تعلم الإعراب بسهولة حل قطعة نحو

خريج كليه هندسه لما بيقدم على شغل بيتقال له في المقابله الشخصيه كلمه جميله جدا اللي درسته ده حاجه والشغل حاجه تانيه خالص نفس الكلام ده بقوله للطلبه احيانا لما بتسمع درس نحو بتتبسط جدا وبتحس ان انت فاهم جدا وان درجات النحو كلها خلاص بقت في جيبك لكن مع اول قطعه نحو بتتعقد جدا وبتحس ان انت مش فاهم جدا وبتحس ان انت مش عارف تحل اي حاجه جدا جدا فانا عايز ابشرك ان الاحساس ده طبيعي جدا جدا جدا لان قطعه النحو ما بتعتمدش بس على المعلومه اللي انت عارفها لا قطعه النحو محتاجه مهاره وانت بتحلها اسمها مهاره حل قطعه النحو هتقول لي ايه دي مهاره جديده ولا ايه ده انا اول مره اسمع عنها المهاره دي هقول لك هي مش جديده ولا حاجه بس يمكن ما تسمعهاش كتير او ما حدش بيقولها كتير لكن بجد حل قطعه النحو دي مهاره لازم تدرس كويس جدا ولازم تتعلم كمان طريقتها فاحنا في الفيديو ده مش هدفنا ان انت تركز على المعلومه بقدر ان انت تركز ركز على الطريقه بتاعه الحل تشوفني ازاي بحل قطعه نحو فاحنا هنحل دلوقتي قطعه نحو للصف الثالث الاعدادي لكن لو انت سنك اصغر من كده او اكبر من كده ما فيش مشكله خالص ان انت تسمع وتستفيد في اعرابات كتير هقولها هتلاقي نفسك محتاجها مهما كان انت في اي صف بسطتها لك نعم ما اقامه المصريون الوحده بين عنصري هذه الامه فلقد وحدوا كلمتهم لنصره الحق فالكل يسعى لهدف واحد هو اعلاء شان بلدنا الحبيب فكم من دسائس واجهوا ولكنهم وقفوا امامها مؤكدين للدنيا معظمها ان الامن والامان تصنعهما النفوس القويه فيا ابناء الوطن لا يخضعنكم احد وكونوا عصبه تصلوا للعلا اول حاجه كده بدايه حضرتك لازم تقرا القطعه مره او مرتين على الاقل دي بنسميها قراءه الفهم يعني لازم تقرا القطعه مره ولا مرتين تفهم هي بتتكلم عن ايه. ندخل بقى على اول كلمه عايزني اعربها اللي هي كلمه كلمتهم فانا دلوقتي المطلوب مني ان انا احدد حاجتين الحاجه الاولانيه نوع الجمله اللي انا عايز اعربها الحاجه الثانيه اللي انا اطلع اركان الجمله هتقول لي طب انا بحدد نوع الجمله ازاي هقول لك بحدد الجمله من اقرب فعل او من اقرب فاصله ينفع من عندها ابدا جمله جديده المهم لو بصيت هنا هلاقي فين اقرب فعل اللي هي كلمه وحده يبقى هبدا من عندها الجمله وهسال نفسي على طول هو مين اللي وحد لان انا بمجرد ما اعرف ان الجمله دي جمله فعليه مطلوب مني اعرف مين الفاعل وفي مفعول به ولا لا بعرف الفاعل ازاي بسال عليه هو مين مين اللي وحد الواو الجماعه للمصريين اللي هي عايده على المصريين وحدوا ايه كلمتهم يبقى كلمتهم دي هي دي الحاجه اللي وحدوها يعني معنى كده ان هي دي المفعول به يبقى اعربها مفعول به منصوب وعلامه نصبه الفتحه ثاني كلمه عايز اعربها هي كلمه الحبيب وعشان تعرف تعرب الكلمه دي لازم الاول تحدد نوع الجمله وبعد لما تحدد نوع الجمله تطلع الاركان بتاعه الجمله دي يعني لو كانت الجمله اسميه تطلع المبتدا والخبر لو كانت جمله فعليه تطلع الفعل والفاعل والمفعول به لو هو موجود وبعد اما تطلع الاركان شوف بقى الكلمه اللي انت عايز تعربها دي هل هي من الاركان ولا هل هي حاجه غير الاركان اللي احنا بنسميها الزوائد فانا وظيفتي دلوقتي ان انا احدد بدايه الجمله بدايه الجمله عند الضمير هو هتقول لي طب معلش سؤال صغير انت على اي اساس حددت لي ان بدايه الجمله الجمله عند هو طب ما انا ممكن اقول لك بدايه الجمله عند يسعى هقول لك صح انت صح يسعى دي بدايه جمله وهو برده دي بدايه جمله وهقول لك قاعده جميله كده احفظها وما تطلعهاش من الذاكره بتاعتك اي ضمير منفصل هيقابلك في القطعه على طول غالبا الضمير ده مبتدا والكلمه اللي بعديه ايا كانت هي خبر فهمت يا سيدي ليه ابتديت من عند علشان دي اقرب بدايه جمله اللي هي هو تعرب مبتدا خلاص يبقى دي بدايه جمله طب والك الكلمه اللي بعديها اللي هي كلمه اعلاء هتعرب خبر جميل يبقى معنى كده ان كلمه الحبيب مش ركن كويس جدا فادام مش ركن يبقى هي لا اما مضاف اليه او حال او نعت او تمييز او اسم مجرور او ظرف او اي حاجه من الزوائد اللي احنا اخدناها غير الاركان فتعال نجرب مع بعض الحبيب تمشي مضاف اليه هقول لك لا ما ينفعش لان قبليها اسم معرفه اللي هي كلمه بلدنا هتقول لي ايه اللي عرفها؟ هقول لك لانها اسم اتصل بها ضمير على طول اي اسم يتصل به ضمير على طول وانا مغمض ده معرفه والمضاف اليه شرطه الاساسي والوحيد انه لازم يجي قبليه اسم نكره فخلاص ما نفعتش مضاف اليه هتقول لي طب تعال نجرب الحال هقول لك ما تنفعش تبقى حال لان الحال لازم يبقى نكره والحبيب هنا معرفه هتقول لي طب يمكن تمييز هقول لك برده ما ينفعش تمييز لان التمييز لازم يبقى نكره هتقول لي بس خلاص انا عرفت الاجابه تقريبا والله اعلم يعني ان كلمه الحبيب دي بدل هقول لك ليه بدل هتقول لي لان بلدنا لقب واللي بيجي بعد اللقب بيعرب بدل هقول لك الكلام ده مش صح بلدنا فعلا لقب لكن شروط البدل ايه ان يجي بعد اللقب اسم والمقصود بالاسم هنا اسم شخص او اسم مدينه او اسم حاجه يعني مش اي كلمه اسم تبقى هي بدل لا مش ده المقصود وانما المقصود بالاسم هنا هو اسماء الاشخاص واسماء المدن واسماء الشهور هو ده المقصود بيها فهنا كلمه الحبيب اسم شخص اسم مدينه اسم حد هتقول لي لا هقول لك بس يبقى مش بدل هقول لك لو كنت انا قلت بلدنا مصر كانت مصر هنا بدل ليه؟ لان بلدنا لقب ولما يجي بعديها اسم حاجه اسم بلد اسم شخص في الحاله دي اقول لك اه الاسم ده بدل لكن كلمه الحبيب مش اسم شخص هنا ولا اسم مدينه هتقول لي طب تعال نجرب النعت هقول لك هي فعلا نعت هتقول لي ليه هقول لك لان كلمه الحبيب عندي معرفه وقبليها اسم معرفه اللي هي كلمه بلدنا يبقى كده الشرط الاولاني بتاع بتاع النعت اتحقق الشرط الثاني اللي انا بسال على النعت بما صفه ما صفه بلدنا انه حبيب اه يبقى الشرطين عندي اتحققوا يبقى هعرب الحبيب نعت بس استنى نعت ماله هتقول لي مش عارف هقول لك لا ما احنا لازم نرجع بقى نعرب الكلمه اللي قبليها علشان نعرف نعرب النعت لان النعت بيعرب على حسب اعراب الكلمه اللي قبليه لو اللي قبليه مرفوع هو مرفوع ولو اللي قبليه منصوب هو كمان منصوب ولو اللي قبليه مجرور هو مجرور زيه برده هتقول لي طب بلدنا دي اعربها ايه؟ هقول لك بص يا سيدي بلدنا دي مضاف اليه هتقول لي ليه؟ هقول لك انا شرحت المضاف اليه قبل كده بالتفصيل لكن هقول لك الخلاصه بتاعته لو انت عايز تعرف المضاف اليه بسهوله المضاف اليه لازم يجي قبليه اسم نكره والاسم النكره ده لا يقبل التنوين في الجمله هتقول لي مش فاهم هقول لك مش كلمه شان اسم نكره هتقول لي اه هقول لك طيب ينفع احط لها تنوين واقرا الجمله بالتنوين مش لوحدها لا اقراه في الجمله ينفع اقول هو اعلان شان بلدنا هتقول لي لا ما فيش حاجه اسمها شان بلدنا هقول لك بس اي اسم نكره لا ينون الكلمه اللي بعديه مضاف اليه طبعا ما عدا الممنوع من الصرف والجمع المذكر السالم والمثنى وبما ان بلدنا مضاف اليه مجرور وعلامه جره الكسره يبقى الحبيب نعت مجرور وعلامه جره الكسره ثالث كلمه مطلوب مني اعرابها كلمه مؤكدين هقول لك يلا يا سيدي هنحل ازاي هتقول لي اول حاجه ما نعربش الكلمه دي لازم نحدد نوع الجمله الاول هقول لك الله ينور عليك ممتاز حدد يلا نوع الجمله هتقول لي هنرجع لاقرب فعل او اقرب فاصله عندي في فعل اللي هنا اللي هو كلمه وقفوا هقول لك ممتاز جدا هتقول لي بعد كده بقى هحدد الاركان علشان اعرف هي مؤكدين دي فعل او فاعل او مفعول به ولا حاجه غير كده هقول لك الله ينور عليك هتقول لي هسال به هو مين اللي وقف هم اللي هي واو الجماعه دي وقفوا ايه مؤكدين يبقى مؤكدين تقريبا والله اعلم مفعول به هقول لك قبل ما تسال بايه لازم تبقى فاهم الاول يعني ايه مفعول به مفعول به ده هو الحاجه اللي الفاعل عملها يعني الموضوع مش موضوع رص حاجات جنب بعض وطلع اي اجابه وخلاص لا طبعا لازم حضرتك تبقى فاهم انا بقول لك ايه دي عشان تسهل لك لكن لازم تبقى فاهم انت يعني ايه مفعول به المفعول به هو الحاجه اللي الفاعل عملها يعني انا هنا لو سالتك الحاجه اللي وقفها المصريين هي كلمه مؤكدين هتقول لي لا طبعا هقول لك جميل يعني معنى كده ان كلمه مؤكدين دي مش مفعول به يبقى احنا كده هندور على الكلمه دي في الزوائد زي الحال والمفعول لاجله والمفعول المطلق والنعت والتوكيد والبدل والمضاف اليه تعال نجرب كده مضاف اليه المضاف اليه لازم يجي قبليه اسم نكره وعزم هنا نكره طب تعال نجرب ننونها وننطق الجمله بالتنوين ينفع اقول امامها بعزم مؤكدين اه نفعت والله ينفع اقول بعزم مؤكدين يبقى مؤكدين على طول هنا ما تنفعش تبقى مضاف اليه هتقول لي بس خلاص انا عرفت الاجابه هقول لك ايه هي هتقول لي نعت مش محتاجه تفكير دي هقول لك ليه هتقول لي اسم نكره اسم نكره على طول يبقى نعت لان مؤكدين نكره وعزم نكره هقول لك المعلومه دي مش دقيقه حبتين ما فيش حاجه اسمها اي اسم نكره قبليه اسم نكره نعت النعت ليه شرطين ان هو يبقى نكره نكره او معرفه معرفه والشرط الثاني اللي زي الشرط الاولاني في اهميته اللي انا بسال عنه بما صفته هنا مؤكدين فعلا اسم نكره وعزم اسم نكره لكن اسال كده بما صفه ما صفه العزم انه مؤكدين لا طبعا يعني ما تنفعش نعت طب تعال نجرب الحال هتقول لي هو ايه شروط الحال اصلا هقول لك الحال شروطه يا سيدي ان هو يبقى نكره بيجي غالبا في الجمله الفعليه بسال عنه بكيف فكلمه مؤكدين دي نكره الشرط الاولاني اتحقق الجمله فعليه اللي هي وقفوا الشرط الثاني اتحقق اسال عنه بكيفه كيف وقفوا امامها حالهم كان عامل ازاي وهم واقفين امامها مؤكدين يبقى تمام يبقى الكلمه دي حال الحال دايما منصوب حال منصوب وعلامه نصبه الياء دي كده كلمه النفوس تصنعهما النفوس ارجع احدد بدايه الجمله طبعا الفعل جنبها هبدا من عند الفعل هي مين اللي بتصنعها النفوس يبقى النفوس فاعل مرفوع وعلامه رفعه الضمه وبعد كده كلمه احد لا يخضعنكم احد ما تعرفش حد بدايه الجمله بدايه الجمله من عند الفعل يخدعنكم هبتدي اطلع الاركان هو مين اللي هيخدعكم احد يبقى احد فاعل مرفوع علامه رفعه الضمه اخر اعراب عندي وكونوا عصبه هتقول لي ايه ده ايه ده مش كونوا دي تقريبا اللي هي كان واخواتها اللي هي اسمها الافعال الناسخه هقول لك ايوه كان واخواتها دي يا سيدي بترفع اسمها وتنصب خبرها وفي قاعده كده عايزك تصمها وتحفظها صم كان واخواتها وان واخواتها اول ما يتصل بيهم ضمير على طول وانت مغمض الضمير ده اسمها يعني كونوا اتصل بها ضمير اللي هي الواو واو الجماعه يبقى الواو دي اسمها يبقى انا دلوقتي بدور على خبر كان كونوا ايه عصبه يبقى عصبه خبر كان منصوب وعلامه نصبه الفتحه دلوقتي احنا خلصنا سؤال اعرب ما تحته خط وهندخل على سؤال استخرج اول حاجه طالب مني ان انا استخرج بدل وابين نوعه اول ما تسمع كلمه بدل دي على طول وانت مغمض اول حاجه هتدور عليها اسم اشاره اره بعديه كلمه فيها الف ولام تقوم مختار الكلمه اللي فيها الف ولام وتقول له دي بدل مطابق لو ما لقيتش دور على اي لقب او اي وظيفه بعدها اسم وطلع الاسم ده وقول له ده برض بدل مطابق لو ما لقيتش بقى ساعتها بقى دور على بدل البعض من كل او بدل اشتمال هتقول لي يعني ايه بدل بعض من كل او اشتمال هقول لك لا ارجع بقى لدرس البدل واسمعه كويس وانت هتفهمه ان شاء الله هتلاقيه مشروح على القناه بتاعتنا على اليوتيوب بسطتها لك فتعالوا ندور دلوقتي مع بعض على اسم اشاره بعديه الف ولام نشوف في موجود ولا لا نعم ما اقامه المصريون الوحده بين عنصري هذه ايوه هذه امسك اهي جميل اسم اشاره جه بعديه الف ولام هتقول لي اه الامه هقوم مطلع له كلمه الامه واقول له ده بدل نوعه مطابق او كل من كل هقول لك طيب في بدل تاني هتقول لي تعال ندور تقريبا والله اعلم كلمه معظمها تنفع هقول لك ايوه تنفع صح معظمها ده بدل بعض من كل ازاي عرفت ان ده بدل بعض من كل ان كلمه معظم جزء من الدنيا يبقى ده معنى كده ان هي جزء منها يعني بدل منها ثاني حاجه فيها ضمير عاد على الدنيا بس خلاص فينفع برض اطلع له كلمه معظمها واقول له ده بدل بعض من كل حاجه بيقول لي استخرج اسلوب مدح وحدد الفاعل والمخصوص بالمدح اسلوب مدح هو نعم ما اقامه المصريون الوحده الفاعل دايما هو الكلمه اللي موجوده بعد نعمه وبئس والفاعل هنا ما الموصوله اللي هو ما او من لان احنا قلنا فاعل نعمه وبئس لاربع حالات من ضمنهم حاله ان هو يجي ما او من الموصوله ويعرب اسم موصول مبني في محل رفع فاعل جميل انا دلوقتي بقى عايزه اوصل للمخصوص بالمدح فين الحاجه اللي انا بخصها بالمدح هتقول لي انا حاسس كده والله اعلم ان المخصوص بالمدح هي كلمه المصريون هقول لك لا الله يصلح حالك هي مش بالاحاسيس اركن لي كده احاسيسك على جنب شويه تعالي كده شويه على جنب يا احاسيس المخصوص بالمدح هو الكلمه اللي انت فاهم من الجمله ان هي مقصوده بالمدح ان احنا بنمدحها فانا بقول لك نعم ما اقامه المصريون الوحده ايه اللي انا بمدحه في الموضوع ده؟ هتقول لي الوحده هقول لك ايوه الله ينور عليك هي دي انا مش بمدح اقامه المصريون مش ده اللي انا بمدحه انا بمدح الوحده اللي المصريين عملوها ثالث حاجه عندي بيقول لي استخرج منادى واعربه لو دورنا هنا على المنادى هتلاقي كلمه فيا ابناء الوطن كلمه ابناء هي المنادى هتقول لي بس انت بتستخرج الحاجات بسرعه جدا انا لما باجي استخرج حاجه ما بلاقيهاش بالسهوله دي يعني المفروض لما تيجي تستخرج حاجه تقرا القطعه من اول وجديد كلمه علشان تلاقي الحاجه اللي انت بتدور عليها مش تبص لي بصتين ثلاثه كده على السريع وتقول لي اصل انا مش لاقيها يبقى ابناء دي منادى لكن عشان اعربه لازم الاول تعرف هي ده منادى مضاف ولا شبيه بالمضاف ولا مفرد هتقول لي يعني ايه مضاف ويعني ايه شبيه بالمضاف هقول لك مضاف يا سيدي يعني جاي بعديه مضاف اليه كلمه ابناء هنا جه بعديها مضاف اليه هتقول لي كلمه الوطن اه مضاف اليه لان ابناء اسم نكره ما ينفعش ينون في الجمله ما ينفعش اقول ابناء الوطن ما ينفعش واي اسم نكره لا ينون في الجمله الكلمه اللي بعديه مضاف اليه هقول لك جميل يبقى المنادى بتاعك هنا مضاف طب المنادى المضاف والشبيه بالمضاف بيعربوا ايه بيعربوا منادى منصوب يبقى ابناء منادى منصوب وعلامه نصبه الفتحه اخر حاجه عندي في الاستخراج بيقول لك استخرج ممنوع من الصرف وبين سبب منعه من الصرف. اول ما حد يقول لك طلع من القطعه دي ممنوع من الصرف اول حاجه تدور عليها هي صيغه منتهى الجموع. يعني ايه صيغه منتهى الجموع؟ يعني كلمه جمع فيها الفصديها حرفين او لاثه مالقتش دور على اي اسم تفضيل اللي هو على صيغه افعل زي اجمل اطول امهر مالقتش دور على اي اسم مؤنث على طول اي اسم مؤنث على طول وانت مغمض ده ممنوع من الصرف تعالوا ندور بقى الاول على صيغه منتهى الجموع هنا لو دورنا على اي كلمه جمع فيها الف النص بعديها حرفين هتلاقي كلمه دسائس فده سائس هنا صيغه منتهى الجموع عرفت منين؟ الف بعديه حرفين وكلمه جمع خلاص وانا مغمض يبقى دي صيغه منتهى الجموع فاكتب له في الممنوع من الصرف ده سائس طب سبب المنع اقول له لانها صيغه منتهى الجموع ندخل بقى على سؤال ج بيقول لي رقم واحد نعمه نقط ضع مكان النقط مخصوص بالمدح اول ما يجيب لك نعمه ويقول لك حط بعديها مخصوص بالمدح اعرف ان المخصوص بالمدح ما ينفعش يجي بعد نعمه مباشره لازم تجيب فاعل يفصل ما بين نعمه والمخصوص بالمدح او تجيب كلمه تمييز يعني مثلا لازم تقول له نعم الصفه التعاون او نعم صفه التعاون لكن ما ينفعش لما تحب انت تجيب التعاون مخصوص بالمدح تقول نعمه التعاون على طول ما ينفعش نعمه والمخصوص بالمدح ما بيجوش ورا بعض ابدا لازم الفاعل يبقى في النص ولو مافيش فاعل لازم يبقى في تمييز بينهم هما الاتنين تاني سؤال بيقول لي ارتفعت مصر مكانه اجعل التمييز بدلا هتقول لي هو فين التمييز اصلا هقول لك التمييز هي كلمه مكان لان التمييز لما شرحناه قلنا لما بيجي مع الجمله الفعليه بيبقى اصله كان ينفع يجي مكان الفاعل او ينفع يجي مكان المفعول به فهنا كلمه مكانه قبليها فاعل فلو جينا نحطها مكان الفاعل هتمشي ينفع اقول ارتفعت مكانه مصر فدايما التمييز بعرفه منين في الجمله الفعليه انه ينفع يجي مكان الفاعل لو قبليه فاعل او ينفع يجي مكان المفعول به لو قبليه لو قبليه مفعول به هتقول لي طب ازاي احول التمييز لبدل هقول لك مش المكانه دي جزء من مصر هتقول لي اه هقول لك طيب ايه شروط البدل البعض من كل او الاشتمال هتقول لي ان هم يبقى جزء من المبدل منه رقم واحد رقم اثنين ان لازم غالبا يبقى فيهم ضمير عايد على المبدل منه هقول لك جميل مش المكانه دي جزء من مصر هتقول لي اه هقول لك يبقى يبقى الشرط الاولاني اتحقق الشرط الثاني مكانه دي فيها ضمير عايد على مصر هتقول لي لا هقول لك خلاص حط فيها ضمير هتبقى ارتفعت مصر مكانتها هتقول لي طب هو البدل ده هيبقى نوعه ايه هقول لك ده بدل اشتمال لان هنا المكانه هي مش جزء حقيقي من مصر وده جزء معنوي انا كده خلصت الشرح بتاعي واتمنى ان الشرح يكون عجبكم ولو الفيديو عجبك ما تنساش تعمل له شير علشان الناس كلها تستفيد والسلام عليكم ورحمه الله وبركاته ‏No.