الصف السابع علوم درس الضوء مفهومه وخصائصه ج 2 السابع مي الزعبي

بسم الله الرحمن الرحيم يعطيكم الف عافيه حبايبي سابع كيفكم يا شو اخباركم ان شاء الله كويسين بهذا الفيديو راح نكمل مع بعض شرح درس الضوء مفهومه وخصائصه بالفيديو السابق طبعا تحدثنا عن مفهوم الضوء اخدنا اقسام الطيف الكهرومغناطيسي وتحدثنا عن خصائص الضوء اليوم ان شاء الله راح نكمل الدرس مع بعض راح نحكي عن انعكاس الضوء وقانونا الانعكاس بدايه نفتح مع بعض صفحه 36 ونبدا بانعكاس الضوء اول شيء بدنا نعرفه ايش يعني انعكاس الضوء انعكاس الضوء هو ارتداد الضوء اوكي الان الضوء لما يسقط على اي جسم على الاجسام المختلفه ايش بصير بهاد الضوء طبعا الضوء شو بصير فيه راح ينعكس اوكي ممكن ينعكس كله ممكن ينعكس جزء منه تمام فاذا اول شيء بدنا نعرفه شو يعني انعكاس الضوء انعكاس الضوء هو ارتداد الضوء عن سطوح الاجسام المختلفه يعني الان الضوء لما يسقط على هذا الكتاب هذا الكتاب بيعكس ايش بيعكس الضوء تمام طيب الضوء لما يسقط على اي جسم فهذا الجسم برجع بعكس الضوء اوكي طيب انعكاس الضوء هذا التعريف هو ارتداد الضوء عن سطح ما او عن سطوح الاجسام في عندي يا سابع نوعين من انعكاس الضوء عندي انعكاس منتظم وانعكاس غير منتظم راح نتعرف عليهم الاثنين ونفهم شو يعني انعكاس منتظم وشو يعني انعكاس غير منتظم الانعكاس المنتظم يعني يا سابع تعالوا خليني اشرح لكم هون على الشكل يعني يامس انه الضوء لما يسقط احنا شو حكينا حكينا انه الاشعه الضوئيه تسير بخطوط مستقيمه ماشي فالانعكاس المنتظم بحكي لي ايش بحكي لي لما الضوء يسقط شايفين بخطوط متوازيه على سطح مصقول شو يعني مصقول يعني سطح املس ما فيهوش نتوءات ما فيهوش تعرجات زي سطح زي سطح المراه او شايفين هو هون ما في عندي مرايه هون في عندي ماء صح بس شايفين كيف الماء ساكن لما ما يكون في عندي ولا نسبه هواء ولا في عندي رياح ولا في عندي شيء بيكون الماء شو ماله الماء بيكون ساكن طيب شايفين ما فيه ولا ايش ولا تعرج هذه الماء فبالتالي لما يسقط الضوء عليه اللي هي هاي اشعه متوازيه اللي بصير انها هاي الاشعه راح تنعكس طبعا اكيد في جزء من الضوء بمر من خلال الماء ولكن الجزء الاخر من الماء شو بصير فيه برجع الجزء الاخر من الضوء شو بصير فيه بينعكس شوفوا كيف بينعكس يا مس لما يكون السطح هذا املس او يكون مصقول زي المرايه اذا سقط عليه الضوء بنعكس الضوء شايفين كيف بشكل منتظم شايفين كيف الانعكاس هاي كمرتب ومنتظم وايش والاشعه المنعكسه هاي بتكون متوازيه وكلها ايش شوفوا انعكست راحت بنفس الاتجاه ما في واحد راح يمين وشيء راح يسار وهكذا لا الاشعه اذا المنعكسه بتكون كلياتها بتنعكس بنفس الاتجاه هون بنحكي عن الانعكاس منتظم اذا الانعكاس المنتظم هو عباره عن ارتداد الاشعه الضوئيه عن اي سطوح عن سطوح الاجسام الملساء والمسقوله ماشي مثل المراه ومثل سطح الماء الساكن طيب بحيث ان الاشعه المنعكسه ايش شو مالها تنعكس بنفس الاتجاه او في اتجاه واحد هاي بالنسبه للانعكاس المنتظم قدر الامكان بحاول اشرح لكم اياها شوي شوي عشان نفهم طيب تعالوا نشوف الانعكاس غير المنتظم الانعكاس غير المنتظم لاحظوا معي اول شيء بحكي لي لما يكون في عندي سطح خشن او في تعرجات او في نتوءات شايفين عندي الصوره هاي كمان هذا ماء بس شوفوا الفرق بين الماء بالصوره الاولى والماء بالصوره الثانيه بالصوره الثانيه بكون في عندي مثلا نسمه هواء بيكون في عندي رياح بتصير شو مالها المياه بتصير متعرجه اوكي هاي المي بتتحرك اذا هذا ماء ساكن وهذا ماء شو ماله بيتحرك متعرج فهون لو سقط الضوء على الماء بهاي الصوره وهو متعرج شوفوا كيف بيكون شكله ومش بس الماء المتعرج ممكن يكون عندي مثلا طبعا هاي اللي هي بنسميها سطح ايش ممكن يكون سطح بنسميه غير مصقول يعني مش زي المرايه كيف الخشب كيف الشارع كيف الحجار اللي بالشارع بتكون شو مالها كلياتها متعرجه كيف مثلا تعالوا احكيلكم كيف الجدار الحائط ما بيكون املس بيكون فيه نتوءات اذا هاي سطوح احنا بنحكي عنها غير مصقوله تمام طيب لو سقط عليها شوفوا هاد شعاع ساقط وهذا شعاع ساقط وهذا شعاع ساقط هاي الاشعه الضوئيه لما تسقط على هذا السطح شوفوا المتعرج او اللي غير مصقول شوفوا الاشعه اللي بتنعكس هسه هذا الشعاع الضوئي لما سقط شوفوا انعكس بهذا الاتجاه الشعاع الثاني لما سقط هون شوفوا انعكس باتجاه اخر طيب هذا الشعاع ثالث لما سقطت رجع شوفوا كيف اذا تطلعولي على الاشعه اللي انعكست هل مبين شكلها منتظم هل انعكست كلها بنفس الاتجاه شوفوا الفرق ما بين الانعكاس المنتظر مغير المنتظم بالانعكاس المنتظم الاشعه اللي انعكست انعكست كلها بنفس الاتجاه بس بالانعكاس غير المنتظم لاحظوا كل شعاع بينعكس كل شعاع بينعكس بجهه مختلف اذا بتكون الاشعه المنعكسه باتجاهات مختلفه ماشي يا مس طبعا لما يكون في عندي انعكاس منتظم شايفين احنا قادرين نشوف صوره البطه كانه في مرايه جنبها صح اذا لما يكون في عندي انعكاس منتظم احنا بنقدر نشوف صوره الاجسام على السطح المصقول هذا مثل الماء الساكن ومثل المراه طيب لاحظوا لما يكون الماء متحرك هل انتم قادرين تشوفوا صوره البطه مثل ما احنا قادرين نشوفها هون لا مش قادرين نشوفها لما تطلع على حالك مثلا على بالشارع هل بتشوف صورتك انت على الارض لا لما تطلع على حالك مثلا او لما تطلع على الحائط الجدار تقدروا تشوف صورتك لا لما تطلع على الخشب بتقدر تشوف صورتك لا لانه هاي السطوح كلها غير مصقوله فاذا بكون الانعكاس عنها غير منتظم فما راح تقدر تشوف صورتك بوضوح على هاي السطوح هاد هو الانعكاس المنتظم والانعكاس غير المنتظم اخر شيء بيحكي لي كيف بتحدث عمليه الابصار يعني انت كيف بتشوف الاجسام اللي امامك كيف لما انت تطلع على هذا الكتاب تعرف انه بتقدر تشوف صوره كتاب كيف لما تطلع على الكاسه تقدر تشوفها وتميز انه هاي كاسه او هذا كاس كيف لما تطلع على القلم بتميز انه هاي صوره قلم كيف كيف بتحدث هاي العمليه اللي بصير كالتالي الان يا مس طبعا احنا لو الدنيا عتمه ما في ضوء اكيد ما راح تشوف لا كتاب ولا قلم ولا دفتر ولا ولا راح تشوف اشي فاذا السبب الرؤيه الرئيسي اللي هو الضوء وجود الضوء فاللي بصير يا سابع ركزوا معاي الضوء بيجي من مصدره ماشي سواء احنا كنا بخلال النهار بكون عندي ضوء الشمس بالليل انا في عندي ضوء المصباح اوكي المهم بيسقط الضوء على القلم على سبيل المثال هذا القلم معتم صح بيعكس الضوء لوين لعيوني هل عيوني هم اللي بيميزوا انه هذا القلم اكيد لقى الان عيوني بتودي رساله عن طريق الاعصاب اوكيه بتودي رساله لدماغي اوكي طيب توصل رساله لدماغي بالاشعه هاي اللي انعكست فالدماغ فيه مناطق او مراكز محدده موجوده بالدماغ هي اللي بترجم هاي الرساله وبتحولها الى صوره واشكال اذا مين اللي بميز انه هذا قلم الدماغ من اللي بميز النواد كتاب الدماغ مين اللي بميز اذا صور الاجسام واشكالها الدماغ فاذا مره اخرى انا كيف شايفه انه هاد كتاب انا شايف سوري كيف شايفه الكتابه كيف كيف انا بقدر اشوف الاجسام المختلفه اذا مره ثانيه الضوء بيسقط على الجسم الجسم بيعكس الضوء للعين العين بتودي رساله عن طريق الاعصاب بتوديها للدماغ الدماغ بياخد هاي الرساله بيترجمها فبيميز ايش فبيميز انه هذا الجسم ايش هو او هذا الشكل اللي امامي ايش هو ماشي يا حبايبي هيك بتم عمليه الرؤيه بشكل هيك مبسط ومختصر تعالوا خلينا نلخص انعكاس الضوء مع بعض نجهز مع بعض الورقه والقلم الان نكتب هون انعكاس الضوء اول اشي بنحكي انعكاس الضوء هو ارتداد الضوء عن سطوح الاجسام المختلفه طيب نكمل الان بنحكي انواع انعكاس الضوء واحد عندي انعكاس منتظم هو ارتداد الاشعه الضوئيه عن السطوح المصقوله مثل المرايا باتجاه واحد اذا باتجاه واحد متوازيه مع بعضها وطبعا ممكن نرسمها رسمه انا ما راح تكون دقيقه كثير ولكن خليني بس يعني قدر الامكان بس نزبط الرسمه طب انا مش كثير طبعا شاطره بالرسم نحاول قدر الامكان يعني تقريبا طيب هاي بالنسبه لرسمه الانعكاس المنتظم وتعالوا نكمل اثنين انعكاس غير منتظم هو ارتداد الاشعه الضوئيه عن سطوح او عن السطوح غير المصقوله مثل الخشب باتجاهات مختلفه وبرضو تعالوا نجرح نرسمها اوه سوري سوري احنا حكينا هون بده يكون غير مصقول صح يعني بده يكون فيه ايش بدو يكون فيها اوكي على سبيل المثال خلينا نحكي هاد زي هيك ممكن بهذا الشكل طلعوا معي متوازيات ما شاء الله اوكي المفروض انا خليت الرسم عليكم يا سابع يلا اخر واحده لا يعني في امل في امل يا سابع اوكي طيب الان ظلت علي بس شغله ما حكيناها او ما كتبناها اللي هي كيف تتم كيف تتم عمليه الابصار الاجابه بتكون عند وصول الاشعه الضوئيه المنعكسه عن الجسم الى العين تنتقل رسائل عصبيه الى الدماغ حيث تتم ترجمه هذه الرسائل الى صور واشكال طيب نقدر ناخد لقطه للشاشه لحتى نكمل شرح طيب نروح تكمله والان راح ناخد شيء كثير مهم يا سابع نركز كثير كويس بقانونات الانعكاس الان في عندي قانونين للانعكاس تعالوا خلينا بدايه نشوف الشكل اللي امامنا صفحه 37 وبعدها بنروح نعرف شو هم قانونا الانعكاس اول شيء يا مس الشكل هذا اللي امامنا بمثل اهم المفاهيم اللي قانونا الانعكاس اللي راح نتحدث عنهم الان تعالوا خلينا نتحدث عنهم شوي شوي ونفهم شوفي عندي بهاي الصوره في عندي او بهذا الشكل في عنا يا سابع اول شغله في عندي سطح عاكس يعني زي المرايه اوكي طيب هذا السطح العاكس تعالوا خلينا نبلش الان في عندي شعاع ساقط شعاع ضوئي بيسقط على السطح العاكس فاذا هذا الخط وشوفوا فرجاني سهم انه هذا الخط او شعاع الضوئي بيسقط وين على السطح العاكس فاذا هذه الشعاع بسميه الشعاع الساقط طيب مش هو هذا الشعاع سقط على السطح العاكس او على المرايه مثلا سقط عند هاي النقطه صح من نفس النقطه برجع الشعاع الضوئي نفسه برجع شو ماله بينعكس هيو طالع طالع لبرا اذا بسميه الشعاع المنعكس والنقطه هاي اللي سقط فيها الشعاع الساقط وطلع منها الشعاع المنعكس هاي النقطه بسميها نقطه السقوط ليش لانه هاي النقطه اللي سقط فيها الشعاع الساقط ماشي اذا صار في عندي سطح عاكس وفي عندي شعاع ساقط وشعاع منعكس وفي عندي نقطه سقوط طيب بنيجي الان بنرسم خط وهمي طيب خط وهمي هذا هو الخط الوهمي باجي هون من عند نقطه السقوط بجيب مسطره وبرسم خط وهمي بسميه العمود المقام هذا الخط الوهمي لازم يكون عمودي على السطح العاكس يعني مش انا رسمت عمود مقام هاد بكون ايش عمودي على المرايه او على السطح العاكس لما احكي لكم عمودي يعني الزاويه بينه وبين السطح العاكس 90 هاي كلياتها 90 ماشي 90 درجه وهون كمان نفس الشيء هون كمان راح تكون 90 اوكي لانه عمودي عمود مقام طيب الان في عندي كمان من من المفاهيم المهمه الان يامس الزاويه المحصوره مش هاي الان هون في عندي زاويه هاي الزاويه المحصوره بين الشعاع الساقط والعمود المقام انسولي هذا اذا الزاويه هاي المحصوره بين الشعاع الساقط والعمود المقام بسميها زاويه السقوط وبنرمز لها بهذا الشكل شوفوا هيك زي زي الدائره البيضاويه هيك اوكي وفي خط بالنص بسميها ثيتا ثيتا اذا تقرا ثيتا هذا رمز زاويه السقوط طيب خلينا نغطي على هاي الجهه هذا عندي شعاع ومنعكس صح وهذا عمود مقام الان الزاويه المحصوره بين الشعاع المنعكس والعمود المقام بسميها زاويه الانعكاس اذا هاي الزاويه مرتبطه مع الشعاع تاعها وهاي الزاويه مرتبطه مع الشعاع تاعها اوكي طيب زاويه الانعكاس هي الزاويه المحصوره بين الشعاع المنعكس والعمود المقام بنرمز لها ثيتا بس عشان نميزها عن زاويه السقوط نعطيها شرطه او شحطه او شخطه زي ما بدكم اذا هاي ثيتا وهاي ثيتا شرطه اوكي هاي اهم المفاهيم اللي لازم تميزوها وتكونوا عارفينها ليش راح نحكي ليش طيب قبل ما نروح ناخذ قانونا الانعكاس على ايش بنصن شو بحكن في عندي سؤال بحكي لي اذا كان مقدار الزاويه هون هاء الموضوع هاد ميه بالميه راح يجي عليه سؤال بالامتحان اذا كان مقدار الزاويه المحصوره بين الشعاع الساقط تعالوا يلا عشان ما نخربط اذا ثواني خليكم معاي بس عشان خليني امسح هدول عشان نعرف نركز اذا كان مقدار الزاويه المحصوره بين الشعاع الساقط هذا الشعاع الساقط وسطح المراه شوفوا هذا الشعاع الساقط وهذا سطح المراه اذا هاي الزاويه المحصوره بينهم 30 درجه اذا شوفوا 30 درجه فما مقدار كل من زاويه السقوط وزاويه الانعكاس زاويه السقوط هيها اللي هي ثيتا اللي هي هاي طيب احنا بنعرف انه الزاويه هاي كلها اللي هي بين العمود المقام وبين سطح المراه كلها تسعين طيب شلت منها 30 كم بيضل لحتى اكملهم للتسعين بقول 90 ناقص 30 شوفوا اذا تسعين هون تسعين ناقص ثلاثين ويساوي ستين اذا فيتا اذا فيتا بتساوي ستين درجه وخليني احكي لكم شغله في عندي القانون الثاني للانعكاس بحكي لي انه زاويه الانعكاس وزاويه السقوط متساويتين اذا فيتا هي تساوي ذات شرط اوتا شرطه تساوي ثيتا اذا طلعت الاولى بعرف الثانيه اذا طلعت الثاني بعرف الاولى اذا ما دام ثيتا بتساوي 60 اذا سيتا شرطه كمان بتساوي 60 فاذا بحكي هون ثيتا تساوي ثيتا شرطه وتساوي ستين درجه للاجابه يا سابع طيب تعالوا خلينا نشوف الصفحه اللي بعدها في عندي قانون الانعكاس الاول وقانون الانعكاس الثاني على ايش بنصه قانون الانعكاس الاول بحكي لي انه الشعاع الساقط هذا الشعاع الساقط والشعاع المنعكس كمان الشعاع المنعكس والعمود المقام على السطح العاكس شخبطنا الدنيا اوكي عند نقطه السقوط تقع جميعها في مستوى واحد عمودي على السطح العاكس يعني لو انا في عندي هاي مرايه اوكي اللي هي سطح عاكس فبحكي لي انه هذا الشعاع الساقط عمودي على المرايه اوكي يعني شو يعني عمودي هون انا بقصد يعني مش هيك اوكي هاد الشعاع الساقط والشعاع المنعكس والعمود المقام عند نقطه السقوط هدول كلياتهم والشعاع المنعكس والعمود المقام هدول الثلاث كلهم موجودين بنفس المستوى ما في واحد منهم بهذا المستوى واحد منهم زي هيك اوكي فاهمين علي احكي لكم شغله اريحكم يا ساده هاد النص بس احفظوا زي ما هو ماشي يا مس ريحكم يعني نص القانون احفظوه زي ما هو يعني بصم بدنا نبصم وبصم تمام شايفين اذا نص القانون بحكي لي انه الشعاع الساقط والشعاع المنعكس والعمود المقام على السطح العاكس من نقطه السقوط جميعهم موجودين بنفس المستوى اللي هو المستوى العمودي على السطح العاكس اوكي طيب احفظوه زي ما هو يا سابع يعني ما بدنا نعقد حالنا لا تعقدوا حالكم حفظ بصم القانون الثاني وهذا اللي بهمنا شوفوا هذا ما بهمني حاليا بالحل خلص نصف وفهمنا خلص نحفظه هذا اللي بهمني بالحل نص القانون الثاني بحكي لي زاويه السقوط ذاته تساوي زاويه الانعكاس ذات شرطه شوفوا هذا هيك سهل خفيف لطيف بسيط طيب اذا النصوص هدول بدنا نحفظهم بصم غيبا الان يا مصر تعالوا خلينا نشرح المثال واحد والمثال اثنين وبعدين بنروح بنلخص ومنها الفيديو المثال واحد بحكي لي من دراستي الشكل المجاور هات في عندي شكل وحدد زاويه الانعكاس على الشكل طيب نشوف بس اول شيء يا حبايبي بدي اعمله بدي ارسم شوفوا هو مبين ساقط وهذا شعاع منعكس ماشي هو بده زاويه الانعكاس اول اشي بدي ارسم العمود المقام هاد نرسمه هيك على شكل خطوط هيك متقطعه عشان ابين انه هذا وهمي طيب مش هذا شعاع ساقط فالزاويه بينه وبين العمود المقام بسميها ثيتا اللي هي زاويه السقوط وهذا شعاع منعكس الزاويه بينه وبين العامود المقام يعني هاي بسميها ثيتا شرطه فاذا احدد زاويه الانعكاس على الشكل هيني حددتها يا ثيتا شرطه عشان احددها اضطريت اني ارسم العمود المقام واحدد ثيتا عشان احدد ثيتا شرطه طيب الان بحكي لي اجد مقدار كل من زاويه السقوط وزاويه الانعكاس الان يا حبايبي شوفوا معطيني هو شغله بتفيدني بالسؤال معطيني الزاويه هاي كم بتساوي 60 اللي هي الزاويه المحصوره بين الشعاع الساقط وسطح للمراه هاي زي السؤال اللي قبل شوي حليناه هاي بتساوي ستين طيب احنا بنعرف انه الزاويه هاي كلها تسعين اللي هي الزاويه بين سطح المراه وبين العمود المقام هو عمودي على المراه الزاويه هاي كلها تسعين طيب اعطاني السؤال من بالسؤال اصلا اعطاني من التسعين اعطاني 30 يا سوري اعطاني 60 قديش ظل لحتى يصيروا 90 اذا بحكي كلهم 90 ناقص 60 بطلع معي ثلاثين اذا ثيتا بتساوي 30 درجه طيب ومن قانون الانعكاس الثاني حكى لي انه زاويه الانعكاس بتساوي زاويه السقوط فاذا ما دام ثيتا بتساوي 30 اذا ثيتا شرطه كمان بتساوي 30 هاي المثال الاول نشوف المثال الثاني بحكي لي من دراسه الشكل المجاور هذا عندي شكل وحد على الرسم كله من زاويه السقوط وزاويه الانعكاس لم اجد مقدار كل منهما طيب الان يا حبايبي هذا شعاع طالع من المرايه اذا هذا الشعاع منعكس اذا انا بدي ارسم شعاع ساقط شوفوا من نفس نقطه السقوط هاي برسم هذا الشعاع وبخليه ايش بحط سهم انه هيو قاعد بيسقط على المراه طيب وبدي ارسم ايش عمود مقام وهذا العمود المقام معلش اسفه اذا حكى لي احدد على الرسم كلا من زاويه السقوط وزاويه الانعكاس اول اشي هات شعاع ساقط وهذا عمود مقام الزاويه هاي اللي بينهم هاي زاويه السقوط اللي هيتا طيب هات شعاع منعكس وهذا عمود مقام الزاويه اللي بينهم ثيتا شرطه اللي هي زاويه الانعكاس الان حكى لي طيب حدد حدد كم مقدار زاويه السقوط وزاويه الانعكاس بقدر شو اعمل بقدر الف الكتاب زي هيك وباجي بحكي هو بالسؤال نسوري هدول شوي اعطاني هاي الزاويه كلياتها 135 طيب ما هو انا لو كملتها بتصير هاي كلياتها زاويه مستقيمه قياسها 180 درجه صح يعني ايش نص دائره نصف دائره هاي صارت اذا كلياتها 180 طب هو اعطاني من ال 180 اعطاني 135 قديش ضل عشان اكملها لل180 بحكي 180 - 135 بطلع معي هاي الزاويه شوفوا هاي الزاويه 45 درجه هسه انسول الميه 135 اوكي غطوا لي هيك طيب بس انا شو راح استفيد من هاي بلا بستفيد احنا اتفقنا مره ثانيه انه عندي عمود مقام وعندي هاي المراه الزاويه بينهم كم تسعين طيب من التسعين انا معي 45 اذا كم ضل من 90 بحكي 90 بشيل منها الخمسه واربعين بضل عندي اذا 90 ناقص 45 ويساوي خمسه واربعين اذا هاي الزاويه اللي انا طلعتها هاي هي ثيتا شرطه اللي هي زاويه الانعكاس طيب من قانون الانعكاس الثاني حكى لي انه زاويه الانعكاس تساوي زاويه السقوط اذا كانت زاويه الانعكاس 45 اذا زاويه السقوط كمان بتساوي 45 وهاي هي الاجابه اذا حسيتوا حالكم شوي انعجقتوا ارجعوا عيدوا الفيديو مره ومرتين وركزوا بتفهموا مزبوط تعالوا خلينا نلخص اهم الشغلات اللي اخذناها يا سابع لحتى نكون انهينا شرح الدرس طيب الان خلينا نكتب قانونا الانعكاس قانون الانعكاس الاول ينص على ان الشعاع الساقط والشعاع المنعكس والعمود المقام على السطح العاكس عند نقطه السقوط تقع جميعها في مستوى واحد عمودي على السطح العاكس بعدين بنروح على قانون الانعكاس الثاني ينص على ان زاويه السقوط ثيتا تساوي زاويه الانعكاس ثيتا شرطه طيب ونروح نكمل اللهم صل على سيدنا محمد مضطره ارسم يا ساده هاد هاد شعاع ساقط وهاد شعاع منعكس وهذا عمود مقام وهذا سطح عاكس وهاي اللي هي نقطه السقوط وهاي عندي اللي هي الزاويه السقوط ثيتا وهاي الزاويه الانعكاس ثيتا شرطه نكمل الان بنحكي العمود العمود المقام هو خط وهمي على السطح سوري خطوه وهمي عمودي على السطح العاكس عند نقطه السقوط اوكي الان عندي زاويه السقوط اللي هي ثيتا اللي هي الزاويه المحصوره بين الشعاع الساقط والعمود المقام انا عندي زاويه الانعكاس ذات الشرطه هي الزاويه المحصوره بين الشعاع المنعكس والعمود المقام واخر شيء بضل عندي يرجى دراسه مثال واحد زائد اثنين من الكتاب صفحه تسعه وثلاثين هاي بالنسبه لتلخيصنا يا سابع بتمنى تكونوا استفدتوا من الشرح ومن التلخيص بضل علينا حل الاسئله حبايبي اي حد عنده اي سؤال او استفسار على شرح الدرس الجزء الاول او الجزء الثاني يا ريت تكتبوا لي بالتعليقات والفيديو القادم ان شاء الله بنلتقي مع بعض بحل الاسئله ويعطيكم الف عافيه يا رب