النقل الخلوي شرح بالعربي

السلام عليكم ورحمه الله وبركاته قبل اي حاجه جهز مشروبك المفضل ولو عندك بخور ولعه عشان يعمل لنا اجواء من الريلاكسيشن وتعالوا نحكي حكايه كان يا مكان وفي سابق العصر والزمان لما العلماء اكتشفوا الخليه واكتشفوا انها الوحده البنائيه للكائن الحي يعني الكائن الحي عباره عن خلايا كتير جدا كان لازم يسالوا نفسهم شويه اسئله زي ازاي الخليه بتتنفس ازاي بتتغذى ازاي بدخل لها ميه وازاي بتخرج الفضلات بتاعتها ومن هنا اكتشفوا النقل الخلوي وقاموا بتقسيم النقل الخلوي الى نوعين رئيسيين النقل غير النشط والنقل النشط وقبل ما نتكلم عن النوعين دول في مصطلح لازم نفهمه الاول الحركه البراونيه والحركه البراونيه هي حركه عشوائيه مستمره لجزيئات المواد المائعه زي المواد السائله والمواد الغازيه فاكر البخور اللي ولعناه في اول الدرس انت حاطه بعيد عنك بمتر او مترين ومع ذلك قادر تشمه ليه علشان جزيئات الهواء المحيطه بيك دائما في حركه مستمره عشوائيه بتحرك جزيئات البخور تجيبها لغايه انفك عرفت بقى ايه اهميه الحركه البراونيه بسببها بتعرف الغاز المتسرب في في المطبخ وانت قاعد في الاوضه بسببها جزيئات الشاي بتفضل في حركه عشوائيه مع الميه فالشاي يفضل لونه بلاك او احمر تعالوا بقى ناخد اول نوع في النقل الخلوي وهو النقل الغير نشط نقل كسول لا يستخدم طاقه وعندي مصطلحات في النقل غير النشط لازم افهمها كويس جدا واهم مصطلح في الدرس كله كله الانتشار الانتشار هو حركه الجسي مات من المنطقه الاعلى تركيزا الى المنطقه الاقل تركيزا يعني ايه الكلام ده بتشوف الجمهور في المدرجات بيبقى قاعد فوق بعضه كده اول ما الحكم يصفر ويفتحوا البوابات بتاعه الساد عشان الناس تمشي يلاقي الناس بتطلع تجري في الشارع هو ده الانتشار بينتشر من المكان الاعلى تركيزا الى المكان الاقل تركيزا الشارع الهوا بيطلعوا يطلقوا في الهواء واي حاجه كده بتنتشر من المنطقه لاعلى تركيز الى المنطقه لاقل تركيز وبكده اي ماده بتنتقل من الاعلى تركيز الى الاقل تركيز بنقول عليها الانتشار الميه بقى مش عاجبها كلمه الانتشار دي فقالوا خلاص نقول على انتشار الميه الاسموزيه او التناطح ايه الاسموزيه دي يا حبيبي ما احنا لسه قايلين هو هو الانتشار بس انتشار جزيئات الماء من المنطقه الاعلى تركيز الى المنطقه الاقل تركيز تعال بقى اختبر فهمك في كا حاجه كده بس قبل ما اختبرك انت اكيد طبعا عارف ان الخليه جواها سيتوبلازم والسيتوبلازم ده معظمه ميه والميه دي داي فيها املاح دي حاجه معروفه واكيد عارف ان في خليه حيوانيه وفي خليه نباتيه واكيد برض عارف الفرق بينهم ولو مش عارف الفرق بينهم تواصل معايا هقول لك الفرق بينهم بمنتهى السهوله تعال بقى اختبر فهمك لو وضعنا خليه حيوانيه وخليه نباتيه في محلول عالي التركي هيحصل ايه مبدئيا لازم تعرف ان المحلول عباره عن مذيب ومذاب المذيب ده الماده الكبيره اللي هي الميه والمذاب ده الحاجه اللي دايبه في الميه زي الاملاح فمحل تركيزه عالي يعني تركيز الملح كتير وتركيز الميه قليل على عكس السيتوبلازم اللي موجود جوه الخلايه التركيز بتاعه طبيعي يعني نسبه الميه كبيره بكده نسبه الميه اللي جوه السيتوبلازم اكبر من نسبه الميه اللي في المحلول فالمايه هتتحرك من السيتوبلازم لخارج الخليه فهحس اضمحلال للخليه الحيوانيه اما الميه الموجوده في الخلايا النباتيه فهي موجوده داخل فجوه عصاريه او فجوه مركزيه فلما بتنتقل الميه من داخل الخلايا الى الخارج الفجوه حجمها بيقل خالص فبت شد معاها السيتوبلازم فبيتك جوه جدار الخليه فبيبقى السيتوبلازم يبتعد عن جدار الخليه طيب لو حطينا خليتين في محلول منخفض التركيز نفس الكلام منخفض التركيز يعني الميه اللي فيه اكت من الميه اللي جوه السيتوبلازم فالمايه تتحرك من بره لجوه من المحلول لداخل الخليه فالخل تفضل تشرب ميه تفضل تشرب فتنتفخ لغايه لو فضل تركيز محلول منخفض هتفضل تشرب لغايه لما تنفجر دي الخليه الحيوانيه اما الخلايا النباتيه فعندها جدار خليه جامد قوي بتفضل تشرب ميه الفجوه العصاريه او المركزيه فيها بتفضل تشرب ميه لغايه لما تلتصق بجدار الخليه فتلاقيها باينه كده وواضحه اخر حاجه بقى لو حطينا الخليتين في محلول متساوي التركيز يعني متساوي التركيز مع السيتوبلازم اللي جوه الخلايا طالما متساوي مش هيحصل حاجه الميه تدخل وتطلع بشكل طبيعي خالص فتفضل الخلايا محتفظه بشكلها وهنا بقى الماده تبقى في حاله اتزان ديناميكي يعني ايه اتزان ديناميكي يعني استمرار حركه داخل الخارج بس التركيز جوه او بره ثابت يعني جزيئات الماء بتدخل او تخرج ولكن تركيز الملح داخل او خارج ثابت فاضل اخر حاجه معانا في النقل غير النشط وهو الانتشار ميسر ميسر بسيط وده الفرق بينه وبين الانتشار العادي ان الانتشار العادي الماده بتدخل وتخرج لوحدها زي الاكسجين وثاني اكسيد الكربون بيدخلوا ويخرجوا لوحدهم من المنطقه الاعلى تركيز زي المنطقه الاقل تركيز اما في الانتشار الميسر فالما لا تنتقل لوحدها محتاجه حاجه تشيلها تنقلها والحاجه دي هي البروتينات عندي نوعين من البروتينات بروتينات حامله وبروتينات قنويه البروتين القنوي ده قنايه موجوده في الغشاء الخلوي بتدخل الخلايا عامل زي البوابه كده البروتينات الحامله دي بقى عامله زي مشبك الغسيل كده مفتوح من ناحيه ومقفول من ناحيه التانيه تيجي الماده اللي عايزه تدخل تفضل تتجمع تتجمع في الناحيه المفتوحه دي فلما يكون تركيزها بره اكبر من تركيزها جوه السيتوبلازم فيروح المشبك ده روح فاتح كده قافل من فوق وفاتح من تحت ينزل الماده جوه سيتوبلازم الخليه وطبعا العمليه دي بتتم بدون طاقه بدون جزيئات الاي تي بي تمام نيجي بقى على النوع التاني وهو النقل النشط النقل النشط ده عكس الانتشار يعني ايه يعني بدل ما الماده تتحرك من المنطقه الاعلى تركيز الى المنطقه الاقل تركيز وبالمناسبه بيسموه منحدر التركيز منحدر التركيز هو تحرك الماده من المنطقه الاعلى تركيز الى المنطقه الاقل تركيز في النقل النشط بيحدث العكس يعني بيتحرك الماده من المنطقه الاقل تركيز الى المنطقه الاعلى تركيز ولازم لها طاقه لازم للماده ديت طاقه علشان بتمشي عكس منحدر التركيز زي ايه كده زي مضخه الصوديوم بوتاسيوم المضخه دي عباره عن بروتين بس بيشتغل بجزيئات الاي تي بي بروتين كده في ثلاث اماكن للصوديوم ومكين للبوتاسيوم بياخد الصوديوم اللي جوه الخليه يخرجه بره على الرغم ان الصوديوم بره اكتر وجو هو قليل بس برده بيتحرك من القليل للكثير بسبب جزيئات الاي تي بي عايزين نطلع الصوديوم بره ونروح ماسكين اثنين بوتاسيوم من بره ندخلهم جوه الخليه طيب بشكل مفصل العمليه دي بتتم ازاي بيجي ثلاث ايونات من الصوديوم من داخل الخليه يروح ماسك في المضخه وروح جاي جزيء اي تي بي طاقه يمسك في المضخه فتروح المضخه قافله من جوه وفاتحه لبره يروح مطرده الصوديوم وتروح ماسكه ايونين بوتاسيوم مجموعه الفوسفات اللي في الاي تي بي بتتشال فال المضخه تقفل تاني لجوه فالبوتاسيوم يدخل جوه الخليه وهكذا تمسك صوديوم تمسك اي تي بي يروح فاتحها لفوق مطلع الصوديوم ماسك اثنين بوتاسيوم روح مدخلهم جوه لما يتشال مجموعه الفوسفات اللي في الاي تي بي للي مش فاهم برض بص يا سيدي الاي تي بيي ده اسمه ادينوزين ثلاثي الفوسفات يعني ادينوزين وثلاث ذرات فوسفات او ثلاث مجموعات فوسفات عشان نتكلم بشكل صحيح ثلاث مجموعات فوسفات بتيجي لما الصوديوم يمسك لاث ايونات الصوديوم بيمسكوا في المضخه وتيجي الاي تي بي ده تمسك برض في المضخه فبتحب لاي دي بي زائد مجموعه فوسفات الاي دي بي ده اللي هو ادينوزين ثنائي الفوسفات ومجموعه فوسفات تمام فتحت البتاع اللي فوق طلعت الصوديوم مسكت اثنين بوتاسيوم تروح مجموعه الفوسفات اللي باقيه ديت تروح متشاله من المضخه فتروح فاتحه لتحت فتروح دخله البوتاسيوم جوه الخليه وهكذا شوف بقى في الحته دي بيحصل ترابط بين النقل النشط والنقل غير النشط ازاي دلوقتي الصوديوم طلع كتير جدا بره الخليه فتركيز بره اكت من تركيزه جوه فبيروت في جزيئات الجلوكوز ويروح داخل من البروتين القنوي احنا قلنا ببروتين القنوي ده فين في الانتشار الميسر في النقل غير النشط اللي هو ما بيستخدم طاقه فشفت بقى الترابط بين النقل النشط والنقل غير النشط يجي بقى هنا يسالك سؤال مهم جدا جدا جدا في الامتحان وهو انتقال ايونات الصوديوم والبوتاسيوم يعتبر نقل نشط ولا غير نشط طبعا يعتبر نقل نشط لانه بيستخدم طاقه طيب انتقال ايونات الصوديوم مع مع جزيئات الجلوكوز يعتبر نقل نشط ولا غير نشط لا يعتبر نقل غير نشط لانه لا يستخدم طاقه بيمشي مع منحدر التركيز في البروتين القنوي اللي هو في النقل الغير نشط طيب لو الجزيئات اللي داخله او خارجه من الخليه كبيره في الحجم هل هينفع معاها النقل النشط وغير نشط لا مش هينفع معاها هيمشي معاها البلعمه او الاخراج الخلوي بيتم ازاي عمليتين دول في عمليه الدخول تيجي الماده الكبيره اللي عايزه تدخل الخليه تضغط على الغشاء البلازمي او الغشاء الخلوي بتاع الخليه فيدخل لجوه فيحو الماده الكبيره ديت ويفصل عن الغشاء البلازمي الاصلي بتاع الخليه ويصبح جوه الخليه يتحلل جوه في السيتوبلازم وتطلع الماده تتحرر تستخدمها الخليه وبيسمع العمليه ديت بلعمه كان الخليه بتبلع الماده الكبيره اللي عايزه تدخل لها دي ونفس الفكره في الخروج الماده عايزه تخرج بيروح متحوط عليها بغشاء كده يروح الغشاء ده الحويصله ده تروح تلتصق بالغشاء البلازمي الاصلي بتاع الخليه فتفتح فتحه في الغشاء تطلع الماده ويلتحم الغشاء ده مع الغشاء الاصلي بتاع الخليه وكان ما فيش حاجه حصلت وبكده نكون وصلنا لنهايه الحلقه انا ما رضيتش احط اسئله علشان الحلقه ما تبقاش كبيره قوي وتبقى ممله هبقى اعمل له مراجعه ان شاء الله نتقابل تاني ان شاء الله على خير السلام عليكم ورحمه الله وبركاته