التفكير الناقد و الابداعي فلسفة 1 ث الدرس الرابع شرح حل فرم عام وأزهر 2026

حبيب قلبي طالب اولى الثانوي حبيبي سواء كنت عم اوزهر بكالوريا مش بكالوريا اي حاجه اخوك طهر رمضان اللي بيرو عليك جالك وجايلك بالدرس الرابع درس لذيذ جميل هشرحهلك هفرمهولك هظبط لك فيه الدنيا واحل لك عليه كمان بس قبل ما نبتدي حضرتك محتاج الملزمه اللي انا بشرح منها وانا بديها لك طب حضرتك تجيبها ازاي هتنزل تحت في صندوق الوصف اسمع بس معايا على الخطوات دي عشان الناس بتوش بس وانت نازل في صندوق الوصف تشترك في قناه اليوتيوب عشان نوصل 200,000 هتلاقي تلاقي تحت لينك الفيسبوك الصفحه بتاعتي تخش عليها تشترك عليها لان برده بينزل على الفيسبوك حاجات كتيره قوي مهمه فاشترك على صفحه الفيسبوك وهتلاقي فوق في بوست مثبت في صوره ل فيها كل الجروبات بتاعتنا هتخش على جروب التليجرام بتاع ا سنه اولى ثانوي وتخش تلاقي الملازم بتاعتك وتنزلها وتقعد تتابعني حلو الكلام حلو الكلام بس يا ابن الحلال في حاجه ما تنساهاش تحت برده في فورم فورم بتحط فيه كل بياناتك وكل معلوماتك مش حاجات كتير اسمك مدرستك محافظتك كده عشان ده الحاجه اللي بقدر اتواصل من خلالها ليك لما بعمل مراجعات او بعمل اي حاجه او حتى لو في اي مسابقات فاقدر اوصل لك فحط معلوماتك ومش هطول عليك عشان النهارده محاضره جامده قوي ويلا بينا نستمتع بالعلم يلا بينا يا ابطال اولى ثانوي سواء كنت حضرتك ايها الطالب الشقي في اولى ثانوي عام او بكالوريا او حتى ازهر النهارده معادنا مع الدرس الرابع في الفلسفه خلي بالك هو مش الدرس الرابع هو الجزء الرابع من الدرس الاول اللي هو التفكير الانساني فان شاء الله لما نخلصه نكون خلصنا اللي هو التفكير الانساني بكل حاجه فيه بمشيئه الرحمن يعني فكده في ثلاث فيديوهات نزلوا قبل دول في الفلسفه طبعا زي ما انت عارف شرح وفرم وحل وكل يوم سبت الساعه 6:00 في فيديو هينزل لك سواء في الفلسفه او في المنطق حلو الكلام حلو الكلام تعالى يا صديقي العزيز نخش النهارده على الدرس رقم اربعه والجزء اللي عندنا في المنهج وهو له علاقه بحاجه اسمها التفكير الناقد والتفكير الابداعي بشكل عام الدرس الاولاني عندنا في الفلسفه عموما بيكلمني عن التفكير الانساني وقد ايه ان التفكير ده نعمه ربنا اداها لنا وانا قلت لك قبل كده ان التفكير ده يا ابن الحلال النعمه اللي ربنا اداها لنا وميز بيها البني ادمين والانسان يعني ما فيش حد على كوكب الارض ثاني عنده التفكير ده خالص واحد يقول لي يا مستر ما ما انا قلت لك قبل كده الكلب اقول لك يا ابني عمرك شفت كلب شايل شنطه ورايح المدرسه عمرك شفت كلب عامل بيت الكلب كلب بياكل وينام ويقعد في الشارع لكن انت انسان ربنا اداك عقل ومش بس اداك عقل واداك طريقه تفكير قال لك يا باشا ان في كمان اساليب وطرق للتفكير كتيره وعندنا نوعين من التفكير كده بتوع الناس السبيشيال الناس الخاصه اللي هو التفكير الناقد والتفكير الابداعي خلي بالك كل نوع من دول جامد قوي ولازم تعرفه لان هيميزك خلينا بس ناخد الاول المقدمه السريعه دي ونترجمها الراجل بيقول لك التفكير هو اهم اسلحه الانسان طبعا اقوى سلاح معاك يا ابني ابن الحلال التفكير من غير التفكير انت مالكش لازمه الفرق بين الانسان الناجح والفاشل تفكيره بين المكتئب والسعيد تفكيره بين اللي راكب قدام وراكب ورا تفكيره ف التفكير من اهم الاسلحه بتاعه الانسان والذي من خلالها يتم استعراض الحلول المختلفه لو انت قدامك مشكله من خلال التفكير تقدر تحلها بطرق مختلفه ورفض الحلول الخاطئه وغير الملائمه واختيار الحلول ول الصحيحه والملائمه كما يستطيع من خلال التفكير الكشف عن علاقات بين الاحداث اه تقعد كده ا تربط بقى ما بين الاحداث وتفهم العلاقات ما بينها هو هو الواد ده بيعمل معاك كده ليه اه ده انا ممكن عشان عملت معاك كده قبل كده اه انت فاهم ده اللي احنا بنستخدمه لكن تربط علاقات بين احداث بشكل اكبر يعني اللي انت توصل لقوانين تعرف ايه العلاقه ما بين درجه الحراره وما بين ان ان مثلا ان ان النطره تنزل فانا كده بعرف الكلام ده عن طريق عن طريق التفكير اعرف العلاقه ما بين مثلا يعني الطالب الفاشل والاصدقاء اللي حواليه فانا كده بادرك وبعرف علاقات وبستنبط كلمه بستنبط يعني بستنتج مبادئ ونظريات جديده مبادئ ونظريات جديده يعني من الاخر قوانين العلماء بيوصلوا القوانين ازاي عن طريق طبعا التفكير فدي مقدمه يعني انا بقولها لك للعلم بالشيء ولكن مش ده المهم هو هنا عايز يقول لك ان التفكير ده حاجه كويسه وسلاح وبتاع ماشي المهم بقى هنا فين؟ المهم هنا يا صديقي العزيز ان احنا عايزين نفرق ما بين حاجتين ما بين التفكير الناقد والتفكير الابداعي او مش بنفرق احنا بناخد التفكير الناقد والتفكير الابداعي بنعرف ايه هو التفكير الناقد ايه تعريفه ونفس الكلام الابداعي بنعرف ايه اهميه التفكير الناقد ونفس الكلام الابداعي على فكره هم يعني مش بيتناقضوا ولا ولا اللي هم في خناقه ما بينهم ولكن ده شكل من اشكال التفكير وده شكل من اشكال التفكير ده ليه تعريف ويه اهميه وده ليه تعريف و ويه اهميه ده ليه خطوات وده ليه خطوات ده ليه مهارات وده ليه مهارات وده اللي احنا هنعرفه دلوقتي حالا بالا فعلا بص يا ابن الحلال خليني الاول اعرفك ايه هو التفكير الناقد بشكل بسيط التفكير الناقد يالا اللي انت من الاخر يعني ما تبقاش ا بتتساء يا مستر الكلام ده بتغلط فيا ده انا سوق يا باشا ده انا سوق بلد سيبها بس على الله كده وانا راجل قوي في بيتي وانت لا اهد بس التفكير الناقد يالا ان انت تبقى عيل مدقدق ومش اي كلام تدخله في دماغك يعني ايه يا مستر بقى معلش عشان افهمها دي يعني لو حد قال لك حاجه او جالك معلومه كده او كده تتاكد منها برض مش فاهم يا مستر بصراحه معلش يعني اعذرني انا مش فاهم يعني ايه اتاكد انها يعني بص يا حبيب قلبي لو جيت لك دلوقتي او بلاش انت اركن انت حبيبي تعالى يا بنوته يا حلوه انت لو جيت قلت لك على فكره صاحبتك الانتيم بتشتم فيكي بتغلط فيكي ها وبتقول علي ان انت مسفره ومش حلوه من جوه طبعا انت هتسخني وتفوري قالت لي انا بنت اللذينه وتقومي رايحه ماسكه فيها هنا انت ما عندكيش تفكير ناقد ليه لازم كده تقعدي تقولي طب هو بيقول لي كده ليه طب هو هو ايه غرضه طب بيوصل لي الكلام ده ليه طب هل هي ممكن تعمل كده طب لو عملت كده بتعمل كده ليه؟ طب الكلام ده ممكن يبقى صح مستر انت عايز تقول لي ايه؟ عايز اقول لك ان انت هنا لسه بقى مش بتاخد وتتسرع في الحكم انت بتاخد الكلام وتحلل الكلام وتفكر في الكلام وتدرس الكلام وتشوف الكلام ده ماشي ولا مش ماشي ينفع ولا ما ينفعش صح ولا مش صح اي نعم من جواك بتموت بس بس بتفكر هو ده التفكير الناقد طب ما تيجي كده نبص عليه وهديك مثال ثاني اوضحه لك اكتر بص يا استديك العزيز قال لك التفكير الناقض هي قدره الفرد على تحليل المعارف يعني ايه تحليل المعارف؟ يعني المعلومات اللي تجي لي احللها ا اقسمها تحليل يعني تقسيم اا انا قلت لك حاجه فانت عماله تحللي لا طب هي قالت كده ليه؟ طب هو بيقول لي كده ليه؟ طب هل ده ينفع؟ ما ينفعش هكذا والافكار وتنظيمها وبيان ما يعبر منها على حقائق وما يعبر عن اراء شخصيه ابدا اعرف هل الكلام ده فعلا حقيقي ولا هو بيقول لي كده دي وجهه نظره ولا ايه الوضع وبيان مدى اتساق الافكار او تناقضها هل الكلام اللي هو بيقوله ماشي مع بعضه ولا في تناقض ده والتوصل الى استنتاجات وتقويمها اوصل لنتيجه واقومها يعني انا احكم عليها ما تيجي اديك مثال ثاني اكت واقعيه وانت عديت بيه عارف ايه هو تعالى حضرتك يالا مش كنت لسه محتار او ما زلت محتار تخش ثانويه ولا بكالوريا فايه اللي بيحصل اللي بيحصل ان حضرتك عشان تقدر تكرر اخش ثانويه او اخش باكالوريا بعمل ايه؟ ببدا الاول امسك ايه المميزات وايه العيوب هنا وهنا ثانويه الشهاده بتبقى سنه واحده ثانويه انا بخش بعد كده علمي او ادبي علمي ممكن يبقى علم رياضه وعلم علوم ثانويه فيها نقاط ضعف اللي انا ممكن اخش الامتحان مره واحده بس في نفس الوقت هي سنه واحده وبخلص منها ثانويه انا في امتحانات وفي حاجات قبل كده وانا عارف وفاهم الدنيا فيها ايه او المدرسين على الاقل فاهمين الدنيا فيها ا بكالوريا لسه جديده الوزاره عايزه مش عارفه تعمل ايه نظام جديد في كذا مره ممكن امتحن الثانويه او الشهاده تبقى على سنتين انت هنا بتعمل ايه انت هنا بتدرس ده وبتحلل ده وبتعرف نقاط القوه والضعف هنا وهنا بتدرس ده وبتحلل ده وبتعرف نقاط الضعف من هنا بعد كده بتقرر تخش ثانويه او تخش بكالوريا من غير ما حد يضغط عليك بتفكيرك عن طريق الاستنتاجات اللي انت بتوصل لها والتقويم يعني الحكم اللي انت بتوصل هو ده التفكير الناقد اللي انت بتحلل بتفكر عشان توصل لايه؟ لحكم او توصل لنتيجه ايه اهميته؟ هيفيدني انا بايه؟ قال لك اول حاجه هو اساس الانفتاح العقلي يا ابني بيخلي دماغك منفتحه بيخليك ما تتحكم يعني ما تتسرعش في الحكم بيخليك يا ابني عندك استقلاليه يعني ايه استقلاليه؟ استقلاليه يعني عدم الاخذ براي الغير او اللي انت يعني رايك من دماغك اهو بتاخد قرار من دماغك وبرده برض التفكير الناقد ده بيساعد على اصدار حكم حيادي ومنطقي بتطلع احكام منطقيه لان انت راجل بتحكم عقلك طيب صديقي العزيز صديقتي الفاضله انا دلوقتي يا مستر عايز اعرف ايه هي اهميه التفكير ال ناقط او سوري ايه الخطوات بتاعته ايه الخطوات اللي انا امشي عليها يا مستر عشان افكر افكر تفكير ناقد لسه قايلين من شويه حضرتك اول حاجه بتعملها بتجمع معلومات معلومات بتجمع معلومات عن نظام الثانويه بتجمع معلومات عن نظام البكالوريا حلو الكلام حلو الكلام فتجميع المعلومات بتقعد تسمع وتعرف المعلومات اهو معلومات عن المشكله موضوع البحث تاني حاجه تحليل البيانات ببدا ادرس المعلومات دي هو يعني ايه يعني ايه الشهاده على سنه يعني ايه الشهاده على سنتين يعني ايه اخش الامتحان مره واحده يعني ايه اخش الامتحان على كذا مره بحلل المعلومات بشكل منطقي بفهمها ثالث حاجه بصدر حكم انا هخش ثانويه او اخش بكالوريا وبيكون القرار ايه انا هنا فاهم انا بعمل ايه بعد ما بصدر حكم براجع واقيم الاحكام ابدا اجيب معلومات ثاني واكد الحكم اللي انا وصلت له او اتاكد من اللي انا وصلت له يبقى دي خطوات التفكير الناقد اول حاجه بجمع معلومات وبيانات عن الثانويه والبكالوريا او اي شيء عموما ثاني حاجه تحليل البيانات ثالث حاجه اصدار الحكم ده او ده ينفع ده ما ينفعش رابع حاجه مراجعه وتقييم النتائج يعني راجع على النتائج طب كلام جميل في شويه مهارات سكيلز يعني وركز معايا عشان ما اداكش على وشك ها ركز معايا ما ما تخافش انا بهزر معاك في شويه مهارات لازم تكون عند الشخص اللي بيفكر تفكير ناقد ده ايه هي ثلاث حاجات مهاره التفسير مهاره الاستنتاج مهاره التقويم مهاره التفسير من الاخر ان اعرف السبب التفسير يعني اعرف السبب يعني ايه اعرف السبب اعرف سبب الحاجه اعرف سبب الحاجه والله مثلا هو الطالب ده فاشل ليه فاشل لان ماشي مع اصدقاء سوق فالسبب ان هو ماشي مع اصدقاء سوق طب والله الطالب ده مجتهد ليه؟ لان ملتزم ماشي مع اصدقاء كويسين ف التفسير يعني بقول السبب بما تفسر يعني اذكر السبب اهو تعني القدره على رد قضيه ما الى اسبابها هو بس هنا بيفضل يضحك لك بقى يعني بيلف عليك باللغه بس كده بيزوق لك الكلام لكن الفكره كلها هو السبب او الربط بين الظاهرتين بيعتبر ان الاولى سبب الثانيه اجي اقول لك والله الاولى دي انت ا ماشي مع اصدقاء سوق اه يبقى ا حضرتك انت كده هتبقى فاشل واخد لي بالك انت حلمك قريب استمر بالسعي ده التفسير زي تعاقب الليل والنهار يرجع الى دوران الارض حول الشمس في ليل ونهار ليه لان الارض بتلف حوالين الشمس فانا كده عرفت السبب يبقى التفسير اللي انا بعرف السبب ده اول مهاره ثاني حاجه مهاره الاستنتاج الاستنتاج اللي انا بوصل لنتيجه من مقدمه يعني انا عندي مقدمه ومن خلال المقدمه دي انا بوصل لنتيجه ازاي؟ اقول لك بشكل بسيط خالص انا لو قلت لك دلوقتي ان في دخان الدخان دي مقدمه الكلام ده هتاخده في المنطق ها فانت هتستنتج من الدخان ده ان في حريقه فانت من المقدمات بتوصل لنتيجه هديك مثال تاني لو دلوقتي انت شفت واحد مقتول في سكينه محطوطه في بطنه وميت قدامك هتستنتج ان في قاتل المقتول ده مقدمه والنتيجه اللي انت استنتجتها استنتجتها استنبطتها كلمه استنتاج هي استنباط ان في واحد قاتل يبقى تتمثل في الانتقال من معلوم معلومه قدامي ان في دخان ووقائع ومشاهدات نفترض صحتها على اساس يعني الدخان ده انا شيء متاكد منه اللي هو مقدمات لنستخلص منها وقائع ومعلومات اخرى اللي هي النتيجه بشكل بسيط جدا جدا طيب حلو الكلام اخر مهاره عندنا من مهارات التفكير ال اا ناقد هي مهاره التقويم التقويم هي برده اللي اللي انا لسه قايل لك عليها فوق في مثال الثانويه والبكالوريا اللي انا بحلل الافكار عشان اقدر اصدر حكم واصدر واخد قرار فيها اهو التقويم تتمثل في التحليل بدرس دراسه الموضوع او قضيه ما والحكم على مدى الاتساق بين عناصرها او تناقضها للعنصر وبين مدى صحه القوه والضعف فيها بدرس حاجه بعرف ايه القوي اللي فيها ايه الضعيف اللي فيها ايه اللي مش كويس فيها ايه اللي كويس فيها وبطلع في الاخر قرار او بطلع حكم ده اسمه التقويم حتى جايه من حته التقويم اللي بتعمل لك او التقويم اللي بيتعمل لك في الامتحانات بعرفك انت كويس ولا مش كويس فكده يا صديقي العزيز احب اقول لك ان انا خلصت كل الجزء بتاع التفكير الناقد التفكير الناقد اللي انا بحلل بدرس الفكره او المعلومه قبل ما احكم عليها اهميته بيعمل انفتاح عقلي بيخليني مستقل في اتخاذ القرارات وبيساعدني ان انا اطلع حكم حيادي موضوعي مش متحيز بعد كده الخطوات اللي انا بجمع معلومات اللي انا بحلل المعلومات بدرسها اللي انا بصدر قرار اللي انا براجع القرار والحكم اللي انا وصلت له مهارات التفسير اللي انا اوصل للسبب مهاره الاستنتاج اللي انا بستنتج النتيجه من المقدمات مهاره التقويم اللي انا بحلل وبدرس حاجه عشان اعرف ايه القوي وايه الضعيف فيها ده بالنسبه للتفكير الناقط تعالى ننتقل ونخش على التفكير الابداعي التفكير العالم انا مش هاخد من وقتك كتير بس اعرف لما هاجي اكلمك على حاجه احنا بنعملها كل سنه محققه نجاح ساحق اقسم بالله ساحق فاعرف ان انا هكلمك على كورس اسمه كورس الوقت الضايع طب ليه بقى يا استاذنا انت مسميها كورس الوقت الضايع عشان بتكون في اخر الترم وده بيبقى بالنسبه لك وقت ضايع وقت انت فعلا ضايع فيه عايز حد يلم لك الدنيا فكره الكورس ده بكل بساطه اللي انا كده يا ابن الحلال اصلا معاك طول الترم وبشرح لك شرح مفصل وحل وتفاصيل وحاجات كتيره قوي بتيجي انت في الاخر عايز حد يلم لك الدنيا دي كلها بقى تعالي انا بقى دي بقى حتتي ولعبتي وبص اقسم بالله هتدعي ليه باجي انا في اخر يعني فتره قبل الامتحانات اخر شهر اخر اسبوعين بقوم مخلص لك الليله دي كلها في اسبوعين اسبوعين بمسك ماده الفلسفه والمنطق دي بقوم مقاسمها نصين اول اسبوع بخلص الفلسفه شرح وحل وفارم وكل حاجه ثاني اسبوع بخلص المنطق شرح وحل وفارم وكل حاجه وامتى امتحانات ومتابعه وكل حاجه بعملها لك والكلام ده بيكون على المنصه الخاصه بينا الاشتراك بيكون بسيط قوي قوي قوي قوي قوي قوي اقسم بالله تظهر دلوقتي ارقامنا كلمنا على الواتساب واحجز دلوقتي عشان تكون من ضمن اول 1000 واحد يشتركوا عشان اول 1000 واحد هيكون لهم مفاجاه انا بس هفصل الكلام بتاع الراجل ده وجاي اقول لك ان انا يعني عامل معاك اداء جامد قوي فاكيد لما هكلمك على مراجعه فاعرف ان انا هخرب معاك الدنيا تعالى بس كده معايا فانا اول حاجه بشرح لك كل جزئيه في المنهج بطلع لك كل الافكار بتاعتها بعرفك السؤال بيجي ازاي بعمل لك امتحانات مطابقه لاخر العام بفضل الله بفضل الله هتخش اللجنه تقول لي الله يبارك لك لان يعني والله العظيم لعبتنا انا مش عايز اتكلم كتير بس بجد يعني الموضوع بالنسبه لنا اسهل من السهوله رابع حاجه بيكون في متابعه مستمره مع الطالب في تيم دعم علمي في كل حاجه انت حضرتك عايزها عشان تبقى واقف على رجلك في الماده ونكون معاك ونخليك تضمن الماده خلي بالك اللي بيقدم المنهج كله على اليوتيوب مجانا فيوم ما هيقرر ان هو ياخد منك ولو جزء بسيط وهتعرف الكلام ده لما تحجز فاعرف ان هو هيقدم لك حاجه جامده قوي قوي قوي لان احنا والله هدفنا في اولى وثانيه اللي احنا بس نكون بنسند الطالب لحد ما يطلع الشهاده لحد ما نبقى معاه بقى في الشهاده لان الشهاده لها شغل مختلف اخر حاجه ودي بقى اللي مهمه ان انت لما بتحجز معانا كورس الفلسفه انت بتاخد كورس التاريخ هديه كورس التاريخ هديه يعني بتاخد عليه خصم 100% يعني بس اصلا ثمن الكورس بسيط جدا وبعد ما بتحج جزه انت بيكون معاك برده كورس التاريخ ايه ده يا مستر الكلام ده لكل الناس لا لاول 1000 واحد مستر هو هو هلحق يعني براحتك يعني انت معاك دلوقتي الوقت تقدر ان انت تكلمنا على الواتساب وتحجز لان الاشتراك بسيط جدا فانت تضمن نفسك تبقى معانا من اول السنه من اول الترم كده كده بننزل على اليوتيوب كل حاجه بنوصل لحد الاخر بنقوللك يلا هنعمل المراجعات فالطلاب اللي اشتركوا معانا يعني يلا بقى ده ركز معايا ما تطوهش مني ركز معايا في كل تفصيله وفي كل كلمه يا ابني والله انا يعني عايز مصلحتك فعشان كده كده احنا بنشرح اليوتيوب زي ما انت عارف فعشان كده بجد الكورس ده مفيد والله العظيم لكل الناس فانا قلت لك على اللي عندي فبراحتك ا ايه براحتك يلا بقى نخش نكمل شرح ولا ايه؟ التفكير الابداعي ده بقى بتاعك انت بقى عارف الشخص المبدع ا مستر انت كده جيت في ملعبي اه هو ده المبدع اللي بيفكر خارج الصندوق ا ازاي يعني يا مستر يعني اكيد اللي عمل التليفون اللي بين ايديك اللي بتشوفني منه حضرتك ده شخص مبدع اكيد اللي عامل الشاشه اللي ورايا ده شخص مبدع اكيد اللي اخترع الاختراعات اللي احنا عايشين فيها دي وخلى الحياه اسهل شخص مبدع او نقدر نقول عليه بيفكر تفكير ابداعي بيحل حل المشكله بشكل جديد بشكل مختلف انت كده يا مستر بتشتمني انا اكبر انجاز واكبر ابداع عملته في حياتي تقريبا يعني تقريبا اللي انا كتت من المدرسه اقول لك انت كده عايز حد يظبطك وانا هظبطك فتظبط كده الله يراضيك وتعال معايا السكه عشان انا حافظ السكه خليك شخص ابداعي فكر خارج الصندوق ايه المشكله يا عم ما يعني هو اللي عمل التليفون ولا عندهم عقل وانت عندك ا موتور عربيه ما هو كلها عقول ربنا ولكن هو راجل اجتهد وفكر وابدع فالتفكير الابداع يا ابني هسهلها لك مش شرط يكون اختراعات وابتكارات ممكن تكون اللي انت وقعت في مشكله وحليتها بطريقه جديده ممكن ان انت بتذاكر بطريقه بتختصر عليك او طريقه مختلفه ممكن ان انت تكون بتحل مشكله بطريقه ابداعيه هو ده التفكير الابداعي بشكل بسيط خالص التفكير الابداعي يتمثل في الكشف عن علاقات جديده بتوصل لعلاقات جديده يعني ايه علاقات جديده اللي بيوصل لقوانين جديده ما هي دي علاقات بيوصلوا لفكره جديده واستخدام موضوعات وصور جديده ورؤيه الامور من زاويه مختلفه في مشكله في المجتمع في واحد يطلع يحلها بطريقه مختلفه في ازمه في الحياه في واحد يطلع يحلها بطريقه مختلفه في ازمه اقتصاديه واحد يطلع يحلها بطريقه مختلفه ده تفكير ابداعي وتوظيف الموارد المتاحه بطريقه مبتكره الامكانيات اللي بين ايديك تعمل بيها حاجه بمعنى التفكير خارج الصندوق واحد عنده بنطلون جينس كده واسع ف عامله جاكيت راجل ا مبتكر راجل بيفكر بطريقه ابداعيه فده حاجه وده حاجه هنا ابداع هنا تفكير خارج الصندوق طيب ايه هو اهميه التفكير الابداعي قال لك يا باشا هو اساس التطوير والتقدم في مختلف المجالات اي حاجه بتتقدم في الحياه لازم يبقى عندك تفكير ابداعي انا كراجل عشان اطور من شغلي لازم افكر بطريقه ابداعيه انت كراجل عشان تطور في مجالك او لما ربنا يكرمك تكبر وتخش مجاله وتنجح فيه لازم تفكر بطريقه ابداعيه يساعد على مواجهه التحديات اي تحديات تحدي يعني صعوبه اي صعوبه اي مشكله في حياتك هتقدر تتجاوزها بموضوع التفكير الابداعي ده المتغيرات في عالمنا المعاصر يعني ايه يعني اي مشكله اي حاجه بتقابلنا في عالمنا المعاصر التطورات اللي بتحصل دلوقتي بحلها بالتفكير الابداعي يبقى التفكير الابداعي بشكل بسيط بفكر خارج الصندوق بوصل لعلاقات جديده التفكير الابداعي اهميته باساس التطور والتقدم في مختلف المجالات يساعد على مواجهه اي تحديات واي مشكلات لات في الزمن اللي احنا عايشين فيه ده طب مستر معلش انا عايز افكر تفكير ابداعي تقدر تقول لي اعمل ايه؟ اقول لك تعالى في شويه خطوات للتفكير الابداعي ولكن انا هفترض ان في ميكانيكي ميكانيكي انت رحت له والعربيه بتاعتك عطلت وهو عايز يحل المشكله دي فايه اللي بيحصل انت بتروح للميكانيكا فبتبدا تقول له تبدا تقول له والله العربيه عطلت انا ماارفش ايه ممكن عشان خاطر انا عملت كذا او السلوك او انا دوست بنزين بطريقه غلط او ايه اللي حصل او انا لعبت في حاجه او او فانت بتقول لكل كل المعلومات اللي عندك دي اول مرحله اسمها الاعدادات عامله زي جمع المعلومات هنا كده هي جمع البيانات ومزيد من المعارف عن الفكره او العمل الابداعي بجمع معلومات هنا الميكانيكي بيجمع منك معلومات اسمها الاعداد الاعداد بيجمع معلومات تاني حاجه الاحتضان بيبدا الميكانيكي يخلي المعلومات اللي انت قلتها دي كده في دماغه تخش وتاخد كده وتشتغل مع الجمجمه انت فاهم عشان يعني ايه يحاول يوصل لفكره جديده كده فالاحتضان هو اختمار اختمار يعني بخمر الحاجه بسيبها وقت اختمار الفكره في الذهن لفتره طويله والتفاعل والتعايش معها بحط كده الموضوع في دماغي عارف انت لما يكون في حاجه شغلاك في دماغك تخليها كده في دماغك كده تفضل تفكر فيها فمره واحده تلاقي الحل نط قدامك لما توصل لحل بقى والميكانيكي يوصل لحل دي اسمها مرحله الاشراك جاي من اشراق الشمس كده ها ولاده شراره الابداع الفكره الابداعيه بتيجي خلي بالك ممكن في الاختيارات اللي هي حطت لك كلمه اختار مار الفكره في الذهن ده معناها الاحتضان خلي المعلومات في دماغي ممكن احتلك في الاختيارات ولاده شراره الابداع دي مرحله الاشراك وخروج الفكره الابداعيه من الذهن هنا الميكانيكي وصل للحل اخر حاجه التحقق التحقق اللي انا بتاكد من الفكره اللي انا وصلت لها اكتمال كل عناصر العمل الابداعي والتحقق من كنت خلاص كده كل حاجه تمام واتحقق انه زي الفل براجع عليه زي اخر مرحله دي يبقى كده التفكير الابداعي بيعدي باربع مراحل اول حاجه الاعداد بجمع معلومات الاحتضان بخلي المعلومات دي في دماغي الاشراك هنا الفكره الفكره الابداعيه بتطلع واخر حاجه التحقق اللي انا هنا بتاكد من الفكره الابداعيه اللي بين ايديا حضرتك خليني اكلمك على مهارات التفكير الابداعي انا كشخص مبدع يا مستر في شويه مهارات عندي اول حاجه هي الطلاقه الطلاقه يا صديقي العزيز ان انا اطلع بشكل بسيط افكار كتير في وقت قصير يعني ايه؟ عارف لما اقول لك يا باشا السكينه اللي بين ولا بلاش القلم اللي بين ايديا ده انا اقدر استخدمه في ايه؟ اقول لك اول حاجه اقدر اكتب بيه ده رقم واحد تاني حاجه اقدر اسطر بيه احطه كده مثلا يعني واعمل كده اسطر بيه وليكن يعني فكده استخدمته مسطره رابع حاجه ممكن ادق بيه فكده رابع ثالث حاجه خامس حاجه ممكن اهرش بيه ايه يا مستر شدي معلش معلش سابع حاجه انا مالي الاعداد مع خامس حاجه ممكن اشرب بيه موت خامس حاجه سادس حاجه اللي انا ممكن اطفي بيه الشاشه طب سابع حاجه اللي انا ممكن اشاور بيه بص كده وكده ايه ده يا مستر انت انت بتقول ايه ما هي دي يا ابني فكره ان انا دي اطلع افكار كتيره في وقت قصير اطلع افكار كتيره وقعت في مشكله اقول لك لا انت تعمل كده لا تعمل كده او ممكن تعمل كده او ممكن تعمل كده او ممكن تعمل كده او ممكن تعمل كده دي اسمها الطلاقه الطلاقه هي تعني انتاج اكبر عدد ممكن من الافكار هو الصور والاستجابات ردود الفعل يعني الملائمه استجابه يعني رد فعل في فتره زمنيه محدده مثل تقديم اكبر عدد ممكن من استخدام لفرع شجره هقول لك فرع الشجره ده طلع لي منه استخدامات كتير هتقول لي انا ممكن اعمل منه ممكن ا ممكن اكنس بيه ممكن اعمل منه احطه منظر طبيعي ممكن ازرعه ممكن عادي فدي انت كده في الطلاقه بتطلع افكار كتير في وقت قصير او في وقت قليل طيب بعد كده يا صديقي العزيز بكلمك على حاجه اسمها المرونه المرونه يا صديقي العزيز في التفكير الابداعي ان انت تبقى شخص مرن ما تبقاش ناشف قوي يعني لو في مشكله والمشكله دي الطريقه اللي انت ماشي بيها مش جايه سكه غير الناس خليني اتكلم معاك بكل قلبي انا كراجل مدرس بديك ماده اسمها الفلسفه وبديك ماده اسمها التاريخ واحد اقول لي يا مستر ليه اشمعنى ناس بتقول لي ليه بكل بساطه لان ظروف العصر حتمت علينا ده ما هو انا لو ما عملتش كده هفضل في مكاني بمعنى بمعنى ان الوزاره غيرت الوضع التعليم اتغير التاريخ بقى ليه مساحه كبيره المواد الفلسفيه مسيحتها قلت الوزاره فتحت مجال اللي انت تقدر تغير المسمى الوظيفي بتاعك او اللي انت تقدر ا تنتقل قل من مجال لمجال تقدر تعمل دراسات وتنتقل من مجال لمجال لازم افضل واقف مكاني عشان التاني ما يزعلش مني طب ليه حضرتك هتاكلني وتشربني حضرتك هتعيشني حضرتك هتيجي مكاني حضرتك هتعيش في ظروفي حضرتك مش هتفتكرني فانت مالكش دعوه بيا انا راجل ما دام بتقي ربنا ما دام بقدم حاجه بما يرضي الله ما دام ما اذيتكش في حاجه سيبني فانا هنا بتكيف بتاقلم عندي مرونه بكره الصبح يحصل اي موقف في البلد والدك في شغله لا قدر الله حصل اي ظرف ساب الشغل يقعد ولا هينزل يشوف مجال تاني هي دي الدنيا اللي انت لازم تتاقلم تغير جلدك وده اللي احنا عملناه فبقينا نشتغل المواد بتاعتنا عادي جدا وبقينا نشتغل تاريخ عادي جدا زي ما احنا شطار في ده شطار في ده زي ما بنقدم المعلومه هنا وبنتقي فيها ربنا بنقدمها هنا ونتقي فيها ربنا والنتيجه انتم والطلاب والامتحانات اللي بين ايديكم والكتب الخارجيه والاسئله هو حضرتك انا لما اشرح لك دلوقتي الكلام ده وانت تفتح كتاب اي كتاب خارجي محترم ايا كان مش هقول لك بقى خد ملزم تحل فيها اي كتاب خارجي وتبدا ان انت تحل وتلاقي اللي انت بتحل سواء في الماده دي او في ماده التاريخ اللي انا برده بديها لك وتلاقي نفسك بتحل عادي انت هتقول عليا ايه؟ لا الراجل بيشرح لي كويس وبيخليني احل انت محتاج ايهاني يعني انت محتاج ايه تاني اديني بقول لك اه حل من اي كتاب خارجي لو اي كلمه انا قلتها الكتاب قال عكسها او حليت بطريقه ووصلت اللي انا ما قلتش الكلام ده ساعتها تيجي تحاسبني غير كده انت مالكش عندي حاجه فيا صديقي العزيز اعرف ان انت لازم يكون عندك المهاره دي مهاره المرونه تعني القدره على الانتقال والملائمه من موضوع الى اخر بنتقل من وضع لاني وبتاقلم عليه وده الذكاء وعدم التثبت او التشبث براي واحد مابقاش متماسك والتفكير في بدائل متعدده ومختلفه لتحقيق التكيف مع الموقف الجديد زي ما انت دلوقتي ممكن تكون في بكالوريا مش فاهم الوضع قوي بس بتتكيف زي ما انت ما كنت في اعدادي وضع الاسئله وشكلها مختلف عن ثانوي ورغم كده انت بتتاقلم وتتكيف صح فده اسمه المرونه مثال العمل في اكثر من وظيفه وسرعه التكيف مع بيئه العمل والظروف المحليه دي اسمها مرونه اخر حاجه واخر مهاره عندك مهاره اسمها مهاره الاصاله يعني ايه مهاره الاصاله يا صديقي العزيز مهاره الاصاله هنا بقى ودي بقى مركزه قوي على التفكير الابداعي اللي هي ايه ان هي كل ما تكون الفكره اللي انت مطلعها اصيله يعني ايه اصيله يعني فريده من نوع نادره مش متكرره كتير كل ما تزداد اصالتها تعني انتاج افكار وصور جديده ومتميزه وغير شائعه وغير مالوفه مثل تصميم نموذج جديد تساعد على تنظيم العمل وزياده الانتاج او لما نيجي نتكلم على الاي اي دلوقتي الاي اي او الذكاء الاصطناعي زي شات جي بي تي او اي ابلكيشن حاجه جديده خالص حاجه فريده من نوعها ايه ده بكلمه بيرد عليا بيفكر معايا بيقول اللي في دماغي هو ده طبيعي دي اسمها الاصاله حاجه جديده حاجه فريده حاجه مش شا حاجه ما كانتش موجوده قبل كده انا خلصت معاك يا صديقي العزيز الدرس كله سواء التفكير الناقد او التفكير الابداعي خلينا نعمل عليهم ريفيش سريع التفكير الناقد ده اللي انا بحلل الفكره وبدرسها قبل ما اطلع عليها حكم التفكير الابداعي اللي انا بفكر خارج الصندوق بطلع فكره جديده الاهميه هنا ان ده بيخلي عندي انفتاح عقلي وراجل مستقل واقدر اخد قرار من غير ما حد ياثر عليا واكون حيادي الاهميه هنا بيساعدني على التطوير والتقدم ومواجهه اي مشكله في الحياه الخطوات هنا اول حاجه بجمع معلومات او بيانات ببدا ادرس البيانات دي ببدا اوصل لحكم وابدا اراجع الحكم اللي انا وصلت له الخطوات هنا برده بجمع بيانات بحطها في دماغي شويه بعد كده ببدا ان انا اطلع الفكره بعد كده اتحقق من ان الفكره فكره ابداعيه المهاره عندنا هنا ثلاث مهارات او المهاره اسمها التفسير يعني بعرف سبب الحاجه مهاره الاستنتاج بستنتج من مقدمات نتيجه ومهاره التقويم بعرف نقاط الضعف والقوه في الشيء اما هنا المهارات فمهاره الطلاقه بطلع افكار كتيره في وقت قليل ثم المرونه بتغير من وضعي للثاني ثم الاصاله ان الفكره تكون جديده وفريده وارفع راس بابا وماما يا حبيب قلبي على طول وتبقى الدنيا رايقه فيهم طيب بص يا عم السؤال الاول بيقول لك ايه يقول جون ديوي انه التمهل يعني ايه التمهل يعني تقدر تقول الهدوء لازم تترجم كل كلمه بالراحه في اعطاء الاحكام يعني ابقى هادي وانا بطلع اي حكم وتعليقها لحين التحقق من الامر يعني من الاخر ماطلعش حكم غير لما اتاكد منه القاضي ما يقدرش يطلع حكم غير لما يتاكد منه ده التفكير ايه يا جدعان تفكير الناقد يا جدعان ها تفكير الناقد الابداعي لو قال لي حاجه خارج الصندوق او حاجه جديده الاسطوري ده اصلا مش عندنا وده معناه ان انت بتفكر تفكير اصلا غلط والايماني ده ليه علاقه بالدين وده ليه علاقه بالدرس اللي قبل كده ها ادراك ك الفرض بانه متفرد برايه عن الاغلبيه لحمايه فكره المبتكره هو حاسس ان هو فريد من نوعه او مختلف عن الناس لان عنده فكره مبتكره فده نوع من التفكير الايه طبعا الابداعي الابداعي طيب الاشياء ليست دائما على ما تبدو عليه يعني الحاجه مش دايما زي ما انت شايفها وانما يبدو صواب قد يكون خطا الحاجه اللي ممكن تبقى شايفها صواب ممكن تكون خطا هنا انت عشان تعرف الحاجه دي صواب او خطا كويسه او مش كويسه اا نقاط نقاط الضعف وانقاط القوه فيها ده بيعتمد على اني مهاره من مهارات التفكير الناقد طيب مهاره التفسير اللي انا بعرف سبب الحاجه وطبعا هنا ماتكلمش عن السبب مهاره الاستدلال او الاستنتاج اللي انا بوصل لنتيجه من مقدمات وهنا لا اللي هو الاستدلال اللي هي الاستنتاج لا اما مهاره التقويم هي اللي من خلالها بعرف نقاط القوه ونقاط الضعف حلو الكلام حلو الكلام السؤال اللي بعد كده رقم اربعه بيقول لك مرحله تاتي بعد التقييم والتعديل وفيها يتم التنفيذ وتقديم المنتج النهائي بما يتلائم مع الظروف المحيطه مرحله تاتي بعد ايه؟ بيقول لك دي احد مراحل التفكير الابداعي طبعا احنا عارفين التفكير الابداعي بيبدا بالاعداد ثم الاحتضان ثم الاشراك ثم التحقق اخر مرحله بيقول لك هي مرحله تاتي بعد التقييم والتعديل يعني بعد ما قيمت وعدلت الحاجه وفيها يتم التنفيذ وتقديم المنتج النهائي بما يتلائم مع الظروف المحيطه اخر حاجه انا بعملها اخر حاجه هي التحقق هو بيقول لك هنا بيبقى المنتج النهائي المنتج النهائي اللي انا بتحقق من الفكره اللي انا وصلت لها من النتيجه اللي انا وصلت لها وابدا اوضيها واطلعها للناس المبدا او المبدع لديه استجابات متنوعه لشيء واحد يعني بيطلع افكار كتيره في وقت قصير خلي بالك ولديه القدره على تعديل طريقه الاستعمال تعديل يعني تغيير تعديل يعني تاقلم تعديل يعني تكيف لهذا هذا الشيء يصف ما سبق احدى مهارات التفكير الابداع وهي ايه؟ هنا يا باشا مادام بعدل يبقى انا راجل عندي مرونه مش راجل واقف في مكاني ها لكن ماتكلمش على الجده والاصاله حاجه فريده من نوعها الطلاقه بطلع افكار كتيره هنا اه ممكن في اول السؤال لكن احنا بنحكم على فكره السؤال كلها الطلاقه الفكريه برده لا الطلاقه التعبيريه يعني اللي انا اقول كلام كتير او اعبر باشياء كتيره الطلاقه الفكريه اللي انا اطلع افكار كتيره لا هي المرونه التلقائيه او هي المرونه عموما يعني البعض يسع يسعى الى الفهم كما يسعى الى التعرف على المشكله وردها الى اسبابها بعرف اسباب المشكله قلت لك ما دام بتكلم عن السبب يبقى انا بتكلم على التفسير واظن ان اي سؤال بنحله الفكره بتاعته اتشرحت فوق لكي يتوصل باحث علم الاجتماع الى حل لمشكله التسرب من التعليم علم الراجل اللي بيدي علم اجتماع عشان يعرف الطلاب ما بتجيش المدرسه ليه او بتكت ليه عليه ان يستعين بكافه الاراء على تلك المشكله مشكله حتى تتضح له جميع ارقانها يبقى هنا الراجل عشان يفهم الموضوع ده بيجمع جميع الاراء طب عشان اجمع جميع الاراء انا كده بعمل ايه دي اني مرحله من مراحل التفكير الناقد ده هنا انا بجمع معلومات وليس اصدار الحكم انا لسه ما طلعتش حكم وليس تحليل البيانات هنا بيقول لك انا هنا يقوم علم يستعين بكافه الاراء كافه بيجمع معلومات وليس تقم النتيجه قدم بعض الشباب فكره مبتكره لم يسبقهم احد فيها وهو مشروع مغسله السيارات ايه ركز كده بيقول لك ايه لم يسبقهم احد فيها يعني ما حدش عملها قبليهم حيث يصل فريق العمل الى مكان العميل ويقوم بتوفير تلك الخدمه والسياره في مكانها يعد ما قام به هؤلاء الشباب احدى مهارات التفكير الابداع وهي مهاره ايه ما دام حاجه جديده ما حدش عملها قبل كده يبقى دي الاصاله والجده كلمه الجده يعني جديده ما حدش عملها قبل كده وليس الطلاقه وليس المرونه وليس الطلاقه اللفظيه اللي هي بطلع الفاظ كتيره قامت احدى شركات التسويق التي تعرض منتج معين بتحديد اوجه القوه والضعف يعني الشركه وهي بتعرض المنتج والله مثلا التليفون ده اللي قوي فيه كذا والضعيف فيه كذا البروسيسور قوي الكاميرا ضعيفه لوجهات النظر التي تم جمعها عن ذلك المنتج ومدى صحتها يبقى هنا هو ايه اللي بيعملوه بيعرفوا نقاط القوه ونقاط الضعف ده اسمه ايه في مهارات التفكير الناقد قلت لك ده اسمه التقويم اخر حاجه لكن التفسير بعرف السبب الاستنتاج بوصل لنتيجه الطلاقه بطلع افكار كتيره في وقت قليل اكتشاف العلماء للري بالتقطير للاراضي الزراعيه والذي يعد من الافكار المبتكره المستخدمه حديثا في الزراعه يبقى هنا يجسد ذلك احدى مهارات التفكير الابداعي وهي مهاره ايه بقى يا فندم؟ حاجه جديده حاجه جديده بيقول لك تكير بالراي ده معناه افكار اعتياديه حاجه متعودين عليها طبعا غلط اكبر قدر من الافكار وهي دي الطلاقه على فكره هو طبعا ده غلط هو ما قالكش ان احنا طلعنا افكار كتير هي فكره وكانت جديده افكار متنوعه لا هو ما طلعش افكار كتيره هو الفكره هنا هي افكار غير مالوفه اللي هي نقدر نقول عليها الاصاله والجده حاجه غير مالوفه طيب السؤال اللي بعد كده بيقول لك قام صحفي بمحاولات كثيره لمعرفه كل الاخبار الخاصه بحادث ما يبقى الصحفي عمل محاولات كتيره عشان يعرف كل الاخبار الخاصه كل الاخبار كل الاخبار يطبق المثال السابق احدى خطوات التفكير الناقد وهو ايه؟ هنا الراجل بيعمل جمع للمعلومات عشان يجمع كل الافكار بيجمع معلومات هو لسه ما حللش المعلومات لسه ما اصدرش حكم لسه ما قمش النتائج وقع صديقي في مشكله عندما وجد ان مكتبه الجديد حجمه اكبر من حجم باب الغرفه صديقه يع في مشكله المكتب بتاعه عشان يدخله اكبر من باب الغرفه مما دفعه الى قياس المكتب وقياس الباب لمعرفه سبب عدم دخول المكتب الى الغرفه هنا يا صديقي هو عايز عايز يعرف السبب عايز يعرف هو ليه مش عايز يخش دي اني مرحله اني مرحله في مرحله التفكير الابداعي هو لسه بيجمع معلومات فدي الاعداد الاعداد ان هو يجمع معلومات ولا لسه احتضن حط المعلومات في دماغه ولا لسه طلع الفكره الاشراق ولا لسه فنش الفكره قام المشرف على رساله ماجستير لاحد الباحثين بالكشف عن اوجه النقص في البحث الذي قدمه الباحث حتى يقوم الباحث بتعديل تلك النقاط السلبيه الى جانب اشاده المشرف ببعض النقاط الايجابيه في هذا البحث واحد بيقدم رساله الماجستير او الدكتوراه فالراجل اللي بيفحص الرساله بدا يشوف الحاجات اللي كويسه اللي عنده الحاجات اللي مش كويسه اللي عنده اللي يصلحها فهنا الراجل بيعمل ايه نقاط القوه ونقاط الضعف اللي هو نقدر نقول عليه التقويم الايه التقويم التقويم اللي انا بعرف ايه القوي وايه الضعيف ايه الموجب وايه السالب ها وليس الطلاقه وليس التفسير وليس الاستنتاج نقول بسم الله ونكمل يقول شارلي شبل احيانا كانت تتعثر القصه عند عقده معينه يعني القصه بتقف في حته معينه عارف اللي هو ايه في حته كده فيها لغز انا مش عارفه وبوجود صعوبه في حلها ثم عند يكشف الحل فجاه نفسه ومره واحده نوصل للاتن نوصل للحل اللغز الفكره اللي بتطلع دي الفكره اللي بتشرك دي اني مرحله في مرحله او في خطوات التفكير الابداعي هي يا ابني الاشراق الاشراق هي مولد الفكره الابداعيه وليس الاعداد وليس الاحتضان وليس التحقق الراجل بيقول لك المهاره العقليه التي يستخدمها يستخدم فيها الفرد ما يملكه من معارف ومعلومات تمكنه من الوصول الى حقائق غير معروفه يبقى هو راجل بيستخدم مهاره عشان يوصل ما دام انا عايز اوصل يبقى انا بوصل لحاجه جديده طب انا بوصل لها ازاي؟ عن طريق الاستنتاج عن طريق اللي انا في مقدمه بوصل من خلالها النتيجه وليست تفسيرا ما بوصلش لسبب وليس التقييم ما بعرفش نقاط الضعف ونقاط القوه وليس الانفتاح العقلي لا انا هنا بيقول لك المهاره العقليه التي تستخدمها فيها الفرد وما يملك من معارف ومعلومات عنده معارف ومعلومات شاف دخان وبيتم الوصول اليه لحقائق غير معروفه المرحله التي يحصل فيها الفرد على فكره الحل ويستطيع الخروج من المازق الذي كان يواجهه يبقى المرحله اللي هنا اللي انا ببدا اوصل للحل هنا اي من الامثله التاليه تعبر عن احدى خطوات التفكير الابداعي المرحله التي يصل فيها الفرد الى فكره الحل بوصل هنا الى فكره الحل خلاص والخروج من المازق الذي كان يواجهه وخرج من المازق خلاص يبقى انا كده فنشت يبقى هنا اني مرحله من مرحله التفك او من مراحل او خطوات التفكير الابداعي هنا دي المرحله الاخيره المرحله الاخيره اللي هي واجه الطالب صعوبه في حل مساله رياضيه ده كده لسه بيواجه الحل هو هو هنا بيقول لك وصل للحل ظل الطالب يضع بضع ساعات يفكر في حل المساله بيفكر او بضع ساعات هنا مرحله الاحتضان اللي هو لسه بيفكر فيها صح كده جاءت فكره حل المساله وصاح وجدتها هنا الطالب وصل للحل ودي مرحله الاشراك ممكن تكون دي على فكره ولكن الراجل هنا بيقول لك ايه هو هنا فيها الفرد الى فكره الحل وايستطيع الخروج من المازق الذي كان يواجهه خلاص هنا اتاكد ان الفكره دي تمام فتاكد يعني هنا تقدر تقول التحقق ودي اخر مرحله ممكن الناس تختار دي لكن الادق هي تحقق الطالب من هذه الفكره انها صحيحه ما دام بيتحقق يبقى كده هو وصل لاخر مرحله اللي هي التحقق طيب قدره الفرد على فحص المشكله التي تواجهه وتوضيح اذا كانت النتائج التي توصل اليها لحل هذه المشكله مقبوله ام لا بعرف النتيجه دي مقبوله ولا لا تنفع ولا ما تنفعش قويه ولا مش قويه وده كده التقويم اخر سؤالين مقالي راجل بيقول لك العقل اثناء التفكير قد يبدا من قضايا ويجعلها منطلق لتحصيل قضايا اخرى تلزم عنها اكشف عن مهاره التفكير الناقد المشار اليها انا قلت لك انت عشان تحل اي سؤال مقالي بتعمل ايه اول حاجه بتذاكر صح بتذاكر صح ازاي اللي انت حضرتك يا الصديق العزيز بتذاكر وبتعرف وبتحفظ العناصر العناصر الرئيسيه لما بتعرف العناصر الرئيسيه والعناصر الفرعيه وتفهم اللي جواها السؤال ده بتحوله مقالي بتحوله اختياري اجباري ازاي هو بيقول لك ده بيمثل احد مهارات التفكير الناقد مهارات التفكير الناقد كم مهاره ثلاثه ا التفكير الناقد في اللهم ذكرني التفسير والاستنتاج والتقويم طب هنا الراجل بيقول لي ايه العقل اثناء التفكير قد يبدا من قضايا يعني هنا بيبدا من حاجه وبعد كده يجعلها منطلق لتحصل على قضايا اخرى يعني من اخر من مقدمات بيوصل لنتيجه عارف ده اسمه ايه او مهاره ايه مهاره الاستنتاج مهاره اكتب كده مهاره الاستنتاج طب اديني مثال اديني مثال رؤيه دخان واستنتجت ان في نار يبقى دي كده اسمها مهاره الاستنتاج السؤال اللي بعد كده انضم الدكتور فاروق البازل للعمل في الدراسات القمريه دكتور طبعا معروف بتاعنا فروقي الباز انضم شان يخش في الدراسات القمريه في واشنطن واطلق عليه ملك القمر الناس اطلقت عليه هناك ملك القمر الا الى جانب انه اكتشف المياه الجوفيه في الصحراء بالاقمار الصناعيه اكتشف المياه الجوفيه في الاقمار الصناعيه ا الراجل بيقول لك ناقش اهميه التفكير الابداعي طبعا التفكير الابداعي ليه اهميات كتيره زي ان هو اول حاجه اول حاجه هي يساعدك على يعني مواجهه الصعوبات تاني حاجه اللي هو بيساعد على التقدم و ا التطور وبرده نقدر نقول هو بيرفع من شان صاحبه راجل بيفكر تفكير ابداعي وبكده نقدر نقول لك توته توته خلصت حدوته الدرس الرابع بمشيئه الرحمن نقابلك في درس جديد يا صديقي في يوم سبت الساعه 6:00 بمشيئه الرحمن والسلام عليكم ورحمه الله وبركاته ‏So