خصائص سكان العالم الصف الثالث الإعدادي الدرس الاخير جغرافيا

اهلا بيكم ثالثه اعدادي ومعانا النهارده اخر درس عندنا في الجغرافيا بعنوان خصائص سكان العالم خصائص سكان العالم يعني ايه اقول لك يعني هنعرف تفاصيل اكث واكثر عن السكان في العالم كله هنعرف مع بعض دلوقتي عدد الاطفال اللي بيتولدوا كل سنه يعني عدد المواليد قد ايه وهنعرف مع بعض برض عدد الناس اللي بتموت يعني عدد الوفيات قد ايه وكمان هنعرف حاجات وتفاصيل كتيره جدا جدا عن السكان بيقول لنا بقى في الجغرافيا لما تلاقي كل المعلومات اللي انت بتذاكرها عن السكان يبقى انت كده بتدرس حاجه في الجغرافيا اسمها الديموغرافيا الديموغرافيا ايوه ده علم موجود في ماده الجغرافيا بيدرس السكان بس طب من خلال علم الديموغرافيا ده بقى هنقدر نعرف كل المعلومات اللي احنا عايزين نعرفها عن السكان طب افرض حد سالني وقال لي يعني ايه الديموغرافيا اقول له ده م دراسه السكان ده العلم اللي بيدرس لي السكان في ماده الجغرافيا طب بيدرس لي ايه في السكان بالظبط يعني من حيث ايه اقول له من حيث ثلاث حاجات بيدرس النمو بتاع السكان يعني السكان دول بيزيدوا ولا لا بيدرس التوزيع بتاعهم يعني بيعيشوا فين ومش بيعيشوا فين اللي احنا خدناها في الدرس اللي فات اين يتركز السكان اين يقل السكان وبيعرف ني حاجه جديده اسمها التركيب السكاني وهعرفك الوقتي يعني ايه التركيب السكاني المهم ما المقصود بال ديموغرافيا اقول له الديموغرافيا ديت الحاجه اللي انا هجيب منها معلومات عن السكان يعني علم دراسه السكان من حيث كم حاجه ثلاث حاجات النمو والتوزيع والتركيب السكاني طب هو التعريف ده مهم اقول لك طبعا مهم وبيجي في الامتحانات فقلم وورقته واكتب لي التعريف ده الاول كده علم دراسه السكان من حيث النمو والتوزيع والتركيب السكاني طب قل لي بقى المعلومات والحاجات اللي عرفوها لما درسوا الديموغرافيا اقول لك اول حاجه عرفوها لما درسوا ال ديموغرافيا عدد المواليد قد ايه وعدد الوفيات قد ايه يبقى اول معلومات خدناها من الديموغرافيا ايه عدد المواليد وعدد الوفيات طب يلا بينا نشوف المعلومات اللي جايبها لي في المواليد والوفيات زي ايه بيقول لك اول حاجه تعرفها عن المواليد ان هم بيزيدوا 20 في يعني ايه 20 في مش 20% اقول لك يعني كل 1000 واحد لما بتيجي تعدهم وتيجي تعدهم تاني تلاقوهم زادوا 20 يعني اتولد فيهم 20 طفل يبقى عدد الم ويد كام 20 في طب الوفيات قال لك 8 في يعني كل 1000 انت عديتهم لما تيجي تعدهم تاني هتلاقي منهم ثمان اشخاص ماتوا يبقى عدد المواليد قد ايه في العالم اقول له 20 في 1000 مش في 100 طب الوفيات اقول له 8 في ال000 طب الارقام دي احفظها اقول لك مش قوي المهم تعرف لي ان مين اكتر من مين المواليد طبعا اكتر من الوفيات اللي انا بقى عايزك تحفظه اعلى قاره في المواليد ايه واقل قاره في المواليد ايه ونفس الكلام اعلى قاره في الوفيات ايه واقل قاره في الوفيات ايه ده اللي لازم تحفظه كويس جدا قال لك بقى لما جينا نبص على اعلى قاره في المواليد لقيناها القاره بتاعتنا قاره افريقيا لدرجه ان بيتولد فيها 36 في ال000 يعني كل 1000 بيزيد 36 مش 20 بس يعني نسبه عاليه جدا جدا جدا ومش هكتب لك النسبه علشان ما تشغلش بالك بيها المهم تعرف لي ان اعلى قاره في المواليد مين افريقيا طب اقل قاره في المواليد مين اقول لك اوروبا اقل قاره في العالم فيها مواليد اصلا قاره اوروبا لدرجه ان المواليد فيها 11 في ال000 يعني كل 1000 بيخلفوا 11 طب انت كتبت ليه 11 في ال000 اقول لك علشان هكتبها تاني وخلي بالك طيب كده انا عرفت ان اعلى قاره في المواليد قاره افريقيا واقل قاره في المواليد قاره اوروبا طب قو لي اعلى قاره في الوفيات واقل قاره في الوفيات اقول لك اقل قاره في المواليد مين مش اوروبا اه اقول لك تنقلها هنا هي اعلى قاره في الوفيات ونفس الرقم اللي انت كتبته في المواليد برده انقله هنا اللي هو 11 في 1000 عرفت ليه الوقتي انا كتبت لك الرقم بتاع اوروبا في المواليد والوفيات ليه بقى لان عدد المواليد فيها قد عدد الوفيات بالظبط هنا 11 في ال000 وهنا 11 في ال000 يبقى تاني كده اعلى قاره في الوفيات اقول له اوروبا كام في ال 11 في ال000 طب انا عايز اعرف اقل قاره في الوفيات يعني القاره اللي ما فيهاش وفيات كتير ايه اقول له قاره امريكا الجنوبيه بيقول لك قاره امريكا الجنوبيه ديت نسبه الوفيات فيها 6 في ومش هكتب لك الرقم علشان ما تتلخبطش يبقى احنا كده عرفنا اهم حاجه نركز عليها ان ايه اكتر من ايه المواليد اكت من الوفيات عرفت الكلام ده منين من الارقام اللي عطاني الرقم ما احفظو بس افهم معناه اهم حاجه عندي تحفظ لي اعلى قاره واقل قاره في المواليد والوفيات فلما جينا نبص على المواليد لقينا اعلى قاره افريقيا واقل قاره اوروبا اما وفيات اعلى قاره اوروبا نفس الرقم اللي موجود في المواليد 11 في هنا 11 في هنا يعني عدد المواليد فيها بيساوي عدد الوفيات اما اقل قاره في الوفيات قاره امريكا الجنوبيه طب هو انت جبت البيانات دي منين اقول لك من الرسومات البيانيه اللي عطه لي لقيته عطيل لي رسم بياني للمواليد في العالم كله بيقول لي في الرسمه ان افريقيا عندك اهي رقم واحد واخر قاره عندك خالص قاره اوروبا بنسبه 11 فين في ال000 طب مين رقم اثين ورقم لاه اقول له اسيا واستراليا بس لو جيت بصيت على اسيا واستراليا اللي فيهم حرف السين الاتنين قد بعض في المواليد وكمان لو بصيت على رقم اربعه ورقم خمسه اللي هي امريكا الجنوبيه وامريكا الشماليه برده هتلاقيهم قد بعض في المواليد يبقى من خلال الرسم البيان عرفت اعلى قاره واقل قاره ودول تحفظهم زي اسمك برده من خلال الرسم البياني ممكن اطلع افكار جديده زي ايه زي مين قد مين اقول له السينات زي بعضها يعني استراليا زي اسيا فين في المواليد امريكتين يعني امريكا الشماليه وامريكا الجنوبيه برده زي بعضهم في المواليد يبقى احنا كده عرفنا كل النسب اللي مطلوبه مننا في المواليد طب بالنسبه بقى للرسم البياني بتاع الوفيات اقول لك هو ده هتلاقي اوروبا رقم واحد واخر حاجه خالص امريكا الجنوبيه بس هتلاقي ايه بقى رقم اثنين في الوفيات افريقيا والباقي قد بعضه يعني اسيا زي استراليا زي امريكا الشماليه من خلال الرسم ده ممكن اقول ان استراليا واسيا اللي هم فيهم حرف السين زي بعض في الموا والوفيات طب هو الرسومات بيجي منها اسئله اقول لك اه ساعات بيجيبوا لنا منها اسئله المهم انا عرفت كل الكلام ده من الرسومات البيانيه طب قال لك بقى بص لازم تسال نفسك سؤال بما تفسر ليه افريقيا رقم واحد في المواليد وبرده نفس السؤال بما تفسر في الوفيات وتقول ليه قاره اوروبا اعلى قاره في الوفيات يبقى اول سؤال عندي بما تفسر ارتفاع معدل المواليد في قاره افريقيا في الوفيات هتسال نفسك برض سؤال وتقول بما تفسر ارتفاع معدل الوفيات في قاره اوروبا نبدا الاول بالمواليد ليه قاره افريقيا رقم واحد في المواليد قال لك علشان ثلاث حاجات اول حاجه بسبب انتشار الاميه والفقر اميه وفقر ايه علاقه الاميه والفقر بالمواليد اقول لك لا لما يبقى في ناس عندهم اميه يعني مش عارفين معلومات ولا بيعرفوا يقراوا ويكتبوا هم بيخلفوا اطفال وخلاص وكمان عندهم فقر فعايزين يخلفوا اطفال كتير علشان الاطفال دي لما تكبر تساعد اهلها في الشغل يبقى بسبب انتشار الاميه والف فقر دخل قاره افريقيا رقم واحد في المواليد رقم اثنين قال لك الاعتماد على الزراعه البدائيه والرعي ايه علاقه الزراعه البدائيه والراعي بالمواليد قلت لك في قاره افريقيا الزراعه اللي هناك زراعه بدائيه فبيح تجوا ايده عامله كتير تشتغل معاهم في الارض فتلاقي هناك الاسر بيخلفوا اطفال كتير علشان يساعدوهم في الزراعه وكمان في الراعي يبقى تاني حاجه الاعتماد على الزراعه البدائيه والراعي لانهم لو كانوا بيعتمدوا على الزراعه المتقدمه يعني الزراعه اللي بتعتمد على الالات ما كانوش خلفوا اطفال كتير لانهم مش هيبقوا في احتياج ليهم ايه كمان قال لك انتشار بعض العادات والتقاليد السلبيه بيقول لك في قاره افريقيا شويه عادات والتقاليد وحشه جدا زي ايه زي الرغبه في انجاب اكبر عدد من الابناء في قاره افريقيا عندهم رغبه انهم يخلفوا اطفال كتير وكمان الزواج المبكر للاناث عندهم كمان بيجوزو البنات بدري البنت لما تتجوز بدري هتخلف بدري هتجيب لنا عيال فعلشان كده الزواج المبكر للاناث ده من بعض العادات والتقاليد السلبيه اللي موجوده في قاره افريقيا يبقى بما تفسر ارتفاع معدل المواليد في قاره افريقيا السؤال ده بيتكرر في كل امتحان اقول له بسبب ثلاث حاجات انتشار الاميه والفقر الاعتماد على الزراعه البدائيه والراعي انتشار بعض العادات والتقاليد السلبيه زي الرغبه في انجاب اكبر عدد من الابناء والزواج المبكر للاناث ثاني بسبب انتشار الاميه والفقر الاعتماد على على الزراعه البدائيه والراعي انتشار بعض العادات والتقاليد السلبيه زي الرغبه في انجاب اكبر عدد من الابناء والزواج المبكر للاناث السؤال ده تنقله الوقتي لانه مهم جدا جدا طب تعال نشوف بقى السؤال الثاني بتاع الوفيات بما تفسر ارتفاع معدل الوفيات في قاره اوروبا اشمعنى قاره اوروبا ديت اعلى قاره فيها وفيات اقول لك قبل ما اجاوب لك على السؤال في قاعده بتقول ان الدول المتقدمه تقل فيها الوفيات وان الدول الناميه بترتفع فيها الوفيات كلمه الدول الناميه يعني دول مش متقدمه فبدل ما نقول عليها دول متخلفه بنخلي كلامنا شكله حلو وبنقول عليها الدول الناميه يبقى انا عندي الدول المتقدمه الوفيات فيها بتقل والدول الناميه الوفيات فيها بتزيد لانها دول مش متقدمه بس الكلام ده تحس انه مش متناسق مع بعضه لان انت بتقول دلوقتي ان قاره اوروبا فيها وفيات كتير وقاره اوروبا ديت اصلا فيها دول متقدمه يبقى ازاي فيها وفيات كتير قال لك بسبب زياده عدد كبار السن ما هو بسبب ان اوروبا متقدمه بالذات اوروبا خلت الناس فيها سنهم يبقى كبير قوي فتلاقي هناك عدد كبار السن كتير ومهما سنك يكبر كده كده هتموت فعدد كبار السن هناك كتير جدا وبالتالي اكبر قارات العالم من حيث الوفيات بس خلي بالك ان الدول المتقدمه في اي حته في العالم الوفيات فيها بتقل والدول الناميه الوفيات فيها بتزيد الكلام ده لا ينطبق على قاره اوروبا ليه بسبب زياده عدد كبار السن بسبب ايه بسبب زياده عدد كبار السن لان عدد الناس الكبيره في السن كتيره جدا جدا في قاره اوروبا طيب قال لك برض عندنا حاجه مختلفه عن الجدول ده ايه قال لك الدول الناميه زي مصر بلدنا مصر بلدنا مش دوله متقدمه دوله ناميه ومع ذلك المفروض ترتفع فيها الوفيات قال لك لا انخفاض معدل الوفيات في مصر ل 61 من في ال000 في سنه 2014 الله ما انت لسه قايل ان الدول الناميه بترتفع فيها الوفي ازاي مصر بقى وهي دوله ناميه بتنخ فض فيها معدل الوفيات قال لك ما هو بسبب الرعايه الصحيه والاهتمام بصحه الاطفال بسبب ايه بسبب الرعايه الصحيه اللي موجوده في مصر والاهتمام بصحه الاطفال يبقى احنا كده عندنا قاعده اساسيه في الوفيات بتقول ان الدول المتقدمه الوفيات فيها بتقل والدول الناميه الوفيات فيها بترتفع ولكن عندي سؤالين عكس القاعده دي السؤال الاول بما تفسر ارتفاع معدل الوفيات في قاره اوروبا اقول له بسبب زياده عدد كبار السن السؤال ده مهم اه واكتبه ورايا وكمان عندي سؤال خاص بمصر بلدنا بما تفسر انخفاض معدل الوفيات في مصر الى 6.11 في ال000 سنه 2014 ده مصر دي من الدول الناميه ومع ذلك المواليد فيها بتقل اقول له بسبب الرعايه الصحيه والاهتمام بصحه الاطفال بس خلي بالك السؤال بتاع مصر بلدنا ده بيقول لنا ان كده في حاجات ممكن تاثر في الوفيات الرعايه الصحيه والاهتمام بصحه الاطفال خلت مصر من انها دوله ناميه ومع ذلك الوف وفيات ف هتقل ده معناه ايه ده معناه ان احنا عندنا شويه حاجات بتاثر في الوفيات اقول لك اه عندنا حاجه اسمها العوامل المؤثره في معدل الوفيات في العالم شويه حاجات بتاثر في معدل الوفيات في اي دوله في العالم طب ايه هي العوامل اقول لك حاجتين اول حاجه مستوى السكن والتغذيه والخدمات الصحيه مستوى السكن عامل ايه والتغذيه عامله ايه والخدمات الصحيه عامله ايه وتاني حاجه الحروب والكوارث الطبيعيه حروب وكوارث طبيعيه ايوه الكوارث الطبيعيه زي الجفاف والزلازل الحاجات دي بتؤدي الى زياده الوفيات يبقى ما هي العوامل المؤثره في معدل الوفيات في العالم يعني ايه الحاجات اللي بتاثر في الوفيات اقول له عندي حاجتين مستوى السكن والتغذيه والخدمات الصحيه والحروب والكوارث الطبيعيه طب الحروب والكوارث الطبيعيه دي بتؤدي الى زياده الوفيات طب مستوى السكن والتغذيه والخدمات الصحيه ده ازاي بياثر في معدل الوفيات اقول لك هنلاقي ان الوفيات تقل في الدول اللي بتراعي الرعايه الصحيه وبتحمي البيئه من التلوث يعني الدول اللي بتهتم بالسكان بتوعها وبتحمل بيئ من التلوث وفيها رعايه صحيه تقل فيها الوفيات وبترت الوفيات في الدول التي تقل بها الرعايه الصحيه ما فيهاش رعايه صحيه وتنتشر فيها الامراض اني كده بالراحه انت الوقتي بتتكلم عن العوامل اللي بتاثر في الوفيات اه اول حاجه قلت لي مستوى ثلاث حاجات السكن والتغذيه والخدمات الصحيه حصل اما ثاني حاجه الحروب والكوارث الطبيعيه زي الجفاف والز زلازل دي تؤدي الى زياده الوفيات وكده خلصناها انا حاسس ان الجزء الاولاني ده صعب اقول لك مش صعب ليه اقوم قايل له مستوى السكن والتغذيه والخدمات الصحيه ده ازاي بياثر في الوفيات اقول له تقل الوفيات في الدول التي تراعي وترتفع الوفيات في الدول التي تقل بها يعني الدول اللي بتراعي حاجتين ده بيقل فيها الوفيات لما تراعي الرعايه الصحيه وحمايه البيئه من التلوث الوفيات هيقلوا اما الوفيات بترتفع في الدول التي تقل بها الرعايه الصحيه وتنتشر فيها الامراض طب هو انت ليه بتعيد وتزيد في الحته دي اقول لك لان الحته دي بتيجي مثلا زي دلل جغرافيا تتعدد العوامل التي تؤثر في معدل الوفيات في العالم يعني عندي اكتر من حاجه بتاثر في معدل الوفيات اقول له مستوى السكن والتغذيه والخدمات الصحيه والحروب والكوارث الطبيعيه زي الجفاف والزلازل تؤدي الى زياده الوفيات ممكن بقى يقول لي دلل يؤثر مستوى السكن والتغذيه والخدمات الصحيه في معدل الوفيات اقوم كاتب له الاجابه دي تقل الوفيات في الدول التي تراعي الرعايه الصحيه وحمايه البيئه من التلوث وبترت الوفيات في الدول التي تقل بها الرعايه الصحيه وتنتشر فيها الامراض طب كده احنا اتكلمنا عن ايه كده احنا اتكلمنا عن المواليد واتكلمنا عن الوفيات طب انا عاييز اعرف انا استفدت ايه لما عرفت كل المعلومات دي عن المواليد والوفيات اقول لك لا طبعا استفدت استفدت ايه اقول لك ما انت هتجيب عدد المواليد وتجيب عدد الوفيات في اي حته عايز تدرسها وتطرحه من بعض علشان تعرف الحته دي سواء كانت دوله او قاره السكان فيها بيزيدوا ولا لا ودي بنقول عليها الزياده الطبيعيه الزياده الطبيعيه اه يعني ناتج الفرق بين معدل المواليد ومعدل الوفيات او ناتج الفرق بين عدد المواليد وعدد الوفيات يبقى احنا درسنا المواليد والوفيات وعرفنا كل المعلومات دي عنهم ليه علشان اقدر اطلع بيه الزياده الطبيعيه اقدر اشوف السكان بيزيد قد ايه خلي بالك الزياده الطبيعيه احنا ما لناش علاقه بالناس اللي بتتولد والناس اللي بتموت دي حاجه طبيعيه من عند ربنا سبحانه وتعالى فلما يجي يقول لك يعني ايه الزياده الطبيعيه اقول له ناتج الفرق الرقم اللي بيطلع لي لما اطرح الوفيات من عدد المواليد يعني ناتج الفرق بين معدل المواليد ومعدل الوفيات او بين عدد المواليد وعدد الوفيات هي هياها طب انا عايزك تطبق لي الكلام ده عملي على شويه قارات وتقول لي الزياده الطبيعيه بتبقى عامله ايه اقول لك ساعات بنلاقي الزياده الطبيعيه مرتفعه عاليه جدا تيجي تبص على الكره تلاقيها كل شويه بتزيد وساعات ثانيه نبص على الزياده الطبيعيه نلاقيها منخفضه نيجي نعد السكان في القاره نلاقي عددهم كل شويه بيقل وساعات نلاقي الزياده الطبيعيه صفر لا بتزيد ولا بتقل يعني عدد السكان ثابت يبقى انا كده عندي كم نوع من الزياده الطبيعيه يعني الارقام اللي بتطلع اقول له لاثه بنلاقي ساعات الزياده الطبيعيه مرتفعه ساعات بقى تانيه نلاقيها منخفضه ساعات بقى نلاقيها صفر يعني عدد السكان ثابت طب انا عايز اعرف مرتفعه فين ومنخفضه فين وصفر فين اقول اقول لك مرتفعه في افريقيا ليه اقول لك لان الرقم اللي انا طلعته بين عدد المواليد وعدد الوفيات طلع كبير يبقى بسبب زياده عدد المواليد وقله عدد الوفيات عندي مواليد كتير وما عنديش وفيات كتير فلما باجي اعمل العمليه الحسابيه بلاقي عدد السكان بيزيدوا يبقى اني الزياده الطبيعيه مرتفعه فين اقول له في افريقيا ليه بسبب زياده عدد المواليد وقله عدد الوفيات طب منخفضه فين اقول لك في امريكا الشماليه امريكا الشماليه بنيجي نبص على عدد المواليد وعدد الوفيات نلاقيهم الاثنين بيقلوا يبقى بسبب قله عدد ايه وقله عدد ايه قله عدد المواليد وقله عدد الوفيات يبقى الزياده الطبيعيه منخفضه فين اقول له في امريكا الشماليه طب ليه اقول له لان المواليد والوفيات الاثنين بيقله يبقى بسبب قله عدد المواليد وقله عدد الوفيات طب الزياده الطبيعيه ثابته يعني صفر وعدد السكان ثابت فين اقول له في قاره اوروبا قاره اوروبا ايوه فاكر لما قلت لك ان عدد المواليد فيها 11 في و عدد الوفيات برض 11 في ال000 اه فلما اجي اطرح الرقمين من بعض هيديني صفر يبقى كده قاره اوروبا الزياده الطبيعيه فيها كام صفر يعني عدد السكان ثابت ليه اقول له بسبب تساوي عدد المواليد مع عدد الوفيات يبقى اني ليه اتكلمنا عن المواليد والوفيات بالتفصيل اقول له علشان اعرف الزياده الطبيعيه علشان اطرح الرقمين من بعض بتاع المواليد وبتاع الوفيات واشوف القاره او الدوله اللي هتكلم عنها السكان فيها بيزيدوا ولا لا فبن على الحج حاجه ديت الزياده الطبيعيه يعني ناتج الفرق بين معدل المواليد ومعدل الوفيات طب عندك كم نوع من الزياده الطبيعيه ثلاثه يا اما زياده طبيعيه مرتفعه يا اما منخفضه يا اما صفر طب مرتفعه زي مين زي افريقيا طب افرض سالني وقال لي ليه افريقيا الزياده الطبيعيه فيها مرتفعه اقول له بسبب زياده عدد المواليد وقله عدد الوفيات طب لو سالني وقال لي ليه الزياده الطبيعيه منخفضه في امريكا الشماليه اقول له بسبب قله عدد المواليد وقله عدد الوفيات طب ليه الزياده الطبيعيه في قاره اوروبا بتساوي صفر اقول له بسبب تساوي عدد المواليد مع عدد الوفيات وعايزك تخلي بالك كويس جدا الزياده الطبيعيه دي احنا طبقناها على القارات ممكن نطبقها على الدول اقول لك اه ممكن نطبقها على الدول المتقدمه الدول المتقدمه شبه امريكا الشماليه بالظبط يبقى الزياده الطبيعيه فيها ايه منخفضه ليه اقوم كاتب له الاجابه دي بسبب قله ايه وقله ايه قله عدد المواليد وقله عدد الوفيات انت بتجيب الاجابات منين اقول له من التقسيمه دي برض نفس الكلام لو جبت لك مصر مصر دوله متقدمه ولا ناميه طبعا ناميه يبقى ترتفع معدلات الزياده الطبيعيه في مصر ليه اقوم جايب الاجابه بتاعه قاره افريقيا بسبب زياده عدد المواليد وقله عدد الوفيات كده احنا اتكلمنا عن كل حاجه خاصه بالمواليد والوفيات اللي من خلالهم بعرف الزياده الطبيعيه طب ما تقولهم لي تاني على السريع اقول لك المواليد اكبر من الوفيات لان المواليد 20% اما الوفيات 8% اللي يهمني اكثر اعلى قاره واقل قاره في كل واحده فيهم اعلى قاره في المواليد قاره افريقيا اقل قاره في المواليد قاره اوروبا اما اعلى قاره في الوفيات اوروبا بنفس الرقم بتاع بع المواليد 11 في 11 في اما اقل قاره امريكا الجنوبيه عند الرسم البياني لازم اركز فيه ليه لانك في الرسم البياني هتلاقي السينات شبه بعضها اسيا زي استراليا في المواليد وكمان امريكا الشماليه زي امريكا الجنوبيه برض في المواليد عندك الرسم البياني بتاع الوفيات هتلاقي اوروبا وبعد كده افريقيا واخر حاجه امريكا الجنوبيه الباقيين قد بعض اسيا زي استراليا زي امريكا الشماليه وكده انا عرفت القارتين اللي شبه بعضهم في المواليد والوفيات الاثنين اللي فيهم سينات اسيا وا استراليا طب لازم احفظ السؤال بتاع بما تفسر ارتفاع معدل المواليد في قاره افريقيا وارتفاع معدل الوفيات في قاره اوروبا بالنسبه لارتفاع معدل المواليد في قاره افريقيا اقول له بسبب ثلاث حاجات انتشار الاميه والفقر والاعتماد على الزراعه البدائيه والراعي وانتشار بعض العادات والتقاليد السلبيه زي الرغبه في انجاب اكبر عدد من الابناء والزواج المبكر للاناث طب عندك بما تفسر ارتفاع معدل الوفيات في قاره اوروبا اقول له بسبب زياده عدد كبار السن طب انت عندك قاعده ثابته اقول له اه عند ان الدول المتقدمه الوفيات فيها بتقل والدول الناميه الوفيات فيها بتزيد بس القاعده دي لا تنطبق على مصر بلدنا ليه لان انا عندي سؤال بيقول بما تفسر انخفاض معدل الوفيات في مصر اقول له بسبب الرعايه الصحيه والاهتمام بصحه الاطفال طيب ده معناه ان انت عندك شويه حاجات بتاثر في معدل الوفيات اقول لك اه مستوى السكن والتغذيه والخدمات الصحيه والحروب والكوارث الطبيعيه زي الجفاف والزلازل برده بتاثر في زياده عدد الوفيات طب مستوى السكن والتغذيه والخدمات الصحيه في حاجه تنحفظ اقول لك اه تقل الوفيات في الدول اللي بتراعي حاجتين الرعايه الصحيه وحمايه البيئه من التلوث وترتفع الوفيات في الدول التي تقل بها حاجتين الرعايه الصحيه وتنتشر فيها الامراض العوامل المؤثره دي عايزك تكتبها وتحفظها كويس جدا جدا طب هو انا ليه عرفت كل المعلومات عن المواليد والوفيات اقول لك علشان تطلع الزياده الطبيعيه وتشوف المكان اللي انت بتتكلم عنه السكان في المكان ده بيزيدوا ولا لا فانا عندي ثلاث انواع من الزياده الطبيعيه مرتفعه منخ فضه وصفر المرتفعه زي في افريقيا المنخفضه زي امريكا الشماليه الصفر دي موجوده في قاره اوروبا طب ليه قاره اوروبا الزياده الطبيعيه فيها صفر يعني عدد السكان ثابت اقول له بسبب تساوى عدد المواليد مع عدد الوفيات طب قاره افريقيا ليه مرتفع اقول له عشان مين اكتر من مين اقول له المواليد اكتر من الوفيات يعني بسبب زياده عدد المواليد وقله عدد الوفيات طب في امريكا الشماليه ليه منخفضه اقول له بسبب قله عدد المواليد وقله عدد الوفيات الزياده الطبيعيه دي انت مطبق لي على القارات تع تطبقها لي على الدول اقول لك اه عندنا مصر زي افريقيا وعندنا الدول المتقدمه زي امريكا الشماليه نفس الاجابه اللي موجوده هنا هتكتبها هنا او هنا خلي بالك لما يجي يقول لك كلمه الزياده الطبيعيه ما العلاقه مثلا بين الزياده الطبيعيه والدول المتقدمه ما العلاقه اقول لك اول ما تلاقي كلمه الزياده الطبيعيه يبقى انت هتتكلم عن المواليد والوفيات عود نفسك اول ما تلمح كلمه الزياده الطبيعيه هتتكلم عن المواليد والوفيات قال لك مرتفعه هتقوم قايل له المواليد كتير والوفيات قليلين لو قال لك منخفضه قول له المواليد والوفيات الاثنين بيقلوا لو قال لك صفر زي اوروبا قول له الاثنين قد بعض فلما يجي يقول لك ما العلاقه بين الزياده الطبيعيه والدول المتقدمه اقول له تقل الزياده الطبيعيه في الدول المتقدمه بسبب قله عدد ايه وقله عدد ايه قله عدد المواليد وقله عدد الوفيات برده لو جاب لي مثلا علاقه بين الزياده الطبيعيه وقاره افريقيا اقول له ترتفع الزياده الطبيعيه في قاره افريقيا بسبب زياده عدد المواليد وقله عدد الوفيات يبقى اول ما تلمح كلمه الزياده الطبيعيه في اي سؤال يبقى انت هتتكلم عن ايه عن عدد المواليد وعن عدد الوفيات طب كده احنا اتكلمنا عن ايه اقول لك كده احنا اتكلمنا عن اول حاجه موجوده عندي في الديموغرافيا الديموغرافيا ايوه مش احنا قلنا الديموغرافيا علم دراسه السكان من حيث النمو اه ما هو النمو ده يعني الزياده اللي هي الزياده الطبيعيه دي اتكلمنا عنها عرفنا عدد المواليد وعدد الوفيات وازاي اطلع الزياده الطبيعيه واطرح الاثنين من بعض وطبقت الكلام ده على القارات والدول طيباني حاجه ايه قال لك التوزيع طب التوزيع يعني ايه يعني السكان بيعيشوا فين ومش بيعيشوا فين اقول لك ما احنا عرفنا الكلام ده في الدرس اللي فات اين يتركز السكان اين يقل السكان يعني مش هنتكلم عنه دلوقتي لا طب هنتكلم عن ايه اقول لك ثالث حاجه في الديموغرافيا التركيب السكاني التركيب السكاني يعني ايه كلمه التركيب السكاني اقول لك بص معايا كده احنا بنيجي على السكان اللي احنا عايزين ندرسه في اي قاره وفي اي دوله ونشوف عدد الذكور قد ايه وعدد الاناث قد ايه وبنقول على الطريقه اللي احنا قسمنا بيه بيهم السكان لذكور واناث يعني رجاله وستات التركيب النوعي التركيب النوعي اه ده التركيبه بتاعه السكان من حيث نوعهم بس التركيب النوعي ده انا وانت مش هندرس السنه دي ليه لان التركيب النوعي ده مقرر في المناهج الجديده مش عندنا طب احنا هندرس ايه في التركيب السكاني اقول لكاني نوع التركيب العمري يعني ايه التركيب العمري يعني هتجيب السكان وقسمهم على حسب اعمارهم الاطفال تحطهم مع بعض وتشوفهم عددهم قد ايه والناس الكبيره تحطها مع بعض وتشوف عددهم قد ايه والناس اللي بتقدر تشتغل تحطهم مع بعض وتشوف عددهم قد ايه يعني هتقسم السكان على حسب اعمارهم يبقى ده اسمه التركيب العمري يبقى احنا في التركيب السكاني عندنا نوعين من التركيب التركيب النوعي يعني نشوف عدد الذكور وعدد الاناث قد ايه او مين اكتر من مين وده مش عندنا احنا عندنا التركيب العمري يعني همسك السكان هقسم لثلاث اقسام اول حاجه الاطفال والمراهقين اللي اقل من 15 سنه دول هحطهم مع بعض اللي هم صغار السن بقول عليهم فئه صغار السن اسمها ايه فئه صغار السن يعني مجموعه صغار السن احفظها كده فئه صغار السن دول مين دول الاطفال والمراهقين اللي اقل من 15 سنه طيب عكسهم بقى كبار السن دول اخر فئه خالص فئه كبار السن ودول عمرهم من 65 وانت طالع دول بقول عليهم فئه كبار السن طيب دول اثنين قال لك بقى اللي في النص دول بنقول عليهم الفئه ال المتوسطه يعني اللي في النص اللي هي سن العمل الناس اللي بتقدر تشتغل ودول اعمارهم من 15 سنه لحد 64 سنه ال 15 سنه اللي انت واقف عندهم هنا لحد السنه اللي قبل كبار السن اللي هم 64 سنه ودول البالغين يعني اللي يقدروا يشتغلوا يبقى التركيب العمري بيخليني امسك السكان اقسم لكا حاجه لثلاث حاجات الاطفال والمراهقين اللي اقل من 15 سنه بحطهم مع بعض وبقول عليهم فئه صغار السن الناس الكبيره اللي اكتر من 65 سنه بقول عليهم فئه كبار السن الناس اللي في النص من عند ال 15 سنه لحد 64 سنه اللي هم البالغين بقول عليهم الفئه المتوسطه اللي هما سن العمل الناس اللي بتقدر تشتغل طب عايز تعرف عنهم ايه اقول لك بص اول حاجه هو مين اللي في الثلاثه دول بيشتغل اقول لك اللي في النص ديت الفئه المنتجه المنتجه يعني اللي بتشتغل وبتجيب فلوس وبتصرف على الاثنين الباقيين بيصرفوا على صغار سن وبيصرف على كبار السن يبقى انهي واحده من الثلاثه هي اللي منتجه وبتشتغل اقول له الفئه المتوسطه اللي هي سن العمل طب صغار السن غير منتجه طب كبار السن غير منتجه دي اول معلومه تعرفها عن كل فئه من الثلاثه طب قال لك بقى انا عايز اعرف اعلى نسبه من كل واحده موجوده فين في الدول واقل نسبه يعني ايه مش فاهم يعني مثلا اعلى نسبه من صغار السن موجوده فين اقول له في الدول الناميه زي مصر بلدنا هتلاقي فيها كميه اطفال كتيره جدا طب اقل اقل نسبه من صغار السن موجوده في الدول ايه اقول له موجوده في الدول المتقدمه زي دوله السويد يبقى انت مطلوب منك تعرف لي اعلى نسبه واقل نسبه في كل فئه من الثلاثه لما جينا نتكلم عن صغار السن قلت لك موجوده في الدول الناميه اطفال كتير جدا زي مصر بلدنا واقل نسبه موجوده في الدول المتقدمه زي السويد الدول المتقدمه مش بتحب تخلف اطفال كتير وما عندهاش اصلا صغار سن كتير العكس بقى في كبار السن اعلى نسبه في الدول المتقدمه لانهم هناك طبعا بيهتموا بالخدمات الصحيه والتعليميه يبقى بسبب التقدم في الخدمات الصحيه والتعليميه نسبه كبار السن كتير جدا في الدول المتقدمه اقل نسبه في الدول الناميه الدول الناميه ما بيهتمو قوي بصحه الانسان فهناك تلاقي الناس اعمارهم اول ما يوصل ل 65 قبل كمان 65 تلاقيه بيموت يبقى اقل نسبه من كبار السن فين في الدول الناميه طب اعلى نسبه واقل نسبه الاثنين عكس بعض فين في صغار السن عكس كبار السن في صغار السن قلت لي اعلى نسبه موجوده في الدول الناميه واقل نسبه في الدول المتقدمه اعكس في كبار السن اعلى نسبه في الدول المتقدمه واقل نسبه في الدول الناميه طب افرض سالني فئه كبار السن دي ليه موجوده بنسبه كبيره جدا في الدول المتقدمه يعني بما تفسر زياده عدد كبار السن في الدول المتقدمه اقول له بسبب التقدم في الخدمات الصحيه والتعليميه الدول المتقدمه دي عندها خدمات متقدمه في الصحه والتعليم بيخلوا بالهم جدا من صحه الانسان والتعليميه الناس نفسها متعلمه فبتحب على نفسها وبتعالج نفسها بطريقه كويسه يبقى بسبب التقدم في الخدمات ايه والخدمات ايه الصحيه والتعليميه ده السبب اللي خلى عدد كبار السن كتير جدا في الدول المتقدمه طب زي ما انت طلعت سؤال في فئه كبار السن هات لي كمان سؤال في فئه صغار السن زي ايه زي مثلا ايه اللي بيحصل لما عدد صغار السن بيكتر في الدول الناميه يعني ما النتائج المترتبه على ارتفاع نسبه صغار السن في الدول الناميه زي مصر اقول له الدول الناميه دي بتصرف فلوس كتيره جدا جدا جدا على الاطفال دي علشان توفر لهم الاكل واللبس والرعايه الصحيه والتعليم والخدمات كتيره جدا عكس الدول المتقدمه الدول المتقدمه عدد الاطفال يعني لما تروح تبص على الفصل عندهم تلاقي مثلا 10 او 15 طالب في الفصل احنا عندنا 60 و70 طالب الدول الناميه بقى بتصرف فلوس كتير جدا على مين على الاطفال دول يبقى من النتائج المترتبه على ارتفاع نسبه صغار السن في الدول الناميه زي مصر اقول له ادى الى تحمل هذه الدول ميزانيه ضخمه ليه لتوفير الغذاء والملبس والرعايه الصحيه والتعليم وغيرها من الخدمات تاني كده ادى الى تحمل هذه الدول ميزانيه ايه ضخمه لتوفير ايه الغذاء والملبس والرعايه الصحيه والتعليم وغيرها من الخدمات ده ما النتائج المترتبه على ارتفاع نسبه صغار السن في الدول الناميه طيب كده احنا اتكلمنا بالتفصيل عن فئه صغار السن وفئه كبار السن بالنسبه بقى للفئه المتوسطه اللي هم سن العمل اللي هم الناس البالغين اللي من 15 سنه ل 64 سنه اللي بيقدروا يشتغلوا يعني فئه منتجه قال لك بص اعلى نسبه موجوده في دول غرب اوروبا دول غرب اوروبا فيها عدد كبير جدا من البالغين سنهم من 15 ل 64 سنه واقل نسبه موجوده في قاره افريقيا اقل نسبه موجوده في قاره افريقيا اه بس خلي بالك السكان البالغين اصلا في العالم كله متقاربين يعني الفروق مش كبيره قوي المهم اعلى نسبه فين في دول غرب اوروبا اقل نسبه فين في قاره افريقيا يبقى احنا كده اتكلمنا في التركيب السكاني عن انهي نوع من التركيب النوعي ولا العمري اقول له العمري انا قسمت سكان على حسب اعمارهم مسكت اللي اقل من 15 سنه الاطفال والمراهقين وحطيتهم وقلت عليهم فئه صغار السن مسكت اللي اكثر من 65 سنه وقلت عليهم فئه كبار السن اللي في النص من 15 ل 64 سنه اللي هم البالغين اللي بيقدروا يشتغلوا قلت عليهم الفئه المتوسطه سن العمل عرفنا ان الوحيده اللي بتشتغل يعني منتجه الفئه المتوسطه سن العمل اما صغار السن وكبار السن دي غير منتجه ودي غير منتجه لازم اعرف اعلى نسبه واقل نسبه في كل واحده من الثلاثه اعلى نسبه في صغار السن اقول له الدول الناميه زي مصر بلدنا اقل نسبه في صغار السن اقول له الدول المتقدمه زي السويد طب كبار السن عكس صغار السن فبقول له اعلى نسبه في الدول المتقدمه واقل نسبه في الدول الناميه طب ليه عندك كبار السن كتير في الدول المتقدمه اقول له بسبب التقدم في الخدمات الصحيه والتعليميه السؤال ده تكتبه بسبب التقدم فين في الخدمات الصحيه والتعليميه طب بالنسبه لصغار السن ايه اللي حصل لما عدد صغار السن بقى كتير في الدول الناميه اقول له ادى الى تحمل هذه الدول ميزانيه ضخمه لتوفير الغذاء والملبس والرعايه الصحيه والتعليم وغيرها من الخدمات ثاني ما النتائج المترتبه على ارتفاع نسبه صغار السن في الدول الناميه اقول له ادى الى تحمل هذه الدول ميزانيه ضخمه لتوفير الغذاء والملبس والرعايه الصحيه والتعليم وغيرها من الخدمات طب بالنسبه للفئه المتوسطه اللي هي سن العمل اقول له اعلى نسبه موجوده في دول غرب اوروبا واقل نسبه موجوده في قاره افريقيا طيب كده احنا خلصنا كلامنا عن التركيب العمري بس لسه حاجه ايه التعريف يعني ايه كلمه التركيب العمري اقول له انا مسكت السكان وقسمتهم لفئات عمريه يعني على حسب عمرهم يبقى دراسه عدد ونسبه كل مجموعه من سكان منطقه ما نعم دراسه عدد ونسبه كل مجموعه مش انا قسمت السكان لمجموعات ونسب اه يبقى دراسه عدد ونسبه كل مجموعه طيب الكلام ده بطبقه على سكان في اي منطقه يعني من سكان منطقه ما اي منطقه يبقى دراسه عدد ونسبه كل مجموعه من سكان منطقه ما وفقا لفئات عمريه محدده يعني انا قسمت على حسب اعمارهم يبقى وفقا لفئات عمريه محدده التعريف ده مهم جدا جدا جدا التركيب العمري دراسه عدد ونسبه كل مجموعه من سكان منطقه ما وفقا لفئات عمريه محدده بكده نكون خلصنا الجزء الاول واتكلمنا عن الديموغرافيا اللي هو علم دراسه السكان اتكلمنا عن النمو يعني زياده الطبيعيه وعرفنا زياده الطبيعيه لما عرفنا عدد المواليد وعدد الوفيات والتوزيع اتكلمنا عنه في الدرس اللي فات اين يتركز السكان واين يقل السكان التركيب السكاني اتكلمنا فيه عن التركيب العمري وقلتلك لازم تحفظ لي التركيب العمري كتعريف والتقسيمه بتاعته وبكده نكون خلصنا الجزء الاول من درسنا ما تنساش تتفرج على الجزء الثاني من الدرس تحياتي لكم مستر عطا ذكي شحطته