الزراعة والثروة الحيوانية والسمكية فى افريقيا اولى اعدادى جزء 1

مساء الخير عاملين ايه ثواني هنبدا الدرس بتاعنا بسؤال واحد بس ايه هو النشاط الاقتصادي اللي بيعمل فيه نصف القوى العامله في افريقيا نصف القوه العامله في افريقيا بيشتغلوا في نشاط اقتصادي معين لو فاكر كده من الدرس الثاني في الوحده الاولى اسمه ايه النشاط الاقتصادي ده او ايه هو العمل اللي بيعمل فيه اكثر من نصف القوى العامله في قاره افريقيا بالظبط كده يا عم واللي هو الزراعه علشان كده هو ده موضوع درسنا النهارده الزراعه والثروه الحيوانيه والسمكيه فين في قاره افريقيا السلام عليكم ورحمه الله ابطالي الجامدين واخواتي الصغيرين ابطال اولى اعدادي حبايب قلبي في كل مكان في مصر يا رب تكونوا جاهزين النهارده للدرس الجميل بتاعنا الزراعه والثروه الحيوانيه والسمكيه في قاره افريقيا يلا بينا يا حبيب قلبي كده على طول علشان ما نقش نتكلم كتير لو لسه جديد في القناه لو لسه ما عملتش لايك للفيديو اعمل وابدا حط كتابك قدامك قلمك في ايدك فتح عينيك ركز معايا عشان نفرم الدرس ده يلا طيب بسم الله حبايب قلبي طبعا اول ما هنبدا الدرس كده هتبدا تسالني سؤال هو احنا في الدرس بتاعنا النهارده بناخد الزراعه في افريقيا ليه هي الزراعه دي لها لازمه او حاجه مهمه حبيب قلبي الزراعه دي شيء اساسي ونشاط اساسي لاي دوله حبيبي علشان احنا بنوفر من الزراعه دي احتياجات السكان من الغذاء من الايه من الغذاء ده غير كمان ان احنا ساعات بنستخدم المحاصيل الزراعيه في الصناعه زي التيشرت ده كان اصله ايه في الاول كان اصله قطن خدنا القطن من الارض وصنعنا بهيه التيشيرت ده فعلشان كده حبيب قلبي الزراعه شيء اساسي ومهم لاي دوله شيء اساسي ومهم لاي ايه لاي دوله طيب خليك برض عارف حته صغنططه كده في اول الدرس ان الزراعه يا حبيب قلبي مش نوع واحد يعني ايه يعني الزراعه في منها انواع وتحديدا في قاره افريقيا وانا هبدا دلوقتي احكي لك عن الانواع دي وتاريخها الاول كده انواع الزراعه كم نوع يا عم ثلاث انواع فين في قاره افريقيا في ثلاث انواع للزراعه طيب اشمعنى في تلاث انواع ليه مش نوع واحد هقوللك ده بيبقى على حسب احتياجات السكان يعني ايه يعني لو السكان عددهم بسيط ومحتاجين محاصيل زراعيه بسيطه فكده هنروح لاول نوع من الزراعه واللي هو الزراعه البسيطه طيب لو السكان كتير واحتياجاتهم من المحاصيل الزراعيه كتير فاحنا كده هنروح للنوعين التانيين الزراعه الكثيفه او الزراعه الواسعه خلاص يبقى احنا بنختار النوع بتاع الزراعه وبيختار نوع معين من الزراعه على حسب احتياجات السكان وكمان يا حبيب قلبي على حسب التطور التكنولوجي اللي في الدوله يعني لو الدوله ما فيهاش تطور تكنولوجي وما فيهاش الات حديثه فكده غصب عنهم هيزر زراعه ايه بسيطه لكن لو فيها تطور تكنولوجي فكده هيزر الزراعه الواسعه او الزراعه الكثيفه وده اللي انا هقوله لك بعدين دلوقتي فخليك مركز معايا اول حاجه الزراعه في منها انواع ولا نوع واحد لا في ثلاث انواع زراعه بسيطه زراعه كثيفه زراعه واسعه وبنختار الانواع دي على حسب احتياجات السكان والتطور التكنولوجي اللي في القاره او اللي في الدوله طيب تعال بقى احكي لك قصه الانواع دي يا حبيب قلبي الاول هنرسم قاره افريقيا اللي احنا متعودين عليها البطاطسايه الجميله دي بص معايا يا حبيب قلبي كده دي قاره افريقيا بس دي قريه افريقيا من الاف السنين يعني مثلا حوالي من 7000 سنه دي قريه افريقيا كان عدد السكان اللي فيها يا حبيبي عدد بسيط جدا جدا جدا من السكان بيعيشوا جنب الانهار ز جنب نهر النيل كده خلاص كان عدد بسيط من السكان في قاره افريقيا من الاف السنين طيب السكان دول كانوا محتاجين للزراعه طبعا علشان ايه ياكلوا طيب هم عددهم بسيط فكانوا بيزرعوا مساحه صغنطوطه من الارض الزراعيه وكانوا كمان يا حبيبي بيزرعو مره واحده في السنه بيزرعوا الارض مره واحده في السنه خلاص وبيزعق ايه صغيره من الارض الزراعيه واحد هيقول لي ليه هقول لك لانهم مش كتير فهم مش محتاجين انهم يزرعوا مساحات كبيره من الارض هم بيزرعوا على قدهم فدي كان اسمها يا حبيبي الزراعه البسيطه الزراعه الايه البسيطه طيب الكلام ده امتى من الاف السنين وليكن من 7000 سنه طيب ايه اللي حصل بعد كده يا مستر ايه اللي حصل ان عدد السكان مع مرور الوقت بدا يزيد زي ما انت عارف بعد ما كان عدد قليل جدا في افريقيا السكان اصبحوا كتير جدا جدا جدا في كل حته في افريقيا فكده قاره افريقيا بقت محتاجه تكبر مساحه الارض اللي هي بتزرع ليه علشان تكفي كل السكان دول الارض الصغيره ماعدتش هتنفع فكده قاره افريقيا قالت لك لا الزراعه البسيطه مش هتنفع احنا هنخش على النوع التاني واللي هو الزراعه الكثيفه طيب يعني ايه الزراعه الكثيفه يا حبيب قلبي معناها ان انا ازرع الارض في السنه تمام ازرع الارض في السنه اكتر من مره مش مره واحده زي الاول يبقى في الزراعه البسيطه كنت بزرع الارض مره واحده وبزرع مساحه صغيره لكن في الزراعه الكثيفه وسعت المساحه وبقيت ازرع الارض اكتر من مره في السنه وليكن ثلاث مرات في السنه بزرع الارض محصول وبعد ما احصله ازرع محصول تاني في نفس السنه وصده وازرع محصول التالث في نفس السنه خلاص طب انا ليه بعمل كده علشان اكفي احتياجات السكان اللي بقوا كتير طيب مع مرور الوقت والسنين السكان كتروا اكتر واكتر واكتر واكتر فكده انا بقيت محتاج ازرع النوع الثالث واللي هو الزراعه الواسعه الزراعه الواسعه بقى يا عمنا وهو ان انا بزرع الاراضي مساحتها كبيره جدا ما تشوفش اخرها وبستخدم فيها الات لان الانسان مش هيقدر يزرع الارض الكبيره والواسعه ديت كده بايده او بنفسه بقينا بنستخدم فيها الالات خلاص يا عم فهمت يبقى احنا ها الزراعه عندنا انواع طب انواع ليه هتقول لي على حسب احتياجات السكان لو السكان شويه صغنططين فكده ايه هنزرع الزراعه البسيطه بس لكن لو السكان كتير هيبقى عندنا زراعه كثيفه وزراعه واسعه وعلى حسب كمان التطور التكنولوجي اللي في المنطقه لو المنطقه ما فيهاش الات فانا كده هضطر ازرع زراعه بسيطه او زراعه كثيفه لكن لو المنطقه فيها الات ومعدات حديثه كده انا هوسع وازرع مزارع رهيبه واخلي الالات تعمل في المزارع دي كده فهمنا يا عم يبقى هنا من تاني يا حبيب قلبي بص بقى يا حبيبي كانت الزراعه البسيطه اهو الزراعه البسيطه اول نوع او الزراعه البدائيه هي النمط السائد يعني المنتشر والمشهور للزراعه في افريقيا حتى القرن الع 20 يعني قبل القرن الع 20 كانت مين هي الزراعه السائده في افريقيا هتقول لي الزراعه الايه البسيطه ده قبل القرن ال ليه لان عدد السكان ما كانش كتير واحتياجاتهم ما كانتش كتيره طيب يبقى هم كانوا بيزرعوا الزراعه البسيطه قبل القرن ال 20 ليه بص لتحقيق الاكتفاء الذاتي علشان يوفروا الاكل اللي هم هياكلو بس احتياجاتهم القليله بس فكانوا بيزرعوا الزراعه البسيطه طيب بعد كده يا عم بص قد الزياده السكانيه الكبيره الى تحول معظم دول القاره اكتر دول القاره تحولوا من الزراعه البسيطه الى الزراعه الكثيفه او الزراعه الواسعه طيب ليه اشمعنى علشان يا حبيب قلبي السكان زادوا بقوا كتير وكمان لو اتبقى منهم حاجه يتاجروا بيها او يبيعوها اهو بهدف زياده الانتاج وسد الاحتياجات الغذائيه للسكان اللي بقوا كتير في حاجه صعبه كده يا عم اظن كده ما فيش حاجه صعبه طيب تعال بقى في نوع بقى انا سايبه لك كده للاخر واللي هو الزراعه الذكيه مناخيا اوعى تقولي الذكيه بس الزراعه الذكيه ايه مناخيه طيب عايزين نعرف يعني ايه الزراعه الذكيه مناخيه وانا هبدا دلوقتي احكي لك قصتها قصه اه والله واحده واحده بس يا عم كده اول ما تشوف كلمه الزكيه يا حبيبي اعرف ان هنا في تدخل للالات والروبوتات والذكاء الاصطناعي خلاص كده يا عم خلاص بس الالات والروبوتات هنعمل ايه في هنعمل بها ايه في الزراعه حبيب قلبي دلوقتي احنا بقينا نقدر نزرع الارض تمام وبقينا بنقدر نحط في الارض اجهزه والات واجهزه استشعار وروبوتات تشتغل في الارض مكان الانسان هحكي لك قصه صغيره يا عم لايه للزراعه الذكيه مناخيه دلوقتي انا مثلا ممكن يعني لو سالنا اي واحد فلاح من الناس القديمه وقلنا لها امتى انت بترو الارض امتى بتروي الارض او تنزل ميه في الارض يقول لك لما احس كده ان مثلا الارض محتاجه ميه او لما يعدي مثلا كم يوم كده بنزل ميه يعني تحسهم بيتعاملوا مع الارض بطريقه عشوائيه طبعا على حسب خبراتهم السابقه صح كده اه لكن احنا دلوقتي يا حبيب قلبي بقينا بنحط اجهزه اجهزه الشعر في الارض تقيس عناصر الطقس ازاي يعني يعني يا حبيب قلبي كانها محطه بتقيس الطقس تعرف درجه الحراره زادت ولا لا لو درجه الحراره زادت قوي لو درجه الحراره زادت قوي فكده الزرع او النبات بقى محتاج يشرب مثلا ميه طيب تقوم اجهزه الاستشعار تقيس درجه الحراره قد ايه والنبات هيحتاج ميه قد ايه فتقوم تدي للنبات الميه اللي هو محتاجها بالظبط تدي للنبات اليه اللي هو محتاجها بالظبط لكن الاول لو سالت احد المزارعين او الفلاحين القدام هيقول لك انا وانا بروي الارض بفتح الميه واول ما احس ان الارض خلاص شبعت او خلاص كده اتروت اتروت الارض بقفل الميه لا يا عم دلوقتي في اجهزه حديثه بتحدد النبات ده هيحتاج ميه قد ايه هنديله ميه قد ايه طيب امتى نديله ميه وامتى ما نديلو كل ده اجهزه بتكون في الايه في الارض كل دي اجهزه واستعارات بتكون في الارض فعلشان كده انا قلت عليها الزراعه الذكيه طيب ليه قلت عليها الذكيه مناخيا يا حبيب قلبي لان الاجهزه والاستعارات اللي بتكون في الارض يا حبيبي بتحمي النبات من التغيرات المناخيه او تاثير التغير المناخي طيب واحده واحده معايا كده نفهم الزراعه الذكيه مناخيه اولا هي الزراعه التي تستهدف يعني هدفها زياده الانتاجيه بشكل مستدام يعني ايه يعني هدف الزراعه الذكيه مناخيا ان احنا ننتج محاصيل اكتر وعلى طول بشكل مستدام يعني على طول نفضل على طول نزود الانتاج لو مثلا كان عندك ارض مش ذكيه او ما بتستخدم فيها الزراعه الذكيه فالارض دي مثلا هتجيب 10 طن من القمح مثلا 10 طن من القمح لكن بعد ما حطينا في الارض دي يا عم اجهزه الاستشعار رات الذكيه والحاجات دي اصبحت الارض بتجيب 20 طن من القمح 20 طن من الايه من القمح يا معلم يبقى هي الزراعه اللي هدفها ايه زياده الانتاج بشكل مستدام والتكيف مع التغيرات المناخيه والتكيف مع التغيرات المناخيه اه يعني الجو بقى حر قوي الجهاز عارف ان الجو بقى حر قوي وان درجه الحراره اتغيرت وعارف هيدي للزرع او للنبات ميه قد ايه لما درجه الحراره تبقى عاليه طب لو درجه الحراره انخفضت الجهاز برده بقى عارف ان درجه الحراره انخفضت وعارف هيعمل ايه بالظبط خلاص يا عم يبقى الزراعه الذكيه مناخيه بتقدر ايه تتكيف وتتعايش مع التغيرات المناخيه وكمان التقليل من غازات الاحتباس الحراري لاننا بنزرع مساحات واسعه ما هي الزراعه الذكيه مناخيا دي يا عم مش بتكون في اراضي صغنطوطه لا دي بتكون في مساحات واسعه جدا من الاراضي فبيبقى عندنا كميه كبيره قوي من النباتات والنبات بيعمل ايه قول معايا بيمتص غاز ثاني اكسيد الكربون ويطلع لنا غاز الاكسجين يعني بيقلل من غازات الاحتباس الحراري زي ثاني اكسيد الكربون زي ايه زي ثاني اكسيد الكربون بالظبط خلاص يا عم يبقى الزراعه الذكيه مناخيا هي ايه قول بقى معايا كده دي زراعه هدفها زياده الانتاج هدفها زياده الانتاج بشكل مستدام على طول طيب والتكيف مع التغيرات الايه المناخيه اللي بتحصل والتقليل من غازات الاحتباس الحراري طيب حلو قوي الزراعه الذكيه مناخيا دي هي عندنا في افريقيا ايوه يا عم عندنا في افريقيا وبقينا بنستخدمها كمان وبقينا بنستخدمها كمان حلو قوي بص بقى تم الاعتماد تم الاعتماد على الزراعه الذكيه مناخيا في بعض الدول الافريقيه يا رب تكون مصر فيهم بعض الدول الايه الافريقيه بقت بتستخدم الزراعه الذكيه مناخيا زي مصر وغانا ومالي يبقى زي دوله مصر ودوله غانا ودوله مالي طيب معلش سؤال سؤال بس هو اصلا بيسالني اهو اشمعنا بقينا بنعتمد على الزراعه الذكيه مناخيا في بعض الدول زي مصر وغنا ومالي ليه مصر بتعتمد على الزراعه الذكيه مناخيا بما تفسر بص لمواجهه التاثيرات السلبيه للتغيرات الايه المناخيه علشان نقدر يا عم الحاج بالارض دي او بالزراعه دي نواجه ايه التغيرات اللي بتحصل في المناخ في الجو نواجه التغيرات او التاثيرات السلبيه للتغيرات المناخيه على الزراعه من اجل تحقيق الامن الغذائي من غير الاجهزه والاستشعار اللي بتكون في الزراعه الذكيه يا حبيبي مش هنقدر نواجه التاثيرات السلبيه بتاعه التغير المناخي ولو المناخ اتغير احنا مش هنحس او مش هنقدر نفهم النبات هيبقى محتاج ايه في ظل التغير المناخي لكن الاجهزه الحديثه والمستشعرات بتحس وبتحسب كل حاجه بالظبط وبتدي للنبات اللي هو محتاجه دلوقتي يا حبايب قلبي بقى جينا على السؤال المهم احنا بنزرع مساحه ارض قد ايه في افريقيا يا ترى بنزرع مساحه صغيره من الارض ولا مساحه كبيره من الارض طيب يلا بينا نشوف هنا بيقول لي تمثل نحو خمس مساحه الاراضي الزراعيه في العالم ركز يا حبيب قلبي كده مساحه الارض اللي بتتزرع واللي صالحه للزراعه في قاره افريقيا تمثل قد ايه خمس مساحه الارض الزراعيه اللي في العالم كله طيب حلو قوي وبذلك تاتي قاره افريقيا في المرتبه الثالثه الله ايش معنى المراض الثالثه بقى مش الثانيه زي كل مره في المرتبه الثالثه بعد قاره اسيا واوروبا يبقى قاره اسيا وقاره اوروبا دول اكتر قارتين في العالم فيهم مساحات كبيره مزروعه لكن قاره افريقيا هي رقم لاثه طب يا مستر قاره افريقيا دي قاره كبيره جدا ازاي تبقى رقم لاثه يا مستر من حيث الارض الزراعيه اللي فيها يعني انا مثلا شايف ان قاره افريقيا اكبر من قاريه اوروبا ازاي قاره اوروبا يبقى فيها مساحه ارض زراعيه اكتر مننا هقول لك يا حبيب قلبي انت فعلا عندك حق قاره افريقيا مساحتها كبيره جدا اكبر من قاره اوروبا ولكن قاره اوروبا فيها مساحات صالحه للزراعه اكتر من عندنا يعني ادي يا عم قاره افريقيا كلها قدامك قل لي كده فين الارض اللي نقدر نزرعها في افريقيا هتقول لي ما نزرع اي ارض ازاي يا حبيب قلبي يعني انت مثلا عندك المنطقه دي كلها صحراء اللي هي الصحراء الكبرى هي الصحراء هينفع نزرع فيها غير في الواحات حتت صغنططه قد كده فهمتني بقى عندك مناطق كتير جدا يا عم زي الغابات والمناطق دي كلها يا حبيب قلبي وهنا برده الصحراء وكده ومناطق كلها صحراويه وغير صالحه للزراعه غير صالحه للزراعه فاحنا هنزرع ازاي احنا الزراعه عندنا يا حبيبي في قاره افريقيا يا اما هتلاقيها في الجزء الشمالي الغربي او في الساحل الشمالي الغربي اللي هو ده كده تمام يا اما هتلاقيها جنب الانهار او على جانبي الانهار زي نهر النيل اهو هتلاقي جنب نهر النيل في ايه في زراعه طيب جنب نهر الكونغو هتلاقي جنب نهر الكونغو زراعه جنب نهر النيجر هتلاقي جنب نهر النيجر برده زراع وبرده جنب نهر الزمبيزي وجنب نهر الاورانج جنب الانهار هتلاقي زراعه يبقى فين فين المناطق اللي انا بقدر ازرع فيها في افريقيا الكبيره قوي دي المناطق اللي انا بقدر ازرع فيها في افريقيا الكبيره قوي دي يا حبيب قلبي خد عندك المناطق الشماليه الغربيه او الساحل الشمالي الغرب لافريقيا اللي هو ده كده بعد كده يا عم مناطق الجنوب الشرقي لافريقيا اللي هي الحته دي برض دي الجنوب الشرقي يبقى بص الشمال الغربي الجنوب الشرقي زي ما كنا بنقول المناطق المرتفعه في الكثافه السكانيه فهمتني اهو الشمال الغربي الجنوب الشرقي وكمان المناطق اللي على جانبي الانهار زي مين نهر النيل نهر النيجر نهر الكونغو نهر الزمبيزي نهر الايه الاورنج وكمان بيقول لي في بعض المناطق يا عم في بعض المناطق التربه البركانيه في القاره زي فين زي هنا كده يا حبيب قلبي مش قلنا هنا جبال بركانيه جبل كينيا ايوه مناطق ذات التربه البركانيه برده زي هضبه الحبشه دي المناطق اللي انا اقدر ازرع فيها في القاره يبقى القاره مساحتها قول معايا القاره بتاعه افريقيا مساحتها كبيره بس مش كل الاراضي اللي فيها صالحه للزراعه جزء صغير بس من قاره افريقيا هو اللي بنقدر نزرعه علشان كده قاره اوروبا سبقانه من حيث المساحات الايه المزروعه قاره اوروبا اكتر الاراضي فيها صالحه ل ايه يا معلم للزراعه خلاص كده فهمنا يبقى فين المناطق اللي انا ينفع ازرعها يا معلم المناطق الساحليه اللي على الساحل فين بقى شمال غرب القاره شمال غرب القاره والجزء الغربي من القاره وكمان الجزء اللي فيه الجنوب والجنوب الشرقي الجزء الجنوبي والجنوب الشرقي دي الاماكن الساحليه اللي انا اقدر ازرعها وكمان عندي مناطق السهول الفيضيه اللي جنب بقى الايه الانهار والدالات النهريه زي نهر النيل نهر النيجر نهر الكونغو نهر الزمبيزي نهر الايه الاورانج وكمان مناطق التربه البركانيه في القار خلي بالك مناطق التربه البركانيه في القره من المناطق الصالحه للايه للزراعه يبقى انت كده فهمت يا معلم قاره افريقيا كبيره لكن مش كل الاراضي اللي فيها ايه صالحه للزراعه مش كل الاراضي اللي فيها صالحه للايه يا معلم للزراعه طيب بص معايا في الحته دي كده وركز معايا هنا بيقول لي اهميه الزراعه في قاره افريقيا احنا ليه بقى بنزرع ليه ايه فايده الزراعه بنزرع علشان ايه بصوا يا حبيب قلبي واحده واحده كده معايا بيقول لي هنا ايه تعد الزراعه احدى الركائز الاساسيه للاقتصاد الافريقي اثبت كده للاقتصاد الايه الافريقي بص يا حبيب قلبي اي رئيس دوله في اخر كل سنه لما بيجي يحسب كده الدوله بتاعته جابت فلوس قد ايه او المشاريع بتاعه الدوله والانشطه الاقتصاديه جابت فلوس قد ايه في السنه دي بيكون يا حبيب قلبي نشاط الزراعه بيدخل جزء كبير جدا من الفلوس دي يبقى تمام كده قبل كده ده كنا بنقول ان الزراعه تساعد في زياده الدخل القومي اللي هو الفلوس اللي بتدخل للدوله خلاص فقاره افريقيا كل الدول اللي فيها بتكسب فلوس كتير جدا من الايه من الزراعه فخلي بالك الزراعه دي حاجه اساسيه جدا للاقتصاد الايه الافريقي للاقتصاد الافريقي حلو قوي ده غير كمان يا حبيب قلبي انها بتوفر فرص عمل لسكان افريقيا وللشباب اللي في افريقيا صح ولا لا صح لو كنت فاكر يعني كنا بنقول قبل كده ان بيعمل نص القوى العامله في افريقيا في نشاط الايه الزراعه يبقى الزراعه كمان بتوفر فرص عمل يبقى خلينا ا في دي الاول ركز معايا تعد الزراعه احدى الركائز الاساسيه للاقتصاد الايه الافريقي زيها زي الصناعه والانشطه الاخرى ده غير ان هي اهمهم كمان اهم حاجه في اقتصاد افريقيا الزراعه يبقى اول اهميه ان هي احدى الركائز الاساسيه للاقتصاد الايه الافريقي بص بقى الحته اللي جايه دي حيث تاتي قاره افريقيا في المرتبه الاولى عالميا من حيث ايه من حيث نسبه العاملين في النشاط الزراعي حيث يعمل بها نحو 50% من القوى العامله في الزراعه انا عايز افهم بس حاجه اكتر قاره في العالم فيها اراضي زراعيه مزروعه هي قاره ايه اسيا بعديها اوروبا صح كده اه وقاره افريقيا كانت رقم لاه ايوه طب انت جاي دلوقتي تقول لي ان قاره افريقيا هي اكتر قاره في العالم فيها ناس او سكان بيعملوا في الزراعه طب ازاي ازاي بقى هي الاولى مش فاهمها دي من حيث نسبه العاملين في الزراعه حبيب قلبي اده الزراعه في اسيا وفي اوروبا بتعتمد بشكل اساسي على استخدام الالات على استخدام الايه الالات يعني ايه يعني الارض يا حبيبي اللي في اوروبا علشان انا ازرعها مهما كانت مساحتها مش عايز يعني اصدمك بس انا اقدر ازرع الارض في اوروبا بالموبايل ايوه بابلكيشن وال على الموبايل بالذكاء الاصطناعي بتقدر تدي اوامر للاجهزه اللي في الارض انها تشتغل وتزرع الارض يا عم وترويها وتعمل فيها كل حاجه بالاجهزه تمام فالال والمعدات والاجهزه الحديثه بتعمل كل حاجه في الارض في اوروبا فعلشان كده الزراعه في اوروبا مش بتحتاج لبشر يزرعوها ولا بتحتاج لايد ايه عامله لكن كل اللي بتحتاج لي الات ومعدات وعدد بسيط جدا من البشر يشغلوا الالات دي يشغلوا الايه الالات خلاص يا عم علشان كده نسبه العاملين بالزراعه في اوروبا قليله لكن افريقيا اكتر كاره في العالم فيها ناس بيعملوا في الزراعه ليه اصل الزراعه عندنا في افريقيا بتعتمد بشكل اساسي على الايدي العامله لو ما فيش بشر يعملوا في الزراعه في افريقيا فما فيش زراعه لكن في اوروبا الالات هي اللي بتعمل خلاص يا عم يبقى كمان الزراعه يا حبيب قلبي بتوفر فرص عمل كتير قوي بيعمل بقى 50% من القوه العامله يا عم وكاره افريقيا هي رقم واحد عالميه من حيث ايه نسبه العاملين في النشاط الزراعي بيعمل فيها 50% ايش معنى بما تفسر هتقول له بسبب او يرجع هذا الى اعتماد الزراعه في معظم مناطق قاره افريقيا على ايه على الايدي العامله يبقى اكتر المناطق في قاره افريقيا بتعتمد على الالات ولا بتعتمد على الايدي العامله بتعتمد على الايدي العامله علشان كده الزراعه عندنا في افريقيا بيعمل بها عدد كبير جدا من سكان او من القوى العامله في قاره ايه افريقيا خلاص عرفنا اهميه الزراعه يبقى هي احدى الركائز الاساسيه للاقتصاد الافريقي بيعمل فيها ايه بيعمل فيها 50% من القوى العامله في افريقيا حيث ان قاره افريقيا تقع في المرتبه الاولى من حيث نسبه العاملين في النشاط الزراعي طب لو قال لك ايه السبب هتقول له بسبب اعتماد معظم المناطق في افريقيا على الايدي العامله وليس الالات وليس الايه وليس الالات طيب انا دلوقتي فهمت ان الزراعه دي حاجه مهمه جدا لاي دوله ولاي قاره خلاص دي فهمت ان الزراعه مهمه جدا طيب انا عايز افهم بس سؤال تاني بس عايز اسال سؤال تاني احنا بنزرع ايه في قاره افريقيا ايه المحاصيل الزراعيه اللي احنا بنزرع يا ترى مثلا احنا بنزرع القمح ولا الارز ولا بنزرع مثلا اشجار التفاح ولا بنزرع ايه بالظبط احنا عايزين نفهم ايه المحاصيل الزراعيه اللي بنزرع في افريقيا ويا ترى المحاصيل اللي بنزرع دي كتير تمام يعني متنوعه انواع كتير ولا احنا بنزرع محاصيل بسيطه قليله تعال نشوف هنا بيقول لي ياعم اهم المحاصيل الزراعيه في قاره افريقيا تتنوع المحاصيل الزراعيه في قاره افريقيا ايوه تتنوع انا لقيت كلمه تتنوع ده معناه ايه معناه ان انا عندي انواع كتير كتير كتير كتير كتير كتير من النباتات اللي انا بزرعها فين في قاره افريقيا مش نوع واحد يعني مش قمح ورز وذره بس لا ده انا عندي انواع ايه كتير طب ثواني هي دي حاجه حلوه ولا حاجه وحشه يعني حاجه حلوه ان انا يكون عندي محاصيل زراعيه كير وانواع كتير بزرعها طبعا حاجه حلوه طب لو قال لي السؤال ما النتائج المت لتبقى على تنوع المحاصيل الزراعيه في قاره افريقيا يعني ايه اللي هيحصل او احنا هنستفاد ايه لما يكون عندي محاصيل كتير متنوعه في قاره افريقيا ققول له تعالى ده يا عم هيساعد على تحقيق الاكتفاء الذاتي يعني ايه يعني احنا كسكان هنكون مكتفيين بالمحاصيل اللي احنا بنزرع ومكانا ومش محتاجين نشتري اي محاصيل ثانيه من اي حته خلاص يبقى تخيل كده حبيب قلبي لو انا بس في افريقيا مش بزرع غير القمح بس مش بزرع غير القمح مثلا كده انا بقيت محتاج اشتري قرز تمام لان هحتاجه وهحتاج اشتري فاكهه لان هحتاجها طب هشتري منين من دول ثانيه او من قارت ثانيه هشتري من دول ثانيه او من قارت ثانيه لان المحاصيل دي مش عندي ف هشتريها طب تخيل لو انا في قاره افريقيا بزرع جميع انواع المحاصيل الزراعيه بزرع انواع كتير قوي فهل كده انا هبقى محتاج اشتري حاجه ولا مكتفي هبقى مكتفي يبقى تنوع المحاصيل بيحقق الاكتفاء الايه الذاتي طيب ده رقم واحد رقم انين كمان يا حبيب قلبي بيساهم في الاغراض التجاريه ازاي يعني انا يا حبيب قلبي بزرع انواع كتير جدا جدا جدا جدا جدا من المحاصيل الزراعيه فلو اي دوله حبت تشتري مني اي نوع من انواع المحاصيل هبيعه لها بسهوله ليه لان عندي كل الانواع شفت يا حبيب قلبي كده لما تدخل سوبر ماركت وتلاقي السوبر ماركت ده مش بيبيع اي حاجه غير شيبسي بس ما فيهوش غير كتين شيبسي فانت كل ما تدخل ما تلاقيش اللي انت محتاجه ما فيش غير شيبسي طيب هتشتري منه حاجه لا طب لو لقيت محل تاني في جميع انواع الحاجات والمنتجات اللي انت عايزها فبت خش تختار اللي انت عايزه ها قو لي بقى هتدخل انهي سوبر ماركت اللي ما فيهوش غير شيبسي ولا اللي فيه كل حاجه طبعا اللي فيه كل حاجه في حبيب قلبي تنوع المحاصيل الزراعيه عندنا في افريقيا خلانا نستفاد بهذا التنوع في الاغراض التجاريه ونبيع ونصدر ونبيع نايه ونبيع ونصدر خلاص فهمنا طيب تعالى بقى من غير كلام كتير نعرف ايه اهم المحاصيل الزراعيه اللي انا بزرعها اهمهم ايه خد عندك يا حبيب قلب الانواع دي وركز معايا عندنا حبوب غذائيه ودي بقى النباتات اللي انا بعتمد عليها بشكل اساسي في الغذاء في الاكل فهمتني في الاكل يعني انا مثلا عندنا الذره الرفيعه دي من اهم الحبوب الغذائيه اللي احنا بنعتمد عليها في افريقيا في الاكل في دول كامله بتعتمد عليها في صنع بقى الخبز والحاجات دي خلاص اتفقنا اتفقنا طيب عندنا يبقى احنا كده عرفنا عندنا محاصيل غذائيه بنعتمد عليها بشكل اساسي في الاكل عندنا يا حبيب قلبي محاصيل درنيه ايه المحاصيل الدرانيه دي ازاي لو قلت لك عندنا في مصر هتقول لي زي البطاطا زي البطاطس المحاصيل اللي بيبقى فيها درانت اللي تلاقي يا حبيب قلبي الثمره بتاعتها كده تحت الرمل او تحت الارض زي البطاطا وزي الايه وزي البطاطس دي بسميها المحاصيل الدرانيه زي ايه عندي في افريقيا زي الكثافه زي اليام الكثافه واليام دول اشهر المحاصيل الدرانيه اللي عندي في افريقيا خلاص اتفقنا يبقى انا اخدنا كده حبوب غذائيه زي الزره الرفيعه خدنا محاصيل درنيه تعالى بقى على محاصيل المنبهات المنبهات اه زي ما انت كده قاعد بتسمعني ونايم على نفسك فمحتاج حاجه تنبهك فتقول لماما اعملي لي كوبايه شاي او كوبايه قهوه بس يا عم هي دي محاصيل المنبهات زي الايه الكاكاو البن القهوه والشاي الكاكاو والبن والقه الهوه الكاكاو والبن والشاي دي من محاصيل المنبهات اللي عندي فين اللي عندي في افريقيا طيب بعد كده عندي المحاصيل النقديه المحاصيل النقديه يعني ايه يعني يا حبايب قلبي المحاصيل اللي انا بستخدمها في الصناعه او بستخدمها في اني ببيعها زي ما هي كده ولا باكلها ولا بستخدمها في الغذاء خلاص يبقى دي اسمها محاصيل نقديه زي القطن وزي المطاط الطبيعي القطن يا اما بستخدمه في الصناعه يا اما ببيعه زي ما هو الدول تانيه المطاط الطبيعي يا اما بستخدمه في صناعه اطارات الدراجات او اطارات السيارات او اطارات الايه الطيارات اللي هو الكاوتش العجله الكاوتش بتاعه العربيه او السياره او الطياره او كده خلاص اتفقنا ده المطاط الطبيعي فدي اسمها المحاصيل النقديه لاني مش بعتمد عليها في الغذاء فدينا عرفنا انواع المحاصيل اللي انا بزرعها في افراج طيب سؤال بس هل في محاصيل ثانيه ما اتكتبت هنا بتتزرع في افريقيا كتير والله يا حبيب قلبي كتير جدا انا جبت لك بس اشهر واهم المحاصيل اللي بتتزرع في افريقيا لكن دي مش كل المحاصيل ده فيه كتير جدا جدا جدا جدا وتعال بقى بنا دلوقتي نمسك محصول محصول نتكلم عنه شويه هنبدا يا حبيب قلبي بالحبوب الغذائيه اللي قلت لك بنعتمد عليها في الغذاء طيب انا عندي حبوب غذائيه كتير بيتزرع في افريقيا يا مستر زي الارز زي القمح زي الذره كل الحاجات دي اه لكن احنا هنركز على محصول الذره الرفيعه خلاص طيب وهقول لك دلوقتي ليه اول حاجه حاجه اهميه الذره الرفيعه ايه تستخدم كغذاء ها كغذاء للانسان وبرده للحيوان تستخدم كغذاء للانسان وللحيوانات انا عندي محاصيل تانيه كتير بستخدمها في الغذاء زي الارز والقمح ليه ما تكلمناش عنهم حبيب قلبي ده اكتر اكتر محصول غذائي بيتم انتاجه في افريقيا بص كده تنتج تنتج افريقيا اكثر من نصف الانتاج العالمي ليه محصول الذره الرفيعه واحد يقول لي يعني ايه نصف الانتاج العالمي بص يا حبيبي كل دول وقارات العالم كل قارات العالم اسيا اوروبا امريكا الشماليه امريكا الجنوب كلهم بينتج من المحصول ده 50% بينتج منه ايه 50% ده كل قارات العالم او اقل كمان من 50% يعني ممكن 45 49 كده افريقيا لوحدها بتنتج اكتر من 50% من محصول الايه الزوره الرفيعه علشان كده قلنا ده من اهم الحبوب الغذائيه في قاره ايه في قاره افريق تعال لي بقى يا عم على رقم اثنين واللي هو المحاصيل الدرنيه بص يا حبيب قلبي انا عندي اثنين بس ايه هم الكثافه وعندنا اليام طيب الكثافه علشان انت اكيد اول اول مره تسمع عنه الكثافه ده يا حبيب قلبي نبات شبه البطاطا بالظبط اهو شبه البطاطا عندنا اليام نبات شبه البطاطس يبقى البطاطا والبطاطس خلاص شبههم الاتنين ها مين شبه البطاطا الكثافه منين شبه البطاطس اليام المحصولين دول اسمهم محاصيل ايه محاصيل درنيه بتتزرع عندنا في افريقيا طب تعال نشوف اول حاجه هما الاثنين يا حبيب قلبي شبه بعض في ايه عشان هيجي لك على فكره اوجه الشبه واوجه الاختلاف فركز معايا شبه بعض في انهم هم الاتنين بيزرعوا في المناطق الاستوائيه يبقى بيتم زراعتهم في المناطق الايه في المناطق الاستوائيه ده اول حاجه طيب بعد كده يا عم اهميه الكثافه ايه يمكن تناولها نيه او طحنها لصنع الخبز يعني انت ممكن يا حبيب قلبي تاكلها كده نيه او تسلقها زيها زي البطاطا بالظبط او في دول بتستخدمها في صنع الخبز صنع الايه الخبز زي ما احنا بنستخدم القمح كده عندنا في صنع الخبز في دول بتستخدم الكثافه دي في صنع الايه الخبز يبقى ده اهميتها ممكن تاكلها نيه او تطحنه لصنع الايه لصنع الخبز طيب تعال بقى ع اليام هنستخدمه في ايه يستخدم في صناعه الخبز في بعض دول افريقيا طب ينفع ناكله نا لا ما قاليش يستخدم في صناعه الخبز خلاص برض هم الاتنين شبه بعض في ان في انهم بيستخدموا في صناعه الخبز يبقى بيزرعوا ههم الاتنين في المناطق الاستوائيه بيتم استخدامهم في صناعه الخبز طيب تعال نشوف اللي بعده كده انتاج بقى القاره القاره بتنتج قد ايه من الكثافه تنتج افريقيا نحو ثلثي الانتاج العالمي ثلثين الانتاج العالمي من الكثافه ده اكتر بكتير قوي من النص يا حبيب قلبي التلتين الانتاج الايه العالمي طيب من حيث بقى محصول اليام تنتج افريق اقيا نحو 98% من الانتاج الاعلمي عارف يعني بقيه قارات العالم بتنتج من المحصول ده قد ايه 2% وكاره افريقيا بتنتج 98% منه يعني يعتبر اصلا المحصول ده احنا اكتر كاره في العالم يعتبر احنا الوحيد في العالم اللي بنزرع المحصول ده اللي هو محصول اليام علشان كده احنا جبناه في اهم المحاصيل لكن في محاصيل ثانيه ما ذكرنا اسمها مع انها بتتزرع برده عندنا فين في افريقيا احنا ذكرنا اهم واشهر المحاصيل يبقى من حيث المحاصيل الدرانيه احنا عندنا ها الكثافه عندنا اليام هم الاثنين بيتزرع فين ها قول معايا في المناطق الاستوائيه جدع وكمان بنستخدم في صنع الخبز لكن الكثافه يمكن تناولها نيه طيب الكثافه بننت منها قد ايه في افريقيا ثلثي الانتاج للتين الانتاج طيب اليام 98% من الانتاج العالمي كله موجود عندنا فين في افريقيا طيب تع لي بقى رقم لاه على محاصيل المنبهات واللي اتفقنا عليهم ان هم الشاي والبن والكاكاو تعالى يا عم كده بص على فكره محاصيل المنبهات لازم تبقى فاهم كده ان احنا بنزرع مش علشان نستخدمها في الغذاء امال ايه هقول لك يا حبيب قلبي قاره افريقيا بتزرع المحاصيل دي بشكل اساسي للاغراض التجاريه ليه علشان احنا بنبيع بنزرع الشاي بعدين مثلا بنستخدمه في التعليب يعني بنعلم الشاي كده كعلب وبعدين بنصدر او بنبيعه بره افريقيا خلاص اتفقنا يبقى دي محاصيل بتستخدم في الاغراض الايه في الاغراض التجاريه وتعد قاره افريقيا من اكبر المنتجين لها يعني ايه الاولى لا هي من اكبر المنتجين خلاص اتفقنا يا عم طيب تعال نبدا بقى كده بمحصول الكاكاو ده بيتزرع فين يا عم في افريقيا تعال الاول نرسم افريقيا كده بسرعه اهو بقال لي محصول الكاكاو ده بيتزرع هنا كده يا معلم فين في غرب افريقيا يبقى محصول الكاكاو ده بيتزرع فين بيتزرع في غرب افريقيا يزرع في غرب افريقيا طيب افريقيا بتزرع كاكاو كتير بتنتج منه كتير قوي بص يا عم 70% من الانتاج العالمي انت متخيل 70% من انتاج الكاكاو عندنا فين عندنا في افريقيا طيب يبقى هنا في جهه الغرب بنزرع الكاكاو واللي بنتج منه 70% طيب في جهه الشرق الناحيه التانيه بقى بنزرع ايه قال لك تعالى في جهه الشرق بنزرع الشاي يبقى الشاي يزرع في شرق افريقيا وبتنتهي عشر الانتاج العالمي يبقى تعال كده في جهه الشرق هنا بنزرع الايه الشاي وافريقيا بتنتج منه ايه عشر الانتاج العالمي طيب هنا بقى فاضل لي البن القهوه ده بقى بيزرع في الشرق وكمان بيزرع في الوسط وكمان بيزرع في غرب افريقيا يبقى خلي بالك البن مشترك معاهم الثنين البن بيتزرع في الغرب اه وكمان بيتزرع في الشرق اه وكمان بيتزرع ف الوسط خلاص وهنا يا عم افريقيا بتنتج من البن خمس الانتاج الايه خمس الانتاج العالمي من البن لكن عشر الانتاج العالمي من الشاي طب 70% من الانتاج العالمي ها الكاكاو خلاص اتفقنا يا حبيب قلبي دي محاصيل المنبهات بعد كده يا عمنا هندخل على المحاصيل النقديه قلت بقى المحاصيل النقديه دي احنا بنزرع مخصوص يا اما عشان نستخدمها في الصناعه يا اما علشان نبيعها ونصدر خارج افر ونكسب بقى فلوس اجنبيه فركز معايا المحاصيل التي تزرع من اجل التجاره والحصول على النقد الاجنبي هي المحاصيل النقديه اللي زي القطن يا عم واللي زي المطاط الطبيعي واحده واحده بقى معايا كده القطن كلنا عارفين ان هو بيستخدم في صناعه المنسوجات القماش بيستخدم في صناعه المنسوجات تشيرتات بقى ملايات عبايات اي حاجه من الحاجات دي خلاص ده القطن حلو قوي طيب المطاط الطبيعي للي ما عرفش المطاط بيستخدم في صناعه اطارات الاطار اللي هو بقى ايه فرده الكاوتش ده العجله اطارات الطائرات والسيارات اطارات الطائرات والايه والسيارات بالنسبه بقى للقطن يا معلم افريقيا بتنتج منه قد ايه بيقول لي تنتج افريقيا كميات قليله منه الله ليه يا افريقيا بتنتج كميات قليله جدا من القطن ليه قالت لي اصل بص يا مستر القطن مش منتشر في كل افريقيا القطن منتشر في بعض الدول ومن اهم الدول اللي بتن تج القطن عندنا في افريقيا هي مصر والسودان مصر وايه والسودان لان القطن يا حبيبي الظروف المناسبه لزراعته يعني بتكون موجوده في مصر وموجوده فين في السودان فعلشان كده مصر والسودان مشهورين جدا بانتاج القطن ومش اي قطن كمان ده القطن طويل التيله القطن اللي هو من اشهر انواع القطن ومن اهم انواع القطن اللي كل الدول الاوروبيه نفسها تستغل افريقيا مخصوص علشان تاخد منها القطن طويل التيله ده خلاص يا عم اتفقنا يبقى القطن طويل التيله ده يا حبيب قلبي مشهور جدا ومنتشر في دولتي ايه مصر والسودان مصر وايه والسودان لكن قاره افريقيا بتنتج من القطن كميه قليله طيب تعال لي بقى على المطاط الطبيعي تنتج افريقيا نحو عشر الانتاج العالمي من المطاط الطبيعي هو ده بيفكرنا بايه برده عشر الانتاج العالمي ايوه بالشاي بيفكرنا بايه بيفكرنا يا عم بالشاي خلاص يبقى احنا كده عرفنا المحاصيل النقديه اللي بنستخدمها في التجاره وعلشان نحصل على ال الاجنبي زي القطن وزي المطاط الطبيعي اتفقنا يا حبايب قلبي فكده احنا عرفنا انواع الزراعه اهميه الزراعه اهم المحاصيل الزراعيه اللي احنا بنزرع وكده كله تمام ما عادش بقى غير انا اجيلك بقى بالحاجه السيئه واللي هي مشكلات الزراعه في افريقيا تخيل يا عم الحاج ان افريقيا بتواجه فيها الزراعه مشكلات عديده طب زي ايه والمشكلات دي بتعمل ايه تعال نبدا باول حاجه وهي الجفاف وال الفيضانات خلي بالك الجفاف والفيضانات دول عكس بعض عكس بعض تعال نشوف ازاي شوف يا حبيب قلبي عايزك تبقى عارف معلومه الميه اللي في الانهار اصلها جاي منين النهر بيجيب الميه منين ها من الامطار الميه اللي في الانهار دي كلها جايه منين جايه من الامطار مش لوحدها كده ما طلعتش من تحت الارض دي جايه من الامطار حلو كده حلو فلما المطر يقل الميه اللي في النهر تقل فساعتها يحصل حاجه اسمها الجفاف والجفاف ده يا عم بيبوظ الارض الزراعيه اللي عندنا خلاص وبرده في اراضي بتعتمد في الزراعه على مياه الامطار فلما الامطار تقل ساعت الارض دي برده تبوظ ويحصل حاجه اسمها جفاف يبقى اول مشكله عندنا وهي الجفاف اول جزء الجفاف الجفاف ده يا حبيب قلبي بص كده اللي هو نقص سقوط الامطار لما بينقص سقوط الامطار او كميه المطر اللي بتنزل بتقل ده بيؤدي الى حدوث حاجه اسمها الايه الجفاف والجفاف ده بيؤدي الى ايه من النتائج المترتبه على مما يقلل مساحه الاراضي الزراعيه الجفاف ما بيخلينا نقدر نزرع كميه ارض كبيره او مساحات من الارض كبيره تمام ده غير ان الارض اللي كانت مزروعه ممكن تبوظ بسبب نقص سقوط الامطار يبقى نقص سقوت الامتار بيؤدي الى حدوث الجفاف والجفاف بيؤدي الى ها نقص مساحه الارض الايه الزراعيه طيب دي اول مشكله انا فهمت لو كميه المطر قلت هيحصل جفاف صح اه طب لو كميه المطر زاد دت اكتر من اللازم ساعت هيحصل حاجه اسمها فيضان ليه لو كميه المطر كتير قوي يا حبيب قلبي كده النهر هيكون مليان ميه قوي وهيطلع ميه من الجوانب بتاعته والميه دي هتغرق كل الاراضي اللي جنب النهر او كمان المناطق اللي بيسقط فيها الامطار الغزيره ساعته يا حبيب قلبي الامطار دي كلها هتتحول على شكل ايه سيول وفيضانات تهد كل حاجه وتبوظ كل حاجه قدامها يبقى خلي بالك لو نقصت كميه المطر فكده جفاف ودي مشكله لو زادت كميه المطر فكده فيضان ودي مشكله تعال نشوف بقى كده يؤدي سقوط الامطار الغزيره الى حدوث الفيضانات القويه التي تجرف التربه تخيل بقى ميه كتير كده يا ود ماشيه على التربه الزراعيه هتعمل ايه هتشيل في التربه الزراعيه وتاخدها وتمشي فدي اسمها تجرف التربه يعني تاخد كده الطين او التربه الزراعيه وتمشي تجرف التربه وتدمر المحاصيل تخيل لو ارض فيها محاصيل وفيضان جاي مقابلها كده ميه كتير جايه الميه دي هتعمل ايه في المحاصيل هتقطع وهتشيل كلها قدامك خلاص يا عم يبقى الامطار الغزيره بتادي لحدوث الفيضانات القويه ها التي تجري في التربه وتدمر المحاصيل وبالتالي تنخفض الانتاجيه الزراعيه وبالتالي تنخفض الانتاجيه الايه الزراعيه بسبب ايه بسبب الفيضانات يا عم ما اهو ما انت بوظت المحاصيل وبوظت التربه فاكيد انتاجنا من الزراعه و انتاجنا من المحاصيل الزراعيه هيقل تنخفض الانتاجيه الزراعيه يبقى دي اول مشكله الجفاف والفيضانات يلا بينا كده على تاني مشكله تاني مشكله تاني مشكله يا حبيب قلبي بتواجه الزراعه عندي في افريقيا وهي ايه تدهور التربه الزراعيه يعني ايه كلمه تدهور يعني فساد يا عم ان التربه الزراعيه اللي في افريقيا تبوظ تخيل تربه انت تزرع فيها طول عمرك ارض يعني تزرع فيها طول عمرك محاصيل زراعيه فجاه كده جيت تزرع فيها محاصيل زراعيه ما نفعتش ما طلعتش المحاصيل ما طلعتش ليه يقول لك اصل خلاص التربه دي باظت او حصل لها تسحر او اتدهورت طب ليه اتدهورت ايه الاسباب اكيد في سبب اه في سبب تعالى اول سبب واللي هو يا حبيب قلبي ضعف شبكات الري والصرف واحده واحده الرا يعني ان انا انزل الميه الارض الزراعيه ارويها بالميه ال يعني ان انا اصرف الميه اللي انا نزلتها للارض الزراعيه تاني او الميه الزياده الميه الزياده اللي في الارض اصرفها ما سبهاش في الارض طب لو انا سبتها في الارض وما صرفتها او انا زودت الارض الزراعيه بكميه بكميه اكبر من الميه اللي هي محتاجاها وما صرفت الميه دي ايه ممكن يحصل يا حبيب قلبي ده ؤدي الى ارتفاع نسبه المياه والاملاح في التربه هيخلي التربه اللي انت مليتها بالمايه وما قدرتش تصرف منها الميه كويس هتبقى ها فيها نسبه كبيره من المياه والاملاح فيها نسبه كبيره من المياه والايه والاملاح فتيجي بعد كده تزرع فيها نباتات ما تطلعش ولو طلعت تكون ضعيفه جدا يبقى انا عندي مشكله اسمها تدهور التربه اول سبب لها ايه ضعف شبكات الري والصرف فين في افريقيا في بعض الدول الافريقيه ضعف شبكات الري والصرف طب وده بتادي الى ايه شبكات الري والصرف لما تكون ضعيفه ايه اللي هيحصل مما يؤدي الى ارتفاع نسبه المياه والاملاح في التربه وكمان يا حبيب قلبي في سبب تاني بيخلي التربه عندنا في افريقيا تتدهور وهو تعرض التربه للتعريه واحد يقول لي يعني ايه التعريه هقول لك بالراحه يا عم بالراحه ادي ارض زراعيه اهي دي ارض زراعيه اتفقنا يا عم فيها تربه وزي الفل وجميله طيب تخيل كده لو قامت رياح في رياح شديده جايه من هنا رياح جايه من هنا الرياح دي هتعمل ايه في التربه التراب والطين والطمي اللي على التربه الزراعيه الرياح ديدي تقدر تشيله من التربه وتوديه مكان تاني تجرف في التربه تجرف في الايه تجره في التربه تخيل كده يا حبيب قلبي لو ايدي دي عليها من فوق هنا شويه رمل وعملت كده ها هيروح فين هيطير في مكان تاني صح وايدي ما عادش هيبقى عليها رمل فالتربية نفخت الرمل كده ايدي اتعرت ما قدش عليها رمل فدي اسمها ايه التعريه دي اسمها ايه التعريه يا حبيب قلبي يبقى عندنا الطربه في افريقيا بتتعرض للتعريه بسبب اول حاجه الرياح وزي ما قلت لك كده دي الرياح طيب في سبب تاني وهو الامطار الامتار اه تخيل برض نفس الرمل على ايدي وحطيت عليه ميه كده من فوق الرمل هينزل مع الايه مع الميه يبقى دي برض اسمها تعريه بسبب الامطار وكمان بسبب الرعي الجائر للحيوانات في التربه عندنا خلاص يا حبايب قلبي يبقى انا عندي التربه في افريقيا مالها بتتعرض لايه للتدهور معظم دول القاره بتعاني من المشكله دي يا اما بسبب ضعف شبكات الري والصرف يا اما بسبب تعرض التربه للايه للتعريه وتعال بنا بقى على ثالث مشكله بتواجه التربه في افريقيا المشكله رقم لاثه يا حبيب قلبي واللي هي هجمات اسراب الجراد الجراد ايه الجراد ده الجراد ده حشره الجراد ده حشره بتاكل ها النبات بتاكل النبات وبتبوظ خلاص يا عم خلاص اسراب الجراد يعني مجموعات وجماعات كبيره من حشره الجراد تخيل لو انت زرع الارض الزراعيه بتاعتك عادي جدا الارض فيها محاصيل زراعيه فجاه كده هجم عليك جيش من الجراد نزل يا حبيب قلبي على المحاصيل اللي في الارض بتاعتك وخلص عليها كلها اكلها هتقدر تعمل حاجه للجراد مش هتقدر تعمل له حاجه لانه كتير مجموعات كتيره جدا هجمت على الارض بتاعتك فهت ايه طيب الجراد ده يا حبيب قلبي او هجمات اسراب الجراد دي من المشكلات اللي بتواجه الزراعه في قاره افريقيا تعال نشوف كده ينتشر الجراد ايوه فين فين في افريقيا في قاره افريقيا على اطراف المناطق الصحراويه يبقى الجراد المكان الاساسي بتاعه في قاره افريقيا على اطراف المناطق الصحراويه طب ايه اللي بيجيبوا الارض الزراعيه بقى اهو ويتحرك نحو مناطق البحر المتوسط رايح بقى عند الاماكن اللي فيها زراع علشان ياكل يتحرك نحو مناطق البحر المتوسط والسافانا ها والسفن خلاص طيب تعالى بص كده يا عم يعد الجراد الصحراوي اخطر انواع الجراد استنى بس هو الجراد في منه انواع اه في منه انواع كتير لكن اخطرهم هو الجراد الصحراوي طب ليه لانه يؤدي الى تدمير مساحات واسعه من المحاصيل الزراعيه كما حدث في شرق افريقيا عام 2020 ايه اللي حصل في شرق افريقيا يا حبيب قلبي سنه 2020 فاجئنا بان القنوات كلها عماله تعرض على التليفزيون وتقول ان في مصيبه وكارثه حصلت في شرق افريقيا ايه هي المصيبه يا عم وهي ان الجراد الصحراوي هجم على الاراضي وعلى المحاصيل الزراعيه اللي في شرق افريقيا طب الجراد الصحراوي عمل ايه يا عم ده الواحد ممكن يعملوا هش كده يهش كده تهش ايه يا حبيب قلبي هو انا بقول لك جراده ولا اثنين ده جيوش من الجراد هجمت على المحاصيل وتنزل الارض ساعه ولا اثنين ولا ثلاثه وتخلص على كل المحاصيل اللي فيها يا حبيب قلبي وتبوظ ظها كلها او تاكلها كلها وخرمها كده كلها خلاص خلاص يبقى خلي بالك اخطر انواع الجراد هو الجراد الصحراوي هو الجراد الصحراوي اشمعنا لانه يؤدي الى تدمير مساحات واسعه من المحاصيل الزراعيه طب وايه اللي حصل زي اللي حصل في شرق ايه افريقيا عام 2020 وبكده يا حبيب قلبي خدنا ثلاث مشكلات للزراعه او بتواجه الزراعه تعال بقى على المشكله الرابعه واللي هي الصراعات ضعف التمويل بص يا حبيبنا كده ركز معايا هنا بيقول لي الصراعات وضعف التمويل بياثروا على الزراعات طب انتم بتاثر على الزراعه ازاي عايز افهم ايه هي الصراعات دي الاول الصراعات دي يا حبيبي يعني المشكلات السياسيه او الحروب او الصراعات يعني الخناقات اللي بتحصل في بعض الدول الافريقيه زي في السودان زي في الصومال زي في الدول دي بتحصل شويه صراعات كده تمام وحروب بينهم وبين بعض طب تخيل انت لو عندك ارض زراعيه واترمى فيها قنبله ولا حصل فيها حرب ولا انت اصلا كصاحب ارض بتزرع اتاذيت في الحرب ولا انصبت ولا كده هتقدر تزرع الارض لا طب الارض بتاعتك اللي باظت من القنبله هتقدر تزرعها لا فخلي في بالك برض يا حبيبي الصراعات دي ها بتاثر على ايه على الزراع اهو الصراعات المسلحه والحروب التي تحدث داخل بعض الدول الافريقيه بتعمل ايه بتاثر على الزراعه بتاثر على الزراعه طيب الصراعات وعرفناها ايه بقى ضعف التمويل ده شوف يا حبيب قلبي التمويل ده معناه ان انا كرئيس دوله اخصص جزء مالي او مبلغ مالي من الفلوس كتمويل للبحوث الايه الزراعيه علشان العلماء المتخصصين في الزراعه يبحثوا في الزراعه ويكتشفوا حاجات جديده ويعالج الامراض ويطوروا الزراعه بتاعتي طيب هنا انا بلاحظ حاجه واحده ان في اغلبيه دول افريقيا بيكون التمويل الخاص بالزراعه قد كده قليل مش اي حد بيطلع جزء كتير جزء كبير او مبلغ كبير من الفلوس للزراعه لا بيطلعوا مجالات تانيه ويهمل الايه الزراعه فدي مشكله طيب المشكله رقم اثنين وهي ضعف التمويل المخصص لايه للبحوث الزراعيه للبحوث الزراعيه طيب وده ما النتائج لو قال لي ما النتائج المترتبه على ضعف التمويل المخصص للبحوث الزراعيه هقول له مما يؤثر سلبا على تطوير القطاع الزراعي ده بياثر سلبا يا معلم على تطوير القطاع الزراعي بياثر سلبا على ايه تطوير القطاع الزراعي خلاص اتفقنا يبقى احنا عندنا الصراعات وضعف التمويل هم الاتنين بيعملوا ايه بياثروا على الزراعه الصراعات المسلحه بتاثر على الزراعه طبعا يا عم طيب ضعف التمويل بياثر على الزراعه طبعا ده بياثر سلبا على تطوير قطاع الزراعه او القطاع الزراعي وبكده يا حبايب قلبي هنكون خلصنا الجزء الاول بس استنى استنى لو لسه ما عملتش لايك اعمل وتعال حبيب قلبي علشان نحل التدريب الاول ونشوف حضرتك عامل ايه فيه يلا يا نجم مصر ه حل التدريب الاول وزي ما احنا متفقين وعارفين انا هحل وانت حاول تحل قبلي حاول يلا بسم الله اول حاجه صلف المحاصيل الزراعيه الاتيه حسب التقسيمات الوارده بالجدول يلا يعني ايه بقى يعني مثلا هندور على هنا على حبوب غذائيه ونحطها هنا وكده صح طيب تعال نبدا وناخد واحنا ماشيين كده اول حاجه الكثافه هو الكثافه ده كان من المحاصيل الايه ايوه كان من المحاصيل الدانيه يبقى ده رقم واحد هنحطه هنا ادي رقم واحد اللي بعده رقم اثنين البن البن من محص الايه ها ال ها ايوه المنبهات يبقى رقم انين هنا البن طيب رقم لاثه المطاط الطبيعي ده من المحاصيل ايه اللي انا ببيعها عشان اكسب فلوس يبقى النقديه تعالى رقم لاثه هنا رقم اربعه القطن برض من المحاصيل الايه النقديه يبقى رقم اربعه برض هنا طب تعال لي ايه تاني فاضل الشاي الشاي من المنبهات صح ايوه من المنبهات رقم كام الشاي رقم خمسه هنا طيب الذره الرفيعه ها بنعتمد عليها في الغذاء يبقى هنا في الحبوب الغذائيه رقم سته طيب اليام برض من المحاصيل الدرانيه زيه زي الايه زيه زي ها الكثافه يبقى رقم سبعه حلو قوي طيب الكاكاو برض كان منبهات فين المنبهات هنا رقم كام مانيه تمام يبقى احنا كده خلصنا الجدول بتاعنا تعال بقى يا عم نخش على صح وغلط يلا بينا يلا كانت الزراعه البسيطه البسيطه هي نمط الزراعه السائد والمنتشر في افريقيا حتى القرن ال 20 ده كلام ايه ده كلام صحيح فعلا علشان عدد السكان كان قليل طيب تم الاعتماد على الزراعه الذكيه مناخيا في بعض دول افريقيا زي دوله مصر ودوله مالي اه طبعا زي دوله مصر ودوله مالي اعتمدت على الزراعه الايه الذكيه مناخيا صح اللي بعده من مناطق تركز الاراضي الزراعيه الجيده بافريقيا مناطق التربه البركانيه هي مناطق التربه البركانيه دي فيها تربه زراعيه جيده للزراعه او صالحه للزراعه ايوه يا عم صح طيب تستخدم الذره الرفيعه كغذاء للانسان وتنتج افريقيا نحو ثلثي الانتاج العالمي لا هنا بقى غلط ثلثي الانتاج العالمي لا افريقيا بتنتج من الذره الرفيعه اكثر من نصف الانتاج العالمي اكثر من 50% يبقى غلط وهنقول اكثر من نصف الانتاج العالمي طيب يزرع محصول الكاس في المناطق الاستوائيه بافريقيا ولونه الخارجي يشبه البطاطس اثبت يا معلم هو فعلا بيزرع في المناطق الاستوائيه بس لون الكثافه الخارجي مش شبه البطاطس هو شبه البطاطا فانا هعمل غلط وهقول له لا شبه البطاطا اللي بعده تشتهر مصر والسودان بزراعه القطن طويل التيله اللي هو افضل انواع القطن طبعا مصر والسودان ايوه طيب يؤدي ضعف شبكات الري والصرف بافريقيا الى ارتفاع نسبه المياه والاملاح في التربه طبعا اصل الميه في التربه مش قادرين نصرفه ولا قادرين ها نخرجها بره التربه فعشان كده نسبتها بتزيد جدا في التربه وبتدي الى تدهور التربه يلا بقى بينا يا بطل على بما تفسر طبعا انت عارف بما تفسر يعني ايه اذكر السبب او ليه لماذا يعني عايز افهم السبب يلا تحول معظم دول افريقيا الى الزراعه الكثيفه والواسعه هي دول افريقيا مش كانت يا عم بتستخدم الزراعه البسيطه اتحولوا كلهم للزراعه الكثفه والواسعه ليه بسبب ها الزياده الكبيره في السكان او بسبب كثره السكان خلاص يبقى بسبب الزياده الكثيره في السكان يا معلم رقم اثنين بقى يا معلم بص معايا بما تفسر اهميه النشاط الزراعي بالنسبه لقاره افريقيا هقول له بص النشاط الزراعي ده هو احدى الركائز الاساسيه لاقتصاد قاره ايه افريقيا احدى الركائز الاساسيه لاقت صد قاره افريقيا ليه يا عم حيث يعمل به عدد كبير جدا من سكان قاره افريقيا قد ايه حيث الاول كده تاتي قاره افريقيا في المرتبه الاولى عالميا من حيث ها عدد السكان العاملين بالنشاط الزراعي حيث يعمل بها 50% من القوى العامله فين في افريقيا يا معلم يبقى علشان كده النشاط الزراعي ده مهم جدا طيب ما النتائج المترتبه على هجمات الجراد الصحراوي على بعض المناطق الافريقيه ايه اللي حصل لما الجراد الصحراوي هجم على بعض المناطق الافريقيه ادى ذلك الى تدمير مساحات واسعه من الاراضي الزراعيه في افريقيا يبقى الجراد ده يا عم لما هاجم على الاراضي ادى ذلك الى تدمير مساحات واسعه من الاراضي الزراعيه في افريقيا طيب رقم اين ضعف التمويل في المجال الزراعي في افريقيا ايه اللي حصل لما التمويل بقى ضعيف في المجال الزراعي تحديدا في قاره افريقيا هقول له اصر سلبا على تطور القطاع الزراعي لما التمويل بقى ضعيف ما عادش فيه تطور في المجال الزراعي يا معلم يبقى مما اثر سلبا على تطور القطاع الزراعي طيب تعالى على السؤال اللي بعده ما المقصود ب الزراعه الذكيه مناخيا كنا بنقول الزراعه الذكيه مناخيا هي ايه هي الزراعه التي تستهدف ها زياده الانتاجيه بشكل مستدام زياده الانتاجيه بشكل ايه بشكل مستدام والتكيف مع مع التغيرات المناخيه والتقليل من غازات الاحتباس الحراري هي دي يا معلم الزراعه الايه الزكيه مناخيا طيب ما المقصود بمحصول النقدي او المحاصيل النقديه هي المحاصيل التي تزرع من اجل التجاره او الحصول على الايه على النقد الاجنبي هي دي المحاصيل النقديه او المحصول النقدي طيب دلل على صحه العباره التاليه تتاثر الزراعه في افريقيا سلبا بالجفاف والفيضانات ها هل الجفاف والفيضانات بياثروا سلبا على الزراعه في افريقيا هقول له يا عم حيث يؤدي الجفاف الى تقليل مساحه الارض الزراعيه بيؤدي في النهايه يعني الى تقليل مساحه الارض الزراعيه وكمان يعم الحج الفيضانات بتؤدي الى ايه تدمير المحاصيل وقله الانتاج او خفض الانتاج يا معلم يبقى فعلا الجفاف والفيضانات بياثروا سلبا على الزراعه في افريقيا وبكده حبايب قلبي احنا خلصنا حصتنا النهارده استنى بقى الجزء الجاي لو لسه ما عملتش لايك للفيديو اعمل لايك للفيديو لو لسه لحد دلوقتي بتشوف القناه ولسه ما اشتركش فيها في القناه علشان يوصلك كل الفيديوهات الجديده يلا جود باي