حسّن خطك بالقلم العادي في 10 دقائق فقط خطوات بسيطة لأي شخص

يا اهلا بكم في فيديو جديد مع كريم عادل النهارده هنعمل حاجه بسيطه بس هتفرق جدا هنشتغل على تحسين خطنا بالقلم العادي خطوه بخطوه وبشكل عملي التمارين دي لاي حد سواء خطك مش عاجبك وعايز تبدا من جديد او حتى لو عايز توصل خطك لمستوى جمالي اعلى كل اللي محتاجه قلم وورقه وهدوء ركز معايا وخليك بطيء واتعلم واحده واحده ويلا بينا نبدا اول حاجه نبدا بيها دايما هي التسخين خد القلم وابدا ارسم خطوط مستقيمه من الشمال لليمين ببطء وبتركيز. خلي بالك من نقطتين. اولا ايدك هي اللي تتحرك مش دراعك كله علشان يكون عندك تحكم اكبر في الخطوط وتقدر تخليها مظبوطه. وتاني حاجه خليك هادي وبطيء علشان خطك يطلع ناعم. وخليك متاكد لو اول خط ميل منك الثاني او الثالث هيكون احسن واحسن من اللي قبله. انا نفسي اول مره كنت برسم زجزاج مش خطوط ومع التكرار اتحسنت وخطوطي بقت مظبوطه الى حد ما غير الاتجاه وابدا اعمل خطوط راسيه من فوق لتحت التركيز هنا على الثبات خلي بدايه ونهايه الخط في نفس الطول خفف الضغط شويه لو القلم بيشد معاك او الخط بيترعش كل خط بتعمله بيقوي تحكمك في القلم وهو ده هدفنا من التمرين ده دلوقتي هنرسم دواير صغيره وتكون مقف مقفوله ونحاول نخليها بنفس الحجم تقريبا علشان عينينا تظبط. الدايره دي من اهم التمارين لانها بتعلمك ازاي تلف بايدك مش بمعصمك بس. اوعى تستعجل خليك بطيء حتى لو اول دايره كانت بيضاويه او بايظه. مع كل دايره بتعملها عضله ايدك بتتضبط اكت واكث فخليك دايما هادي. اخر تمرين في التحميه هو موجات طالعه ونازله زي شكل حرف السين كده تقريبا. التكنيك ده بيحسن حركه انسيابيه اليد بشكل كبير جدا وبيفيدك في الحروف اللي فيها انحناءات زي السين او الشين او اي حرف تاني في كرفات من تحت ارسم ثلاث موجات ورا بعض بالراحه خالص اللي هتعمله هنا هتستخدمه بعد شويه وانت بتكتب الحروف كامله فخلي بالك هنبدا باول ثلاث حروف وهي حروف سهله وكمان شبه بعض حرف الباء باء وحرف التاء وحرف الثاء كلهم شبه بعض باختلاف وضع النقط وكمان عددها حرف الباء بيكون شرطه صغيره وجسمها مستقر على السطر اكتب الحرف اكث من مره يعني اكتبه مرتين 3لاه اربعه 10 كل ما هتكتب اكت هتستفاد اكت التاء والثاء هيكونوا نفس الشكل بتاع الباء بالظبط باختلاف وضع النقط فوق التاء هيكون نقطتين وفوق الثاء هيكون ثلاث نقط اكتب كل حرف زي ما قلت لك ثلاث مرات او اربعه او 10 وارجع راجعهم تاني هل شكل النقط ثابت هل حجم الحرف موحد ولا في واحد كبير وواحد صغير لو لسه مش متناسق دي حاجه عاديه جدا كل تمرينه بتقوي عينك اكت واكث المهم الاستمرار السين اهم حاجه فيها الموجه زي ما ادربنا على الخطوط من شويه لو تفتكر ابداها بنقطه معينه واطلع وانزل كانك بترسم موجه ناعمه جدا الشين زود فيها ثلاث نقط فوق ولكن جسمها هو نفس حرف السين بالظبط ومشابه ليه لكن خليك حذر انهم ما يكونوش مايلين او لازقين في بعض الحروف دي بتعلمك التوازن داخل الكلمه ولكن لازم تخلي بالك من التناسق بين اجزاء الحرف من الداخل ما يكونش السنون بتاعه السين او الشين متباعده جدا او قريبه جدا وبرده نفس الكلام هتكررها اكت من مره لحد ما تحس ان ايدك بدات تتعود عليها نروح بقى للصاد والطاء حروف فيها زوايا الصاد شكلها بيكون شبه مستطيل تقريبا وبتحتاج تحكم كويس جدا في الحواف علشان تطلع بشكل سليم ومظبوط الطاء بتزيد عن الصاد باننا بنحط لها شرطه فوق يعني هي نفس الشكل بالظبط مع اضافه شرطه بسيطه فوق حرف الصاد علشان تتحول لطاء اكتب كل واحده فيهم زي ما اتفقنا من ثلاث مرات او اكت لحد ما تحس ان الدنيا بدات تظبط معاك وركز ان الخط يكون مشدود ومتحكم فيه يعني انت اللي تسوق القلم مش القلم اللي يسوقك خلي بالك عشان الموضوع ده بيفرق جدا العين واللام العين واللام بيكشفوا اسلوبك كله العين فيها انحناء كبير داخلي لازم يبقى ناعم علشان لو مش مظبوط شكل العين بيكون بايظ خالص اللام طويله ونحيفه لو اتكتبت بسرعه كبيره هتطلع مهزوزه ومش مش مظبوطه اكتبهم براحتك ولو حسيت واحده منهم مش مرتاحه بصريا يعني بالمعنى الاصح مش مظبوطه عدها ثاني وثالث ورابع لحد ما تحس انك قدرت تجيب الحرف بشكله السليم او حتى قريب من شكله السليم مش لازم يكون بنسبه 100% دلوقتي نبدا نركب الحروف مع بعض في كلمات بسيطه ابدا بكلمه بيت او بيت وركز على توصيل الباء بالياء لازم يكونوا متناسقين مش بعيد قوي عن بعض ولا قريبين مع بعض وكمان الياء بالتاء وجرب تكتبها مرتين او ثلاثه او اربعه او 10 وشوف هل حجم الحروف ثابت ولا بيتغير من كلمه للثانيه لو ثابت يبقى انت في السليم ولو بيتغير يبقى انت محتاج تدريب اكتر وتاني كلمه هي ثوب فيها توصيل صعب شويه بين التاء وبين الواو خلي بالك ان الحروف ما تبقاش لازقه ولا متباعده قوي بل تكون مريحه بصريا مش اكث من كده وخلي بالك ان حرف الواو من الحروف اللي بتحتاج تركيز كبير جدا عشان تقدر تجيب الانحناء بتاعها مظبوط ومع تكرارك للكلمه اكيد هتتحسن بشكل ملحوظ والكلمه اللي بعدها هتكون كلمه سطر وده تمرين على توازن ما بين المنحنيات بتاعه السين وحده الطاء والراء كلها حروف بتحتاج انضباط كبير جدا علشان تقدر تجيب المنحنيات بتاعتها بشكل مريح للعين ويكون مظبوط الى حد ما وندخل دلوقتي في كلمه طلع الطاء والعين هنا بيحتاجوا ثلاثه خاصه في الانتقال يعني وانت بتكتب الكلمه دي هتلاحظ ان في صعوبه بالنسبه لك عشان تطلع من الطاء لللام وبعدها اصعب علشان تطلع من اللام للعين علشان كده انصحك انك تتكلم تتعود او تتمرن اسف على الكلمه دي كتير جدا جدا علشان تتقن الطلوع ما بين الطاء واللام وما بين اللام والعين بشكل سليم وهنا اختياري لكلمه شمس بالتحديد فيها تكرار بيدربك على النسق الموحد للحروف يعني الشين مع الميم مع السين هتلاقيهم ماشيين زي المسطره فالتمرين ده مهم جدا عشان تظبط الحروف بتاعتك على الخط زي ما انت شايف واحده واحده وبالتكرار هيعلم الشطار والكلمه الاخيره معانا في الدرس هتكون كلمه لبسه هو تمرين حقيقي على التحكم في الفراغ بين الحروف زي ما انتم شايفين اللام الطويله والباء والسين لازم الفراغات تكون متناسقه علشان الكلمه تطلع سليمه دلوقتي نطبق كل اللي اتعلمناه في كتابه جمل كامله اول جمله معانا الخط الجميل يعكس شخصيه صاحبه اكتب الجمله دي مرتين او ثلاثه او اربعه بالراحه خليك مركز على كل كلمه لوحدها وبعدين بص على السطر كله كامله هل في كلمه باينه اكبر من الباقي طب هل المسافات بين الحروف متساويه ولا في اكبر واصغر من الثاني صدقني الخط الجميل مش بس شكله حلو هو بيدي انطباع عنك من غير ما تتكلم ولا كلمه الجمله الثانيه اكتب ببطء لتتحسن بسرعه ودي مش مجرد جمله دي نصيحه من ذهب لو مستعجل طول الوقت مش هتتحسن لانك ببساطه بتكرر نفس الغلط بسرعه غلطه ورا الثانيه ورا الثالثه مش بتدي لنفسك فرصه انك تطور خليك بطيء دلوقتي وهتشوف نفسك اسرع في الكتابه كمان شويه بس بخط انضف بكتير عن الاول ونروح بقى مع بعض للجمله الثالثه التكرار هو سر الاتقان ودي بقى تلخص كل التمرين كل التمرين اللي اتمرناه ملخص في الجمله دي مش مهم تكتب مره واحده بشكل مثالي المهم تكرر وتصحح وتكرر ثاني حتى لو مشيت على التمرين النهارده لمده اسبوع خطك هيختلف تماما عن زمان واخر جمله هنكتبها خطك هو اول ما يقرا منك يعني الناس بتاخد انطباع منك من خطك قبل ما يعرفوك اكتبها بهدوء وخليها تبقى تذكير لنفسك دايما ان الخط مش رفاهيه الخط مهاره اساسيه خد وقتك مع كل جمله لو في واحده حسيت انها طلعت مش مظبوطه عيدها مره ثانيه التمرين ده من اهم مراحل تحسين الخط لانه بيدمج ما بين كل المهارات كتابه الحروف وتركيب الكلمات وتنسيق السطور وبكده يا اصدقائي نكون خلصنا تمرين النهارده لو التزمت بالخطوات دي يوميا حتى 10 دقائق بس هتشوف فرق واضح جدا في خطك خلال اسبوع واحد فقط ما فيش سحر كل اللي في الموضوع هو التدريب ما تنساش بقى تنضم لقناه التليجرام الخاصه بالخط هتلاقي رابط القناه في اول تعليق وكمان في صندوق الوصف والسلام عليكم