كيفية رسم أشكال هندسية ثلاثية الأبعاد خطوة بخطوة

بعد ما اعرفنا على المنظور وعلى فكره الموديل شيت بشكل عام مهم جدا ان احنا نعرف واحنا بنرسم الموديل شيت ان احنا بنعتمد برض على الاشكال الهندسيه والشيبس لل كراكتر اللي انا برسمه وابقى فاهم كويس جدا ازاي ان انا ارسم الكراكتر من اشكال مختلفه ليها عمق الكلام ده كله عشان كده هنتعرف ازاي ان احنا الشيبس والاشكال الهندسيه ازاي ان احنا نعمل لها عمق فتعالوا نتفرج مع بعض ونجرب مع بعض ونشوف هنعمل ايه زي ما اتكلمنا قبل كده الاشكال الهندسيه بتاعتي الاساسيه اللي هي الدايره والمربع مثلا والمستطيل والشكل البيضاوي والمثلث والشكل الاسطواني مثلا والشكل اللي هو المعين فلو احنا طبقنا القاعده بتاعتنا اللي هي بتاعه خط العين ف او الهورايزون اللي هو خط الافق وبدانا ان احنا نعمل خطوط كده علشان خاطر نعرف الاشكال بتاعتنا دي هنرسم ازاي فهيبقى سهل جدا ان احنا نطبق اللي احنا اتعلمناه على الاشكال الهندسيه يعني لو رسمنا المربع زي ما جربنا قبل كده من الوش هيبقى بالطريقه دي لو المربع برسمه من ا انا باصص عليه من تحت هيبقى بالطريقه دي وليه عمق بالطريقه دي لو انا بصص على المربع بتاعي من فوق هلاقي الشكل بتاعي بقى بالطريقه دي ده اللي احنا اخدناه مع بعض وجربناها طيب الدايره بتاعتي دي الدايره بتاعتي لو انا راسمها فهي عباره عن كوره ا الكوره دي لو رسمتها بصص عليها من تحت شكلها مش هيتغير لو انا بصص عليها من فوق شكلها مش هيتغير ممكن اللي يتغير هنا بس ان انا لو عايزه اديها عمق هديها شويه ظل بالشكل ده علشان يديني العمق بتاعها اللي انا محتاج اشوفه يعني فدي الاشكال اللي انا شايفها ولكن هيتغير نقطه مهمه جدا هنا ايه النقطه اللي هتتغير ان انا عندي ده خط المنتصف بتاعها وده خط ا المنتصف التاني وده خط المنتصف الثالث هنا لو بصينا هنلاقي خط المنتصف موجود هنا في الحته دي نيجي هنا هيبقى واخد كيرف لفوق بالطريقه دي هنيجي في الحته اللي تحت ده هنلاقيه واخد كيرف لتحت بالطريقه دي ده اللي بيحدد لي الشكل بتاعي طلع لفوق ولا لا نفس الفكره هنا هنلاقيه ان هو ممكن يكون طلع لفوق شويه وهنا نزل لتحت شويه لو جينا نطبقه على الشكل المستطيل هيبقى نفس الفكره بالظبط اللي احنا بنعملها مع المربع فهن شوف الشكل من تحت ليه عمق ولو انا بصيت من فوق برضو نفس الفكره هلاقي ان بقى ليه عمق بالطريقه دي نفس الحكايه خط المنتصف هيبدا هنا هيبقى فوق شويه وهنا هيبقى تحت شويه على حسب ما انا باصص للشكل منين لو جيت بصيت على الشكل البيضاوي لو طلعته لفوق او نزلته لتحت فهيبقى نفس الفكره خط المنتصف هنا هيبقى واخد كيرف لفوق وخط المنتصف هنا هيبقى واخد كيرف لتحت بالطريقه دي المثلث بتاعي لو انا برسمه هنا فلو المثلث طلعته لفوق اللي هيحصل هشوف العمق بتاعه على حسب المثلث بتاعي ده العمق بتاعه عامل ازاي ولو جيت ارسمه او ابص عليه من فوق هلاقي ان الشكل ا بتاعي بقى بالطريقه اللي انتم شايفينها دي فبقى ليه عمق واضح من فوق وليه عمق واضح من تحت نفس الفكره في الشكل الاسطوانه فال الاسطوانه لو انا بص لها من الجنب هحس ان هي واخده شكل مستطيل شويه لو طلعتها فوق ايه اللي هيحصل هلاقي ان انا شايف الاسطوانه من تحت اكث ومن فوق هتبقى مدياني كيرف بالطريقه دي لو انا بصيت للاسطوانه من فوق هلاقي ان شكل الاسطوانه بيبقى بالطريقه اللي انتم شايفينها فبقيت شايف هنا العمق بتاعها شايف هنا العمق بتاعها وفي نفس الوقت خط المنتصف اللي هيحصل فيه ان هو هياخد كيرف لفوق وهنا خط المنتصف هياخد كيرف لتحت بالطريقه دي واخيرا مع الشكل المعين لو رسمته فوق فانا برسم الشكل المعين بتاعي بالطريقه دي ولكن هنا هيبقى ليه عمق واضح جدا ان انا شايف الشكل المعين بتاعي من تحت وفي نفس الوقت لو انا رسمته تحت خط العين او تحت خط الافق هبقى شايف الجزء اللي فوق اللي احنا شايفينه ده فبقى في عمق للاشكال الهندسيه بتاعتي واضح تماما المفيد في موضوع العمق ان انا لما باجي اعمل الموديل شيت بتاع اي شخصيه بتاعتي ببقى فاهم كويس جدا لو هو رافع راسه لفوق او هو جسمه لفوق شويه او تحت شويه عينيه هيكون مكانها فين مكان دراعه هيبقى طالع منين مكان التيشيرت بتاعه فين في في الشكل العام بتاع الشخصيه فكل ده في الاخر بيخليني ان انا قادر افهم كويس جدا وانا بعمل الموديل شيت بتاعي ان الحاجات كلها تكون في نفس المكان ما تتغير علشان اقدر احافظ على على شكل الكتله بتاعتي بشكل بسيط وواضح تماما تعالوا نكمل مع بعض جربوا طبعا الاشكال الهندسيه جربوا ان انتم تعملوا المنظور بتاعها ان انتم ترسمو من اي اتجاه هتلاقوا ان الموضوع معاكم بقى مختلف وتعالوا نكمل مع بعض ونشوف الموديل شيت هنقدر نعمل فيه ايه تاني