طريقه تقصير عبايه دلها مدور سوداء

بسم الله ولا حول ولا قوه الا بالله ازيكم يا حبايب قلبي عاملين ايه يا رب دايما تكونوا بخير وسعاده بحبكم جدا في الله ويا رب ما اتحرمش منكم ابدا النهارده ان شاء الله هقدم لكم تنيه العبايه اللي دي لها مدور ناس كتيره جدا بتسالني السؤال ده ومستصعبين قوي الموضوع طيب خليني اقول لكم بصراحه ان تنيه العبايه فعلا هي سهله جدا بس ساعات بتبقى صعبه حتى على الناس اللي بتشتغل بقالها كتير لان الاجسام المختلفه واللي فيها اختلاف كده مثلا يبقى في امتلا مثلا عند منطقه البطن او الصدر او فيها امتلاف في الارداف فتبصوا تلاقوا ثنيه العبايه من الذيل مش مظبوطه عايزين ناخد كل مقاس لوحده هشرح لكم الحكايه واحده واحده واحنا شغالين بس تعالوا كده ايه نسمي بالله ونشوف احنا هنعمل ايه حطولنا بقى لايك جميل كده للفيديو ونبدا ايه الشغل بتاعنا والفيديو كله صغير كده وخفيف وان شاء الله تطلعوا منه مستفيدين طيب شايفين العبايه اللي في ايديا دي لو عندنا حد احنا بناخذ مقاسه بالمازوره وبنتعامل معاه على طول وعارفين مقاسه بالسنتيمتر كده بيبقى الموضوع ان شاء الله سهل المهم قبل ما اقص العبايه الديل بتاعها الكتف على بعضه وبظبط تحت الباط الخياطه بتاعه تحت الباط والكم مع بعضه زي ما انتم شايفين كده والخياطه بتاعه الجنب وبفرد العبايه على البنك بالشكل ده لازم ازبط العبايه الاول قبل ما اقص الكتاف وازبط الكم مع بعضه الخياطه اللي تحت البط مع بعضها والجنب وابدا احط المازوره عند اعلى نقطه في الكتف اللي هي من بعد الرقبه على طول على الكتف كده على اعلى نقطه بصوا انا بشاور لكم برضو عشان ايه تاخدوا بالكم مش على الحته اللي هي على الكتف من تحت لا على الكتف من فوق كده تمام طيب طول العبايه دي بالمازوره 127 سم تمام وهو الجسم يعني متناسق ما فيش في البطن ولا في الارداف والحاجات دي القص بالمازوره بيبقى كده ايه اسهل شويه الصعب بس في الخياطه على المكنه الدوران بتاع الديل مش اكتر اللي بيصعبوا اكثر ان احنا بنبقى عايزين نسيب ثانيه احتياطيه يعني عايزين مثلا نعمل الثانيه عريضه 3 سم او 4 سم او 2 سم في 2 سم زي ما انا هعمل فهتشوفوها معايا دلوقتي زي ما انتم شايفين كده انا بمشي بالمازوره واحده واحده ومثبته المازوره من عند الكتف من فوق المازوره ثابته وبمشي الدوران بصوا زي ما انتم شايفين كده واعلم علامات طبعا انا كده شغاله العبايه على الوش المفروض اشتغلها على الضهر بس انا كده ايه يعني عملتها كده بحيث ايه انجز بسرعه وفي نفس الوقت الماركه دي خفيفه وهتدى معي في الشغل هبدا دلوقتي اقص هسيب مثلا حوالي اربعه سنتي عشان هعمل تانيه اتنين سنتي في 2 سم ودي بتكون اصعب حاجه في العبايه اللي فيها دوران التانيه العريضه لما اكون حتى فرده واحده هنتنيها تانيه واحده بتكون اسهل شويه لما تكون هنعمل تانيه في تانيه طيب انا دلوقتي هشتغل على المكنه وللاسف ان اللون الاسود مش بيبقى يعني واضح قوي في الشغل بحاول اوضح على قد ما اقدر بس وانا بشرح لكم بالكلام كده اللي مش واضح في الكاميرا هتفهموه من من الشرح بتاعي ان شاء الله طيب اول حاجه عشان ابدا الخياطه بتاعتي ببدا من عند اي خياطه يعني خياطه الجنب مثلا او الخياطه اللي في نص الضهر بحط الخياطه على بعضها واعمل التانيه اتنين سنتي في اتنين سنتي وابدا كده اسمي بالله واعمل فرماتوره او تثبيته صغيره كده وابدا الخياطه بتاعتي اتنين سنتي في اتنين سنتي وما اشتغلش بقى كده على طول وخلاص لا شايفين انا بحط صوابع يعني ايدي الشمال بحطها كده ايه في قلب التانيه من جوه واشد بايد الشمال من التانيه من جوه واسيب ايدي اليمين مرتاحه كده ما اشدش بها العبايه تمام بحيث الحركه دي بتسهل علي شويه لان طبعا دي العبايه بيبقى واسع فكل ما بننزل يعني من العربيه مثلا من الوسط فوق الارداف للذيل كل ما بننزل كده على اوسع اوسع اوسع فالديل بيبقى اوسع حاجه فبيكون مثلا لما جتني الجزء بتاع الديل تحت اوسع من الحته اللي فوقيه فاهمني فبتظبطش معايا تجي وانا بتني كده لو ما اخذتش بالي ابقى ثانيه وابص الاقيها تيجي معايا على رفيع ما تظبطش معايا التانيه ابص القماش ما فيش في الاخر طب ايه الغلط ابقى مش عارفه فاهمين لكن لما نعرف التريكات بتاعتنا هتبقى الدنيا معي ايه سهله فلما نبدا من عند اي خياطه سواء الخياطه اللي في نص الضهر او الخياطه اللي في الجنب ابص الاقي وانا شغاله الخياطات كلها لازم تبقى مع بعضها الخياطه جايه على الخياطه ما تبقاش بعيده عنها لو بعيده عنها مرحله هيبقى في مشكله في التانيه واي زياده الاقيها في الديل وانا باتني اعمل بنسه صغيره كده بايديا واروح ايه كسراها حته قماشه كده تمام بنسه صغيره عشان خاطر ايه يعني المقاسات تبقى قد بعضها بصوا البنسه اللي بعملها بايديا كده الاقي مثلا القماش معبي من فوق الديل طبعا بقول لكم من اخر يعني حته تحت بيبقى اوسع بين الصغيره طول ما انا ماشيه كده عشان اضبط التانيه لازم بتني 2 سم في 2 سم فلازم كلها تبقى قد بعضها ومضبوطه طالما انا قصه مضبوط شايفين وانا بوريكم كده طيب لو انا مش واخده المقاس بالمازوره وواحده قدامي لابسه العبايه كده وبرفع لها المقاسات على حسب الجسم برضو يعني ما اخدش المقاس احط دبوس كده في مكان واحد في الديل وخلاص لا زي ما بقول لكم الاجسام ممكن تكون مختلفه يعني ممكن حد يكون عنده امتلاء مثلا في منطقه السدر او البطن او الارداف فالعبايه بيبقى الديل من تحت في اختلاف يعني ممكن الطول بتاع الضهر يبقى اطول شويه من الامام فاحط دبوس في نصف الامام تمام كده اتني العبايه لفوق من عند الديل من تحت واحط دبوس ومن عند خط الجنب اتني برضو ممكن تكون المسافه من عند خط الجنب اقل شويه تمام كده واحط دبوس يعني اقل او اكتر على حسب ما انا برفع المقاسات وعند نصف الظهر كده برضه احط دبوس واطني ايه واحط اتني العبايه لفوق واحط دبوس يعني اخذ المقاس العبايه من ثلاث اتجاهات الامام والجنب ونصف الظهر شايفين البنس انا بوريها لكم هو اللون الاسود بجد بيبقى يعني رخم جدا في التصوير بس هو العبايه اللي جاتلي سوده فحبيت برده بصراحه اوريكم الفكره انكم بتطلبوا الفيديو ده كتير جدا المهم بعمل كده الشغل بتاعي بالمكواه وبعد كده البنس اللي انا عملتها من جوه دي ما بتبانش خالص بالعكس دي بتزبط الشغل وبتخلي الدنيا كويسه يعني شويه مثلا بنشد التانيه من جواها كده بايدينا الشمال بصوابعنا واحده واحده مش زابطه معنا قوي نعمل البنس الصغيره دي ويطلع الشغل مزبوط والعبايه دي لها كده عدل وكويس وزي الفل بالشكل اللي انتم شايفينه ده واتمنى طبعا يا حبايب قلبي يكون الفكره وصلت لكم واستفدتم واستودعكم الله والسلام عليكم ورحمه الله وبركاته