الطفح الجلدي عند الأطفال إمتى عادي وإمتى لازم أقلق

اهلا بكم في حلقه جديده من دكتور كيدز مع دكتور يوسف. كثير من الاهالي بيتفاجئوا ان جلد طفلهم ظهر فجاه عليه بقع حمراء او طفح جلدي. هل ده طبيعي؟ هل دي حساسيه؟ ولا ممكن يكون حاجه خطيره؟ في الحلقه دي هنعرف الفرق بين الانواع المختلفه من الطفح الجلدي وازاي تفرق بين اللي يطمن وبين اللي محتاج تدخل طوبي. تابعوا معايا للاخر عشان تعرفوا تتصرفوا صح وتحافظوا على صحه اطفالكم. مبدئيا كده ايه هو الطفح الجلدي؟ الطفح الجلدي هو اي تغير في شكل او لون او ملمس الجلد وده ممكن يظهر على هيئه بقع حمراء او حبوب صغيره او اللي بنسميها بثور ممكن يظهر على هيئه قشور او حتى تغير عام في لون الجلد ممكن ده يكون مصحوب بحكه او اللي هي الهرش او ممكن يكون مصحوب بحراره اللي هي السخونيه او ممكن ما يكونش معاه اي اعراض ثانيه خالص في حالات كتير من الطفح الجلدي بتكون شائعه وامنه عند الاطفال اولهم واشهرهم وهو الطفح الحراري او الهيت راش وده بيظهر في الاغلب في فصل الصيف او مع السخنيه وده بيكون على شكل حبوب صغيره حمراء على الرقبه تحت الابطين او على الظهر في الاغلب بيبقى سببه هو انسداد الغدد العرقيه وعلشان كده التصرف الصحيح معاه هو التهويه الكويسه نلبس الطفل ملابس قطن ممكن نستخدم مرطبات جلد خفيفه وان شاء الله ما فيش داعي للقلق ثاني نوع وهو طفح الحفاض او الدايبر راش وده طبعا واضح من اسمه ان بيكون طفح جلدي في منطقه الحفاض في الاغلب بسبب البلل او الاحتكاك والتصرف الصحيح معاه طبعا هو تغيير الحفاضه باستمرار واستخدام كريمات الحمايه او اللي بنسميها البارير كريمز ثالث نوع من انواع الطفح الجلدي اللي مش خطيره وهو الاكزيما وفي الاغلب بيكون عباره عن بقعه جافه بقع حمراء بتسبب حكه في بعض الاحيان بتكون شديده وفي الاغلب بتكون مزمنه يعني موجوده لفترات طويله ما هياش حاجه ظهرت بشكل مفاجئ ودي بتكون نتيجه عوامل وراثيه او نتيجه حساسيه التصرف الصحيح معاها هو ترطيب الجلد بانتظام وبانتظام دي كلمه سحريه في علاج الاكزيما لازم يكون الترطيب بانتظام تجنب العوامل اللي ممكن تثير هذه الاكزيما زي بعض انواع الصابون او بعض انواع سوائل الاستحمام وممكن نحتاج بعض الكريمات الموضوعيه ولكن دي بتبقى بناء على استشاره الطبيب اخر نوع معانا النهارده ان شاء الله في الانواع اللي تطمن من الطفح الجلدي وهو الطفح الفيروسي اللي احنا بنسميه الفيرال اكزامثل وده بيظهر مع او بعد دور البرد او دور الحراره وبيختفي لوحده بعد كم يوم وده التصرف السليم معاه هو راحه للطفل متابعه للحراره وما فيش علاج خاص غير علاج الاعراض نيجي بقى لامتى نقلق او ايه هي علامات الخطر لو شفت اي حاجه من العلامات اللي جايه دي مع الطفح الجلدي لازم تروح لطبيب الاطفال فورا الطفح الجلدي معاه حراره عاليه ومش بتنزل. الطفح بيظهر بسرعه وبينتشر بشكل عنيف. الطفح لونه بنفسجي او في بقع كده زي الكدبات مش بتختفي لما تضغط عليها بصوابعك. لو الطفح الجلدي معاه تورم في الوجه او في الشفايف او لو معاه خمول شديد او صعوبه في التنفس. ولو طفلك عنده اجزما وانت عارف ان عنده ازما ولكن بقى بيخرج بشكل شديد لدرجه انه يجرح نفسه او ان الاكزما بتاعته ابتدى يظهر فيها قشور صفراء او تجمعات صديد لازم يشوف الطبيب فورا عموما بقى نختم بنصائح عامه للتعامل مع الطفح الجلد زي ما بنعمل في كل حلقه من حلقاتنا لو سمحت ما تستخدمش اي كريمات كورتيزون او كريمات مضاد حيوي بدون استشاره الطبيب نحافظ على ترطيب الجلد باستخدام كريم مناسب للاطفال مش اي حاجه موجوده عندنا في البيت وخلاص نغسل المنطقه المصابه بميه فاتره وصابون لطيف ونطبطب عليها بالفوطه ما نمسحهاش لو الطفح الجلدي مش بيختفي في فتره من خلال لثلاث لخمس ايام او بيزيد او لو ظهر عليه اي حاجه من الاعراض اللي قلنا عليها دي استشير الطبيب فورا لو الطفل طفل عنده اجزيما او حساسيه مزمنه نحاول نتعلم ايه اللي ممكن يكون مواد مهيجه لهذه الحساسيه ونحاول نتجنبها الطفح الجلدي عند الاطفال مش دايما حاجه تقلق ولكن مهم ان احنا نتعلم ازاي نفرق بين العادي وبين الخطير ودايما زي ما احنا متعودين لو عندك شك استشير الطبيب انا دكتور يوسف ودي قناه دكتور كيدز اشوفكم على เฮ