سكان الوطن العربي صف سادس ابتدائي دراسات اجتماعية ترم 2 2026

النهارده هنتكلم عن السكان في وطنا العربي يعني عدد السكان في البلاد العربيه وازاي عددهم بيزيد مع الوقت وايه الاسباب والنتائج اللي بتيجي بسبب الزياده دي الوطن العربي خلال العقود الاخيره شهد زياده سريعه في عدد السكان وده راجع لكذا سبب اول سبب هو ارتفاع معدل المواليد. ثاني سبب هو انخفاض معدل الوفيات وده بسبب تحسن مستوى المعيشه وكمان ارتفاع جوده الخدمات الصحيه. سبب كمان هو الهجره الوافده وخاصه الى دول الخليج وده بيكون بغرض البحث عن فرص عمل. طيب يعني ايه معدل المواليد؟ معدل المواليد هو نسبه المواليد لاجمالي عدد السكان في فتره معينه ويعني ايه معدل الوفيات؟ معدل الوفيات هو نسبه الوفيات لاجمالي عدد السكان في فتره معينه والنمو السكاني السريع في الوطن العربي ادى الى كذا نتيجه اول نتيجه زياده الضغط على الموارد ثاني نتيجه نقص الغذاء ثالث نتيجه زياده الضغط على الخدمات السكان في الوطن العربي بيتوزعوا بين جناحين الجناح الافريقي بيعيش فيه حوالي 61% من سكان الوطن العربي اما الجناح الاسيوي فبيعيش فيه حوالي 39% من سكان الوطن العربي في الوطن العربي في مناطق بيزيد فيها عدد السكان ومناطق انيه بيقل فيها عدد السكان وده بيختلف حسب طبيعه المكان والظروف اللي فيه في مناطق بيزيد فيها عدد السكان زي السهول الفيضيه ودي زي وادي النيل وسهول نهري دجله والفرات والناس بتعيش فيها بسبب توافر المياه العزبه والتربه الخصبه وكمان السهول الساحليه زي سهول البحر المتوسط وده بسبب المناخ المعتدل ووفره مياه الامطار وفي مناطق التعدين والصناعه زي سواحل الخليج العربي والبحر الاحمر وده علشان توفر فرص العمل في التعدين واستخراج مصادر الطاقه وكمان بعض مناطق المرتفعات زي بعض مناطق دولتي لبنان واليمن وده بسبب توافر مياه الامطار واعتدال المناخ وفي المقابل في مناطق بيقل فيها عدد السكان زي المناطق الصحراويه والجبليه وده بسبب ندره المياه والظروف المناخيه القصيه وقله الموارد والخدمات ومن امثله المناطق دي صحراء الربع الخالي في الجناح الاسيوي والصحراء الكبرى في الجناح الافريقي وعبر التاريخ عاش البدو الرحل في المناطق الصحراويه وكان اعتمادهم الاساسي على الرعي والتنقل من مكان لمكان بحثا عن الماء وخصائص السكان في الوطن العربي ممكن نعرفها من خلال التركيب العمري من خلال مجموعه فئات فئه صغار السن وهم هم اللي اقل من 15 سنه وفئه قوه العمل من 15 سنه لحد 64 سنه وفئه كبار السن وهم اللي سنهم بيزيد عن 65 سنه معظم سكان الوطن العربي من فئه الشباب اللي هي فئه قوه العمل وصغار السن والنسبه الاقل من كبار السن وده بيوفر قوه عمل كبيره ممكن تساهم في التنميه وكمان من خصائص السكان التركيب النوعي وبنلاحظ ان نسبه الذكور بتزيد عن الاناث في منطقه الخليج العربي وده بسبب العماله الوافده من الخارج وخليك دايما فاكر ان الهرم السكاني هو شكل بياني بيمثل توزيع السكان حسب العمر والنوع في فتره زمنيه محدده ومن خلال الخصائص التعليميه نسب التعليم بترتفع في بعض الدول العربيه زي الاردن ومصر والامارات ونسبه التعليم بتنخفض في بعض الدول العربيه زي الصومال ومعدل الاميه بيزيد في بعض الدول العربيه بسبب انتشار الفقر والحروب والصراعات ومن الناحيه الصحيه عدد الوفيات بيقل ومتوسط العمر بيرتفع في بعض الدول العربيه زي مصر والامارات والسعوديه بسبب تقدم الخدمات الصحيه وفي دول عربيه ثانيه عدد الوفيات بيزيد ومتوسط العمر بيقل زي السودان والصومال بسبب ضعف الرعايه الصحيه. بعض دول الوطن العربي بتواجه تحديات سكانيه نتيجه الزياده السكانيه السريعه ومن اهمها البطاله وده بسبب زياده عدد الشباب مع قله فرص العمل ونقص الغذاء وده بسبب زياده الاستهلاك وكمان الضغط على الخدمات زي الخدمات التعليميه والصحيه وارتفاع معدل الاميه الحروب والصراعات في المنطقه العربيه في القرن الماضي ادت لعدم قدره الدول العربيه على تحقيق امنها الغذائي والمائي. وبكده نكون خلصنا درس النهارده ما تنساش تشوف الاسئله اللي في اخر الفيديو وتقول لنا اجابتك في الكومنتات واشترك في قناه الاسكول على اليوتيوب علشان تتابع كل الشرح الجديد اول باول. كمان ادخل جروب ه ابتدائي عربي ولغات مع الاسكول على الفيسبوك والواتساب هسيب لك الرابط في وصف الفيديو ولو عندك اي سؤال اكتبه في الكومنتات ونشوفكم في فيديو جديد ان شاء الله