شرح وحل اسئلة درس عمليات الاخراج في جسم الانسان علوم الصف الثامن الفترة الثانيةالمنهاج الكويتي جديد

بسم الله الرحمن الرحيم واهلا وسهلا فيكم اعزائي طلاب الصف الثامن رجعنا لكم اليوم بفيديو جديد وبفصل دراسي جديد طبعا احنا بالفيديوهات الماضيه خلصنا مع بعض الفصل الدراسي الاول بالفصل الثاني حكينا عن كل دروسه وحلينا اسئلتهم مع بعض اليوم ان شاء الله رح ننتقل للفصل الثاني لهذا الفصل اللي رح يحكينا عن الاخراج في جسم الانسان طبعا الدرس الاول عننا اليوم بعنوان عمليات الاخراج في جسم الانسان شو يعني اخراج شو هي الاعضاء المسؤوله عن الاخراج في جسم الانسان كلها رح نتعرف عليها اليوم ان شاء الله خلال الدرس خليكم معنا وخلينا نبلش حتى ما نطول عليكم الفيديو هون بيحكي لك انه تخيل انه جسمك عباره عن مصنع كبير هذا المصنع ما بيتوقف عن العمل فكل لحظه لازم خلاياك تقوم حتى انها تنتج طاقه حتى انها تخليك نشيط وطبعا اكيد عمليه انتاج الطاقه بتكون كاي عمليه بينتج عنها فضلات ومواد ضاره ولكن الجسم لازم انه يتخلص من هي الفضلات باستمرار عشان هيك رب العالمين انعم علينا بمجموعه من الاعضاء اللي بتعمل بكل لحظه بدون توقف حتى انها تحافظ على توزنا الداخلي وتمنع ها المواد الضاره من انها تتراكم جوا جسمنا هذا هو موضوع درسنا لليوم وهذا اللي رح نتعرف عليه في درس اليوم بدنا نشوف شو هي الاعضاء؟ شو دور كل عضو منها؟ اذا تعطل واحد شو بيصير؟ وهي كله رح نحكي عنه اليوم. طبعا هون في عننا نشاط بدكم تعملوه بدكم تتعرفوا على الاعضاء المسؤوله عن عمليه الاخراج. تمام؟ طبعا انتم بدكم تعملوه بالمدرسه بالمختبر وتكتبوا نتائجكم وهو طبعا كله هذا رح نتعرف عليه ان شاء الله خلال الدرس فبتقدروا مثلا انكم انتم الان خلال الدرس ترجعوا وتحلوا هذا الجدول. اول شيء بيحكي لك عن عمليات الاخراج في جسم الانسان حكينا انه الجسم بيضم مجموعه من الاعضاء اللي بتقوم بعمليات الاخراج ليش؟ حتى انها تخلص الجسم من المواد الزائده والضاره للمحافظه على التوازن الداخلي اذا الهدف من الاخراج هو تخلص الجسم من المواد الزائده والضاره حتى انها تحافظ على توازنه الداخلي طيب شو هي الاعضاء اللي مسؤوله عن الاخراج اهم وابرز ه الاعضاء هم الكبد الجلد الجلد والكليتين ولكل واحده منهم في لها دور اساسي ومتكامل في انها تنقي الجسم من السموم والفضلات واكيد هي العضلات بتعمل او هي الاعضاء عفوا بتعمل مع بعض بتناسق دقيق ومستمر حتى انها تضمن للجسم انه يظل في حاله صحيه متوازنه زي ما حكينا اي خلل في اي وظيفه من ه الوظائف بؤدي لظهور مشاكل صحيه خطيره عند الانسان اول عضو اليوم هو عندي الجلد والجلد هو عضو مهم جدا في جسم الانسان والجلد برضه في له وظيفتين اول شيء وظيفه الاخراج اثنين تنظيم درجه الحراره وكمان انه بيحمي الاعضاء الداخليه بس ما رح نحكي عنه اليوم بيحكي لك انه الجلد بيتكون من طبقتين رئيسيتين اللي هم طبقه البشره وهي الطبقه الخارجيه اللي نحن بنشوفها والطبقه الداخليه عننا اسمها طبقه الادمه الادمه ما فيها غدد عرقيه شو بتعمل؟ تفرز العرق والعرق هو عباره عن شو؟ هو عباره عن سائل يتكون من الماء والاملاح وبعض الفضلات هذا العرق بيخرج الى سطح الجلد عن طريق شو؟ عن طريق المسامات يعني اللي مسؤول عن اخراج العرق الى سطح الجلد هو المسامات لما بيتبخر هذا العرق بيساعد على ايش؟ بيساعد على تبريد الجسم عند ارتفاع درجه حرارته كمان بيسهم في طرح بعض الفضلات خارج الجسم اذا كمان مره الجلد حكينا بيتكون من طبقتين هي طبقه البشره وطبقه الادمه حكينا البشره فيها مسامات هي المسامات هي اللي بتساهم على خروج العرق من وين؟ من الغده العرقيه وظيفه العرق تبريد الجسم عند ارتفاع الحراره وطرح بعض الفضلات خارج الجسم العضو الثاني معنا لليوم اللي هو الكبد والكبد هو من اكبر الاعضاء اللي موجوده في جسم الانسان ما بدنا ننسى اكبر عضو في جسم الانسان هو الجلد ما تخربطوا الكبد برضه بيقوم بعده وظائف حيويه من اهمها دور الكبد في عمليه الاخراج طيب كيف شو دور الكبد في عمليه الاخراج الكبد يقوم بتكسير الادويه والمواد السامه الناتجه عن هضم الطعام فلما بتنهضم هي البروتينات البروتينات من شو بتتكون البروتينات بتتكون من احماض امينيه فانا لما بكسر البروتينات او انا لما بهضم البروتينات بتتكسر هي البروتينات لاحماض امينيه بتنتج عنها ماده سامه شو اسم الماده السامه الناتجه عن هضم البروتينات التي تتكسر الى احماض امينيه اسمها الامونيا الكبد شو بيقوم بيقوم لتحويلها لماده اقل خطوره يعني بحول الامونيا لماده اقل خطر من الامونيا نفسها ايش اسمها اسمها اليوريا او البولينا بعدين بيرسلها عبر شو الكبد يرسلها عبر الدم لوين للكليتين ليش؟ حتى انه يطلعها خارج الجسم مع البول. عشان هيك الاطباء دائما بحرصوا انه نحن نعمل اجراءات تحاليل لوظائف الكبد عن طريق شو؟ عن طريق فحص عينات من الدم باستمرار حتى انه انا اكشف عن اي مشكله بدري واحافظ على وظائف الكبد الحيويه. اذا حكينا الكبد هو بيساعد على تكسير الادويه والمواد السامه الناتجه عن هضم الطعام. هو بيكسر البروتينات لاحماض امينيه بتنتج عنها ماده سامه اسمها الامونيا. الكبد بحول الامونيا لماده اقل خطوره اسمها اليوريا بعدين هاي اليوريا بتنتقل عبر الدم للكليتين حتى انها تطلع خارج الجسم طيب الان بدنا نشوف الكليتين كيف تشتغل قبل خلينا نشوف الكبد طبعا هذا هو موقع الكبد هون بيحكي لك عن الكيدنيز بيحكي لك انه الكليتين انا ما عندي كليه واحده الانسان عنده اثنتين اذا الكليتان شو مالهم هم عضوان رئيسيان وين في الجهاز البولي اذا موقع الكليتين هم في الجهاز البولي تعمل على شو وظيفه الكليه تنقيه الدم من الفضلات زي ماده اليوريا اللي حكينا عنها وتكوين ايش وتكوين البول اذا واحد تنقيه الدم من الفضلات اثنين تكوين البول ليش حتى انه نتخلص من ها الفضلات كمان هو بيساعد على توازن الماء والاملاح وتنظيم وظائف الجسم المختلفه والحفاظ على صحته هي هون عندي الكليتين وهون هم هذول الاوعيه الدمويه اللي بينقوا الدم تمام هذا هو درس اليوم درس اليوم جدا سهل وجدا بسيط اذا الاخراج في جسم الانسان في عندي ثلاث اعضاء مسؤوله عن الاخراج الجلد عن طريق العرق ال اي الكبد عن طريق انه يكسر البروتينات والادويه والمواد السامه اللي ناتجه عن عمليه الهضم ويوديها للكليه الكليه مسؤوله عن تنقيه الدم تكوين البول والمحافظه على توازن الماء والاملاح وتنظيم وظائف الجسم المختلفه موضوع اليوم جدا سهل وجدا بسيط ما في كثير معلومات يعني هم معلوماته بسيطه وسهله هون بيحكي لك خلينا نشوف مع بعض الاسئله سواء هون اختار الاجابه الصحيحه عمليه الاخراج تمثل شو حكينا عمليه الاخراج حكينا هي تخلص الجسم من الفضلات والسموم العباره التي تصف دور الجلد في الاخراج اللي هي حكينا افراز العرق للتخلص من الماء والاملاح لو حكى لك تحويل البروتينات الى احماض امينيه دور مين؟ دور الكبد من وظائف الكبد في عمليه الاخراج شو وظيفته؟ نرجع نشوف الكبد الكبد شو بيعمل حكينا هضم الطعام تكسير الادويه والمواد السامه زي الامونيا واليوريا اذا تصفيه الدم من اليوريا طبعا هون مش ال الكبد اللي مسؤول عن تصفيه الدم من اليوريا المسؤول عن تصفيه الدم من اليوريا هم الكليتين الكبد ازاله السموم وتكسير بعض الادويه السؤال الثاني عننا بيحكي لك اقرا الفقره التاليه ثم اجب عن المطلوب في يوم صاي في حار كان عبد الرحمن يلعب في الحديقه وبعد نصف ساعه بدا يبتل جسمه بالعرق ما الفائده التي يحققها خروج العرق من الجسم؟ حكينا لما يخرج العرق بيبرد الجسم فانا بحكيه يعمل العرق على خفض درجه حراره الجسم وترطيبه عند ارتفاع الحراره كما انه يساعد في التخلص من الاملاح الزائده اثنين يقوم الكبد والكليتان بالمحافظه على الاتزان الداخلي للجسم فسر ذلك علميا حكينا انه الكبد يقوم بتحويل الامونيا السامه الناتجه عن حل البروتينات الى ماده اقل سميه وهي اليوريا ويقوم بتنقيه الدم من السموم والادويه اما الكليتين هم بيقوموا بفلتره الدم من الفضلات اللي هي اليوريا والاملاح الزائده والماء الزائد ليش؟ لتكوين البول هذا الشيء اللي حاافظ على توازن الاملاح والسوائل في الجسم السؤال الثالث ادرس الرسم ثم اجب عن المطلوب اكمل البيانات على الرسم اذكر وظيفه كل منهما نحن شو حكينا حكينا هون عندي الغده العرقيه وحكينا اللي موجوده عندي على السطح هي المسام الغده العرقيه وظيفتها هي تكوين العرق والمسام هو ايش هو خروج العرق تمام هيك نحن ان شاء الله بنكون بكون خلصنا مع بعض الدرس الاول من الفصل الثاني درس جدا سهل وبسيط ما في كثير معلومات وجدا ممتع بالفيديو الجاي ان شاء الله رح ننتقل مع بعض للدرس الثاني اللي رح يكون يحكي لي عن الجهاز البولي رح نتعرف على تركيب الجهاز البولي شو هم اعضاء الجهاز البولي ووظيفه كل عضو فيهم فخليكم متابعين القناه حتى توصل لكم الفيديوهات اول باول اذا عندكم اي سؤال او اي استفسار اي معلومه حابين انه نحكي عنها اكتبواننا تحت في التعليقات اشوفكم ان شاء الله بالفيديوهات الجايه ويعطيكم الف عافيه