دراسات الصف الاول الاعدادي الترم الثاني مراجعه شهر ابريل دراسات اولى اعدادي ميس ياسمين عطالله

طلاب الخطه طلاب اولى اعدادي طلاب ميس ياسمين يلا بينا الشهر الثاني يا حلوين الشهر الثاني يعني كاني بقول لك خلاص كده الف مبروك الترم بيخلص فشد الهمه ويلا اوعى تشد اللحاف شد الهمه اوكي سيب اللحاف اوكي وشد معايا الهمه ويلا بينا على شرح دروس الشهر الثاني واللي بجد بجد دروس لطيفه جدا واسهل كتير من الشهر الاول دي وجهه نظري المتواضعه فقولوا لي انتوا وجهه نظركم نسمي الله ونبدا دا مستعدين يلا بينا اول درس هنتكلم عنه هو درس التعدين والطاقه والصناعه في افريقيا هنتكلم عن ثلاث عناصر فعلا هنتكلم في الدرس ده عن التعدين ومصادر الطاقه والصناعه وبعد كده العادي بتاع كل درس من الدروس المشكلات والجهود اللي حلها فتعالوا نبدا بالتعدين ربنا سبحانه وتعالى ادى قاره افريقيا ثروات معدنيه مهمه مهمه جدا كتيره جدا ونقدر نستخدمها علشان يكون عندنا تنميه مستدامه يعني تنميه لينا وللاجيال اللي بعدنا لدرجه انه من كتر ما احنا عندنا ثروات معدنيه الامم المتحده قالت علينا ايه ايه ده هم سابوها تقول علينا اه عادي جيب في سيرتنا عادي الامم المتحده قالت علينا ايه قالت ان الفتره من 2016 ل 2025 ده عقد التنميه الصناعيه الثالث في افريقيا عقد يعني 10 سنين فده ثالث عقد للتنميه الصناعيه في افريقيا خليك فاكر من 2016 ل 2025 وخليك فاكر معلش عشان خاطري الاسم عقد التنميه الصناعيه الثالث في الثالث ما يجيش يقول لك الثاني في صح وغلط وانت قشطه احنا المهم ان احنا عندنا تنميه صناعيه لا طيب ليه؟ قال لي علشان احنا عندنا مصادر طاقه ومعادن بتاهلنا ان احنا يكون ا عندنا تنميه صناعيه وصناعات فاوكي ميرسي يا امم المتحده اللي جبتي في سيرتنا الخريطه بقى اللي قدامنا دي بتقول لك احنا عندنا قد ايه مصادر طاقه ومعادن وفي اهم الدول هتقول لي يا خبر احمر وهي هتقعد تقول لي يا لهوي اقول لك ولا كانك شايفها سيبها ويلا بينا نبدا باول عنصر في الدرس وهو التعين التعدين مصدر مهم جدا للدخل مصدر بيدخل لي فلوس علشان كده حتى لما تلاقي حد شغال في مجال استخراج المعادن هتعرف ان هو داخله كويس ده على مستوى الاشخاص فتخيل بقى على مستوى القارات والدول طيب اديني دليل على كده هقول له والله لما بنستخرج كميات كبيره من المعادن وبنصدرها للخارج فده بيحقق لنا فلوس وان كان احنا نقدر نحقق فلوس اكت من كده ان احنا نصنع المعادن دي عندنا بس ما بيحصلش فبيجي يقول لك اديني دليل انه التعديم مصدر مهم من مصادر الدخل في افريقيا هقول له اه والله احنا بنستخرج كميات كبيره من المعادن وبناخدها نروح زي ما هي كده عليها بوسه ونصدرها للخارج فاحنا كافريقيا بنتلك من احتياطي المعادن اللي موجود في العالم 30% ودي نسبه كبيره فدي ادله على انها مصدر مهم بيدخل لنا احنا فلوس اللي بعده مقاومات النشاط التعزيمي النشاط الشاط التعديني علشان يقوم قال لي لازم مقاومات طبيعيه ومقاومات بشريه زيها زي اي حاجه في الدنيا زي الزراعه والسياحه وغيره نبدا بالمقاومات الطبيعيه قال لي اول حاجه ان انا يكون عندي موقع جغرافي كويس احتياطي معادن نوع الصخور هيفرق معايا وحركه القشره الارضيه وضحي لنا اكت يا مس يلا بينا نمسك الموقع الجغرافي قال لي والله لو انا ال المعادن بتاعتي متركزه قريبه من بعض وفي مناطق قريبه من السكان في مناطق قريبه من السكان وقريبه من المصانع قريبه من تركز سكاني وتركز صناعي ادي المصنع بتاعي اهو تمام فانا لو عندي اماكن المعادن قريبه من اماكن سكان واماكن صناعه ففي الحاله دي هستخرجها بتكلفه اقل وخد لي بالك علشان موضوع التكلفه اقل دي مرتبطه بموقع ايه؟ موقع جغرافي. تمام؟ والعكس صحيح لو هي بعيد بقى فانا لسه هعمل خط سكه حديد وابني للعمال مصانع هناك وابني لها مصانع قريبه منها عشان المعادن اللي تطلع تدخل المصانع دي شغلانه يعني. فلو موقعي الجغرافي قريب من اماكن تراكز سكان وصناعه هيبقى الموضوع زي الفل. عندي مثال على كده اه عندي عند البحر الاحمر عندي في مصر في اماكن فيها حديد ونوع من الحديد حلو جدا ومع ذلك انا ما بستغلهوش ولا باجي جنبه ولا بطلعه ليه؟ قال لي علشان موجود في اماكن متفرقه وبعيده عن وسائل النقل وفي مناطق وعره عند جبال فمش بستخدمه تاخرنا في استغلاله فيفرق الموقع طيب ايه كمان قال لي نوع الصخر نوع الصخر بياثر على نوع المعدن ويجي يقول لك اديني ده ليه؟ اقول له يا سلام لو صخور ناريه ولا متحوله تطلع لي معادن ولو صخور رسوبيه تطلع لي معادن ثانيه الصخور الناريه والمتحوله من اهم المعادن بيجي يسالك عليها حديد ا حديد ايه ذب وماس و نحاس اما المعادن او الصخور الرسوبيه فزي الفوسفات والجبس فخد بالك من الامثله طيب اللي بعده من المقاومات الطبيعيه حركه القشره الارضيه قال لي حركه الكسور اللي موجوده في القشره الارضيه الكسر موجود كده وفي عروق كده متكونه مثلا هنا عندي عروق ذهب هل هي تكوينات مائله هل هي شكل شروخ او عروق متركز عندها معادن بكميه كبيره فتفرق حركه القشره الارضيه واهمها عروق الذهب اخر عامل طبيعي هو الاحتياطي انا عندي في الحصاله قد ايه يعني انا بطلع معدن حديد اوكي بس عندي تحت في باطن القشره الارضيه قد ايه احتياطي حديد تمام فالاحتياطي بيحدد الجدوى الاقتصاديه لاستغلال المناجم بناء على ايه؟ قال لي بناء على كميات المعادن الموجوده في وطن الارض في مناطق فيها مليانه معادن وفي مناطقيه المخزون اللي تحت ما يستاهلش ان انا اودي هناك عمال وابني ليهم مساكن واعمل طرق ما يستاهلش المخزون حبه صغيرين مش هصرف المصاريف دي كلها عشان اطلع الشويه الاحتياطي اللي قد كده تمام فخد بالك انه كلمه جدوه اقتصاديه دي موجوده في المقاومات الطبيعيه عند الاحتياطي المعدني عشان هناخد كلمه جدوه اقتصاديه دي بس عند المقاومات البشريه عند الايدي العامله فخد لي بالك عند الطبيعي جدوه اقتصاديه في احتياطي معدني تمام طيب دي مقاومات طبيعيه تعالى لي بقى امسك لي المقاومات البشريه قال لي الايدي العامله الناس اللي بتشتغل وسائل نقل عندي ولا ما عنديش يبقى عندي تعزين تقدم علمي وتكنولوجي راس مال طب تعالى نمسك حاجه حاجه الايدي العامله كلما كانت الايدي العامله ناس كفق ومتدربه وعارفه هي بتعمل ايه كل اما بقى عندي انتاجيه اعلى ويقول لك عليها برض كلمه الجدوى الاقتصاديه يعني يطلع لي كميه اهم كميه اكتر تمام وسائل النقل بتاثر توافر وسائل النقل على ايه؟ قال لي بتاثر على تسهيل نقل المعادن من اماكن الاستخراج للمصانع او لو انا باخد اطلعها من الارض اصدرها على طول يعني للمواني وبتاثر كمان على نقل العمال مال فانا لازم يكون عندي بيب بيب وسائل نقل واللي في الغالب مش بتكون بيب بيب عشان انا بهزر يعني في الغالب بتكون خطوط سكك حديديه تمام اللي بعده راس المال الفلوس عمليه التعدين ذات نفسها مكلفه جدا اه المعادن اللي بتطلع بتكسبنا بس عشان اطلعها محتاجه اسرف مصاريف كتيره فعمليه التعديم بتحتاج راس مال ضخم ليه قال لي اشتري معدات مده شبكات الطرق اعمل لي بنيه تحتيه عشان العمال هناك هتعيش حزين كهرباء وميه ومساكن وطرق ف التعديم بيحتاج فلوس كتير علشان المعادن تخرج اصلا من باطن الارض واخر حاجه في المقاومات البشريه هي التقدم العلمي والتكنولوجي بيساعد في ايه؟ قال لي ان انا احدد اماكن المعاد دلوقتي كده بجهاز كده شبه المكنسه اللي بالكهرباء اا ا يعملوا كده ويحد لا بجهاز ايه ده كان ده يعتبر قديم ده بالستلايت بالاممار الصناعيه بيحددوا اماكن فيها معادن ولا لا تمام فتقدم العلمي والتكنولوجي حدد لي اماكن وجود المعادن ويقول لي كمان في احتياطي قد ايه في الحصاله تحت الارض في احتياطي المعادن دي كويس ولا لا وكمان يستخرجوا المعادن باجهزه تكنولوجيه حديثه تمام فاحنا كده خلصنا مع بعض مقاومات طبيعيه ومقاومات بشريه لعمليه يه التعزيم اربعه واربعه خليك فاكر يلا بينا بقى على اشهر المعادن عندي خمس انواع من المعادن مهم جدا تعرف التصنيفه دي عندي معادن اساسيه زي الحديد والنحاس والكروم عندي معادن خفيفه زي البوكسيت اللي بتصنع منه الالومنيوم او البوكسايد عندي معادن نفيسه يعني غاليه زي الدهب والماس وعندي معادن استراتيجيه ونوويه زي اليورانيوم والكوبالت وعندي اخيرا معادن كيماويه زي الفوسفات التصنيفه دي وحياه ربنا هام جدا علشان موضع اسئله كتير يقول لك والله من المعادن الخفيفه الفوسفات تمام طيب ال نمسك اول نوع اللي هو المعادن الاساسيه ونروح على الحديد الحديد اخباره ايه قال لي والله اهميته لو جال بما تفسر بيستخدم في صناعه صناعه الصلب ووسائل النقل كمان طيب حلو انتاج افريقيا منه قال لي 4% بس ده مش انتاج كبير ده انتاج قليل واللي احنا بنطلعه من عندنا بنصدره زي ما هو اتفضل حضرتك خذوا يا دول يا متقدمه صنعوه ورجعه لنا بقى الات بفلوس قد كده تمام فده للاسف من اهم الدول اللي عندها حديد هي دوله جنوب افريقيا تمام اهم دوله عندها حديد في افريقيا النحاس مهم افتح لي اي سلك عندك او اي جهاز كهربائي عندك هتلاقي فيه معدن النحاس فبيستخدم في الصناعات الكهربائيه والالكترونيه والاسلاك اي لاب توب اي موبايل بس موبايلاتنا دلوقتي كلها بقت بلت اند بس افتح اي حاجه من دي بطاريه بتاعه زمان دي الثلاث سنون دول نحاس تمام انتاج افريقيا منه قال لي 15 و7 من الانتاج العل اكتر شويه من الحديد الحديد 4% بس طيب تعال لي على الكروم الكروم مهم حديد وصلب برض الله ده كده الكروم والحديد الاثنين بيدخلوا في صناعه الصلب واكتب لي الملحوظه دي عندك على جنب تمام طيب بيدخل في ايهاني الكروم قال لي في الطوب الطوب الحراري اللي هو الطوب ده انتاج افريقيا انه قد ايه اكت من نص الانتاج العالمي اكت من نص انتاج العالم خارج من عندنا اهم دوله برده هي دوله جنوب افريقيا وهي الاولى مش على مستوى افريقيا في الكروم ده هي الاولى على مستوى العالم كله في انتاج الكروم فكده انت جدول بقى عن استنى استنى جدول بقى يا حلو تكتب فيه الدوله والمعدن او المعدن واهم الدول جدول كده لطيف طب ميس ما هو ممكن يبقى او في مذكره ا ا تبعتوها لنا ولا موجود اقول لك اعمله بايدك بايدك بايدك والله بايدك هيفرق لانه ا تثبيته في دماغك هيبقى اسهل استعاده المعلومه اسهل انت كاتبه بخطك اللي ما يتقراش ده انت بس اللي بتعرف تقراه وبالوانك بقى الحلوه تمام فاكتب لي الدوله والمعدن وتعال لي كده ملاحظي الحلوه هكتب والله جنوب افريقيا خدت فيها ايه الاولى في انتاج الحديد والكروم اروح كاتبه جنوب افريقيا كده في اول خانه في الجدول واروح كاتبه قدامها كروم وحديد واحط جنبها بقيه الحاجات اللي هتطلع لنا جنوب افريقيا شاطره فيها هيفرق جدا جدا في التثبيت ده معاك لان انا عارفه ان دي بالنسبه لكم هي عقده الدرس خلاص طيب ما تجيش ما تعملهاش وتقول لي مش عارف احفظ اهم الدول اعملها وبعد كده نتكلم مع بعض تمام بعد كده احنا خلصنا المعادن الاساسيه حديد ونحاس وكروم تعالى معايا على المعادن الخفيفه اللي هو البوكسايت قال لي ده معدن خفيف سهله قوي اشكله عشان كده كل ما هو الومنيوم مصنوع من البوكسايد ده مهم في ايه؟ قال لي في انتاج الالومنيوم سهل اشكله بقى ده حلل تيتا بقى الالومنيوم دي ومواسير بقى باشكالها فسهل جدا اشكله عشان كده هو بيدخل في انتاج الالومنيوم ويدخل في صناعات كتير كثيره زي الطائرات والسيارات حاجات في الطائرات والسيارات مصنوعه من الالومنيوم انتاج القاره اكت من ربع انتاج العالم يا برده انتاج ونسبه كبيره يبقى الكروم اكت من نص والبوكسايد اكت من ربع الملاحيظ دي اكتبها عندك كده بخط ايدك فوق هتثبت اهم الدول قال لي غينيا البوكسايت موجود فيه غينيا مش غانا غينيا اللي موجوده هنا في غرب قاره افريقيا هنا غينيا طيب اللي بعده الذهب مهم قال لي طبعا الذهب مهم بيدخل في صناعه الحولي وبعض الادويه بيدخل فيها الذهب والصناعات الالكترونيه كمان دي لو جال لي بما تفسر اهميته طيب انتاجه قال لي برده ربع الانتاج بس مش اكت من ربع ربع الانتاج العالمي طالع من قاره افريقيا اشهر دوله هو ذهب ففي غنى في الموضوع فهي غانا غنى هي اولى الدول انتاجا للدهب خد لي بالك هنا غانا لكن هنا غينيا بتاعه البوكسيت تمام غانا هنا بتطل على خليج غينيا الناحيه دي تحت هنا اه غنى بتطل على خليج غينيا وغنيا بتطل على الفطر الاطلنطي والله ده هنا ده اللي انت فيه ده هنا تمام اللي بعده معدن ثاني نفيس الماس بيدخل في صناعه ايه قال لي بيدخل في صناعه المجوهرات والصناعات الثقيله تمام ا المرتبه الاولى عالميا هي افريقيا بتنتج ايه اكت من نص الانتاج زي مين انت اللي قول لي بقى انا لسه قايلاه زي مين اكت من نص انتاج افريقيا طالع منه ايوه قوله لي من اهم الناس المصحصحه هي اللي هتقول من اهم الدول المنتجه قال لي الماس ده غالي قوي فلازم يبقى في السر بتسوانا بتسوانا هي اولى دول افريقيا في انتاج الماس طيب تعالى للمعادن الاستراتيجيه والنوويه نمسك اول معدن اللي هو الكوبالت الكوبالت ده معدن استراتيجي بصنع منه بطاريات الهواتف الذكيه بطاريات الموبايلات والسيارات الكهربائيه البطاريات بتاعتها وغيرها من الاجهزه الالكترونيه وبننتج منه ثلاث ارباع الانتاج عارف يعني ايه ثلاث ارباع يعني كل ده 3 على ا من انتاج العالم موجود عندنا يا دوبك احنا سايبين ربع كده للعالم يمزمزوا فيه لاث ارباع انتاج العالم من الكوبالت بيطلع من قاره افريقيا واهم الدول هو اسمه الكوب فالدوله الاولى فيه اسمها الكونغو الكو والكونغو تمام الكونغو الديمقراطيه وادي مكانها اهو مش الكونغو بس عشان انت عندك كونغو بس هي الكونغو الديمقراطيه اللي بعده اليورانيوم وده معدن نووي بيستخدم في انتاج الطاقه النوويه سواء بقى طاقه نويه سلميه طلعوا لي منها كهربا او شريره كده يعملوا بيها الاسلحه اللي بيحاولوا اليومين دول ايه يخلصوا على العالم قربنا نستخدمها يلا تشاهد بقى مش لازم تذاكر عشان خلاص هينتهي في عندي طلبه بيقول لي مست ممكن الحرب تكبر تبقى حرب عالميه ثالثه طب احنا ايش ضمنا نذاكر ليه ده انت مش الشيطان بيلعب بعقلك ده انت الشيطان قاعد بيشرب معاك شاي والله اعمل اللي عليك وذاكر يا ابني نهايه العالم عشان انت ما تذاكرش الاولى اعدادي طيب من المعادن النوويه وبيستخدم في انطاق الطاقه النوويه اليورانيوم بتنتج افريقيا منه نسبه كبيره مش قليله 17% من الانتاج العالمي واهم دوله عندها يورانيوم ما يبانش عليها خالص اسمها ناميبيا اللي خدناها على اسم الصحراء فاكر صحراء ناميبيا فناميا هي اولى دول افريقيا في انتاج اليورانيوم اللي بعده المعادن الكيماويه وهو معدن هو الفوسفات وده لانه بيدخل في صناعات كثيره قوي يتضاف ليه في مواد كيماويه ويتحول لحاجات كتيره اهم الحاجات الاسمده والمنظفات الاسمده اللي بيرشوها على الارض الزراعيه دي والمنظفات داخل فيها معدن الفوسفات افريقيا بتنتج منه خمس الانتاج العالمي ما اخدناش النسبه دي قبل كده خمس الانتاج العالمي مين اهم الدول في انتاجه هي المغرب المغرب دوله نظيفه وجميله وهي الثانيه عالميا فهي اول واحده على قاره افريقيا وتاني واحده على مستوى العالم كله هي المغ المغرب تمام في انتاج مين الفوسفات حلو طيب كده خلصنا التعدين بمقوماته وخلصنا كمان المعادن يلا بينا ناخد مصادر الطاقه افريقيا ما عندهاش مصادر طاقه كتير احفريه اللي هي تتحفر ونجيبها فحم وبترول وغاز طبيعي ما عندناش وما عندناش كمان توازن في توزيعها يعني لكن ربنا ما بيسيبش الواحد ما عندوش حاجه كده عوضنا بحاجه ثانيه وهي الطاقه النظيفه او المتجدده اللي هي الشمس والرياح والكهرومائيه ا فاحنا طاقه احفريه مش اغنيه فيها لكن الطاقه المتجدده لا عندنا وعندنا بوفره طيب نمسك اول حاجه الاحفريه اللي هم فحم وبترول وغاز طبيعي دي الخريطه اللي لما ببصلها بتتخض فخليك ماشي معايا واحده واحده واحده يعني ايه طاقه احفيه؟ يعني طاقه ناتجه عن حرق مواد ليها اصل حيواني او اصل نباتي يعني انتم عارفين ان البترول ده اصله كائنات بحريه في اغلب الاحوال كائنات بحريه ادفنت في باطن الارض او في باطن القشره الارضيه وعدى عليها سنين تحت ضغط وحراره فاتحولت لبترول وان الفحم ده عباره عن اشجار وبرده اتدفنت واتحولت الايه ا الفحم فطاقه احفريه من التعريفات المهمه اللي عليك هي طاقه بتنتج بتنتج من حرق مواد بحرق بترول او فحم او غاز طبيعي المواد دي اصلها ايه؟ اصلها حيواني او نباتي بجيبها منين؟ هي اسمها احفريه فانا بحفر عشان اجيبها فبجيبها من باطن الارض وللاسف الشديد بينتج عن حرقها ايه؟ قال لي تلوث وثاني اكسيد كربون وبالتالي تلوث البيئه فطاقه احفريه هي طاقه ناتجه عن حرق مواد المواد دي افكرهم باصلهم اه يا بترول ده انت اصلك حيواني ويا فحم ده انت اصلك نباتي وبينتج عن حرقها تلوث للبيئه اللي بعده نمسك اول حاجه وهو الفحم اقدم مصدر من مصادر الطاقه اول حاجه الانسان يعرف انه يحرقها هتحرك مكنه تمام فهو الاقدم وللاسف هو الاكثر تلويثا للبيئه بيلوث البيئه قوي هو فحم اسود اصلا يعني افتكر كده لونه اسود فبيلوث البيئه قوي هو مصدر رئيسي للطاقه في كثير من الدول الافريقيه واهم دوله بتنتجه هي جنوب افريقيا ميس مش جنوب افريقيا كانت الاولى في الحديد والكروم هقول لك شاطر في نفس الجدول حط فيه الفحم هي الاولى في انتاجه جنوب افريقيا طيب البترول قال لي ده بقى لو وانت ما اكتشفتهوش فانت ليك حاله اقتصاديه كده مقشفه سوري يعني وحاله اجتماعيه لا تعليم ولا صحه وعامل كده اهو اكتشفوا عندك بترول في بلدك ف يلا هتزهزه معاك اهي وبقى عندك تنميه اقتصاديه وتنميه اجتماعيه وحالك بقى غير الحال تمام فيه فايه هو مصدر الطاقه اللي بياثر على التنميه الاقتصاديه والاجتماعيه هو البترول وا يعني اهم مثال لينا دول الخليج العربي قبل اكتشاف البترول كانت حاجه وبعد اكتشاف البترول بقت حاجه ثانيه خالص طيب اهم الدول اللي بتنتجه قال لي والله افريقيا ا الدول دي هم خمس دول وبينتجوا 80% من انتاج القاره يعني القاره لو بتنتج 100% فالخمس دول دول بينتجوا 80% وهم نيجيريا والجزائر وانجولا وليبيا ومصر اعرفهم هم ازاي والمصر وليبيا والجزائر دول ثلاث دول عربيه ومعاك انجولا ونيجيريا فمصر ليبيا الجزائر الثلاثه الجيران اللي جنب بعض ومعاهم نيجيريا وانجولا مهم قوي تعرف الخمسه اللي بينتجوا بترول بينتجوه 80% من انتاج افريقيا الغاز الطبيعي مصدر مصادر الطاقه هو احفري اه ومع ذلك هو نظيف ورخيص الثمن عشان كده الاتوبيسات اللي بتب تبقى ماشيه بالغاز الطبيعي يبقى عليها شعله كده من ورا ويقول لك هذه السياره صديقه للبيئه عشان بتعمل بالغاز الايه؟ الطبيعي ف اهم الدول اللي بتنتجه هي الجزائر ومصر ونيجيريا ايه ده ثلاثه من الخمسه بتوع الغاز بتوع البترول فاه ليه؟ لان الغاز الطبيعي في اغلب الاحوال بيطلعوه من نفس الاماكن اللي فيها بترول تمام فهتلاقيه مصر والجزائر ومعاهم نيجيريا خدنا ثلاثه من الخمسه سبنا مين انتوا قولوا لي سيبنا مين هنا تمام يلا بينا تعالى بقى على المصا اللي فات ده كله اللي هي الطاقه الاحفوريه افريقيا ما عندهاش منها كتير لكن الطاقه المتجدده دي افريقيا بتتمتع بغنى فيها فتعال نشوف مصادر الطاقه المتجدده اولا الطاقه الشمسيه مكانه فلكيه قعدتنا فلكيا من هنا لهنا ومرور خط الاستواء هنا ومدار السرطان ومدار الجدي قعدتنا فلكيا خلتناخدين كميه اشعاع شمسي بيحسدونا عليها القارات المتلجه زي قاره اوروبا مثلا فبناخد كميه طاقه شمسيه سنويا كتيره يخلينا احسن قاره في العالم تنتج طاقه شمسيه اهم الدول اللي عندها طاقه شمسيه هي مصر والمغرب وجنوب جنوب افريقيا مصر والمغرب وجنوب افريقيا وكانك هترسم مثلث مصر والمغرب وجنوب افريقيا طاقه شمسيه طيب الطاقه الكهرومائيه اول مصادر الطاقه المتجدده اللي تم استثمارها اول حاجه يستثمروها في قاره افريقيا من الطاقات المتجدده كانت قوه اندفاع الميه ميه تخبط تربونات تولد لي كهرباء الميه دي بقى جايه من انهار ولا جاي لي من مساقط مائيه اللي هي الشلالات ايا كان انا اول مصدر طاقه متجدد استخدمه في افريقيا هي الطاقه الكهرومائيه طيب عندي في افريقيا منها كتير طبعا طالما انا عندي انهار ومساقط مائيه يبقى هقدر اولد طاقه كهرومائيه انهار زي ده انت اتهريت الترم الاولاني انهار نهر النيل وال استنى نهر النيل والكونغو واورنج والزمبيزي والنيجر وعيب والله ارسمهم لك والله ما يصحش يعني يعني الخريطه دي المفروض انها لزقت هنا تمام اهم الدول المنتجه لهرمائيه هي مصر وجنوب افريقيا الله نكمل المثلث لا والله لا والله هي اثيوبيا هي مصر واثيوبيا وجنوب افريقيا امال الكهربائيه او سوري الشمسيه مصر والمغرب وجنوب افريقيا فانا عندي اتنين مشتركين اهو مصر وجنوب افريقيا طاقه الرياح قال لي هلاقيها فين في افريقيا هلاقيها في شمال فوق وشرق وجنوب يعني الغرب مغضوب عليه اه اه اشمعنى في الشمال والشرق والجنوب قال لي لان دي اماكن فيها هبوب رياح بسرعه مناسبه وبشكل منتظم طول السنه يعني في رياح بتهب بانتظام وبسرعه مناسبه فطالما في هواء جاي لي انا بقى اعمل المراوح الطويله دي اللي بنشوفها على طرق السفر اللي عامله كده دي ايوه دي اللي هي دي طويله قوي دي مش مراوح بتهوي الحمام فوق دي بتولد لي كهربا من الرياح فدي طاقه رياح فانهو اتجاهات عندي شمال وشرق وجنوب الغرب من المغضوب عليهم مش من عندهم خلاص طيب من اهم الدول مصر والمغرب وجنوب افريقيا ايه ده ده زي الطاقه الشمسيه نفس المثلث اقول لك الله ينور علي يبقى الهواء والشمس نفس الدول مصر والمغرب وجنوب افريقيا طيب تعالى نشوف بقى الصناعه في قاره افريقيا قال لي ا الصناعه في افريقيا متنوعه طب والله الحمد لله واي متنوعه ليه بما تفسر عشان عندي مواد خام وعندي مصادر طاقه متجدده ما قلتش مصادر طاقه وسكتت لان انا عندي الاحفريه ما عنديش منها كتير وعندي ايدي عامله وعندي سوق افريقيه يعني عندي ناس بتستهلك وتشتري الحاجات اللي انا بصنعها فالصناعات في افريقيا متنوعه اه ليه للاربع اسباب دول تمام تعالى نشوف انواع الصناعات انا عندي صناعات استخراجيه بستخرج حاجه من حاجه فاسمها استخراجيه وعندي صناعات تحويليه يعني الحاجه بتدخل بشكل تطلع لي من المصنع بشكل خالص تعالوا نفهمها واحده واحده نمسك الاول الصناعات الاستخراجيه زي قال لي زي ان انا بطلع معادن صناعات تعدينيه زي ان انا بطلع رخام وجرانيت من الطبيعه زي ان انا بقطع خشب اقطع خشب ده استخراجي اه مش استخرجت الخشب من الشجره استخرجته ولا ما استخرجتوش استخراجيه طيب وزيوت ان انا بعصر البذور واطلع منها الزيوت دي صناعات استخراجيه فخد لي بالك الصناعات الاستخراجيه حاجه بتطلع من حاجه تمام الصناعات التحويليه حاجه بتدخل بشكل وتطلع بشكل تاني خالص وعندي نوعين صناعات تحويليه خفيفه وصناعات تحويليه ثقيله امسك معايا الخفيفه الاول خفيفه زي قال لي زي الصناعات الغذائيه الاكل والله دخلت فراوله هنا طلعت لي من الناحيه الثانيه عصير فراوله تمام زي المنسوجات دخلت قطن طلع لي الناحيه الثانيه ملايه سرير اوكي فصناعات غذائيه وصناعات منسو وجات دي تحويليه خفيفه واشهر الدول في قاره افريقيا اللي عندها الصناعات التحويليه الخفيفه دي هي مصر حلو تعالى بقى للصناعات التحويليه التقيله زي قال لي الكيماويه تكرير البترول الله بترول ده استخراجي يا مس اقول لك اه هيوقعك فيها وبيوقعكم فيها اول ما تشوف تكريير البترول تقول لي صناعات استخراجيه ده استخرجناه خلاص ده تم استخراجه انا جبته عندي اهو اهو البترول اهو وببدا بقى ايه اشيل منه الشوائب واقول اه والله ده بنزين وده سولار وده 92 وده تمام تكرير البترول مش استخراجيه خلاص انا طلعته و بعمل له عمليه تكرير بقى وتنقيه تمام فدي صناعات تحويليه ثقيله خد بالك من ده المطاط صناعه المطاط والصناعات المعدنيه اه خد لي بالك برده من الصناعات الاستخراجيه ارجع كده لسلايد صناعات تعدينيه تعدين طلعت المعادن من بطن الارض تحويليه ثقيله معدنيه انا خدت الدهب اللي انا طلعته اهو وبدات اعمله حلي ولا اخدت ال الحديد وعملت بقى سيارات وطيارات دي تحويليه ثقيله اسمها صناعات معدنيه الثانيه الاستخراجيه اسمها تعدينيه واه والله تفرق والله تفرق انت حر درجاته هتضيع منك انا بنبهك اهو اهم الدول بقى اللي عندها صناعات تحويليه تثقيله قال لي جنوب افريقيا ومصر وغانا والجزائر مصر والجزائر وغانا وجنوب ايه افريقيا اثنين عرب واتنين مش عرب حاجه فيها مشكله اتمنى ان شاء الله تكون الدنيا تمام بالرغم من ان احنا عندنا تقدم في قاره افريقيا في مجالات الاقتصاد والتنميه لكن ما زلنا اقل قارات العالم في الانتاج صناعي اقل قاره في بالضبط كده هي مفرهده كده بص اهي هي افريقيا بالظبط كده احنا اقل قارات العالم في الانتاج الصناعي بالرغم ان احنا في اخر كام سنه بدانا نكون احسن حاولنا نكون افضل في مجالات كتير ولكن احنا اقل وما زلنا اقل ليه عشان عندنا مشكلات ومعوقات تواجه التعدين والصناعه تعالوا نشوفها اه كل دي مشاكل نمسك اول مشكله اول مشكله بتواجه التعدين والطاقه والصناعه كلها مجالات مرتبطه ببعض هي ضعف البنيه التحتيه وضعف شبكات النقل والاتصالات انا عندي الطرق ضعيفه ال وسائل النقل ضعيفه وسائل الاتصالات ضعيفه طب ده يفرق اه طبعا يفرق ما يخليش حد يجي يستثمر فلوسه عندك يعني انت الطرق عندك مش هتقدر تشيل حمولات العربيات اللي انا هجيبها وتنقل المعادن للمصانع اللي انا هعملها عندك ولا انا راجل مستثمر عايش في استراليا وعايز اجتمع بالموظفين بتوعي اون لاين انت الاتصالات عندك ضعيفه فاول مشكله هي ضعف البنيه التحتيه اللي تخص الطرق والاتصالات المشكله الثانيه القطاع الخاص الناس اللي في افريقيا معاهم فلوس لما بيجوا يصنعوا يقول لك والله نصنع حاجات استهلاكيه احنا ايه اللي يخلينا نصنع حاجات ثقيله الحاجات الاستهلاكيه دي كده تتباع بسرعه وتحقق لنا ارباح سريعه زي الصناعات الغذائيه تمام طيب رقم لاثه قال لي ما فيش تعاون ما بين الدول الافريقيه تعاون اقليمي تعاون ما بين دول قاره افريقيا نعمل مشاريع سوا ونسب بعض ما فيش ضعف التعاون في حروب وعدم استقرار سياسي في بعض الدول في قاره افريقيا وللاسف بيزيدوا في ان احنا بناخد المعادن من باطن الارض كده طازه وعليها بوسه ونص نصدرها في شكل مواد خام بدل ما نصنعها فلما نصدرها زي ما هي كده بتبقى بسعر صغير قوي وبعد كده نحتاجها ونشتريها متصنعه باسعار مرتفعه فدي مشكله كمان اخر مشكله عندي هي انه افريقيا ما فيهاش اصلا رؤوس اموال يعني ما فيهاش ناس اثرياء كتيره والدول الافريقيه في شويه منهم ما عندهمش ايدي عامله فاهمه في المجال ما عندهمش اي دي عامله مدربه وده ده بينتج عنه ان انا بعتمد على شركات اجنبيه طالما ما عنديش رؤوس اموال ولا ايدي عامله متدربه هجيب ناس اجانب معاهم فلوس ومعاهم ناس تشتغل هم اللي يعملوا لي ودي حاجه ضعف مش ميزه طيب دي المشكلات هنسيبها كده نفضل كده في مشكلتنا ولا تيجي نحلها تعالوا نشوف جهود افريقيا ومصر عشان ننهض بقى يعني نخلي الدنيا احسن ف نمسك اول حاجه وهي ان انا ا اصنع ومش اصنع حاجات تلوث البيئه اصنع صناعات خضرا والتعدين المستدام اللي هو التعدين اللي ما يلوسليش البيئه واستخدم طاقه متجدده بدل الاحفوريه اللي هي الطاقه النظيفه الشمس والرياح والكهرومائيه اللي ما تلوثش البيئه فاول حاجه ان افريقيا تركز على الصناعات الخضراء الصناعات ما تلوثش البيئه على التعديم بشكل ما يلوثش البيئه على ان انا استخدم طاقه متجدده طيب المجهود الثاني اللي اعمله عشان احل مشاكلي مش انا عندي ضعف تعاون اقليمي قال لي اعمل العكس بقى اعمل لي انشاء تكتلات اقتصاديه يعني شويه دول يعملوا كده كتله مع بعض ويصنعوا سوا ولا يستخرجوا سوا يعملوا مشاريع كبيره سوا فانشاء تكتلات اقتصاديه ومناطق تجاره حره يبقى في كم دوله كده ان البضائع تعدي من هنا لهنا بجمارك مخفضه او من غير جمارك يبقى منطقه تجاره حر فانعش السوق عندي وعند الدول اللي حواليا اللي انا عملت معاهم تكتلات اقتصاديه. رقم لاثه ا الدول الافريقيه تسعى ل انها تتحول من ثقافه الاستهلاك لثقافه الانتاج بدل ما انا بستهلك احول تفكيري ان انا اكون انا المنتجه للحاجات اللي بستهلكها. المشكله مش ان احنا نستهلك المشكله ان احنا ما نصنعش اللي بنستهلكه. تمام؟ فالدول الافريقيه تتحول من ثقافه الاستهلاك لثقافه ان انا انتج وهيترتب على ده وجود استثمارات وتوفير فرص عمل للناس لو انا ركزت كقاره افريقيا انتج هشجع الناس اللي معاهم فلوس يجوا يستثمروا عندي والشباب اللي عندي هيلاقوا شغل لما تتفتح مشاريع عندي مهم قوي السؤال ده رقم اربعه اطور البنيه التحتيه عندي اطور الطرق ووسائل الاتصالات اطور شبكات النقل رقم خمسه ارفع كفاءه العمال والفنيين مش انا عندي في المشاكل ان في بعض الدول ما فيهاش ايدي عامله مدربه ارفع كفاءه الناس دي رقم سته اهتم بالتعليم الفني ما انا هرفع كفائتهم ازاي غير لو علمتهم تعليم فني رقم سبعه انشئ مناطق اقتصاديه خاصه واديها مزايا علىش وتسهيلات و علشان اشجع المستثمرين والناس ان هم يجوا ويعملوا حاجه زي ايه؟ قال لي زي عندي في مصر عملنا منطقه اقتصاديه في شمال غرب خليج السويس ادي خليج السويس في شمال غربه هنا فانشئ مناطق اقتصاديه المناطق دي ادي فيها مزايا وتسهيلات لاي حد هيجي يعمل مشروع ياخد مزايا بقى وتسهيلات ويبقى عنده مجال كمان ان هو يصدر ما هو جنبها قناه السويس فادي له مزايا وتسهيلات علشان ازود الصناعات عندي وبكده نبقى خلصنا الجهود بس في تعريف مهم قوي قوي قوي وهو كلمه التعدين المستدام فاكرين في اول جهود لما قلنا توجه نحو الصناعات الخضراء لما تلوث البيئه والتعدين المستدام ايه بقى التعدين المستدام ده التعدين المستدام يعني اداره المواد المعدنيه الموارد المعدنيه بطريقه تحقق التوازن بين احتياجاتي انا دلوقتي احتياجاتي البيئيه والاجتماعيه والاقتصاديه للاجيال دلوقتي واللي فاتت وطبعا ده بيلعب معايا ده العادي خلاص انا خلاص حفظت السبوره بتلعب معاك يا مس عجبني قوي التعليق ده طيب نقول تاني التعدين المستدام معناه ان انا ادير الموارد المعدنيه بطريقه يبقى فيها بالانس توازن ما بين احتياجات البيئه واحتياجاتي الاقتصاديه يعني مش عشان اطلع معادن الوس البيئه واجيب اخرها تمام و ده للاجيال الحاليه والاجيال القادمه ودي اهم كلمه في التعريف علشان هو اسمه تعدين مستدام وبكده نبقى خلصنا درس التعدين يلا بينا على السياحه يا حلو ويلا بينا على درس السياحه ومن اجمل الدروس اللي عليك بجد بجد جد في المنهج يلا بينا نسمي الله يعني لو عايز تلم درجات ذاكر الدرس ده حلو والله لذيذ في الدرس ده هنعرف ايه هنعرف ايه هي مقاومات السياحه الحاجات اللي لازم تكون موجوده عشان يبقى عندي سياحه واهميه السياحه ايه ومواقع التراث العالمي ويا ترى عندي معوقات بتواجه السياحه وجهود افريقيا فحل المعوقات دي فيلا نبدا السياحه نشاط اقتصادي مهم جدا بيدخل فلوس مهم وبيعتمد على ان انا استثمر الحاجات اللي ربنا اداهااني والحاجات البشريه كمان اللي عندي علشان اجذب السياح وده حاصل في قاره افريقيا احنا في ملايين من السياح اللي بيتحركوا من بلد لبلد جوه القاره او بيجوا لنا من بره القاره عشان يتفرجوا على الاماكن اللي عندنا سواء اماكن طبيعيه او ثقافيه فتعالوا نشوف المقاومات او نقطه في الدرس كالعادي مقاومات طبيعيه مقاومات بشريه زي ما احنا متعودين ايه الحاجات اللي ربنا اداها لافريقيا خلى عندها سياحه موقع جغرافي كويس مناخ حلو حياه بريه كويسه ومظاهر سطح طب ايه هي العوامل البشريه مواقع اثريه وتاريخيه وتنوع اجتماعي وثقافي وتسهيلات اقامه وكرم ضيافه ونضحك في وش السياح قد كده هابي فيس لغايه الاخر اوكي تمام يلا بينا بقى ناخدهم بالتفصيل المقاومات الطبيعيه اول حاجه انه مكان قاره افريقيا الموقع الجغرافي لقاره افريقيا حلو جدا هي فعلا وسط العالم هي قاعده في نص قارات العالم مش بس كده ده هي جاره لاهم قاره من القارات اللي بتطلع صياح قاره مليانه فلوس وسكانها بيحبوا يروحوا يتفسحوا في اماكن كتيره وهي قاره اوروبا جارتنا من ناحيه الشمال خد بالك عشان بسالك على الاتجاه جارتنا من ناحيه الشمال احنا جيران ليها قوي واوروبا دي بيطلع لي منها سياح يروحوا كل حته في العالم فاحنا جيرانها احنا اولى تمام طيب يبقى اول حاجه الموقع الجغرافي ثاني حاجه في المقاومات الطبيعيه وهي الجو ربنا سبحانه وتعالى ادى قاره افريقيا تنوع مناخي علشان قال لي علشان مساحتها كبيره افريقيا هي الثانيه على العالم من حيث المساحه فمساحتها كبيره فتلاقي في فوق مناخ بحر متوسط بعديه صحراوي ومدري واستوائي وزي ما انت عايز يا حلو عندنا تنوع ا منافخي ترتب على التنوع ده ايه؟ ترتب عليه ان انا بقى عندي انشطه سياحيه كتير على مدار السنه ممكن سياح يجي يعملوا عندي سفاري سياح يجوا يروحوا غابات فعندي انشطه سياحيه بتناسب كل انواع المناخ اللي موجوده في القرن فخد بالك لو جا قال لك ليه انا عندي تنوع مناخي عشان مساحتي كبيره ترتب على كده ايه انشطه سياحيه كتيره على مدار السنه السايح يجي في اي وقت هيلاقي اكتيفيتي مناسبه للجو اللي هو جاي فيه تمام طيب اكتر الاماكن اللي المناخ بتاعها حلو وملائم للسياحه شمال افريقيا وجنوبها الشمال والجنوب اش معنى قال لي الشمال والجنوب مناخ معتدل وشمس طالعه كده وسطعه طول النهار واكث فصل السياح بيحبوا يجوا لنا في قاره افريقيا هو فصل الشتاء فهو الافضل للسياح وتلاقي كده والله يعني كنا الواحد ايام الجامعه يبقى خارج متكتك ولابس مليون طبقه ورايح خارج من الجامعه رايح مكتبه اسكندريه يعمل بحث ولا حاجه وتلاقي السياح واقفين بالشورت والك في عز الشتاء ايه يا حبايبي ده ومستمتعين وهفن ومش متلجين ولا حاجه احنا اللي عاملين فيها عواجيزه هم بالنسبه لهم فصل الشتاء عندنا فصل مثالي يجوا ويقضوا فيه وقت ممتع اكث مكانين شمال وجنوب مناسبين للسياحه ليه؟ مناخ حلو وشمس ساطعه اكت فصل السياح بيحبوا يجوا لنا فيه فصل الشتاء طيب ثالث عامل غير الموقع والمناخ تنوع الحياه البريه انا عندي حشائش وعندي غابات وعندي حيوانات وطيور السياح بيحبوا يجوا يتفرجوا على الحاجات دي ف تنوع الحياه البريه مين فيكم اتفرج على فيلم افريكانو بقول افريكان وبارك واحمد السقه وانا زكي وبحبك هو ده الفيلم هو ده المنظر اللي انت شايفه ده تنوع للحياه البريه انهم يدخلوا محميه طبيعيه بالكائنات الحيه اللي فيها بالاشجار بالشلالات بكل الحاجات دي ده تنوع حياه بريه قال لي والدول في افريقيا بقت كمان تستغل عندها حشائش وغابات وطيور وحيوانات وتعمل متنزهات وطنيه ومحميات طبيعيه يه ليه؟ قال لي علشان يحافظوا على الحاجات دي يحافظوا على التنوع الحياه البريه ويستغلوها كاماكن جذب سياحي من اشهر دوله بتعمل متنزهات وطنيه هي كينيا كينيا اشهر دوله بتعمل متنزهات وطنيه طيب خد بالك من الاسم دو اللي بعده لسه في المقاومات الطبيعيه وهي مظاهر السطح انا عندي ارض افريقيا مليانه هنا يا اما هضاب وجبال وسهول وبحيرات وانهار وشلالات زي شلالات فيكتوريا وخد لي بالك منها عشان بتيجي في اكمل واختر وكده وعندي سواحل بقى سواحل شرقيه للقاره وفيها شعاب مرجنيه بالوانها وعندي منخفضات وواحات وكسبان رمليه وعندي جزر مشهوره في السياحه جزيره عندي في مصر اسمها الجفتون الجفن بس مش هنقول نون الجفتون ودي قدام مدينه الغردقه جزيره موجوده في في مصر وعندي جزيره كمان اسمها زنجبار موجوده في تابعه لدوله تنزانيا وخد لي بالك من الدوله اللي زنجبار تابعه ليها خدنا اسم زنجبار ده كمان في التاريخ صح او هناخده تمام طيب فجي يقول لك اديني دليل على تنوع مظاهر السطح قول له يا خبر يا خبر وسع كده هضاب وجبال بل وتلال وشلالات وانهار وبحيرات وسواحل وجزر خد عندك بقى وخد بالك من الجزر اللي موجوده عليك طيب ده كده المقاومات اللي من عند الله الطبيعيه تعالى بقى للمقاومات البشريه قال لي اول مقاوم بشري ان انا عندي مواقع اثريه وتاريخيه اجدادنا سابوها لنا اديني دليل على كده دليل تعال انا عندي الحضاره المصريه القديمه اللي سبت لنا اهرامات الجيزه وغيرها من الحاجات بس دي اشهرها وعندي حضاره كوش اللي موجوده في السودان ترمول فاكر اللي سابت لنا اهرامات ماري ف اه انا عندي الحضارات القديمه سابت لنا مواقع اثريه وتاريخيه والمثالين اهم طيب اللي بعده حاجه بشريه مقاوم بشري هو التنوع الاجتماعي والثقافي انا لو جبت لك مصر كمثال وانت كسائح بقى يعني الحاجات دي كلها بالنسبه لك جديده عليك فانت هتفتح بقك طول ما انت موجود في مصر ليه؟ تنوع اجتماعي وثقافي والله رحت سينا هتلاقيهم لابسين لبس معين وبياكلوا اكل معين وليهم رقصات معينه جيت على اسكندريه لقيت بقى ايه ايو وحاجات كده ولقيت ليهم شكل وطابع مختلف رحت على الصعيد لقيت طابع ثالث خالص رحت على الفيوم ولا على اي محافظه من محافظات الدلتا هتلاقي طابع رابع ولا بورسعيد ولا السويس كل واحد بطريقه الموسيقى والاكل واللبس وكل حاجه فده تنوع اجتماعي و ثقافي انقل لي بقى الكلام ده على قاره افريقيا قال لي افريقيا عندها تنوع اجتماعي وثقافي ايه الدليل والله كل مكان في عادات وتقاليد خاصه بيه في صناعات يدويه خاصه بيه طقوس دينيه فنون اطعمه مهرجانات ثقافيه السايح يجي يبقى مش عارف يعمل ايه ولا ايه يلبس اللبس ده ولا يقلد دول في اكلهم وهكذا تمام؟ فالتنوع الثقافي ده بيوفر حاله من الاستمتاع للسائحين. طيب والله انا لو شفت دول هستمتع جدا هندخل اصلا ونطبل معاهم اكيد يعني. يلا بينا على ثالث مقوم من المقاومات البشريه وهي تسهيلات الاقامه وكرم الضيافه. كتير من دول قاره افريقيا او بعض منهم عندهم بنيه تحتيه خاصه بالسياحه يعني عندهم طرق وتسهيلات اقامه ومنتجعات وفنادق والدنيا زي الفل زي ثلاث دول نفس المثلث اللي خدناه في التعدين او في مصادر الطاقه الشمس والرياح نفس المثلث مصر والمغرب وجنوب افريقيا تمام الثلاث دول دول عندهم تسهيلات اقامه ومنتجعات وقرى سياحيه السيح يجي يتبسط عندنا طيب بالرغم ان دول عندهم بس في دول افريقيه ثانيه لسه الدنيا فيها مشاكل لسه ما عندهمش ا مقاومات بنيه تحتيه تاهل لوجود سياحه عندهم مشكلات طيب بس في كل الاحوال شعوب افريقيا بتتميز بالطيبه وحسن الخلق وكرم الضيافه لدرجه ان السايح يجي هنا يحس بامان والدنيا كله جميله انت عارف انهم خلوا المصريين اودوا المصريين تصنيف المركز الثامن على العالم المركز الثامن على العالم في مساعده الغرباء تلاقي حد غريب تساعده تمام احنا الاسكندرانيه هنا معروف عن حد مش غريب اسكندراني بيسال على عنوان بناخده من ايده نوديه العنوان اصلا يعني ف المصريين عام 2021 مركز تامن على العالم في مؤشر مساعده الغرباء وده بيعكس قد ايه كرم الضيافه تمام فدي هي مقاومات السياحه الطبيعيه والبشريه تعالى بقى ناخد مع بعض اهميه السياحه هي السياحه مهمه قال لي اه دول بيعتبروا السياحه صناعه حيويه صناعه حيويه يعني صناعه حيه قايمه على البشر والتعامل و تمام فخد بالك من الكلمه مهمه السياحه طبعا دخل لي مصدر اللي الدخل القومي من والنقد الاجنبي دولارات بقى ويورو وكده وتجذب لي استثمارات اجنبيه لو انا عندي سياح بيجي لي تلاقي واحد اجنبي معاه فلوس عايز يبني عندي منتجع ولا فندق وكمان بتساعد على التبادل الثقافي وتوفر فرص عمل للشباب فالسياحه مهمه للاربع اسباب دول يلا بينا اه هنا بقى اللعب يا حلو هنا خريطتك قدامك تحدد عليها الاماكن والمواقع التراث العالمي اللي هناخدها دي مهمه جدا جدا ومهمه تتذاكر على خريطه زي ما هي موجوده كده قدامك في الكتاب والله زي ما هي اولا مدينه لاليبيلا لاليبيلا مدينه موجوده في اثيوبيا المدينه دي راجعه للعصور الوسطى هي عباره عن كنائس ومجموعه من الكنائس المحفوره في الصخور بشكل يعني معماري خطير وهي مركز ديني مسيحي بارز وراجع للعصور الوسطى الكا معلومه دول لازم نعرفهم واعرف اسمها ها لا ليبيلا بيلا يعني جميله لاليبيلا في اثيوبيا راجعه للعصور الوسطى مكان اثيوبيا اهي المدينه اسمها لاليبيلا الصخريه موجوده فين في اثيوبيا فيها ايه فيها كنائس راجعه لانو عصور عصور وسطى كان معلومه دي مهمه مع معرفه مكانها على الخريطه طيب مدينه كمان اسمها مدينه جميله في الجزائر ج وجميله في الجزائر دي مدينه اثريه وتاريخيه جمالها في ايه؟ قال لي جمالها ان هي مبنيه على مكان مرتفع اصلا فهي مبانيها على ارتفاع 900 كل مكتر ايه؟ 900 متر من سطح الارض يعني هي مبنيه على مكان مرتفع فهي موجوده على مكان جبلي وغايه في الجمال اسمها مدينه جميله في الجزائر وترجع للعصور الرومانيه اللي بناها الرومان مدينه مدينه لامو مدينه لامو القديمه موجوده في كينيا كينيا فين؟ تحت اثيوبيا يعني هنا في لاليبيلا بتاعه اثيوبيا وهنا تحتيها على طول في لامو في كينيا لامو دي مدينه مبنيه من صخور مرجنيه وخشب المنجروف ايه ده مش احنا الترم الاولاني خدنا ان الشعاب المرجانيه موجوده في الشرق فهي مبنيه من صخور مرجنيه وخشب منجروف اللي كان موجود هنا برده وهي مركز مركز لدراسه الثقافات سواء اسلاميه او السواحليه فاكرين اللغه السواحليه ايوه فهي مركز لدراسه الثقافات الاسلاميه والسواحليه اسمها ايه لامو فين في كينيا فين كينيا تحت اثيوبيا اللي فيها لاليبلا تمام مهم الاماكن على الخريطه اللي بعده محميه غابه ديجا او دجاجه قولها زي ما تقولها المهم انها موجوده في الكاميرون وانها من اكبر الغابات المطيره فين الكاميرون؟ اهي موجوده في الكاميرون على ساحل خليج غينيا خليج غينيا اهو وادي الكاميرون اهي دي مساحتها كبيره تمام الغابه دي اكبر الغابات المطيره وفيها تنوع بيولوجي يعني فيها نباتات وطيور وحيوانات كتير ده معنى كلمه تنوع بيولوجي فيها عدد كبير جدا من الثديات وفي منها معرض للانقراض وده يديها اهميه اكبر ان هي فيها حيوانات مش موجوده في العالم كتير طيب اللي بعده متنزه كليمانجارو الوطني هو اسمه كليمانجارو لكن موجود في دوله تنزانيا فين تنزانيا تحت كينيا كينيا فين تحت اثيوبيا الثلاث دول دول مهمين اثيوبيا اللي فيها لاليبيلا وكينيا اللي فيها لامو وتنزانيا اللي فيها متنزه كليمانجارو وده عباره عن ايه قال لي ده عباره عن جبل بركالي الناس بقى بتقعد التسلق على الجبال ربنا يديهم الصحه هم اللي بيحبوا يتسلقوا ويمارسوا الرياضه اللطيفه دي يروحوا بقى هم هناك ده عباره عن جبل بركاني كونه بركان وفوقه بيبقى فيه ثلوج وهو حواليه غابات وحشائش حاجه كده يعني قمر وفي عدد كبير برده من الثديات المعرضه للانقراض فتخيل حشائش وغابات وجبل كده في ثلج في النص يا حلاوه الناس اللي بتحب الطبيعه والتسلق يتفضلوا هناك جارو فين؟ في تنزانيا فوقيها مين؟ كينيا وفوقيها اكتر اثيوبيا اوكي اللي بعده دي معلومه اسرائيه بتقول انه العالم كله في 1379 موقع اثري وان افريقيا هي الثالثه على العالم في المواقع الاثريه بعدوبا واسيا طيب عديها خلصنا ايه مقاومات السياحه واهميه السياحه وخلصنا كمان ال اماكن التراث العالمي اللي موجوده في افريقيا ومهمه جدا اماكنها على الخريطه ومعلومات عنها لا يخلو منها امتحان من الاخر يعني عشان تعالى بقى ناخد دور منظمه اليونسكو في حمايه التراث الثقافي والطبيعي ده دورها ايه؟ قال لي منظمه اليونسكو اليونسكو هي اللي عملت ده اوكي عملت اتفاقيه اسمها حمايه التراث الثقافي والطبيعي اسمها كده حمايه التراث الثقافي والطبيعي اقول لك بيجي في اكتب ما تشير اليه العباره او فصوب ما تحته خط ويقول لك اسم الاتفاقيه ايه؟ مش اسم المنظمه بس اسم الاتفاقيه ايه حمايه التراث الثقافي والطبيعي مين اللي عملتها اليونسكو بتقول ايه بتقول انه هنحمي الاماكن المهمه سواء الاماكن دي ثقافيه عملها ناس او طبيعيه ربنا خلقها تمام هنعمل ايه قال لي الدول اللي وقعت على الاتفاقيه دي تروح وتقدم المواقع اللي عندها اللي شايفاها من وجهه نظرها فانا مثلا اجي كمصر اروح مقدمه ان انا عندي والله يا جماعه موقع اسمه اهرامات الجيزه ده مهم جدا خلاص فتروح منظمه اليونسكو بعتها لجنه تبص كده على اهرامات الجيزه دي ها تستحق تبقى موقع تراث ثقافي وطبيعي ولا لا اه تستحق طب اوكي هنديكم كمان معونه او مبلغ من المال علشان تحموا المنطقه دي تمام علشان دي منطقه تراث ثقافي وطبيعي فده يعني ده اختصار الكلام ده كله انه المنظمه عملت الاتفاقيه دي والدول اللي وقعت على الاتفاقيه بتقدم مقترحات انا عندي غابه اسمها ديجا والله انا عندي مدينه اسمها لامو والله انا عندي مدينه اسمها لالي بيلا انا عندي مدينه اسمها جميله يقدموا ده لليونسكوي واليونسكو يبعت لجنه يقول اه اوكي ناخد المكان ده ضمن ا قائمه كده على التراث الثقافي والعالمي ولا لا طب لو خدوه بيقدموا مساعدات ماليه للدول دي عشان تصرف على المكان ده وتفضل تحميه تمام اللي بعده كده احنا اخدنا دور اليونسكو تعالى بقى ناخد معوقات السياحه برده مش هتخلوا السياحه جميله وكل حاجه ايه نتبسط نشتي عندكم بس في مشاكل بتواجه السياحه في قاره افريقيا زي ايه اا بالرغم ان احنا عندنا كل الحاجات الطبيعيه والبشريه دي لكن حركه السياحه عندنا مش اقوى حاجه احنا المرتبه الرابعه على العالم ما بين القارات يعني هم ست قارات فيهم سكان احنا بالرغم من الحاجات الكتيره اللي عندنا دي طبيعيه وبشريه لكن احنا المركز الرابع وهسالك و وهضايقك هنا خدنا موضوع افريقيا مركز رابع ده في حاجه واحده قبل كده انتوا اللي هتقولوا لي عليها ايوه خدناها قبل كده طيب احنا مركز رابع من حيث حركه السياحه الناس اللي بتيجي وكده احنا مركز رابع فبالنسبه لعدد السياح ده مركز قليل قوي ليه؟ قال لي علشان انا عندي شويه مشاكل اول مشكله هي الظروف المناخيه السيئه في العديد من الدول يا اما الشمس عامله كده هناك فيعني السح هيجوا يتشووا اكيد لا وكثره الامراض والاوبئه المتوطنه في يعني لو قررت كده تسافر دوله من دول جنوب قاره افريقيا او وسط افريقيا هتاخد كميه تطعيمات وانت را هتتحقن شويه حقن وانت رايح زي الفل تمام طيب فدي مشكله ثالثه ضعف شبكه النقل والمواصلات والبنيه التحتيه دي مشكله انه السياح هيجي يعانوا معاك لا طبعا السياح عايز يجي يتدلع ف دي معوقات السياحه معوق كمان رقم اربعه في بعض الدول عندها مشاكل سياسيه وعسكريه يا اما بين الدوله واهلها يعني حروب اهليه يا اما من دوله لدوله واخيرا السكان المحليين في كتير من المجتمعات في قاره افريقيا ما بيعرفوش انجلش ودي مشكله ما بيتكلموش غير لغتهم المحليه فانا سايح هفضل اشاور لك فانت لازم يبقى عندك حتى مبادئ الانجلش انت تقول لي الحاجه دي بكام ولا ا ولا حتى تقول لي الطريق ده منين فكتير من السكان في افريقيا ما بيعرفوش غير لغتهم المحليه وما بيعرفوش اللغه الانجليزيه اللي هي اللغه الام في العالم تمام فدول خمس معوقات للسياحه في افريقيا تعالوا ناخد بقى نحل المشاكل جهود افريقيا في حل المشاكل تعال ناخد الاول جهود افريقيا وبعد كده نروح لجهود مصر افريقيا فاكر الاجندا بتاعه 20 63 اللي هي 2063 قال لي والله ضمن الحاجات اللي كاتبوها في الاجندا دي هي مش اجندا بجد يعني هي خطه 2063 دي تيجي نكون عملنا الحاجات دي فمن ضمن 2000 اجنده 2063 ان احنا نهتم بالسياحه المستدامه ليه؟ قال لي علشان نزود فلوس للاقتصاد الافريقي طيب فخد بالك ان الاجندا اتكلموا عن التعدين والصناعه والزراعه والثروه السمايه وكل حاجه وما ناسوش السياحه ده اللي هو عايز يقول لك عليه الحاجه الثانيه قال لي والله يبقى في تعاون ما بين الاتحاد الافريقي الخاص بقاره افريقيا وما بين منظمه السياحه العالميه التعاون ده يحصل ليه؟ قال لي علشان نحقق حاجتين يبقى عندي سياحه مستدامه يعني ليا وللاجيال اللي بعديه ويبقى عندي فرص عمل للشباب من خلال ان انا اعلمهم وادربهم تدريب سياحي تمام طيب انا لسه على مستوى القاره يبقى خدنا حاجتين الاجندا وانه يبقى في تعاون ما بين الاتحاد حد الافريقي منظمه السياحه العالميه ايه كمان قال لي في مبادره اسمها نيباد ني باد ني وباد وحش ني باد تمام المبادره دي خمس ا رؤساء خمس دول يعني افريقيه خمسه مضوا عليها من ضمنهم قال لي مصر وجنوب افريقيا بتقول ايه المبادره بتاعه نيبات دي وخدها لي من الحاجات الهامه اللي عليك يجي يقول لك والله بتتكلم عن ايه الهدف هدف منها ان احنا نطور البنيه التحتيه ونحمي الحاجات الطبيعيه والبشريه اللي عندنا نحمي الغابات ونحمي متنزه كليمانجار ده مثلا والاهرامات بتاعه مرويه واهرامات الجيزه حاجات طبيعيه وبشريه وان احنا ندخل السياحه ضمن خطط التنميه يعني زي ما ههتم بتعديل وصناعه وزراعه نهتم كمان بالسياحه كم دوله مضوا على مبادره نباد خمسه جايب لك مثالين لدولتين مصر وجنوب جنوب افريقيا اهدافها مهمه جدا طيب اللي بعده لسه على مستوى القاره رابع جهود وهي ان الاتحاد الافريقي يتعاون المره دي مش مع منظمه السياحه العالميه لا يتعاون مع منظمه اليونسكو وهو فعلا تعاون وعملوا برنامج اسمه التراث الثقافي الافريقي من خلال ان هم كل سنه حددوا يوم 24 يناير كل سنه ويحتفلوا بالثقافه الافريقيه يجددوا كده احتفاؤه ويعرفوا العالم على الثقافه الافريقيه عشان ننشط الدنيا والسياح يجننا. اخر حاجه ورقم 5 في جهود افريقيا هي حمله عملها الاتحاد الافريقي اسمها اكتشف افريقيا بيعمل دعايه يعني لنفسه سنه 2024 قريبه قوي ينشط السياحه ويعرف العالم كله على السياحه في قاره افريقيا بس كده يا حب دي الجهود بتاعه قاره افريقيا هتلاقي الاتحاد الافريقي مع منظمه السياحه عمل حاجه والاتحاد الافريقي مع ا منظمه اليونسكو عمل التراث الثقافي الافريقي والاتحاد الافريقي عمل حمله اكتشف افريقيا فخذوا بالكم من جهود افريقيا في السياحه تعالى بقى على مستوى مصر عملت ايه قاللي مصر والله حطت كده استراتيجيه تنمي بيها السياحه عندنا وقالت يا جماعه احنا عايزين قبل ما تيجي سنه 2028 يكون عدد السياح اللي بيزورونا 30 مليون سائح نوصل ل في 2028 ل 30 مليون سايح بيجوا يزوروني تمام و حوالي ثلث الفنادق في مصر للثنادق في مصر اتحولت اوريدي لفنادق خضراء يعني ايه فندق اخضر مش هندهنه بلون اخضر يعني الفندق ده ما بيلوثش البيئه بيستخدم حاجات ما بتلوثش البيئه فثلث الفنادق في مصر اتحولت ل فنادق خضراء صديقه للبيئه وحصلت على حاجه اسمها النجمه الخضراء ويسيب لك كل ده ويسالك على الكلمه دي ايه هي الحاجه اللي بتحصل عليها او حصلت عليها ثلث الفنادق في مصر النجمه الخضراء ان الفندق ده اخد شهاده بيئيه بتقول ان هو بيقلل من الاثار السلبيه اللي تطلع على البيئه ما بيرميش بقى مخلفاته ما فيش تلوث وهكذا فخد بالك من النجمه الخضراء وتعرفها شهاده بيئيه بتمنح للفنادق اللي بتعمل ممارسه تقلل الاثار السلبيه على البيئه والله لو فهمتوا الكلام يبقى سهل جدا حفظه والله والله طيب وبكده نبقى خلصنا درس الايه السياحه وانت نمت ولا ايه شد الهمه ويلا بينا على النقل والتجاره في قاره افريقيا يلا بينا درس النقل والتجاره يا حلوين شد الهمه شد الهمه اوعى تشد اللحاف يلا بينا النقل في افريقيا والتجاره في افريقيا مدلعينكم عمالين يعملوا حاجات كده النقل في قاره افريقيا ايه مس يعني مستحله يعني ناخد النقل هو مهم قوي طبعا لو عايز تعرف انا متطوره اقتصاديا ولا لا بص على النقل عندي بص على وسائل النقل بكل انواعها لان النقل ده مؤشر بيقول قد ايه انا متطوره اقتصاديا لانه بيسهل عمليه التجاره سواء تجاره محليه ما بين الدول الافريقيه وبعضها او ما بين قاره افريقيا ودوله وقاره ثانيه او ما بين الدول في افريقيا فالنقل اه مؤشر مهم قوي بيقيس لي قد ايه انا متطوره اقتصاديا ولا لا ما هو ما ينفعش اكون شاطره في صناعه وزراعه وتعدين وثروه سمكيه وانتاج حيواني وسياحه وما يكونش عندي نقل بكل انواعه فالنقل مؤشر مهم على التطور الايه ايه الاقتصادي ومرتبط كده وحبيب كده التجاره يعني ما فيش تجاره من غير نقل وما فيش نقل من غير تجاره تمام انواع النقل قال لي نقل مائي نقل بري ونقل جوي المائي يا اما بحري يا اما نهري على حسب الطعم يعني بحري مالح ونهري مش مالح مالوش علاقه بس يعني دي قله نوم دي قله نوم عدوها لي الله يخليكم قلشه وحشه قوي النقل المائي نقل بحري ونقل نهري والنقل البري يا اما على طرق بريه بيب بيب يا اما سيكك حديديه اللي هو القطر والنقل الجوي تعال نمسك اول حاجه اللي هو النقل المائي واتفقنا ان النقل المائي نوعين يا بحري يا نهري نمسك البحري الاول مكان افريقيا حلو ده قمر يا ميس بصي مكانها جميل ازاي دي بتتحكم في ممرات مائيه وخلجان مهمه زي قال لي والله خليك غني ومضيق موزمبيق وقناه السويس فموقع افريقيا ترتب عليه حاجه مهمه تخص النقل اه ترتب عليه الموقع الاستراتيجي بتاعها تحكمها في ممرات وخلجان مهمه زي قناه السويس ومضيق موزمبيق وخليج غنيا جابلك قناه ومضيق وخليج واماكنهم عليك واماكنهم اصلا من الترم الاولاني معانا يعني طيب حلو شكرا يا ال افريقيا عندها مواني بحريه هوهو عندها مواني بحريه عالميه مشهوره على مستوى العالم مينائين مهمين جدا معروفين وبترتيب على مستوى العالم كمان ميناء اسمه طنجه في المغرب وده ترتيبه الخامس على العالم من حيث الاهميه 2022 صنفوا ميناء طنجه في المغرب وده مكانه عند مضيق جبل طارق الميناء ده ترتيب سيبه من حيث الاهميه عالميا الخامس طيب والميناء الثاني قال لي بورسعيد بورسعيد هو الترتيب ال 11 على العالم تمام وبرده في سنه 2022 تعالى بقى نمسك موضوع ميناء بورسعيد ده مهم بناء بورسعيد قال لي اه ترتيبه ال1 على العالم ده اهميه اه ليه كده ادو له الاهميه الكبيره دي الترتيب ال1 قال لي علشان في تطور كبير حصل في الميناء ده ظبطوه عدلوه وسعوه يعني ظبطوا الميناء ده عشان مكانه مكانه على ادي خليج السويس اهو ما لناش دعوه بخليج العقبه ده ادي خليج السويس تمام هو مكانه عند المدخل الشمالي لقناه السويس دي القناه هو مكانه هنا على البحر المتوسط بس عند مدخل قناه السويس فسببين خلوه ياخد الترتيب ال1 على العالم ان هو ا شاهد اصلاحات وتطور كبير وان هو مكانه على المدخل الشمالي لقناه السويس ادى له اهميه كبيرهخد بالك من ميناء بور سعيد اللي بعده ثاني نوع من انواع النقل المائي النقل النهري وده اقدم انواع النقل وارخصها اقدم انواع النقل المصريين القدماء كانوا بينقلوا البضائع عن طريق نهر النيل فده اقدم انواع النقل وارخصها ثمنا بالرغم من ان انا عندي انهار كتيره في قاره افريقيا يا زي نهر النيل والنيجر والكونغو واورنج والزمبيزي الخمس انهار المعروفين عندنا في قاره افريقيا دول وغيرهم ولكن انا عندي مشاكل في النقل النهري ايه هي المشاكل انا عندي انهار كتير بس عندي مشاكل بتخلي النقل ده يواجه عقبات وتحديات معوقات الكلام بتاع المشاكل ده زي ايه؟ قال لي في انهار فيها انحدار شديد وسرعه جران يبقى النهر اهو ماشي تمام فجاه وحدار شديد المركب بقى تاخدها بالبضائع وتغرق ما احنا مش في فيلم كرتون هنا فدي اول مشكله المشكله الثانيه في شلالات وجنادل الشلالات اللي هي شلالات الميه اللي هي المساقط المائيه والجنادل اللي هي الصخور اللي بتعترب مجرى النهر فصخور بتعترب مجرى النهر يبقى انا مش هعرف انقل نقل نهري السفينه هتيجي هنا وتقف ها هنجمب من فوق الصخور ما فيش الاوبشن ده في السفينه طيب رقم لاثه قال انتشار مستنقعات يبقى النهر ماشي جريان كويس وفجاه يبقى مستنقع طينه ها المركب بتغرس فدي مشكله اربعه الانهار في قاره افريقيا بتجف في اوقات من السنه يجي عليها وقت من السنه ما فيش ميه طب المركب هتمشي فين هتطلع لها رجلين وتمشي اكيد لا فعندي اربع مشاكل بيواجهوا النقل النهري في قاره افريقيا مهم تكون عارفهم طيب فهو اه ارخص خص واقدم بس عنده مشاكل كده احنا خلصنا النقل المائي بالنوعين بتوعه بحري ونهري تعالى نتكلم على النقل البري النقل اللي على الارض تمام النقل البري قال لي الطرق البريه في قاره افريقيا بتختلف حسب قال لي على حسب كثافه الطرق الدوله دي فيها طرق ولا لا كتير والطريق ده ينفع استخدمه طول السنه ولا لا هي كلمه صلاحيتها للاستخدام على مدار العام في طرق مش هقدر استخدمها في اوقات معينه في السنه تمام او قدرتها على تحمل الحمولات الثقيله الطريق ده يشيل عربيات شايله اطنان ولا ما يقدرش ينهار تمام فالسؤال ده مهم جدا الطرق البريه اللي هي عربيات بيب بيب الطرق البريه دي بتختلف في قاره افريقيا اديني دليل كثافتها صلاحيتها والحمولات الثقيله طيب اا في علاقه بقى ما بين ان الدول الافريقيه اتخلصت من الاحتلال واستقلت وما بين الطرق البريه اه في علاقه لما الدول الافريقيه استقلت بدات تطور النقل البري عندها خلاص يجي يقول لك اديني دليل على كده اقول له والله بقى عندي شبكه طرق بريه بتربط القاره ببعضها وبقى في تعاون مع منظمات سواء منظمات جوه افريقيا يعني اقليميه او منظمات دوليه انهم يربطوا ربط بري للقاره بره فيتاجروا مع بعض اسهل ويبقى في تكامل اقتصادي اسهل زي ايه؟ قال لي زي مشروع اسمه كده شبكه الطرق البريه السريعه عبر افريقيا ومهم تعرف اسمه هو اسمه كده شبكه الطرق البريه السريعه عبر افريقيا فاه في علاقه ما بين استقلال الدول وما بين اهتمامها بالطرق البريه بدانا نعمل طرق تمام وكمان نتعاون مع منظمات جوه افريقيا اقليميه او دوليه زي مشروع شبكه الطرق البريه السريعه عبر افريقيا زي ايه بقى مشروع؟ قال لي في مشروع تعالى كده مشروع شبكه الطرق ده يربط لي ما بين مصر وجنوب افريقيا انه شايف المسافه بشبكه طرق بريه ده مشروع تحت التنفيذ لسه ماتنفذش بس بيفكروا فيه او حاطينه ضمن خطه انهم يعملوه يربطوا مصر بجنوب قاره افريقيا وان البضائع تتنقل في مسافه اربع ايام فتخيل بطرق بريه نوصل من شمال القاره لجنوبها تمام طيب تعالى بقى لتاني نوع من النقل البري مش بيب بيب عربيات المره دي سكك حديديه قطر يعني دوله جنوب افريقيا هي صاحبه المركز الاول في شبكه السكك الحديديه عندها اطول شبكه سكك حديديه امال مين مركز اني قال لي مركز تاني هي مصر بقيه الدول الافريقيه بيحاولوا دايما يطوروا من السكك الحديد اللي عندهم المهم هنا ان انت تعرف الاولى في اطول شبكه سكك حديد جنوب افريقيا والثانيه هي مصر تمام السكك الحديديه هي كمان بتواجه مشاكل في قاره افريقيا زي كده النقل النهري ازاي قال يا اما السكك الحديديه اللي عندنا مستهلكه وقديمه وتصميم قديم ديم لخطوط السكك الحديديه ومش ملائمه للمتطلبات الحديثه دي اول حاجه انه ما ينفعش امد قطر من دوله لدوله في قاره افريقيا في بعض الدول يعني عشان وعوره السطح ممكن يبقى في جبال او هضاب صعبه او امطار شديده تخليني ما ينفعش امد قطر من دوله لدوله او ان بعض السكك الحديديه اللي كانت شغاله وقفت بسبب مشاكل سياسيه حصلت او انه اصلا قله عدد خطوط السكك الحديديه في القاره مش اه ده انا ده هدومي او انا فمش كتير او انخفاض سرعه القطارات القطارات اصلا سرعتها بطيئه اتفرج كده على فيديو القطر في الصين ورعه رهيبه يوقع القلب اصلا انت جوه مش حاسس بحاجه القطارات عندنا تشيك تشك تك تشيك تشيك عادي يعني اللي هو ايه واحده قوي يعني تمام شفتوا تشيك تشيك شيك دي ماعرفش ده صوت ايه ده صوت القطر عندي طيب فالسكك الحديديه هي كمان بتواجه مشاكل ومهم اعرف المشاكل الخاصه بالسكاك الحديديه عندي تعالى لثالث نوع وهو النقل الجوي ده اسرع انواع النقل على الاطلاق طياره يا حلو فخد بالك انت اخدت الارخص والاقدم اللي هو النهري واخدت الاسرع اللي هو الجوي افريقيا عندها مطارات دوليه احنا عندنا مطارات صغننه كتير بس مطار دولي تيجي منه طيارات من دول العالم ليه اه زي قال لي مطار في مصر اسمه مطار القاهره الدولي اسمه عادي اهو بص المطار التاني اسمه كيب تاون في جنوب افريقيا يبقى انا عندي مثالين لمطارات دوليه واحد في مصر والثاني في جنوب افريقيا اللي في مصر اسمه عادي جدا القاهره الدولي تمام انتوا مستغربين الاسماء العاديه طبعا الثاني بقى اللي في جنوب افريقيا اسمه كيب تاون تمام؟ طيب النقل الجوي كمان بيواجه مشاكل ما فيش حاجه بتخلو من المشاكل زي ان انا ما عنديش مطارات متطوره انا لما اديتك امثله لقاره فيها مطارات اديتك اثنين فيعني ما عنديش شبكه مطارات متطوره وفي كمان مشاكل سياسيه بين الدول اخد لي بالك من الموضوع ده ماثر في انشطه كتير في نقل وتجاره وحتى صناعه مشكلات سياسيه وعندي كمان انه النقل الجوي هو اسرع انواع النقل بس هو الاكثر ارتفاعا تكلفته عاليه جدا طيب دي مشاكل النقل الجوي تعال بقى ناخد المشروعات النقل اللي في افريقيا ودور مصر فيها بصوا بقى عشان احنا اتفقنا في اول كلمه في درس النقل ان النقل ده دليل على ايه يا حلو النقل ده دليل على مدى التطور الاقتصادي للقاره او للدول فعندي نقل كويس يعني عندي تطور اقتصادي كويس ف دول افريقيا بتطور النقل عندها ليه؟ قال لي عشان تحقق اتنميه مستدامه هو ليه علاقه بالتجاره والزراعه والصناعه كله فمصر بتساعد مع دول افريقيا انهم يعملوا مشروعات تخص النقل كتير زي ايه تعالى نشوف اول مشروع اسمه لما قلت لك هنربط القاهره او هنربط مصر بجنوب افريقيا بجنوب افريقيا اه هنربط القاهره في مصر بكب تاون في جنوب افريقيا المشروع ده ا مشروع بري تمام هنوصل فيه القاهره بجنوب افريقيا هنمر بتسع دول واحنا ماشيين تمام هنمر بكام دوله بتسع دول بحيث ان احنا نقدر ننقل البضائع من مصر لجنوب افريقيا او من القاهره لكيب تاون في اربع ايام بس فاحنا نقلنا بنقل بري مش جوي مش بتكلفه عاليه وفي اربع ايام بس ده مشروع جاري تنفيذه او مخططين لتنفيذه طيب ايه كمان قال لي نعمل كمان خطوط سكك حديديه ا ومن اشهر الحاجات اللي بنعملها هو بس اكيد طبعا واقف دلوقتي عشان المشاكل اللي في السودان هو خط السكه الحديد اللي ما بين السودان ومصر وبالتحديد ما بين مدينه الخرطوم ومدينه الاسكندريه في مصر خرطوم عاصمه السودان والاسكندريه كمان مصر في تعاون مشترك ما بينها وما بين تنزانيا انهم يربطوا اا بصوا كده لو حبينا نرسم الخريطه نرسمها هنا اهو صغنونه ماشي وهكبرها لكم تنزانيا هنا في هنا ميناء اسمه دار السلام ومصر اهي فوق في هنا ميناء اسمه سفاجا تمام فمصر وتنزانيا في تعاون ما بينهم انهم يربطوا ميناء سف سفاجه ببناء دار السلام دار السلام في تنزانيا وسفاجه عندنا في مصر علشان قال لي علشان ايه حد جاه لا لا انا عايز انا علقت كده ايه مثلا ا عشان اوكي ا مش عارفه بس هي التجاره يعني مش كتير ربع ساعه مثلا بكتير قوي اوكي ماشي علشان يبقى في تجاره ما بينهم رايحه وجايه بسهوله ونقل بحري ما بين مصر وتنزانيا او ما بين ميناء دار السلام وميناء سفاجه في مصر فخدت لي بالك انا قلت كم ميناء في الدرس بتاع النقل هسيبك انت تع خدنا كم ميناء قولهم لي بالاسماء وكل ميناء موجود فين يا حلو في اثنين فيهم في مصر يلا اديتك ايه غششتك حته طيب فدي المشروعات ففي مشروع سكه حديد ما بين مصر مشروع طريق بري ما بين مصر وجنوب افريقيا اللي هو القاهره كب تاون وفي مشروع سكه حديد ما بين الخرطوم واسكندريه وفي اهو كمان تعاون نقل بحري ما بين تنزانيا ومصر ميناء دار السلام وميناء سفاجه كل دي مشروعات مصر بتساهم فيها لتسهيل عمليه النقل في افريقيا يلا بينا يا حلوه على التجاره واحنا خدنا النقل عشان هو بيساعد في عمليه التجاره ف التجاره ايه بقى ايه الاخبار قال لي بص بالرغم ان التجاره دي شيء مهم جدا النشاط التجاري والمفروض انه بيكسب كده وينعنش الدنيا اقتصاديا ولكن حصه افريقيا في التجاره العالميه انها بت يعني بتصدر وتستوردب بالنسبه لتجاره العالم ما احنا صغننين قوي يا محي يعني احنا صغننين قوي الحصه بتاعتنا حصه يعني نصيب نصيب افريقيا من التجاره العالميه نصيب ضعيف جدا نسبه التجاره البينيه اللي ما بين الدول الافريقيه منخفضه ان احنا نصدر لبعض كدول افريقيه دي اسمها تجاره بينيه بين الدول الافريقيه وبعضهم برده ضعيفه جدا منخفضه احنا للاسف يعني زي القرع كده يمد لبره اللي هو لما نيجي نستورد نستورد من دول ثانيه غير دول افريقيه زماينا ولما نيجي نصدر نصدر لدول ثانيه غيرهم فاحنا في موضوع التجاره ده بنتعاون مع الدول الاخرى مش ما بين الدول الافريقيه وبعضها فحصتنا في التجاره العالميه ضعيفه وفي التجاره البيديه ما بينا وما بين بعض برده ضعيفه تعالى نمسك الصادرات والواردات صادرات يعني حاجات خارجه من افريقيا بصدرها لدول بره وواردات يعني حاجات انا بستوردها وبدخلها افريقيا تعال نمسك الصادرات قيمه صادرات افريقيا الحاجات اللي افريقيا بتصدرها زادت في 2022 عن السنه اللي قبلها عن 2001 عن 2021 ليه ويجي يسالك قال لي علشان اسعار السلع زادت يعني اسعار الحاجه احنا بنصحى من النوم نلاقي الحاجه زادت فاسعار السلع العالميه وبالذات البترول زاد فاحنا بنصدره فسعره زاد عشان كده صادراتي ثمنها زاد والحاجه الثانيه ان احنا بقينا نصدر منتجات اكت شويه زي الالومنيوم والنحاس والدهب والبن والذره اخد لي بالك ان انا بصدر اغلبهم مواد خام نحاس زي ما هو ذهب زي ما هو بن وذره مواد خام طيب اا ده كده الاسباب في عندي في التجاره خمس دول اقوى في الاقتصاد في قاره افريقيا الخمس دول اللي اقتصادهم الطب في قاره افريقيا مش على مستوى العالم وهم هم مصر والجزائر اثنين عرب اهو وجنوب افريقيا وانجولا ونيجيريا خمسه دول خدناهم في حاجه قبل كده هستناك تقول لي عليهم خدناهم في حاجه قبل كده هستناك تقول لي عليهم اوكي طيب او خدنا شبههم يعني في في واحده هنشيلها ونحط ليبيا بس انا بغششك اشي الحال فمصر وجنوب افريقيا والجزائر وانجولا ونيجيريا دول الاقوى اقتصاد في قاره افريقيا مهم جدا تعرفهم 50% من صدرات القاره للحاجات اللي بنصدرها خارجه من الخمس دول دول نص الحاجات اللي افريقيا بتصدرها خارجه من الخمس دول دول راحها لفين بنصدرها لمين بنصدرها لدول اوروبا والصين والولايات المتحده الامريكيه دول اكث ثلاث اماكن بياخدوا مننا حاجات كافريقيا تمام اكبر الدول المستورده هم دول اوروبا والصين والولايات المتحده الامريكيه بياخدوا صادراتهم من افريقيا ونص صادرات افريقيا خارجهاني من الخمس دول الاقويه دول اقتصاديا طيب دي الصادرات تعالى بقى للواردات انا بجيب حاجات من بره اللي هي عندي برده قيمه الواردات زادت من 2020 عن السنه اللي قبلها ليه قال لي علشان انا كافريقيا بحتاج اكت طاقه ومواد غذائيه ومعدات تكنولوجيه وكل دي حاجات انا عماله استوردها زياده الطلب الناس الشعوب الافريقيه عايزه اكتر طاقه مواد غذائيه ومعدات تكنولوجيه طيب التجاره البيانيه انا كده اخدت صادرات وواردات التجاره اللي ما بينا وما بين بعض كدول افريقيه اخبارها ايه؟ قال لي والله احنا بندي لبعض يعني التجاره البينيه وقود الات مركبات وخامات زي معدنيه زي الحديد والصلب ده ايه دي تجاره بينيه يعني ما مش من افريقيا لبره ما بين الدول الافريقيه بعضها وبعض حاجات طالعه وداخله ما بين الدول الافريقيه دي اهم السلع اللي بنصدرها لبعض واحنا متفقين ان التجاره البينيه ضعيفه ولا قويه ضعيفه احنا اكت بنصدر لدول ثانيه اللي هم الصين دول اوروبا الولايات المتحده الامريكيه طيب ليه بما تفسر تتسم التجاره البينيه الافريقيه بالضعف الحاجات اللي بنصدرها لبعض مش كتيره ليه ليه؟ قال لي علشان اللي عندي هو نفس اللي عند جارتي تشابه المنتجات الافريقيه حاجات اللي عندي في مصر نفس اللي في الجزائر واللي في الجزائر نفس اللي في جنوب افريقيا فهنصدر لبعض ليه؟ تمام الحاجه الثانيه دول القاره بتعتمد على السلع الاوليه يعني ايه لما باجي اصدر ما بصدرش حاجات متصنعه بصدر مواد خام كلمه سلع اوليه يعني مواد خام واحنا اصلا شبه بعض في المواد الخام فشكرا ثالث حاجه قال لي ما عنديش يعني التزام بمعايير الاسواق العالميه ما بصنعش حاجات وبقى الكواليتي بتاعها مناسب زي الشروط العالميه لا لا ضعف القدره على الالتزام بمعايير الاسواق العالميه واخيرا عندي ضعف في شبكات النقل وتكنولوجيا المعلومات والاتصالات في قاره افريقيا فالتجاره اللي ما بين الدول الافريقيه بعضها وبعض ضعيف للاسباب دي تمام طيب عشان كده الدول الافريقيه بتحاول انها تحسن الوضع هتحسن الوضع ازاي؟ عملوا اتفاقيه اسمها اتفاقيه منطقه التجاره الحره القاريه الافريقيه معايا ده اسم العيله تمام اسمها منطقه التجاره الايه؟ الحره القاريه الافريقيه ماشي طيب الاتفاقيه دي بقى بتقول ايه؟ بتقول ان احنا في 2015 تم توقعها ما بين دول افريقيه علشان قال لي والله الوضع التجاري يبقى احسن الافريقي والعالمي طيب ويبقى في ما فيش ما بينا حواجز تجاريه للسلعه والخدمات يعني نبقى كده احنا كلنا كقاره افريقيا سوق واحد مفتوح نشيل بقى الجمارك ونشيل الحاجات دي ونبقى سوق واحد نصدر لبعض وناخد وندي لبعض نشيل الحواجز دي اللي ما باننا طيب ميرسي مهمه مهمه طيب اللي بعده في كمان حاجه ثانيه عملوا اسمها الغرف التجاريه. غرفه تجاريه ده مكان كده رسمي انا بروحه علشان اقول يا جماعه انا عندي نشاط تجاري او نشاط استثماري انا بسجل نشاطي اهو عندكم وانتم بقى تدعموني وتدوني مساعدات دي اسمها الغرف التجاريه فيعني ايه غرفه تجاريه مؤسسه رسميه ا ليها موارد خاصه بيها الهدف منها ايه قال لي تبص على النشاط الاقتصادي والتجاري والاستثماري وتساعد الناس دي مش تخنقهم تساعدهم طيب الهدف من الغرف التجاريه دي احنا اخدنا تعريفها كده ها قال لي والله ان انا اتابع احوال السلع في الاسواق احل المشاكل لو في مثلا سكر مش موجود في الاسواق اوفره ده شغلانه الغرف التجاريه ايه كمان قال لي احل مشاكل التجاره واخلي في تواصل ما بين التجار والهيئات اللي تبع الدوله نحل مشاكل التجار دول طب حلو اجمع مع معلومات وارتبها واحصاءات ليها علاقه بالتجاره والصناعه هي تظبط الامور دي تشوف السوق محتاج ايه او ده زياده يا جماعه ما تركزوش عليه ركزوا على الحاجه اللي قال وهكذا اا انها تدي الراي للحكومه حوالين انشاء البورصات والموالي والاسواق والقوانين الخاصه بالتجاره والصناعه تقول لهم والله احنا محتاجين كذا لا ما تركوش على كذا مش محتاجينه دي شغلانه الغرف التجاريه يبقى عندي اربع اهداف ليها او اربع ادوار ليها تمام طيب وبكده هنبقى خلصنا النقل والتجاره في قاره افريقيا وما تنسوش ان انتم تركزوا على الغرف التجاريه وقبلها على ال الاتفاقيه بتاعه منطقه التجاره الحره القاريه الافريقيه لانهم واضع اسئله في الامتحان وانتم بتطنشوهم وما تسالونيش ليه تمام يلا بينا على الدرس اللي بعده ويلا بينا على اخر درس معاك في الشهر الثاني كان نفسي اقول لك اخر درس في المنهج بس يعني لسه شويه معلش فهو اخر درس في مراجعه الشهر الثاني بس على فكره يعني خلاص انت بتفنش المنهج يعني والدرس بيتكلم على هو بدايه وحده جديده وبدايه وحده تاريخ بتتكلم عن الاحتلال بقى ومساوقه فتعالوا نشوف التوسع الاستعماري الاوروبي في افريقيا اوروبا كده طلع لها انياب وبدات تيجي تقسم التورته في افريقيا فتعال نشوف في الدرس ده هنتعرف على اسباب الاستعمار جايين عندنا يعملوا ايه ونتعرف على اساليب اسالبهم الملتويه انهم يدخلوا الدول ليستعمروها وسياستهم في الاستعمار وتاثير الاستعمار علينا ومراحل للاستعمار كمان فيلا نسمي الله ونبدا الدول الاوروبيه بصت كده على قاره افريقيا وقالت الله والله العظيم حلوه ما نروح نعمل هناك ايه امبراطوريات ونستعمر هناك اراضي كبيره وبدل ما احنا دوله صغننه كده فوق في اوروبا احنا ناخد مساحات كبيره من اراضي افريقيا ونكون امبراطوريه تبع لينا طب حلو يعني ايه اصلا كلمه استعمار وانتم يعني يمكن عارفين رايي في الموضوع فالاستعمار هي الكلمه المدلعه لكلمه احتلال اصل يعني كلمه استعمار جايه من حته ان احنا ما كناش متعمرين يعني اراضي مش متعمره وهم قال يعني جايين يعمرونا عشان احنا مش قادرين نعمر اراضينا ده غير حقيقي بالمره بس يعني هي معلش هي اللي علينا في المنهج فيعني ايه استعمار يعني سيطره دوله على دوله ثانيه في كل النواحي بقى سيطرتها عليها سياسيه واقتصاديا وثقافيا عشان تنهب ثرواتها الطبيعيه وحتى البني ادمين والله تستغلهم والشعوب كمان فالتعريف مهم وهو عليك استعمار مش احتلال عشان لما يجيب لك الجمله الجميله دي ويقول لك اكتب ما تشيل اليه العباره ما تقولوش احتلال اسمها الاستعمار زي ما هي عليك في منهجك اتفقنا طيب ا ايه بقى موضوع الثوره الصناعيه وايه علاقتها بال بالاحتلال بصوا تعالوا نشرح الاول وبعد كده نرجع لما المقصود بالثوره الصناعيه احتلال او استعمار اوروبا لافريقيا مر بمرحلتين مرحله اولى ومرحله ثانيه المرحله الاولى كانت مرتبطه بقى يعني حجه انهم جايين يكتشفوا اراضي جديده هم رايحين يبصوا على قاره افريقيا دي وندور على اراضي جديده هناك اراضي ما حدش يعرفها مع ان الاراضي دي ساكن فيها شعوب وراح لها هجرات اصلا من العرب زي ما اخدنا الترم الاولاني ي وكل حاجه بس يعني قال هم يعني لما بيكتشفوا الارض اوه كده هي جديده يا خبر انجاز رهيب للاوروبيين فالمرحله الاولى وركز لي على الكلمه المرحله الاولى للاستعمار الاوروبي لافريقيا كانت مرتبطه ارتباط شديد قوي بحركه الكشوف الجغرافيه انهم يكتشفوا قال يعني اراضي جديده الحركه دي بدات امتى في بدايه القرن ال 15 فاكرين اللي معايا بقى من الترم الاول الراجل ابو كاب احمر ده فاكرينه؟ ايوه ايوه البرتغالي ده هو ده فالمرحله الاولى للاستعمار مرتبطه بالكشوف الجغرافيه ما يجيش يلخبطك ويقول لك مرتبطه بالثوره الصناعيه خالص مرتبطه بالكشوف الجغرافيه طب المرحله الثانيه هي دي بقى اللي مرتبطه بالثوره الصناعيه ايه موضوع الثوره الصناعيه دي فكره انه اوروبا تكتشف انه سبحان الله لما نحرق الفحم فيسخن ميه فيخلي المكنه شغاله بالبخار اللي هي الاله البخاريه فده كان عندهم تحول رهيب من ان المكنه بتشتغل بالايد فانا بطلع في اليوم سجاده واحده ولا كام تيشيرت هو بالايد بقى غير ان المكنه شغاله بحرق الفحم وتوليد طاقه تسخن ميه فتشغل لي الاله البخاريه دي اللي بدات في بريطانيا الثوره الصناعيه والاكتشاف شايف اللي انا لسه شارحاه ده بدا في بريطانيا وبعد كده انتشر خد لي بالك بدا فين في بريطانيا بعد كده انتشر في كل اوروبا بدا في بريطانيا امتى في منتصف القرن ال 18 وترتب على ان هم يكتشفوا الاله البخاريه او ما يعرف باسم الثوره الصناعيه دي ترتب عليها ايه؟ ترتب عليها ان هم تحولوا من قاره بتزرع لقاره بتصنع يبقى تحولوا من الزراعه للصناعه وابتدوا يستخدموا الات حديثه ايوه الاله البخاريه دي كانت احدث حاجه وقتها اله بتحرك نفسها من غير ايد الانسان ايه ده عليها عفريت ولا ايه ده انجاز كان رهيب تمام طيب وده الحاجتين دول ترتب عليهم ان هم بقوا ينتجوا انتاج كبير وبقى عندهم فلوس ورؤوس اموال كبيره جدا ينتجوا انتاج كبير بدل السجاده في اليوم بقى 10 وبدل التيشيرت بقى 100 فبداوا ينتجوا انتاج كتير اكتر اكتر من احتياجاتهم اصلا تمام وتضخمت الثروات ورؤوس الاموال حلو الكلام يبقى المرحله الثانيه مرتبطه بالثوره الصناعيه تعالى بقى كده عرف معايا الثوره الصناعيه يعني ايه ثوره صناعيه هي تحولات علميه واقتصاديه واجتماعيه تحول حصل للمجتمع علمي اكتشفت الاله فترتب عليه ان انا بقى عندي انتاج كتير فهو اقتصادي كمان وترتب عليه ان المجتمع بقى الاقي شغل ومعاه فلوس فهو اجتماعي كمان فهو تحولات علميه واقتصاديه واجتماعيه كبيره حصلت بسبب الاله البخاريه تمام وخد بالك برده فاكتب ما تشير اليه العباره اسمها ثوره ايه صناعيه طيب يبقى احنا خدنا المرحله الاولى والمرحله الثانيه للاحتلال الاولى مرتبطه بالكشوف والثانيه مرتبطه بالثوره الصناعيه طيب المرحله الثانيه دي بقى قال لي ابتدت الدول الاوروبيه تبقى عامله زي الوحش يجوع وعايز ياكل قاره افريقيا ويقسمها زي ما انت شايف كده شايف القاره بقت عامله ازاي كل لون من دول ده استعمار معين يعني اللون الاصفر ده مصر والسودان ونيجيريا وساحل الذهب وجنوب افريقيا وكل اللون الاصفر ده وشرق افريقيا وكينيا كل ده اخدا بريطانيا وفرنسا اخد لي اللي باللون الابيض اخده الكونغو والجزائر والمغرب وتونس ايه ده؟ ايه ده؟ ايه ده؟ وقيس بقى عندك ايطالي واسباني وبرتغالي وبلجيكي وغيره فانا عندي الاستعمار قسم افريقيا زي التورته كده هيوزعوا التورته هم وزعوا التورته زي ما انت شايف طيب ايه سبب الاستعمار؟ ايه السبب اللي خلى الاوروبيين يسيبوا قريتهم كده ويجوا يقطعوا التورته عندنا في افريقيا؟ قال لي كذا اسباب اول اسباب وهي الاسباب الاقتصاديه الدول الاوروبيه كانت بتسابق علشان عايزه تدور على مواد خام اه المصانع عندها محتاجه مواد خامقوا بيشتغلوا بسرعه فالمواد الخام اللي في اوروبا ما بقتش مكفيه سرعه الاله البخاريه فهم عايزين مواد خام زي المعادن عندنا في افريقيا والقطن والمطاط عشان يشغلوا مصانعهم هناك في اوروبا حلو ده اول سبب اقتصادي السبب الثاني عايزين يفتحوا اسواق جديده ما هم بقوا بيصنعوا وينت تجوا بكميات كبيره فكف السوق الاوروبيه كل الاوروبيين اشتروا خلاص وبقى معاهم سجاجيد وتيشرتات ها وبعدين هيفتحوا اسواق جديده عشان يسوقوا منتجاتهم عندهم فائض من الانتاج الصناعي الاوروبي عايزين يبيعوه يبيعوه فين عندنا ده ثاني سبب اقتصادي السبب الثالث مش احنا قلنا بقى عندهم تضخم في الاموال ورؤوس الاموال عندهم فلوس كتيره وارباح كتيره حققوها عايزين يستثمروا ها جابوا اخر اوروبا في الاستثمار عايزين يستثمروها على ارض جديده علشان يحققوا ارباح اكت واكثر ففين الارض الجديده؟ هي افريقيا كنت هقول لكم هي اوروبا هي قارتهم اصلا هي افريقيا هي الارض الجديده اللي هم عايزينها فدي اسباب اقتصاديه طب في اسباب ايه كمان؟ قال لي اسباب اجتماعيه ا اوروبا بعض الدول فيها كانت بتعاني من زياده سكانيه بقى فيها عدد سكان كتير كتير عدد سكانها اتضاعف اتضرب في اثنين لدرجه انهم مش لاقيين للسكان دول شغل بالرغم انهم عندهم مصانع بس عدد السكان زاد وضاعف فيعملوا ايه؟ يسربوهم على قاره افريقيا يلا يا حبيبي يا اوروبي منك ليه روح هاجر على افريقيا واشتغل هناك ففعلا الانجليز راحوا على جنوب افريقيا والفرنساويين راحوا على ثلاث جهات شمال وغرب ووسط افريقيا تمام طيب وخد بالك هنا بيجي يقول لك اديني دليل طيب اسباب ثانيه قال لي اسباب سياسيه وعسكريه زي انهم عايزين يحققوا امجاد قوميه انا شرير يا بابا وقدرت احتل دول كتير اه هم كده لدرجه كان في غيره ما بين الدول الاوروبيه ا بريطانيا وفرنسا اكلين التورته في افريقيا مين تغير ايطاليا والمانيا يقول لك اشمعن احنا كمان عايزين نروح نحتل اماكن في افريقيا عشان نحقق امجاد قوميه يعني بالنسبه لهم الاحتلال ده امجاد قوميه فده اسباب سياسيه وعسكريه تحقيق امجاد قوميه اتفقنا زي مين غاروا ايطاليا والمانيا غاروا من بريطانيا وفرنسا وبقوا عايزين يحققوا امجاد قوميه للدول دي اتقال كده كتب في السي في بتاع الدوله ما شاء الله كبرت وبقت محتله تمام يعني بقت تحتل غيرها يعني طيب وايه كمان اسباب سياسيه وعسكريه انهم يعملوا قواعد عسكر عسكريه مهمه عند المناطق الممرات المائيه المهمه يعملوا قواعد عسكريه ليه؟ قال لي علشان يحموا الثلاث حاجات يحموا مصالحهم ومستعمراتهم وتجارتهم تمام فبقوا يجوا مثلا عند مضيق زي مضيق باب المندب هنا ويعملوا مستعمره يعملوا سوري قاعده عسكريه وهكذا عند غيره من المضايق في افريقيا وغيره من الممرات المائيه المهمه او المواقع الجغرافيه المهمه علشان يحموا التجاره بتاعتهم اللي راحه وجايه انا استعمرت الدوله دي او انا احتليتها يعني فاحميها واحمي مصالحي هناك يبقى بيعملوا قواعد عسكريه عشان يحموا ثلاث حاجات مصالحهم مستعمراتهم وتجارتهم طيب دي كده الاسباب اسباب اقتصاديه واجتماعيه وسياسيه وعسكريه يلا بينا بقى نتكلم على اسالهم هم يعني بصراحه كانوا مبتكرين عندهم حاله من الابداع كده في الشر اللي هو ايه ذكي في الشر مالوش حل يعني مش مره واحده كده يروح انا هحتلك وهاخدك لا لا كان عندهم اساليب ملتويه كتيره الحقيقه اول اسلوب وهو الاسلوب الخداع السياسي تروح الدول الاستعماريه لزعماء القبائل في افريقيا ويقول لهم يلا وقعوا معانا معاهده كده ولا اتفاقيه تقول ان احنا بس بنحمي اراضيكم ونحمي مناصبكم فزعيم القبيله يقول الله طب والله دي حلوه قوي يلا احميني فيكتشف بعد كده انه ماضي على اتفاقيه بتقول يلا انا بقيت تحت سيطرتك فده خداع سياسي الدول الاستعماريه كانت بتخدع زعماء القبائل الافريقيه يمدوا معاهدات واتفاقيات بحجه قال احنا كدول اوروبيه هنحميكم ده ما كانش حقيقي وبعدها يكتشفوا ان هم مضوا على حاجه تخص فرض السيطره عليهم وملكيه اراضي ضيهم فده خداع سياسي الاسلوب الثاني استغلال الشعارات الانسانيه بريطانيا تروح تحتل جزيره زنجبار كده الا فين زنجبار احنا قلناها كذا مره فين زنجبار دوله ايه قولوا لي انتوا بقى ماليش دعوه بريطانيا وخد بالك ان بريطانيا مش دوله ثانيه تروح تحتل زنجبور بحجه منع تجاره العبيد اللي هم الرقيق يا على الانسانيه يا بريطانيا وده مش حقيقي دي بس بتستغل شعارات انسانيه ده تاني اسلوب الاسلوب الثالث ترسيخ يعني تثبيت فكره التفوق الاوروبي فكره ان الاوروبيين دول اشطر واحسن واكثر تطورا من الافارقه او من سكان قاره افريقيا فيقنعوا الشعوب الافريقيه انه لازم نستعمركم احنا جايين نعمركم انتم مش عارفين تعمروا اراضيكم احنا متطورين اكت احنا بنفهم اكت فجايين نعمركم دي اسمها ايه؟ ترسيخ فكره التفوق الاوروبي طيب بحجه ان هم ينقلوا لنا الحضاره الاوروبيه يعني طيب الاسلوب رقم اربعه النشاط التجاري يجوا يفتحوا شركات هنا في افريقيا الشركات دي ببالك شركات تجاريه عادي اهي شركات تجاريه ومصارف يعني زي البنوك علشان الهدف الاساسي منها اسهل ان انا اسيطر اقتصاديا على البلاد دي وطالما سيطرت اقتصاديا يبقى انا كده استعمرتها او احتلتها عشان انتم عارفين ايه يعني ان انا مش بحب لفظ استعمار ده مش مش لطيف بس النشاط التجاري يفتحوا شركات ومصارف عندي قال يعني بحجه امور اقتصاديه ولكن هو في الاخر عشان يسيطروا على البلاد طيب اسلوب كمان تعالى اسلفك وهي سياسه الاقراد تعالى اسلفك حد بيجي يقول لك تعال اسلفك بمنتهى السهوله فانت الله ايه ده هستلف ده راجل طيب والله ده راجل عايز يسلف لفني فيسلفك ويسلفك ويسلفك لدرجه ان انت تلاقي الديون تراكمت عليك مش عارف تسد وبعد ما الديون تتراكم يقف لك كده حط ايده في جنب يقول لك ها بقى انا عايز فلوسي هبعت لك رقابه ماليه موظفين من عندي يشوفوا انت بتصرف في ايه عندك عشان انت مش عارف تسد لي فلوسي وبرده يبعتوا موظفين يبهدلوا الدنيا اكتر وبعد كده يقول لك لا لا ا ما بديهاش بقى يحط ايدين الاثنين في جنبه مش ايد واحده انا عايز فلوسي انا هبعت جيش وقوه عسكريه تدخل عسكري عشان تسددوه لي ديوني وهو اصلا مش عايز الفلوس في حاجه هو عايز الدوله ذات نفسها وهو هيرجع فلوس اكتر من كده بكتير لما ياخد الدوله فسياسه الاقراد ترتب عليها تراكم الديون ما قدرتش اسدد تروح الدول الاوروبيه تفرض عليا رقابه ماليه وبعدها تبدا تدخل عسكري بحجه سدد اللي عليك يا حلو طيب اخر اسلوب كمان الامتيازات ذات الاجنبيه وهو انه الجاليات الاوروبيه وده للاسف الشديد كانت بتاخد تسهيلات عارف كده لما يجي لك مستثمر اجنبي فتدي له تسهيلات تدي له ارض اللي هيعمل عليها المصنع بالتقسيط تعفيه من الضرايب مش عارفه كم سنه ما يحاسبش على ميه ونور ومش عارفه ايه كم سنه تسهيلات الامتيازات الاجنبيه اللي كانت بتاخدها الجاليات الاوروبيه سوري سوري الجاليات الاوروبيه بتخليها تدخ تكبر وتسيطر وتدخل في شؤون الشعوب اللي هي راحه تقعد في وسطيهم طيب اسلوب كمان شايف كميه الاساليب مبتكرين في الشر الغزو الثقافي انا هروح انشر ثقافتي عندك لدرجه ان انا نفسيك انت مين زي انهم يعملوا وقتها كانوا بيعملوا مدارس بلغه المستعمر وينشروا لغه المستعمر ويخلوها لغه رسميه زي ما فرنسا عملت عملت فين؟ زي ما فرنسا عملت في الجزائر حتى الان روح اتكلم مع حد تونسي ولا جزائري ولا مغربي كلمتين هيتكلم كلمتين عربي مش مفهومين بكائ فرنش ليه؟ لان المدارس والمصالح الحكوميه عنده اللغه الرسميه هناك فرنساوي ده اسمه غزو ثقافي وخد بالك بقى بما انك يعني طالع للدنيا كده وانت كمان طالعه للدنيا الغزو الثقافي ده مازال شغال وشغال على اعلى اساليبه من اول الكاتنج للحلقه الغريبه اللي انت بتحلقها وانت مش فاهم دي حلقه ايه اصلا واللي نبيك نهى عنها اساسا ا للالفاظ اللي احنا بنرددها لطريقه انه عادي يعني نتصور في بيوتنا ونطلع ب ببيجاماتنا على التيك توك عادي كل ده غزو ثقافي انهم يخلونا نشوف العيب والحرام لا عادي عادي ما كل الناس بتعمل ده بيمحي لك عاداتك وتقاليدك ومبادئك والصح والغلط اللي ماما وبابا بيقولوا عليه وبيضايقك ده ا هم اللي صح اللي بيحصل لك غزو ثقافي حلو فخد بالك من ثقافتك كل واحد ياخد باله من ثقافته الله يخليكم طيب الاحتلال العسكري وده بقى الاسلوب الواضح والصريح هجيب لك اسطول ولا قوه عسكريه واجيخدك بالقوه زي ما عملوا مع مصر لما ضربوا الاسكندريه عام 1882 بريطانيا بعتت اسطول ضرب اسكندريه في مصر يعني واحنا زي ما انت عارف انا اسكندرانيه ومحظوظه فضربوا اسكندريه سنه 1882 طيب دي اساليب الاحتلال يبقى احنا اخدنا اسباب الاستعمار اللي هو الاحتلال يعني واخدنا اساليب الاستعمار يلا بينا مع بعض ناخد سياسته خلاص هو جا باي اسلوب من الاساليب جاب غزو ثقافي ولا خداع سياسي ولا حتى قوه عسكريه المهم ان هو جا واحتلك هيعمل ايه معاك ايه سياسته بقى بعد ما احتلك قال لك تعال نشوف اه بصوا كانوا بينشروا ثقافتهم بقى يعني ايه ا عندنا ويجوا يدعوا في الاول احنا جايين نطوركم ونخليكوا متقدمين كلموا كده يعني معانا عشان تبقوا عندكم حضاره زي الحضاره الاوروبيه و يتاثروا قوي كده ونحسن مستوى المعيشه عندكم ولكن في حقيقه الامر ما كانش ده بيحصل طيب هم اتبعوا سياسه تخليهم هم اقوى بيقووا سيطرتهم على الدول الافريقيه ويضعفوا الشعوب الافريقيه ويحققوا رفاهيه سوري سوري يحققوا رفاهيه وتقدم ليهم مش لينا زي ما هم جايين بيدعوا فالسياسه اللي اتبعوها اللي هنتكلم عنها دلوقتي كانت للثلاث اهداف دول مش عشان خاطر خالص الشعوب الافريقيه كلها حاجات لمصالحهم هم تمام طيب تعالى نشوف سياستهم بقى عشان يحققوا الاهداف اللي تخصهم هم وال مصلحتهم دول اللي هم الثلاث اهداف اللي فاتوا ايه بقى السياسه اللي بيتابعوها؟ اولا الحد من الحريات انت مالكش اي حريات مالكش حريه ان انت تعبر ولا يكون ليك تشارك في الحكم ولا تقول راي ولا اسمع صوتك خالص فدي اول حاجه الدول الاوروبيه كانوا بيعملوها مع الشعوب الافريقيه هي انك مالكش اي حقوق طيب والحاجه الثانيه لو في حركه وطنيه طلعت كده طالع لاحمد عرابي ولا سعد زغ اي حركه وطنيه من اللي انت سمعت عنها قبل كده يقمعوها قمع يعني ينهوها قمع الحركات الوطنيه اللي بتعارض سياستهم زي انهم ازاي يقنعوها يعني هيعملوا ايه قال لي ياخدوا الزعماء دول وينفوهم او ياخدوا الزعماء دول يقبضوا عليهم زي ما حصل مع سعد زغلول وده زعيم مصري وزي ما حصل مع الزعيم الغني اللي اسمه اسمه كوامي اللي اسمه اهو كوامي ناكروما مش ناتروما ناكروما ده تمام ده زعيم غاني وخليك عارف الجنسيه كويس وده زعيم مصري اسمه سعد زغلول ايه الاسماء الغريبه دي كوامي ده عادي اكتر صح طيب فاول سياسه هي الحد من الحريات مالكش اي حريه ولا تشارك في حكم ولا تقول راي والسياسه الثانيه في حركات وطنيه هتطلع عكس سياسه المستعمر هقمعها ازاي هات لي زعيم الحركه اعتقله وامشيه بعيد تمام وانفيه بره خالص طيب ثالث سياسه وهي فرق تسد سياسه فرق تسد زي ما كده تلاقي حد سوسه في الشله يوقع ما بين الناس في الشله عشان هو اللي يسود يبقى مفرق كده عشان يسود ف الدول الاستعمال بتعمل كده اول ما تلاقي كلمه تمزيق الوحده بين الشعوب في افريقيا اعرف ان دي سياسه فرق تسد تمام عشان بتيجي في اكتب ما تشير اليه العباره ازاي قال لي والله ينفع اسيب الدوله كده قويه لا انا وقع ما بين مكوناتها مكوناتها دي قبائل اوقع ما بين القبيله دي والقبيله دي فيمسكوا في بعض فالاثنين يبقوا ضعاف وانا الليسود طب يجوا عند الشعب المصري وكده حصل ايام سعد زغلول يجوا عند الشعب المصري يوقعوا ما بين مسلمين ومسيحيين فالشعب يضرب في بعضه فكله يبقى ضعيف فانا كانجلترا اسود بس احنا فهمنا اللعبه وطلعنا نقول يحيى الهلال مع الصليب المسلمين والمسيحيين فدي سياسه من سياسه الاستعمار وهي فرق تسد اللي بعده التمييز العنصري وده يا عيني السكان الافارقه عانوا جدا من التمييز دول لمجرد بس احد اسباب التمييز اللون اللون زي دوله جنوب نوب افريقيا يعني هي الدوله اسمها دوله جنوب افريقيا سكانها كلهم من البشره الداكنه السمراء وكان ممنوع ان حد من البشره الداكنه السمراء يمسك رئيس رئيس دوله ولا اي منصب كبير حتى ده اسمه تمييز عنصري انهم يخلوا السكان الافارقه اصحاب الارض اصلا احنا اصحاب البيت يخلوهم محرومين من كل حقوقهم ده تمييز عنصري ا محاوله تدمير الهويه الوطنيه ينسوك انت مين انهم يجبروا الشعوب على التبعيه ليهم في كل حاجه تمشي كده ورا الموضه اخد لي بالك انت تمشي ورا الموضه والمفروض زيهم زي الكتير اللي بيعملوا دول وتنسى ثقافتك ودينك و دي اسمها تدمير الهويه الوطنيه كانوا بيعملوها وما زالوا بيعملوها معانا ونركوا والله العظيم الاساس عندكم الجيل اللي طالع ما فكر الحاجه دي مناسبه ليك او لا قبل ما تسال نفسك هي موضه ولا لا؟ طيب كل دي اساليب ال كل اللي فات ده اساليب الايه؟ سياسه مش اساليب سياسه الدول الاستعماريه كم سياسه بيتبعوها؟ خمس سياسات طيب احنا اخدنا اسباب واخدنا اساليب واخدنا سياسات فرق ما بينهم تمام تعالى بقى نعرف ايه النتائج اللي ترتبت على الاستعمار يعني جموا اخدونا و باساليب مختلفه وليهم اسبابهم ومارسوا علينا سياستهم الوحشه دي ايه الاثار اللي اترتبت على الاستعمار ايه النتائج يعني رقم واحد حراميه والله يا ابني كانوا بينهبوا كل الاثار التاريخيه والتحف والمخطوطات والوثائق بياخدوا كل حاجه مهمه احنا اغلب اثار مصر تلاقيها في متاحف بره ايه ده خدتوها امتى وقت الاستعمار تمام او وقت الاحتلال البريطاني بالتحديد فهم كانوا بينقلوا الحاجات المهمه بتاعتنا وياخدوها عندهم بره وبكل بجاحه حاطين المثلات المصريه في ميادين فرنسا وميادين اوروبيه كتير وتماثيل بتاعتنا بتاعتنا في متاحفهم عادي وعارفين انهم سارقينها وعادي النتيجه الثانيه غير انهم بيسرقوا الاثار والتحف هي تمركز القواعد العسكريه الاجنبيه فاكرين لما قلت لكم ان هم عندهم قواعد عندنا هنا اللي هي من الاسباب السياسيه والعسكريه فما زالت القواعد دي موجوده في اماكن مهمه سواء على البر او في البحر. الحاجه الثالثه الشعوب الافريقيه بتعاني حتى الان من الفقر والديون بسبب ان الاستعمار ده عمل زي ايه؟ حاجه بتمص الدم كده مص دم الشعوب دي ومشى استنزف الثروات الطبيعيه للقاره سرقها على الاخر فاصبحت افريقيا بالرغم انها كانت قاره غنيه جدا بمواردها لكن بتعاني من الفقر والديون والسبب هو استنزاف الاستعمار للثروات الطبيعيه للقر ف دي النتائج كمان نتيجه رقم اربعه ان هم ما سابوش افريقيا كده حلوه زي ما جم خدوها سابوها ما بينهم نزاعات وصراعات بسبب تقسيم القاره قبل ما الاستعمار يمشي قسمها وقسمها تقسيمات غلط يعني مثلا وده حقيقي يجي مثلا يقسم دوله وده حاصل في الصومال على فكره يجي يقسم دوله فالمفروض ان دي دوله الصومال خلاص كانت متكونه من قبائل قبل ما قبل ما يسموها الصومال ويقسموها يروحوا قاسمينها كده الله طب ما في قبائل تبع الصومال طلعتها في دوله تانيه ليه اهو كده سابها متقسمه تقسيمه وحشه وغلط عشان يفضل ما بينهم خناقات وصراعات فيبقى قبائل من الصومال بس موجودين بره دوله الصومال في دوله ثانيه فيفضلوا في حاله صراع مع الدوله الثانيه لا دي ارضنا لا انتوا القبائل اللي جايين علينا ف رابع نتيجه هي النزاعات والصراعات بين الدول الافريقيه بسبب بسبب تقسيم القاره واعاده رسم الحدود ما بين الدول والهدف شوفوا الاوروبيين الاشرار الهدف اضعاف القاره السياسيه الاقتصاديه طيب رقم خمسه ان انا احول دول القاره دي لدول استهلاكيه سوق استهلاكي لمنتجاتي انا لما جم يستعمرونا ماوش عندنا مصانع اطلاقا ياخدوا المواد الخام لمصانعهم في اوروبا اور يصنعوا هم عشان يكسبوا قد كده ويجيبوا الحاجه احنا نشتريها فحولونا المستهلكين مش عارفين ننتج ف عندك خمس نتائج مهمين جدا على الاستعمار سرقوا اثارنا عملوا قواعد عسكريه وما زلنا بنعاني من فقر وديون لغايه دلوقتي في نزاعات وصراعات بسبب تقسيمه الاستعمار الغلط للدول وحولونا لناس بتستهلك بس مش بتنتج وده بسبب او ده ترتب عليه اضعاف الاقتصاد بتاع افريقيا حتى الان وبكده يا حلو خلصت الشهر الثاني الف مبروك الف مبروك اصل بص خلصت الشهر الثاني دي فاضل لك نص تكه وتخلص المنهج مبروك عليكم وان شاء الله بالتوفيق وزي ما انا وعداكم بدعي لكم في كل صلاه بالتوفيق والنجاح يا رب ربنا يديكم على قد فضله مش على قد مجهودكم واشوفكم على خير بقى في المراجعه النهائيه يلا سلام