What is the difference between mass and weight Animation

كنت رايح اشتري شكاره رز عادي جدا الخزين وعلشان برده رمضان كل سنه وانتم طيبين وملاقي ايه بقى الاقي شكاره الرز مكتوب عليها الوزن الصافي 25 كلغ وزن وكيلو جرام تيجي ازاي دي اصلا هو اللي انا شايفه ده وزن فعلا بس الكلام ده مش صح منتشر جدا في كلامنا ان احنا بنوصف اي حاجه حوالينا بكلمه وزن الشخص ده وزنه 70 كيلو جرام كيس البسله ده وزنه 2 كلغ والكلام ده هل هو صحيح ولا لا بعد الفيديو ده ان شاء الله هتفهم الاجابه اتاكد انك هتشوف الفيديو للاخر علشان توصل لك الاستفاده الكامله وما تنساش تعمل اشتراك في القناه علشان توصل لك كل الفيديوهات اللي جايه في كلامنا شائع جدا ان احنا بنخلط بين مصطلح الكتله ومصطلح الوزن اكيد انت عارف معنى مصطلح الكتله شرحناه في الفيديو اللي فات بس يمكن انت ما تكونش شفته فلو ما شفتوش ممكن تشوفه بعد ما تكون خلصت الفيديو ده المهم تعال اقول لك معنى مصطلح الكتله على السريع كده الكتله هي مقدار ما يحتوي الجسم من ماده يعني كده مثلا الجسم ده موجود في اي مكان في الدنيا في الكون ده كله هي كتلته حاجه واحده بس يعني مثلا موجود على الارض كتلته خمسه كيلو جرام موجود على القمر خمسه كيلو جرام موجود في الشمس خمسه كيلو جرام بس هيسيح الاول اكيد طيب خلينا دلوقتي ندخل على الوزن تعرف يعني ايه هو مصطلح الوزن هات كوبايه الشاي بتاعتك ويلا بنايه فاضيه الوزن بالنسبه للارض هو قوه التجاذب بين الارض والجسم طيب هو اشمعنى قلت الوزن بالنسبه للارض هو قوه التجاذب بين الارض والجسم هقول لك ده لانه يختلف من كوكب للتاني او حتى في اماكن على الكوكب نفسه بتختلف الجاذبيه من مكان للتاني بس طبعا تبقى اختلاف طفيف جدا جدا مش هتحسه اصلا وطبعا بر لما جينا عرفنا الوزن قلنا ان هو قوه التجاذب قلنا قوه فخلي بالك من مصطلح القوه ده هتقول لي يعني ايه الكلام ده هقول لك تعال نرجع لسكاره الرز شجره الرز تخيل ان هي بتحتوي على اتنين كيلو جرام من الرز طبعا هي بتبقى اكتر من كده بشويتين تلاته بتوصل لحد 25 ولكن ده مش موضوعنا تخيل انها اتنين كيلو جرام بس لما تيجي ترفعها من على الارض هتكون خفيفه وسهله طيب نفترض كده ان انت زودت على الاتنين كيلو دول وخليتهم سبعه كيلو يعني التوتال كله سبعه كيلو تعال كده نرفعها من الارض طبعا الموضوع اصعب من ان انت ترفع اتنين كيلو طبعا مش اصعب قوي ولكن يظل ان هو اصعب وده لان الرز زاد فالكتله بتاعته زادت وبالتالي قوه جذب الارض للشكاره كمان زادت الموضوع عامل زي انك بتشد لفوق والارض بتشد لتحت انت بتشد علشان تتغلب على قوه جذب الارض للجسم ده برضو خلي بالك قلنا كلمه قوه طيب الشد ده ايه اصلا والشد ده هو قوه بتتقاس بالنيوتن اي قوه عامه بتتقاس بالنيوتن طيب كده نقدر نستنتج حاجتين اول حاجه ان الوزن بيتناسب طردين مع الكتله بمعنى ان لو الكتله زادت الوزن اكيد هيزيد تاني حاجه ان الوزن بيتقاس بالنيوتن وبيساوي الكتله في عجله الجاذبيه بتاع المكان اللي انت فيه عجله جاذبيه الارض او عجله جاذبيه القمر او اي مكان العجله دي مش رقم ثابت طيب حلو قوي لحد هنا تفتكر ان الكتله بتتغير بتغير المكان هات سكره الرز اللي احنا اتكلمنا عليها واطلع بها على القمر هل هتكون فاضيه اكيد لا هل الرز اللي جواها هيتغير برضو لا هقول لك برافو لان الكتله زي ما قلنا مش بتتغير بتغير المكان وبرده زي ما قلنا ان هي مقدار ما يحتويه الجسم من ماده والماده موجوده زي ما هي في اي مكان لكن عايز اقول لك ان صحيح كتله شيكاره الرز مش هتتغير على القمر ولكن وزنها هو اللي هيتغير هتقول لي ليه هقول لك علشان عجله جاذبيه القمر اصلا ضعيفه هي تقريبا سدس عجله جاذبيه الارض وزي ما قلت لك ان القانون اللي بنعرف منه الوزن بيساوي الكتله في عجله الجاذبيه بتاع المكان اللي موجود فيه وهنا زي ما قلت لك برضو ان العجله اتغيرت بقت عجله القمر مش عجله الارض بالتالي الوزن هيتغير يعني قوه جذب القمر للشيء ده هتكون اقل بكتير قوي جذب الارض للشيء ده برضو اللي هي الشكاره فبالتالي على القمر تقدر تشيل الشكاره دي بصباع ايدك الصغير بمناسبه القمر بقى في رحله ابولو 11 سنه 1969 لما كنت قاعد بتفرج على التلفزيون على الرحله لا انا ما كنتش موجود ساعتها المهم في فيديوهات لرواد الفضاء وهم ماشيين على القمر وهما حرفيا مش عارفين يمشوا مش قادرين يستوعبوا ان وزنهم خفيف جدا علشان عضلات رجلهم القويه متعوده على الارض وجاذبيتها مخلياهم لما يمشوا كانهم بينطوا حرفيا اصلا حاجه خياليه لما تحس ان وزنك بقى اقل من الطبيعي حوالي السدس يعني مثلا لو كتله رائد الفضاء ده سبعين كيلو على الارض وزنه هيبقى 690 نيوتن تقريبا برضو على الارض فرجله وجسمه متعودين ان هو يقاوم بشد الارض له بالقوه دي فتخيل لما القوه دي تنزل السدس وتبقى حوالي 110 نيوتن بس وعلشان تحس بالموضوع ده هات مثلا حاجه تقيله زي دي وافضل ارفع فيها كده لمده عشر دقايق كل نص دقيقه مثلا مره وبعد كده اسيبها وارفع ايدك لفوق هتحس ان ايدك حرفيا بتتنطر اللي فوق وده ليه لان ايدك اتعودت على ثقل معين انت معودها على كده مره واحده الثقل ده ورفعت ايدك خلاص مخك اتعود على كده فبالتالي ايدك هتروح مرفوعه جامد مره واحده فهو ده بالظبط اللي بيحصل للرواد الفضاء طيب ايه رايك لو طبقنا القانون ده بمساله يلا بينا احنا كده خلاص متفقين ان هي كتلتها ثابته في اي مكان في الكون وهي سبعه كيلو وزنها بس هو اللي هيتغير فاحنا هنقيس الوزن بتاعها على القمر وعلى الارض انا عارف ان انت هتسافر كتير معنا بس يلا علشان نفهم اول مكان هنشوفه هنعرف نرفع الشيكاره ولا لا هو على القمر ثاني مكان بقى هننزل الارض احنا قلنا القانون ايه قلنا القانون ان الوزن بيساوي الكتله في عجله الجاذبيه بتاع المكان ده فيلا نحل المساله عايزين نقيس الوزن على سطح القمر والوزن على سطح الارض الوزن على سطح القمر هيساوي كتله الشكاره اللي هي سبعه كيلو جرام في عجله جاذبيه القمر واللي هي واحد واثنين خلي بالك ان واحد واثنين من الميه ده رقم ثابت زي 9.8 بتاع الارض كده وخلي بالك برده ان واحد واتنين من الميه ده هو تمييزه متر على الثانيه تربيع وده رقم ثابت زي ما قلت لك ما لناش دعوه بيه وزي بر زي ما قلت لك ان هو صوتس عجله الجاذبيه الارضيه الناتجه يساوي سبعه في واحد واتنين من ميه هتساوي 11.34 طيب برضو ايه هتكون وحده القياس هتكون نيوتن لان قلنا قوه الوزن ده يعتبر قوه بتشد لتحت نيجي بقى للوزن على سطح الارض نفس القانون اللي هو الوزن بيساوي الكتله في عجله الجاذبيه هتساوي سبعه اللي هي الكتله فعجله الجاذبيه بتاعه الارض اللي هي تسعه وثمانيه من عشره هتساوي 68.6 نيوتن اعتقد كده تقريبا كل حاجه بقت واضحه وزي ما احنا متعودين هنا على القناه بعد ما بنكون فهمنا كل حاجه بنشوف شويه مصطلحات اكاديميه فتعالى نشوف شويه المصطلحات دي اول حاجه هي الكتله وهي مقدار ما يحتويه الجسم من ماده وبوتقاس بالكيلو جرام الوزن هو قوه التجاذب بين الارض والجسم ده لو احنا على الارض وكمان بيقاس بالنيوتن لان احنا قلنا قوه وقانون الوزن هو الكتله في عجله الجاذبيه بتاع المكان اللي احنا هنكون فيه وكمان استنتجنا ان الكتله مش بتتغير من مكان للتاني شكرا انك وصلت لحد هنا ما تنساش بقى تبعت الفيديو ده لاي حد بيتلخبط بين الكتله وبين الوزن ما تنساش تعمل اشتراك في القناه وتعمل لايك لان ده بيساعد في دعم المحتوى ده شكرا لك واشوفك الفيديو الجاي ان شاء الله سلام عليكم