شرح العولمه الدرس السادس علم اجتماع تانيه ثانوي الترم الثاني 2026 علم اجتماع تانيه ثانوي

السلام عليكم ورحمه الله وبركاته حبايبي طلاب تناسا في كل حته في مصر معاكم مستر مصطفى محمود استاذ الفلسفه وعلم النفس والنهارده يا اد معانا الحصه اله في علم الاجتماع اللي هنتكلم فيها عن درس العولمه وده الدرس اللي قبل الاخير في منهج علم الاجتماع كده بقينا حصه واحده في علم الاجتماع وشكرا على كده نبقى خلصنا المنهج بالكامل وزي ما قلنا احنا النهارده هنتكلم عن درس العولمه فاعمل لايك للفيديو واشترك في القناه ويلا نبدا وقبل ما نبدا في الدرس درس انا عايز اتكلم معاك شويه هو يعني ايه عولمه يعني ايه احنا عايشين في عصر العولمه كابتين كلمه عولمه دي تحسها مشتقه كده من كلمه عالم مشتقه من كلمه عالم بس عالم صغير يعني احنا عندنا في العربي حاجه اسمها التصغير يعني مثلا احنا لو عندنا الكتاب طب لو عندنا كتاب صغير بنقول عليه ايه كتيب مثلا الشجره طب لو في شجره صغيره بنقول عليها شجيره هنا برده كلمه عولمه تحسها تصغير لكلمه عالم بس عالم صغير وهو ده اللي العولمه بتعمله العولمه بتحاول تخلي العالم الكبير وكانه عالم صغير بتحول العالم الكبير لك قريه صغيره وهنفهم الكلام ده كله دلوقتي بالتفصيل طب السؤال بقى يا ترى العولمه دي بتخلي العالم وكانه عالم صغير ازاي بتخلي العالم وكانه قريه صغيره ازاي والله هي بتعمل كده بسبب حاجتين بسبب سهوله الاتصال وسهوله سهوله المواصلات العولمه دي يا رجاله حصلت بسبب سهوله الاتصال دلوقتي بقى في سهوله اتصال ايوه انت دلوقتي عندك وسائل الاتصال والسوشيال ميديا والواتس والفيس والانستغرام والماسنجر طب زمان هل كان في الحاجات دي؟ لا حضرتك زمان قبل العولمه ما كانش في وسائل الاتصال الحديثه دي يعني انت زمان لو كنت عايز تبعت رساله لحد كنت بتبعتها ازاي؟ كنت بتبعتها في البريد وكانت الرساله توصل له بعد شهرين ثلاثه طب قبل البريد بقى كان فيه الحمام الزاجل حضرتك بتجيب الرساله اللي عايز تبعتها وتربطها في رجل الحمامه والحمامه توصلها طب بتوصل ازاي ماارفش بس كانت دي هي الطريقه الوحيده اللي بتبعت بيها رسائل طب احنا النهارده لا انت النهارده بدوسه زرار في ثانيه تقدر تبعت اي رساله لاي حد وفي اي حته وفي اي مكان في العالم وهي دي سهوله الاتصال اهو بسبب سهوله الاتصال دي بقى في عولمه كمان يا كابتن العولمه حصلت بسبب سهوله المواصلات دلوقتي في عربيات وطيارات واطورات فكل ده سهل المواصلات يعني انت عندك زمان قبل العولمه كنت اما تحب تسافر السعوديه تعمل عمره ولا حج ربنا يوعدنا كده كلنا يا رب فكنت بتركب الجمل تسافر بيه وكنت تقعد تمشي بالجمل في الصحرا ده خمس ست شهور وفي الاخر يا توصل يا ما بتوصلش وغالبا ما كنتش بتوصل قاعد خمس ست شهور بتجري بجمل فغالبا ما كنتش بتوصل طب احنا النهارده لا ساعتين زمن بس انت بقيت هناك صح ولا ايه؟ اذا النهارده بقى فيه سهوله مواصلات فحضرتك سهوله الاتصال وسهوله المواصلات هم دول اللي عملوا العولمه يا مستر يعني انت عايز تقول ان العولمه دي هي التكنولوجيا ايوه قصدك تقول ان العولمه دي اللي هي الانترنت والمواصلات والعربيات والطيارات والاطورات ايوه الله ينور عليك فالعولمه دي بقى عملت ايه دي سهلت الحياه العولمه سهلت الاتصال بين الدول كمان قربت الدول ببعض العولمه دي خلت العالم مفتوح على بعض وعشان كده بنقول ان العولمه حولت العالم الى قريه كونيه صغيره العولمه حولت العالم لقريه كونيه صغيره يا باشا انت دلوقتي تدخل على النت تكتب اي معلومه هتجي لك في ثانيه فدلوقتي سهل اي حد يوصل لاي حاجه ويوصل لاي معلومه وهي دي بالضبط العولمه العولمه خلت العالم كله مفتوح على بعض خلت فيه انفتاح وخلت العالم كله وكانه قريه كونيه صغيره حلو فتعال بقى دلوقتي نتكلم عن تعريف العولمه هو يعني ايه عولمه بص كده الراجل بيقول لك ان العولمه دي هي حريه انتقال الافكار والاتجاهات والسلوكيات والاذواق فيما بين الثقافات العولمه هي حريه انتقال يعني ايه حريه انتقال يعني سهل انقل حاجه من حته لحته فالعولمه هي حريه انتقال حريه انتقال ايه حريه انتقال الافكار والاتجاهات حبيبي لو في فكره في امريكا سهل تاخدها هنا في مصر فكره موجوده في اي دوله اوروبيه سهل تنقلها هنا في مصر اذا دلوقتي في حريه انتقال الافكار والاتجاهات كمان دلوقتي بقى في حريه انتقال للسلوكيات والاذواء يعني قبل المقاطعه كان في ناس بتحب كنتاكي طب ما حضرتك كنتاكي ده جايبينه من امريكا اذا دلوقتي في انتقال للاذواء حضرتك اذوائهم في اللبس جبنا اللبس بتاعهم وبقينا نلبسه هنا هو نايكي واضداز ده ايه جايبينه من الغرب جايبينه من عندهم وهي دي العولمه يبقى العولمه هي حريه انتقال يعني سهل انقل اي حاجه من اي حته سهل انقل اي حاجه من اي مكان والكلام ده سواء افكار او اتجاهات او سلوكيات او اذواء يبقى اقول يلا العولمه هي حريه انتقال للافكار والاتجاهات والسلوكيات والاذواء قول هي حريه انتقال للافكار والاتجاهات والسلوكيات والاذواء ايه كمان تاني حاجه بص بيقول لك ايه بيقول لك ان العولمه دي هي عمليه يتحول من خلالها العالم كله الى مجتمع واحد باشا العولمه بتخلي العالم وكانه مجتمع واحد وكانه قريه كونيه صغيره فالعولمه حولت العالم وكانه مجتمع واحد طب كمل كده بيقول لك مجتمع مع واحد تتعدد ثقافاته وحضاراته ايوه احنا في العالم ثقافاتنا كلها مش واحده كل مجتمع ليه ثقافته وليه حضارته فالثقافات تختلف من مجتمع لمجتمع اذا العولمه خلت العالم مختلف في حاجات ولكن قال لك ان العولمه خلت العالم متشابه في حاجات بص كده قال لك العالم بيتشابه في نظم الاقتصاد والسياسه والعلاقات الدوليه والاعتماد على نظم الاقتصال الحديثه لا تعال نمسكها واحده واحده احنا قلنا ان العولمه دي خلت العالم مختلف في حاجات ومتشابه في حاجات طب العولمه خلت العالم يتشابه في ايه؟ اهو متشابه في نظم الاقتصاد والسياسه والعلاقات الدوليه ونظم الاتصال الحديثه اول حاجه الاقتصاد حضرتك عندك اقتصاد طب ما في امريكا في اقتصاد حضرتك عندك بنوك طب ما المانيا فيها بنوك حضرتك عندك بورصه طب ما كل دول العالم عندها بورصه حضرتك عندك استيراد وتصدير طب ما كل دول العالم فيها استيراد وتصدير اذا العولمه خلتنا متشابهين في نظم الاقتصاد كمان العولمه خلتنا متشابهين في السياسه واكتب كده عند السياسه يعني القوانين ونظام الحكم كابتين هي امريكا ودول اوروبا عندهم انتخابات طب ما احنا عندنا انتخابات هي امريكا فيها قوانين طب ما احنا عندنا قوانين هم هناك عندهم دستور طب ما احنا كمان عندنا دستور وكل الدول عندها كده اذا العولمه خلتنا نا متشابهين في السياسه كمان العولمه خلتنا متشابهين في العلاقات الدوليه الدول بتعمل علاقات دوليه كتير كابتين هتلاقي كل دوله ليها سفاره عند الدوله الثانيه يعني احنا عندنا في مصر هتلاقي السفاره الالمانيه بتاعه المانيا طب لو رحت المانيا هتلاقي السفاره المصريه هناك وهكذا في باقي الدول اذا دلوقتي متشابهين في العلاقات الدوليه كمان احنا متشابهين في نظم الاتصال الحديثه اللي هو الانترنت والسوشيال ميديا والتكنولوجيا كابتين كله دلوقتي معتمد على النت والموبايلات ما فيش دوله النهارده ما فيهاش نت او موبايلات او سوشيال ميديا اذا احنا دلوقتي متشابهين في نظم الاتصال الحديثه اذا العولمه خلت العالم متشابه في حاجات كتير خلته متشابه في نظم الاقتصاد والسياسه والعلاقات الدوليه ونظم الاتصال الحديثه ولكن خلي بالك على الرغم من كل التشابه اللي عملته العولمه ده الا ان في برده اختلاف بين الدول اختلاف في ايه اختلاف في الثقافات والحضارات حضرتك دلوقتي في تعدد ثقافات والثقافات دي زي ما اخدنا المره اللي فاتت الثقافه دي زي العادات والتقاليد يعني انت عندك هناك في الغرب الراجل بيلبس حلق عادي طب هل احنا في مصر ينفع نلبس حلق ما اكيد لا ليه لان عاداتنا وتقاليدنا كده ثقافتنا كده عندهم هناك بيشربوا الخمر عادي طب هل احنا هنا ينفع نشرب خمره لا ليه لانه حرام دنا كده عاداتنا وتقاليدنا كده ثقافتنا كده حضرتك هم هناك بياكلوا لحم الخنزير عادي طب هل احنا هنا ينفع ناكله؟ لا ليه لاننا ثقافه اسلاميه وعربيه اذا بنقول على الرغم ان العولمه عملت تشابه بين المجتمعات الا ان في تعدد ثقافات واختلاف في الثقافات والحضارات ايه كمان؟ بص كده معايا عندنا بعد كده شويه ملاحظات على التعريف فبص كده بيقوللك ايه؟ يتضح من التعريف ان العولمه هي عمليه مستمره العولمه مستمره العولمه لا تنتهي فالعولمه عمليه مستمره كمان خلي بالك ان العولمه دي هي عمليه تلقائيه يعني ايه تلقائيه يعني لا تحدث بتخطيط مسبق عارف يعني ايه كابتين هو مين اللي عمل العولمه واحد هيقول لي امريكا لا غلط واحد هيقول لي اليابان برده غلط امال مين يعني يا مستر مصر هي اللي عملت العولمه برده لا مين اللي عمل العولمه ما حدش وعشان كده بنقول ان العولمه تلقائيه يعني ايه تلقائيه يعني ما حدش عملها ما نعرفلهاش صاحب العولمه تلقائيه حصلت لوحديها دي حصلت بدون تخطيط مسبق اكتب كده عند النقطه دي ان العولمه دي عمليه غير مقصوده العولمه عمليه غير مقصوده ما حدش كان قاصد يعملها فهي حصلت بدون تخطيط مسبق ما حدش كان مخطط يعمل عولمه هي حصلت بشكل تلقائي وبدون تخطيط مسبق حلو حلو طب يا ترى ايه السبب اللي خلى العولمه تحصل ايه السبب اللي خلى فيه عولمه والله هم سببين اول حاجه بيقول لك بسبب التطور في وسائل الاتصال والمواصلات بين الشعوب وتاني حاجه هو صور الاحتكاك الثقافي بين الشعوب وده عن طريق الغزو او الهجره يبقى تاني كده العولمه حصلت بسبب حاجتين التطور في وسائل الاتصال والمواصلات والاحتكاك الثقافي بين الشعوب اول حاجه سهوله الاتصال النت والسوشيال ميديا والتلفزيون والفيس والواتس والماسنجر كل دي اسمها وسائل اتصال باشا انت دلوقتي لو في حاجه حصلت بره انت في ثانيه بتعرفها طب لو في حاجه حصلت عندنا هم برض بيعرفوها يعني مثلا حصل انفجار في الصين في نفس اللحظه انت بتعرف حصل زلزال في اليابان في نفس اللحظه انت بتعرف ده اسمه ايه اسمه سهوله الاتصال طب ايه بقى سهوله المواصلات اللي هي العربيات والطيارات والاطورات كابتن انت لو عايز تسافر السعوديه تعمل عمره ولا حج ساعتين زمن بس انت بقيت هناك انما زمان لا انت زمان كنت بتاخد شهور عشان توصل طب دلوقتي دلوقتي في سهوله في المواصلات اذا اللي خلى فيه عولمه اول حاجه سهوله الاتصال والمواصلات ثاني حاجه قال الاحتكاك الثقافي بين الشعوب عن طريق الغزو او الهجره الغزو هو ايه اللي خلى دول زي الجزائر والمغرب وتونس ايه اللي خلى الدول دي بتتكلم فرنساوي والله بسبب الغزو لان هم كانوا احتلال فرنسي اذا الاحتكاك الثقافي عن طريق الغزو ده بياثر على الشعوب كمان في احتكاك ثقافي عن طريق الهجره حضرتك دلوقتي سافرت امريكا فرجعت لنا بعد 10 سنين فرجعت معاك عاداتهم وتقاليدهم وثقافتهم بقيت تاكل زيهم تشرب زيهم تلبس زيهم تتكلم زيهم هنا ايه اللي حصل حصل لك احتكاك ثقافي وده بسبب الهجره حلو حلو ايه كمان بعد كده بيقول لي النتيجه النهائيه للعولمه يا ترى ايه هدف العولمه ايه النتيجه النهائيه للعولمه ودي ما فيهاش كلمه جديده قلناها في التعريف بص كده بيقول لك ايه النتيجه النهائيه للعولمه هي احداث صور من التشابه في انماط الانتاج كمان نتشابه في نظم الحكم اللي هي السياسه نظام ديمقراطي نظام ملكي ده اسمه النظام نظم الحكم اللي هي السياسه كمان هدف العولمه نتشابه في الاداره والتجاره والاستهلاك اللي هو يعني نتشابه في الاقتصاد ايه كمان اخر حاجه بص بيقول لك ايه ولكن هذا التشابه لا يلغي الاختلاف في الثقافه حيث تتنوع الثقافات داخل منظومه العولمه زي ما قلنا على الرغم ان في تشابه كبير والعولمه عايزه تعمل تشابه ولكن يبقى برض في اختلاف الاختلاف ده هيكون في ايه زي ما قلنا اختلاف في الثقافات الثقافه بتختلف من مجتمع لمجتمع حلو طب مستر هل العولمه دي حلوه ولا وحشه هل العولمه دي مفيده ولا مضره ان العولمه عايزه تعمل تشابه بين الشعوب هل دي حاجه حلوه ولا حاجه وحشه هل دي ليها ايجابيات ولا سلبيات والله الاثنين يا رجاله العولمه سلاح ذو حدين ليها ايجابيات او مزايا وليها سلبيات فتعال نبدا دلوقتي بايجابيات العولمه اللي هي مكتوبه عندك مزايا العولمه اكتب كده عند مزايا العولمه يعني ايجابيات العولمه طيب ايه هي مزايا العولمه قال لي اول حاجه ان العولمه دي بتحول العالم الى قريه كونيه صغيره وده بسبب زي ما قلنا ان العولمه خلت فيه سهوله اتصال وسهوله مواصلات بين الدول طيب ايه كمان اني حاجه بيقول لك الاستفاده من خبرات الشعوب الاخرى ثاني حاجه من مزايا العولمه الاستفاده من خبرات الشعوب الاخرى ايوه العولمه بتخلينا نستفاد من خبرات بعض العولمه بتخلينا نستفاد من مميزات بعض يعني مثلا دلوقتي احنا لو عايزين نطور التعليم فتيجي مصر تقول لك مين احسن دوله في نظام التعليم اليابان يبقى طبق التعليم خليه شبه اللي موجود في اليابان تيجي مصر تقول لك مين اكت دوله عندها اقتصاد قوي ماليزيا فمصر تقول لك يبقى نطبق خطه التنميه الاقتصاديه بتاعه ماليزيا حضرتك مين احسن دوله بتعمل منتجات رخ رخيصه الصين يبقى نشتري منتجات من الصين هو ده معنى الاستفاده من خبرات الشعوب الاخرى ايه كمان ثالث حاجه بيقول لك الاستفاده من بعض الافكار التي تطرح على مستوى دولي وعالمي وده حول الاصلاح وحقوق الانسان والمساواه بين الجنسين كابتن الدول بتبدا تستفيد من افكار بعض ايوه زي ايه يعني ايوه يعني استفيد من افكارهم العلميه استفيد من القوانين اللي عندهم استفيد من افكارهم السياسيه استفيد من افكارهم حول الاصلاح استفيد من افكارهم عن حقوق الانسان والمساواه بين الجنسين حضرتك حقوق الانسان دي احنا جايبينها من الغرب ايوه احنا عندنا هنا ما كانش في حاجه اسمها حقوق الانسان فاحنا ابتدينا نستفيد من افكارهم عن حقوق الانسان كمان افكارهم عن المساواه بين الجنسين يبقىاني كده العولمه دي مهمه ولا مش مهمه مهمه اول حاجه بتحول العالم لقريه كونيه صغيره ثاني حاجه الاستفاده من خبرات الشعوب الاخرى كمان بتحل الشعوب الاستفاده من افكار بعض زي الافكار بتاعه الاصلاح وحقوق الانسان والمساواه بين الجنسين ايه كمان رابع حاجه بيقول لي العولمه بتتيح التفاعل مع الظروف العالميه العولمه بتخليك تتفاعل مع اي ظرف يحصل في العالم يعني حصل انفجار في الصين حضرتك بتعرف هنا حصل زلزال في اليابان حضرتك بتعرف اذا العولمه بتخلي فيه تفاعل مع الظروف العالميه ايه كمان كمان من مزايا العولمه الانفتاح على العالم بدلا من التخلف فبص بيقول لك ايه من مزايا العولمه الانفتاع على العالم ولذلك فان هذه الشعوب اذا انغلقت على نفسها يعني لو في شعب او دوله قفلت على نفسها الدوله دي هتبقى متخلفه اهو قال لك فسوف تجد نفسها متخلفه عن ركب التقدم العولمه بتخليك منفتح عن العالم لانك لو قفلت على نفسك انت هتبقى متخلف لو قفلت على نفسك انت كده مش هتتقدم اذا العولمه مهمه العولمه ليها مميزات ايه كمان بيقول لك بعد كده ولكن على الشعوب ان تاخذ وتعطي في علاقات بناءه وده دون التفريط في الهويه وثقافه المجتمع يعني العولمه بتخلي فيه تفاعل بين الشعوب بتخلي فيه علاقات بناءه بين الشعوب ولكن خلي بالك على قد ان العولمه ليها مميزات وليها ايجابيات ومفيده ولكن لازم انت تاخد خد بالك دون التفريط في الهويه وثقافه المجتمع يعني حضرتك دلوقتي عايز تنفتح يا باشا انفتح ما قلناش حاجه انفتح براحتك واستفيد من الشعوب براحتك ولكن حاول ما تفرطش في هويتك ما تفرطش في ثقافه المجتمع ما تفرطش في دينك ما تفرطش في عاداتك وتقاليدك ما تفرطش في لغتك لان لغتك دي هي هويتك يبقى انت عايز تستفيد من العولمه وعايز تنفتح على الشعوب يا باشا استفيد وانفتح ولكن ما تفرطش فيه هويتك ما تفردش فيه ثقافتك ولا عاداتك وتقاليدك ولا دينك وعشان كده بص الراجل بيقول لك ايه استفيد من العولمه عادي ولكن دون التفريض في الهويه وثقافه المجتمع كمان لازم يبقى عندك وعي بالاثار المختلفه للعولمه يعني لازم يبقى عندك وعي بسلبيات العولمه طيب ايه هي سلبيات العولمه اللي بيكون عندي وعي بيها اهو يا عم تعال نتكلم عن سلبيات العولمه زي ما انت شايف كده عندنا اثنين من سلبيات العولمه اول حاجه التباين في مستوى التنميه والثانيه انتشار النزعه الاستهلاكيه وطبعا احنا هندرس واحده واحده فيهم بالتفصيل فتعال نشوف اول واحده التباين في مستوى التنميه وفي الاول كده احنا عايزين نفهم العنوان يعني ايه التباين في مستوى التنميه حبيبي التباين دي معناها الاختلاف مستوى يعني درجه والتنميه يعني التقدم قدم فتبقى التباين في مستوى التنميه يعني الاختلاف في درجه التقدم ودي هي اول سلبيه للعولمه فاحنا دلوقتي عايزين نعرف يعني ايه التباين في مستوى التنميه كابتن الراجل بيقول لي ان العالم منقسم الى دول نوعين من الدول في دول الشمال وفي دول الجنوب في دول في الشمال وفي دول في الجنوب وطبعا زي ما احنا عارفين دول الشمال اللي هي امريكا واوروبا طب ودول الجنوب دي دول افريقيا كمان بيقول لك ان دول الشمال ده دي الدول اللي عندها التقدم دي الدول اللي عندها التكنولوجيا الدول دي عندها المال المال اللي هو الاقتصاد فده بالنسبه لدول الشمال طب دول الجنوب عكسها دول الجنوب دي دول عندها التخلف عندهم الجهل عندهم الفقر يبقى العالم مقسوم لاثنين في دول الشمال ودول الجنوب دول الشمال دي اللي معاها التقدم والتكنولوجيا والمال طب دول الجنوب دي اللي فيها التخلف والجهل والفقر من الاخر الناس اللي فوق دي ناس هايصه ودي ناس لايصه دي ناس عايشه ودي ناس بايشه والله دول الشمال عماله تزداد في التقدم والتكنولوجيا والمال والاقتصاد في حين ان دول الجنوب بتفشل في اللحاق بهم دول الجنوب عماله تجري وراهم مش لاحقه توصل لهم يبقى حاجتين اللي مخليين دول الشمال يزدادوا في التقدم وهو امتلاكهم للتكنولوجيا والاقتصاد القوي اللي هو المال وهو ده على فكره اللي مخليهم متقدمين عننا حضرتك دول الشمال اقوى بكتير من دول الجنوب لذلك هتلاقي دول الجنوب عماله تنادي بضروره اقامه اهو تعال نكتبها دول الجنوب بتنادي بضروره اقامه نظام دولي جديد يقرب الدول الغنيه والدول الفقيره باشا الدول اللي في الجنوب عماله تنادي ادونا مساعدات ادونا معونه ادونا تكنولوجيا ادونا العلم والتقدم اللي عندكم ودي هي اول مشكله جابتها العولمه التباين في مستوى التنميه فتعال نقرا الكلام ده نشوفه مكتوب ازاي بص كده بيقول لك ايه في الوقت الذي تعمل فيه العولمه على توحيد العالم فانها تؤدي الى تعميق بعض صور التباين واحنا قلنا تباين يعني اختلاف العولمه خلت في اختلاف بين دول الشمال ودول الجنوب والكلام ده في مستوى التنميه الاجتماعيه قال لك حيث تزداد دول الشمال في الغنى وتتقدم بشكل مذهل دول الشمال عماله تتقدم وده لان عندها التكنولوجيا والمال والعلم قال لك في حين تفشل دول الجنوب باللحاق بدول الشمال وده ليه بقى قال لك ده بسبب حاجتين نظرا لانخفاض معدلات النمو الاقتصادي الاقتصاد في دول الجنوب واقع كمان تخلف التكنولوجيا دول الجنوب اللي هي زي دول افريقيا وجنوب افريقيا والصومال والارجنتين الدول دي كلها ما فيهاش تكنولوجيا حضرتك ولذلك ايه اللي بيحصل بقى؟ بص لذلك تنادي دول الجنوب بضروره اقامه نظام دولي جديد يقرب بين الدول الغنيه والدول الفقيره فدي كده كانت اول مشكله بتعملها العولمه وهي التباين في مستوى التنميه يعني الاختلاف في مستوى التقدم او الاختلاف في درجه التقدم ايه كماناني مشكله بتعملها العولمه وهي انتشار النزعه الاستهلاكيه وفي الاول كده خلينا نفهم العنوان نفسه انتشار انتشار معناها زياده طب والنزعه يعني الرغبه والاستهلاكيه اللي هو الشراء فانتشار النزعه الاستهلاكيه معناها زياده الرغبه في الشراء طب يا مستر يعني ايه انتشار النزعه الاستهلاكيه بص كده زمان كان الانسان بيشتري حاجاته الاساسيه بس اطور شويه بقى يشتري الكماليات طب دلوقتي لا دلوقتي الوضع اختلف دلوقتي في عصر العولمه الانسان ابتدى يشتري من اجل الشراء دلوقتي الاستهلاك اصبح هدف في حد ذاته دلوقتي الانسان بقى عايز يشتري وخلاص اديك مثال زمان كانت الواحده لما تيجي تتجوز كانت بتجيب الحاجات الاساسيه اللي هو ثلاجه غساله بوتاجاز وخلاص كانت تجيب كم حل على كم طبق عشان تاكل فيهم اه يعني كانت بتجيب الحاجات الاساسيه بس بعد كده بقينا نشتري الكماليات مايكروويف طقم الصيني ابو 100,000 طقم التفال ابو 20,000 اه دلوقتي بقينا نشتري الحاجات دي وفي الاخر الحاجات دي ما بنستخدمهاش فدي كماليات طب دلوقتي لا احنا دلوقتي عدينا الحاجات الاساسيه والكماليه وبقينا نشتري عشان احنا عايزين نشتري وخلاص فبقى الاستهلاك هدف في حد ذاتهاني الاستهلاك اصبح هدف في حد ذاته عشان كده بص بيقول لك ايه يصاحب نشر العولمه انتشار قيم الاستهلاك حيث تفرض العولمه على البشر صورا من الاستهلاك تتجاوز حاجاتهم الاساسيه والكماليه فيصبح الاستهلاك هدف في حد ذاته يبقى بص كده الانسان زمان كان بيشتري حاجاته الاساسيه بس شويه وابتدى يشتري الكماليات شويه كمان واصبح الاستهلاك هدف في حد ذاته دلوقتي تحس ان الانسان عايش عايش عشان يستهلك عايش عشان يشتري وفي ناس كتير كده على فكره يبقى معاه مثلا ايفون 14 برو ماكس السنه اللي وراها نزل ال 15 برو ماكس خلاص سيبك من ال 14 وراح اشترى ال 15 السنه اللي وراها نزل ال 16 خلاص ارمي ال 15 وراح اشترى ال 16 نزل ال 17 اروح اجيبه الله اه في ناس كده طب يا ابني هو كان ال 14 ولا ال 15 ولا ال 12 ولا ال 11 حتى اشتكى يا ابني هو مش بيقضي الغرض يقول لك لا لازم اشتري احدث حاجه لازم اجيب اخر موديل اه ده هنا الاستهلاك بقى هدف في حد ذاته وكانه عايش عشان يستهلك طب السؤال بقى مستر هو ليه الاستهلاك دلوقتي بقى هدف في حد ذاته الراجل قال لك السبب في كده ثلاث عوامل اول حاجه التقليد ان الناس بقت تقلد بعض احنا دلوقتي بقينا نستهلك عشان نقلد بعض وده تقليد اعمى اصل انا زميلي جايب ايفون 15 يبقى انا لازم اجيب ايفون 16 اه بقينا نقلد بعض ده تقليد اعمى بقينا نعلي على بعض هو ده التقليد ثاني حاجه التقدم في فنون الدعايه والاعلان تعالى شوف دلوقتي الدعايه والاعلانات عامله ازاي انت النهارده بسبب الاعلانات هتشتري يعني هتشتري حتى لو الحاجه انت مش عايزها فانت هتشتريها بسبب الدعايه والاعلان وهنشوف الكلام ده دلوقت كمان ثالث حاجه بتؤدي الى انتشار النزعه الاستهلاكيه هو الارتباط بين الاستهلاك والمكانه الاجتماعيه دي كده اسمها ايه؟ اسمها العوامل التي تؤدي لانتشار النزعه الاستهلاكيه فتعال نشوف اول عامل معانا وهو التقليد فبص بيقول لك ايه يندفع الافراد الى تقليد بعضهم البعض في الاستهلاك الناس دلوقتي بقت تقلد بعض زميلك جاب ايفون 14 يبقى انت تجيب ايفون 15 اه لازم تعلي عليه ده حضرتك اسمه تقليد وتقليد اعمى طب ايه هي بقى مشكله التقليد قال لك مشكله التقليد ان الفرد لما بيشبع حاجه بيلاقي نفسه قدام حاجه ثانيه وعشان كده بص بيقول لك ايه كلما اشبع الفرد رغبه استهلاكيه يجد نفسه امام رغبه اخرى كابتن انت في التقليد كل ما تشتري حاجه تلاقي نفسك عايز تشتري حاجه ثاني فالانسان كل ما يشبع رغبه استهلاكيه يلاقي نفسه قدام رغبه استهلاكيه اخرى حضرتك نازل دلوقتي تشتري تيشيرت فبعد ما جبت التيشيرت لقيت نفسي لسه معايا فلوس اجيب بنطلون بقى بعد البنطلون كوتشي بقى عشان الطقم يكمل جبت الكوتشي ساعه بقى عشان الشياكه تكمل فتلاقي نفسك في الاخر اتنفضت في كل الفلوس اللي معاك مع انك كنت نازل تشتري تيشيرت بس وعشان كده بنقول ان الانسان كلما اشبع رغبه استهلاكيه بيجد نفسه امام رغبه اخرى فده اول سبب بيخلي فيه استهلاك وهو التقليد طيب ثاني سبب بيزود الاستهلاك هو التقدم في فنون الدعايه والاعلان واسلوب عرض السلع الاعلانات يا كابتن وما ادراك ما الاعلانات الاعلانات ليها دور كبير جدا في زياده البيع والاستهلاك وهنا تحس ان الاعلان معمول لك كده عشان يجي على الجرح ويخليك تروح تشتري على طول يخلي لك الاعلان يلعب على مشاعرك فدلوقتي الاعلانات بقت مغريه وعشان كده بص بيقول لك ايه ان هذه الفنون اللي هي فنون الدعاوه الاعلان هذه الفنون بتستخدم كل صور الاغراء لجذب الافراد الى عالم الاستهلاك النهارده بالاعلانات بيغروك عشان يخلوك تستهلك وتشتري كتير حلو ايه كمان اخر حاجه بتزود الاستهلاك هي الارتباط بين الاستهلاك والمكانه الاجتماعيه الراجل بيقول لك حيث يميل الناس الى اطفاء مستر يعني ايه اطفاء يعني اعطاء يميل الناس الى اطفاء او اعطاء مكانه اعلى لمين؟ قال لك لمن يستهلك اكتر وهنا يتحول اول الاستهلاك الى رمز للمكانه باشا الناس دلوقتي شايفه ان الشخص اللي بيستهلك اكتر وبيصرف اكتر ده ابن ناس ويد له مكانه اجتماعيه اعلى فاحنا دلوقتي بندي المكانه على حسب الاستهلاك اللي بيستهلك اكتر اه ده ده محترم وابن ناس مع انه ممكن ما يكونش كده طب واللي بيشتري قليل اللي بيشتري على قد احتياجاته لا ده شمام كحيان فاحنا بنميل الى اعطاء مكانه اعلى لمن يستهلك اكتر للي بيشتري اكتر حلو ده كده كان بالنسبه لسلبيات العولمه تعالى بعد كده نتكلم عن اخر حاجه معانا النهارده وهي اليات العولمه مستر يعني ايه اليات اليات يعني وسائل او ادوات اكتب كده عند اليات العولمه يعني وسائل العولمه او ادوات العولمه عايزين نعرف دلوقتي ايه هي اليات العولمه يعني وسائل العولمه او ادوات العولمه وخليني اقول لك ان اليات العولمه دول كتير جدا ولكن احنا السنه دي هناخد ثلاث اليات بس اللي هم الانترنت والفضائيات والهاتف المحمول وهنمسك واحده واحده من الثلاثه دول ونتكلم عنها بالتفصيل طب مستر معلش يعني اشمعنى الثلاثه دول اللي هنركز عليهم لان الثلاثه دول يا رجاله هما الاكثر اغراء وجذبا ليه؟ قال لك لانهم بيعتمدوا على ثقافه الصوره اشمعنى الثلاثه دول؟ لان دول يا كابتن هم الاكثر اغراء ايوه ليه برده هم اكثر جذبا واغرا قال لك لانهم بيعتمدوا على ثقافه الصوره بيعتمدوا على الصور والفيديوهات يعني مثلا الانترنت مليان صور وفيديوهات الفضائيات مليانه صور وفيديوهات الهاتف المحمول مليان صور فانت بتحب الحاجات اللي فيها صور اكت من الحاجات اللي فيها صوت بس يعني عارف انا لو مسجل لك الفيديو ده في ريكورد ورافعه لك على اليوتيوب هل انت هتسمعه والله ما هتسمعه ليه لان ما فيش صوره انما لما ينزل لك فيديو في صوت وصوره هنا حضرتك انت هتقعد تسمعه ليه؟ لان انت بتحب الحاجات اللي فيها صوره. طب السؤال بقى هي ليه الصوره مهمه قوي؟ قال لي لان الصوره دي بتكون اشد تعبيرا واكثر رسوخا واكثر التصاقا بالعقل. الصوره دي بتلزق في العقل في حاجه فيها صور وفيديوهات بتدخل على طول تلزق في عقلك. حتى احنا ساعات دايما نقولها في جمله مشهوره قوي. الجمله بتقول ان الصوره ب000 كلمه. ايوه يا كابتن الصوره ب000 كلمه فعلا. الصوره ممكن تقول 1000 كلمه وكلمه فالصوره افضل من الكلام الصوره معبره اكتر طب ايه كمان؟ كمان بيقول لك ان الصوره دي هي لغه عالميه تفهمها جميع الشعوب وهي قادره على تحطيم الحاجز اللغوي مستر يعني ايه الكلام ده؟ اديك مثال كابتين انت ممكن تقعد تتفرج على فيلم اجنبي والفيلم ده ما يكونش مترجم وما يكونش فيه ولا كلمه عربي وتلاقي نفسك قاعد بتتفرج على الفيلم وتلاقيه ك بتفهم الفيلم وكمان قاعد تحكيه على الرغم ان الفيلم ده ما فيهوش ولا كلمه عربي بس انت قعدت تتفرج عليه وفهمته وحكيته ده ليه بقى؟ ده لان الفيلم بيعتمد على ثقافه الصوره الصوره معبره وخلي بالك ثقافه الصوره دي ده دي ثقافه او لغه عالميه تفهمها جميع الشعوب كمان هي قادره على تحطيم الحاجز اللغوي قال لك بعد كده ولذلك تذوب الهويات وتزول الخصوص خصوصيات الثقافيه الوطنيه والقوميه للشعوب حلو طب يا رجاله انا بسالكم هي اليات العولمه اللي هي الانترنت والفضائيات والهاتف المحمول هل دول ليهم ايجابيات ولا سلبيات لا هم ليهم الاثنين ليهم ايجابيات وليهم سلبيات فبص كده بيقول لك ايه ان التقنيات المختلفه التقنيات دي جاءت على الرغم ان هي جاءت لخدمه البشريه ولتكون وسيله للتطور والرقي والمحافظه على الهويه الثقافيه والوطنيه والقوميه قال لك ولكن في بعض الاحيان تم استغلال تلك التقنيات لاغراض اخرى تضر البشريه ونظامها الثقافي والقيمي وده في سبيل تحقيق اكبر قدر من الارباح يعني ايه الكلام ده يعني الراجل هنا عايز يقول لك ان التقنيات دي سلاح ذو حدين ليها ايجابيات وليها سلبيات حلو قوي يا مستر ايه كمان تعالى بقى نمسك واحده واحده من التقنيات دي ونتكلم عليها اول حاجه الانترنت الراجل بيقول لي ان كلمه انترنت طبعا ده كلنا عارفينه فبيقول لك ان الانترنت ده هو اختصار لكلمتين كلمه انترنت اختصار لكلمتين انترناشونال وتعني العالميه ونتورك تعني الشبكه وبدمج الكلمتين يطلع لك انترنت اي الشبكه العالميه ويطلق عليها النت وبعد كده بيقول لك ان الانترنت ده ليه خدمات كثيره زي الشبكه العنكبوتيه اللي هو جوجل والفيسبوك بوكو البريد الالكتروني وتقنيات التخاطب اللي هو الانستغرام اللي هو الانستغرام والفيديو كول والماسنجر والواتس كل ده اسمه تقنيات التخاطب كمان بيقول لك في بروتوكولات نقل الملفات طب بما ان النت حلو قوي كده ويه استخدامات كتير ده ادى الى ايه والله يا رجاله ده خلى النت له تاثير اجتماعي كبير فبص بيقوللك ايه ونظرا للاستخدامات الكثيره والمتنوعه لشبكه الانترنت اصبحت ظاهره ذات تاثير اجتماعي وثقافي في جميع بقاع الارض باشا هات لي النهارده بيت ما فيهوش نت ان ما كانش فيه راوتر وشبكه نت لازم يبقى فيه نت معاك في الموبايل اذا النت بقى موجود في جميع بقاع الارض ما فيش بيت النهارده ما فيهوش نت وطبعا النت ده بص بيقول لك ايه ده ده ادى الى تغيير المفاهيم التقليديه سواء لمجال العمل او التعليم او التجاره او الاعلام وبروز شكل اخر لمجتمع المعلومات يعني ايه الكلام ده حبيبي النت ده غير المفاهيم التقليديه لمجال العمل ايوه زمان ما كانش في حاجه اسمها انا بشتغل اون لاين طب دلوقتي لا دلوقتي في شغل اون لاين وفي فريلانسر وفي مبرمجين وفي مصممين والناس اللي بتشتغل في الجرافيك ديزاين والناس اللي بيشتغلوا في المونتاج اهو كل دول بيشتغلوا اون لاين اذا مجالات العمل اتغيرت كمان التعليم اتغير باشا دلوقتي بسبب النت في تعليم اون لاين ومنصات ويوتيوب زمان ما كانش في الكلام ده كمان يا كابتن دلوقتي بسبب النت التجاره اتغيرت دلوقتي بقى في تجاره اون لاين حضرتك دلوقتي مش شرط تفتح محل وتجيب بضاعه فيه وتدفع ايجار وتدفع ميه ونور وايجار وكهرباء لا هنا انت ممكن تجيب شويه بضاع عندك وتسيبهم في البيت وتقعد تبيعهم على امازون او جوميا صح ولا ايه دلوقتي بسبب النت التجاره اتغيرت كمان الاعلام اتغير كل حاجه دلوقتي اتغيرت بسبب النت فالنت قدر يغير التعليم والعمل والتجاره والاعلام وغير كل حاجه في العالم وده طبعا كان التاثير الاجتماعي والثقافي اللي عمله النت طب السؤال بقى مستر هو ليه النت انتشر بسرعه قوي كده ده ما فيش بيت في العالم كله غير لما يكون فيه نتو دلوقتي عايزين نتكلم عن اسباب سرعه انتشار الانترنت ايه هي اسباب سرعه انتشار الانترنت انترنت قال لك او اربع اسباب اول حاجه الاندماج والشمول ثاني حاجه الانتشار ثالث حاجه التفاعليه واخر حاجه سهوله الاتصال والنقل والتخزين اول حاجه الاندماج والشمول باشا دلوقتي النت بقى فيه كل حاجه النت دلوقتي موجود فيه كل حاجه حرفيا فبص كده بيقول لك ايه الاندماج والشمول بين خصائص الوسائل الاعلاميه الاخرى من كتب واذاعه وتلفاز وصحف ومجلات وفيديو يعني ايه الكلام ده الاندماج والشمول معناه ان كل حاجه بقت موجوده في النت حضرتك عايز كتب موجوده في النت عايز اذاعه اللي هو الراديو الراديو دلوقتي بقى موجود على النت عايز تلفزيون بقى موجود على النت عايز صحف ومجلات وفيديوهات كله بقى موجود على النت النت دلوقتي بقى فيه كل حاجه ايه كماناني حاجه الانتشار الانتشار دلوقتي النت بقى منتشر في كل بيوت مصر ايه ده دلوقتي النت بقى موجود في كل بيت في العالم اهو بص بيقول لك ايه حيث وصل الى كل بيت في العالم حتى اكتر الدول انغلاقا النت النهارده موجود في كل بيت في العالم فالنتشر كمان التفاعليه فبص بيقول لك ايه احدثت شبكه الانترنت نوعا من التفاعل بين المشاهد ومصدر المعلومات التفاعليه ان النت عمل نوع من التفاعل بين المشاهد ومصدر المعلومات عارف يعني ايه تفاعل اللي هي البسوس المباشره اللي بتبقى موجوده على النت سواء البث ده كان موجود على يوتيوب او موجود على الفيس او موجود على التيك توك اي بس فده بيخلق نوع من التفاعل بين المشاهد وصانع المحتوى اللي هو مصدر المعلومات ايه كمان اخر حاجه بيقول لي النت انتشر بسبب سهوله الاتصال والنقل والتخزين حيث يعد من اسرع وارخص وسائل الاتصال في العالم اه يا رجاله النت يعتبر ببلاش النت رخيص جدا انت دلوقتي لو عايز تجيب اي درس من على النت او اي معلومه حضرتك بتعمل ايه؟ بتشحن كارت فكه وبتجيب اللي انت عايزه. اذا النت من ارخص وسائل الاتصال في العالم. فده كده كان بالنسبه لاول اليه معانا وهو الانترنت. ايه كمان ثاني اليه معانا وهي الفضائيات والفضائيات دي مقصود بيه الريسيفر واطباق الدش والتلفزيون ودي اللي بتجيب لك القنوات او الفضائيات. فبص بيقول لك ايه؟ ان دخول البث الفضائي معظم البيوت ان لم يكن كلها ايوه مافيش بيت النهارده ما فيهوش تلفزيون وريسيفر وقنوات فكل البيوت فيها تلفزيونات فبيقول لك اهو ان دخول البث الفضائي معظم البيوت اللي هو الدش والتلفزيون ان لم يكن كلها ده ده اسهم في احداث تغيير ملموس للمجتمع في بنائه ووظائفه ومعتقداته وقيمه وافكاره اه يا باشا التلفزيون لما دخل ده غير حياه الشعوب غير حياه المجتمعات يبقى الفضائيات اللي هو التلفزيون والدش ده ده غير كل حاجه في المجتمع غير كل حاجه في المجتمع طب يا ترى التغيير اللي عملته الفضائيات هل هو تغيير ايجابي ولا تغيير سلبي والله الاثنين الفضائيات عملت تغيير سلبي وتغيير ايجابي اكتب كده عند الفضائيات انها سلاح ذو حدين اهو الفضائيات ده دي سلاح ذو حدين الفضائيات دي سلاح ذو حدين حدين ممكن تفيدك وممكن تضرك التلفزيون هيفيدك لو بتتفرج على حاجه مفيده طب لو بتتفرج على حاجه مضره يبقى كده هيضرك وانت مش سالك وفاهم نقصيه فبص كده بنقول ايه ان الفضائيات دي سلاح ذو حدين فمنه ما زاد من تطور وتقدم المجتمع والاخر قد زاد من اعاقه وهدم المجتمع وتمزيق وتخريب قيمه وثقافته طب ده بقى بيتوقف على ايه؟ والله ده متوقف عليك انت اللي في ايدك الرموز عايز تجيب حاجه مفيده هتجيب عايز تجيب حاجه مش مفيده هتجيب وعشان كده بيقول لك ان ده بيتوقف على الطريقه او الاليه مستر يعني ايه اليه يعني طريقه فده بيتوقف على الطريقه او الاليه التي يتم التعامل بها مع استقبال الخطاب الفضائي ايه كمان اخر حاجه معايا النهارده وهو ابنك الهاتف المحمول ابني اه ابنك شوف كده يا كابتن التليفون لما بيغيب عنك ساعتين بتبقى عامل ازاي المهم بيقول لك ان الهاتف المحمول يعد من الوسائل التي تدمج من اكث من وسيله اتصال حيث يحتوي على تخيل كده بيقول لك ان الهاتف المحمول ده فيه تلفاز وانترنت وفيسبوك وكاميرا وبلوتوث وذاكره اوعى ما شاء الله على المعلومات ما شاء الله على الاضافه قال لك وبذلك يكون بامكان اي شخص ان يتواصل مع اي شخص والله شكرا على المعلومه قال لك وفي اي مكان على سطح الارض يا سلام قال لك وكمان يقدر الشخص ينشر ثقافه معينه معينه من خلال ملفات الموسيقى والفيديو والافلام وغيرها متشكرين جدا على الاضافه والله ايه كمان هي دي بس الاخيره اللي فيها حاجه جديده فيها فكره جديده بص بيقول لك ايه وبذلك اصبحت هذا التقنيه وسيله مهمه لنشر ثقافه الرعب والعاطفه وتعزيز ثقافه الاستهلاك وغيرها مستار يعني ايه نشر ثقافه الرعب ثقافه الرعب دي يا رجاله اللي هي التهديد انت دلوقتي بالتليفون تقدر تهدد اي حد تقدر تهدد اي حد وترعب اي حد التليفون بالنسبه لك هنا هيبقى مصدر تهديد لو حد اخترك تليفونك وخد الملفات اللي عليه والخصوصيات اللي عليه وياخد صورك وخصوصياتك ويبدا يساومك عليها ويبتزك يقول لك يا تبعت لي فلوس يا هنشر الفضائح دي اه اذا دلوقتي التليفون بينشر ثقافه الرعب طب ايه ثقافه العاطفه العاطفه الناس الحبيبه كارت فكه يا كابتن وتقعد تكلم زعبوله طول الليل فاصبح التليفون وسيله مهمه لنشر ثقافه الرعب والعاطفه. حلو حلو بس كده يا سيدي وبكده تكون خلصت حصه النهارده وسلام.