إني أحبها تأملات في سورة الإخلاص

لا اله الا الله وحده لا شريك له واشهد ان محمدا عبده ورسوله اللهم صل على سيدنا محمد النبي وازواجه امهات المؤمنين وذرياته وال بيته كما صليت على ال ابراهيم انك حميد مجيد اما بعد الحيا سوره الاخلاص سوره عظيمه ولها شان عظيم في دين الله عز وجل وهي صفه الرحمن سبحانه وتعالى النبي قال كده ولا مين عليه الصلاه والسلام فسوره الاخلاص صفه الرحمن سبحانه وتعالى وجاء ذلك في حديث اقره النبي صلى الله عليه وسلم صحابي قال هذا واقره النبي عليه الصلاه والسلام احنا عندنا حديثين يا جماعه في الحته دي ا صحابي ا لما ارسل النبي صلى الله عليه وسلم سريه وامر عليهم احدهم فكان يصلي بهم فكان يختم الصلاه بقل هو الله احد عندنا موقف ثاني يرويه انس ان رجلا من الانصار كان يؤمهم في مسجد قباء فكان يفتتح الصلاه بقل هو الله احد يعني الاول كان بيختم كل صلاه بقل هو الله احد الثاني كان بيفتتح كل صلاه بقل هو الله احد خلاص فلما سئل عن سبب ذلك ساله النبي صلى الله صلى الله عليه وسلم عن سبب ذلك قال صفه الرحمن وانا احبها او واني احبها في روايه قال صلى الله عليه وسلم اخبروه ان الله يحبه بحبه اياها وفي روايه حبك اياها ادخلك الجنه فالحقيقه سوره الاخلاص سوره عجيبه ليه عجيبه بقى هتلاقوها اولا متكرره يعني ايه متكرره تكررها في اليوم والليل مرارا مش كده يعني تفتتحك بها وتفتتح ليلتك بها فتلاقي اول ما هتقوم تصلي الفجر فهتصلي سنه الفجر هتقرا بايه؟ الكافرون والاخلاص وسوره الكافرون والاخلاص بيسموهم بيسموهم سورتي الايه؟ الاخلاص يعني سوره الكافرون وسوره الاخلاص اسمهم سوره اسمهم سوره الاخلاص خلاص فتبدا يومك بقل يا ايها الكافرون وقل هو الله واحد طيب انتهى اليوم وبعدين هتبدا الليله فتصلي المغرب وبعد ما تصلي المغرب تصلي ركعتين المغرب ركعتين السنه فتقرا بايه والمغرب هي ايه صلاته اوال الليل فتقرا برض قل يا ايها الكافرون وقل هو الله احد مش كده وتختتم بها الليله فهتيجي في الاخر هتوتر فتوتر بايه قل هو الله احد و قبل ما تنام هتقرا ايه؟ قل هو الله احد ومش مره هتكررها ثلاثا فتلاقوها متكرره على مدار اليوم والليله وبعدين فضلها عظيم يعني هي متكرره في الصوت بقى متكرره في احاديث بخص خصوصها وفضلها عظيم يعني الواحد عاوز يقراها لمطلق الفضل الذي جاء فيها ففضلها عظيم جدا تعدل الايه تعدل ايه ثلث القران يعني ايه تعدل ثلث القران يا جماعه يعني ايه تعدل يعني ايه سوره الاخلاص تعدل ثلث القران مما قيل في ذلك ان ثوابها ثواب قراءه سوره الاخلاص يعدل ثواب باب قراءتك ثلث القران ليس فيه سوره الاخلاص هذا مما قيل طبعا القول اللي الناس دايما يعني ايه وكانهم يعني ايه بعض الناس يتعاظم هذا الفضل فيكسف لا هذا قول موجود عند اهل العلم ان ثواب قراءتها هو ده الثواب بتاعها والقول الثاني اللي هو بقى مشهور والناس كلها عارفاه ان القران فيه احكام ووعد ووعيد وعقائد ثلاث حاجات لو لو جبت القران من اقوله لاخره احكام ووعد وعيد او بعضهم يقول احكام واخبار وعقائد فاذا كان هو القران مقسوم ثلاث اقسام وقل هو الله احد بتتكلم عن الايه عن اصل العقيده مش كده فلذلك تعدلوا ثلث القران لكن احنا عاوزين بقى نمسك في القول الاول عاوزين نمسك في القول الاول ان قراءه قل هو الله احد وفي حديث عن النبي عليه الصلاه والسلام يعني يقوي هذا ولذلك ذهب الى ذلك بعض اهل العلم ايعجز احدكم ا ان ايه ان يقرا كل كل يوم ثلث القران او كما قال صلى الله عليه وسلم يعني تستشعر كده المعنى ده معنى ان في الثواب ده فثوابها عظيم وتعد وتعدل ثلث القران سوره الاخلاص ليه بقى؟ ليه كل ده؟ الحقيقه يا جماعه لو تاملنا سوره الاخلاص هنلاقي حاجه عجيبه جدا ان سوره الاخلاص طبعا سوره الاخلاص من من قصار السور هي كلها اربع ايات هتجد ان ان اسم الله الاحد لم ياتي في القران كله الا في سوره الاخلاص وان اسم الله الصمد لم ياتي في القران كله الا في سوره الاخلاص وده شيء عجيب جدا و لما دعا رجل يوما بهذه السوره ماذا قال النبي عليه الصلاه والسلام؟ قال لقد سال الله باسمه الاعظم الذي اذا سئل به اعطى واذا دعي به اجاب قال رجل يوما اللهم اني اسالك بانك انت الله الاحد الصمد الذي لم يلد ولم يولد ولم يكن له كفوا احد قال قد سال الله باسمه الاعظم ف السوره عجيبه وبعدين سوره الاخلاص زي ما قلنا هي وسوره الكافرون اسمهم سوره الاخلاص ليه بقى علشان سوره الاخلاص سوره قل هو الله احد بتتكلم عن التوحيد الذي يليق بالله عز وجل عن صفه الله عز وجل في التوحيد سوره الكافرون بتتكلم عن ايه؟ عن فعل العبد بقى عن توحيد العبد قل يا ايها الكافرون لا اعبد ما تعبدون ولا انتم عابدون ما اعبد ولا انا عابد ما عبدتم ولا انتم عابدون ما اعبد لكم دينكم ولي دين فعل العبد وسوره الاخلاص صفه الرب سبحانه وتعالى ولذلك كانتا سورتي الاخلاص طيب عاوزين نتدبر شويه في سوره الاخلاص لان تتدبر احنا عاوزين نعمل مشروع كده ان شاء الله يعني قريبا يمكن او حاجه ان احنا نمر على الصور التي حض الشرع على تكريرها اما يوميا او اسبوعيا يعني اشمعنى الصور دي بالذات تتقري كل يوم ليه او الايات دي بالذات اشمعنى الصور دي تتقري كل اسبوع ليه اكيد في معاني ملحه في تلك السور او في تلك الايات بخصوصها فعاوزين نتدبر من من هذا الوجه ليه هذا التكرار ليه ليه دي مش غيرها فمن اعظمها من اعظمها سوره الاخلاص لان تكرر سوره الاخلاص لا يكاد يوجد في غيرها اصلا فهل هو بس مجرد ان احنا بنثبت لله الوحدانيه ما هو يا جماعه الوحدانيه موجود في القران كله صح ولا لا؟ يعني هي الوحدانيه في سوره الاخلاص ولا القران كله توحيد؟ القران كله توحيد فكان لا في معنى او في معاني اخرى عاوزين نقف قدامها عاوزين نتدبرها عاوزين نستشعرها عاوزين ننطلق بها ولذلك نكررها في اليوم والليله ف النهارده مش جايين نفسر ولا جايين نقف على السوره حرف حرف حرف وكلمه كلمه وانما جايين نقف على مواطن في سوره واول هذه المواطن قل هو الله احد قل هو الله احد ف الاحد قلنا ما جاش في القران خالص ولا مره كصفه لله عز وجل الا في هذه السوره نعم كلمه احد جت في القران جت في القران كتير يعني كلمه احد جت كتير في القران انما في هذه السوره جاءت صفه لله عز وجل قل هو الله احد طيب ايه الاحد؟ في عندنا الواحد وفي الاحد هم الاثنين بمعنى ولا كل واحده تختص بمعنى؟ بعض العلماء ذهب ان الواحد والاحد بمعنى ان هم الاثنين معنى واحد ان الواحد والاحد معناهم واحد وبعض العلماء قال لك لا الواحد ليها معنى والاحد ليها معنى ثاني خالص ودول بقى اختلفوا ايه الفرق بين الواحد والاحد مش هنقف على كل الاقوال لكن مما قيل في الاقوال ان الله عز وجل واحد في ذاته احد في صفاته يعني لما نقول الله واحد يعني واحد في الذات مفهومه دي واحد في صفاته يعني ايه احد في صفاته بقى يعني ما فيش حد يشارك ولا ينازعه في صفه من صفاته هو ممكن يبقى واحد في ذاته وصفات صفاته تنازع واضح لا هو مش كده سبحانه وتعالى هو واحد في ذاته احد في صفاته ولما نقول احد في صفاته ان ممكن بعض المخلوقين يشتركوا مع الله عز وجل في قدر مشترك من الصفه لكن لله عز وجل كمال تلك الصفه حد فاهم حاجه يعني الرحمه مش ممكن نقول ايه فلان ده رحيم بالناس مش كده والله رحيم فنقول كده يبقى ده بينازع ربنا صفه الرحمه لا ابدا رحمه رحمه الله عز وجل رحمه كامله تامه لا نقص فيها بوجه من الوجوه بخلاف رحمه المخلوقين وهكذا بقى قل مثل ذلك في كل الصفات اللي فيها قدر مشترك من الايه او او فيها قدر من الاشتراك بين المخلوق والخالق سبحانه وتعالى خلاص يبقى هو احد في صفاته سبحانه وتعالى و طيب هذا يقتضي ايه منا؟ ان احنا بنقول قل هو الله احد ان هيمر قدام عينيك صفات ربنا سبحانه وتعالى كلها فتستشعر بقلبك احديته في كل صفه اتكلمنا المره اللي فاتت مثلا عن صفات صفه الحكمه وصفه هو طبعا كل اسم يشمل ايه صفه فالحكيم يعني له الحكمه مش كده وقل مثل ذلك بقى في كله فكلمنا عن صفه الحكمه كلمنا عن صفه ايهاني العزه مش كده وغيرها من الصفات فهو احد في حكمته احد في عزته احد في حياته سبحانه وتعالى احد في سمعه احد في بصره فكانك وانت بتقول قل هو الله احد وتكررها في كل يوم وليله بلاش تغفل عن هذه المعاني ده من جمله التكرار انك بتقراها بعد ايه كمان بعد الصلوات يا جماعه قول الله سوره الاخلاص بتتكرر كتير قوي في اليوم والليله اكيد مش عشان في كل مره انت غافل عن تلك المعاني لا هي فيها معاني كبيره وعظيمه وخطيره وليه بنكررها عشان لو غفلنا مره ننتبه مره ثانيه ولو انتبهنا المره دي المعنى يفتح علينا في المرات القادمه بمعنى اخر الصحابي يا جماعه لما احب صفه الرحمن احبه الله ودخل الجنه بحبه لها طب هو واحد بيحب حاجه وهو مش فاهمها وهو غافل عن معناها مستحيل هذا رجل وبعدين خلي بالكم يعني مثلا في روايه انس الرجل الانصاري الذي كان يامهم في قباء راحوا واشتكوا له قبل ما يروحوا للنبي عليه الصلاه والسلام اشتكوا للراجل نفسه قالوا له يعني يا اما تقرا بغيرها لو انت شايفها مش مكفياك يا اما تقرا بيها وخلاص انما ما تقراش بيها وتفتتح صوره ثانيه قال لهم هو ده اللي عندي عاوزين حداني يامكم شوفوا حد غيري وكانوا هم يعني الاهل قباء يرونه افضلهم يعني هو افضل واحد يقم فايه قالوا خلاص سيبوه براحته لغايه ما نبقى نروح للنبي عليه الصلاه والسلام ونسال بقى ايه الموضوع ده يعني حصل خلاف بينه وبين الصحابه واصر على اللي بيعمله ليه؟ فانه يحبها اني احبها فقال النبي له صلى الله عليه وسلم حبك اياها ادخلك الجنه طب احنا ازاي هنحب حاجه مش فاهمينها يعني ايه مش فاهمين يعني مش فاهمين يعني ايه احد ممكن يبقى واحد فاهم يعني ايه احد بس مش فاهم مقتضى معنى الاحديه ما هو مقتضى معنى الاحديه يعني ايه يا جماعه يعني يحب سبحانه وتعالى انتوا انتوا فاهمين يا جماعه لما اجي اقول لك ايه مثلا مخلوق واحد من المخلوقين واحد من قرايبك كريم وشهم ورحيم باهله وبار واقعد عد من هنا لبكره وعيلتك كلها ما جابتش غيره يعني ايه؟ يعني هو الوحيد اللي في عيلتك فيه الصفات دي تلاقي الشخص ده من كل العيله ايه؟ محبوب مش كده عشان هذه الصفات اللي لو دخلنا نا في تفاصيلها نلاقي فيها نوع نقص بلا شك يعني ما فيش حد بيبلغ في الرحمه غايه الرحمه ولا حد بيبلغ في الشجاعه غايه الشجاعه ولا حد بيبلغ ما فيش كده خلاص لكن هو متصف بتلك الصفات الجميله الحسنه فتلاقيه محبوب من كل العيله بالذات لو مافيش غيره عارف لو واحد واتنين وثلاثه واربعه وخمسه وسته تلاقي الحب ايه متوزع على دول ممكن واحد يحب واحد منهم ما يحبش التاني انما لو واحد يجمع الصفات دي كلها ومافيش غيره فتجده ايه محبوبا من كل اللي حواليه هو ما فيش غيره ما فيش غيره اللي كده ولله المثل الاعلى قل هو الله احد فوانت بتقول كلمه احد تستشعر هذا هو احد سبحانه وتعالى في رحمته احد في رحمته يا جماعه رحمه الله مثلا يعني رحمه الله عز وجل منها ان ابليس يوم القيامه هيعمل ايه؟ هيشب كده صح يتطاول كده يظن ان الرحمه تدركه من عظم الرحمه اللي شايفها ابليس يوم القيامه يقوم يشب براسه كده ايه يظن ان الرحمه تدركه رحمه عظيمه سبحانه وتعالى فهو احد في رحمته احد في لطفه احد في مغفرته هو يا جماعه في مخلوق في الدنيا يستحمل انك تخالفه مخالفتك لربنا ما تلاقيش مستحيل في مخلوق في الدنيا يستحمل مخالفتك لربنا ان يعني شوف انت بتخالف ربنا في كم امر في اليوم والليله في ال 24 ساعه مصح لغايه ما تنام شوف بتخالف ربنا في كم امر سبحانه وتعالى عدد هذه المخالفات لو خالفتها لمخلوق مين يستحملك ما تلاقيش طب خد الزياده بقى عن كده مع كم المخالفات دي هو سبحانه وتعالى يحب منك ان تستغفر واذا استغفرت غفر لك طب وقعت تاني يمهلك طب استغفرت يغفر لك طب وقعت ثالث عاشر يمهلك وان استغفرت غفر لك واحب ذلك منك سبحانه وتعالى احد في مغفرته احد في كرمه سبحانه وتعالى هو في مخلوق في الدنيا يستحمل كم الطلبات اللي بتطلبها من ربنا سبحانه وتعالى حتى لو ابوك او امك ما تلاقيش طيب في مخلوق في الدنيا يستحمل ذنك الحاحك في السؤال يعني تساله مره وبعدين شويه وتروح ساله ثاني وشويه تروح تساله ثالث و حتى لو هو مين هيحصل ايه هيزهق مش كده الله يغضب ان تركت سؤاله وبني ادم حين يسال يغضب ليه؟ اصل احد في كرمه فما فيش حد في كرمه سبحانه وتعالى فيحب ان يعطي وتعالى ويحب الحاحك طب خد المفاجاه دي جاء في بعض الاثار انه ربما اخر سؤالك اخر اجابه سؤالك ليه؟ لانه يحب ان يسمع صوتك يحب ان يسال ويحب ان يلح عليه سبحانه وتعالى طب خد اللي اكبر من دي لو ما سالناهوش يهلكنا كلنا ويجيب ناس تساله تساله المغفره هو بيحب ده ليه اصله احد في كرمه انتم عارفين اللي كريم وعنده بقى يعني تلاقيه لو عدى يوم ما انفقش يتعب ما يعرفش يعمل ده في المخلوقين يعني اقصد فهو احد في كرمه وقل مثل ذلك في كل الصفات احنا الدرس النهارده مش درس الصفات كلها في احد دي فوانت بتقول احد اكيد اكيد النهارده الموضوع ملمس معاك في صفه معينه مع ربنا سبحانه وتعالى يعني ايه مثلا كان الفرق بينك وبين انك تتفضح لحظه فاتح مقطع اباحي وفجاه ابوك دخل عليك كنت انت لسه يا دوبك ايه قافل المقطع لحظه وكنت تتفضح فانت عايش معنا الستر النهارده انت عايش معنى الستر فجيت بعد الصلاه بتقراها ولا قبل ما تنام ولا في اذكار الصباح في اي وقت بقى بتقرا قل الله احد فتقول احد في ستره سبحانه وتعالى ستير احد في ستره فتعيش تلك الاحديه في الستر لان مافيش مخلوق تعصيه كم العصيان ده وتخالفه كم المخالفه ويفضل سترك على طول الخط كده ما تلاقيهاش دي ربنا بقى احد في ستره سبحانه وتعالى طيب النهارده اتجرقتي على ربنا انت ومثلا حد واحده بتقول لك الحجاب ولا مش عارف الصحبيه ولا بتاع رحت ايه غلطتي غلط كبير غلط تؤخذي به الان يعني يخسف بك الان الارض في ناس كده تتجر على ربنا وبعدين امهلتي ما هو يا جماعه لو قلوبنا صاحيه هنحس المعاني دي في كلمات احنا يعني في كلمات لما تتقال المفروض ننتظر العقوبه فورا فورا فورا حتى لو انت راجل مؤمن وتقي طب يعني اقول لك حاجه زياده ده انت لو مؤمن وتقي وولي لله عقوبتك تبقى اشد وعلى كلمات ربما يتجاوز عن مثلها في حق غيرك ايه رايك بقى مش هتتعامل زي غيرك امتى؟ يعني هديكم مثال النبي الذي قال النبي عليه الصلاه والسلام كان لما يخلص صلاه يتمتم بكلمات كده مش مفهومه مش سامعينها يعني الصحابه فصحابي راح ساله عن الكلمات فحكى له نبيا من الانبياء نظر يوما في قومه في الجيش بتاعه قال من يقوم لهؤلاء يعني ايه اللي حصل اعجب بايه بكثره الجيش قال من يقوم لهؤلاء ماحدش يعرف يقف قدام الجيش بتاعي فاوحى الله له ان اختر لقومك احدى ثلاثه اختارهم بقى واحده من الثلاثه دول ثلاث عقوبات ماشي المهم اختار اختار لهم الموت يعني مش عاوزين الحديث طويل بقى فمات منهم في يوم كام؟ انتوا فاهمين الرقم ده يا جماعه؟ الرقم ده يعني ممكن ايه ا في في حروب كبيره ممكن ما يموتش الرقم ده انت فاهم يعني ايه في ساعه زمن هذا النبي ينظر في جيشه مات 70 الرقم 7 الف ده رقم كبير جدا خلي بالكم يعني يعني انا اظن اللي في المسجد دول مثلا ما نجيبش ال000 ما نجيبش الرقم ده ممكن يبقى 500 يعني فاضربوا الرقم اللي انتوا شايفينه دلوقتي في 14 لو احنا فعلا 500 فانتوا فاهمين الرقم عامل ازاي ف 14 ولا ايه؟ 140 بقى صح 140 يعني الرقم ده كده حطه 140 مره جنب بعضه فرقم مرعب فاحنا بنعمل كده احنا احنا لينا كلمات لينا افعال قلبيه عقابها كان يبقى فوري وامهلنا وجيت في سنه المغرب وانت عارف الكلمه اللي قلتها ما هو ان الرجل ليتكلم بالكلمه من سخط الله لا يلقي لها بالا يهوي بها في النار 70 خريفا حد تدبر المعاني دي فالمهم جيت انت بقى بتقرا قل هو الله احد فتعيش معنى ايه تعيش معنى احاديته في ايه بقى في امهاله في امهاله سبحانه وتعالى امهلك احد في امهاله سبحانه وتعالى لقيت درس المره اللي فاتت حاجات تجنن المؤمنون مستضعفون وتنتهكوا الاعراض ويقتلوا وما فيش حد معبرهم ومش عارف ايه ودخلت في سنه الفجر القبليه قل هو الله احد في حكمته وتعيش مع احاديه الله عز وجل في الحكمه احد في حكمته ولو كان الامر لاحدنا لا عجل عجله اكيد هتفضي الى الى شر ليه؟ لان طالما ربنا لم يعجل تلك العجله فهو ده الخير مفهومه دي يبقى ايه قل هو الله احد في حكمته سبحانه وتعالى فتطمن تخرج كده من سنه الفجر وانت وانت مطمئن القلب ليه؟ اصله احد في حكمته احد في حكمته سبحانه وتعالى قس على ذلك كل صفه بقى كل صفه شايف نفسك متجر على معصيه ربنا سبحانه وتعالى ومقضيها بالطول والعرض ويمين وشمال ولا فارقه معاك تقوم تدخل الصلاه قل هو الله احد في جبروته في قوته في سمعه وبصره سبحانه وتعالى على فكره كل واحد من دول ليها تفاصيل جوه يعني مثلا لو قلنا قل الله احد في سمعه فازاي سبحانه وتعالى لا تختلط عليه الاصوات وبعدين سواء منكم انتم عارفين دلوقتي لو انا اهو بتكلم في المايك اهو كلنا كل اللي قاعدين سامعيني صح كده اثنين بيوشوا بعض في اخر المسجد ولا واحد في المسجد سامعهم ربنا يقول لي بقى في القران سواء منكم من اسر القول ومن جهر به في سمع الله سيان الاثنين واحد سواء منكم من اسر القول ومن جهر به اللي بيتكلم في ميكروفون زي اللي قاعد بيسر القول بيوش واحد طب اللي اكتر من ده لا ده ما اصرش حتى انتوا عارفين السر يكون بين اثنين ما اصرش ما فتحش بقه يعلم السر واخفى هو ايه اللي اخفى من السر ما لم تحدث به غيرك الحاجه اللي في ضميرك اللي لم تطلق عليها احدا اصلا طب يعني يعلمها بس طشاش كده يعني سواء منكم من اصر القول ومن جهر به قد سمع الله قول التي عائشه تقول ايه انا في ايه ناحيه بيت اسمع كلمه ويخفى علي كلمات وانزل الله من فوق سبع سماوات قد سمع الله قول التي تجادلك في زوجها فتقوم احد في سمعه احد في بصره فانا وانا وسط الناس شايفني زي ما وانا لوحدي احنا بنكلم مين اللي متجر على معصيه ربنا سبحانه وتعالى سواء منكم من اسر القول ومن جهر بها ومن هو مستخف بالليل وسارب بالنهار سواء يبقى سواء منكم من اسر القول ومن جهر به سواء في سمع الله وسواء في بصره من هو مستخف بالليل وسارب بالنهار الاثنين واحد رؤيته لهذا كرؤيته لذاك فانت راجل متجر على معصيه ربنا وما بتصدق تبقى لوحده ك في خلوه علشان تنتهك الحرمات قل هو الله احد في سمعه احد في بصره احد في قوته في قدرته احد في اخذه في بطشه لسه واخدينها الدرس اللي فات ان بطش ربك لشديد فاهمين انتوا فاهمين يا جماعه الكلام ده احد يعني ايه مافيش حاجه مافيش حد زيه مافيش حد يشبهه في هذا وكذلك اخذ ربك اذا اخذ القرى وهي ظالمه ان اخذه اليم شديد احد في لطفه فاكرين صاحبنا احد في ستره اللي هو قبل ما ابوه يخش بلحظه كان قفل المقط المقطع الاباحي طب ابوه فتح عليه وطب عليه وشافه وهو بيتفرج على المقطع الاباحي قل هو الله احد في لطفه سبحانه وتعالى لطيف ليه لطيف كان ممكن ياخذك وانت على تلك الهيئه ومن لطفه بك ان انذرك عشان تفوق وتبطل وترجع احد في لطفه ولو فلو اخذك على تلك الهيئه ومت على ذلك الشيء لبعثت عليه فان حدث ذلك في فضيحتك يا مسكين انت النهارده متضايق ان ابوك شافك ان امك شافتك ان مش عارف صاحبك ان اخوك ان تخيل بقى فضيحتك دي على رؤوس الاشهاد والادهى من ذلك والامر ان تقف على تلك الهيئه بين يديه وهو يحاسبك سبحانه وتعالى لطيف احد في لطفه ومن لطفه انه فضحني الفضيحه الصغيره دي عشان افوق وارجع والا كنت هتمادى لغايه ما اؤخذ على تلك الصفه تلك الهيئه ذلك الفعل وتبقى الفضيحه الكبرى احد في لطفه فاحنا عاوزين نعيش يا جماعه في كل موقف بنقرا فيه سوره سوره الاخلاص مع صفه من صفات الله عز وجل وتستشعر معنى الاحديه في هذه الصفه انهي صفه ماارفش يعني مش هقول لكم واجب النهارده صفه لا كل واحد حصل معاه موقف واستشعر معنى من من تلك الصفات يوم الموقف اللي بعديها على طول من المواقف اللي بتقرا فيها قل هو الله احد سوره الاخلاص يقف يهد شويه بلاش تخلصها في 30 ثانيه خلصها في دقيقتين في ثلاث دقاق طقئ راسك واغمض عينك وتدبر قوله تعالى قل هو الله احد في ايه بقى كل واحد بقى وما يفتح الله عليه ولذلك يا جماعه قل الله احد كنز كنز تعدل ثلث القران ما هو ما فيش احد اني في القران ما فيش احد تاني في القران فمش هتعرف تعملها دي هتعملها فين تاني لو قلنا لو ذهبنا الى هذا الفرق انه واحد في ذاته احد في صفاته فهتعملها فين في القران تاني دي انك تقعد تتدبر هذا اللفظ وتقدر تتدبر فيه اي صفه انتوا فاهمين الكلام ده يا جماعه ان احد دي تقدر تتدبر فيها اي صفه من صفات الله عز وجل انا على فكره انا مش محضر الكلام يعني انا كل اللي انا قلته الربع ساعه اللي فاتت ولا انا مش محضره انا عمال اجيب فصفات ومواقف انا ما يعني انا ليه بقول الكلام ده عشان اقول لكم ان ده يقدر يعمله اي حد يعني هو انت موقف بيحصل لك ف فتقدر تعيش بقى معاه ومش لازم من قبل الله عز وجل مثلا النهارده ضده مات واحد ليك ابوك اخوك اي حد مات فتقوم قل والله احد في حياته ما هي حياه كامله لم تسبق بعدم ولا يلحقها زوال الحياه لن تزول حياه ربنا لن تزول ولم تسبق بعدم يعني ما كانش موجود وبقى موجود ما كانش حي وبقى حي لا حياه كامله فقل هو الله احد في حياته عشان كده شوفوا الايه وت توكل على الحي الذي ليه هنا الذي لا يموت ليه جت وتوكل على الحي علشان ينفي من قلبك الاغيار حد فاهم حاجه انت رايح دلوقتي مصلحه حكوميه ف وانت رايح محضر واسطه فلان الفلاني المدير في مش عارف ايه عضو في مجلس الشعب واسطتك ايا كانت وسطك ك رايح بقى وبطنك بطيخه صيفي وقلبك مطمئن ومش عارف ايه صح كده وصلت على باب المصلحه بتتصل يرد عليك والله فلان مات وارد ولا مش وارد وارد طب كان الحل ايه من الاول توكل على الحي الذي لا يموت اه صحيح عضو مجلس الشعبي ده حي بس بيموت والله بيموت وتلحقه الافات يعني مش لازم يموت انت ممكن توصل لباب المصلحه تتصل اصله بس ايه جاله ا جلسه طارئه في مجلس فراح ف وشاب التليفون اشرب بقى انت وانت على باب المصلحه بقى شوف هتعمل ايه بعض الناس يا جماعه لو بس وصل لباب المصلحه واتصل بالرقم اللي هو المفروض هيشفعله ولا كذا ولا كذا ولقى بس ادلهه غير متاح يضطرب قلبه ويعرق مش عارف هيتصرف ازاي لا اله الا الله لا اله الا الله فين ربنا ايه اللي قلبك يضطرب ليه ولا ليه يعني اين الله اين الاحد يبقى تشهد هذا بقى ماشي موقف اللي هو غير متاح ده تليفون غير رحت فتحت اتصلت لقيته غير متاح تستشهد وبعدين قل هو الله احد ها احد في ايه بقى معيته مش كده فلان ده اللي انت فاكره معاك جيت في اللحظه اللي محتاجه فيها ما بقاش معاك صح يا جماعه اللي انا بقوله ده بيحصل ولا انا ما بيحصل تليفون غير متاح تليفونه نسي في البيت حد رد عليك بس هو نسيه في البيت طب يعني اعرف اوصل له والله ما حوش تليفون طب راجع امتى؟ لا ده بالليل وانت على باب المصلحه قل هو الله احد في معيته سبحانه وتعالى على طول معاك 24 ساعه معاك سبحانه وتعالى في اي لحظه ترفع ايديك وتسال في اي لحظه وانت على يقين ان سؤالك مسموع على يقين يجيب ولا لا يجيب دي مساله تانيه ترجع الى احاديته في حكمته واحديته في رحمته بك لان ممكن المصلحه اللي انت رايح تخلصها مش مصلحه ليك انما انت تستشعر ايه بقى تليفون غير متاح تليفون في البيت احد في معيته سبحانه وتعالى عش مع احديته قل هو الله احد الله الصمد والصمد ايضا لم تاتي في القران الا في سوره الاخلاص عجيب والله يا جماعه احنا لو يعني حاجه عجيبه فعلا يعني يعني القران كله سوره من اربع ايات اسم الصمد مش موجود في القران ازاي ما نقفش مع حاجه زي كده يعني ازاي يعني ايه الصمد؟ الصمد اتقال فيه اقوال كتير جدا ممكن تكون وصلت ل 20 قول خلونا ناخد ثلاث اقوال وهي اشهر الاقوال ثلاث اقوال ونتدبر الاقوال قل هو الله احد الله الصمد مما قيل في الاقوال ان الصمد الذي لا جوف له الصمد الذي لا جوف له فهو مصمد وقيل ان الدال مبدله من التاء والاصل مصمت حد فاهم حاجه؟ فالصمد الذي لا جوف له فلا ياكل ولا يشرب هكذا قالوه في التفسير حد تدبر المعنى ده قبل كده؟ طيب علشان نتدبر المعنى ده اولا اول ما نقول انه لا جوف له نقوم نتامل كده في المخلوقات بالذات المخلوقات التي لها نوع ادراك هنكتشف ان المخلوقات دي كلها لها ايه؟ لها جوف وكان وجود الجوف نوع نقص طب شوفوا المعنى الاعجب من ده ان ابليس ابليس عارف الموضوع ده ايه رايكم بقى؟ ابليس لما خلق الله ادم قبل ان ينفخ فيه الروح وهو ليس بقى على هيئته من الصلصال او كذا فابليس كان يطوف بايه؟ بادم ويدخل ويخرج ما هو ادم مجوف عليه السلام فيدخل فيه ويخرج وبعدين قال كلمه عجيبه جدا ابليس في روايتين الروايه الاولى يقول فلما راه اجوف علم انه خلق انه خلق خلق خلقا لا يتمالك هنيجي لكلمه لا يتمالك دي الروايه الثانيه بقى ان ابليس قال لما لقاه اجوف لما وجد ادم اجوف قال نلت منه خلق لا يتمالك او ظفرت به هكذا الروايه ظفرت به خلق لا يتمالك هنا بقى عاوزين نقف شويه اول حاجه مع ابليس لقى ادم اجوى فرح قوي وقال ظفرت به خلق لا يتمالك فعاوزين نفهم ابليس فهم ايه دي اول حاجهاني حاجه اللي ابليس فهمه ده هو فهمه بناء على ايه يعني في تجربه سابقه حد فاهم انا بقول ايه ما هو ابليس يعني طيب ابليس كانه فهم اولا في تجربه سابقه اه في تجربه سابقه لابليس ايه هي التجربه السابقه الملائكه جاء في بعض الاثار الملائكه صمد خلق الله الملائكه صمدا لا جوف لها ولذلك الملائكه لا تاكل ولا تشرب ولا تتناسل مش كده لما جال لهم بالايه بالعجل الحنيذ وبعدين راى ايديهم لا تصل اليه نكراهم اوجس منهم خيفه ليه ما بياكلوش ما الملائكه ما بتاكلش ليه ما بتاكلش مالهاش جوف حد فاهم دي؟ وطالما مالهاش جوف فاحنا في جوف كده هنسميه بعد كده الرحم والجوف ده هو المسؤول انه ايه؟ يشيل الجنين و فهي مالهاش جوف مافيش تناسل فدي خلق اهو خلق صمدا وفي خلق تاني جاءت النصوص بما يوحي ان هو خلق مجوفا اللي هو مين؟ ابليس نفسه ما هو ابليس نفسه الجن والشياطين بتاكل ولا ما بتاكلش ماذا قال النبي صلى الله عليه وسلم هذا زاد اخوانكم من الجن فالجن بياكل طب بيتناسل افتتخذونه وذريته مش كده فبيتناسل فعندنا خلقين اهم خلق خلق صمدا وخلق خلق اجوف فلما خلق هذا على تلك الصفه من الصمديه تمالك ليه تمالك لان الجوف من قوانين الله عز وجل في الكون يجري عليها الكون ان اي شيء مجوف لابد انه يمتلئ دي قوانين الطبيعه الطبيعه يعني التي خلق الله عز وجل عليها الطبيعه تسير على هذه القوانين مستحيل تلاقي حاجه جوفاء مش مليانه حاجه الا بتدخل خارجي يعني دلوقتي مثلا الايه الازازه اهو الازازه اهي جوفاء اهي نصها ميه ونصها فاضي مش كده لا نصها ميه ونصها هواء لان دي ده قوانين ربنا في الكون اي حاجه مجوفه لابد انها تمتلئ لابد يبقى دي نصها ميه ونصها هواء طيب عشان احنا نخلي حاجه ما فيهاش حاجه ما فيهاش حاجه دي اللي بنسميها ايه مفرغه مش كده بنعمل لها عمليه الايه تفريغ بنعمل لها ايهفاكيوم بنسحب منها الهواء ده كده دي قوانين الطبيعه ولا احنا بنمشي عكس بقى الطبيعه بنبذل جهدا عشان نعمل ده حد فاهم ده؟ طيب فدي القوانين ان اي شيء خلق مجوفا هيتملي طيب لما يكون شيء بقى خلق مجوفا وله نوع ادراك شيء خلق مجوف وله نوع ادراك فكان هذا الجوف الذي خلق فيه س يكون لادراكه تدخل في ملء هذا الجوف يعني ايه؟ وده اللي هنسميه بعد شويه شهوه بقى يعني لما لقى ادم مخلوق مجوف فعرف ان هيبقى في شهوه عنده اسمها شهوه الاكل والشرب وفي او يعني ايه بالقياس ما هو مجوف فبياكل ويشرب بيحتاج لاكل وشرب فدي شهوه وبعدين هيبقى يبقى بعد كده عند المراه اللي قلناه من شويه تجويف اخر هيسمى الرحم فطالما خلق التجويف ده يبقى لازم هي ده خلق ليملا طب هيملا بايه ما هو ده هنسميه بعد كده بقى في حاجه اسمها جنين وبتاع ومش عارف ايه طب عشان ده يحصل هيبقى في عمليه اسمها عمليه الجماع طب عشان دي تحصل فيبقى في شهوه اسمها شهوه الوقاع هتخلق في هذا الجنس البشري ليه عشان نملى التجويف طب طب ليه نملى اصلا التجويف؟ عشان في حكمه بقى كده اللي هو بقاء النسل يعني مش دي قضيتنا دلوقتي حد فاهم اللي انا بقول يا جماعه؟ فلما ابليس لقى ادم اجوف قال ظفرت به خلق لا يتمالك عرف لوحده عرف ان الخلق ده هيبقى فيه شهوات الشهوات دي ليه؟ الشهوات دي وضعت في هذا الجنس ما هو يا جماعه الشهوه وضعت فينا لحكمه ما واحد يقول لك ايه هو احنا ليه طب ربنا خلق لنا الشهوه ما هي سبب المصايب كلها نقول لك لا هي الشهوه وضعت فيك لحكمه والا لو مثلا يعني نزعت منك شهوات الطعام والشراب هتموت مش هتاكل ولا تشرب وهتموت مش كده طب نزعت منك شهوه الوقاع هينقطع النسل وينقرض الجنس البشري وقل مثل ذلك في كل شهوه حتى الغضب حتى الغضب خلق لحكمه ايه الحكمه انك تغضب لمحارمك ما هو لو الغضب ده واحد ما عندوش ماتخلقش الغضب عادي جدا يلاقي ايه ابوه بيتضرب وهو بيتظلم وهو واقف وعرضه بينتهك وهو واقف ما هو لا ما عندوش حاجه اسمها غضب مش موجوده ولما قام سوق الجهاد ما هو سوق الجهاد الجهاد ده كله قائم على الايه اصلا انك بتغضب لحرمات الله عز وجل تغضب ان يكفر بالله عز وجل في الارض مش كده فقل مثل ذلك في كل شهوه خلقت لحكمه المشكله فين في الشهوه ان احنا نعرف نسيطر على تلك الشهوه ان احنا نعرف نحجم تلك الشهوه ان احنا نعرف نتحكم في تلك الشهوه بس دي مشكلتنا مع الشهوه طيب طالما في جوف يبقى انت محتاج تملى الجوف وطالما محتاج تملى الجوف يبقى هتخلق فيك شهوات عشان بها تتحرك بارادتك عشان كده قلنا ايه لو خلق اجوف له نوع اراده هتسلط تلك الاراده على ملء ذلك الايه التجويف فهتخلق فيك شهوه عشان تتحرك بارادتك لملء هذا الجوف فهمتوا دي؟ فالاكل والشرب او او الجو في البعيده هتقوم انت متحرك بارادك لكذا و الرحم هتتحرك بارادتك لملئه في بقى تجاويف انت خلاص خلقت فيك مثلا عمليه الايه الشهيق والزفير انت بتتنفس لو تكتب نفسك ما تعرفش ما تعرفش تعمل ده طب ده ليه؟ عشان يتخلق لك جوف اسمه الرئه فطالما في تجويف هو اتخلق عشان يتملي حاجه ايه الحاجه بقى تعالوا نشوف بعد كده فهنلاقي تجويف اتخلق عشان يتملي هواء وتجويف اتخلق علشان يتملي اكل وشرب وتجويف اتخلق عشان هيتحط فيه حاجه اسمها جنين وهكذا فهمنا دي يا جماعه طيب وخلقت الملائكه صمدا مالهاش بقى الجوف ده فلا بتاكل ولا بتشرب ولا بتواقع ولذلك تجدها متفرغه بقى للعباده الى اخر بقى صفه الملائكه اللي انتم عارفينها خلاص يبقى ده اول معنى الله الصمد طيب اركنو على جنب بقى المعنى ده هنقول معنى ثاني وبعدين نشوف المعنى الثالث العجيب بقى ان هو ايه هيجمع المعنيين ويعني هنشوف كده بالتدريج فهمنا المعنى ده الله الصمد الله الصمد من معاني الصمديه يعني السيد الذي بلغ النهايه في السؤدد وقالوا ان الصمد بقى ركزوا بقى يا جماعه انه الصمد الذي بلغ النهايه في كل صفه ده ده معنى الصمد يبقى هو نرجع تاني لاحد بقى احد في كل صفه بلغ النهايه في كل صفه فاهمين دي لا مش فاهمين طيب تعال اقوللكم حاجه دلوقتي انت عايش في قريه صغيره خلاص وبينك وبين المركز مسافه ساعتين مثلا عشان توصل للمركز اللي هو ايه تبع المحافظه دي ففي القريه دي فيها مثلا واحد ترزي خياط بنطلونك اتقطع هتروح لمين؟ للخياط اللي في اللي في القريه ليه؟ مش لازم يكون هو شاطر خالص ده مش شاطر و ممكن يبوظ الحاجه بس ليه بتروح له هو ايه واحد فمش شرط انه يكون واحد ان يكون حاجته يعني 100% مش شرط انما ممكن يكون واحد وهو البريمو في مصر كلها بقى يعني هو قدرا كده ان الخياط اللي في قريتك ده هو احسن خياط في مصر فهو احد او واحد يعني عفوا واحد في قريتك ومع ذلك بلغ في مهنه مهنته الغايه خلاص هو ما فيش حد هو مقفل المهنه حد فاهم الفرق بين ده وده طيب فالله عز وجل احد صمد بلغ في كل صفه الغايه طيب يبقى او سيد بلغ الغايه في السؤدد تعالوا نجمع المعنين دول يا جماعه اولا صمد يعني لا جوف له معنى انه لا جوف له انه ايه؟ انه لا يحتاج لغيره ما هو انت اصلا محتاج انت ليه بتحتاج اي حاجه او اي حد عشان تملى جوف ايا كان بقى هذا الجوف انا عاوز اقول لكم سوء العمل كله قائم عشان انك بتملا اجواف صح ولا لا يا جماعه سواء طعام وشراب سواء عشان اتجوز فكله قائم على مل ما انك بنملا اجوافا الله عز وجل صمد فهو اولا لا يحتاج لاحد لانه لا يحتاج لشيء صمد سبحانه وتعالى فهو غير محتاج لغيره وبعدين مع ذلك بلغ في السؤدد الغايه سيد فبلغ في السؤدود الغايه يجي بقى المعنى الثالث للصمد وهو الذي تصمد اليه الخلائق يعني ايه تصمد اليه؟ يعني تلجا اليه في حوائجها فهي تصمد اليه وهو لا يصمد الى احد بل هو المصمود اليه سبحانه وتعالى يبقى هو مصمود اليه وهو لا يصمد لاحد ليه لا يصمد لاحد ما هو صمد لا جوف له وهو سيد بلغ الغايه في السؤدد فيصمد لمن وليه فهمتوا طب ليه بتصمد اليه الخلائق ما اصل هو صمد اه يعني ايه صمد يعني بلغ في كل صفه الغايه فانت شوف انت كده بتروح تلجا لحد ليه في الدنيا محتاج فلوس فبتروح لواحد كريم ما هو صمد بلغ في الكرم الغير بتروح لواحد عشان ذو سلطان انت مش محتاج فلوس دلوقتي بس محتاج سلطه في اي حاجه بقى طب ما هو صمد بلغ في السؤدود الغايه طب بتروح لحد بس عشان محتاج حد يسمعك فانت بترتاح لما بتفضفض ما هو صمد بلغ في سمعه الغايه اقعد بقى فكر من هنا لبكره انت ليه بتروح لحد في الدنيا بتحتاج ليه حد في الدنيا واول ما تلاقيك ما تلاقي صفه بتحتاجها في المخلوق فبتخليك تروح له هتلاقيها في الله عز وجل لكن هتجد هتجدها في الله على معنى الصمديه على معنى الصمديه انه بلغ فيها الغايه فلذلك هو صمد تصمد اليه الخلائق في حوائجها شفتوا الترتيب ده ولذلك يا جماعه في اول واحده ماذا قال الله عز وجل وهو يطعم ولا يطعم كده في قراءه يطعم حد هنا معاه قراءات فيش مش ولا واحد معاه قراءات ولا مخلصين ما بترفعوش ايديكم قراءه شاذه قراءه عكرمه وهو يطعم ولا يطعم طبعا القراءه المعروفه هو يطعم ولا يطعم لكن يطعم فيها معنى زائد اصل هو وهو يطعم ولا يطعم يعني مش محتاج حد ياكله ممكن يبقى حاشاه بتكلم في المعنى اللغوي ممكن يبقى واحد لا يطعم ليه لان هو بياكل نفسه فمش محتاج ايه مش محتاج حد ياكله القراءه الشاذه وهو يطعم ولا يطعم ما بياكلش اه ما هو ليه ما هو صمد واستدل سبحانه وتعالى بعدم الوهيته عيسى بانه ايه بياكل ما المسيح ابن مريم الا رسول قد خلت من قبله الرسل وامه صديقه ها كانا ياكلان الطعام انظر كيف نبين لهم الايات ثم هم ايه ده يعني في ايه اكبر من كده كان ياكلان الطعام وانا صمد ازاي اله ياكل طب ايه اللي فيها اله ياكل لا ما هو اله ياكل ده يعني يحتاج وبعض العلماء بقى نظر في اذ الاكل والشرب كان ياكلان الطعام بعض العلماء نظر اخر ان من لوازم الاكل والشرب الايه الاخراج فكان الله عز وجل عن عمليه الاخراج بعمليه الاكل والشرب او اشار اليها بعمليه الاكل والشرب لان انتم عارفين الالفاظ التي تدل على عمليه الاخراج يعني تستقبح فقال ايه كان ياكلان الطعام ومن لوازم الاخراج افذه صفه اله ف نفى الله الالوهيه عن عيسى بده بانه ياكل بانه اجوف والله صمد والله صمد سبحانه وتعالى فعش مع اسم الصمد و ترى ضعفك وعوزك واحتياجك وانت تقراه قل هو الله احد الله صمد في كونك اجوف تتذكر كده انك اجوف ومعنى انك اجوف انك في غايه العوز وفي غايه الاحتياج ليه؟ عشان تملا الجوف ما هو لو الجوف ده لا يملا يبقى خلقه عبث ليه اتخلق اجوفتخلق اجوف عشان هتملى الجوف وترى الله عز وجل في كمال الاستغناء ليه؟ لانه صمد سبحانه وتعالى ده المعنى الاول المعنى الثاني تراه في كمال السياده وغايه السؤدد سبحانه وتعالى فلما تشوفه كده تروح لغيره ليه ليه هتلاقي ايه عند غيره مش عنده الاثر ابراهيم عليه السلام وهو في في المنجنيق كلام لما نسمعه تقول اه ما انا ممكن اقول زيه اه تقول زيه وانت قاعد هنا في المسجد وفي مش هينفع اقول في التكييف لان احنا مش حاسين بالتكييف اصلا بس يعني المهم في انما منجنيق وهي لحظه فارقه بينك انك في المنجنيق وبين انك في النار وبعدين ياتي له جبريل ويقول له ايه الكام اما اليك فلا لو منك شكرا مش محتاج ايه رايكم؟ وبعد جبريل يا جماعه يعني هو انا هسالكم سؤال بس هو جبريل يا جماعه وحاشاه قاعد في السماء وبعدين عرف ان ابراهيم في المنزل في قلب منزل ولا جبريل لا يتحرك الا بامره سبحانه وتعالى انتوا فاهمين عاوز اقول ايه؟ يعني كون جبريل نزل من السماء وقال لابراهيم هذا عليه السلام هو رسول من الله يعني هو مش انا قاعد فاضي حاشاه ا وبعدين ايه هروح بقى وسلم على مش كده لا هو لا يفعل شيء الا باذن لكن ايه اليقين اللي عند سيدنا ابراهيم ده عليه السلام وايه وايه التوكل اللي عند سيدنا ابراهيم عليه السلام ده ايه ده الك اما اليك فلا مش عاوز منك حاجه انت فين ده يا جماعه فين ده وهذا لم المشرك النبي عليه الصلاه والسلام نايم ويفتح عينه يلاقي واحد مشرك واقف على راسه بالسيف من يمنعك مني؟ قال الله واحد بقى من هنا كان زمان يضحرك في الارض بسرعه وجري ويلحقوني مش كده قال الله فسقط السيف من يده فاخذ النبي السيف صلى الله عليه وسلم قال وانت من يبدعك مني الان قال كن خير اخذ ف الشاهد يا جماعه اين هذا التوكل كله طيب ليه ليه هؤلاء الانبياء ومن دونهم من الاولياء والصالحين كان عندهم التوكل ده هم عايشين باسم الصمد ما هو احنا مش هنقرا قول والله واحد في اليوم 10 مرات ولا زياده ولا اقل ومش عايشين بالصمد وكل شويه يا شيخ عاوزين عقيده عقيده ايه يا ابني هو في اكتر من كده انت كل يوم بتقرا الصمد دي كام مره كم بره نحسبها دلوقتي ولا ايه رايكم؟ شوفوا كام بره يعني كتير جدا عقيده اللي محتاجه اكتر من كده الله الصمد بلغ في السؤدد الغايه سايبه ليه رايح تسال غيره ليه فلما كان صمدا لا جوف ولما كان صمدا بلغ في كل صفه الغايه كان صمدا سبحانه وتعالى يصمد اليه تتوجه اليه بالسؤال دون غيره سبحانه وتعالى يعني يا شيخ انت بتقول ايه دلوقتي يعني ماناخدش بالاسباب انا ما قلتش كده انت فهمت كده موضوعك انا بقوللك خد بالاسباب وقلبك لا يعتمد على الاسباب هو في بعد ان سيدنا النبي عليه الصلاه والسلام ينزل من على البراق يقوم يعمل ايه؟ يربطه طب الوراق ده هيجري بس ده هو جايلك دبه مخصوصه جايه لك من السماء البراق هيجري يعني مش هيجري لكن امعانا في الاخذ بالاسباب بلاش الموقف ده عشان موقفاني اوضح بقى موضوع الاسباب والتوكل دي عشان نفهمها النبي عليه الصلاه والسلام صلوا على النبي عاوز يهاجر يقوم يعمل ايه بقى؟ كل سبب بيقدر ياخد بيه ياخد بيه مش كده؟ يخرج بالليل ومتخفي وبعدين يخرج من باب اللي ورا وبعدين يجيب ايه؟ الخريت الماهر اللي هي مش عارف ايه مش كده؟ وبينيم سيدنا علي مكانه قصص بقى كتيره كده انتوا عارفينها معنى كده ان مش متوكل سيد المتوكلين اول ما يوصلوا عند فم الغار لو طقط احدهم راسه لرانا يا ابا ابا بكر ما ظنك باثنين الله ثالثهما اسكت يا ابا بكر في روايه اثنان الله ثالثهما فقضيه الاخذ بالاسباب مع مع كمال التوكل على الله عز وجل ما فيش معارضه طب احنا ليه بناخد بالاسباب عشان ربنا امرنا ناخد بالاسباب بس ولو نزل علينا من السماء الا ناخذها بالاسباب لما اخذنا بالاسباب عادي جدا وتبقى الاسباب مخلوقه قدام عينينا اهي وشايفينها ومش هناخد خد بيها ليه؟ اصل احنا مامورين ما ناخدش بالاسباب صح يا جماعه ولا لا؟ بل في نوع من ده بتعمله ان لما يكون السبب محرم هتلاقي نفسك ما بتاخدش بيه طب ليه؟ ما اصل اصل ده السبب ده انا منه فمش انت بقى روح خد قرض ربوي انت حر روح انت براحتك انا مش هاخد بالسبب ده كل الناس كده ما هو انا مش كل الناس انا مسلم وهذا السبب بعينه منهي عنها انا فمش هاخد بيه عادي جدا طب يا ابني هتفتقر ما هو لو كان السبب اللي بيغني كان يبقى القضيه زي ما انت بتقول بس هو ربنا سبحانه وتعالى طب افترت فعلا الاصلح لك عادي جدا يا جماعه بسيطه صمد سبحانه وتعالى الله الصمد ولانه صمد لم يلد مش احنا عرفنا من شويه ان الاجوف هيبقى فيه تجويف كده هيبقى فيه الجنين ومش التفاصيل اللي قلناها دي ما هو الجنين دي هيجي منين؟ ما اي مخلوق زي ما من المخلوقات اللي بنشوفها بتولد ما هو في جوف بيحمل الجنين سواء بقى جنين بيضا او مولود او ايا كان هو صمد سبحانه وتعالى فالصمديه دليل على انه سبحانه وتعالى لم يلد ودليل على انه لم يولد طب لا واحده واحده يا شيخي طب الصمديه دليل على انه لم يرد لانه صمد فلا جوف لها طب فين انه دليل بقى ان انه لم يولد هو يا جماعه الانسان هيخلف ايه انتوا انتوا ساكتين ليه في انسان مش كده اي دابه خروف هيخلف خروف والبقره هتجيب بقره ويشتركوا كلهم في الصفات الايه الاساسيه في في المخلوق ده مش كده طيب لما الاله يكون صمدا سبحانه وتعالى ازاي يولد ما هو ما هو لو في اله صم يعني هو صمد سبحانه وتعالى والصمد لا جوف له فلا يلد طب لو كان في اله اخر ما هو هيبقى صمد حد فاهم دي فيبقى الصمد لا يلد ولا يولد ما هو يولد ازاي ما هو عشان يولد يبقى يولد من صمد ما هو التاني صمد لا جوف له فهمتوا دي ولذلك كان صمدا لم يلد ولم يولد لم يلد ولم يولد هنا لماذا قدم لم يلد العلماء اتكلموا فيها وقالوا عشان هذا يعني لماذا لم يقل لم يولد ولم يلد مع ان الترتيب الطبيعي كده مفهومه دي قالوا انه نسب اليه الولد لكن لم ينسب اليه الاب يعني ما فيش حد قال ان الله ولد لكن في حد قال ان الله اتخذ الولد او ولد وفرق بين اتخذ الولد وبين ولد في فرق بينهم فلذلك قدم هذا خلاص وقالوا ان ما فيش حد خالص قال ان الله عز وجل ايه ولد وانا دورت فما لقيتش اللي انا هقوله ده فاللي جاي ده مني فان كان صوابا فبين الله وان كان خطا فمني ما لقيتش حد قاله يعني ان قول الله عز وجل لم يلد ولم ولم يولد فيه تعريض بقول النصارى في المسيح لان برده النصارى قالت ان المسيح اله فالله الله عز وجل رد عليهم بان الاله لا يلد ولا يولد والله اعلم والا يكون القول ولم يقل به احد ولن يقول ولن يقول به احد يبقى لماذا وضع هنا؟ لماذا جاء حد فاهم حاجه؟ فيظهر والله اعلم انه تعريض بقول النصارى ان ان المسيح لا يصلح ان يكون لا يصلح ان يكون الها من الوجهين جميعا خلاص فالمسيح عليه السلام لا يصلح ان يكون الها لانه ولد والاله لا يولد لم يلد ولم يولد طيب لم يلد يبقى نفي لايه للمرتبه الادنى ولا المرتبه الاعلى يعني الولد اقل من الوالد ولا ولا لا اقل لم يلد فيبقى هو مالوش اا مالوش شبيه ولا مثيل حتى لو كان ادنى في الايه في المنزله ولم يولد فيبقى هو مالوش لا شبيه ولا مثيل حتى لو كان ايه اعلى ويتبقى اللي مثله ولم يكن له كفوا احد او كفؤا احد يبقى كده نفي للثلاثه جميعا الادنى والاعلى والمماثل عشان كده هتلاقوا الثلاثه دول هم اللي في اخر سوره الاسراء وقل الحمد لله الذي لم يتخذ ولدا يبقى ده الادنى ولم يكن له شريك في الملك ده المساوي ولم يكن له ولي ولي من الذل ده الاعلى ولي من الذل يعني ايه لم يذل فيحتاج الى من يواليه ويدافع عنه فده نفي للاعلى للمرتبه الاعلى فنفى المراتب الثلاثه كذلك هنا في سوره الاخلاص صمد لم يلد ولم يولد ولم يكن له كفوا احد طب يا جماعه هو الخلفه الخلفه علامه كمال ولا نقص يعني يعني دلوقتي راجل بيخلف والراجل ما بيخلفش من اكمل الاثنين ال انا دلوقتي بقول من اكمل يعني اللي بيخلف ولا ما بيخلفش اللي بيخلف اكمل مش الاتنين ناقص ولا حاجه لا هو اكمل يعني دي يعني ها حد فاهم مش عارف فيها مشكله دي اه بقى من غير فلسفه بقى واحد بيخلف واحد ما بيخلفش على حسب بقى ما بيخلفش ليه ما يمكن مش متجوز ف في دنيا الناس اللي بيخلف اكمل مش كده اه انتم مبلمين صح ولا لا ولا انتوا مش يعني التركه انتوا عايزين الزيتونه بقى فين التريكه هنا صح هو اكمله لضعفك ثاني هو ليه اكمل اكمل لضعفك انت لانك محتاج للولد وانت ده مش يعني انت كشخص انت كجنس بشري فلاحتياجنا وضعفنا الضعف ده ذكره مين؟ ابراهيم فلما بلغ ذكره الله عن ابراهيم فلما بلغ معه السعي هنا اشاره الى ايه؟ ان ده السن ان اللي الوالد بيرجو فيه ايه بقى؟ نفع الولد وعشان كده ابراهيم قال له راح بنى الكعبه لوحده ولا قال له ايه تعال نبني تعال معايا ساعدني نبني الكعبه طب الله عز وجل لو اراد ان يبنيها الكعبه كن فيكون فهو مش محتاج الولد ما هيحتاج الولد ليه اي شيء انما امره كعبه ايه بقى ده الكون كله مش كده انما امره اذا اراد شيئ ان يقول له كن فيكون هيحتاج ولد ليه فهمتوا دي؟ انما احنا بنحتاج الاولاد ليه؟ اصل بعد شويه هكبر وهضعف واولادي هيشيلوني طب اللي انا بقوله ده ينطبق على الله؟ حاشاه يبقى هيحتاج الولد ليه؟ يبقى احنا اللي بيولد او الرجل الذي ينجب اه اكمل صحيح من الذي لا ينجب ليه؟ لان ده المناسب لضعف بشريتنا فصار اكمل في حقنا اما في حق الله عز وجل لا هو غير محتاج للولد فكان الاكمل في حقه انه لم يلد ولم يولد ولم يكن له كفوا احد الرساله اللي هنمشي بيها النهارده من من الدرس ان احنا نعيش مع اسم الله الاحد واسم الله الصمد على الصفه التي ذكرنا اقول قولي هذا واستغفر الله العظيم لي ولكم سبحانك اللهم وبحمدك نشهد ان لا اله الا نستغفرك ونتوب اليك