كيف تدير نقاشاتك بنجاح ولا تحتاج لقصف الجبهات

هي الموسيقى حلال ولا حرام؟ 25 يناير ثوره شعبيه ولا ملعوب؟ حرب اكتوبر 73 نصر ولا نص ن مصر؟ رافه الهجان بطل مصري ولا عميل مزدوج غزوه احد انتصار ولا هزيمه ترامب داهيه ولا غبي؟ شايف حضرتك شويه الاسئله اللي انا قلتهم دول منطقي جدا جدا بل ومن الجيد ان يكون عند حضرتك رايي فيهم جواب ليه منطقه واستشهاداته ودلالاته غير ان الشخص الناضج والمحاور الجيد العاقل هو من يفترض ويسمح ويحتفظ بحق الاخر في تبني راي ووجهه نظر ثانيه او ثالثه حلقه النهارده عنوانها كيف تصبح محاور جيد وناضج؟ وعشان اشد خط احمر في بدايه الكلام واوفر عليك ضياع وقتك معايا ان كنت ترى في اي من الاسئله اللي بدات بيه الحلقه ان هناك حق وباطل وصواب وضلال فيقينا الحلقه دي مش هتفيد حضرتك بحاجه ولا ا هتدخل هواك اذ ان الارض التي يبني عليها المحاور الجيد شخصيته في النقاش هي احترام حق خصمه او محاوره في تبني وجهه نظر اخرى يعني عشان نتحاور لابد ان حضرتك تؤمن بحقي ان انا يكون ل وجهه نظر غير اللي عند حضرتك مهما حضرتك كنت شايفها صح وجهه نظري اللي ربما قد تكون صحيحه اذا ما كان لدي كمحاور يعني منطق مختلف او كان عندي معلومه غايبه عنك او وارد يكون عندي خلل ما في التفكير في هذه القضيه لغلبه عاطفه او ضيق افق او قصور في المعرفه حضرتك مش مقتنع بده وشايف ان الاخر ضل مضل اللي جرى بعكس ما تراه ضل مضل صاحب هوا بالضروره فحضرتك هتحاورني ليه انت وقتها هتبقى جاي تعلمني وتربيني مش تحاورني وتتناقش معايا وقبل قبل ما نتكلم في صفات المحاور الناضج خلينا نسال اصلا هو احنا بنتحاور لايه هدف الحوار اصلا ان احنا نتكلم مع بعض في الحياه ان انت ومراتك وانت وصاحبك وانت وشريكك وانت ومديرك وانت واي حد بتتكلمه بتتكلمهوا ليه؟ احنا لما بنتحاور لما بنتحاور في قضيه ما احنا بنعمل كده عشان هدف ايه هو وهل الهدف ده واضح عندك يعني مثلا مثلا لو احنا بنتكلم في الكوره هل هدفي وانا بتكلم مع واحد اهلاوي وانا راجل زملكاوي هل مناقشه من ربع ساعه او نص ساعه ولا حتى يوم بليله هيكون هدفها انك تغير انتمائك الكروي؟ ولو بنتكلم في السياسه هل هدف الحوار تغيير انتماك السياسي او الفقهي او ان انا اخليك تحب فلان او ان حضرتك لو بتتناقشي مع جوزك هل الهدف ان هو يخليكي تشوفي في ملاك ده احنا نبقى مغفلين طيب ايه الهدف ورا حرقه الدم دي والرغي ما دام مش الهدف ان البعيد يفهم ده طبعا من منطلق ان احنا اللي قريبين وان احنا اللي فاهمين ايه الهدف بنتكلم ليه بتناقشه ليه في قضيه مختلفين عليها وبناخد وبندي مع بعض فيها ايه الهدف الهدف هو الرؤيه بشكل اوسع ليك المحاور بتاعك هتقول لي طيب هو مش من اهداف الحوار تعديل قناعه او فكره او اقناع الطرف الاخر بوجهه نظري اقول لك وارد وده مهم في الحوار بطبيعه الحال ولكن الحياه والتجربه علمتنا ان ما فيش حد بيحشر فكره في دماغ حد ثاني غصب عنه فانت مطالب خلي بالك مطالب بمعرفه حدود حقوقك حدود عشمك وعليه فلا سبيل امامك وانت بتتكلم سوى الحوار الناضج. طب عكس الحوار ايه؟ ايه عكس الحوار؟ عكس الحوار هو الجدال القميء. الجدال في احسن تعريفاته. الجدال بصفه عامه سيبك من القميق. الجدال في احسن تعريفاته هو نوع من انواع التفاوض. والتفاوض والاقناع ده ليه ادوات تانيه ليه مختصين احسن مني يتكلموا فيه لكن الحوار هدفه مختلف انا مش بتفاوض مع مراتي لما بنتكلم ونتناقش احنا بنفهم اكتر بنساعد بعض اننا نفهم اكتر وده مستحيل يحصل لو كنت شايف ان لا اريكم الا ما ارى او ان من معي فهو قديس ومن ضدي فهو ابليس او لو انت موافق يبقى انت كده بتحترمني ولو ما وافقتش على وجهه نظري او ا عرضتها يبقى انت ما بتحترمنيش. طب ده كلام ده ما بيحصلش الا في مجتمعاتنا العربيه بس هذا النوع من التعصب. التعصب موجود في كل حته والناس ما تتحاور في كل حته بس كثقافه عامه احنا عندنا مشكله في الهات والخد في الحوار لغويا. لغويا الحوار معناه مراجعه الكلام بمعنى مراجعه الكلام بين طرفين او اكثر دون وجود خصومه بينهما بالضروره مراجعه الكلام لا قصف في الجبهات اتفقنا ده الحوارك شايف عكس كده وقف الحلقه يبقى الكلام مش هيفيدك لو ح لو حضرتك عايز ا ا في الحلقه دي ناخد وندي مع بعض علشان نعرف ازاي ا ندي ير حوار جيد وما نحرقش دمنا وقلبنا فخليني اقول لك على مجموعه من الدروس الدرس الاول بيقول انه علشان تكون محاور جيد اسمع جيدا اسمع اسمع سماع يكون ودنك فيه مفتوحه وعقلك مفتوح الكلام بيدخل لحد مخك مش بيدخل على الودن ومخ مخك شغال هترد ازاي؟ اسمع جيدا وافهم جيدا ثم تحدث لاحقا. مشكلتنا دايما ان شهوه الكلام فينا غالبه. بنقطع على اللي بيتكلم عشان نقول. لما العيون بتبص لك وانت بتتكلم لما تقطع في الكلام وتاخد انت الحديده وتتكلم فيك حته من جوه بتنتش الايجو جواك بينتفش فبتبقى من اول كلمه اللي قدامك بيتكلم وانت عايز تقطع عليه. اه مستني اللحظه دي وعندك حججكجك عارف عارف انت بتقول ايه وصلت وصلت وصلت غلط غلط غلط انت انت مش فاهم حاجه نوني الحديده المهم ان انت تتكلم مافيش الانصاط ومحاوله فهم اللي قدامي بيقول ايه حتى لو الكلام بالنسبه لي غريب مش متفق مع الكلام اللي في دماغي وعلى فكره دي طبيعه فينا ان انا انط على الكلام واحاول ان انا افرض وجهه نظري دي طبيعه فينا محتاجه لتهذيب وتربيه وتعليم في حاجه اننا نعلمها نعلم نفسنا ان الصمت ليه هيبه والانساط والفهم من شيم العقلاء هتقول لي يا عم ده بيقول اي كلام وكلام فارغ انت عايزني عايزني افهم الراجل ده بيهزي يقول ايه افهم هو باني هذايانه يا سيدي على ايه منطقه ايه شايفها فاهم منين سيدك النبي سيدي وسيدك النبي عليه وعلى اله ما فيش انسان في الدنيا مؤمن باللي عنده كايمان النبي محمد بما لديه عندك شك في كده ما فيش شك ما دمت مسلم ما فيش شك موقن اكت من اي حد فينا ومع ذلك كان ممكن يقعد يسمع ويتحاور مع واحد بيقول له ما تسيبك بقى يا محمد من اللي انت في دماغك ده من اللي في دماغك ده والقلق اللي انت عامله لنا في المنطقه وفي قريش وعمال تفرق ما بين الواد واخوه والست وجوزها مش ده اللي كانوا بيقولوه حصل حصل ان حد راح له وقال له كده سيبك من الكلام ده الفتنه دي وليك علينا يا عم عايز ايه نخليك معانا في دار الندوه تبقى انت الكبير فلوس ما تشغلش بالك هنديك لحد ما تبقى اغنى واحد فينا اشبع انت بس شاور على احلى واحده فيك يا مك واحنا نجوزها لك ايه رايك في الكلام ده؟ ايه رايك في الكلام ده؟ عندما يقال لرجل بيقول ايواله ما فيهاش الكلام ده خالص عشان يجوا يلاقي حد جاي قاعد قدامه لفتره من الوقت بيقوله له قطعوا النبي اهو كلام وقواله بالنسبه لسيدنا النبي عليه وعلى اله بعيده خالص بره السياق بل من الممكن اعتباره اهانه هو انت شايفني ازاي النبي كان يقدر يقول له كده ومع ذلك سمع النبي عليه وعلى الهذي للاخر ولما الراجل خلص كلامه الفارغ ده سيدي وسيدك قال له افرغت يا ابا الوليد خلصت اللي عندك فقال له اه قال له طب اسمع مني وبدا يقول كلامه بدا يشرح ثاني ما كانش في اسهل من انه يقول يا جدع الموضوع مش كده لا سيدنا النبي ناضج وحكيم انا اسمعك وهانصط ولحد ما تنتهي بعد كده يصبح من حقي ان اقول وان ارد وان اناقش هذا المستوى المتحضر هو اول نصيحه اكبح جماح شهوه الكلام والمقاطعه حاول حاول واللي الاخر اما الاخر بيتكلم حاول انك تفهم هو بيقول ايه وليه مش تجهز ردودك عشان لما تتكلم كلم تقولوال عليها القيمه وماحدش يقاطعك لا خالص اتكلم كلام هادي ولو اللي قدامك بعد ما انت سمعته وفكرت في كلامه ولو في حاجه غايبه سالته عنها وناقشته فيها واستفسرت لو حد قاطعك بعد كده اسكت خالص دي طريقه على فكره طريقه لما حد يقعد بيقاطع كتير لما تبقى ناضج وبتسمع لما حد يقاطعك اسكت خليه يكتشف ان هو بيتكلم كلم ويرد على نفسه لكن اللي ما تعملوش انك تقبل انك تتكلم وهو بيتكم بيتكلم عارفين انتوا صراع الديوك كده تك الاثنين بيتكلموا ده غلط ده بقى الهزي اللي بجد فالنصيحه الاولى اسمع وافهم وما تجهزش رد افهم الاول ليه لان لو على هدف الهدف اللي احنا قلناه للحوار لو هدف الحوار ان احنا نتناقش ونكشف جوانب من الحقيقه فلازم نسمع اكتر ما نتكلم ولازم نفهم قبل ما نتكلم النصيحه الثانيه عدل لغتك ومترادفاتك المحاور الناضج لا هو بيقصف جبهاته ولا هدفه يطلع نفسه كذبان ولا في دماغه يطلع الثاني ما يفهمش ده في قصف الجبهات وعشان كده هنلاقي ان المحاور الناضج البني ادم بقى لما بيكون عاقل وبتتكلم مع واحد عاقل هتلاقيه هو بيتكلم يقول لك ايه ا ده رايي دي وجهه نظري انا شايف بمعنى ان كلامي هو قناعهي الشخصيه حابب تسمعها اهلا وسهلا مش حابب براحتك ده في الفن وفي الكوره وفي الحياه وفي الدنيا والدين ايه ده الدين هو الدين فيه وجهات نظر يا عم كريم الحقيقه ان فهمك للدين اللي فيه وجهات نظر فالدليل اللي انت شايفه قوي ا ا انا شايف ان انا عندي اقوى من انا مش عايز اضرب امثله على فكره عشان عارف ان في ناس هتسيب سيب الحلقه كلها وتخالف اللي انا بقوله ويشتبكوا معايا في المثال وده يدل لك قد ايه احنا بنتكلم في موضوع مهم مش رفاهيه دي اللي بنقوله ده مش مواضيع مثقفين المواضيع دي احنا بنحتاجها واحنا بنتناقش مع عيالنا لازم نسمعهم عشان نفهمهم اسمع مني يا صاحبي اسمع مني يا صاحبي الناس بتحتاج لمن يتفهمها قبل حاجتها لمن يفهمها ابنك محتاج اللي يتفهمه قبل حاجته لمن يفهمه مراتك صاحبك زميلك مديرك اللي تحت ادارتك الناس دي تفهمه حتى لو غلط بس تفهمه الاول وبعد كده ابدا فهمه بيبقى اكثر قبولا للنصيحه لما يعرف انك تفهمتها وده بيريح بالك ده بيكسبك ارض ويخلي اختلافك دايما حوالين مواضيع مش حوالين اشخاص النصيحه الثانيه بتقول بتقول دايما وانت بتتكلم ما تشخصنش القضيه وده بيبدا من انك تختار لغه ومترادفات بتخليك حاطط الموضوع في حجمه وحاطط رايك في حجمه وان رايي ووجهه نظري ورؤيتي وخبرتي بيقولوا كده لا اكثر ولا اقل ابن الرومي الشاعر قال قديما وهو يوضح ان التلاعب بالالفاظ قد يجعل الحسن قبيح والقبيح حسن بيقول لك ايه؟ في زخرف القول ترجيح لقائله في زخرف القول ترجيح لقائله والحق قد يعتريه بعض تغيير تقول هذا مجاج النحل تمدحه عارف العسل لو عايز تمدحه هذا مجاج النحل تمدحه وان تعب لو عايز تعيبه قلت ذا قيء الزنابير مدحا وذما وما جاوزت وصفهما الاثنين صح سحر البيان يري الظلماء كالنور وياما ياما حق اتقلب باطن باللسان وياما باطل باطل اتباع بسحر اللسان وياما حاجات مدحناها بمنطق وزميناها بنفس المنطق بس منطق الهوا لا منطق الحق مترادفاتك ولغتك ممكن تبقى حد تقطع اي حوار ممكن تبقى نعمه وممكن تبقى بين با بين با بين فالبس افكارك ثياب حسنه معبره النصيحه الثالثه وفر وقت وجهد وطاقه بانك وانت بتتحاور مع حد تذكر مناطق الاتفاق والنقطه بس اللي انتم مختلفين فيها يعني انا ومراتي مختلفين في حاجه انا وصاحبي مختلفين في قضيه الصح ان وانا بتكلم اقول الكا متفقين فيهم ويا سلام بقى لو انت اخدت النقطه دي من على لسان مراتك او من على لسان جوزك يعني مثلا انا موافق انا موافق جدا ان انا عصبي اليومين دول ومتفق معاكي ان ده مش صح ومتفق معاكي ان ما كانش ينفع كده طب بس ممكن نسال ليه شايف العباره دي العباره دي ببساطه ان انت اكدت انا انا موافق لما تقول مناطق الاتفاق الكلام اللي احنا متفقين عليه وبعد كده تقوم مبين وجه اعتراضك الحقيقه ان انت بتوفر على نفسك مشوار مرهق خففت حده التوتر طرحت نفسك كشخص بيدور على دواير اتفاق على حل وحسست الانسان الاخر الشخص الاخر اللي قدامك انك متفهم هو بيقول اللي بيقوله ليه فانا مش رافض اللي انت بتقوله بالكليه ولا في الجمله انا عندي اعتراض مع النتيجه النهائيه او مع نقطه معينه اتفاقك مع الشخص اللي حضرتك بتحاوره او او تاكيدك على جزء من وجهه نظره بيدي ايحاء وشعور للطرف الاخر بانك مش بتلعبها بنديه انك بتلعبها بانصاف وانك بتقول اللي ليك واللي عليك وده بيعزز من احترام المستمع ليك وبيوفر مشوار كبير من الفرهده ووجع القلب النصيحه الرابعه دي بقى خاصه بذكائك في تحديد سقف تطلعاتك ومطالبك من الحوار يعني ايه؟ يعني ان الراجل اللي انا بكلمه سواء بقى كان صديق ولا زوج ولا زوجه ولا خلاص عنده راي او حكم او نتيجه ما انا بناقشه فيها تمام الناس اللي انت بتتكلم معاهم واحد من ثلاثه يا اما متفق معاك يا اما ضدك يا اما محايد يعني لا هو معاك ولا هو ضدك طيب ايه الفرق ما بينهم خلينا نشوف الاول الانسان اللي ضدك يعني رافض رافض رافض شخصيتك او ايدولوجيتك او قناعاتك رافض مبني على منطق وجودي بالنسبه له فانت هنا داخل ا عكس عكاس سالب وموجب بينما المحايد مش معاك بس مش ضدك قابل يسمع بس ما يوعدكش ان هو يقتنع والثالث متفق معاك ومؤمن بنفس اللي انت مؤمن بيه انتوا الاثنين زملكاويه انتوا الاثنين سنه انتوا الاثنين شيعه انتوا الاثنين في نفس الحزب انت متفق طيب اهل التفاوض بيقول لك حدد هدفك وانت بتتكلم لازم تحدد هدفك اللي ضدك دي نصيحتهم اللي ضدك ما تخشش معاه الحوار بهدف انك تخليه يغير وجهه نظره هتبلط البحر ما فيش حد بينتقل من يمين للشمال الا نادرا طبعا حالات نادره بس وبيبقى قبلها عنده شكوك في دماغه او انك نورت له حته كانت مضلمه قوي لكن الطبيعي الطبيعي ان ما شفتش في حوار ان سني بقى شيعي ولا ان اهلاوي بقى زملكاوي ولا ان واحد بيتعصب ما بيتعصبش ما نشوفهاش ما لقيتهاش فانت هدفك ايه بيبقى هدفك هدفك تحييده انك تخليه من الصنف المحايد انا مش عايزك تؤمن بوجهه نظري لا خالص انا هدفي هو ان حضرتك تعيد النظر في وجهه نظرك وانا هعيد النظر في وجهه نظري ولو ما اتفقناش فانا عايزك تتقبل ان وجهه نظري دي ليها جوانب قيمه بس وتسيبه عند الحته دي ما تخلوش عدو والمحايد الشخص المحايد اللي هو ايه لا معاك ولا عليك خلي هدفك منه هو اقناعه بوجهه نظرك ليه لان هو هيتقبل ده لان هو لا ينتمي للمعسكر الاخر مش واخد منك موقف ممكن اقناعه يبقى بمنطق لا يخلو من عاطفه وممكن يبقى بعاطفه لا تخلو من منطق حسب شخصيته. اما الثالث اللي هو المقتنع فده ما عنديش معاه مشكله الا زياده اقتناعه. يعني انا لو في حزب سياسي ولا انا داعيه ولا انا عايز الناس تؤمن بكلامي وانا بتكلم في ناس من اللي بتسمعني دلوقتي بتحبني وشايفه ان انا راجل عاقل وبقول كلام عاقل انا دوري معاه هو ان انا ازيد هذه القناعه واضيف له حاجه جديده لهذه القناعه مشكله كبيره جدا ان واحنا بنتحاور بنكون عايزين الشخص يسيب المربع اللي هو فيه ويجي يقف معانا في نفس المربع فانا عايز مراتي ا ا ا وحضرتك عايزه جوزك وانت عايز المحاور بتاعك او خصمك يودع موقفه ويتبنى موقفك ده مش منطقي ومش عملي هو احنا بنتعب ليه في الكلام مع الناس لان احنا عايزين الناس تتغير ماحدش يعرف يغير حد عليه الصلاه والسلام في علاقته بعمه ابو طالب الثابت ان ابو طالب كان بيحب ابن اخوه محمد عندك شكله يثبت ذلك ومحمد بيحب ابو طالب عندك شك كل الشواهد والاحاديث بتثبت ذلك طب ما اقنعوش ليه وهي جنه ونار يعني فبالتالي اذا كان النبي محمد عليه وعلى اله يجب الناس على تغيير مواقفهم و وهو وده واحد بقى ايه الحب موجود والود موجود لم يرها النبي محمد عليه وعلى عليه الصلاه والسلام ان هي موجهه ليه شخصيا فبالتالي كان هدفه هو العم محايد في حب بس هو محايد كان بيحاول يجيبه للمنطقه بتاعته لكنه في الاخر راضي بده لحد اخر يوم بيحاول وهو بيموت يحاول يقنعه بده والرجل لم يقتنع الزبده في النقطه دي ان وصولك لنتيجه من خلال حوارك بيتحقق ببعض الاسباب منها ان حضرتك تحدد هدف واقعي يتناسب مع انواع الشخص اللي قدامك والافكار والاراء اللي في ادمغه الناس وانك تكون مدرك ان زحزحتها اصعب اصعب جدا من زحزحه ابو الهول ذات نفسه فلا بد ان تتم بواقعيه وموضوعيه وصبر النصيحه الخامسه حط اعصابك في ثلاجه والله العظيم انا مكسوف وانا بقولها بس ما ينفعش ما اقولهاش انا راجل دمي حامل انا راجل اه فلاح بس طبعي شبه الصعايده دمي حامي وعصبي وخلق ضيق وماكدبش على حضراتكم ماكدبش اوقات اوقات بتلاقيني بتسبقني عاطفتي ولاني بلسين فبعرف اخرج من الحوار من غير ما حد يشايلني غلط والنتيجه وارد افحم اللي قدامي بس من جوه انا عارف ان هو ما حبنيش او خاف مني او حصل بينا فجوه ودي خطيئه خطيئه انا اسف انا للاسف انا زعلان ان انا بقع فيها انا سلك كهرباء عريان عارف سلك الكهرباء العريان انا شبهه كده لو قربت منه ترقص لو لمسته ترقص ومش عايز حاجه تقول لي طب انت ازاي بتنصحنا بحاجه انت بتعاني منها صدقني يا صديقي اوقات اكت شخص ممكن يكون عارف قيمه الصحه هو الشخص المريض اكث شخص عارف قيمه العقل من به شطط ربنا يرزقنا واياكم الحكمه حكمه فهم وتعلم وضع اعصابنا في ثلاجه حضرتك المفروض تكون متماسك لدرجه ان ما حدش يقدر يخرجك من وقارك واحترامك ولو ده حصل تعتذر وتحاول تتعلم وتجاهد انه ما يحصلش تاني تشريرشل تشر رئيس وزراء بريطانيا الراجل الداهيه ده اللي كان بيمسك السيجار وتخين الراجل ده كان طالع مره السلم فقابل خصم ليه خصم سياسي شرشل بعد الحرب العالميه اللي انتصر فيها سقط في الانتخابات ومركزه السياسي كان فيه صعود وهبوط المهم تشيرشل كان طالع في مره السلم وخصمه نازل الصحفيين واقفين فخصمه حاب يديها له في نص جبهته فده نازل كده والراجل جسمانه كبير والسلم كان ضيق فلازم واحد فيهم ا ا يعني ايه يجي على جنب عشان الثاني يعدي فالثاني نازل بصدره كده وقال له معلش بقى اصل ابويا علمني ان انا ما وسعش للكلاب شرشل قال له ايه؟ قال له ياه غريبه جدا صدق دي عكس نصيحه ابويا وقام هو موسع له وقام الراجل معدي اعظم قصف جبهه هو اللي انت ما تقصدش تقصف بيه جبهه وده مش هيحصل غير لو كانت اعصابك في ثلاجه سواء بتتحاور بتتناظر بتتلاسن في اي حاجه حاول تخليه اعصابك في ثلاجه في حوارات بتحصل مع واحد كل علاقته بالمخ ان الساندوتش منه ب 50 جنيه وبيعلي الكوليسترول القران قال لك ان في ناس بالنسبه لهم ما وجدوا عليه ابائهم اهم من المنطق وشواهد الامور وفي ناس قول الكبراء والوجهاء فوق اي قول ولو به عوار واضح هتروح مع الناس دي فين ه تخانق بقى وتقعد تضيع عمرك وشك يحمر ويجيلك ضغط وتقع من طولك حط اعصابك في ثلاجه في حوارات هتحصل مع واحد شايف ان مش من حقك اصلا يكون لك وجهه نظر اصلا والله العظيم الناس دي موجوده وموجود ناس تحس ان افكارهم مصبوبه في دماغهم محشوره ومعظم الناس خد دي بقى معظم الناس معظمهم مطمئنين لارائهم ومواقفهم واعرافهم يعني هو مش فكره مقتنع هو ما يعرفش يقول ان انا طول الوقت ده كنت متحوك عليا ما قدرش يقولها فما يرضش يغير موقفه على فكره ابو طالب ابو عم النبي عليه وعلى الهمه قال لك ما اقدرش انت عايز القريش تعيرني ان انا غيرت ديني وان انا وانا بموت خرفت ولا غيرت موقفي اللي طول عمري في اشياء غير منطقيه بتخلي الناس يتمسكوا بارائهم طب هنعمل مع الناس دي ايه حط اعصابك في ثلاجه حدد هدفك اشتغل عليه او انسحب انسحب المهم ما تعصبش وده بيبدا من انك تراقب تراقب نفسك وتاخد نفس قبل ما ترد وتكون واعي بتغيير حالتك الذهنيه والمزاجيه راقب نفسك عشان ما تلاقيش نفسك فلتت منك زي ما بيحصل معايا وكله بالتدريب بيتحسن وانا والله بتدرب واتمنى انكم تدعوني النصيحه الاته والاخيره يعني كسب القلوب اهم من كسب المواقف اسمع مني بناء العلاقه صعب بس تدميرها بيحصل في طرفه عين وعوجه حاجب ونصف ابتسامه ساخره مستهتره بلاش تنسى ده والعزه والجلاله تاخدك ان انت صح وهو غلط فتبدا تضغى عليه في الكلام لا لا خالص خالص اوعى انتصارك لوجهه نظري نظرك ينسيك ان طريقتك غلط وهتخصص خسرك مش هتخسرك الحوار ما انت ممكن تكون افحمته وانما يخسرك قلب محاورك احنا في زمن قذف الجبهات وتدمير الجبهات للاسف بنحتفي بمن يطيح بالاخر طب والنتيجه نفوس مشحونه وتحفز وخساير في كل حته حتى في التعليقات بصوا في التعليقات عندي بصوا في التعليقات بصوا بصوا هتلاقي ناس كتيره جدا غريبه انت حمار انت ما بتفهمش انت مش انت ولا عارف حاجه انت مش عارف انت جاي طول انت جاي ليه لازمتها ايه؟ لازم ما عجبكش كلام يزيبه وامشي لا لازم نقصف جبهته ونعلمه ونربيه يلا يا فيمنيست يلا يا سيمب يلا يا متطرف يلا يا اللي ما تعرفش دينك بس بشوف كل الكلام ده وبعمل له هيد او اعمل بلوك يا صاحبي حط لنفسك هدف انا لا هداهن ولا هنافق ولا هبقى طري انا كان لي صديق كل ما بتناقش معاه وبشوف وهو بيتناقش مع الناس دايما يقول لك ايه؟ بص انا لا مع ولا ضد انا ما بحبش الناس المعيعه دي ما تبقاش كده اه عندك موقف بس مش على حساب اصلاح ذات البيت عندي موقف وعندي رايي ومؤمن بيه ومتمسك بيه بس هي مش خناقه خالص نجيب محفوظ الاستاذ نجيب محفوظ الله يرحمه كان بيقول لك قد يختلف اثنان وكلاهما على صواب ايه ده ينفع اه جدا ينفع جدا جدا جدا ممكن احنا الاثنين نختلف وفي حاجه انت مؤمن ان هي صح وانا مؤمن ان هي صح انت معاك دليلك وانا معايا دليلي انت شايف دليلك قوي انا شايف دليلي قوي ممكن نمشي ونختلف كده طب اقول لك على حاجه اقول لك على حاجه انا يا صاحبي راجع للاسلام الاسلام اللي احتفظ بحق المجتهد المخطئ في الاجر متخيل يعني تيجي تقول لك قد يختلف اسنان وك على صواب تيجي تقول لي لا الحق طريق واحد والباطل ما فيش الكلام ده في الاسلام على فكره الاسلام بيحتفظ بحق المجتهد المخطئ في الاجر يعني رغم انه غلطان النتيجه النهائيه غلط وممكن يكون في شيء بيخص الدين والعقيده بس الشخص ده كان شايف وفق ما توفر ليه من معلومات وجهد ان موقفه صح ربنا سبحانه وتعالى لا احتفظ له مش بس بالعذر مش عذره بس لا ده ادله اجر ممكن نختلف وما يكونش قصده اضايقك ونكون احنا الاثنين صح والله ممكن جدا ممكن اكون انا بسمع موسيقى بس لما اشوف حضرتك معايا في ومعايا دليلي في السياره بطفي الموسيقى عشان هي بتضايقك وانت شايف ان هي حرام ولله ضر الامام الشافعي اللي قال لك عباره عبقريه جدا رايي صواب يحتمل الخطا ليه صواب حضرتك حضرتك ليه؟ ليه بتقول ان رايك صواب؟ لانه حسب قناعتي ورؤيتي والداتا اللي عندي صح لكنه بيحتمل الخطا ليه يحتمل؟ لان وارد يكون في معلومه غايبه عني او او شيء ما وصلنيش فانا حاطط احتمال ان انا اه صح بس مش شرط صح 100% على فكره دي مش كلمه باللسان الامام الشافعي لما قال لك راي صواب يحتمل الخطا وراي غيري خطا يحتمل الصواب ما كانش يقول كلمه كده ناخدها ونقولها كلنا بنقولها وكلنا بنعمل عكسها لا ان من يرى بان ما لديه صواب قد يكون فيه وجهه نظر مستحيل هيسفه او هيصغر او هيتهم نوايا اللي قدامه بالسوق وانما هيناقش ويدافع عن وجهه نظره وكل حاجه بس في الاخر بدون ان هو بدون ان يخسر قلب من يحاوره اذ كسب القلوب ونبذ الفرقه والاجتماع في منطقه وسط دون التخلي طبعا عن قيمك ومبادئك من شيم العقلاء تبقى ان انا انصح حضرتك انك ما تتحاورش مع جاهل ولا تلقي بنفسك في حوار مع من لا يؤمن بحق الاخر في ان يرى بعكس ما يراه ولا تذهب نفسك حصرات في اقناع المتعصب بان الشمس بتخرج من المشرق من ذكائك اختيار العقول اللي انت بتحاورها وتتناقش معاها وقديما قال العرب عدو عاقل خير من صديق جاهل ربنا يرزقنا واياكم صفاء القلب ورجاحه العقل ولا يحرمنا التوفيق