جدول وجبات رمضان 2026 وصفات متكاملة و متنوعة و على قد الميزانية

كلنا كنتفقوا باللي رمضان شهر البركه ملي كنا صغار وحنا كنسمعوا رمضان كيجيب البركه دياله ولكن بغيت نعرف علاش الاغلبيه كيتشكاو من المصروف في رمضان وكيصرفوا ثلاث اضعاف من الميزانيه ديالهم في هذا الفيديو غادي نعرفوا السبب علاش وغادي نشارك معكم حتى جدول الاكل ديال الاسبوع لشهر رمضان ان شاء الله يا ربي بوجبات اللي متنوعه لذيذه وعلى قد الجيب وعلى قد الميزانيه السلام عليكم غاليات كنتمنى تكونوا كاملين بخير وعلى خير وفي احسن الاحوال عواشركم مبروكه كنتمنى من الله هذا رمضان يكون احسن وتكونوا كاملين باتم الصحه والعافيه الفيديو د اليوم ان شاء الله كسبق لي قلت لكم غادي نتكلموا على الميزانيه ديال رمضان وجدول الاكل الاسبوعي رمضان واللي كان طلب المتتبعات الغاليات غادي نشارك معكم جدول الاكل بوصفات متكامله لذيذه ومتنوعه وعلى قد الميزانيه وصفات اللي كتناسب اجواء رمضان واللي تسهل عليك التخطيط وتحضر واجبات الافطار بكل راحه كنتمنى تبقاو مع الفيديو حتى الاخير حيت كله افاده كنشكركم كاملين على حسن المتابعه وعلى كل دقيقه كتاخذوها من وقتكم الثامين ونبداو على بركه الله ولكن قبل ما نساوش نصليو جميع على الحبيب اللهم صلي وسلم وبارك على سيدنا محمد وعلى اله واصحابه اجمعين خطا كبير كيعملوه الاغلبيه في رمضان وهذا الخطا هو السبب الرئيسي في خراب الميزانيه اولا الميزانيه ماكتكفاش كتلقى راسك صفتي في رمضان ثلاث اضعاف من الميزانيه العاديه ديال كل شهر ذاك الاحساس بالجوع كيخليك غير تشهى وتشي بلا ما تفكر وفي الاخير تقريبا كلشي كيمشي النفايات باش تكفك الميزانيه ودوز شهر رمضان كامل وانت مرتاحه لا افراطه ولا تفريط ضروري ما تبع هذه الخطوات وجدوا ورقه وستيلو سجلوا الخطوات وطبقوهم ماشي غير بالكلام وصافي رقم واحد اخواتي الغاليات هي كتحدد ميزانيه اللي خاصه لهذا الشهر الفضل والتزم بها وقسم على الاسابيع ديال شهر كامل كل اسبوع اعمل له مبلغ محدد ماشي تصرفه كامله في الاول ديال الشهر وتبقى حاصله في الاخر عمرك تدخل رمضان بعشوائيه وهذ الميزانيه اللي غادي تحدد خاصه تكون على حسب الدخل ديالك عندك تعداها وتكمل الشهر بالدين رقم جوج عمل جدول الاكل ديال الاسبوع كامل شنو غادي يتوجد في الفطور وحتى للسحور ورقم ثلاثه الوجبات ديال الفطور يكونوا متوازنين بلا كثره الوصفات وفي الاخر تاكل حاجه ولا جوج واللي بقى خليه في الثلاجه غاد ليه غاد ليه كتوجد وكتشه حاجه اخرى والنهار الثالث هيداك يعني كيبقى كتبقى ديك الماكله في النبيره كل مره كل مره حتى في الاخير كترميها لا اختي التزم بجدول اللي عملتي باش ما يكونش ضايع شوفوا اخواتي الغاليات بلا جدول الاكل راه غضيع والميزانيه اكيد ماغاديش تكفى جدول الاكل غادي يهنيك من التخمام ديال كل يوم الميزانيه غادي تكفاك وعمرك لا حصلتي والخطوه الرابعه وهي لائحه التقديه كتمن من لائحه التقديه باي حاجه غادي تحتاجها في الوجبات اللي عملتي كتجيب غير اللي غادي تحتاج فيذاك الاسبوع باش ما يكونش ضايع يعني كتعمل جدول الاكل قدامك وورقه وستيلو وكتبقى تسجل الحاجات اللي غادي تستهلك فيذاك الاسبوع هذاك باش ما يكونش ضايع والميزانيه تكفاك ماكرهتش نقول لكم تقداو في العشيه حيت ملي كنكونوا صايمين ذاك الاحساس بالجوع كياثر علينا وكنبقاو غير نشريو بلا ما نفكروا غادي تقولوا لي مورا الفطور يعني مستحيل حيت كتكون صلاه تراويح الواحد كيرتاح وبزاف ديال الحاجات اللي كيكونوا ا ما كرهتشي ولكن كتجي شويه صعيبه في رمضان ما كنعرفوا بان ملي كيكون فينا الجوع ذاك الاحساس بالجوع كيخلينا غير نتشهو نهزوا الحاجات بلا ما نحسوا وبالخصوص في المغرب الناس ديال المغرب غادي يكونوا متفقين معايا حيت الشهوات كتكون كثيره لا تعد ولا تحصى يعني ما يمكنش دوز دوزشي بلاصه وخا غير داب صغير كتلقى فيه الخير والبركه يعني كلشي الناس كيوجدوا كيخرجوا على برا كيبيعوا يعني ما يمكنش دوز وتشوف وما تشهاشي وما تشريشي على اذا غادي نقوللكم اخواتي الغاليات قلوا من الخروج قلوا من الخرج تقضو غير يعني غير الاسبوع يعني مره واحده في الاسبوع فقط كتعملوا لائحه ديال التقديه وكتمشي كتجيبوا الحاجات اللي غادي يكفاكم فذاك الاسبوع هذاك وكتوجدوا اللي كتب الله في الدار ديالكم قلت لكم في الاول الفيديو خطا كبير كان كيعملوه الاغلبيه في رمضان وهو هذا الخطا هو السبب الرئيسي في خراب الميزانيه وهذا الخطا هو كثره الخروج يعني ملي كنبقاو نخرجوا خرج يعني في الصباح كتخرج كتشهى وكدخل خرجتي في العشيه كتشهى وكدخل مول الدار كيتشهى وكيجيب يعني الميزانيه مستحيل تكفاك تقدر تصرف ثلاث اضعاف ولا اربعه اضعاف يعني ميزانيه خص في رمضان ميزانيه اللي كثيره والسبب الكبير والخطا الكبير هو الخروج حيت ملي كنخرجوا كنبقاو غير نتشهاو بلا ما نفكروا قلوا من الخروج وان شاء الله ما يكون غير الخير ودابا ان شاء الله يا ربي غادي ندوز باش نشارك معكم جدول الاكل ديال الاسبوع الاول من رمضان ان شاء الله يا ربي هذ الوجبات اللي غادي نشارك معكم اليوم ماشي بالضروري تمشيوا معهم بالترتيب يعني اليوم الاول يوم الثاني يعني كتاخذوا فكره المهم انا كنعطيكم افكار تهل لكم وتنقص عليكم التخمام ديال كل يوم شنو طيب اليوم شنو طيب غدا وكل واحد يمشي على حسب القدره دياله ممكن تزيدوا اولا تنقصوا او تاخذوا فكره فقط هذا الجدول اللي شاركت معكم اليوم راني يعني كان عندي الوسخ يعني في واحد الورقه كنسجل الوجبات عندي الوجبات اللي متعده مختلفه كل فيما كتجي في بالي شي وصفه كنسجلها في واحد الورقه وكنت شاركت معكم كيفاش نوجدوا جدول الاكل بواحد الخطوات اللي ساهله وبسيطه يعني ديما كتعمل واحد اللي بعيده قدامك في فيما بانت لك شي وصفه كتسجلها كتعمل الوصفات السريعه بوحدهم الطواجن بوحدهم تحليات بوحدهم يعني المملحات يعني الحلويات اي حاجه كتعملها بوحديتها ملي كتجي توجد جدول اكل كيجيك الامر ساهل كتمشي مثلا التحليات كتمشي لديك الخانه ديال التحليات وكتبقى يعني كتاخذ الفكره ديال التحليات شمن تحليه غادي نعمل اليوم شمن تحليه غادي نعمل غدا يعني بحال دابا المملحات حتى هما اليوم غادي نعمل هذ المملحه غدا من هذه ونبداو على بركه الله بالنسبه للنهار الاول غادي نقترح لكم الحريره اللي ما يمكنش تختار شي دار مغربيه وبخصوص النهار الاول في رمضان طاجين ديال الدجاج سلطه ديال الخضر باش يكون تكون واجبه اللي متنوعه ومتكامله برجر بالكفته مرافقات بحال الشباكيه السلو التمر بريوات البقلاوه يعني كل واحد وشنو كيوجد وكل واحد كيمشي على حسب القدره دياله عصير وتحليه كل مره نوجدوا تحليه اللي كتكون مختلفه والبيض مسلوق بطبيعه الحال اللي ما يمكنش يكون ماحضرش مع الحيره بالنسبه لليوم الثاني ان شاء الله الحيره بما اننا كنكونوا وجدنا الحيره قبل يعني كنخليو كنقسموا ديك الاقامه يعني كنقسموها كنطيبوها عادي كنقسموها واحد النص كنطيبوا النهار الاولاني يعني كندوره والثاني ما كندورش حتى نهار الثاني اولا النهار الثالث يعني كل واحد وكيمشي على حسب العائله كاينه شي عائله اللي ما شاء الله كتاكل حيره بزاف يعني خصها يوميا يوميا طيب الحيره وكاينه اللي كتكون عندهم الماكله شويه قليله كل واحد كيمشي على حسب على حسب الامكانيات دياله المهم انا كنشارك معكم افكار وكل واحد يمشي على حسب الامكانيه دياله بالنسبه للعشاء اولا سحور طاجين بفواكه البحر سلطه بطبوطحشوه اللي كتكون بارده تحليه ديال الياغورت اللي عامله طاجه في هذ مواقع التواصل هذ الايام هذه عصير بيض مسلوق والمرافقات بالنسبه اخوتي للسحور ماكنشاركش معكم السحور ولكن كنقضيو بذاك الشي اللي وجدنا يعني اي حاجه وجدناها في الفطور كنخليو منها للسحور واصلا را كيكون الخير والبركه يعني لا داعي اننا نوجدوا الوجبه ديال السحور بوحديتها اليوم الثالث ان شاء الله شوربه ديال الخضر باش يكون شويه ديال التنوع بما اننا النهار الاولاني الحريره النهار الثاني حريره شويه كنبقى ننوعوا شوربه ديال الخضر لازانيا بالكفته سلطه بسيطلات بالحوت تحليه اللي كتكون صحيه بالتمر والبنان عصير بيض مسلوق والمرافقات الشباكيه تمار المهم المرافقات هما معروفين اليوم الرابع ان شاء الله شوربه ديال الفطر والبصله كتجي واحد الشوربه اللي كتوجد 10 دقائق سهله ماهله بالنسبه للسيدات العاملات ما كاينه ما اسهل منها طاجين ديال الكفته كيش بالعجينه السائله هذ الوجبات هذا النهار هذا بالضبط شاركت معكم وصفات اللي ساهلين اللي ينقصوا عليكم الوقوف في الكوزينه بزاف يعني بلا بحال دابا تعمل الكيش بلا ما تحتاج انك تطلق العجينه وتاخذ ديك القوالب كيش بالعجينه السائله ولا اسهل منه عصير سلطه ديال الياغورت مع الفواكه بيض مسلوق والمرافقات بطبيعه الحال ونزيد نعودها مره اخرى اي حاجه كنستهلكوها كنوجدوها كنخليو منناصحور لا داعي اننا نوجدوا السحور بوحديته اليوم الخامس تشيشه بالحليب الحوت في الفران بالنسبه للمملح ميني باغيط بالدجاج سلطه بيض مسلوق عصير فلوم بالطرون والمرافقات اليوم السادس الحيره حيت غادي نرجعواحيره غادي نكونوا توحشنا له عاوتاني الطاجين ديال اللحم بريوات بالدجاج سلطه تحليه عصير بيض مسلوق والمرافقات بالنسبه للعصير اخواتي الغاليات العصير راه شاركت معكم سبقت شاركت معكم في واحد الفيديو وتقريبا شي جوج فيديوهات ولا ثلاثه العصير كيفاش نوجدوا عصير منزلي في الدار واللي كيدي معنا اكثر من الاسبوع يعني كيخرج لك اكثر من 8 لتر ما شاء الله الخير والبركه يعني كدوز رمضان وانتنا مرتاحه وتقدروا توجدوا المركز ديال الحامض والمركز ديال البرتقال وكضيفوا عليهم الماء واي فاكهه موسميه وكتحصلوا على العصير عصير اللي ساهل وبسيط لا داعي انكم تشريوه من على برا اليوم السابع الحريره بالنسبه للعشاء قطبات ديال الدجاج مع السلطه والارز المالح سيغار بحشوه ديال البطاطا والكفته كيجي واحد السيغار اللي ولا اروع بيض مسلوق عصير تحليه ومرافقات الوجبات اللي شاركت معكم اليوم كاملين وجبات ديال رمضان اللي متكاملين لذاذ متنوعين وكيناسبوا اجواء رمضان اللي تسهل عليك التخطيط وتحضر وجبه الافطار بكل راحه غير تحاولوا تبعدوا على القلي والحاجات اللي كتكون مقليه في الزيت بزاف رمضان خصنا ناكل شي حاجه صحي بما اننا كنقيل النهار كامل وحنا بالجوع خصنا في الفطور تكون شي حاجه اللي صحيه نحاولوا وخا غير ديك 95% 90% تكون الوجبات صحيه نركزوا على الخضر نركزوا على الفواكه والعصير اخواتي الغاليات من الاحسن من الاحسن العصير تفاداو العصير بالحليب عملوا العصير بالماء راه كيجي عصير اللي منعش ومزيون بزاف حيت العصير ديال الحليب كيتقل بزاف على على المعده وماكيكونش مزيان في رمضان بالخصوص في رمضان كنصحكم تباعدوا على العصير الفواكه مع الحليب راه خطير غير كينفخ الحليب يعني حسبوا وه ممنوع في الفطور من الاحسن غير الماء والفواكه والمركزات وصافي وهتوما موجدين العصير ديالكم وبالنسبه للسحوق كتنقصوا اللي اللي كتب الله من الفطور حيت الحمد لله را كيكون الخير موجود يعني لا داعي نوجدوا الفطور وفطور وسحور يعني بزاف ديال الوجبات بزاف ديال المملحات مملحه وحده وجبه رئيسيه حريره اولا شوربه بيض مسلوق العصير والمرافقات خاص غير القناعه وصافي ودابا دابا اخوتي من بعد ما وجدت معكم جدول الاكل غادي ندوزوا للائحه ديال التقديه هنا غادي نشارك معكم جوج ديال اللائحه التقديه وحده وجدتها باش غادي نعمل التقديه ديال هذا ديال هذا الاسبوع هذا قبل رمضان ومن بعد حيت رمضان ما كنعرفوا غادي يجي على ما اظن 18 ولا 17 في الشهر يعني ضروري ما غادي نعمل التقديه الاولى و والتقديه الثانيه يعني حيت قلت لكم غادي نمشيوا على حسب الميزانيه ديالنا بلا ما اننا نخصوا شي ميزان ميزانيه اللي تكون زايده الا اذا كانت اختي ميزانيه اللي قليله عطيك مول الدار ميزانيه اللي قليله طلب منه الزياده واحد شويه قوله غير رمضان ضروري ما تزيدني شي بركه باش نقدروا نكمل الشهر ديالنا هذه بالنسبه اذا كانت الميزانيه قليله اما اذا كانت الميزانيه يعني متوسطه هو هذاك را كتمشي على حسب الميزانيه ديالك هو هذاك لا داعي انك تعمل ميزانيه رمضان بوحده تبقى تعمل كرطونه رمضان كتمشي على حسب الميزانيه ديالك وكتجيب الحاجات اللي انتنا مسجلاهم في جدول الاكل مثلا النهار الاول غادي نعمل الحيره الحيره غادي نكون موجده عامله لها ا بحال دابا بالخصوص سيدات العاملات وحتى راات البيوت هذ التحضيرات هذو راه كينفعوا بزاف لربه البيوت واللي خدامين بطبيعه الحال بحال دابا الحريره كتعمل الحمص كتهطبوا في الماء وكتعمل بورصات فيهم مطيشه يعني مطيشه كطيبها عادي الصلصه عادي بحال الليطيب عاديه وكتعمل نعمل بوصه فيها مطيشه فيها قطيفات ديال اللحم فيها الحمص كتوزعهم على ديك البوصات كتعمله في المجمد النهار اللي كتبغي طيب الحريره غير كتجبد كتزيد عليهم شويه د العطريه شويه ديال العدس كطيب الحريره ديالك وكدورها عادي ساهله وبسيطه ما كتاخذ منك لا جد ولا وقت يعني بعض المرات كيكونوا التحضيرات اللي كينقصوا علينا بزاف بحال دابا غادي توجد الطاجين ديال الدجاج يعني غنحتاج الدجاج التقديه بالنسبه التقديه ديال اللحم ديال اللحوم را كنعمل التقديه الشهريه لا في رمضان ومن غير رمضان بحال دابا التقديه الشهريه ديال رمضان يعني غادي نجيب ديال رمضان واللي غادي اللي غادي نبداو به في الاول الشهر جوج كيلو ديال اللحم 4 كيلو ديال سطار الدجاج حيت كنستعمل سطار الدجاج بزاف جوج كيلو ديال الفخات جوج كيلو ديال جنواح ديال الدجاج 3 كيلو ديال الكفته جوج دجاجات ورقه البسطيله الفينو الخميره الخبز التمر التشيشه الحوت غادي نجيبهم من من بلاصه ديال الحوت الحوت يعني الكلام القمر سيبيا البحر باش نوجد بسيطلات ونوجد الحشوات اللي فيهم الحوت بالنسبه لمركدنا مثلا التقديه ديال رمضان هذه ديال الاسبوع اللي غيتكر فيه رمضان يعني مثلا الحليب اللي ضروري منه بالنسبه للحليب كنصحكم بالنسبه للوصفات شريوا الحليب المجفف يعني ديك الحليب بودره راه كينفع بزاف وبزاف الدقيق بطبيعه الحال الزيت السكر الخص الجزر حيت مسجله بانني غادي نعمل البرغر محتاجه الخوص محتاجه شنو سميته الجبن ديال البرجر غادي نعمل تحليات غادي نحتاج فلور الياغورت طبيعي فواكه الحمراء باش نزين بها لي فلون الفطر باش غادي نوجد الشوربه ديال الفطر حيت الاسبوع الاولاني غادي نعمل شوربه ديال الفطر غادي نعمل لازانيا خصني بلاك ديال لازانيا الطون الارز جبن كريمي الموتزاريلا الميص يعني الذره اللي غادي نعمر بها الحشوه بارده ديال الميني باكيط يعني كنوجد هنا كنعطيكم فكره باش باش نكون واضحه معكم كنعطيكم فكره كيفاش توجدوا جدول الاكل وكيفاش لائحه التقديه تمشي على اساس ذاك جدول الاكل اللي وجدنا يعني كنعملوا جدول الاكل ومن بعد كنجيبوا ورقه وستيلو وكنبقى نشوفوا كل نهار شنو غادي نحتاجوا فيه وكنسجلو باش ملي كنمشيو نتقداو كنجيبوا غير اللي مسجل عندنا فديك الورقه بطبيعه الحال وقبل ما كنخرجوا نتقداو كنعملوا ويره في بلاكارات ونشوفوا اللي عندنا واللي ناقصنا باش ما يكونش ضايع والميزانيه تكفانا مثلا التقضيه ديال الاسبوع الاولاني دابا احنا في اخر الشهر يعني الاسبوع الاولاني غادي نجيب الحليب الدقيق الحمص باش غادي نفزقه يعني غ نرطب باش نحتاجه في في يعني في الحريره يعني من بين التحضيرات اللي غادي نعمل غادي نجيب 6 كيلو ديال السكر حيت غادي نوجد العسل على حسب الشباكيه الشوفان غادي نجيب جوج على حسب باش نوجد سلو الخزو اللي ديما الجبن الكريمي والجبن ديال الموتزاريلا والجبن ذاك المثلث خل ديال التفاح غادي نحتاجوا الطون الفطر معجون ديال الاسنان صابون دلابادوه صابون د الغسيل الاواني ورقه د الفيلو خصني باش نوجد البقلاوه البيسطاج بطاطا د القلي سلوفان بولصه المجمد يعني كنسجل اي حاجه اي حاجه غادي نحتاجها فذاك الاسبوع غادي نسجلها وغادي نجيبها باش ماكيكونش يضايع وكنجيبوا الحاجات اللي غادي يكفاونا والميزانيه تكفانا هذا المهم ان الميزانيه تكفانا وما نتعداوهاش وبخصوص في رمضان حيت كتكون مصاريف اللي كثيره اذا ما تغلبناش عليها وما تصرفناش بنظام اذا بقينا غير زايدين وصافي وبعشوائيه وكنصافي وبعشوائيه كونوا اكيدين الميزانيه ماغاديش تكفى بالنسبه اخواتي الغاليات يعني التحضيرات اللي كنعملوا قبل بحال دابا سلو الشباكيه البريوات ديك الحاجات المقبلات اللي كيكونوا ضروريين كنوجدوهم في رمضان هذو كنعمل لهم التقديه قبل يعني قبل بواحد شهرين كنبقى نوجدو لهم يعني فينما كنمشي نتقدى مره كنجيب كيلو د اللوز مره نجيب كيلو ديال الزنجلان مره نجيب حبه حلاوه مره نجيب النافع كل مره شنو كنجيب باش كتنقص عليك شويه ديال المصروف في رمضان ديال اي شهر يعني كنصفو عادي وبكل اريحيه يعني عادي كنمشيو على حسب الميزانيه ديالنا نسيت ما قلت لكمش واحد الحاجه بالنسبه للوجبات بطبيعه الحال را كيكون المسمن الملوي بطبيعه الحال الحرشه كيكه كل مره شنو كنعملو باش كنوع كندوز مع اتاي اولا القهوه هذو كيكونوا ضروريين بطبيعه الحال ما سجلتهمش معكم في من ضمن الوجبات ولكن راه كيكونوا حاضرين ما يمكنش ما يكونش الملوي والمسمن يعني كنبدل مره حرشه مره ملوي مره كيكه كل مره كيفاش حتى لهنا الفيديو ديالنا كيكون وصل النهايه دياله كنتمنى ينال الاعجاب ديالكم اذا عجبكم وبغيت يتشارك معكم جدول اكل الاسبوع الثاني والاسبوع الثالث والاسبوع الرابع والاخير ديال رمضان ان شاء الله اكتبوها لي في التعاليق وشارك مع اخوتي بكل فرح ما تنساوش معكم ديك البصيمه ليه كتصدر القناه لاول مره ما تنساش اختي الحبيبه تفعل زر الجرس باش توصل بكل جديد وكل ما كيخص القناه خليتكم في امان الله والى فيديو قادم ان شاء الله مع السلامه ‏No.