خطوات تحويل الأسكربت لفيديو السبورة البيضاء Whiteboard Animation على Canva

النهارده هنعرف مع بعض ازاي تصمم فيديو بطريقه السبوره البيضاء وايت بورد وده هيكون على كانفا مجانا ومش هتحتاج انك تشترك في كانفا برو وهتعرف في الفيديو طريقتين الطريقه الاولى وهي انك تصمم فيديو جديد من افكارك والطريقه الثانيه انك تحول اي صور موجوده على جهازك لفيديو بطريقه الوايت بورد فتعالى مع بعض نعرف اول طريقه وهي تصميم فيديو من افكارك باستخدام السبوره البيضاء وايت بورد اول حاجه هتفتح كانفا وبعد كده هتضغط على فيديو وهتلاقي ابعاد الفيديو مكتوبه تحت وهي 1920 في 1080 هيظهر ليك فيديو خالي تماما علشان تبدأ التصميم عليه وقبل ما تبدأ التصميم هتشوف ايه الافكار اللي في دماغك او ايه سكريبت الفيديو اللي معاك وعايز تحولهم لوايت بورد يعني انا مثلا هصمم دلوقتي مقدمه فيديو النهارده واللي انت شفتها من شويه والمقدمه كانت فيها اربع جمل رئيسيه هنمسك كل جمله ونحولها لوايت بورد و أول جمله كانت بتقول النهارده هنعرف مع بعض ازاي نصمم فيديو بطريقه وايت بورد فهنا اخد الكلمات الرئيسيه للجمله زي هنعرف مع بعض وزي وايت بورد وزي فيديو ونحاول ان احنا نخليها حاجه ملموسه قدامنا على الوايت بورد وطبعا كل واحد فينا ليه الافكار والابداع الخاص بيه فانا هصمم تخيلي واحساسي بالجمله وانت طبعا تقدر تعمل احسن منها بكتير فانا مثلا هكتب وايت بورد تكست واضغط عليه واختار من التكست إضافة عنوان واكتب وايت بورد واختار المكان المناسب للجمله وليكن مثلا المكان ده وبعد كده هختار الخط المناسب او الخط اللي انت عايزه يعني مثلا هختار النموذج ده واكبر الخط شويه لغايه ما يكون مناسب حسب التصميم اللي انا عايزه وبعد كده جمله هنعرف مع بعض عبرت عنها من خلال شخص بيشرح او بيعلم فهضغط على العناصر واكتب شخص يعلم واضغط على جرافيك هيظهر لي كل العناصر اللي بيه اقدر اعبر عن مضمون الجمله وليكن مثلا العنصر ده فهيظهر معايا في الوايت بورد واقدر اغير مكانه وحجمه حسب رؤيتي وبعد كده هعبر عن جمله ازاي تصمم الفيديو بطريقه السبوره البيضاء بانى انا هضغط على العناصر وهكتب في شريط البحث فيديو واضغط انتر وبرضو دايما اختار جرافيكس هتظهر ليا كل العناصر اللي انا اقدر اعبر بيها عن الفيديو وليكن مثلا العنصر ده برضو هيظهر معايا وبرضو هختار مكانه وحجمه حسب رؤيتي للتصميم وبرضو جمله السبوره البيضاء هقدر اعبر عنها بنفس الخطوات ان انا هضغط على العناصر وهكتب في شريط البحث وايت بورد وضغط انتر وهختار جرافيكس هتظهر ليا كل العناصر اللي انا اقدر استخدمها بس انا اخترت العنصر ده وبرضو هختار الحجم بتاعه المناسب للتصميم وهحط لمسات صغيره علشان تخلي الشكل احلى وتخليه يعبر عن الجمله اكتر زي مثلا الاسهم فهضغط على العناصر واكتب أسهم واضغط انتر واختار جرافيكس واختار مثلا السهم ده طبعا هو ابيض مش باين علشان الخلفيه بيضاء فهغير لونه هضغط على الوان واختار اللون مثلا الاحمر واعمل له انعكاس واحاول ان انا اصغر حجمه واعمل له تدوير بقدر الامكان وحسب برضه وجهه نظري واعمل له دبلكيت وانقله للمكان ده واغير اتجاهه مثلا كده وممكن ان انا اكتب جوه السبوره البيضاء دي وايت بورد فهضغط على الوايت بورد اللي هنا واعمل لها دبلكيت وانقلها داخل السبوره البيضاء اللي موجوده هنا وممكن اكتب كمان فيديو واضبطها داخل السبوره اللي موجوده هنا كده انا قدرت اعبر عن الجمله الاولى اللي مكتوبه في المقدمه واللي كانت بتقول النهارده هنعرف مع بعض ازاي نصمم فيديو بطريقه السبوره البيضاء نروح للجمله الثانيه في المقدمه ونحاول ان احنا نصممها بنفس الطريقه على الوايت بورد واللي كانت بتقول وده هيكون على كانفا مجانا ومش هتحتاج انك تشترك في كانفا برو وعلشان تصمم الجمله دي هتضغط على أضافة صفحة علشان يفتح لك صفحه جديده تماما وتبدا في التصميم الجمله التانيه وطبعا احنا معانا الجمله الاولى واللي احنا صممناها قبل كده والجمله التانيه انا صممتها زي ما انت هتشوف دلوقتي طبعا دي كانفا وبعد كده هضغط على العناصر واكتب كانفا واختار جرافيكس واختار من الجرافيكس اللي انا عايزه وليكن مثلا العنصر ده وصغر حجمه واحطه في المكان اللي انا عايزه فهقولك منها العنصر ده واحاول ان انا هغير اللون بتاعه اختار مثلا اللون ده وانقله هنا واصغر حجمه واغير اتجاهه شويه علشان يدي صوره جماليه وبعد كده هصمم جمله ومش هتحتاج انك تشترك في كانفا برو هضغط على العناصر واكتب كانفا برو واختار جرافيكس واختار طبعا كانفا برو بيبقى علامه التاج الذهبي فهختار التاج ده طبعا و هختار اللون بتاعه ذهبي وهغير طبعا حجمه ومكانه وهكتب person displace something يعني شخص يقوم بازاحه شيء ما وهضغط على جرافيكس واختار مثلا الجرافيك ده وانقله في المكان اللي انا عايزه واغير حجمه واحاول ان انا اظبط التصميم بتاعي وكده انا قدرت اعبر عن الجمله الثانيه وهي ان انا هستخدم كانفا مجانا من غير كانفا بردو ده من وجهه نظري او تخيلي للجمله وانت تقدر تصمم احسن من كده بكتير ونروح للجمله الثالثه في المقدمه واللي محتواها بيقول وهتعرف في الفيديو طريقتين الطريقه الاولى وهي انك تصمم فيديو جديد من افكارك والطريقه الثانيه انك تحول اي صور موجوده على جهازك لفيديو بطريقه الوايت بورد دي كانت اطول جمله في المقدمه وهنقدر نعبر عنها ونصممها على الوايت بورد بكل سهوله فهضغط على اضافة صفحة علشان اعبر عن الجمله دي وابدا تصميم جديد ‏ وبكده انا قدرت اعبر عن الجمله التالثه فاضل اخر جمله في المقدمه وهي الجمله رقم أربعه وعلشان نعبر عنها هنضغط على اضافة صفحة ونبدا في تصميم الجمله كده بقى عندي اربع فيديوهات بيعبروا عن مقدمه الفيديو والخطوه الاخيره اني احولهم لتصميم بالوايت بورد واول خطوه علشان احول الفيديوهات لوايت بورد ان انا هضغط على share وبعد كده هضغط على download واختار NG من نوع الملف واتاكد انك مختار كل الصفحات اللي انت مصممها من خانه select pages وبعد كده هتضغط على download وبعد كده هتضغط على start download وكده الفيديوهات بقت موجوده عندك على الكمبيوتر بصيغه PNG و نروح للخطوه الثانية والاساسيه لتصميم الفيديو بطريقه الوايت بورد وهي انك هتضغط على التطبيقات وتكتب في شريط البحث speed paint وبعد كده هتضغط انتر هيظهر ليك ايقونه التطبيقات هتضغط عليها وهيطلب منك اختيار الملفات اللي انت عايز تحولها لوايت بورد فتضغط على اختيار ملف وتحدد مكان الملفات وفي حالتنا هنا هي الملفات اللي احنا عملنا لها داونلود من شويه وهتلاقيها على هيئه ملفات مضغوطه لانها عباره عن اربع صور PNG وتقوم بعملية فك ضغط للملفات وتبدأ في تحميل كل صوره في كل مره يعني مثلا هنختار الصوره الاولى ونضغط فتح هتظهر معانا هنا في المعاينه وفي اختيارات لتصمييم الوايت بورد يعني زي مثلا انت عايز الفيديو 30 فريم في الثانيه ولا 60 فريم ولا 120 فريم فهسيب الاختيار الافتراضي ال 60 فريم زي ما هو وفي خانه مدة الرسم وهي بتحدد الوقت اللي بيتم فيه رسم الملف ده وعندك اختيارات من اول ثانيه لغايه 20 ثانيه وده انت بتحدده حسب مده الجمله اللي انت عايز تعبر عنها بالوايت بورد وفي خانه مدة ملىء الألوان وهي بتحدد الوقت اللي هيتم فيه تلوين الملف ده وده في حاله ان الملف فيه الوان زي الحاله بتاعتنا هنا لو عايز الالوان تظهر هتحدد المده اللي بيتم فيها تلوين الملف اما لو مش عايز الالوان تظهر معاك فهت اختار الاختيار الاول لا لملىء الالوان وبرده انت بتحدده حسب مده الجمله او المقطع الصوتي اللي انت عايز تحوله يعني مثلا لو انت اخترت مدة الرسم 5 ثواني ومدة ملىء الألوان 3 ثواني يبقى المقطع كله هيبقى في حدود من 8 الى 9 ثواني فخلي بالك من النقطه دي ان مدة الرسم ومدة ملىء الألوان هم اللي بيحددوا الوقت الزمني لمقطع الفيديو اللي انت بتصممه ونيجي لاختيار لون الخلفية وهو اختيار لون خلفيه الفيديو فهنا تم تحديد الاختيار الافتراضي الابيض وانت لو عايز تغير اللون تقدر تغيره من الخانه دي والاختيار اللي بعد بعد كده إضافة تأثير رسم اليد اللي هو تاثير اليد اللي هي بترسم في الوايت بورد وده طبعا تاثير معروف ومحبب فهنختاره والاختيار الاخير وهو إضافة تأثير التلاشي يعني في نهايه الفيديو ممكن ان انت تعمل تلاشي وبعد ما تخلص الاختيارات وقبل ما تضغط على صفحة متحركة هتضغط على اضافة صفحة عشان تظهر صفحه بيضاء ويظهر عليها الفيديو بعد التحويل فهتضغط على صفحة متحركة هيبدأ البرنامج في تحويل الصوره لفيديو وايت بورد وهياخد في حدود دقيقه كده ظهر معانا الفيديو هنحاول طبعا ان احنا نظبط ابعاده ونعمل تشغيل علشان نشوف النتيجة وزي ما انت شايف النتيجه سريعه ومبهره وهتعمل نفس الخطوات مع باقي الفيديوهات وفي كل مره لا تنسى انك تضغط على اضافة صفحة كده بقى عندك 4 فيديوهات وعلشان تضمهم ويبقوا فيديو واحد هتضغط على share وتختار download وتختار mp4 واتاكد انك مختار كل الصفحات اللي هما 4 فيديوهات اما لو عايز انت فيديو محدد من الفيديوهات دي ممكن تختاره لوحده وتعمله داونلود انما احنا هنختار 4 فيديوهات علشان يبقى فيديو واحد وبعد كده هتضغط على داونلود وتحدد المكان اللي هينزل فيه الملف على الكمبيوتر وتضغط start download والنتيجه انت شفتها في مقدمه الفيديو اما لو عايز تحول اي صوره عندك لفيديو بطريقه الوايت بورد فهتضغط على فيديو وتفتح تطبيق speedpaint وتضغط على choose file وتختار الصوره اللي انت عايزها وبعد كده هتظبط الاعدادات وتضغط على صورة متحركة هتلاقيها اتحولت على طول لفيديو بالسبوره البيضاء كده احنا عرفنا اسهل واسرع طريقه لعمل فيديو بالسبوره البيضاء