البدل بطريقة روعة تعلم الإعراب بسهولة

اول ما بتسمع سيره درس البدل كل اللي بيجي في دماغك وانت داخل الصيدليه وبتقول له الدكتور لو سمحت انا عايز اوجمنتين فيقول لك والله خلصان تاخد البديل بتاعه فانت بتقتنع قوي بكلمه البديل لان الاثنين نفس المفعول وزي لما تخش نفس الصيدليه وتقابل نفس الدكتور وتقول لو سمحت عايز كيس جل هرجود فيقوللك والله خلصان تاخد البديل بتاعه منلوك فانت تقتنع لان الاتنين زي بعض وبيقضوا نفس الغرض فانت لازم تقتنع ان البدل هو المبدل منهم والمبدل منه هو البدل عشان ما نزعلش مع بعض قبل ما اقول لكم يعني ايه بدل نبص للمثال ده الخليفه معروف بعدله الجمله دي مكتمله الاركان ومفهومه لكن لسه عندك بعض الغموض هو مين الخليفه اللي معروف بعدلي يا ترى الخليفه ابو بكر ولا الخليفه عمر ولا الخليفه عثمان بن عفان ولا الخليفه علي بن ابي طالب فهنا بيجي دور البدل عشان يعرف لي ايه المقصود بالاسم اللي قبليه او هو مين الاسم اللي قبليه فبمجرد ما اقول الخليفه عمر معروف بعدله كلمه عمر ازالت الغموض اللي كانت موجوده عندي ان انا الاول ما كنتش عارف مين المقصود بالخليفه بالظبط لكن كلمه عمر وضحت لي ان عمر هو الخليفه اللي انا بتكلم عنه وكذلك لما اقول النبي مرسل من ربه كل الانبياء مرسلون من ربهم لكن مين النبي اللي انا اقصده هل النبي محمد النبي عيسى النبي موسى النبي ابراهيم النبي نوح النبي ادم ففي هنا عندي بعض الغموض بالنسبه لكلمه النبي لكن بمجرد ما اقول النبي محمد مرسل من ربه الغموض ده بيروح على طول لان كلمه محمد هنا ازالت الغموض ده فوضحت لي ان المقصود بالنبي هو محمد فمحمد بدل النبي يعني ممكن ماجيبش سيره النبي واقول محمد مرسل من ربه وممكن ماجيبش سيره الخليفه واقول عمر معروف بعدله طيب هنا كلمه محمد بدل من مين؟ بدل من النبي فبنقول على محمد بدل والنبي ده مبدل منهم وكذلك على الخليفه عمر بدل والخليفه مبدل منهم او زي لما اقول لك حضر اخوك حسن فهنا لو انا قلت لك حضر اخوك واسكت ممكن يبقى انت اصلا عندك اخاني اسمه احمد ومحمد والثالث اسمه حسن فانت ساعتها مش هتعرف مين اللي حضر انهي اخ فيهم ما انت عندك ثلاثه لكن بمجرد ما اقول لك حضر اخوك حسن فكلمه حسن اللي هي البدل هنا وظيفتها ان هي وضحت لي مين المقصود باخوك لكنها مش كلمه جديده ولا حاجه تحس ان هي مقرره ان حسن هو هو اخوك واخوك هو حسن لكن انا قلت كلمه حسن عشان اوضح لك مين المقصود باخوك اخوك حسن مش محمد ولا احمد البدل عندي بينقسم لثلاث انواع اول النوع هو بدل الكل من كل وبيسموه بدل مطابق والنوع ده البدل بيبقى هو المبدل منه والمبدل منه بيبقى هو البدل وبدل الكل من كل ثلاث مواضع غالبا ما بيخرجش عنهم الموضع الاول اي اسم بعد اللقب والوظيفه يعني اي اسم يجي بعد اللقب او اي اسم يجي بعد الوظيفه يعرب بدل على طول زي لما اقول الصديق ابو بكر اول الخلفاء الصديق ده لقب صح اه وابو بكر ده اسم صح اسم حد يعني اسم شخص اه تمام القاعده بتقول لي ان اللقب لو جه بعديه اسم اعرب الاسم اللي بعديه ده بدل هتقول لي يعني دي قاعده ثابته ولا ممكن تبقى متغيره لا قاعده ثابته وما بتتغيرش هتقول لي طب اسال سؤال معلش البدل عندي كلمه ابو ولا ناخد الاثنين على بعض ونقول ابو بكر كلها بدل لا تاخد الاثنين على بعض ده في السوق مش هنا لما الست بتاعه الخضار ربنا يحفظها تقول لك خد الاثنين على بعض واعمل لك خصم حلو هنا حضرتك البدل لازم يبقى كلمه واحده ايوه يعني فين البدل البدل هو كلمه ابو بس امال بكر بكر اعربها ايه؟ اللي بيجي بعد الاسماء الخمسه بيعرب مضاف اليه لان ابو ده اسماء خمسه وبكر جاءت بعد الاسماء الخمسه فتعرب مضاف اليه او زي لما اقول المهندس احمد مخلص هنا عندي وظيفه اللي هي المهندس وج بعديها اسم القاعده كانت بتقول ايه؟ القاعده كانت بتقول ان لو جه اسم بعد اللقب او بعد الوظيفه الاسم ده بعربه بدل فهنا عندنا اسم اللي هو احمد جه بعد الوظيفه يبقى اعربه ايه؟ بدل ومش اي بدل ده بدل كل من كل هتقول لي انا فهمت الحته دي الحمد لله بس لسه في حته عايز افهمها يعني ايه بدل كل من كل بدل كل من كل يعني البدل هو المبدل منه يعني لما قلت الصديق ابو بكر اول الخلفاء ابو بكر هو الصديق والصديق هو ابو بكر فلو شلت المبدل منه اللي هو الصديق وقلت الجمله عادي خالص ابو بكر اول الخلفاء مش هيحصل اي خلل في الجمله بتاعتي وكذلك في المثال الثاني انا اقدر اشيل المبدل منه اللي هي كلمه المهندس اللي هي الوظيفه واقول احمد مخلص مش هيحصل اي خلل في الجمله بتاعتي من ناحيه الفهم ده معنى كلمه البدل الكل من كل ان احمد هو المهندس والمهندس هو احمد تاني موضع من مواضع البدل لكل من كل الاسم المعرف بعد اسم الاشاره يعني ايه الكلام ده يعني اي اسم فيه الف ولام يجي بعد اسم الاشاره الاسم اللي فيه ال ولام ده بعربه بدل زي لما اقول لك هذا المكان هادئ ده اسم اشاره صح جه بعديه اسم في الف ولام معرف بال يعني ايه معرف بال يعني في الف ولام فبقول على الاسم المعرف عرف بقى اللي فيه الف ولام ده بدل لانه جه بعد اسم الاشاره طيب هو ممكن يجي اسم معرف بعد اسم الاشاره وما يكونش بدل غالبا لا وعشان تبقى مرتاح نفسيا وخارج من الدرس ضميرك ما بيانبكش انا عايز اسالك سؤال احذف هذا كده من الجمله المكان هادئ حصل اي تغيير في المعنى لا لان هذا هو المكان والمكان هو هذا او زي لما اقول تلك السياره ثمينه فين اسم الاشاره هتقول لي ماارفش لا ماعرفش ايه ما تلك دي اسم اشاره فعندي هنا اسم اشاره جه بعديه بعديها اسم معرف بالف ولام فاقول على كلمه السياره دي بدل طبعا عايز تسالني وتقول لي طب افرد جه بعد اسم الاشاره اسم ما فيهوش الف ولام زي لما اقول تلك سياره ثمينه ساعتها كلمه سياره هتبقى بدل لا مش هتبقى بدل لان احنا حطينا شرط ان هي لازم تبقى معرفه طيب امال هعرب سياره ايه؟ بص اسم الاشاره لو جه بعديه اسم نكره على طول خبر يعني سياره هعربها خبر هتقول لي طب لو سمحت هو البدل ده بنعربه ايه؟ هقول لك لا استنى لاخر الدرس وانت هتعرف البدل بنع يعربه ايه؟ الموضع الثالث في البدل الكل من كل ده ما بيجيش كتير في الامتحان لكن لازم تعرفه بيكون البدل هو هو نفس كلمه المبدل منه والبدل بيبقى جاي بعديه مضاف اليه غالبا هتقول لي لا ترجم الحته دي هقول لك زي قوله تعالى اهدنا الصراط المستقيم صراط الذين كلمه صراط الثانيه هي بدل من صراط الاولى بدل كل من كل هتقول لا وضح لي بقى ليه بدل كل من كل مش انا ممكن استغنى عن صراط الاولى في غير القران واقول على طول اهدنا صراط الذين انعمت ت عليهم في غير القران اه ينفع طب هيحصل خلل في المعنى لا مش هيحصل فبنقول عليه بدل كل من كل هتقول لي طب ايه لازمه البدل هنا هقول لك لازمه البدل هنا انه بيفسر المبدل منه يعني المبدل منه بيقول لي اهدنا الصراط المستقيم اهدنا الصراط ما قالليش بقى الصراط دي عامله ازاي ولا صراط مين هي صفتها ان هي مستقيم لكن صراط ايه هنا بقى جه دور البدل ان هو يحمل نفس كلمه المبدل منه اللي هي صراط بس يوضح بقى صراط ايه صراط الذين او زي لما اقول سبحان ربك رب العزه عما يصفون انا عندي ربك كررت مرتين رب الثانيه بدل من ربك الاولانيه بدل نوعه ايه كل من كل طب انا عايز اتاكد شيل المبدل منه اللي هو ربك لو انا قلت في غير القران سبحان رب العزه عما يصفون الجمله فيها اي خطا او حاجه مش مفهومه لا مش هيحصل احنا كده خلصنا البدل الكل من كل لكن في ملحوظه صغيره جدا مهمه قوي قوي قوي لو قلت لك عمر الفاروق مخلص هنا فين البدل هتقول لي لا يا مستر لو سمحت سيب لي الطلعه دي عشان دي سهله قوي البدل هنا عندي مش محتاجه كلام كلمه الفاروق هتقول لي يا مستر انت لسه قايل لنا دلوقتي ان الاسم اللي بيجي بعد اللقب والوظيفه بيعرب بدل هقول لك صح انا قلت كده فعلا لكن انت متاكد ان اللقب جه الاول وبعد كده جه الاسم ولا هنا حصل العكس جبت الاسم الاول وبعد كده جبت اللقب هتقول لي اه الصدق انا ما اخدتش بالي لا تاخد بالك خلي بالك قوي من الحته دي طب في الحاله دي فين البدل في الحاله دي مافيش بدل لان احنا اتفقنا ان الاسم لما بيجي بعد اللقب والوظيفه طب افرض انا جبت الاسم الاول وبعد كده جبت بعديه اللقب او الوظيفه ما عنديش بدل هتقول لي طب احنا هنا هنعرب ازاي؟ هقول لك عمر هتعرب على حسب موقعها في الجمله مبتدا مرفوع وعلامه رفعه الضمه وهنحط قاعده مع بعض ان الاسم لو جه بعديه لقب او وظيفه نعرب اللقب او الوظيفه نعت الكلام ده ثابت ولا ممكن يبقى متغير الكلام ده ثابت وما بيتغيرش يعني الاسم بتاعي لو جه بعديه لقب او وظيفه اعرب اللقب او الوظيفه نعت او زي لما اقول لك احمد المهندس مخلص هنا جه الاسم الاول وج بعديه دي الوظيفه فاعرب الوظيفه نعت هتقول لي يا مستر لو سمحت لو فيها رخامه مني يعني انا خلاص هحفظ القاعده اللي حضرتك قلت عليها لكن ليه ما ينفعش اقول ان المهندس بدل ما المهندس هو احمد واحمد هو المهندس هقول لك لا طبعا لان احنا اتفقنا ان البدل ينفع يحل مكان المبدل منه يعني ايه يعني ممكن اشيل المبدل منه اقول لو سمحت مش عايزك معايا في الجمله والبدل يقوم بالدور والجمله ما يحصلش فيها اي خلل هنا لما انا اقول لك المهندس مخلص هو ما فيش مهندس غير احمد يعني كل خريجه هندسه دول مش عاجبينك واحمد بس هو المهندس الوحيد اللي عاجبك فهنا بقى في غموض في الجمله وكلمه المهندس ما بقتش بتوضح لي انا قصدي مين بالمهندس فعشان كده ما ينفعش اقول عليها بدل ثاني نوع من انواع البدل هو بدل البعض من كل طب يعني ايه بدل بعض من كل يعني البدل بيبقى جزء سواء الجزء ده كبير ولا صغير هو بيبقى جزء من المبدل منه بس لازم يبقى جزء حقيقي يعني ايه الكلام ده يعني زي لما اقول لك قرات الكتاب نصفه مش نص الكتاب هنا هو جزء من الكتاب اه فبنقول عليه بدل بعض من كل طيب يعني ايه جزء جزء حقيقي جزء حقيقي يعني البدل لو انا شلته هيحصل خلل في المبدل منه يعني تخيل كده لو انا قلت شلت نص الكتاب ينفع النص الكتاب الباقي ده يبقى اسمه كتاب لا طبعا ما ينفعش فعشان كده بقول جزء حقيقي يعني ايه جزء حقيقي يعني لو انا شلته هيحصل خلل في المبدل منه يعني من الاخر كده البدل والمبدل منه بيكملوا بعض في بدل البعض من كل او زي لما اقول عالجت المريض راسه فهنا كلمه راسه جزء حقيقي من المريض لو شلت الراس هيحصل خلل في المبدل منه اللي هو المريض واحنا قلنا ان البدل والمبدل منه الاثنين بيكملوا بعض يعني الاثنين على بعض بيساووا 100% فلنفترض ان الراس دي ب 10% او 15% من جسم الانسان ككل فلما اشيل الراس كده المبدل منه مش هيساوي 100% فهيبقى عندي خلل في المبدل منه او زي لما اقول قطعنا الاشجار اغصانها مش هنا الاغصان جزء حقيقي من الاشجار يعني ايه جزء حقيقي يعني هل في اشجار ما فيهاش اغصان ينفع استغنى عن الاغصان واقول والله مش لازم لا طبعا الاشجار من غير اغصان مش اشجار وعايزك تتعامل مع البدل البعض من كل ان البدل والمبدل منه الاثنين بيكملوا بعض والبدل البعض من كل لازم يبقى مادي مش معنوي لازم يبقى حاجه ملموسه زي كلمه نصفه نصف الكتاب ده شيء معنوي ولا شيء محسوس يعني ايه معنوي يعني بتحس هل انا بحس نص الكتاب ولا ينفع امس المسه وامسك اوراقه ينفع يبقى ده مادي فادام مادي يبقى بعض من كل وزي كلمه راسه مش راسه ده جزء مادي ينفع المسه وامسكه اه طبعا ينفع اذا فهو جزء مادي يبقى ده بدل البعض من كل طب ما ينفعش بدل البعض من كل يجي معنوي لا ما ينفعش لان البدل البعض من كل لازم يبقى من مكونات المبدل منه والمكونات دايما ماديه مش معنويه في نوع ثاني من انواع البدل البعض من كل لما البدل بيسرد اجزاء المبدل منه زي لما اقول لك قوله تعالى وانه خلق الزوجين الذكر والانثى لو بصيت على الذكر والانثى مش هم هم الزوجين والزوجين هم الذكر والانثى فهنا عندي البدل سرد اجزاء المبدل منه يعني الاجزاء المبدل منه اجزاء المبدل منه اللي هو ايه؟ الذكر والانثى طب هم جزئين بس اه لان هو بيقول لي الزوجين فهو كده مثنى فمعنى كده ان هو ليه جزئين الجزئين على طول اتسردوا بعديهم اللي هو الذكر والانثى النوع ده غالبا برده ما بيجيش في الامتحان لكن لازم تعرفه او زي لما اقول لك قول النبي صلى الله عليه وسلم ارحموا الضعيفين المراه واليتيم مش الضعيفين هم المراه واليتيم والمراه واليتيم دول اجزاء الضعيفين هتقول لي طب انا اصلا حاسس ان انا لحد دلوقتي ما بعرفش اطلع البدل هقول قيقول لك عايز تطلع البدل بسهوله احذف المبدل منه لو لقيت الجمله ما حصلش فيها اي خلل ومعناها مستقيم يبقى كده دي الكلمه دي بدل يعني في غير الحديث لو انا قلت ارحموا المراه واليتيم مفهومه ولا مش مفهومه؟ اه مفهومه حصل اي خلل في المعنى؟ لا ولو انا في غير القران قلت خلق الذكر والانثى حصل خلل لا فالبدل في المثالين دول عندي بعض من كل هتقول لي ثاني انا عايز اسالك على حاجه مش المراه واليتيم هم كلهم الضعيفين؟ هقول لك اه وتقول والذكر والانثى هم كلهم الزوجين هقول لك اه هتقول لي المفروض البدل هنا يبقى كل من كل ومش بعض من كل هقول لك جميل ممتاز السؤال ده طيب هو فين البدل بالضبط في المثال بتاع ارحام الضعيفين المراه ولا اليتيم ولا الاثنين على بعض هتقول لي الاثنين على بعض هقول لك غلط البدل هو كلمه المراه طب واليتيم ده معطوف فانا ينفع اقول ان المراه هي الضعيفين ولا المراه جزء من الضعيفين وكذلك المثال الثاني الذكر هو الزوجين ولا هو جزء من الزوجين هو جزء من الزوجين طب والانثى الانثى دي مش بدل اصلا ده الانثى دي معطوف ده الواو عندك منوره اهي نيجي بقى لنقطه مهمه ناس كتير بتقع فيها عندي ثلاث كلمات ما ينفعوش يبقوا بدل باي حال من الاحوال ما ينفعوش ما ينفعوش ما ينفعوش ابدا زي كل وجميع ونفس يعني لما اقول لك قرات القصه كلها اوعى تيجي تقول لي كلها دي بدل ما ينفعش اوما اقول لك حضر الطلاب جميعهم اوعى تقول لي جميعهم دول بدل ما ينفعش هتقول لي ليه؟ هقول لك لان نفس وكل وجميع لو اتصل بيهم ضمير بيعربوا توكيد على طول النوع الثالث من البدل عندي هو بدل الاشتمال يعني ايه بدل الاشتمال هو ان يكون البدل جزء من المبدل منه بس مش جزء حقيقي هتقول لي ايوه اهو انا عايز اعرف يعني ايه بقى مش جزء حقيقي هقول لك يا سيدي زي ما اقول لك اعجبتني الورده رائحتها هنا الرائحه جزء من الورده صح طيب هل هي جزء حقيقي من الورده هتقول لي يعني ايه جزء حقيقي يعني هل هي من مكونات الورده جزء حقيقي معناه من مكونات الورده يعني لو انت ماشي في الحديقه قطفت ورده وانت بتشمها لقيت ما فيش ريحه فواحد بيسالك ايه اللي في ايدك دي ساعتها هتقول له ايه هتقول له ورده هل ان ما فيش ريحه في الورده ده غير اسمها او غير حاجه منها طبيعي جدا عادي ان ورده ما يبقاش فيها ريحه فده معنى الكلام اللي هي جزء من المبدل منه بس مش جزء حقيقي او زي لما اقول سمعت الشاعر انشاده مش الانشاد ده جزء من الشاعر اللي هو انسان اه جزء منه بس جزء حقيقي يعني انا لو مسكت لك الشاعر اللي هو الانسان ده وقلت لك ها قو لي بيتكون من ايه هتقول لي بيتكون من انشاد واغاني لا طبعا هو بيتكون من ايه من راس وايد اللي هي مكوناته ان انت لو شلت جزء منه هيحصل خلل في المبدل منه لكن انا لو شلت الانشاد من الانسان اللي هو الشاعر ده هيحصل خلل في ايه مش هيحصل خلل في اي حاجه فبنسمي النوع ده بدل اشتمال يعني ايه اشتمال يعني المبدل منه بيشتمل على الحاجه دي الشاعر بيشتمل على الانشوده والورده بتشتمل على الرائحه او زي لما اقول سرتني الام حنانها هقول لك فين هنا البدل هتقول لي بصراحه انا مش متاكد بس انا شاكك يا ترى كلمه حنانها هي ولا مش هي هقول لك لو انت شكيت في البدل شيل المبدل منه فين المبدل منه اللي انت شاكك فيه برده الام مش ينفع اقول سراتني حنانها اه ينفع هيحصل خلل لا لان الها دي اصلا عايد على الام فالبدل عندي هي كلمه حنانها مش حنانها ده جزء من الام تمام اه جزء طب يا ترى ده جزء حقيقي ولا مش حقيقي؟ معنوي طبعا والدليل ان انا عندي امهات مش حنين على اولادها هل ده معنى كده ان هم ما اسمهمش امهات انت ممكن تتعاطف وتقول اه دول مش امهات لكن لفظ الام موجود معاهم برده واقول لك على حاجه سهله غالبا بدل الاشتمال بيبقى معنوي يعني ايه معنوي؟ معنوي يعني حاجه بتتشم بتتسمع بتتحس لكن ما بتتلمسش ولا تتمسك ده معنى كلمه معنوي فغالبا بدل الاشتمال بيبقى معنوي يعني لو بصينا في الامثله اللي قدامنا دي هتلاقيها كلها معنويه الرائحه معنويه لان ما بتتمسكش طب والانشاد بيتسمع بس برده ما بيتمسكش طب والحنان بيتحس بس ما بيتمسكش فادام الحاجه بتاعتي ما تتمسكش يبقى معنوي وغالبا بدل الاشتمال بيبقى معنوي في حاجه نسيت اقول لك عليها مهمه جدا ان في بدل البعض من كل وبدل الاشتمال لازم البدل يبقى فيه ضمير عايد على المبدل منه الا في حاله واحده بس في البدل البعض من كل اللي احنا قلنا عليها ان البدل بيبقى بيسرد اجزاء المبدل منه اللي هي زي يرحموا الضعيفين المراه واليتيم هنا كلمه المراه ما فيهاش ضمير عايد على المبدل منه لكن اي حاجه غير كده في بدل البعض من كل او بدل الاشتمال لازم البدل يبقى فيه ضمير عايد على المبدل منه نيجي للنقطه الاخيره البدل بيعرب ايه البدل مالوش اعراب ثابت البدل بيعرب على حسب اعراب المبدل منه يعني لازم اعرب المبدل منه الاول واخد الحاله الاعرابيه واحطها للبدل يعني لو المبدل منه مرفوع البدل هيبقى مرفوع لو المبدل منه منصوب البدل هيبقى منصوب لو المبدل منه مجرور البدل هيبقى مجرور نفس النعت بالظبط يعني لو جينا نعرب الامثله اللي قدامنا دي رائحتها اعربها ايه هضطر ارجع للمبدل منه فين المبدل منه اعرب الورده ايه مين اللي اعجبتني اللي هي الورده تبقى فاعل مرفوع طيب يبقى اعرب البدل ايه بدل مرفوع وكذلك انشاده بدل اشتمال لكن انا عايز اعربه دلوقتي اعربه ايه هضطر ارجع للمبدل منه فين اللي هو الشاعر سمعت مين اللي سمع انا سمعت ايه الشاعر مفعول به منصوب يبقى البدل اللي هي انشاده بدل منصوب وكذلك سرتني الام حنانها عايز اعرب حنانها هرجع اعرب المبدل منه الام مين اللي سرني الام فاعل مرفوع وعلامه رفع الضمه يبقى ارجع واعرب البدل بدل مرفوع علامه رفعه الضمه دلوقتي انا هسيب لك شويه امثله وحلها يبقى من خلال التعليقات ولو اي حاجه وقفت قدامك اسال فيها وما تتكسفش وما تنساش ان العلم بيضيع بين شيئين الحياء والكبر