تربية اسلامية 6 ب ترم اول غزوة حنين

بسم الله الرحمن الرحيم اهلا بكم يا ابطال مع درس جديد من دروس التربيه الاسلاميه للصف السادس الابتدائي الترم الاول درسنا النهارده بعنوان غزوه حنين لما المسلمين فتحوا مكه سنه 8يه هجريا ظهرت قوه المسلمين وبدا نفوذهم يتسع في المنطقه كلها في الوقت ده زعماء القبائل اللي حوالين مكه بداوا يخافوا على نفسهم وعلى ملكهم ومنهم واحد اسمه مالك بن عوف مالك بن عوف كان زعيم قبيله اسمها هوازن كان زعيم ايه قبيله اسمها ايه اسمها هوازن القبيله دي كانت قبيله كبيره جدا يعني كان عددهم كبير ملك بن عوف كان خايف من قوه المسلمين اللي بتزيد كل يوم وحس انهم ممكن ياخدوا منه ملكه فجمع مالك بن عوف الجيش بتاعه واستعان كمان بقبيله ثانيه اسمها اسمها سقيف استعان بقبيله اسمها ايه؟ سقيف وبقى عدد الجيش اللي جعهوا 30,000 مقاتل خد ال 30,000 مقاتل وراح يواجه المسلمين ويحاربهم يحاربهم فين؟ في مكه فهل فعلا الحرب حصلت في مكه؟ تعال نشوف لما طلع مالك بن عوف بالجيش وصل الخبر للنبي صلى الله عليه وسلم ولما عرف النبي ان الجيش ده جاي على مكه علشان يحارب المسلمين استعد بجيش المسلمين وخرج علشان يقابلهم خارج مكه يعني الرسول صلى الله عليه وسلم ما استناش لما مالك بن عوف يوصل لمكه الرسول قرر انه يخرج ويقابلهم وتحصل الحرب خارج مكه وهو ده اللي حصل فعلا وكان عدد جيش المسلمين في الوقت ده 12000 مقاتل خد بالك احنا بنقول جيش المسلمين 12000 مقاتل وجيش هواز 3000 مقاتل ومع ذلك المسلمين كانوا حاسين في الوقت ده ان عددهم كبير جدا لان الرقم ده في عدد المسلمين ما حصلش قبل كده فحسوا ان عددهم الكبير هيبقى سبب في النصر هتقول لي ازاي الكلام ده؟ دول عددهم اقل بكتير من عدد العدو هم 12000 والعدو 30,000 اقول لك ايوه ما هم المسلمين متعودين في كل الحروب على الحكايه دي ان يكون عددهم اقل من عدد العدو وينتصروا بفضل الله والمره دي لما لقوا عددهم 12000 بقوا واثقين من نفسهم وهنا لازم نتعلم درس مهم وهو انك تكون واثق من نفسك دي حاجه كويسه لكن ما تقولش ان قوتك وعددك هم سبب النصر لان النصر دوما من عند الله مهما كانت القوه ومهما كان العدد لذلك المسلمين حصل لهم حاجه اتعلموا منها الدرس ده كويس ايه الحاجه اللي حصلت لهم دي؟ هقول لك حالا لما المسلمين خرجوا من مكه فضلوا ماشيين ماشيين ماشيين لغايه ما وصلوا عند ممر جبلي بين مكه والطائف في ممر كده بين جبلين وكانت المفاجاه منتظراهم في المكان ده ايه المفاجاه دي؟ لقوا سهام العدو نازله عليهم من كل مكان سهام سهام سهام كتير جدا نازله عليهم فطبعا في ناس من المسلمين اتصابوا وناس استشهدوا وبدات صفوف المسلمين تتفرق عن بعضها وناس تجري هنا وهناك علشان يبعدوا عن السهام المفاجاه كانت قويه جدا على المسلمين بس مين اللي كان ثابت في الوقت الصعب ده؟ ايوه هو النبي صلى الله عليه وسلم وكان حواليه بعض الصحابه فنادى الرسول على المسلمين بسرعه علشان يرجعوا للقتال وفعلا المسلمين لما سمعوا صوت النبي رجعوا تاني وقاتلوا بشجاعه حتى نصرهم الله اللي حصل ده كان صعب على المسلمين لكن اتعلموا منه اهميه التوكل على الله وانك مهما كانت قوتك اوعى تتغرب القوه او تتغرب العدد الكبير النصر دايما منين؟ النصر دايما من عند الله وبعد انتهاء المعركه غنم المسلمون اموالا كثيره واخدوا اسرى من العدو اسرى يعني خدوا ناس من الاعداء وهم احياء الاسرى دول من الاعداء لكن هم حاليا تحت سيطره المسلمين النبي صلى الله عليه وسلم اظهر الحكمه والرحمه في معامله الاسرى فاطلق صراحهم يعني ايه اطلق صراحهم يعني سابهم يرجعوا لاهلهم سالمين وده كان سبب في ان كثير من الاسرى دخلوا الاسلام لما شافوا معامله النبي صلى الله عليه وسلم لذلك احنا بنعتبر غزوه حنين انتصارا عسكريا ودعويا عسكريا ليه لاننا انتصرنا في الحرب ودعويا ليه دعويا من ناحيه الدعوه من ناحيه انتشار الدعوه الاسلاميه يعني دعويا لان الاعداء وغيرهم في المنطقه كلها عرفوا حكمه النبي ورحمته في التعامل مع الاسرى وتعلم المسلمين من اللي حصل حصل في غزوه حنين ان النصر الحقيقي من عند الله والنصر يكون بالايمان والصبر مش بس بالقوه او العدد وكده خلص درسنا النهارده شكرا على حسن المتابعه والسلام عليكم ورحمه الله وبركاته ‏Yeah.