قبل ما ابنك يكتب لازم يتعلم المهارات دي تأسيس بالتفصيل الحلقة 1

اهلا وسهلا انا مس ريم ودي الحلقه الاولى من تاسيس بالتفصيل وفي حلقه النهارده هنتكلم عن اول حاجه الطفل بيتعلمها في مسيرته التعليميه وهي مهارات ما قبل الكتابه يعني ايه مهارات ما قبل الكتابه يعني المهارات اللي لازم تكون موجوده عند الطفل قبل ما يبدا يتعلم القراءه والكتابه طيب ايه اهميه تعلم المهارات دي او ليه بنتعلمها في سببين السبب الاول ان الطفل يكون مستعد لمرحله تعلم القراءه والكتابه او زي ما بنسميها مرحله التاسيس وبالتالي هتكون اسهل عليه وعلى اولياء الامور وكمان المعلمات. السبب الثاني هو تعليم والالتزام والانضباط. لو الطفل من دلوقتي وهو بيتعلم المهارات دي اتعلم ان في وقت معين انا بتتزم بيه بنذاكر فيه بعد كده هيكون سهل عليه ان هو يلتزم بوقت المذاكره. ولو اتعلم ان في ادوات لازم احافظ عليها واعينها في مكانها من دلوقتي بعد كده الموضوع ده هيكون سهل عليه جدا لما يروح الحضانه والمدرسه هيقدر يحافظ على ادواته بكل سهوله. هنتكلم عن كل مهاره من المهارات دي ونعرف الهدف منها. والانشطه اللي تساعدنا على تنميتها وهنبدا بالمهاره الاولى وهي تقويه عضلات الايد عشان الطفل يعرف يكتب كويس ويعرف يمسك القلم بسهوله لازم تكون عضلات ايده قويه والنشاط الاول اللي هيساعدنا على تقويه عضلات الايد هو اللعب بالصلصال هنختار اشكال تكون سهله وبسيطه زي الشمس او الورد ونبدا ان احنا نعملها بالصلصال والطفل يقلبنا في خطوات عملها وممكن كمان نخليه يختار شكل معين هو عايز يعمله بالصلصال ويبدا ان هو يعمله لوحده الخطوات اللي الطفل لا يحتاج يعملها بالصلصال علشان يوصل للشكل ده هي دي اللي هتساعد في تقويه عضلات ايده اما النشاط الثاني فهو الكتابه على الرمل او الملح وفي النشاط ده هنحتاج صينيه نحط فيها رمل او ملح وورق يكون مكتوب عليه خطوط بسيطه خالص ونبدا نطلب من الطفل ان هو يقلد الخطوط دي في الرمل او الملح باستخدام صوابع او باستخدام قلم النشاط الثالث هو عصر الاسفنجه وفي النشاط ده هنحتاج طبقين طبق يكون فيه ميه وصابون وطبق يكون فاضي وهنطلب من الطفل ان هو ينقل الميه الميه والصابون من الطبق المليان للطبق الفاضي باستخدام الاسفل. المهاره الثانيه هي الحصيله اللغويه. يعني ايه الطفل يكون عنده حصيله لغويه؟ يعني يكون عارف اسماء كل الحاجات الموجوده حواليه. الحيوانات والطيور والاشكال والالوان والخضروات والفواكه والارقام والحروف. وده عن طريق حاجتين. اول حاجه الفيديوهات التعليميه ولازم نتفرج على الفيديو ونتاكد ان هو مناسب للمعايير بتاعتنا قبل ما نتفرج الطفل عليه. وتاني حاجه الكروت التعليميه. كل حاجه ممكن الطفل يكون محتاج يتعلمها يكون في كروت تعليميه ليها فنقدر نلعب بالكروت دي مع الطفل وهيكون اسهل عليه ان هو يتعلم اسامي كل حاجه المهاره الثالثه هي التركيز والانتباه وده عن طريق حاجتين الحاجه الاولى هي التحفيز والتشجيع وده بيكون بالاقوال او بالافعال بالاقوال يعنيقول الطفل شطور وبرافو عليك كل ما يعمل حاجه صح وبالافعال يعني اديله ستيكر او ختم او اي جائزه من الجوائز الصغيره لما يعمل برض حاجه صحاني حاجه تساعد الطفل على التركيز والانتباه هي الانشطه اللي بتساعد على زياده التركيز والانتباه زي مثلا اللعب بالبازل اي نوع من انواع البازل بيساعد على زياده التركيز والانتباه وكمان نشاط تصنيف الاشياء يعني مثلا الطفل يجيب الالعاب بتاعته كلها ويبدا يصنفها على حسب اللون يحط الالعاب اللي لونها اصفر مع بعض اللي لونها احمر مع بعض اللي لونها بينك مع بعض اللونها اخضر مع بعض وهكذا المهاره الرابعه والاخيره هي هندسه الخطوط بمعنى الخطوات اللي لازم الطفل يمشي عليها علشان يبدا يكتب والخطوه الاولى هي الشخبطه ويفضل ان الطفل يشخبط في الاول باستخدام قلم سميك عن القلم العادي زي مثلا قلم السبوره الخطوه الثانيه هي تعلم الماسكه الصحيحه للقلم في كذا طريقه مختلفه ممكن نعلم بيها الطفل الماسكه الصحيحه للاقلم هنختار الطريقه اللي احنا شايفينها مناسبه للطفل ونبدا ان احنا نعلمه بعد ما الطفل يمسك القلم بالطريقه الصحيحه هيبدا يلون ويفضل انه في الاول يلون رسومات يكون فيها مساحات واسعه للتلوين عشان تكون اسهل عليه وشويه بشويه نعلمه ان هو يلون جوه الرسمه وما يطلعش بره. بعد ما الطفل تعلم الماسكه الصحيحه للاقلم وشخبط ولون جه الوقت ان هو يكتب. طيب هيبدا يكتب ايه؟ في مجموعه من الخطوط لو الطفل اتعلم ان هو يكتبها لوحده هيقدر بسهوله يتعلم يكتب اي حرف او اي رقم بعد كده. طيب ازاي نتعلم كتابه المجموعه دي من الخطوط؟ عن طريق ثلاث خطوات. الخطوه الاولى هي اتباع النقط. الخطوه الثانيه هي توصيل النقط. والخطوه الثالثه ان هو يكتب الخط من غير ما يحتاج اي نقط. اتباع النقط توصيل النقط كتابه الخط من غير ما احتاج اي نقط. والخطوط نوعين في خطوط قصيره على السطر وخطوط طويله بطول الصفحه ولازم الطفل يمشي على نقط بتمثل النوعين دول من الخطوط. كده الطفل جاهز ان هو يبدا تاسيس ويبدا يتعلم القراءه والكتابه واحنا جاهزين لفقره الاسئله والسؤال الاول بيقول ايه هو السن المناسب لتعلم مهارات ما قبل الكتابه والاجابه هي من ثلاث لاربع سنوات السؤال الثاني بيقول هل في ترتيب معين لتعلم المهارات دي؟ الاجابه لا ولكن يفضل ان الطفل يعمل على تنميه مهارتين في اليوم مهاره الحصيله اللغويه والمهاره الثانيه تكون تقويه عضلات الايد او التركيز والانتباه او هندسه الخطوط يعني مثلا في يوم يتعلم عن الحيوانات ويلعب بالصلصال وفي يوم ثاني يتعلم عن الخضروات ويلعب بالمكعبات وفي يوم ثالث يا تتعلم عن الالوان ويلعب بالبازل وهكذا وبكده نكون وصلنا لنهايه حلقتنا والحلقه الجايه هنبدا مع بعض اول درس من دروس تاسيس اللغه العربيه وهو الحروف لو عندك اي سؤال بخصوص الحروف ما تنسيش تسيبيه في الكومنتس تحت عشان ارد عليه في الحلقه الجايه بشكركم جدا على حسن المتابعه واشوفكم الحلقه الجايه ان شاء