كيفية إدارة الفصل وجذب الانتباه طوال الدرس مرحلة رياض الاطفال

مع بدايه الدراسه ودخول الاطفال كلنا بنبقى محتاجين نعرف ايه كل الطرق والوسائل اللي انا ممكن استخدمها واطبقها بحيث ان انا اسيطر على الاطفال واجذب انتباههم وما اسمحش لاي طفل ان هو يستظرف او يقطعني اثناء الشرح او اني افقد انتباهه اولا وثانيا واخيرا الحب حبوا الاطفال وتقبلوهم زي ما هم بعيوبهم بمشاكلهم السلوكيه هو في الاخر طفل يعني هو يرد فعل للتربيه اللي هو اترباها ممكن يكون في بقى تربيه خاطئه عنده مشاكل نفسيه فهو مش قاصد ان هو يضايقك او يعمل مشاكل هو نفسه عنده مشكله وعايزه تتحل فحاولوا تراعوا النقطه دي لو حبيتيه وتقبلتيه زي ما هو هيبقى خاتم في صباعك وهيسمع كلامك بيحبك وهيحترمك يبقى اول حاجه كده الحب والتقبل اتنين الاحترام بلاش يا جماعه تتعاملوا مع الاطفال على اساس انهم عيال صغيره مش فاهمين خالص دول فاهمين كل حاجه وبيحسوا بكل حاجه حتى لو مش عارف يترجم ده او يعبر عنه لو في حاجه مضايقاه او في حاجه عايز يفهمها اتعاملي معه اكنك بتتعاملي مع واحده صاحبتك وبتحترميها وبتحترمي عقلها كويس جدا وتفهميها بالراحه وتفهميها بالمنطق وبالعقل وما تضحكيش عليه عشان هو بيوصله ده على فكره لا ردي عليه واحترميه من كل قلبك وفعلا انت متضايقه علشانه واحترمي المشكله اللي هو جاي لك بيها حتى لو كانت مشكله اخذ الاستيكه مش عارف ايه ما خلاص بقى كبر دماغك خلاص سيبك منه لا يا جماعه دي بالنسبه له مشكله كبيره لو سمحتي حلي له مشكلته واحترمي مشاعره كبير ايه ويكبر يا جماعه ده طفل تلاته صاحبهم زي ما بتصاحبوا عيالكم كده صاحبوهم وده مش معناه ان مش هيبقى في حدود بالعكس هنحط كل الحدود وهنبقى اصحاب هنتكلم مع بعض بس ما ينفعش نتكلم مع الميس بالشكل الفلاني ما ينفعش نمد ايدينا ما ينفعش يقول لها ايه يا ميس بقى بتعملي ايه ايه ده انت اتجننتي ولا ايه الحاجات البريئه اللي بتطلع منهم بتلقائيه دي نقول لهم لا هو ما يصحش ان احنا نتكلم مع الكبار بالشكل ده ثلاثه بس مش بالاسلوب المعتاد انا هعد لحد تلاته اللي هلاقيه مش قاعد واحد طب ليه لما ممكن تعمليها بهدوء ليه تخلي طفل من الاطفال يخاف منك ليه تربيه على الرعب وفيه اطفال تانيه ممكن ياخدوا الموضوع بضحك ويقلدوكي هعد لغايه التلاته مش هيحترموك على فكره بعض الاطفال المتمردين هيبقى بالنسبه لهم لعبه وهيستفزوكي اكتر بهدوء انا هعد لحد تلاته اللي مش هيقعد في مكانه مش هيلعب معي اللعبه الجايه مش كذا مش كذا شوفي بقى ايه الانشطه اللي هم بيحبوها واللي انت متعوده تعمليها معهم طريقه تانيه انا هكتب اسامي الاولاد اللي مش ملتزمين او اللي مش قاعدين في مكانهم واللي هكتب اسمه هنا مش هيجي معنا في كذا وكذا وكذا ولازم تنفذي العقاب اللي انت بتقوليه ويا ريت يكون عقاب سلبي يعني تحرميهم من حاجه بيحبوها انت متعوده تعمليها معاهم ولما اشوفك بتنفذي ده هيبقى عارف ان انت لو قلتي حاجه زي كده هتعمليها فهيقعد وهيستجيب للاوامر فورا ممكن لوحه التعزيزات برده المشهوره ان انت لو وانت كذا نجمه هتطلع الحته الفلانيه على اللوحه دي لحد ما توصل لهنا لما توصل لهنا انت هتاخد المكافاه الفلانيه يبقى كده حب وتقبل احترام وحزن الحاجه اللي بعد كده شد وجذب انتباه الاطفال وده ليه طرق كتيره جدا غيري صوتك من عالي لواطي اعملي اصوات حيوانات العبي معاهم لعبه استخدمي وسيله تشدي انتباههم استخدمي عروسه اليد او مسرح العرايس اندمجي وانفعلي مع الحاجه اللي انت بتشرحيها وانزلي لمستواهم وخليكي عيله زيهم شفتوا الاسد حصل له ايه زعل قوي وغيره من الفعلات مثلي المشهد بكل مشاعرك هتلاقوا الاطفال قاعدين كدا اهو حرفيا بدون مبالغه حتى لو ما فيش مشاعر في القصه ارتجلي خلقي اي مشاعر اخلاقي اي اكشن المهم ان يبقى في اكشن على طول طول ما انت شغاله طيب بعد بقى النقط اللي احنا عايزين ناخد بالنا منها كلنا عشان نحسن ان عمليه التعليميه حاجه مهمه جدا ان احنا نراعي الفروق الفرديه ما بين الاطفال عندك طفل سمعي عندك طفل بصري عندك طفل حركي فلازم تراعي الفروق دي لازم تستخدمي كل الوسائل اللي تشد انتباه كل نوع من الانواع دي فهتستخدمي بقى الحركه والفيديوهات والوسائل وصوتك طيب لو طفل مش مركز معاكي وانت عايزه تلفت انتباهه وفي نفس الوقت مش عايزه تحرجيه قدام الاطفال او تسببي له مشكله نفسيه او تزودي له وقفيه وقولي له اوقفك عشان انت شاطر انا عايزاك كمان توري كل اصحابنا انت ازاي شاطر فانا وقفتك عشان نشوف شطارتك انتوا عارفين احنا لما بنعمل الطريقه دي معاهم ايه اللي بيحصل الطفل بيبقى واثق جدا في نفسه بعد كده بيبقى فرحان قوي بيتشجع جدا وكمان الاطفال اللي قاعدين معه في الفصل بيتشجعه يقولوا ايه ده هو اللي بيقول كده وبيبقى شاطر مع المس هيقوم طب انا كمان عايزه اقوم اقف انا كمان هقول لك تلاقي كله بقى ايه هاتي كده احترمتيه واحترمتي مشاعره لان هو اصلا ممكن يكون عنده مشكله بطيء الاستيعاب عنده صعوبات تعلم فانا كده خليته يستفيد وفي نفس الوقت راعيت نفسيته وشوفي بقى السوابك هيبقى عند ربنا قد ايه انا بحب جدا الاطفال دول وبحب احتضنهم قوي كل ما تعملوا كده يا جماعه هتلاقوا اللي بيحتضنكم وهتلاقوا الطفل ده متعلق بكم بالشكل مش طبيعي وهتبقوا محفورين في دماغه كده الحاجه اللي بعد كده انزلي لمستواهم وياريت دي كلمه احنا بنسمعها بس هل احنا فاهمينها بعمق انزلي بقلبك معاهم تضايقي علشان تضايقي لمضايقته افرحي لفرحه العبي معاهم من قلبك من غير اي خداع او تمثيل وهما بيفهموا ده وبيميزوه جدا افصلي كل شويه بلعبه او حاجه غريبه مده انتباه الطفل في السن دوت اللي هو من اربعه لخمس سنوات حوالي سبع دقايق طب انا كل سبع دقايق هقطع شرحي يا ستي خليهم كل عشر دقايق لو انت بتطبقي القواعد اللي احنا قلنا عليها وبتمثلي وشده انتباههم ممكن انتباههم يطول شويه ولكن برده لازم كل شويه تفصلي خليهم يريحوا ريحي ذهنهم ريحي تركيزهم العبي لعبه يقفوا يقعدوا اخلاقي او ارتجلي اي موقف يضحك هيخليهم يفصلوا خليهم يقوم يشربوا بق ميه ده علميا يعني صحيح جدا ان هو يتعمل مع الاطفال في الفاصل عايزين نكون من الذكريات الجميله في حياه الطفل اوعي تكوني سبب من الاسباب اللي ممكن تسبب للطفل اي اذى او مشكله نفسيه وان هو ياخذ على نفسه فكره هو ما كانش واخدها اصلا وان هو يبقى مش واثق في نفسه او ان هو يكره ماده او مدرسه مكان بسببنا عايزين نبقى رافه ورحمه لهم كفايه اللي هم بيتعرضوا له سواء تربيه خاطئه وطبعا غصب عن الاب والام اللي ما بيبقوش عارفين اساليب التربيه الصحيحه التنمر اللي هم بيتعرضوا له العنف والاذى والمشاهد والمواقف القاسيه اللي ممكن يتحطوا فيها غصبا عنهم فاحنا عايزين نكون سبب ان احنا نخفف عنهم مش ان احنا نزود لهم وان احنا نكون سبب ان هم يعيشوا حياه سعيده وذكريات جميله ودي رساله لك كمربيه ومدرسه انك تطبقيها مع اي طفل الاطفال دول من احلى الحاجات اللي ممكن تتعاملي معها ومن اكبر النعم اللي ربنا ممكن يمن بها علينا ان احنا نتعامل مع اطفال فارجوك حافظي على النعمه دي