How to find research gaps using AI tools Dr Marian Ayad answerthis

اهلا بكم معاكم دكتوره ماريان عياد من قناه باحث علمي متميز مكملين مع بعض سلسله فيديوهات عن شرح ازاي نقدر نستخدم ادوات الذكاء الاصطناعي في البحث العلمي اداتنا النهارده ده تقدر تخليك تصل الى الفجوات البحثيه في الدراسات السابقه لكن قبل ما اشرح لك ازاي بتقدر تعمل كده وايه هي الاداه دي خليني اشرح لبعض الباحثين اللي مازالوا ا مش عارفين يعني ايه فجوه بحثيه مش عارفين ان الفجوه البحثيه ليها انواع مش عارفين ازاي بنحصل او طرق الحصول على فجوات بحثيه خليني سريعا كده اشرح لك يعني ايه فجوه بحثيه ريسيرش جابس هي ببساطه الحلقه المفقوده هي المنطقه التي لم يتم دراستها بعد في مجال معين هي السؤال التي لم تجب عنه الدراسات السابقه او المشكله التي لم نجد لها حلا حتى الان يعني لو اعتبرت ان المعرفه زي الصوره اللي قدامك دي زي بازل لو في جزء من البازل ده مفقود ده بنسميه فجوه بحثيه حضرتك بقى دراستك جايه تسد هذا الجزء المفقود جايه تكمل هنا الصوره علشان نصل الى معرفه كامله كل باحث بيدور على فجوه بحثيه عشان تبقى دراسته جديده مميزه هي دي الفجوه البحثيه وبالتالي لما حضرتك تقول لي هو احنا ليه بنبحث على فجوه بحثيه اقول لك لان البحث العلمي بتاع حضرتك لازم يتسم بعدم التكرار لازم يتسم بالاصاله احنا في البحث العلمي ما بنكررش ال الاعمال البحثيه ما ينفعش واحد عمل دراسه بمتغيرات معينه على نفس العينه حضرتك تعمل نفس المتغيرات على نفس العينه لا لازم حضرتك تدور لنا على الفجوه البحثيه في هذه الدراسات تمام تقول لنا المبرر لقيامك بهذه الدراسه ايه المبرر انت ليه هتقوم بالدراسه دي اسمها الفجوه البحثيه طب هل الفجوه البحثيه ليها انواع اه طبعا ليها انواع اول نوع اسمه فجوه معرفيه فجوه معرفيه معناها ان انت لما قريت الدراسات السابقه والابحاث وعملت لها مسح كده وقريتها قرايه ا جيده على الاقل حتى لو قريت حتى الابستراكت بتاع كل دراسه وانت بتقرا هذه الدراسات لقيت ان في جزء مازال ما حدش درسه في فجوه معرفيه في معلومات ناقصه ما حدش لسه وصل لها طيب في نوع من الفجوات اسمه فجوه مكانيه وزمنيه يعني ايه فجوه مكانيه او زمنيه في دراسات ممكن تلاقيها او متغير كل الدراسات قديمه كل الدراسات اللي اتناولت المتغير ده قديمه فاحنا بحاجه بقى الى دراسه ايه دراسه حديثه فدي تعتبر فجوه زمنيه او كل الدراسات اجريت في مجتمعات مختلفه و ما تمش تطبيقها على المجتمع اللي حضرتك فيه فدي تعتبر فجوه مكانيه تمام فده ثاني نوع من انواع الفجوات في البحث العلمي الفجوه الثالثه اسمها فجوه تطبيقيه يعني في بعض الدراسات اتناولت نظريه بس ما طبقهاش في ارض الواقع حضرتك جاي تطبقها في ارض الواقع او اطبقت ولكنها ما اطبقتش في بيئات معينه يعني هي اطبقت في بيئات ما اطبقتش في بيئات اخرى يبقى دي محتاجه دراسه زي المثال اللي انا مدياهول لك ده نظريه اداريه طبقت في امريكا لم تطبق على الشركات العربيه تبقى محتاجه دراسه ولا لا؟ محتاجه دراسه دي تعتبر فجوه ما اطبقتش في المجتمع المصري ماطبقتش في المجتمع السعودي ما اطبقتش في المجتمع الليبي اذا هنا هذه تعتبر فجوه تطبيقيه هناك ايضا فجوات منهجيه ركز بقى في النقطه دي انت ممكن تمسك دراسه و وتلاقي ان الدراسات كلها اللي اتناولت متغير معين كلها اهتمت بان هم يستخدموا استبيانات كلهم عمالين يعملوا استبيانات او مقاييس طب ما فيش حاجه حد بيطبق مقابله لا يبقى احنا كده في فجوه منهجيه ماحدش عمل تجربه ماحدش عمل دراسه تجريبيه لا ما حدش عمل طيب في ناس كتيره دراساتها او متغيرات تم تناولها بشكل وصفي في دراسات وصفيه مش في دراسات تجريبيه مع ان الدراسات التجريبيه تخلينا نصل الى نتائج ادق لكن ما فيش بقى انت دورت لقيت ان هنا في فجوه او معظم الدراسات كانت مستعرضه ما فيش حد اهتم بالدراسه الطوليه اللي هي الدراسه الطوليه دي اللي هي ان انت تمسك ظاهره معينه وتدرس تاثيرها على سلوك الانسان فتره من الزمن تبقى دراستك طوليه اه هنا اسمها فجوه منهجيه اخر نوع من الفجوات اسمها فجوه التناقض مسكت دراسات تناوله المتغير اللي حضرتك حابه لقيت ان بعض الدراسات توصلت الى نتائج والبعض الاخر توصلت الى نتائج اخرى اه هنا ده اسمه ايه؟ اسمه تناقض التناقض في حد ذاته ده يعتبر فجوه بحثيه حضرتك تعمل دراسه تفسر لنا السبب من وراء هذا التناقض تمام طيب خليني اجاوب بقى على الشخص اللي بيقول لي طب انا احصل منين على فجوه بحثيه حضرتك محتاج تقرا ا الدراسات سابقه بشكل ناقد وبشكل عميق ممكن حضرتك كمان تبص على توصيات الباحثين برده دول بيدونا ارشادات للفجوات البحثيه او تغيير الظروف وظهور ازمات جديده زي مثلا لما حصلت ازمه كورونا ازمه كورونا عملت فجوات بحثيه في كل ميادين العلم في الاقتصاد عايزين نعرف اثر الازمه دي في التعليم عايزين نعرف اثر الازمه دي في الطب عايزين نعرف اسباب الازمه دي فعملت فجوات بحثيه اذا الازمات الجديده تسبب في فجوات بحثيه طيب يلا بينا بقى كده نشوف اداتنا المميزه اللي تقدر تديها الدراسات وترفع لها الدراسات فتديلك فجوات البحثيه لهذه الدراسات اداتنا اسمها انسر ذس ودي شرحناها في المرات السابقه في ايقونه هنا كده اسمها ريسيرش جابس عشان اقدر اعمل انشط الايقونه دي حضرتك ممكن ترفع له ملفات من عندك على الجهاز او من المكتبه اللي انت مجهزها جوه انسر ديس بس خلينا نرفع له دلوقتي ملفات انا هدوس ابلود وبيقول لي اختار الملفات هدور على الملفات اللي انا محملاها وهعلم عليها ايا كان عددها وبدوس اوبن كده الملفات مالها بتترفع بدوس على كونتينو بيقول لي انت حضرتك رفعتي سبع ملفات اهم انا بقول له بقى انا عايزه ايه اريد الفجوات البحثيه في الملفات المرفقه وبعدين بدوس انتر هنا بقى بيبدا يقرا ويحلل ويدور على الفجوات البحثيه في هذه الملفات بعد ما انتظر كده دقايق عشان يحل لي المراجع اللي انا رفعتها له هيديني تقرير زي اللي قدامك ده بالظبط هيقول لي خلي بالك ان البحث اللي حضرتك بتدور فيه اللي انت رفعته لي بيتكلم عن الادمان الرقمي ما بين الطلاب وعندي مجموعه من الفجوات اهو هقربها لك عشان تشوفها بيقول لك اول نوع من الفجوات اسمها فجوه التصميميه او السببيه او التصاميم الطوليه بيقول لك ايه عندك فجوات بس في الايه في المعرفه بص كده بيقول لك جميع الدراسات الثلاثه الثلاث اللي حضرتك رفعتها او ايا كان عددها فيها ايه تصاميم مقطعيه تتابع الطلاب عبر فترات زمنيه متعدده لكن ما فيش دراسات طوليه ما فيش دراسات طوليه ده معناه ان حضرتك مهم جدا تعمل دراسه طوليه تشوف تاثيرها على سلوك الايه الانسان على مدى زمني طويل وبيشرح لك بعد ما جاب لك الفجوه البحشيه البحثيه بيقول لك هي لس مهمه وبيديلك بقى اقتراح انت ممكن تعمل دراسه طوليه وبيدي لك اقتراح لهذه الدراسه النوع الثاني اسمه فجوات جغرافيه وثقافيه دي لسه شارحينها اه ده الدراسات اللي انت رفعتها لي دي في منها اجريت في الصين وفي منها اجريت في ايران لكن ما زالت في بيئات ما حدش تناولها خلي بالك كمان عندك فجوه في فهم الاليات والعمليات يعني ايه بقى يعني انت رفعت لي مراجع وتوصلت الى ان في علاقه ما بين التراكم الرقمي والفشل المعرفي بس ما فهمتناش الاليه من العلاقه دي ما فهمتش ازاي حصل الضرر ده او العلاقه دي حصلت ازاي وبالتالي طالما انا ما فهمتش العلاقه كويس يبقى مش هقدر اوصل الى استراتيجيات وقائيه فبيديلك اقتراح تاني لبحث تجريبي تقدر من خلاله تجري دراسه جديده وادي كمان بيقول لك الفجوه المنهجيه انا شرحت لك المقدمه السابقه عشان تفهم اللي هيعرضهول لك ده الفجوه المنهجيه يعني ايه فجوه منهجيه يعني اهو بص بيقول لك معظم الدراسات اهتمت التقرير الذاتي استبيانات التقرير الذاتي ما فيش حد انا مهم انك تعمل دراسه عن تكون فيها مقاييس موضوعيه يكون في بص ادوات جديده زي المقابلات زي الملاحظات طيب وبيديلك اهو الاتجاه البحثي انك تعمل ايه في برده فجوات اهو لسه قايلين عليها الفجوه في التطبيق فجوات في التطبيق دراسات اطبقت بشكل معين لكن انا بقترح عليك انك تطبقها بشكل اخر كل دي اسمها فجوات بحثيه طيب وفي نهايه هذه الفجوات سريعا كده بيعرض لك اقتراحاته عارف انت لما رفعت لي الملفات دي انا شايف ان اهم حاجه من اولوياتك انك تعمل دراسه طوليه او انك تعمل دراسه مقارنه عبر الثقافات وبيدي لك امثله للابحاث اللي انت ممكن تستخدمها او كمان تعمل حاجه اسمها دراسه مختلطه يعني ايه دراسه مختلطه يعني تستخدم مقاييس موضوعيه مع البيانات النوعيه تبقى دراستك مختلطه فيها جزء كمي وجزء ايه كيفي جزء كمي و رقمي وجزء ايه نوعي دي الاداه بتاعتنا الرائعه اللي اسمها ايه اللي اسمها انسر ذس كل اللي عملته ان انا رفعت له بيانات رفعت له سوري ملفاته وطلبت منه ايجاد الفجوه البحثيه انا كده خلصت شرح اداتنا النهارده وشرحنا يعني ايه فجوات بحثيه اتمنى ان احنا نكون فهمنا وبالتوفيق