سالفة اليمن باختصار وحصار الإمارات للسعودية ناصر القرني

امس كنا نسولف ونقول ان للاسف ما فلحنا لا في شيء داخلي ولا في شيء خارجي يعني في الشيء الداخلي لا على المستوى الاقتصادي لا على المستوى الاخلاقي يعني مثلا حافظنا على المنظومه الاخلاقيه لا على مستوى الحقوق والحريات ولا اي شيء حرفيا خارجيا خسرنا نفوذ سياسي في دول كثيره وتقزمت سعوديه حرفيا صارت دوله هامشيه راح نسولف نسولف نقطه نقطه انا نزلت مقطع مقطع عن الامارات وكيف قاعده تحاصر السعوديه لكن هنا بنسولف كفضفضه وناخذ راحتنا في الكلام المقطع صورته قبل تقريبا اسبوع او اكثر وسبحان الله امس بالضبط صارت احداث حضرموت واللي راح نسولف فيها في السناب اليوم لكن قبل نسولف نرجع الزمن ورا ش سالفه اليمن سالفه اليمن انه صار بعد الثوره وسقوط علي عبد الله صالح صار انتخابات وصار توافق مدني وجت حكومه معينه بعدها الحوثي انقلب على الحكومه في 2015 بعد السعوديه جت بعاصفه الحزم الاستعاده الشرعيه دخل مع دول الخليج كحلفاء دخل من الحلفاء الامارات الامارات اول ما دخلت وسبق وسولفنا فيها في احد جاك العلم للموسم الثاني اول ما دخلت الامارات حققت الاهداف اللي كانت هي تبغاها استولت على الموانئ حاولت قدر مستطاع تشكيل قوه في الجنوب السعوديه ايش سوت؟ اخذت هادي عبد رب منصور الرئيس الشرعي لاحظ هادي عبد الرب منصور كان الرئيس الشرعي والمعترف فيه عند الامم المتحده اخذته الحكومه وخليته تحت الاقامه الجبريه في الرياض وبدات تدخل بحرب تبغى تستعيد الشرعيه لكن بدون اي خطط استراتيجيه فعاله الامارات حتى تحقق اهدافها ما تبغى الشرعيه تعود لان لو عاده الشرعيه راح تكون في حكومه يمنيه واحده فبدات تحاول توهم السعوديه ان في خصوم عندك لازم تحاربينهم اللي هم الاصلاح الاخوان المسلمين في اليمن لازم هذول تحاربينهم ولا تمكنينهم لاحظ السعوديه دخلت الحرب وعندها الحكومه الشرعيه اللي هي متمثله بهادي عبد الربو منصور الامارات تقنع السعوديه انها تحل هذه الحكومه وتشكل مجلس المجلس هذا ما راح يعني يقول لي واحد يمني ايش قال والله ما يتفقون على صبه فنجال قهوه خل عادي يتفقون على تشكيل سياسي الامارات بهذه الحركه اشبه بالتشيك ميت في الشطرنج فرغت السعوديه من الحاضنه الشرعيه اليمنيه صار السعوديه ما عندها الحاضنه الشرعيه المعترفه عند الامم المتحده بهذه الحركه الامارات فتتت اليمن حرفيا جت سعوديه تبغى ترقع امس في حضرموت السعوديه كمحاوله اعاده فرض السيطره على محافظه حضرموت ايش سوت؟ قالت لاحد رجالات حضرموت اللي هو حبريش انت خلك القائد العسكري في هذه المنطقه وراح ندعمك تدري ايش صار؟ حرفيا جحدوا في اول كم ساعه يعني مش اول يوم يومين ثلاث ايام اول كم ساعه تمت الجحده يعني ايش يقول؟ يقولون لا تدق الصدر وضلوعك رديه لا ترتكل الحمل وانت ما انت بقده الامارات اللي بعيده جغرافيا صملت مع حليف صملت ووقفت انت القريب جغرافيا اللي يربطك حدود مباشره جحدت حليفك وغدرت فيه سواء كنت ترغب بهذا الشيء او سواء خفت تواجه الامارات ما راح اسولف كيف ممكن الحلفاء في المستقبل يثقون فيك لكن هذا على مستوى السياسه الخارجيه الامارات من لما دخلت في 2015 وعندها رؤيه استراتيجيه ايش تبغى تسويه في اليمن بينما انت ما تدري ايش تبغى تسوي مره نعيد الشرعيه مره لا ما راح نعيد عشان الاصلاح فيها والاصلاح اخوان مسلمين مره اسمعوا بنحارب الحوثي مره هدنا مع الحوثي انت ما تعرف ايش تبغى في اليمن والنتيجه الامارات محاصرتك من جهه اليمن محاصرتك من جهه السودان محاصرتك من جهه مصر فعليا ماخذ الممرات البحريه عبر البحر الاحمر من اليمن وتتحكم في القرار العسكري والسياسي لما تتحكم الامارات في القرار العسكري والسياسي راح تكون انت مقيد بالرغبات الاماراتيه راح تكون مثل تعرف مثل اللي ولا خل المثل ذا راح يكون في صداع في راسك ليش؟ لانه ما عندك رؤيه استراتيجيه للمنطقه ولان بعض رجالات الامارات في الداخل في داخل النظام عندك قاعدين يقنعونك بمشروع الامارات الفكري والامني حتى لو في اجتماع خاص سبوا الامارات ولعنوهم وقالوا الله يلعنهم يا طويل العمر ما يعرفون قدرك حتى لو قالوا هذا اللف حرفينهم قاعدين يخدمون مشروع الامارات لما تكلمنا عن السياسه الخارجيه شوف لا تفكر في قضيه الشخصيه ابدا حتى بعض معاركك الخارجيه الامارات اللي دفعتك لاجل هذه المعارك بعض اشرس خصومك اللي انت تخاف منهم مشكلين لك هاجس من صنعهم لك ومن اقنعك بعداوه هؤلاء الخص الامارات ورطتك في هذا الملف هل راح تبدا تصحصح وتراجع كل مشاريع الامارات عندك او لا او لا والله بتستمر اي نصيحه كذا اللي اه الامارات سعودي والسعودي اماراتي والدربي براسك الدربي براسك هم يحققون اهداف ومن تطلع ايش يقولون يقول تطلع من السوق بلا حمص او تطلع من المورد بلا حمص اعذر للاديتر اللي سو المقطع لكن تعرف اللي يقول زي شغلك بس ارخص المهم هذا حرفي اللي قاعد يصير الامارات قاعده تسيطر على الموانئ البحريه من هنا سواء ضرب مشاريع التجاريه او حتى السيطره من ناحيه امنيه من ناحيه سياسيه من ناحيه التحكم بالموارد من مصر من السودان تحاول من اثيوبيا والصومال اثيوبيا تمت بس تحاول من الصومال ايضا تحاول السيطره على جنوب اليمن تدر اللي قاعد يحاول شوفها هذه المساحه الصغيره هذه هي اللي قاعده تسوي هذا كله بينما السعوديه اللي لها ثقل استراتيجي على مدار التاريخ عاجزه انها يكون عندها مشروع استراتيجي في المنطقه عاجز انها تواجه الامارات مواجهه حقيقيه ما اقول لك تواجهها لاجل مواجهه تواجهها لاجل مصالحها السياسيه ‏M.