عشان نتغلب على مشكله نقص الماء اللي هي الندره يعني. طيب كمان في حته كده انت لازم تكون فاهمها لان الراجل ممكن يجيب عليها سؤال اكمل عارفين يا اد الشمس الشمس لما بتطلع بتدينا الطاقه الشمسيه الجميله بتاعتها طاقه الشمسيه ركز بقى كده عشان تعرف ايه اللي بيحصل في الطبيعه من ورا ضهرك بيبقى في هنا كده بحر مثلا بحر او محيط او نهر او اي مكان في ميه لما اشعه الشمس بتوصل للميه اللي هنا يا اد بيحصل تبخر الماء اللي في البحر لما اشعه الشمس تفضل تجي له كده طول اليوم الماء اللي هنا بيحصل له ايه؟ تبخر يعني ايه تبخر؟ بيطلع الماء دههو في صوله بخار يفضل يطلع يطلع طول اليوم بقى طول ما هو طالع لفوق يا اد هتاخد الكلام ده السنه اللي جايه بيحصل له تكثف البخار لما يتكثف يرجع يتحول لميه ثاني فبيبدا يديني قطرات ماء اهو قطرات ماء قطرات الماء ده يا اد بتبدا تلتحم ببعض وتعمل لي سحب فالسحب بتتكون تكون عند التحام قطرات الماء اللي جت من تكثف البخار. السحب دي طبعا هي اللي بتبدا تعمل لك ايه؟ المطر بقى بعد كده هي اللي بتنزل لك المطر خلاص تخيل ان في هنا جبل كده ومنطقه عاليه طبعا المطر بينزل من هنا يفضل الماء يتجمع والماء يفضل يمشي يمشي يمشي يمشي لحد ما ايه يرجع للبحر تاني كل ده على فكره حاجه طبيعيه الانسان مالوش دخل بيها فالماء بيمشي في دوره في الطبيعه الماء بيمشي في دوره لوحده الدوره دي بتبدا بسبب مين بسبب الطاقه الشمسيه فالماء طلع من هنا لف ورجع لهنا تاني عمال يلف في دايره مقفوله اسمها دوره الماء في الطبيعه مين هي المحرك الرئيسي للدوره دي؟ الطاقه الشمسيه هو بقى جايب سؤال على الحته دي تمام على فكره الانسان بيساهم في حركه الميه على الارض على فكره ازاي مش الانسان بياخد الميه اللي ما بقتش نضيفه يروح يعالجها ويرجعها نضيفه ثاني عشان يبدا يرجعها للنهر او يبدا يرجعها للمسطحات المائيه اني طالما الانسان بياخد الميه يعالجها فكده الانسان مساهم في حركه الميه على الارض. بص بقى الكلمتين دول كده عشان نخلص. شوف الحته دي ممكن تيجي اكمل. بص كده يتم تدوير المياه على الارض واعاده استخدامها. بص بقى وتعد الطاقه الشمسيه هي المحرك الاساسي لدوره الماء في الطبيعه. الولد فاهم يعني ايه دوره ماء في الطبيعه ولا كان فاهم يعني اصلا ايه الطاقه الشمسيه هي المحرك الرئيسي بالكلمتين اللي شرحناهم دول فالولد فهم يعني ايه الطاقه الشمسيه هي المحرك الرئيسي لدوره الماء في الطبيعه كتير من الناس بيعدي الكلام واحفظ ياض احفظ يا بتخلاص مش عايز الولاد يبقوا كده يا جماعه خلاص طب صح ام خطا في الامتحان هل يساعد الانسان على حركه المياه على الارض نعم طب ازاي الانسان بيساهم في حركه الماء على الارض ازاي من خلال اعاده تدوير المياه المستعمله احنا قلنا الانسان لما بيستخدم الميه الميه اللي بتبقى مستعمله دي بنسميها مياه الايه؟ مياه الصرف الصحي الانسان بياخدها يعالجها بيعمل لها معالجه في المحطات علشان يعيد استخدامها ثاني ويتغلب على مشكله الايه؟ نقص الميه ونقص الجوده كمان والندره المهم عندي دلوقتي ما المقصود بمياه الصرف الصحي دي الميه اللي الانسان استخدمها في الانشطه اليوميه بتاعته او استخدمها في الصناعه بكل بساطه هي المياه التي استخدمها الانسان في الانشطه اليوميه او كجزء من عمليه صناعيه يعني استخدمها في الصناعه تمام الانسان بياخد الميه دي يعمل فيها ايه بيعالجها بيعالجها فين في محطات معالجه مياه الصرف الصحي دي بقى حته مهمه جدا ودي بتيجي في الامتحان اكمل واختياري كتير قوي واختياري عندنا محطه يا اد اسمها محطه بحر البقر في مصر المحطه دي من اكبر محطات معالجه مياه الصرف في العالم مش عندنا في مصر بس محطه ضخمه جدا على فكره تمام فدي الحته دي بتيجي اكمل واختياري فتركز فيها عندنا محطه تعتبر محطه نقط في مصر من اكبر محطات معالجه مياه الصرف الصحي في العالم محطه بحر البقر موجوده عندنا في مصر جميل طيب انا عايز اسالك سؤال اللي شغالين في محطه معالجه مياه الصرف الصحي دول ايه دكاتره دول ايه اطباء بقى دول ايه؟ ناس شغالين في الميكانيكا لا دول مهندسين في عندنا ناس اسمهم مهندسوا معالجه مياه الصرف الصحي دي شغلتهم بقى شغالين في معالجه مياه الصرف الصحي مهندسين لان دي يعني ده علم ودراسه اسمه دراسه معالجه مياه الصرف الصحي يا ولاد فبالتالي اللي بيشتغلوا هناك اسمهم مهندسوا معالجه مياه الصرف الصحي مهندسين شغالين في معالجه مياه الصرف الصحي طب الناس دي بقى بتعمل ايه علشان يعالجوا لنا الميه ويرجعوها نضيفه ثاني ونقدر ان احنا نستخدمها تعالوا نشوف بص يا سيدي قبل ما نشرح الجزء ده كده سؤال من الاسئله اللي احنا هنحلها النهارده والسؤال ده جه امتى السنه اللي فاتت فين في الدليه 20 25 اهو يقوم مهندسه معالجه مياه الصرف الصحي بادوار كثيره اذكر اثنين منها شوف احنا هنقول لك كتير اهو انت هتذكر اثنين بس ولو السؤال دههو جه في الامتحان ابقى اذكر الاتنين دههم جميل كيف يقوم مهندسه معالجه مياه الصرف الصحي بمعالجتها بيعملوا ايه في المحطات عشان يعالجوها شوف في البدايه بيعملوا ان هم يحددوا اماكن انشاء مرافق لمعالجه الميه تحديد اماكن انشاء مرافق معالجه اليه بيحددوا المكان اللي هينشوا فيه الحاجات اللي هيعالجوا فيها الميه ثاني حاجه تحديد الطرق وتصميم الادوات اللازمه لازاله المواد الضاره من الميه طبعا كل حاجه وليها طريقتها كل حاجه ولها طريقه الازاله بتاعتها تمام حسب الدراسه اللي هم درسوها تحديد الطرق وتصميم الادوات اللازمه لازاله المواد الضاره من الميه اخر حاجه بيعملوها مراقبه عمليه المعالجه واختبار الميه اللي تم معالجتها قبل ما ياخدوها يا اد ينقلوها للانهار لانها بقت ميه كويسه والبحيرات لازم يتاكدوا من تمام عمليه المعالجه لان الميه دي لو ماتعالجتش كويس ونزلت النهر ممكن تاثر على الاسماك والكائنات البحريه اللي موجوده هناك خلاص ليه طيب بيعملوا كده للتاكد من انها امنه وصالحه للاستخدام يبقى كيف يقوم مهندسه معالجه مياه الصرف الصحي بمعالجتها ايه هو طبيعه شغلهم في المحطات بيعملوا ايه تحديد اماكن انشاء مرافق معالجه الميه تحديد الطرق وتصميم الادوات اللازمه لازاله المواد الضاره من الميه مراقبه عمليه المعالجه واختبار الميه قبل ما نرجعها للبحر او النهر او البحيره وذلك للتاكد من انها امنه وصالحه للاستخدام مش بيعملوا كده بس بالاضافه الى ما سبق برده برده تمن دور ومهام مهندسه ومعالجه مياه الصرف الصحي بيقوموا يا اد باختبار مصادر المياه علشان يحصلوا على ميه صالحه للشرب اختبار مصادر المياه للحصول على ماء صالح للشرب ودي حته مهمه تصميم طرق لحمايه المجتمعات من الفيضانات ودي مهمه عارفين السؤال دههو عارفين السؤال دههو يقوم مهندسه معالجه مياه الصرف الصحي بادوار كثيره اذكر اثنين منها انا هقول الاثنين دول اختبار مصادر المياه للحصول على ماء صالح للشرب وتصميم طرق لحمايه المجتمعات من الفيضانات تمام كده المفهوم بتاعنا بيكون انتهى وزي ما انت عارف الورق بتاعنا بينزل لك على جروب التليجرام اللي موجود في الوصف تحت ما تكتبش اي حاجه خالص هو بينزل لك زي ما هو كده تعالوا دلوقتي نحل المفروض ان احنا كنا كنا بنسيب الكلام ده واجب وبنحله مع مراجعه المفهوم لكن انا عايز احل الكلام ده دلوقتي للاهميه هنحله كله تقريبا كده في سبع دقاق لان كاتب لك حاجات وهتسهل علينا من وقت الحصه تعالى بص يا بطل صح ام خطا يعمل بعض مهندسي الصرف الصحي بمحطه بحر البقر صح طبعا بيشتغلوا هناك ليه علشان يعالجوا ميه الصرف الصحي الزياده السكانيه خلي بالك احنا بنحل على الدرس الثالث والرابع والخامس يعني انت لازم تكون مذاكر كويس الزياده السكانيه من اهم العوامل التي تؤثر سلبا في الاستدامه صح الزياده السكانيه والتوزيع غير المتكافئ للموارد والتلوث وطبعا الافراط في استهلاك الموارد الاربع حاجات اللي احنا كتبناهم الحصه اللي فاتت انا عايزك بس تنتبه ان كلها او معظمها اسئله السنه اللي فاتت بيقول لي زياده زمن الاستحمام يساعد على ترشيد استهلاك الميه لا احنا بنرشد الاستهلاك بتقليل وقت الاستحمام الافراط في استهلاك الموارد الطبيعيه يساعد على الحفاظ عليها؟ لا طبعا ده ده اصلا كان احد اسباب استنزاف الموارد انت ما ذاكرتش الحصه اللي فاتت مش انا قلت لك اسباب استنزاف الموارد اربع حاجات الزياده السكانيه والافراط في استهلاك الموارد والتلوث والتوزيع غير المتكافئ يعني انا ابقى حافظ وانت لا وانت اللي هتمتحن مش انا لا يا باشا انت اللي تبقى حافظ انا ماكنش حافظ قدك ذاكر كويس ذاكر كويس يا دكتره علشان الامتحانات قربت طيب يمكن معالجه مياه الصرف الصحي واعاده استخدامها احنا بنعمل كده فعلا فين؟ في محطات معالجه مياه الصرف الصحي اختر الاجابه الصحيحه الصيد الجائر للكائنات الحيه من اسباب الاستنزاف هو من اسباب الافراط والافراط يعني استنزاف طبعا مش حمايه ولا ثبات ولا استدامه الافراط في استخدام مياه الابار يؤدي الى استنزافها ما انت عمال تاخد منها كتير كتير كتير كتير ومش مستني المطر ينزل يعوضها لك من طرق الحفاظ على الموارد الطبيعيه عندنا حاجتين حمايه الموارد او الاستدامه دول اللي خدناهم الحصه اللي فاتت يا دي يا دي عندك الاستدامه اهي من طرق الحفاظ حمايه الموارد او الاستدامه اكتب المصطلح العلمي جهاز يزيل الشوائب من الماء مرشح المياه استهلا لاك الموارد بمعدل اكبر مما يمكن تعويضه ده الاستنزاف فاجر لما قلنا الحصه اللي فاتت لما تاخد منها كتير بمعدل اكبر من امكانيه التعويض ده اسمه استنزاف المورد اهو استنزاف المورد او ممكن تقول استنزاف الموارد عادي مياه تم استخدامها واصبحت ملوثه مياه الصرف الصحي مياه الصرف الصحي بص انا عايزك برض تلاحظ كم سؤال من الاسئله اللي بتيجي في الامتحانات من اخر من اخر حاجه اتكلمنا فيها النهارده تمام اكمل من امثله من الامثله التي تؤدي الى استنزاف الموارد الطبيعيه احنا عندنا اسباب كتير تؤدي الى استنزاف الموارد زي مثلا الصيد الجائر خلاص استنزاف مياه الابار عندك كمان القطع المستمر للاشجار خليك في الصيد الجائر كويس طيب تتسبب ندره المياه في نقط بعض الاسماك في موت اللي هو بيؤدي الى انقراض خلي بالك ان نضره الميه تموت الاسماك باعداد كتير والموت باعداد كتير يؤدي الى الانقراض من التهديدات التي تواجه المياه العازبه الندره ونقص الجوده اهو الندره ونقص الجوده يا جماعه انتوا بتحلوا دلوقتي اسئله مش بس متوقعه لا ده متوقعه جدا والله العظيم الاسئله دي يا جماعه بنشوفها في امتحانات كتير جدا الحصه دي مهمه عشان الاسئله اللي موجوده معانا ده تخصيص المحميات يعتبر مثالا على ايه؟ احنا كنا بنخصص المحميات علشان يا باشمهندس نعمل على حمايه المورد مش علشان نستديمه لا عشان نحميه مثالا على حمايه الموارد لان حمايه الموارد كنا بنعملها ازاي نخصص محميات ونمنع الصيد الجائر بقى في بعض الاماكن لو انت فاكر لكن الاستدامه عشان كنا نقدر نعملها كنا لازم ندير اساليب الاستخدام ونستخدم خدم المورد بطريقه حكيمه ماذا يحدث عند بيقول لي استخدام الموارد المتجدده بطريقه سليمه شوف انت لما تستخدم المورد بطريقه سليمه يبقى انت كده بتعمل على استدامته يؤدي ده يؤدي ذلك الى استدامه المورد وتوافره لاطول فتره ممكنه مش عايزك تكون حافظ لي كلمتين من الكتاب وتيجي تقولهم لي بس لا عايزك تفكر احنا دلوقتي بنستخدم المورد بطريقه صح يبقى احنا كده بنستديمه بنخليه ليه موجود لاطول فتره ممكنه نقول له يؤدي اهو يؤدي ذلك لاستدامه المورد خلاص وتوافره لاطول فتره زمنيه ممكن خلاص ما هو ده معنى الاستدامه ان المورد يعيش معاك لفتره طويله طب بيقول لك اكل الابقار جميع العشب قبل ان ينمو عشب جديد. طب ما هو دلوقتي يا باشمهندس العشب الجديد دههو علشان ينمو محتاج وقت طويل. فبالتالي ده يؤدي الى ان الابقار مش هتلاقي حاجه تاكلها تجوع الابقار ولا تجد ما تاكله خلاص لانها اكلت جميع العشب قبل ان ينمو عشب جديد خلاص يبقى تجوع الابقار تجوع الابقار ولا تجد ما تاكله لان العشب يحتاج لفتره كي ينمو خلاص يحتاج لفتره كيمو وده كده طبعا اسمه استخدام غير مستدام والسؤال ده على فكره اي حد يجاوبه حتى لو مش دارس المفهوم طب بيقول لك ماذا يحدث عند استمرار الصيد الجائر للاسماك مش احنا قلنا يا اد ان الصيد الجائر ده بيؤدي الى ندره الاسماك وتقليل فرص الصيد ما هو ده يبقى ماذا يحدث عند استمرار الصيد الجائر ندره الاسماك ندره الاسماك اهو وتقليل فرص الصيد ا خلاص وتقليل فرص الصيد وخلاص طبعا وتقليل فرص الصيد في البحر والمحيط وتقليل فرص الصيد وخلاص طيب بيقول لك ماذا يحدث عند وضع مياه ملوثه داخل المرشح تصبح نظيفه تصبح نظيفه ليه لان اصلا من وظيفه المرشح انه يحول الميه الملوثه الى ميه النظيفه طب ماذا يحدث عند تسرب مخلفات مصنع في احد الجداول المائيه؟ مش احنا قلنا يا اد ان الميه كلها متصله ببعضها يبقى ده يؤدي الى تلوث الجداول المائيه المتصله بالجدول المائي ده لان الميه كلها منفذه على بعض زي ما قلنا الميه كلها متصله ببعض يؤدي ذلك الى تلوث المسطحات المائيه المتصله به يؤدي ذلك اهو يؤدي ذلك لتلوث المسطحات المائيه المتصله به طب ليه ما تقول له يا عم لان جميع المسطحات المائيه متصله ببعض هو انت هتخسر حاجه يؤدي طالما عندك حاجه فيها ميه ملوثه يبقى هي هتصب في حاجه فهتلوثها فلذلك يؤدي ذلك الى تلوث المسطحات المائيه المتصله به ذلك لان جميع المسطحات المائيه متصله ببعضها البعض اكتبها طيب وعلشان وقت الحصه تعالوا نشوف الاسئله المقاليه دي بسرعه كده انا جاوبتها لك اهو بيقول لك علل تهتم الدوله بالمحميات الطبيعيه المحميات دي يا اد بتمنع الناس انها توصل للمورد فبالتالي انا بحميه وبحميه من الاستنزاف طبعا فانا على فكره لازم اشوف الكلمه دههي لان المحميات معموله لحمايه الموارد مش للاستدامه بس يبقى لمنع الوصول للموارد وحمايتها من الاستنزاف طب علل تعتبر ممارسه الاستخدام المستدام للموارد مهمه ما هو يا جماعه افهموا لما نستخدم الحاجه استخدام مستدام يبقى احنا كده بنوفر المورد ده لفتره زمنيه طويله نقول له لان استدامه المورد يعني توافر المورد مستقبلا دون الافراط فيه دون استنزافه طب ما يقول لك علل تعرض بعض الابار لنفاد المياه والجفاف ليه لان حضرتك عمال تاخد منها كميه كبيره في وقت صغير وده بيكون بمعدل اكبر من امكانيه التعويض بواسطه الامتار فنقول له لاستخدام مياه بمعدل اكبر مما يمكن تعويضه بواسطه الامطار والاجابات دي انا كاتبها لك كلها اجابات مختصره بعيدا حتى عن اجابات الكتاب وجميله وصح 100% صح علل يجب الحفاظ على الموارد واستخدامها بعنايه لضمان توافرها لاطول فتره ممكنه لاستدامتها وحمايه شوف الجمال لاستدامتها اهو لاست استدامتها وحمايتها من الاستنزاف لضمان توافرها لاطول فتره ممكنه علل يجب معالجه مياه الصرف الصحي مش احنا قلنا يا جماعه ان احنا بنعالج الميه عشان نعيد استخدامها عشان نعالج مشكله الايه نقص صح ماهو لاعاده استخدامها مره اخرى لمواجهه مشكله ندره الميه طبعا التعريفات مهمه الامتحان تقريبا ما بيخلاش من التعريفات ما المقصود بالاستدامه؟ الاستدامه هو انك تستخدم المورد بطريقه حكيمه بطريقه لا تؤثر على توافره مستقبلا. استخدام المورد بطريقه حكيمه اجابه صح. استخدام المورد بطريقه لا تؤثر على توافره مستقبلا اجابه مظبوطه. حمايه المورد لا الحمايه دي يعني الحد بقى ما حدش هيستخدمه. الحد من من الوصول للموارد واستخدامها ماحدش هيوصل للمورد اصلا بعمل كده ازاي؟ منع الصيد الجائر في بعض الاماكن واقامه المحميات محميه راس محمد في جنوب سيناء وعندنا المحميات وادي محميه وادي الحيتان عندنا فين؟ في الفيوم طيب المحميه الطبيعيه دي مكان مخصص يمنع فيه الصيد او حتى الوصول للموارد الطبيعيه الموجوده فيه اماكن مخصصه يمنع فيها الصيد او الوصول للموارد الطبيعيه الموجوده فيها طبعا احنا جاوبنا على السؤال ده خلاص لما قلت لك هجاوب بالاثنين دول ما اهميه كلا من خرائط مستجمعات الميه على فكره السؤال ده مهم كان في حصه لوحده كنا بنتكلم عن مستجمعات الميه خرائط مستجمعات الميه قلنا انها بتساعدنا في ان احنا ندور على ميه صالحه للشرب وكمان بتقول لنا على الطريق لو احنا ماشيين في رحله بالمركب يبقى البحث عن المياه الصالحه للشرب ومعرفه الطريق اثناء القيام برحله على المركب اذكر ا اهميه محطه معالجه مياه الصرف الصحي دي بتساعدنا في معالجه مياه الصرف الصحي لاعاده استخدامها عشان نواجه مشكله نقص الماء او مشكله الندرره معالجه مياه الصرف الصحي لاعاده استخدامها والتغلب على مشكله نقص الماء اذكر احد العوامل المؤثره سلبا على الاستدامه لا انا ما قلتلكش احد العوامل ده انا قلت لك الاربعه الزياده السكانيه والافراط في استهلاك الموارد والتلوث والتوزيع غير المتكافئ للموارد اذكر مثالا لاحدى المحميات احنا قلنا الاثنين على فكره محميه راس محمد في جنوب سيناء محميه وادي الحيتان في الفيوم اذكر سببين من اسباب استنزاف الموارد مش هقول لك اثنين انا هقول لك الاربعه عشان انا شاطر الزياده السكانيه والتلوث والافراط في استهلاك الموارد والتوزيع غير المتكافئ للموارد شايفها حصه ممتازه جدا يا جماعه حطينا دينا على اسئله مهمه جدا ومعظمها هنشوفها تاني في مراجعه المفهوم ان شاء الله هنراجع المفهوم الاول والتاني كمراجعه شهر ونكمل الشرح ان شاء الله باذن الله الحصص اللي جايه سلام عليكم