1675 قصة الصقر النادر اللي لقيته

السلام عليكم حياكم الله ويا هلا والله ومرحبا يلا تحييهم هذا واحد من اهل حفر الباطن يقول يا ابو فهد والله انا راعي قنص الكلام هذا يقول تقريبا حوالي قبل سبع سنوات او حولها ها يقول المهم راعي مقناص وراعي روحه وراعي جيه وقبل كورونا يقولوا ابد و ياما رايح وياما ربع جايين وياما طالعين ومتعشين وراقدين لنا في مكان وندور هالحباري ونستمتع ونستانس في يوم من الايام يقول طالع لحالي هو طالع معي طيري وادور يقول يوم دريت ولاهاك الطير اللي ما قد شافت عيني مثله ولا قد شافت عيني حجمه ما شاء الله يقول طير طير على كيف كيف كيفك؟ يقول انا يوم اني شفته دخت حقيقه يعني انت تخيل انك تشوف شيء يعجبك هو مثله الحرمه اذا شافت لها طقم ذهب مرصع بالماس خطر ما تدوخ والشباب اذا لقوا بعض السيارات اللي هم يبونها يحبونها خطر ما يدخون والشيبان اذا ولا خلاص خلونا من الشيبان المهم يقول انا يوم شفته راع المقناص يحب الطير ويقول والله يوم شفته يوم دخت معها دخت عليها ابيه باللهيبه يعني يقول قلت وبسرعه كذا واجيب لمعي حمام كذا في صناديق صغير واطمر كذا وقفت يقول السياره ولا نزلت منها طمرت على المرتبه اللي ورا وسحبت الصندوق اللي فيه حمام واخذ الحمامه واجي قدام واطلع شبكه معي شبكه صغيره تركبها على جنحان الحمامه وتربطها ولا فيه وقت اني اقوم احط له الثقالات ولاش لان الطير قريب يمكني بيني وبينه 150 متر و دربلت عليه يقول ما يحتاج الطير يا سلام يقول المهم سبحان الله كنت اشوف يعني هذه اللحظات تراها يعني لحظات دقائق معدوده لكنها سبحان الله مرت علي باشياء وتخيلات واني بغتني واني بتتغير حياتي وبتزين اموري سبحان الله ترى رزقك احيانا على يعني في طير الله يسخره لك الطير اللي المقصود به صقر يعني المهم والله يقول المهم اني قلت ما يمديني انزل واثبت الحمامه وكذا واخاف ينحاش سبحان الله يوم طلعت الحمامه كذا ربطتها بسلك سلك سناره قوي ربطتها به وقمت ابى اطلعها كذا يعني اخليها يصير معها مساحه انها تطير والسلك معي وفيها الشبكه على ظهرها يعني غاديه ان شاء الله يجي توي مطلع الحمامك كذا ابىطي طيرها وقاعده في السلك حق السناره يوم دريته يطير ويجي يلمي كذا الطير ويدخل علي في الغماره ومسك الحمامه هد على الحمامه اللي معي يقول انا ما فرحت حقيقه ما فرحت مسكته الطير بس اني ما فرحت ترى ما عليه ما عليه سبوق الطير المملوك يصير عليه سبوق ولا عليه ختم خاتم يسمونه يصير عليه رقم جوال وكذا عرفت ان الطير يعني الواحد الطير هذا مو بلي هذا الطير الشخص المهم والله يقول تعرف ذيك الغلقه يقول لا اله الا الله علىك الطير يقول والله وانا اللي اقوم يقول فكيت الحمامه منه ويقول قمت وعشيته يعرفون اهل الطيور يقول المهم فكيتها منه وعشيت الطير ولبسته البرقع وحطيته مع طيري كلهن عليهم برقع يقول في الطير ما فيه سبوق حبال لكن فيه خاتم عليه رقم وانا اللي اقوم واتصل على الرقم رد علي هلا كيف حالك عساك طيب اه ها قلت وشو ا وشو قال امرني يا اخوي امر قلت ضايعك شيء قال طير طير طير قلت ايه خلاص خلاص قال معك هو قلتيه قال ارسل موقعك ارسل لي موقعك قلت ما وينك فيها انت قال انا في المكان الفلاني قلت خلاص عرفت عرفت انا مكان قال لا ارسل موقعك ارسل موقعك يقول رجال مره شدها شد الموضوع وين ارسل لي موقعك من معي من معي يقول حتى كلامه ما هو يعني الكلام مو بسعودي هو خليجي من معي قلت يا رجال اذكر ربك يا رجل انا لو اني ماني معطيك الطير ما دقيت عليك استح خلاص يقول قهرني حقيقه يعني يعني وصل مرحله الوقاحه وصل مرحله الوقاحه قلت قال خلاص وين انت لاقى وين انت لاقى قلت خلاص انا ان شاء الله المغرب انا راجع انتلاق انا وياك عند المحطه الفلانيه معروفه المحطه هذه يقول عندنا في الحفر قال لا ماني منتظر يقول الى المغرب ارسل لي موقعك واجيك اجيك انا في المكان اللي انت تبي يقول انا ماني بقريب بعيد يعني انا قلت يا ابن الحلال انا بجي قال لا ارسل ارسل يقول قهرني لدرجه اني لو ان يعني قلت ليته ما جاني الطير ليته راح هج المهم قلت والله موقعي ماني مرسله لك وانا ان شاء الله المغرب بدخل يعني برجع للديره وانتلاقى ان شاء الله المغرب ان شاء الله نتلاقى في بصلي المغرب في المحطه الفلانيه قال يا رجال ما ادري قلت بلا خلاص بس مع السلامه لو بسرقه ما دقيت عليك طق يقول يتصل علي يتصل علي يقول والله ما ما رديت عليه وخليت جوالي على الصامت قلت خله يعني حقيقه انه كان شوي وقح معي المهم خلو الطير معي ومعشيه وجوه زين ولا ضر شيء والحمد لله رب العالمين الامور كلها تمام ا كملت روحتي هذه وجيت راجع يقول انا ترى لو ما معي الطير يمكن ما ارجع يمكن انام عادي لكن والله رجعت عشان الطير معي المهم رجعت جيت للمحطه وقفت يقول انا ودي اعطيه اياه قبل ما اصلي في المحطه حقيقه ماني يعني تعرف طير مو بلك وكذا وتنزل زل تصلي تخاف انه يجي احد يسرقه وكذا جيت قبل يعني صلاه المغرب بشوي والله ووقفت ولا والله اتصلت عليه ويقول يرد علي وينك وينك قلت انا موجود وتلاقني اياه يقول يجي لمي يقول والله ما سلم علي كان وقح يقول مره وقح ما سلم علي على طول راح للسياره وخرته انا عن السياره طلعت طيره وعطيته اياه خذ هذا يعطيك العافيه يعطيك العافيه مشكور ما قصرت الله يعطيك العافيه يقول دريت يعني يعني سوى معي حركه يعني عيب والله عيب جد عيب يعني يقول طلع ابوكه كذا يعني سحب ابوكه وطلعه وكذا قال كم تبي قلت ش اللي كم تبيه ش اللي كم تبيه قال كم تبي قلت توكل على الله يلا بس رح يلا توكل على الله فارق فارقني يلا فارقني بس فارق يقول راح الرجال خذ الطير وركب السياره معه اثنين ركبوا السياره وراحوا اخذت لي الله العالم ا حدود حوالي اسبوع اسبوع اسبوع طبعا ما علمت احد يعني ما قلت لاحد يعني قعدت خلاص الطير لقيته ورجعته الراعيه وانتهت السالفه في اثنين من ربعي خاصين مره مره قلت لهم قلت والله طحت في طير وكذا وكذا لكن ما سولفت به على الاجهزه وعلى الجلسات وكذا لا سالفه عابره بين ربعي الاثنين ذولي انه والله صار كذا وصار كذا واحد منهم قال يا اخي والله مو بكفو ولا هو برجال وانت والله لو اني محلك لاطيره والله ولا اعطيه اياه اللي هذا واحد قال والله يا اخي ما يشوفه ش الوقاحه ش ذا الوساخه يعني يعني كان مره دفش على قولتهم هذا المهم قلت عموما راحت هي ب على ما قال راحت بجميلها وانا والله ابي الاجر يعني من فعلي هذا وبسلامه الرجال المهم والله بس يقول يعني انا فرحتي هذيك راحت كنت فرحان مره وراحت الفرحه يعني حسيت اني اغتنيت وزانت الامور تغيرت الحياه هو معه جيب باترول احمر قديم يعني تسمع صوته قبل ما تشوفه من الهرقله اللي يقول المهم حتى موتر يعني غيرته في خيالي اللي صار راح على السالفه اسبوع اسبوع اسبوع يقولدرت يتصل عليه رقم نفس الشيء خليجي السلام كيف حالك طيب عساك بخير ترى ما حفظت الرقم هذاك يقول الاول ذاك ما حفظته ولا شيء راح بسلامته كيف حالك عساك طيب وشلونك رجال لبق اموره طيبه والله الحمد لله وشلونك عساك بخير قلت والله تمام قال اخوي انا راعي الطير اللي انت لقيته قلت طيب وانا رجعت لك يقول قلت يعني شكل الرجال هدى وروق وكذا واستوعب ان ذا يمكن داق يعتذر قلت طيب والطير رجعته لك ش تبي قال لا يا رجال انا انا ما شفتك ولا شفتني انا اللي انت رجعته اللي اطيته الطير هذا كان هو يعني زي ما تقول هو المعاوني او مشرف على الطيور ما ادري ايش يسمونه الطيور هو اللي مسؤول عن طيور هذا الشخص نسميه الشيخ مثلا او المطخطخ ذا قال انا انا راعي الطير واللي قابلك هذا واحد معي يعني شغال وكذا قلت زين حياك الله وكذا وقال مشكور والله وما قصرت وكذا وانا والله ما دريت ترى ان الطير ضايع ومن شوي خبروني الشباب وانهم قالوا لي واني قلت جيبوا رقم الرجال وعلموني ان الرجال ما كان لبق معك وانه يعني انه مبين عليه انه زعلك وانك يعني ما رضيت على كلامه وكذا قلت لها يا رجال الدعوه تساهيل والحمد لله قال ودي اسكر حقيقه ودي انهي المكالمه كلها الامر سهل والدعوه سهلات وكذا وما فيها على ما قال الدعوه قال لا يا رجل نحن على ما قال ان شاء الله الاسبوع الجاي جايين حولكم ولازم اشوفك قلت والله تشرفني الله يحييك الساعه مباركه انا موجود وابد متى ما جيت تشرفني بس قال لا نبيك تجينا يعني نحن نطلع ومخيم وكذا ونبيك تجينا قلت والله تجي في محلي واقلط عندك عيب لا تعالي انت والله يحييك والبيت على ما قال نتشرف فيك قال عموما ان شاء الله اسبوع الجاي بيننا ان شاء الله موعد اكيد اكيد ان شاء الله تواعدنا قلت خلاص ان شاء الله اذا جيتوا وابد انا موجود الله يحييكم الساعه مباركه كان حريص حقيقه وكان فرق 180 درجه الصدق اصابعك بسوا هذا صاحب الحلال هذاك الدفش على قولتهم كان خايف مره مره ليه لانه ضيع الطير الطير الظاهر انه طلع وهم ما دروا عنه هم جايين سابقين الشيخ حقهم ومستعدين بالطيور عشان هو بيجي وطلع الطير ذا وهج كفخ وبالشين ويخافون والطير غالي على الشيخ واش خلها بس خلها على ربك وكل شي على ربي سبحانه فهذا صار اصلا هذا نفسه مخروش انهبل خاف يعني طير ذا يضيع مشكله يعني تقى تكلفته بلاوي يعني مبلغ بعض الطيور ما تقدر بثمن ترى على فكره عند راعيها خاصه اللي عنده فلوس واجد لو تسوم منها اي شيء بسعر غالي ويقول لك والله ما الشيء هذا ما يقدر بثمن انا عندي انا عندي فلوس لكن الطير هذا او السياره او البيت او ايا كان ما ابي ابيعه المهم والله يقول ما اسرع منها تكملنا اسبوع واتصل علي السلام كيف حالك طيب والله الحمد لله قال ان شاء الله ان جايينك اليوم يناسبك قلت مباركه يقول وانا اللي اعطيه وصف البيت وبالفعل اعطيته وصف البيت وكلمت اخوي وقلت له اسمع انا الان ابي ذبيحه لكن ما ادري الرجال هذا يبي يجيني لحاله ولا بيجيني معه احد طبعا اخوي ما يدري شو السالفه قلت عندي رجاله بيجي ولا ادري هو يجي لحاله ولا يجي معه احد قال زين تمام واذا بغيت اكثر من ذبيحه ترى بكلمك خلك على على خط النار على قولتهم مستعد قال اززهلا ازهله تلقاني مره والله بالفعل جاء الرجال وجا معه تقريبا اربعه يعني كلهم خمسه قلت خلنا على ذبيحه خلاص ذهب بس اخوي والله يضبط اخوي الدعوه ويزين الامور وانا والله اتلقى الرجاجيل واستقبلهم واحييهم ويا هلا ومرحبا واهبه بريحهم الرجال الاول هذا معهم اللي يعني مثل ما قلت لكم انه معاملته السيئه معهم وكان ساكت ومستحي وواضح انه مهاوشه ذا الين قال بس يعني حايسه معطن ذانه على قولتهم حايسه حوس لانه در بالسالفه كلها شيخهم يقول المهم قلطوا عندي وتقهوه وعينا من الله خير والمهم سوالف وضحك وهذاك الاقشر ساكت والش الشيخ ذا يضحك ويسولف الامور الحمد لله رب العالمين ما معي زود انا الا اخوي ترى بس لما خلصنا وتعشينا طبعا واشكروني حقيقه واثنى علي وما قصرت وانا والله حقي واجب والله لو الطير لاي واحد اني بفزع معه عموما قال يعني يمكن يعني يمكن غيرك مثلا يسرقه ولا غيرك كذا لكن رايتك بيضه وما قصرت قلت له اهل الخير ان شاء الله انهم واجد ولا احد ان شاء الله معتدي على احد وهذا سلم اهل الطيور يقول المهم قام هذا واضح يقول ان الشيخ اشر له او شيء وقام هذا وواقف وقدم اعتذار قدم اعتذار رسمي قال انا والله سات الادب معك وانا والله اسف لكن كانت يعني وضعي صعب وظروفي صعبه وكنت اخاف ان الطير يضيع والطير يعني جايبه الشيخ يبيه يعتذر لي تال باذنه واني والله الطير يعني غال على الشيخ واني والله خفت وما كنت احس اني ما كنت في واعي والعذر منك وكان تصرفي يعني شوي غير لبق ويعني واساءت حقيقه لكم المهم بدا يعني يتعذر قلت عموما مسموح ومعذور وموقفك صعب ابد الدعوه على ما قال سهلات ابدا قال طيب خال خاطر قلت والله طيب خاطري خلاص مره ما كانه صار شيء قال جزاك الله خيرا يقول جا لمي وحب على خشمي وابد طاح الحطب على قولتهم قاموا بيمشون الجماعه والله وركبوا سياره حقتهم وقالوا السياره هذه يقول معهم سياره الثانيه جيب قالوا السياره هذه تراها تبعك قلت ش لا يا رجال الحين نخلص من الاونه تجينا الثانيه قالوا والله العظيم ما تردها يقول سياره جديده جيب قال والله ما تردها والله انها جاي لك مخصوص يا الربع يقول انا دفني واطيح يا ابن حلا قال اقول والله انها لك وان شاء الله تخلص اوراقها هاليومين وابد مره والله انها جايه لك يقول سبحان الله العلي العظيم الرزاق يعني يمكن بعض الناس لو يحصل 2003 5000 خذها وحطها في خباته يعني والحمد لله احمد ربه وبعض الناس يعتبرها يعني يمكنه يعتبرها شويه هانه انا ما جبتها لك ترى الناس اصناف يا الربع ترى هي هديه اذا انت لقيتها شيء وعطاك هذه زي البشاره اما اول يقول يقول شو بشارتي وبعض الناس ترى ما يتقبلها ترى الناس تختلف عموما يقول المهم اني حاولت اني والله ارد السياره وعين الرجال قال ابد والله ان تاخذها ولزم علي وقبلتها حقيقه قبلتها ليش في فرق في طريقه الاهداء لما تهديني كانك يعني كانك تصدق علي خير ان شاء الله انا ما جيتك اشحذ لما تهديني لاني انا سويت لك شيء غالي عليك حصلت لك شيء غالي عليك فالحاصل يقول اني قبلت هذه السياره منه وسبحان الله صارت هذه باب خير وباب رزق يعني قوه علاقتي بالرجال الشيخ هذا وصار تواصله معي دائما باستمرار وحتى اني رحت وزرته اكثر من مره هناك يعني بغيت اقول الدوله اللي هو فيها الخليجيه وزرتها اكثر من مره وزار اني هو كذلك نفس الشيء ويعني حقيقه يقول يعني له وقفات معي طيبه مره يعني ما وقفت الموضوع ما وقف على سياره بس فشفت سبحان الله الرزق والخير اذا الله اراده لك وساقه لك يسوق لك الله الخير ويجيبه لكين يدخل عليك مع الشباك فهو رده في البدايه ترى يمكن لو انه قبل مبلغ بسيط وخذه وكان هذا اسلوبه زين انتهت السالفه لكن سبحان الله يعني الله مريد هذا الشيء ان هذا يكون يقلل ادبه وكذا وكذا وتكبر السالفه وتوصل السالفه للشيخ ويزعل ويكبر الموضوع ويجيب هذا ويعتذر منه ويهديه سياره وتقوى علاقته شوف سبحان الله حتى انها الان ا يعني اصبح زي الوسيط لهذا الشيخ في مثلا بيع طير شراء طير وكذا فصاير الرجال يترزق الله محصل خير منه يقول اشهد بالله يا ابو فهد انها غيرت حياتي شفت هذا الطير بعد الله سبحانه تغيرت حياتي للافضل طبعا والحمد لله على كل انا اقول لك اذا الله اراد لك الخير بيدخل عليك مع حتى يدخل عليك السياره ما تدري والله ما تدري في ناس ترى دخل عليهم الخير باسباب حادث صدم هو يايا واحد وصارت سبحان الله الامور زينه ودخل افتح الله عليه ودخل عليه الخير من هال الحادث في ناس تزوجوا باسباب حادث تزوج وجه اصدم وحده وما ادري شلون وكذا و تزوجوا عاد بعض الناس بدل اللي يدور يصدم في هالعالم انتبهوا بس بعض احيانا بعد تصير الدعوه على راسك تجيب العيد فما هي كل مره تزبط معك عموما هذه قصتنا اليوم انا ما ودي اطول عليكم اكثر من كذا لكن ان شاء الله انكم استفدتم منها لا تحرمونا يا الربع من الانتساب والاشتراك ترى الانتساب معنا يا الربع يدعمنا يعني يدعمنا بقوه حقيقه وكذلك المنتسبين دائما يعطونا اشياء توجهنا ونقدر يعني ها نتناقش معهم نعدل بعض الاشياء نضيف بعض الاشياء اقتراحات وتوجيهات نستفيد منها الى هنا نكون وصلنا الى النهايه صلوا على النبي اللهم صل وسلم على نبينا محمد وعلى اله وصحبه اجمعين نشوفكم ان شاء الله على خير وناسف على الاطاله وفي حفظ الله ورعايته ‏S