Why Does Brazil Speak Portuguese While Most of South America Speaks Spanish

انت عارف طبعا ان هذه خريطه قاره امريكا الجنوبيه وهي رابع اكبر قاره من حيث المساحه اكبر من روسيا تقريبا ب 700000 م مربع ومع انها اكبر من قاره اوروبا لكن عدد الدول فيها قليل 12 دوله بس هي اللي تكون القاره كلها مقارنه باوروبا اللي فيها 44 دوله الشيء العجيب ان الدول ال 12 هذه كلها تتكلم باللغه الاسبانيه الا اكبر دوله فيها وهي البرازيل قالت لا انا بكيفي بتكلم بالبرتغاليه ومو انا اللي مع الخيل يا شقر لكن صدق او لا تصدق ان شاز البرازيل عن باقي دول القاره في موضوع اللغه كان بسبب خط وهمي رسم الشخص على الخريطه فاذا يهمك تعرف ليش البرازيليين ما يتكلمون الاسبانيه وشنو سالفه هالخط الوهمي تابع الحلقه للاخير اذا تكرمت فنصلي على سيدنا محمد صلى الله عليه وعلى اله وصحبه وسلم ونبتدي بسم الله الطبيعي واللي ما يبي لله ذكاء وتفكير انك بتقول اكيد الاستعمار الاوروبي له يد في الموضوع ولا شلون دول امريكا الجنوبيه بيتكلمون اسباني وبرتغالي وهي لغات اوروبيه وكلامك صحيح لكن الجواب المختصر مو دائما يكون افضل جواب والقصه اللي بتسمعها غريبه وعجيبه ولكن قبل لا نبدا خلونا نفهم الفرق بين امريكا الجنوبيه وبين امريكا اللاتينيه عشان ما تختلط الامور امريكا الجنوبيه مصطلح جغرافي المقصود فيه القاره الجنوبيه من الامريكيتين واللي تتكون من 12 دوله وامريكا اللاتينيه مصطلح ثقافي ولغوي يشمل كل الدول اللي في القارتين الشماليه والجنوبيه وتتكلم بلغات اصلها لاتيني مثل الاسبانيه والبرتغاليه واسبانيا والبرتغال تاريخيا ما كانوا دوله واحده لكنهم كانوا جزء من نفس الرقعه الجغرافيه اللي هي الاندلس او شبه الجزيره الايبيريه وقبل لا يوصلها المسلمين عام 711 ميلادي كانت تحت حكم مملكه القوط الغربيين وهم مسيحيين اوروبيين ولما دخلها طارق بن زياد وجيشه طاحت هالمملكه بسرعه وصار اغلبها تحت حكم المسلمين وفي هالفتره اقصى هالمنطقه بدات جماعات مسيحيه تبني لها ممالك صغيره ومن ضمنها مملكه ليون اللي كانت البرتغال جزء منها ولكن في القرن الثاني عشر وبالتحديد في سنه 1143 صارت دوله مستقله بحدود واضحه تقريبا تحت حكم الملك الفونسو الاول وباقي الممالك كانت متفرقه الين ما صار حدث في سنه 1469 غير كل شيء وهو زواج ايزابيلا الاولى من مملكه قشتاله وفرناندو الثاني من مملكه ارجون تقدر تعتبره تحالف سياسي اكثر من كونه زواج تقليلي المهم الاثنين احكموا مع بعض ووحدوا باقي الممالك تحت مسمى اسبانيا وقدروا بعد حروب طويله يسقطون مملكه غرناطه اخر معاقل المسلمين في سنه 1492 فصارت البرتغال في اقصى غرب شبه الجزيره الايبيريه وباقي المساحه خذتها اسبانيا بالحدود اللي نشوفها اليوم البرتغال بالذات ما اكتفت بخروج المسلمين من الاندلس قالت لازم نحاربهم في كل مكان وفي هالفتره انتشرت اسطوره تقول ان في ملك مسيحي عظيم اسمه الملك يوحنا يعيش في مكان غامض في الشرق او في افريقيا وعنده جيش قوي وقصور من ذهب وعلوم متقدمه البرتغاليين قالوا اذا حصلنا هالملك بيتحالف معانا ضد المسلمين ونقلب الطاوله عليهم فقاموا يرسلون بعثات استكشافيه تدور عليه بالذات في افريقيا وبالفعل لقوا مملكه مسيحيه قديمه في الحبشه كان فيها ملوك مسيحيين من طائفه الارثوذكس يحكمونها صار لهم سنين لكن المفاجاه انهم ما لقوا الملك هذه اللي اسمه يوحنا والسالفه طلعت فنكوش مع الوقت تغير طموح البرتغال وبدال لا يدورون على يوحنا قاموا يدورون على التوابل اللي كانت قيمتها مثل الذهب في ذاك الوقت القرنفل الزنجبيل الفلفل الاسود القرفه والتجار العرب كانوا محتكرين السوق والاسعار نار البرتغاليين كانوا يعرفون ان التوابل موجوده في مكان يسمونه الهند لكن مو الهند اللي نعرفها اليوم كانوا يقصدون كل اسيا لكن وين في اسيا ما عرفوا بالضبط وحتى لو عرفوا المشكله شلون بيوصلون لهذا المكان لان الخرايط اللي كانت عندهم قديمه وما كانوا متاكدين ان في طريق بحري يوصلهم هناك وقت ما حاولوا يلفون افريقيا من تحت لعله عسى يطلع لهم بحار ايطالي اسمه كريستوفر كولومبوس قال لهم الموضوع عندي انا اقدر اوصل وصلكم للهند من الغرب عن طريق المحيط الاطلسي البرتغاليين قالوا له سلامات حساباتك غلط يا الحبيب اسيا من هالجهه من الشرق ورفضوا عرضه وقبضوها الباب لكن كولومبس ما استسلم وقعد سبع سنين وهو يتوسل ويشحذ من الاسبان عشان يمولون مشروعه الين ما وافقه في النهايه واعطوه اللي يبيه ينطلق كولومبس في هالرحله الين ما شاف بالصدفه جزر واراضي وصدق انها الهند واللي هي كوبا وهايتي في الوقت الحالي وبسبب اقتناعه بانه وصل للهند سمى السكان الاصليين بالهنود وهذه فس سر لك ليش السكان الاصليين لامريكا اسمهم الهنود والحمر لان بعض القبائل في العاده كانوا يدهنون اجسامهم او وجيههم بالطين الاحمر وكل هذا بسبب خطا كولومبوس المهم يرجع كولومبس لاسبانيا ووقتها ما صار لهم فتره من خلصوا معركه غرناطه مع المسلمين يبشرهم انه لقى طريق الهند وعرف مكان الاراضي وان فيها ثروات وخير وعشان الاسباني يعطون شرعيه للمطالبه بهذه الاراضي الجديده راحوا حق البابا الكسندر السادس اللي هو اعلى سلطه للمسيحيين في اوروبا وقالوا له عطنا بركاتك في الموضوع والبابا بحكم انه اسباني في ذاك الوقت اطاهم تصريح وقال ان كل الاراضي اللي تبعد 100 فرسخ غرب جزر الراس الاخضر البرتغاليه حلال على اسبانيا البرتغاليين هني ما عجبهم الموضوع ورفضوه بشكل كامل بحكم ان قوتهم البحريه اقوى بمراحل من البحريه الاسبانيه فقالوا شلون احنا قبلكم قاعدين نستكشف افريقيا من سنين ووصلنا قريب راس الرجاء الصالح وثاني شيء شو اللي يضمن لنا ان هذا الخط اللي مو واضح اساسا ما يقترب اكثر ويضر بم مصالحنا في افريقيا والهند رمى البرتغاليين كلام البابا وراهم وقالوا كلامنا مباشره مع الاسبان احنا نعرف شلون نحل الموضوع وياهم اقعدوا المسؤولين مع بعض واتفقوا في سنه 1494 في معاهده توردي سيلاس انهم يرسمون خط من القطب الشمالي للقطب الجنوبي يكون ابعد من الخط السابق من غرب جزر الراس الاخضر بدال ما كان 100 فرسخ نخليه 270 فرسخ تقريبا 1500 م انت ويا اسبانيا لكم الاراضي اللي غرب الخط واحنا اللي في الشرق فاللي صار ان الخط الجديد قطع جزء كبير من البرازيل اللي ما وصلها البرتغاليين واحتلوها الا في سنه 1500 ميلاديه هل كان البرتغاليين يعرفون البرازيل والاسبان على الله حكايتك الله اعلم لان بعض المؤرخين شكوا ان البرتغال كانت تعرف مكان البرازيل ومخبيه الخرائط على اسبانيا عشان ما تصير منافسه بينهم واحتمال ان مشاركه الخرائط كانت جريمه كبيره وقتها فقالت مو حلوه اسبانيا تلف كل امريكا الجنوبيه لحالها وانا اطلع من المولد بلا حمصه فتخيل ان دوله مثل البرتغال بمساحتها الصغيره وعدد سكانها اللي ما يتجاوز في ذاك الوقت مليون500000 نسمه لها الحق انها تسيطر على كل هالاراضي المهم يتوسع البرتغاليين على طول الساحل الافريقي والهندي بعد ما ضمنوا البرازيل ودخلت تحت سيطرتهم الين ما وصلوا لجزر التوابل او جزر الملوكه وهي مجموعه جزر تابعه لاندونيسيا والاسبان في الجهه الثانيه كلوا الخضر واليابس في باقي دول امريكا الجنوبيه لكن في مشكله ثانيه احنا متفقين انكم يا الاسبان لكم كل الاراضي اللي في غرب الخط اللي اتفقنا عليها واحنا يا البرتغاليين لنا افريقيا والهند وما حولها تمام تمام لكن شوفوا صاحبكم ماجلان وصللبين حتى لو ان مسار رحلته كان من غرب الخط اللي اتفقنا عليه شلون وصل الفلبين وهي شرق الخط فدام ان الارض طلعت كرويه واللي يمشي من الغرب بيوصل للشرق والعكس صحيح لازم نشوف حل وخلونا نرجع حق البابا ونضيف خط ثاني نتفق عليه يكون شرق الجهه المقابل الخط الاول وان شاء الله ان الامور طيبه استقر الوضع بينهم الفتره بعد ما وقعوا على اتفاقيه سار قسطا سنه 1529 اعترفت بموجبها اسبانيا ان جزيره الملوك تابعه للبرتغال بالمقابل تتنازل اسبانيا عن الفلبين مقابل تعويض مالي ولكن بسبب انهم ما كانوا صارمين في تنفيذ بنود هالاتفاقيه بقت الفلبين تحت سيطره اسبانيا مقابل السماح للبرتغال انها تتوسع في البرازيل غير ان البرتغال وقتها وصلت لمرحله انها ما تقدر تدافع عن مستعمراتها وخسرت الكثير منها وبعدين الدول الاستعماريه الثانيه بريطانيا وهولندا وفرنسا قالت ما يصير قاعده انت يا اسبانيا والبرتغال تتقاسمون العالم بينكم واحنا لا شغل ولا مشغله احنا بعد نبي نصيبنا من الكيكه لكن البرازيل بالنسبه للبرتغال وباقي القوى الاستعماريه كان لها وضع ثاني بحكم فيها اعتراف دولي وقتها اطاها شرعيه مبكره للاستطيان وكان بينها وبين بريطانيا تحالف ساعدها اقتصاديا وعسكريا واساسا بريطانيا وفرنسا وهولندا ما كانوا ومركزين بشكل كبير على البرازيل بلد بعيده والبرتغاليين متوغلين فيها بشكل كبير فقالوا خلونا على دول الكاريبي وامريكا الشماليه اقرب لنا واسهل المهم من سنه 1500 الى سنه 1822 والبرتغال مربعه رجولها في البرازيل وطبيعي 322 سنه من الاحتلال تتغير امور كثيره في البلد من بين هاللغه اللي فرضها البرتغاليين بالاكراه على السكان الاصليين واستوردوا مستوطنين بالالاف من اوروبا ومئات الالاف من عمال مستعمراتهم في افريقيا الين ما شوي شوي بدات تتلاشى وتختفي ثقافه البرازيليين ولغاتهم الخاصه وصار اللي يتكلم برتغالي في البرازيل اكثر من اللي يتكلمونها في البرتغال نفسها باكثر من 20 مره انت متخيل ونفس الحال ينطبق على باقي الدول اللي احتلتها اسبانيا فشوف شلون السخف التاريخي اللي خلى خط وهمي يتحكم في مصائر دول وشعوب وللتذكير سويت حلقه سابقه تناقش فرضيه ما احد تطرق لها من قبله وهي شنو اللي كان بيتغير لو لم تسقط الاندلس وبقيت بيد المسلمين الى يومنا هذا. حلقه حاولت تطرح اهم النتائج اللي ممكن تصير. حلقه متعوب عليها مقدمه بجوده عاليه اتمنى منكم مشاهدتها والتفاعل معها. بخلي لكم رابطها في اول تعليق مثبت او بتظهر لكم في نهايه هذه الحلقه على الشاشه. ولا تنسون تاخذون لكم لفه على المصادر في صندوق الوصف. وكالعاده اللي اكرمني منكم وشاف الحلقه من بدايتها الى هذا الوقت يكتب لي كلمه السر اذا تكرم عجيب يا محصول. اشوفكم على خير ان شاء الله والسلام عليكم ورحمه الله وبركاته.