ازاي تذاكر الأحياء أهم 5 نصائح مهمه جدا علشان تذاكرها صح ثانوية عامة 2026

ازاي تذاكر ماده الاحياء؟ انا عارف ان الفيديو ده نازل متاخر بس ان شاء الله اليومين الجايين هنزل لكم باقي المواد بس قبل ما ابدا اتكلم عن طريقه المذاكره فانا عايز اتكلم معاكم شويه عن موضوع مخوف الناس من ماده الاحياء خلينا متفقين ان امتحان الاحياء بيجي في اسئله جدليه وبتضيع درجات بس ارجع اقول لك ان لو امتحان الاحياء بتاعك ب 60 درجه ف 53 درجه منهم على الاقل مضمونين وتعرف تجيبهم بسهوله لو اشتغلت صح طول السنه وسبع درجات ثانيين بيكونوا على اسئله جداليه واللي بالمناسبه مش جداليه اللي هو انت مش هتعرف تحلهم خالص بس الفكره ان وضع الامتحان بيحط السؤال على حسب تفكيره هو واللي بالمناسبه قد يصيب او يختلف مع تفكيرك انت فمش عايزك تفكر تفكير سلبي وتركز على السبع درجات وتهمل ال درجه المضمونين واللي المفروض تشتغل عليهم طول السنه وعايز اطمنك يا صديقي اقول لك ان كله بتوفيق ربنا انت ممكن تقفل الاحياء وفي نفس الوقت تنقص كتير في باقي المواد وعلى العكس تماما انت ممكن تنقص كتير في الاحياء بس درجاتك في باقي المواد تسندك وتدخلك الكليه اللي انت بتحلم بيها فاستعن بالله واعمل اللي انت تقدر عليه طول السنه وسيبها على ربنا نرجع بقى لموضوعنا وتعال اقول لك انا هتكلم عن ايه في الفيديو ده في الفيديو ده انا هعرفك ازاي تختار المدرس بتاعك وايه الكتب اللي انت تجيبها سواء كانت شرح او حل. وثالث واهم حاجه واللي انا عامل عشانها الفيديو اصلا تريكات تعملها وانت بتذاكر احياء عشان تطلع منها باقصى استفاده ورابع واخر حاجه اعرفك الطريقه اللي انا كنت بحل بيها بس قبل ما نبدا يا صديقي انا مش طالب منك غير حاجه واحده بس انك تنزل تشترك في القناه وتعمل لايك للفيديو ده وتكتب لي في التعليقات بعد ما تسمع الفيديو انت استفدت بايه ويلا بينا نبدا تاخد مع مين من المدرسين وازاي تختار المدرس بتاعك عن نفسي انا كنت باخد برايفت وما كنتش مداوم على الاونلاين طول السنه ولكن بناء على اراء زمايلكم من الدفعه دي ودفعه السنه اللي فاتت فناس كتير شكرت لي في دكتور احمد رضوان وان هو بيقول ملاحظات كتير وبيربط اجزاء الدرس ببعضها والمحاضره بتاعته بتكون فيها مجهود كبير وعلى فكره ده مش اعلان ليه اطلاقا والله بس انا لقيت الناس بتشكر فيه فقررت ان انا ارشحه لكم وتجربوه بنفسكم وبرده في دكتور احمد الجوهري ودكتور محمد ايمن وغيرهم من المدرسين الكبار في الماده ولكن يا صديقي اللي انا اقدر اقوله لك واللي انت لازم تعمله انك لازم تسمع للمدرسين دول كلهم كل واحد من المدرسين دول منزل اول محاضره ليه مجانا على اليوتيوب لو مش هتعرف تسمعها كلها اسمع جزء منها بس علشان ما تحطش نفسك في موقف بعدين ان انت تندم وتقول يا ريتني اخدت مع المدرس الفلاني كان هيقدم لي معلومات اكث وغيره فانت معاك وقت من البدايه فبلاش تظلم نفسك واسمع لله واختار المناسب ليك ولازم يكون معيارك في الاختيار دايما هو ان انت تفهم الدرس منه وبعد كده تعرف تحل واكيد لازم يقول لك ملاحظات كتير ويربط لك اجزاء الدرس ببعضها وكمان يحل اسئله وسط المحاضره وعايزك في اختيار المدرسين بالذات تكون محايد وتبعد عن العاطفه تماما وعلى فكره مش شرط ان المدرس ده كان بياخد عنده اوائل الجمهوريه فانت تروح تاخد معاه جرب وشوف مين اللي هيكون مناسب لدماغك طيب تجيب بقى كتب ايه سواء شرح او حل طيب وصلنا للجزء ثاني تجيب كتب ايه؟ بالنسبه لكتب الشرح فانت عندك ثلاث اختيارات اما ان انت تجيب ملزمه المدرس بتاعك لو كانت كويسه او كتاب التفوق واللي بالمناسبه تطور بشكل كبير اخر سنه وكتاب الامتحان برده كويس وان كنت بفضل كتاب التفوق لان الاخطاء اللي فيه قلت عن السنين اللي فاتت وكمان الرسومات التوضيحيه اللي فيه افضل واحسن من كتاب الامتحان وبيجيب ملاحظات كمان اكث منه بالنسبه بقى لكتب الحل فانت مش محتاج اكث من كتاب الامتحان وكتاب التفوق واحب اشكر شركه التفوق لانهم ما اتاخروش عليا بمجرد ما طلبت منهم نسخه من الكتاب وده مش اعلان خالص والله بس انا طلبت نسخه من الكتاب علشان انا كنت دفعه 2024 فكنت محتاج اشوف الكتاب اطور من نفسه ازاي وعلى فكره الكتاب حقيقي اطور والاخطاء اللي فيه قلت بشكل كبير عن السنتين اللي فاتوا بالنسبه لكتاب الامتحان فيفضل ان انت تحله الاول لان الافكار اللي فيه من سهله لمتوسطه وبعد كده تحل في كتاب التفوق عشان تستفيد بالافكار الحلوه اللي بيجيبها في الاسئله وعلى فكره انا ملاحظ ان السنه دي برده مزودين من الاسئله اللي بيكون فيها رسومات واللي بتيجي كتير في الامتحان وفي كتب ثانيه برده زي كتاب الدليل والناس كتير سالتني عنه بس الفكره ان الكتب دي بتركز اكت على الاسئله الجدليه فما تعقدش نفسك من الماده واهتم ان انت تجيب الكتابين دول بس وتستفيد من كل سؤال. وصلنا لثالث واهم جزء تريكات ونصائح تعملها وانت بتذاكر الاحياء علشان تطلع منها باقصى استفاده واللي انا وصلت لها على مدار السنه بس مهم جدا لو انت ما شفتش فيديو ازاي تذاكر سواء سنتر او اون لاين تروح تشوفه دلوقتي لان ده اللي هيتبني عليه كل المواد الجايه وهتلاقي في اجابات على كل الاسئله اللي جت في دماغك زي مثلا تكتب كل كلمه ورا المدرس ولا تكتب المعلومات المهمه بس في كتاب الشرح وغيره وغيره هو الفيديو في المختصر المفيد شويه لانه ريلز بس لو انتم محتاجين تفاصيل اكث عن الطريقه دي اكتبوا لي في التعليقات وهحاول اصور لكم الفيديو ده طويل واحط لكم الرابط بتاعه في الديسكربشن طيب افترض دلوقتي ان انت جبت كتابك وفتحته وبدات تقراه وتقرا كل الملاحظات اللي انت كتبتها ورا المدرس. تعال بقى اقول لك اول نصيحه وهي اسال نفسك بعد ما تذاكر. دايما انا كنت معود نفسي اسال سؤال واجاوب من خلال فهمي للدرس اللي انا ذاكرته. فمثلا لو انا كنت ذاكرت درس الدعامه في النبات فكنت بسال نفسي هو يعني ايه دعامه اصلا؟ طب ايه انواعها تركيبيه وفيسيولوجيه؟ طب ايه الفرق بين الدعامه التركيبيه والدعامه الفسيولوجيه؟ طب ايه دور الفجوه العصاريه في الدعامه؟ وهكذا وده كان بيخليني فاهم الدرس كويس قوي ومربط اجزاءه ببعضها. ثاني حاجه اشرح لنفسك على رسومات فانا كنت معود نفسي بعد ما اخلص مذاكره جزء معين اجيب الرسومات اللي كانت عليه واشرح عليها اللي انا ذاكرته فصدقني ربط المعلومات بالصور دي من اكث الحاجات اللي هتثبت لك المعلومه في ماده الاحياء بالذات وثالث واهم حاجه وان انت تكمل الشرح من الحل يعني طول ما انا بحل اي سؤال بلاقي فكرته حلوه او اي سؤال انا بغلط فيه باخد الفكره بتاعته واصغها في شكله معلومه واكتبها في كتاب الشرح وبالتالي فانا هكون خدت الفكره من كل سؤال وراجعت عليه كل مره بذاكر فيها وده لان المدرس مش هيدي لك كل الافكار اللي في الحياه يعني فانت لازم تعتمد على نفسك ورابع نصيحه استفسر كتير وهنا انا قصدي ان انت تستفسر عن كل المعلومات اللي عندك علشان تكون خلفيه كامله عن المعلومه وتعرف تحل اي سؤال عليها بكل ثقه يعني مثلا في الفصل الثاني بتاع الهرمونات كان في هرمون الجلوكاجون وهرمون الادرينالين الاثنين دول بيرفعوا مستوى السكر في الدم فانا طبيعي سالت نفسي الاثنين بيرفعوا مستوى السكر في الدم اكيد في فرق بينهم وطلع ان في حاجه انا مش واخد بالي منها ان هرمون الجلوكاجون بيضبط مستوى السكر في الدم للمستوى الطبيعي فهو بيز يزود مستوى السكر في الدم لما يكون اقل من الطبيعي ويطلعه للمستوى الطبيعي بينما الادرينالين ممكن يرفع مستوى السكر في الدم لفوق الطبيعي كمان وبعد ما فهمت الفرق بينهم كتبت المعلومه في كتاب الشرح وعملت عليهم سؤال ولو انت ملاحظ انا لسه فاكر المعلومه لحد دلوقتي فعشان كده انا بقول لك كل ما تستفسر عن المعلومه وتحط عليها سؤال وتربطها بصوره فدي حاجه هتثبت لك المعلومه مدى الحياه وخامس واخر حاجه وهي الربط بين الفصول طول ما انت بتذاكر وماشي في المنهج حاول تجمع الحاجات المشتركه بين الابواب يعني مثلا ماده الكيوتين هتعرف في درس الدعامه في النبات ان هي ليها دور مباشر في الدعامه التركيبيه وهتعرف لما توصل للفصل الرابع هو فصل المناعه ان ليها دور في المناعه فكنت بجمع الحاجات المشتركه دي طول ما انا ماشي في المنهج وبكتبها في كراسه وصدقني كل الحاجات اللي انت بتعملها دي هتبقى كنز مش هتعرف قمته غير في المراجعه النهائيه وليالي الامتحان فانت معاك دلوقتي وقت ان انت تعمل كل حاجه اعمل كل حاجه تقدر عليها لان انت هتعرف قيمتها فعلا في الاخر وصلنا بقى لاخر جزء تحل ازاي في الكتب عايزك يا صديقي وانت بتحل تجاوب السؤال الاول قبل ما تنزل على الاجابات يعني مثلا سؤال بسيط ومباشر خالص ايا من الاتي من الاسترويدات والاسترويدات بالمناسبه هي الهرمونات اللي بتتكون من الدهون فقبل ما تنزل وتختار الاجابه عايزك تشد خط من كلمه الاسترودات وتكتبهم كلهم وسواء انت هتكتبهم بايدك او تقولهم بصوتك بس الفكره ان الحاجه دي بتخليك تراجع على كل معلومه مع كل سؤال انت بتحله وان كان الطريقه دي بتاخد وقت شويه بس صدقني هتفرق معاك قوي وبس كده اتمنى تكون طلعت من الفيديو ده وانت مستفيد على الاقل لو بمعلومه واحده فما تنساش تكتب لي رايك في التعليقات استفدت بايه وتشارك معايا طريقتك في مذاكره ماده الاحياء يعني وبس كده