أسهل طريقة لتعليم الحروف العربية بدون ملل تأسيس بالتفصيل الحلقة 2

اهلا وسهلا انا مس ريم وده تاسيس بالتفصيل وفي حلقه النهارده هنتكلم عن اول درس من دروس تاسيس اللغه العربيه وهو الحروف بس قبل ما نبدا لازم نسال نفسنا سؤال مهم جدا هل الطفل مستعد للتاسيس علشان نعرف اذا الطفل مستعد او لا في مجموعه من الاختبارات لازم نعملها قبل ما نبدا تاسيس والاختبار الاول هو اختبار التعبير اللفظي وده عباره عن مجموعه من الاسئله بسالها للطفل اتاكد ان هو قادر يفهمها ويجاوب عليها بعد كده اختبار الحصيله اللغويه وده بيقيس مدى معرفه الطفل باسماء الحاجات اللي موجوده حواليه وبعدين اختبار التركيز والانتباه وفي الاختبار ده الطفل بيوصل الاشكال المتشابهه او بيوصل الشكل باللون بتاعه بعد كده اختبار العد والمفروض الطفل يقدر يعد من واحد لحد 10 واخيرا اختبار الكتابه وده عباره عن المشي على النقط توصيل النقط تقليد الخطوط من غير ما يحتاج اي نقط كل الاختبارات دي موجوده في الديسكربشن تحت نقدر ان احنا نطبعها او نخلي الطفل يحلها على التابلت لو قدر يحلها كلها يبقى هو جاهز للتاسيس لكن لو ما قدرش يحلها كلها يبقى هو محتاج يتعلم مهارات ما قبل الكتابه وفي فيديو بيشرح المهارات دي بالتفصيل وازاي نعلمها للطفل كده احنا مستعدين اننا نبدا حصه العربي واول حاجه هنتكلم عنها هي الادوات اللي هنحتاجها اول حاجه هنحتاجها هي طبعا كراسه العربي كراسه التسع سطور ولازم في كل حصه ناكد على ان دي كراسه العربي وانها مختلفه عن كراسه الانجلش والماث او الحساب بعد كده طبعا هنحتاج القلم والاستيكه ولازم لازم نتاكد ان القلم خطه واضح. اهم اداه هنحتاجها هي مسطره فين او مسطره الاشكال اللي فيها الدواير والمثلثات. دي من اهم الادوات اللي هنحتاجها في التاسيس. بعد كده الاقلام بتاعتنا هنحتاج قلم احمر واخضر وازرق واسود نقدر نضيف الوان ثانيه مختلفه بس دول الاربع الوان الاساسيين. بعد كده هنحتاج الجوائز اللي نقدر نديها للطفل كل مره يكتب فيها حرف صح. ممكن نستخدم الختم او الاستامب او الستيكرز بعد كده الكروت التعليميه وفي نوعين من الكروت التعليميه في الكروت الديجيتال اللي هي بتكون على التابلت او على الموبايل وفي الكروت اللي نقدر نشتريها من المكتبه وفايده الكروت التعليميه هي ان احنا نقدر نلعب بيها مع الطفل بكذا طريقه مختلفه مالهاش طريقه واحده معينه طيب احنا معانا الادوات هنذاكر ايه المنهج المفروض الطفل يعرف ايه عن الحروف المفروض يعرف ثلاث حاجات اول حاجه هي اسم الحرف ثاني حاجه شكل الحرف واخيرا طريقه كتابه الحرف دلوقتي هنعرف الحصه تكون عامله ازاي عشان نقدر نعلم الطفل الحاجات دي تعالوا مثلا ناخد مثال الحصه الاولى من حصه التاسيس وهي حصه حرف الالف عشان اعلم الطفل عن الحروف انا اول حاجه هقول له ان دول اصحابنا الصغننين اللي احنا هنتعلم عنهم في كراسه العربي واول صاحب من اصحابنا الصغننين اللي هنتعلم عنهم هو حرف الالف اسمه ايه؟ اسمه الف وهبدا احكي قصه حرف الالف طبعا كل حرف له قصه مختلفه عن الثاني وفي قصص كتير جدا مختلفه على يوتيوب انا بقترح ان احنا ندخل ونشوف القصص دي ونتفرج عليها ونختار قصه نشوف ان هي تعلم الطفل قيمه كويسه او ان هو هيحب ان هو يسمعها او هتكون شيقه وممتعه بالنسبه له زي مثلا قصه حرف الالف في يوم من الايام حرف الالف كان عايز ينزل يلعب بالكوره مع اصحابه في الجنينه فراح واستاذن من ماما وقال لها يا ماما ممكن لو سمحتي انزل العب بالكوره مع اصحابي في الجنينه فقالت له ماشي ولكن بشرط انك ترجع قبل معاد الغداء فقال لها حاضر يا ماما واخد الكوره بتاعته ونزل بسرعه بسرعه عشان يلعب مع اصحابه واول لما فتح الباب لقى الشمس نورها قوي جدا جدا ودخلت في عينيه وقعد يقول اه يا عيني الشمس دخلت في عيني فرجع بسرعه بسرعه البيت عند ماما وقال لها يا ماما الحقيني الشمس دخلت في عيني هلعب ازاي فماما قالت له عارف نعمل ايه لما الشمس تدخل في عينينا ايه الحاجه اللي ممكن تحمينا من الشمس انا بقى بسال الطفل السؤال ده وبنبدا نفكر مع بعض واحنا نازلين في الشمس نعمل ايه فمثلا ممكن نلبس الطاقيه ممكن ناخد شمسيه ممكن نلبس نظاره الشمس وده بالضبط اللي مامه الف قالته لالف بقى كان عنده طاقيه بيحب يلبسها جدا جدا وكان مسميها همزه اسمها ايه همزه فهو راح بسرعه الاوضه وجاب الطاقيه بتاعته اللي اسمها ايه همزه والبسها واخد الكوره وقال لماما مع السلامه يا ماما ونزل عشان يلعب مع اصحابه. اول لما فتح الباب الشمس ما دخلتش في عينه ولا اي حاجه علشان كان لابس ايه؟ الطاقيه اللي اسمها ايه؟ همزه. فراح واخد الكوره وقعد يلعب مع اصحابه وكان مبسوط وفرحان جدا. انا بحب وانا بحكي القصه ان انا ارسم الحاجات الموجوده فيها زي مثلا الكوره الشمس الحاجات دي. الهدف من القصه مش ان انا اربط الحرف بكلمه زي الف ارنب او الف اسد ولكن هو ان انا اربط اسم الحرف بشكله. يعني ان انا اعلم الطفل اسم الحرف ان هو اسمه حرف الف وان الطاقيه اللي فوق دي اسمها همزه واني اربط الاسم ده بشكل الحرف عن طريق القصه بعد كده بطلب من الطفل ان هو يلون الحاجات الموجوده في القصه وطول ما هو بيلون انا قاعده بساله انت بتلون ايه الهمزه بلون ايه ساعه احنا ممكن نزهق او نتعصب لما نلاقي الاطفال مثلا احنا قاعدين نعلمهم حاجه وهم مش عارفين يعملوها قاعدين نقول لهم مثلا يكتبوا الهمزه ازاي وكل مره بيكتبوها غلط. من الحاجات اللي تساعدنا ان احنا نهدى ونقدر ان احنا نساعدهم هو ان احنا نجرب نكون مكانهم وده عن طريق ان احنا نلون بايدينا الشمال لو انت بتكتبي بايدك اليمين جربي انك تلوني او تكتبي بايدك الشمال ساعتها تقدري تحسي بقد ايه الموضوع بيكون صعب في الاول وهيخليكي اكث فاهمه ايه الحاجات اللي ممكن تكون صعبه على الطفل وهو بيكتب نفس الحاجه في القراءه لو حسيتي ان انت بتتعصبي ان الطفل مثلا مش عارف ا اسماء الحروف بسرعه او مش عارف يقرا بسرعه جربي انك تتعلمي لغه جديده دي من الحاجات اللي هتخليكي تفهمي ايه الحاجه اللي ممكن تبقى صعبه على الطفل بعد ما خلصنا تلوين قصه حرف الالف هنقول للطفل انت عارف مين اسمه بيبدا بحرف الالف هيقول لي مين هقول له ارنب تعالى اما اوريك اسمه بيتكتب ازاي هكتب كلمه ارنب وهطلب من الطفل ان هو يدور على حرف الالف في كلمه ارنب انا مش هربط الكلمه بالحرف ولا اي حاجه هو بس كنوع من التمهيد لان بعد كده الحروف دي هتكون موجوده في كلمات كنوع من ان الطفل يشوف كلمات يشوف الحروف الحروف المختلفه واول لما يلاقي الحرف ويعمل عليه الدايره يقدر يلون الارنب اوكي يبقى احنا كده عرفنا قصه حرف الالف جه وقت رحله البحث عن حرف الالف حرف الالف ده شقي وبيحب يستخبى يلعب استغمايه فاحنا هندور عليه هكتب له مجموعه من الحروف وهحاول ان انا اختار حروف شبه حرف الالف يعني حروف فيها همزه زي حرف الكاف اا حروف فيها اا خط من فوق لتحت زي مثلا حرف اللام وهطلب من الطفل ان هو يدور على حرف في الالف اول لما يلاقيه يعمل عليه دايره بسرعه ويقول اسمه فيعمل دايره ويقول الف يعمل دايره ويقول الف بعد التدريبات دي هكون متاكده ان الطفل عارف اسم الحرف وشكل الحرف نيجي لاخر حاجه المفروض الطفل يتعلمها عن الحرف وهي طريقه كتابه اول حاجه هعملها عشان اعلم الطفل طريقه كتابه الحرف هي اني هملى الصفحه كلها دوريات واختار دايره تكون بتاعتي انا هكتب فيها ودايره ثانيه للطفل هو يكتب فيها وهبدا ان انا اكتب حرف الالف خطوه بخطوه والخطوه الاولى هي ان ان انا اعمل خط من فوق لتحت وهطلب من الطفل ان هو برده يعمل خط من فوق لتحت وبعدين هبدا ان انا اكتب الهمزه هلف لفه وارجع لورا وهطلب من الطفل ان هو يعمل نفس الخطوه دي يلف لفه ويرجع لورا لو هو قدر ان هو يكتب الحرف من الاول قدر ان هو يقلدني بسهوله هخليه يكتبه كذا مره وبس يبقى هو كده اتعلم كتابه اا حرف الالف طيب لو هو مش عارف يكتب حرف الالف هعمل ايه هتبع ثلاث خطوات الخطوه الاولى هي انه يمشي على النقط هعمل له نقط بتمثل شكل حرف الالف ويبدا ان هو يمشي عليها طيب هو بيعرف يمشي على النقط لكن بينزل تحت السطر اعمل ايه كده نيجي للخطوه الثانيه هي توصيل النقط هعمل له نقطه فوق ونقطه على السطر واطلب منه ان هو يوصلهم ويفضل يوصل نقط يوصل نقط لحد ما يعرف يكتبها من غير ما يحتاج النقط خالص نيجي للهمزه هعمل نفس الثلاث خطوات اول حاجه هو يمشي على النقط هعمل له كذا مره نقط يمشي عليها لحد ما الموضوع يبقى سهل خالص بالنسبه له بعد كده هعمل له نقطتين يوصلهم ببعض يقف عند النقطه اللي فوق يلف لفه لحد النقطه اللي تحت وبعدين يرجع لورا كده يبقى هو كتب الهمزه وهفضل استخدم النقطتين دول لحد ما يقدر هو يكتب الهمزه لوحده من غير ما يحتاج اي نقط هفضل اكرر الخطوات دي اتباع النقط توصيل النقط الكتابه من غير نقط لحد ما الطفل يقدر يكتب حرف الالف من غير ما يحتاج ولا نقط واول لما يقدر يعمل كده ويكتب حرف الالف ثلاث مرات لوحده يبقى لازم ناخد جائزه ممكن الجائزه دي تكون عباره عن ستامب او ختم او ستيكر زي ما اتفقنا في الاول هخليه يختار الشكل اللي هو عايزه واحطه له في الكراسه في التدريب اللي عليه الدور هطلب من الطفل ان هو يوصل الهمزه لحد الالف وبعدين يكتب الالف هنقف عند الهمزه نوصلها بالالف وبعدين في الدايره هنكتب الالف وممكن نعمل دايره اكبر شويه عشان يكون اسهل على الطفل ان هو يكتب الحرف بعد كده جه وقت اخر تدريب من التدريبات بتاعه حرف الالف وهي ضع دائره حول حرف الالف ولكن في كلمات وهتعمد ان انا احط الحرف في نص الكلمه وفي اخر الكلمه كان هو من ان الطفل ياخد باله او يشوف انه الحرف ده ممكن يجي في اول الكلمه او في نصها او في اخرها ولكن مش هشرح له اي حاجه عن الموضوع ده ولا هو مطالب ان هو يعرفه دلوقتياني نراجع احنا هنعمل ايه هنحكي قصه حرف الالف والطفل هيلونها وبعدين هقول له ان ارنب عنده حرف الالف في اسمه يعمل عليه دايره ويلون الارنب بعد كده ضع دائره حول حرف الالف ما بين حروف تكون شبه حرف الالف وبعدين نكتب حرف الالف عن طريق الماشي على النقط توصيل النقط والكتابه من غير نقط كده احنا خلصنا الحصه وج وقت الواجب واول سؤال في اسئله الواجب هي ابحث عن حرف الالف ولكن بطريقه مختلفه عن الطريقه اللي احنا عملناها في الحصه يعني بدل ما الطفل يعمل دايره على حرف الالف احنا اللي هنعمل الدواريات وهنكتب فيها حروف مختلفه والطفل هيكون مطلوب منه ان هو يلون الدواريات اللي فيها حرف الالف بعد كده بقيه الواجب هيكون يكون عباره عن الثلاث خطوات اللي احنا تبعناهم علشان نكتب حرف الالف يعني السؤال الاول هيكون اتبع النقاط وفي هنعمل نقط على شكل حرف الالف والطفل هيمشي عليها السؤال الثاني هيكون وصل النقاط الطفل هيوصل نقطتين علشان يكتب حرف الالف ونقطتين ثانيين علشان يكتب الهمزه واخر سؤال طبعا هيكون هو كتابه حرف الالف من غير اي نقط ده بالنسبه للحصه الاولى وهي حصه حرف الالف طيب هل الحصه هتكون مختلفه لما نوصل مثلا لحرف زي حرف الفاء ده اللي احنا هنشوف نشوفه مع بعض في حصه حرف الفاء قبل ما ابدا اشرح حرف جديد انا لازم اتاكد ان الطفل عارف الحروف اللي قبله ومذاكرها كويس جدا جدا وده عن طريق ثلاث اسئله السؤال الاول هيكون ان الطفل يكتب من حرف الالف لحد حرف الغين هل انا المفروض اصلا اعلم الطفل حروف بالترتيب ولا لا مش شرطه خالص ان احنا نعلم الطفل الحروف بالترتيب ولكن انا بالنسبه لي شايفه انه الافضل ان هو يتعلمها بالترتيب ليه؟ لانه في حروف متشابهه بتكون ترتيبها ورا بعضها على طول زي حرف الباء والتاء والثاء وانا بستغل الفكره دي في ان انا من الاول خالص اعلم الطفل الفرق ما بين الحروف دي لو الطفل اتعلم الحروف بالترتيب يبقى السؤال الاول هيكون اكتب الحروف من الف للغين لو ما تعلمهاش بالترتيب مش هنعمل السؤال ده وهندخل على السؤال الثاني على طول وفي السؤال الثاني استمع ثم اكتب هقول حرف والطفل يكتبه وطبعا هيكون اكث من ثلاث حروف يعني ممكن تسع حروف مثلا السؤال الثالث هكتب مجموعه من الحروف وهطلب من الطفل ان هو يقول اسم الحروف دي وكل ما يقول اسم حرف صح انا هعمل عنده علامه صح لو الطفل حل الثلاث اسئله دول صح يبقى هو جاهز ان هو ياخد الحرف اللي عليه الدور وفي الحصه دي هو حرف الفاء بالنسبه لحصه حرف الفاء فهي مش مختلفه ابدا عن حصه حرف الالف هنمشي على نفس الخطوات هنحكي قصه حرف الفاء الطفل هيلونها وبعدين هقول له عارف مين اسمه بيبدا بحرف الفاء فراشه وندور على حرف الفاء في كلمه فراشه ونعمل عليه دايره وبعدين نلون الفراشه وبعدين نبدا رحلتنا في البحث عن حرف الفاء سواء ما بين الحروف او الكلمات بعد كده هنخلي الطفل يكتب حرف الفاء بالثلاث خطوات اللي احنا اعلمناهم مع بعض الماشيه على النقط توصيل النقط والكتابه من غير نقط الواجب برده ما فيهوش اي حاجه مختلفه هنكتب حرف الفاء نوصل الحروف المتشابهه نكتب الحروف الناقصه ممكن ان احنا كمان نلون الحرف نحط دايره حوالين الحرف المختلف الحرف المتشابه الحرف فيه تدريبات كثير جدا مختلفه ممكن اعملها على الحروف في ثلاث حاجات لازم اخد بالي منهم وانا بعلم الطفل الحروف والحاجه الاولى هي ان انا استخدم الحروف المتشابهه شكلا في التدريبات يعني مثلا ضع دائره حول حرف الباء استخدم حروف زي التاء والثاء والفاء والنون وكل الحروف اللي شبه حرف الباء عشان اتاكد ان الطفل قادر يميز الحرف ده عن الحروف اللي شبهه ثاني حاجه ان انا لما اجي اعلم الطفل حرف فيه نقط لازم ااكد كويس جدا على عدد ومكان النقط ثالث حاجه لازم اخد بالي ان انا بنطق الحروف بالنطق الصحيح ليها سواء الحروف اللثويه اني احط لساني ما بين اسناني او ان انا افرق في النطق ما بين الحروف المتشابهه نطقا كده احنا خلصنا الجزء الاول من درس الحروف وقبل ما ندخل على الجزء الثاني لازم نعمل اختبار للطفل وهتلاقوا لينك الاختبار ده موجود في الديسكربشن تحت تقدروا ان انتم تطبعوه في الجزء الثاني هنتكلم عن الحروف اللثويه الحروف الرافصه اشكال الحروف والحروف المتشابهه نطقا وكتابه لو عندكم اي سؤال بخصوص الحروف ما تنسوش تسيبوه في الكومنت تحت علشان ارد عليه في الفيديو اللي جاي بشكركم جدا على حسن المتابعه اشوفكم الفيديو الجاي ان شاء الله مع السلامه ‏Yeah.